ەەڭ جاڭا مازمۇندار
دەنە تاربيەدە قۋاتتى مەملەكەت بولۋ ارمانىنا تالپىنىپ، قايراتتانا العا باسۋدىڭ جاڭا تاراۋىن جازدى
14- كەزەكتى مەملەكەتتىك سپورت جارىسى شانشيدىڭ شي - ان قالاسىندا سالتاناتپەن باستالدى
مەملەكەتتىك ۇلت ىستەرى كوميتەتىنىڭ ۇلتتار ىنتىماعى، العاباسارلىعىنداعى ۇلگىلى ورىن قۇرۋدى ارناۋلى تاقىرىپتىق تەكسەرۋ -زەرتتەۋ گرۋپپاسى ايماعىمىزعا كەلىپ تەكسەرۋ -زەرتتەۋ جۇرگىزدى
قۋانىشتى حابار! تارباعاتاي راديو -تەلەۆيزور داشۋەسى كايفاڭ داشۋەسى بولىپ دارەجەسىن جوعارىلاتتى
كوشپەلى شاعىن ساباقحانا پارتيا تاريحىن ۇيرەنۋدى ىلگەرىلەتتى
قىستاق دارەجەلى مادەنيەت بازاسى قۇرىلىسىن كەمەلدەندىردى
جىڭ ياشىڭ: قىزىل بۇرىش مەكەنىنەن شىققان تاپقىر
ايماق ساياسات شىعارىپ، شينجياڭ تارباعاتاي ءتۇيىندى دامىتۋ، ەسىك اشۋ سىناق رايونىن جوعارى ساپادا قۇرۋدى جەدەلدەتتى
دۇڭ حايتاۋ _____ «ون ساۋساعىنان ونەر تامعان» اۋىل-قىستاق وقىتۋشىسى
ءبىر جاقتا قيىنشىلىق بولعاندا، بارلىق جاق كومەكتەستى
قيىنشىلىق قىسپاعىنان قۇتىلۋلارىنا شىن نيەتىمەن كومەكتەستى
تىكە تاراتىلىمدا زات ساتىپ كىرىستى ارتتىردى
اكىمشىلىك مەكەمەسى 2021-جىلعى 15-رەتكى ۋاليلەر قىزمەت ءماجىلىسىن اشتى
ماڭىزدى ءسوزدىڭ رۋحىن جۇرت جۇرەگىنە ۇيالاتتى
2021-جىلى 9-ايدىڭ 16-كۇنى 212سان
دوستىق سۇيىسپەنشىلىكتەرىن نىعايتىپ، جۇرەكتەرى توعىستى
شاعىن اۋلادا جاساعان ۇگىت لەكسيا حالىق تۇرمىسىمەن جاناستى
اكىمشىلىك مەكەمەسى 2021-جىلعى 15-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى پارتيا باسشىلىق گرۋپپاسى نازاريا ۇيرەنۋ وزەكتى گرۋپپاسىنىڭ توپتىق ۇيرەنۋىن وتكىزدى
سىرعا تولى عىلىم-تەحنيكا الەمىنە ساپار شەگەيىك
يمپورت-ەكسپورت ونىمدەرىن مانەرلەۋ باقشا رايونى قۇرىلىس قارقىنىن جەدەلدەتتى
2021-جىلى 9-ايدىڭ 15-كۇنى 211سان
امەريكانىڭ ءناسىل كەمسىتۋ ماسەلەسىنىڭ تامىرى تەرەڭدە جاتىر
وتاندى قورعاۋ، شەكارانى كۇزەتۋ مىندەت جاۋاپكەرشىلىگىن ادالدىقپەن جاقسى اتقارىپ، پارتيا مەن حالىق ءۇشىن تاعى دا تىڭ ەڭبەك سىڭىرۋگە قۇلشىنۋعا شابىتتاندىردى
”اعا - باۋىرلار“ قول ۇستاسىپ، شينجياڭ حيكاياسىن جاقسى اڭگىمەلەدى
قىستاقتاعى تۇستەن كەيىنگى ارەدىك شاي
ىلە وبلىسى: نازاردى بۇقارا كوڭىل ءبولىپ وتىرعان ىستەرگە شوعىرلاندىرىپ، حالىق تۇرمىسىنداعى قيىن ماسەلەلەردى شەشتى
الدىڭعى 8 ايدا رايونىمىز ورنالاستىرعان توتە كەلگەن قارجى 100 ميلليارد يۋاننان استى
”بارىنشا قۇلشىنىپ، بۇقاراعا قىزمەت وتەيمىز“
كۇشار قالاسى يۇڭكۋ ىنتىماق قىستاعى: جۇرتتىڭ ءبارى ىنتىماقتى دارىپتەدى، بارلىق ىستە ىنتىماقتى كوزدەدى

اتا مۇراسى-اكەمنىڭ دە ۇلى مۇراتى ەدى دەپ…

جولدانعان ۋاقىتى : 2015/1/13 16:41:42

اتا مۇراسى-اكەمنىڭ دە ۇلى مۇراتى ەدى دەپ…
\\\







 
ايبىنبەك مۇسايىر ۇلى
 
    قازاق حالقىنىڭ اتادان بالاعا، ۇرپاقتان-ۇرپاققا مۇرا بولىپ جالعاسىپ، ۇزدىكسىز دامىپ، كەمەلدەنە تۇسكەن، ءداستۇرلى ويىن تۇرلەرىنىڭ ىشىندەگى مەزگىل، ۋاقىت، ورىن دەمەي، ەر-ايەل، كارى-جاسقا بولمەي الىپ بارىلاتىن، سوسىن دا ءبىرشاما بۇقارالىق سيپات العان، ءتىپتى ابىرويىن اسىرىپ، الىس جەرلەرگە ارنايى ىزدەپ بارىپ، سىناسىپ جاتاتىن وينىنىڭ ءبىر ءتۇرى-دويبى وينى.

  مىنە، وسىنداي سىناسۋدىڭ ءبىرى  جىلقى جىلى 20-جەلتوقساندا شاۋەشەك قالاسىنداعى ءبىر ازاماتتىڭ وتباسىندا بولدى. اكە مۇراتىن ارداقتاعان اسەر يماممادى ۇلى ەسىمدى بۇل جىگىتىمىز الدىمەن اتا سالتقا قۇرمەت ەتىپ، اقسارباس مالعا باتا جاساتتى. سەنبى بولسا دا تاڭەرتەڭ ەرتە باستالىپ، ءبىر كۇن ۋاقىت كەتەر دەپ مەجەلەنگەن قيمىل توپ-تولىق ءبىر جارىم كۇندىك ۋاقىتپەن، ياعني ەرتەڭىندە ءتۇس قيا مارەسىنە جەتتى. شاۋەشەك قالاسى، شاعانتوعاي، ءدوربىلجىن، تولى اۋدانىنان 15 ادام كەلىپ، 4 گرۋپپاعا ءبولىنىپ سايىسقا ءتۇسىپ، جەكە اۋلادا وتسە دە اسا ءبىر جۇيەلى، مادەني، ءماندى جۇرىلگەن قيمىل بولدى. قيمىلعا مۇرات ءماسالىم ۇلى،  قىدىرحان مۇقاتاي ۇلى، دۇيسەن نۇرعالي ۇلى، مادەنيەت مۇقاتاي ۇلى قاتارلى باسشى، اقىن-جازۋشىلار جانە كەزىندە «دويبى جۇلدەگەرى» اتانعان مارقۇم يماممادى بايعالي ۇلىنىڭ ارتىندا قالعان ۇرپاقتارى الىس-جۋىقتان كەلگەن ءبىر ءبولىم تۋىس-تۋعاندارى قاتىناستى.

  ايماقتىق ساياسي كەڭەس قىزمەت كوميتەتىنىڭ بۇرىنعى ورىنباسار مەڭگەرۋشىسى مۇرات ءماسالىم ۇلى: «كورنەكتى قوعام قايراتكەرى، زاڭگەر،   اقىن، دويبى زەرتتەۋشى ءارى دويبى جارىسىنىڭ مايتالمانى، جۇلدەگەر مارقۇم يماممادى بايعالي ۇلىنىڭ 80 جىلدىعىن ەسكە ءتۇسىرۋ بايلانىسىمەن ۇرپاقتارى ءوزىنىڭ بۇرىنعى اۋلاسىندا دويبى جارىسىن وزدىرىپ وتىر. دويبى جارىسىنىڭ جەكە وتباسىندا مۇنداي دابىرالى وتكىزىلۋى ايماعىمىز، اۆتونوميالى رايون كولەمىندە تۇڭعىش رەت دەسەك تە بولار. قاباعات قۋانىشتى ءىس، ونەگەلى ۇرپاقتىڭ اكە قادىرىنە جەتكەندىگىنىڭ، اكە ارۋاعىنا قۇرمەت ەتكەندىگىنىڭ ءبىر بەلگىسى. باسقا جاستارعا ۇلگى، ونەگە كورسەتىپ وتىر. ۇرپاقتارىمىز قاشاندا وسىنداي جاڭالىقتار جاراتىپ، تىڭ تەبىندەر تانىتا بەرسىن» دەگەن تىلەگىن ايتقان ەدى قيمىلدىڭ باستالۋىندا. وسىدان كەيىن ايماقتىق قوعام حاۋىپسىزدىگى مەكەمەسىنىڭ پەنسيونەرى سايرامقان قابىلقان ۇلى كوڭىل بولەتىن ىستەر مەن قاتىستى ەرەجەلەرىن ەسكەرتىپ، قيمىل باستالدى دا ءار مايدان ناتيجەسى تىزىمدەلىپ، گراپپالاسىپ، جاريالانىپ ارىعا جالعاستى.

  «ەكەۋىنىڭ ون ەكىدەن اسكەرى بار،ءبىر-ءبىرىن جەڭە الماي كوپ    ۇرىستى» دەگەندەي، ءبىر جارىم كۇنگە ۇلاسقان بۇل سايىستا ءوزى ايتقانىنداي اكە مۇراتىن، ۇلت مۇراسىن ۇلىقتاي  ءبىلىپ، اكەسىن ەسكە الار ءماندى قيمىل وزدىرىپ، ءداستۇرلى دويبى جارىسى ۇمىتىلىپ كەتپەي ۇرپاقتان-ۇرپاققا ۇلاسا بەرۋىن ماقسات تۇتقان اسەر جالپى قيمىلعا قاتىناسقان 40 قا جۋىق ادامدى كۇندىزى اس-سۋىن دايىنداپ كۇتىپ السا، كەشكىسىن    الىستان كەلگەندەرىن قونالقىعا ورنالاستىرىپ، قيمىلدىڭ ەستەلىگى    ءۇشىن ارناۋلى تۇسكەن توپتىق سۋرەتىن ۇستىندە قولدارىنا تابىس ەتىپ دەگەندەي، اعا-جەڭگە، اپەكە-جەزدە، ءىنى-قارىنداس بولىپ جاقىندارىنىڭ سيلاستىعى مەن اقىلىندا ەش شاشاۋ شىعارماي، بار جۇمىسىن اسا ءبىر پىسىقتىقپەن ورنىن تاپتىرىپ وتىردى.

  ءيا، دويبى وينى دەپ تە اتاعانىمىزبەن ءبىر وزىنەن ۇلتىمىزدىڭ سان سالت-سانا، عۇرىپ-ادەتى مەن ءتۇرلى مادەنيەتى مەنمۇندالاپ، حالقىمىزدىڭ وزىنە عانا ءتان تىلدىك، ماتەماتيكالىق، قوعامدىق، فيلوسوفيالىق الۋان بىلىمدەرىن قامتىپ كەلەتىن ەجەلگى     اقىل-پاراساتىنان تۋىنداعان قازىرگى كۇندەگى بوگەنايى بولەك ۇلتتىق سپورتتىڭ ءبىر ءتۇرى عوي. كۇيى كەلسە «ەكى الىپ بيگە شىعۋ»، جايى كەلسە 6، 7 ءجۇرىس ويلاپ جۇرۋدەي مىڭ ويلانىپ، مي جۇگىرتۋدى قاجەت ەتەتىندىكتەن دە كوبى 40-50 دىڭ ىشىندەگى اۋىل ءۇي اراسى، اۋدان، وبلىس كولەمىندەگى سان سايىسقا ءتۇسىپ جۇرگەن ساڭلاقتار دەگەنىمىزبەن، اراسىندا  70 تى القىمداعان قارتتارىمىز بولعاسىن، دەنساۋلىق جاعدايىن، ياعني ۇيلەسىمدى دەم الىپ، سايىستا وي-ورىستەرىن تولىق ساۋلەلەندىرۋى ءۇشىن لايىقتى ۋاقىتىندا دومبىرا شەرتىلىپ، ءان ايتىلىپ، كەيدە ولەڭ وقىلىپ، مي سەرگىتىپ وتىردى. ايتالىق، ءانشى جاناي ابدىراحمان ۇلى  يماممادى بايعالي ۇلىنىڭ «قايران زامان» دەگەن ولەڭىنە ءداستۇرلى اۋەندە جازعان ءوز ءانىن ورىنداپ، قيمىلدىڭ قىزىعىن اسىردى. اراسىندا دويبى جايلى ەت قۇلاقتارىمەن ەستىپ، كوزدەرىمەن كورگەن نەلەر قىزىقتى، تاڭ قالارلىق اڭگىمەلەر ايتىلىپ، «ءبي ءولتىرۋ»، «ۇزىن ۇيدە ءۇش تاسپەن ءبىر ءبيدى ۇستاۋ»، «ويىنشى ورتاسىنان...» دەپ ورتاڭعى تاستان باستاپ ويىن شىعارۋ دەگەندەيىن اسا ءبىر وي جۇگىرتىپ، ونەر كورسەتەتىن كەزدەرىمەن دە سان سىناسىپ جاتتى.

  «تولى اۋدانىنان شاقىرىلعان ۇشەۋ ەدىك، بىرەۋى اۋىرىپ كەلە الماي قالدى، جارقىن دەيتىن جاس جىگىتىمىز بار، سول ەكەۋىمىز كەلدىك،-دەپ وتىرعان ورتاداعى ۇلكەنى 76 جاستاعى احىمەت ايكەنوۆ ەسىمدى ۇلكەن كىسى اعىنان اقتارىلا تەبىرەنىسىن بىلاي جەتكىزىپ جاتتى،-يماممادى دويبىنىڭ جۇلدە بەرمەس جۇيرىگى بولاتىن. ول كەزدە دويبىنى جاقسى ويناي الماعانىممەن، ءبىزدىڭ تولىدا ايتقازى دەيتىن جانە باسقا دا دويبىشى اعالارىمىز بولعان،  وسىندا كەلسە، بۇل كىسى ۇيىنە شاقىرىپ الىپ، تاڭ اسىرىپ دويبى   وينايتىنىن تالاي ەستيتىنبىز. بۇگىن ورداسىنا، ۇرپاقتارىنىڭ ىشىنە كەلىپ وتىرمىز. ءوز باسىم اكەسى دويبىشىنىڭ ۇرپاقتارىنان مۇنداي ءوز قاراجاتىمەن جارىس اپارعانىن كورمەگەن ەدىم. قازاقتا ءبىر ماقال بار، ‹ءشوپ شىققان جەرىنە› دەيتىن، بالالارىنىڭ مىنا جارىستى وزدىرۋى وتە جاقسى بولدى. كوڭىل كوتەرىڭكى، سول كىسىنىڭ ءبىر مەرەي    تويىنداي قۋانىشتا وتىرمىز».

  باۋراعىشتىعى مەن قىزىعى سول بولار، ەكىنشى كۇنگى شەشۋشى مايدانى ءدال تۇسكى تاماقتىڭ ۋاقىتىندا ءجۇرىلىپ جاتتى. سوڭىنان وسى ويىندا قابىلەتى كۇشتى، ورامدىلارى؛ ارىپتەسىن اڭدي سىناپ، ءار ويىننان تاجىريبە قورىتىپ، جۇيەلى ءجۇرىس،  الۋان تاكتيكالارمەن اسكەرىن مىقتى قورعاپ، كوپ مايداندا ۇتىس بەرمەي شايقاسىپ سوڭىنا جەڭىسپەن جەتكەن ساربازدار 4 دارەجەگە ءبولىنىپ جەكە-جەكە 800 يۋان، 700 يۋان، 600 يۋان، 500 يۋاننان اقشالاي جانە زاتتاي سيلانىپ، «تارباعاتاي جۋرنالىنىڭ» باس رەداكتورى مادەنيەت مۇقاتاي ۇلىنىڭ دەمەۋىندە «دەرەكتى ادەبيەت»، «شالقىمالار»، «ولەڭدەر»، «پوۆەستتەر»، «اڭگىمەلەر» سىندى بەس تومنان تۇراتىن «جۇڭگو وسى زامان ادەبي تۋىندىلارىنان تاڭدامالىلار» كىتابى ۇسىنىلىپ، ال قالعاندارىنا ەستەلىك بۇيىم تاراتىلدى. بىرىنشىلىكتى ايماقتىق قوعام حاۋىپسىزدىگى مەكەمەسىنىڭ پەنسيونەرى سايرامقان قابىلقان ۇلى، ەكىنشىلىكتى تولى اۋداندىق دەنساۋلىق مەكەمەسىنەن دەمالىسقا شىققان جارقىن دولان ۇلى، ۇشىنشىلىكتى شاۋەشەك قالالىق قارۋلى ساقشى ءبولىمىنىڭ ساقشىسى ءداۋىت وسپانباي ۇلى ەنشىلەسە، تورتىنشىلىك شاۋەشەك قالالىق مادەنيەت-دەنە تاربيە، راديو-كينو-تەلەۆيزيا مەكەمەسىنىڭ قىزمەتكەرى ىبىراي  مامەتكە بۇيىردى.

  اتالارىمىز جاز جوتادا مال كوزدەپ  وتىرىپ، كەزىگە قالعانىمەن سىناسا كەتەتىن؛ قىسىندا كەشكىسىن وتارداعى مالىن قورالاپ قويىپ، ۇزاق  ءتۇننىڭ تاڭىن سايىسپەن اتىراتىن دويبى وينى ۇرپاق ساناسىنان ءوشىپ قالا ما دەپ الاڭداپ جۇرسەك، بۇل كۇندەرى ءالى دە اۋىلداعى اقساقالداردىڭ بەرەكەلى وتباسىندا جالعاسىپ، قالاداعى قارتتاردىڭ قيمىل ورتالىعىنداعى ويىندارىنىڭ ءبىر تۇرىنە اينالىپ، بۇقارالىق سيپاتىنىڭ كۇشەيۋى، اۋەلى، اۋدان، ايماق، وبلىس دارەجەلى جارىس بولىپ وزدىرىلىپ، ۇلتتىق سپورت تۇرىنە كوتەرىلۋى، شىنىندا، كىسىنى شاتتاندىرادى. ال اكە مۇراتىن جالعاستىرعان ىسكەر ازاماتتىڭ ۇلاعاتتى ءىسى جاستارعا ونەگە بولىپ، ۇلاعاتتى ۇلت مۇراسى ۇرپاقتارعا ۇلاسا بەرگەي.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn