ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

جىبەرىلمەگەن حات

جولدانعان ۋاقىتى : 2015/1/26 10:45:32

ءابدىلدا تاجىبايەۆ

  مەن الماتىدان موسكۋاعا وقۋعا ۇشاردا قاسىم امانجولوۆقا ارنايى سوعىپ كەتكەمىن. قاسىم كابينەتىندە جەڭىلدەۋ بىردەڭەنى جامىلىپ، دەم الىپ جاتىر ەكەن. مەن ۇيگە كىرگەن سوڭ شاپشاڭ تۇرىپ، بەتىن شايىنىپ كەلدى.

  -مۇنىڭ قىزىق بولدى-اۋ، ابەكە،-دەدى مەنىڭ تىزەمدى باسا وتىرىپ.-قارتايعاندا شاكىرت بولعانىڭ قالاي؟

  -ەرتە تۋىپ كەش قالىپسىز-عوي، قاسەكە، قولدى وسىلاي كەش سەرمەۋگە تۋرا كەلدى،-دەپ مەن شىنىمدى ايتامىن.

  -قيماعان سوڭ ايتىلعان ءسوز-عوي... جاڭا عانا دۇرىستاپ دوستاسىپ، سىرلاسا باستاپ ەك،ورنىڭ ۇڭىرەيىپ قالاتىن بولدى مەن ءۇشىن.

  -ماعاندا سەنى تاستاپ كەتۋ-جەپ-جەڭىل بولىپ تۇرعان جوق.

  -ءبىز پىكىرىمىز قابىسپاسا قارسى داۋ ايتۋعا ەرىكتى دوستار بولىپ ەدىك. كەلىسپەسەك كەلىسپەدىك دەۋشى ەدىك، ودان دوستىعىمىز  السىرەمەيتىن  سياقتى ەدى.

  -دوستىقتىڭ بەينەت بولماي، زەينەت بولۋى  دەگەن  سول    ەمەسپە؟!

  -شىن دوس-جىلى ساۋلە، سالقىن بۇلاق، سامال جەلمەن بىردەي. ءبىزدىڭ دوستىعىمىز وسى دارەجەگە جەتەدى-اۋ دەپ ءسۇيسىنۋشى ەدىم، ابەكە.

  -جەتەدى، جەتكىزەمىز، قاسەكە. تەك سەن اۋرۋ-سىرقاۋ دەگەندى سىلكىپ تاستاپ، قايتا قوسىل قاتارعا. مەن وقۋ ءبىتىرىپ جەتىلىپ كەلگەنشە، قۇرىق سالدىرماس قۇر اتتاي  بولۋعا تىرىس.

  -قولدان كەلسە، وعان نە جەتسىن. حات جازىسىپ تۇرايىق، بارعان سوڭ تولىق ادىرەسىڭدى جىبەرەرسىڭ، ابەكە.

ءبىز ساپەننىڭ ادەمى شايىن ءىشىپ بولعان سوڭ تۋىستارشا قۇشاقتاسىپ، كوزىمىز بۋلانىپ قوشتاستىق. قاسىمنىڭ ناۋقاسى كۇشەيىپ، دارىگەرلەر كۇدىگى كوبەيە تۇسكەن سايىن، مەنىڭ ىشتەي شوشىنۋىمدا كۇشەيە تۇسكەن ەدى. جاپ-جاس اۋزى بۇلبۇل، اياعى ءدۇلدۇل قاسىمسىز ءومىر ءسۇرۋ دەگەن مەنىڭ ۇعىمىما سيمايتىن. ءبارىمىزدىڭ اۋزىمىزدان ولەڭى تۇسپەيتىن قاسىمدى جوعالتۋ مۇمكىن ەمەس سياقتى دا كورىنەتىن، ايتسەدە اۋىر ەدى قاسىمدى ويلاۋ...
جىگىت ول جاقسىلىققا جانى قۇشتار،
بويىندا بۇرقىراعان تاسقىن كۇش بار.
ويىندا بۇكىل دۇنيە ساۋلەلەرى،
كوز نۇرىن الداي الماس قۇبىلىستار.

  وسى ەمەسپە قاسىمنىڭ ءوزى؟ قالاي جەڭىلەدى ول اۋرۋدان دەيمىن. مەن موسكۋاعا بارىسىمەن باسقا تىرشىلىككە اۋىسىپ كەتتم. باسقا ورتا، جاڭا مىندەتتەر نەداۋىر مەزگىل موينىمدى وزگە جاققا بۇرعىزعان جوق.

ءبىر كۇنى ۋاقىت تاۋىپ، كوڭىلىمنەن شىقپاي جۇرگەن قاسىمعا حات جازدىم. ول حات مىناۋ: « قاسىمجان! ‹جان› دەگەنىم جانىمنىڭ ءسوزى. وسىندا كەلگەلى ءبىر مەزگىل ويىمنان شىققان جوقسىڭ. كەيدە جۇدەۋ كورىنەسىڭ، كەيدە اجەپ ءتاۋىر بولىپ وڭالعانداي،  ولەڭ  باستاعالى  وتىرعانداي كورىنەسىڭ. سەنى بىرنەشە رەت تۇسىمدەدە كوردىم. ويلاعانىمدايسىڭ. بىردە جۇدەۋلەۋ، بىردە كوڭىلدى بولىپ جۇرەسىڭ.وسىنىڭ ءبارى سەنىڭ سىرقاتتىعىڭا بايلانىستى سەزىنۋلەر بولۋ كەرەك. سارادان ەكى-ءۇش رەت سۇراپ ەدىم: ءبىر قالىپتى، ءوزىڭ كورگەندەي دەگەندى ايتادى. يللاھيم، ءتاۋىر بول. بويىڭداعى، ويىڭداعى جالىندى كۇشتەر شيپاڭ بولسىن، پاناڭ بولسىن. تالاي تىڭ جىردى كەسەل قۇرساۋلاپ جاتقانى كوبىمىز ءۇشىن كۇيىنىشتى نارسە. ەشتەن كەش جاقسى، ايىعىپ كەتسەڭ بۋلىققان ۇندەر، ىركىلگەن سوزدەر توگىلىپ-توگىلىپ كەتەر، كىدىرگەن مەرزىمنىڭ ولقى جەرى تەز-اق تولىعار. تەك سونىمەن سۇيسىنەتىن بولايىق.

  موسكۋاعا كەلگەلى شىنى-اق وقۋشىعا اينالىپ الدىم. سارا ايتقان شىعار، ءالى سىرتتا تۇرامىن. ءالى ماشينامەن قاتىنايمىز، وقتا-تەكتە بولماسا قالادا تۇراقتاپ، ويداعىداي بىردەمە تىندىرعان كەزىمىز جوق.

  جەتىدەگى ەركىن وتكىزەر ءۇش كۇندەدە سىرتتامىن. وسى كۇندەردە وقۋدان باس  كوتەرمەيمىن. ءۇش ايدىڭ ىشىندە ورتا عاسىر، قايتا ورلەۋ ءداۋىرى جانە 18-عاسىرداعى ەۆروپا، روسسيا ادەبيەتىنەن كوپ نارسە وقىپ تاستادىم. 19-عاسىردىڭ ادەبيەتىمەن كومىلىپ جاتىرمىز. سوڭعى 20 كۇننىڭ ىشىندە توپەپ وقىپ جۇرگەنىم گوركي مەن بالزاك. تىم بولماسا جاڭا جىلعا دەيىن ءبىرىڭعاي وقۋعا قاراپ، تىڭايىپ العاندى ماقۇل كوردىم. ادەيى كەلگەن سوڭ قاقتىعىسىپ بوس ءجۇرۋ،الاتىنىمدى الماۋ، جاڭارماۋ، ءنار قوسپاۋ دۇرىس بولماس ەدى.
           ............
  ەندىگى ءبىر ۇلكەن  ماسەلە ءبىزدىڭ موسكۋاعا كوشۋىمىزگە بايلانىستى. وندا قالىمىز ءتىپتى جاقسارىپ كەتەدى. ءۇمىتسىز  ەمەسپىن، جاقىن ارادا-اق جاقسى دا، جايلى ورنالاسىپ قالۋىم مۇمكىن. وندا سەنىمەندە تەلەفونداسىپ تۇراتىن بولامىز. ايتباقشى، ءرازيا حانىم ساعان بارعان ەكەن، ءۇيىڭدى جوندەپ بەرەتىن بولدى، بۇدان بىلاي قاسىمعا ىلتيپات كۇشەيەدى دەگەندى ايتتى. ونىسىنا قۋانىپ قالدىم.

             اعاڭ ءابدىلدا

  1956-جىلى جەلتوقساننىڭ 4-جۇلدىزىمەن ەرتەمەن موسكۋاعا ساباققا كەلىسىمەن الدىمەن ادەت بويىنشا حات-حابار ىزدەدىم. قاسىم امانجول قايتىس بولدى دەگەن تەلەگرامما الدىم. سونداعى جىبەرىلمەي جابىق قالعان حاتتى بۇگىن قايتا اشىپ وتىرمىن. مۇمكىن بۇل دا كەرەك شىعار دەپ ويلايمىن.

  كورگەن بىلگەنىڭدى تىزە بەرۋ قيىن جانە قاجەتتە بولماسقا كەرەك. مەنىڭ موسكۋاداعى ەكى جىلعى وقۋىمدا 1956-جىلى تامامدانىپ، جۇرت قاتارلى مەن دە جوعارى ادەبيەت كۋرسىن ءبىتىردى دەگەن كۋالىك الدىم جانە ءساتى ءتۇسىپ، سول جىلى 4-ماۋسىمنان باستاپ ەۆروپانى ءبىر ايدا اينالىپ شىعاتىن تۇريستەر كەمەسىمەن ساپارعا شىعىپ كەتتىم.

  ءوز باسىم بۇل ساپاردان باي اسەر الىپ، نەداۋىر جاڭعىرىپ،تولىعىپ قايتتىم. ارينە جەدەل ءجۇرىس، ايلىق ساپاردا بۇكىل ءبىر كونتينەتتى ارالاپ شىعۋ تىم جەڭىلدەۋ كورىنۋى دە مۇمكىن. ءۇش -ءتورت كۇن گرەسسيا، يتاليا، ايتبەسە فرانسيانى ءبىلىپ شىعۋ ءۇشىن تىپتەن از. ايتپەسە كورمەگەننەن كورۋ جاقسى ەكەنىن كوزىم جەتىپ ورالدىم. ۇيىمداسا قيمىلداعان، بەلگىلى پروگرامما بويىنشا ارالاعان، بىرلەسىپ قاراعان مىڭداعان كوزدەر كوبىرەك كورىپ، كوبىرەك قانىعادى ەكەن. افينا، ريىم، پارجدەردى بۇرىن تۇك بىلمەي  بارىپ  كورۋمەن ولارعا سىرتتان قانىق بولىپ، قىزىنىپ ءجۇرىپ كورۋ، ارينە ءبىر ەمەس. سوندىقتان بولۋ كەرەك، ول قالالار ماعان بەيتانىس جان دۇنيەلەردەي كورىنگەن جوق. مەن بۇلاردا  بۇرىن، ەرتەرەك  كەزدە بولىپ، قازىر ۇمىتا باستاعان شاعىمدا قايتا سوققانداي، ەسكىرە باستاعان بۇلدىر ەلەستەر قايتا اشىلعانداي اسەرلەندىم.

  ءبىر اي ۋاقىتتىڭ جارتىسىنا جۋىعىن  تەڭىزدەردە،  كەمە  ۇستىندە وتكىزۋدە - ەلۋدى   القىندىرىپ قالعان ماعان كەرەمەت جاڭالىق ەدى. كەيبىر تۇندەردى پالۋبادا وتكىزىپ، اتقان تاڭ، شىققان كۇندەردى باقتىم. مەن تەڭىزبەن تۋىستىق تاپقانداي سەزىندىم. كەيدە كۇرسىنگەن تەڭىزدىڭ الدە نەلەردى  وزىمە ارناعانىن اڭعارعانداي بولامىن. مەن الماتىدا ءتاڭىرى تاۋ باسىندا تۇرعانداي ءتۇسىنۋشى ەم، قازىر سول ءتاڭىرى تەڭىزگە اينالعان سەكىلدى  ماعان. ودان  مەن تىلەكتە تىلەيمىن:

  سەنەن ۇلى بولعان ەمەس ءبىر اقىن،
  جىرىڭ قانداي، جىرىڭ قانداي سۇراپىل!
  اراسىندا بۇرقىراعان دۇلەيدىڭ،
  ءتۇن جامىلىپ جىلاپ تۇرىپ تىلەيمىن:
  جۇرەگىڭنىڭ بولشەگىن بەر،
  ولەڭىڭنىڭ ولشەمىن بەر،
  ول از دەسەڭ ءوزىمدى دە ال،
  تولقىنىنا اياماي سال.
  يا، كۇيرەيىن، كۇل بولايىن،
  يا، تەڭىزگە اينالايىن!

  مەن ومىرىمدە ءوزىمدى تەڭىز ۇستىندەگىندەي ۇلى سەزىنىپ كورگەن ەمەسپىن. مەنىڭ ءبىر ايدىڭ بويىندا ءبىر كۇن ولەڭ جازباعان كۇنىم جوق. كەيدە ءسابي كۇننەن وزىمىزگە ۇستاز بولعان حالىق  اقىندارىنىڭ ۇلگىسىمەن كورگەندەرىمدى، بىلگەندەرىمدى  سول  قالپىندا   ولەڭگە اينالدىرامىن. مۇمكىن ولاردىڭ كونى ناتۇراليزم بە، سحماتيزم بە-تاعى نە ءبىر سونداي پالەلەرگە  ۇسايتىن  شىعار. ءبىراق مەن سونىڭ ءبارىن حالىق يمپروۆيزاتورلارى سياقتى قابىلداعانىمدى وسى كۇنگە دەيىن ماقتان كورەمىن.

  بۇل ساپاردا تاپقان  ۇلكەن ولجامنىڭ ءبىرى-كوپ ادامدارمەن تانىستىم. سولاردىڭ ىشىندە جاقىن دوستاسقان ادامىمنىڭ ءبىرى الەكساندر  ميحايلوۆيچ گىراسيموۆ. بۇل كىسى ازعانا كۇندە-اق اعامداي، اكەمدەي دە بولىپ كەتتى.  وعان  مەنىم تۇندەردە  ۇيىقتاماي  كايۋتادا   وتىرعانىم ۇناپتى.

  ءبىر كەشتە ول، جۇرت سيرەگەن كەزدە ادەيى ماعان جاقىن كەپ وتىرىپ سوزگە تارتتى. مەن الماتىلىق قازاق ەكەنىمدى ءتۇسىندىردىم. «اقىنمىن » دەدىم مۇلايىمسىمەي.

  -ولەڭ وقىشى قازاقشا،-دەدى تىڭداۋعا يكەمدەنىپ.

  -تۇسىنبەيسىز-عوي. الەكساندر ميحايلوۆيچ.

  -تۇسىنبەسەم تۇسىندىرەسىڭ. جاقسىلاپ وقى، مۋزيكاسىن اڭعاراتىن بولايىن.

  مەن قاراتەڭىزدەن ءوتىپ بارا جاتقاندا جازعان تەڭىزگە تىلەگىمدى وقىپ بەردىم.

  -تاعى قايتالاشى،-دەدى بۇيىرا سويلەپ. مەن تاعى  وقىدىم. سودان سوڭ  ءالىم  جەتكەنشە ولەڭنىڭ مازمۇنىن-رۋحىن جولما-جول ورىسشالاپ جەتكىزۋگە تىرىستىم.

  -راقىمەت، الماتىلىق قازاق،-دەدى ارقامنان قاعىپ.-ماعان تولىق جەتتى ولەڭىڭ. تەڭىزدەن جىر سۇراساڭ، تەڭىز  بولۋدى تىلەسەڭ جامان اقىن ەمەسسىڭ. ەرتەڭنەن باستاپ پورترەتىڭدى جازامىن. بۇعان قالاي قارايسىڭ؟

  -مەن ونىڭىزدى ومىرىمدە سيرەك كەزدەسەتىن  سيدىڭ  ءبىرى دەپ باعالايمىن.

  -كەلىستىك، ەرتەڭ باستايمىز.

   الەكساندر ميحايلوۆيچ سودان كەيىن مەنى كۇندە اينالدىرادى،كۇندە مەن جارتى ساعات، ءبىر ساعاتتاي سول كىسىنىڭ قاراۋىندا بولامىن...سۋرەتشى مەنى ءار ءتۇرلى پوسوندا وتىرعىزىپ، شاپشاڭ-شاپشاڭ جازىپ قويا بەرەدى.

  -ەندى بوسسىڭ، موسكۋاعا بارعان سوڭ ءۇش رەت مايلى  كراسكامەن جازامىن. سودان كەيىن الماتىلىق اقىن قازاقتىڭ پورترەتىن تالقىلايتىن بولامىز،-دەدى.

  اڭگىمە  سولاي  اياقتالدى.  الەكساندر ميحايلوۆيچ موسكۋاعا كەلگەن سوڭ مەنىڭ پورترەتىمدى اياقتادى. ەكى-ءۇش ايدان كەيىن « ىزۆەستيا» گازەتىنە باسىلدى.

  ءبىز «پوبەدا» كەمەسىمەن جۇرگەن ساپارىمىزدا گوللانديا،شۆەتسيانى ارالاپ، ءبىر اي وتكەندە لەنيىنگراتقا ورالدىق.

  موسكۋاعا كەلگەن سوڭ تۆەرسكوي  قوناقجايدىڭ 25-ۇيدەگى ءوز بولمەمە كەلىپ جايعاستىم، ستولىمنىڭ ۇستىندە كىشكەنە  عانا حات  جاتىر...     « دەمىڭىزدى العان سوڭ، تەلەفون سوعىپ، پوليكارپوۆ جولداستىڭ پريمىنە  سۇراساڭىز، ءسىزدى ولار كۇتىپ وتىر» دەپتى.

  -ساعان ءبىر ساعات ۋاقىت بەرىلەدى،-دەدى ماعان د. پوليكارپوۆ ءوزىمسي قاراپ. ( ول بۇرىنعى س س س ر جازۋشىلار وداعىنىڭ حاتشىسى بولعان جولداس قوي)-وسى ۋاقىتتىڭ ىشىندە مىنا ارىزبەن تانىسىپ،بىزگە تۇسىنىك بەرەسىڭ.

  مەن شاعىنداۋ بولمەدە وڭاشا وتىرىپ قازاقستاننان–قازاقتان تۇسكەن قالىڭ ارىزبەن تانىستىم. شاعىمنىڭ قىسقاشا مازمۇنىن سىعىپ ايتساق از عانا سوزبەن-اق تۇسىندىرەرلىك نارسە:

  «جامبىل  دەگەن  دۇنيەدە  اقىن جوق. ول  وتىرىك، ونى ويلاپ شىعارىپ جۇرگەن ايلاكەر ءابدىلدا تاجىبايەۆ. ءبىز ءابدىلدا تاجىبايەۆتى اشكەرەلەي وتىرىپ، وعان قاتال جازا بەرۋىن  سۇرايمىز» دەپتى.

  مەن ءبىر ساعاتقا جەتپەي-اق پوليكارپوۆ جيناعان ءبىر توپ جۇرتتىڭ الدىندا جاۋاپ بەردىم:

  -بەلگىسىز جامبىلدى مەن ءوز بەتىممەن، ايلاكەرلىكپەن ىزدەپ تاپقان جوقپىن، مەن قازاق، قىرعىزعا بىردەي ءمالىم اتاقتى جامبىل اقىندى تاۋىپ اكەلۋگە رەسپۋبليكالىق پارتيا جانە ۇكىمەت باسشىلىعى جۇمسادى.

    -مەن اعىپ تۇرعان ىمپروۆيزاتور جامبىلدىڭ حات تانيتىن كوزىنە، جازاتىن  قولىنا اينالدىم، بۇل تەك رەۆوليسسامىزدان كەيىن عانا قولىمىز جەتكەن تابىسىمىز، ساۋاتسىز كارى بۋىن مەن ساۋاتتى جاس بۋىننىڭ جاراستىعى ەدى. مۇنداي ۇرپاقتار گارمونياسى بىزدە بۇرىن بولعان ەمەس، جامبىل سياقتى تالاي جۇيرىك اقىندار ءولىپ كەتكەندە، ارتتارىندا جۇرت بىلەتىن جىرلارى عانا قالعان. ول شاعىن قالدىقتار كەيىن « اتى بەلگىسىز اقىندار جىرى» دەپ اتالعان،  كوبىسى  جوعالىپ كەتكەن.

  -رەۆوليسسا مەنى وقىتىپ جامبىلعا  بەردى، ال جامبىل ماعان جازدىرىپ وتىرىپ، ءوزىنىڭ كول-كوسىر جىرىن رەۆوليسساعا ارنادى. وسى دا بلەف  بولاما -دەدىم.

  مەن ازدان ماقتانا كەتەيىن: وسى  جەردە  مەنىڭ  جاڭاعى  ءسوزىمنىڭ تۇسىندا وتىرعاندار قۋانىشتارىن ءبىلدىرىپ قول سوقتى.

  -ءدال وسىنداي تۇسىنىكتى قازاقستان ورتالىق پارتيا كوميتەتىنىڭ بيروسىندا بەرەسىڭ...ءسات ساپار تىلەيمىن ساعان،- دەپ پوليكارپوۆ قولىمدى قىستى.مەن ەكى كۇننەن سوڭ موسكۋادان ۇشىپ الماتىما، ءوز  ورتاما ورالدىم.

  ارادا جيىرما كۇندەي وتكەن سوڭ، قازاقستان ورتالىق پارتيا كوميتەتىنىڭ بيروسىنا شاقىرىلدىم. مەن وندا وزىمنەن باسقا مۇحتار اۋەزوۆ، ءسابيت مۇقانوۆ،عابيدەن مۇستافين، تاعى ءبىر سىپىرا كورنەكتى ادامداردى كوردىم. بيرو ماجىلىسىندە ماعان تانىس ارىزدى وقىپ بەردى.

  -بۇل ارىز موسكۋادان ورالىپ كەلدى. كوتەرىپ وتىرعان ماسەلەنى وزدەرىڭىز ءبىلىپ وتىرسىزدار، وتە شاتاق، وتە ويلاندىرارلىق ماسەلە. ورتالىق پارتيا كوميتەتى ءوز پىكرىن ايتباستان بۇرىن سىزدەرمەن كەڭەسۋدى دۇرىس كوردى. بارىڭىزدە مادەنيەتتىڭ،  ادەبيەتتىڭ  بىلگىر  ادامدارىسىزدار جانە جامبىلدى دا جاقسى بىلەسىزدەر. سوندىقتان سىزدەردىڭ سوزدەرىڭىزدى تىڭداعىمىز كەلدى. ەندى كەزەكتەسىپ وزدەرىڭىز ايتىڭىزدار،- دەدى.

  -مەن بۇل ارىزدى كىم جازعانىن بىلەمىن،-دەپ باستادى ءسابيت مۇقانوۆ. وتىرعاندار بىرىنە-ءبىرى قاراسىپ قالدى.

  -ول ماعان وقىپ بەرگەن سوڭ، وسى ارىزدى موسكۋاعا جىبەرەيىن بە، جىبەرمەيىن بە؟-دەپ اقىل سۇرادى. مەن –ءوز ەركىڭ ءبىلسىن،-دەدىم جولداسقا. « جىبەر » دەپ كەسىپ ايتۋعا جامبىلدى قيمادىم، «جىبەرمە» دەۋگە ارىز  يەسىنىڭ كوڭىلىنە قارادىم.

  وسى كەزدە قوزعالاقتاعان جۇرت ءوزارا كۇبىرلەسىپ، كەيبىرەۋلەرى كۇلىسىپ تە قالدى.

  -سىزدەر بەكەر كۇلەسىزدەر،-دەدى شامالى قاباعىن شىتىپ.- جامبىل بار، جامبىل بەلگىلى جەتىسۋ جىراۋلارىنىڭ ءبىرى، ونى وتىرىك  دەۋ - بارىپ  تۇرعان اقىلسىزدىق. سونىمەن  قاتار ويلاڭىزدارشى، حالىقتىڭ  قاي اقىنى پارتيا مەكتەبىن ءبىتىرىپ شىعىپتى؟ جامبىلدا سولاردىڭ ءبىرى ەمەسپە؟ ول قالاي پارتيانى، كوسەمدەردى جىرلايتىن ساياسي جىرشىعا اينالا قالادى؟ مەنى اڭگىمەنىڭ بۇل جاعى دا قاتتى تولعاندىردى. ارىز جازعان جاس اقىننىڭ كوڭىلىنە قارادىم دەگەنىم وسى. مىنە سودان بەرى نە داۋىر ۋاقىت ءوتتى. مەن دە ويلاندىم، جامبىل اقىننىڭ اۋىلىنا الدەنەشە رەت بارىپ وزىمەن سويلەستىم. ول وتە وتكىر، ازىلكەش،  توگىپ تە،  شاعىپ تا ايتاتىن جۇيرىك  ىمپروۆيزاتور ەدى.ءوزىمدى دە قالجىڭداپ تالاي قاجاعانى، بالۋان شولاققا ۇقساتىپ ءازىل ولەڭ ايتقانى بار. مەن بۇگىن ءجۇز پروسەنت جامبىل جاعىندامىن.

  كەيىنىرەك «التىن تاتەم» دەيتىن بولعام...-سابەڭ ءسوزىن قىزىق باستاپ ەدى، قىزىق اياقتادى. وعان وزگە جولداستاردىڭ ريزا بولعانى دا كورىنىپ تۇردى. مەن « سويلەڭىز» دەگەن سوڭ، پوليكارپوۆ قۇپتاعان ويلارىمدى قايتالادىم. بيرو ءبىر اۋىزدان شاعىم ارىزدى تەرىس،  زياندى نارسە دەپ تاپتى.

  مەن باسشىلىقتىڭ تاپسىرۋىمەن جامبىلدى تاۋىپ، تابىسقانىم، العاشقى 19 ولەڭىن جازىپ العانىم بولماسا، كەيىنگى تۆەرچەستۆالىق تىرشىلىگىنە مالشىنا ارالاسقام جوق، انىعىراق ايتقاندا وعان حاتشىلىق جاسامادىم.

  جاكەڭە ۇكىمەتىمىزدىڭ بەكىتۋىمەن ايلىق الىپ، ارناۋلى حاتشىسى بولعان بىرنەشە جولداستار بولدى. سولاردىڭ ىشىندە بالاسىنداي، ەكى كوزىنىڭ ەكى قاراشىعىنداي ەڭبەك ەتكەن تايىر مەن عالي. بۇلار قارت اقىن قاشان كوزىن جۇمعانشا قاسىندا بولدى.جاسى ابدەن جەتكەن قارتتىڭ ازداپ تىنىعۋىنا دا مۇرسا بەرمەگەن شىعارمىز. ونىڭ بۇرىنعى ءوز بەتىمەن، ەل ارلاپ ءجۇرىپ ايتاتىن جىرلارىنا ۋاقىت تارىلعان شىعار.

  كوپتەگەن ەسكى جىرلارىن تۇگەل الىپ قالا الماعاندا شىعارمىز. ءبىراق جاكەڭ مەن ونىڭ جىرلارىن جازىپ  الىپ وتىرعان جاس اقىندار وداعىنىڭ جەمىستى بولعانى داۋسىز. تاعى دا قايتالايىن:-بۇل ۇرپاقتار اراسىنداعى تەك سوتسياليزم داۋىرىندە تابىلعان، ەسكى زاماندا مۇمكىن بولماعان تاماشا كەلىسىم ەدى.

  مەن جاكەڭە ۇزاق مەزگىل حاتشىلىق  ەتپەگەنىممەن،    ونىمەن بايلانىسىم كۇشەيمەسە، كەمىگەن  جوق.  جازۋشىلار   وداعىنىڭ باسشىلىق قىزمەتتەرىن باسقارىپ جۇرگەندە كوبىنە حالىق اقىندارىمەن ىستەس بولدىم. جاكەڭنىڭ جان دوستارى شاشۋباي،  نۇرپەيىس،  كەنەن، نارتايلاردىڭ جاس دوستارىنىڭ قاتارىندا بولدىم. ولار تۋرالى جازعاندارىم وقىرمان قاۋىمعا بەلگىلى. سولاردىڭ ىشىندە جاكەڭ مەن ءۇشىن ءبىر توبە بولدى.

  اقىرىندا جاكەڭنىڭ 125 جىلدىعىندا ءۇش مىڭ ادام جينالعان لەنين سارايىندا بايانداماشى بولدىم. ءسوزىمنىڭ اقىرىن ولەڭىممەن ءبىتىردىم:

  ورالدىڭ، تاتە جامبىلىم بولىپ كادىمگى،
   گۋلەتە كەلدىڭ تاعى دا داۋىل ءانىڭدى.
  كانەكي، اتا، ساقالىڭنان ءبىر ءسۇيدىر،
  وزىڭدە ءسۇيشى اڭساعان بالاقانىڭدى.
  ايىرىلىپ قالىپ ءجۇر ەدىم، اتا، تابىلدىڭ،
  جايامىن ساعان قۋانىپ الاقانىمدى.
  كانەكي، جاكە، كەۋدەمە باسشى كەۋدەڭدى،
  جىلىتشى  مىنا  جاۋراعان بالاپانىڭدى،-دەپ باستادىم.

    وسى جاكەم دەگەنىم دەگەن. مەن حالىق  بۇلبۇلدارىنىڭ   الدىندا  ءارقاشاندا  باسىمدى  يەمىن.

  «ەسىمدەگىلەر» ەستەلىگىنەن  ىقشامداپ دايىنداعان-

                ا . قايساقانوۆ


رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.




 
powered by IlgharCMS 3.2 www.ilghar.cn