ەەڭ جاڭا مازمۇندار
2020-جىلى 1-ايدىڭ 28-كۇنى 23-سان
2020-جىلى 1-ايدىڭ 27-كۇنى 22-سان
2020-جىلى 1-ايدىڭ 25-كۇنى 21-سان
2020-جىلى 1-ايدىڭ 24-كۇنى 20-سان
باس شۋجي شي جينپيڭنىڭ ماڭىزدى نۇسقاۋىنىڭ رۋحىن تاباندىلىقپەن باتىل دايەكتىلەندىرىپ، ساقتانۋ-تىزگىندەۋ شارالارىن شىنايى تياناقتاندىرىپ، حالىق بۇقاراسىنىڭ باس اماندىعىن قورعاۋ كەرەك
باس شۋجي شي جينپيڭنىڭ ماڭىزدى نۇسقاۋىنىڭ رۋحىن تاباندىلىقپەن باتىل دايەكتىلەندىرىپ، ساقتانۋ-تىزگىندەۋ شارالارىن شىنايى تياناقتاندىرىپ، حالىق بۇقاراسىنىڭ باس اماندىعىن قورعاۋ كەرەك
باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، نىسانالارمەن، ولشەمدەرمەن تىعىز بايلانىستىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە مىعىم قايراتپەن، جوعارى ساپامەن قول جەتكىزەيى
اۆتونوميالى رايون كوكتەم مەرەكەسىن قارسى الۋ بايلانىسىمەن ارميا مەن جەرگىلىكتى ورىننىڭ اڭگىمە ءماجىلىسىن وتكىزدى
پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۋەلگى ماقساتتى، بورىشتى ەستە بەرىك ساقتاپ، ۋاقىتپەن جارىسا وتىرىپ، ءتۇرلى قىزمەتتەردى ويداعىداي ىستەيىك
باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، ءار ۇلت بۇقاراسىنىڭ باس اماندىعى مەن دەنساۋلىعىنا بار كۇشپەن شىنايى كەپىلدىك ەتەيىك
جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس كوكتەم مەرەكەسىن توپتىق قۇتتىقتاۋ جينالىسىن وتكىزدى
ساۋان اۋداندىق ەلەكترمەن قامداۋ سەرىكتەستىگى: بۇقارانىڭ ەلەكتردەن حاۋىپسىز پايدالانۋىنا جاعداي جاراتتى
مۋ باسىنا 800 يۋاننان تابىس ۇلەستىرىلدى
ايماقتىق نەگىزگى تاقىرىپتىق تاربيەگە باسشىلىق ەتۋ گرۋپپاسى كەڭسەسى قورىتىندى ءماجىلىسىن اشتى
تۇمشالامالى شام ءىلىپ،كوكتەم مەرەكەسىن قارسى الدى
اۆتونوميالى رايون زيالىلار اڭگىمە ءماجىلىسىن اشتى
جاڭا جىلدا جاڭا بەت-بەينەنى ايگىلەپ،مەيىرگە تولى مەرەكەلىك تىلەك جەتكىزدى
ۇلتتىق سالت-ءداستۇر مادەنيەتىن جاقىننان تاماشالاپ،مەرەكە شاتتىعىنان ءلاززاتتاندى
2020-جىلى 1-ايدىڭ 23-كۇنى 19-سان
2020-جىلى 1-ايدىڭ 22-كۇنى 18-سان
كەدەيلىك قالپاعىن الىپ تاستاپ، شىت جاڭا تۇرمىس كەشىردى
ايماق باسشىلارى كوكتەم مەرەكەسى قارساڭىندا حال سۇراۋ قيمىلىن ورىستەتتى
شاعانتوعاي اۋدانىنىڭ 2019-جىلعى ساياحات كىرىسى 511 ميلليون يۋان بولدى
اۆتونوميالى رايون دەمالىسقا، پەنسياعا شىققان ساقا كادرلار اڭگىمە ءماجىلىسىن اشتى
”ەكىنى قورعاۋ“ ارقىلى بۇكىل پارتيانىڭ ىنتىماعى مەن بىرلىگىنە جەتەكشىلىك ەتۋگە تاباندى بولايىق
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، پارتيانى جاپپاي قاتاڭ جونگە سالۋدىڭ جاڭا ناتيجەلەرىمەن جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋش
تىشقان جىلىن قارسى الىپ، باقىتقا شومدى بارشا جۇرت
مەرەكەلىك زات ساتىپ الىپ،مەرەكەلىك تىلەك ءبىلدىردى
2020-جىلى 1-ايدىڭ 21-كۇنى 17-سان
شاۋەشەك قالاسى: كوكتەم مەرەكەسىنە قاراعان تۇنگى باس قوسۋ داستارقانىنا زاكاز كوبەيدى

قامشىگەر

جولدانعان ۋاقىتى : 2015/2/5 11:25:38

قامشىگەر
  قامشى _ ات-كولىك، مال ايداۋعا ارنالعان جابدىق.

  قامشى _ قورعانۋعا، قارسىلاسىن   ۇرىپ جىعۋعا ارنالعان سۋىق قارۋ.

  قامشىگەرلىك _ قورعانا بىلەتىن جانە جاۋىن جايراتىپ سالاتىن ماشىق (ماماندىق).

  قازاق حالقىنىڭ كوشپەلى مال شارۋاشىلىق، تىرلىك سالتىنا بايلانىستى تەكپىشەككە اياعىن سالعان بوبەكتەن باستاپ، ەڭكەيگەن كارىگە دەيىن ات-كولىك مىنەتىن ەر-ايەل تۇگەلىمەن قامشى ۇستايدى. اركىمنىڭ وزىنە لايىق، وزىنە ءتان قامشىلارى بولادى. ات-كولىككە مىنگەندە قولىندا، قونشىندا، بىلەگىندە، بەلىندە، تاقىمىندا، ەرىنىڭ الدى-ارتىندا، ۇستىندە ءىلۋلى تۇرادى. كەيدە ءتىپتى قاربالاستىقتان اۋىزعا دا كولدەنەڭ تىستەلەدى. ال ۇيدە وتىرعان كەزدە كەرەگەنىڭ باسىندا، كوگىندە، ۋىق قارىندا، سىرتقى دودەگە مەن بەلدەۋدە نەمەسە اشادا قىستىرۋلى تۇرادى، قاربالاس كەزدە جاستىق، كيىز-سىرماق استىندا،  ءتىپتى، تىزەسى استىندا جاتادى. ءومىر تالابىنا وراي اركىمنىڭ قامشىسى ءوزى قويعان جەرىندە تۇرۋعا ءتيىستى.

  قامشى اركىمنىڭ قولىندا جۇرەتىن جابدىق جانە ەلەۋسىز سۋىق قارۋ. ءبىراق قولىندا قامشى جۇرگەنىمەن، ونى قارۋ رەتىندە پايدالانۋ كورىنگەننىڭ قولىنان كەلە بەرمەيدى. قامشىلى ادام سىرتتاي قاراعاندا قارۋلى ادام. ال قامشىگەرلەر وزدەرىن ەلەۋسىز قارۋعا يەمىن دەپ سانايدى. حالىقتىڭ سالت-زاڭىندا قامشىگەرلەردىڭ قاراپايىم    ادامدى قامشىمەن ۇرۋىنا تيىم سالىنعان. قامشىگەرلەر دە مۇنداي قىلىقتان ءوزىن-ءوزى تيادى. ەرتەرەك داۋىردە قازاق حالقىنىڭ سالتى بويىنشا قامشىنى قولعا ۇستاپ ۇيگە كىرۋ ءبىر پالەنىڭ باسى سانالاتىن بولعاندىقتان، سىرت ادامدار قاشاندا قامشىسىن ءۇي سىرتىندا، ات ۇستىندە قالدىرىپ كىرەتىن بولعان. وسى سالت موڭعۇل حالقىندا ءالى كۇنگە دەيىن ساقتالعان. ولاردا ۇيگە كىرەتىن ادام قامشىلارىن سىرتقا قالدىرادى. ماقساتسىز بولسا دا قامشىمەن ۇيگە كىرگەن ادام اۋىر سوگىس ەستيدى نە ايىپقا تارتىلادى.

  قامشى ارقىلى جاۋىنان قورعانا الاتىن نە جايراتىپ سالاتىن ادامدار قامشىگەر اتالادى. قامشىگەرلىك تۋما قابىلەت ەمەس، ادام تابيعاتىنداعى تەزدىك، ەپتىلىك، ورالىمدىلىق، دالشىلدىك، مەرگەندىك، قاراقتىلىق، سەزىمتالدىق، وتكىرلىك، باتىلدىق، قارۋلىلىق، قاتتى قولدىلىق، سەسكەنبەيتىن سەرتتىلىك سياقتى ىشكى قاسيەتتەرمەن ۇشتاسىپ جاتاتىن ماماندىق.

  جاستايىنان قامشىگەرلىككە قۇمارتۋ نە جاستايىنان قامشىگەرلىككە باۋلىنۋ، تاربيە الۋ، قامشىگەر ماماندارىنان ۇيرەنۋ، قامشىنى ۇستاي ءبىلۋ، قامشىمەن ۇرا ءبىلۋ، قارسىلاسىن قاي جەرىنەن قالاي ۇرعاندا ەستەن تانادى، اتتان تۇسەدى، جارالانادى، مۇنىڭ ءبارىن قولىمەن قويعانداي، قاپى جىبەرمەيتىندەي ءبىلۋى شارت. قامشى كوپ ساتتەردە ات ءۇستى شايقاستىڭ قارۋى، قامشىنى ءبىر-اق رەت ۇرعان، ءبىر ۇرعاندا ءدال تيگىزگەن جانە ايتىلعان شارتتاردى بۇلجىتپاي ورىنداعان ادام قامشىگەر بولا الادى.

  جابدىق جانە قارۋ رەتىندە ۇستالعان قامشىنىڭ ۇرىلۋى مەن تيۋىنە قاراي- قامشى ءۇيىرۋ، قامشى بىلەۋ، قامشىمەن جاسقاۋ، سيپاي قامشىلاۋ، باتىرا قامشىلاۋ، وراي تارتۋ، كوسىپ جىبەرۋ؛ باسا تارتۋ، سەرپە تارتۋ، سالىپ جىبەرۋ؛ تارتىپ جىبەرۋ، تىلە تارتۋ، كوستيتە سالۋ، قاسقايتا سالۋ، شەكەسىن شەرۋەن ارتتىرۋ سياقتى اتاۋلار ارقىلى قامشىنىڭ قالاي ۇرىلىپ، قالاي تيگەن زاردابىن بىلدىرەدى. قاي جەردەن قالاي ۇرۋعا بايلانىستى قامشى تەسەدى، تىلەدى، سىزادى، وسادى، كوگەرتەدى، ەزەدى، جارالايدى، سىندىرادى، ولتىرەدى. جان-جانۋارلاردىڭ، ادامنىڭ تالماۋ جانە وسال جەرلەرى بولادى. ادامدا شەكە، ساماي، قۇلاق شەكە، ماڭداي، كوز، قولدىڭ   توعىز تاراۋى، شىنتاق، اياقتىڭ تىزەسى مەن قىزىل توبىعى، اياقتىڭ ءۇستى (باسى). ءيت پەن قاسقىردا قارا تۇمسىق، بۋرا، ايعىر، بۇقالاردا قاسقاماڭداي وراي تۇسى تالماۋ جانە وسال جەرلەرى سانالادى. قاي جەرىنەن ۇرۋدى قامشىگەردىڭ ءوزى تاڭداپ الادى نەمەسە قاربالاس ساتتە قاي جەرى ورايلى كەلسە، سول جەردەن ۇرادى.

  قازاق ەلىنە وتتى قارۋ تاراماي  تۇرعان كەزدە ادامدار قىلىش، نايزا، سۇڭگى، سويىل، شوقپار، بوسمويىن، قايتبىكەل سياقتى سوعىس قارۋلارىن پايدالانعان. سولار قاتارىندا ءارى جابدىق، ءارى قارۋ رەتىندە قامشى دا بار. توي-تومالاقتا، اس-جيىندا، ەل-جۇرت جينالعان ۇلىستىڭ ۇلى كۇندەرىندە، بايگە اتتى جارىسقا، جورعانى سالىسقا، بالۋاندى كۇرەسكە، مەرگەندى قاراعا، قامشىگەردى باسەكەگە شاقىرىپ، جيىلعان جۇرت الدىندا توپتان وزعاندارىنا جۇلدە بەرىلگەن، ماداقتالعان. سولاردىڭ ىشىندە قامشىگەرلىك تە  ەرتەدەگى سپورت تۇرىندە سايىسقا، باس بايگەگە، ەگەس-نامىسقا تۇسەتىن   ماماندىقتىڭ ءبىرى بولعان.

  ارنايى جاسالعان قامشىلى قامشىگەرلەر وزدەرىن قارۋلى ادام رەتىندە سەزىنەدى. وڭاي-وسپاق تاپبەرمە شابۋىلعا العىزا قويمايدى. اياق استىنان ۇمتىلعان ءيت پەن قاسقىردى، بۋرا، ايعىر، بۇقالاردى قامشىمەن ۇرىپ بەتىن قايتارعان نەمەسە مەرتىكتىرىپ، جارالاپ،   ءولتىرىپ كەتكەندەرى دە كەزىگەدى.

  قازاقستاندا قامشىگەرلىك سپورت ۇمىت قالعان. ال جۇڭگوداعى جانە موڭعۇلياداعى قازاقتاردا ءالى بار.

  تارباعاتايدىڭ وڭ تۇسىنداعى جايىر تاۋىن مەكەندەگەن كەرەي ىشىندە اتاقتى قامشىگەر لاق دەگەن ادام ءارى نايزاگەر بولعان. جاۋگەرشىلىق زاماندا لاق پەن سارجاننىڭ باتىرلىق داڭقى بىرگە شىققان. ءارى نايزاگەر، ءارى قامشىگەر لاقتىڭ تۋعان بالاسى بالەل دە اتاقتى قامشىگەر ەدى.

  قىس كۇندەرى بۇركىت سالىپ جۇرگەندە ورىستەس جاتقان موڭعۇلدىڭ جاراعان بۋراسى تۇرا ۇمتىلادى. وڭ قولىندا قوندىرعان بۇركىتى بولادى دا اۋىز سالا بەرگەن بۋرانى قاسقا ماڭدايىنان قامشىنى سول قولىنا ۇستاعان كۇيى تارتىپ جىبەرەدى. تۇيە ەكپەتىنەن تۇسەدى. بۋرانىڭ يەسى داۋ كوتەرىپ: «سەن باسقا قارۋمەن ۇردىڭ، تۇيەمدى تولە» دەگەندە، بالەل سونادايعا بارىپ، قايتا ورالادى دا شاۋىپ وتە بەرىپ، وڭ قولىمەن ولگەن تۇيەنىڭ باسىنا قامشىمەن ۇرىپ، سۇيەگىن تەسىپ جىبەرەدى. قامشىگەرلىگى ارقىلى داۋدان قۇتىلادى. جايىر تاۋىن مەكەندەگەن ەل ىشىندەگى اتاقتى باتىر قاليدىڭ ۇلكەن اكەسى جۇماعۇل اتقا قارعىعان ءيتتى قامشىمەن تارتىپ جىبەرگەندە ءيتتىڭ قاڭق ەتۋگە شاماسى كەلمەي سۇلاپ تۇسكەنىن كورگەن اكەم ايتىپ وتىراتىن. ال تولەباي قامشىگەر مەن ىبىراي مازاقباي ۇلى باستەسىپ قالادى. سوندا  ىبىراي: «ەگەر سەن مەنىڭ بالۋانىم قاراتوبەلدى قامشىمەن ءبىر ۇرىپ جىقساڭ، استىمداعى اتىمدى مىنگىزەم. ءبىر ۇرىپ جىعا الماساڭ، مىنا كوپتىڭ الدىندا قامشىگەر اتاعىنان قۇلادىم دەپ مويىندا» دەپتى.

  سوندا تولەباي: «جوق، ول جازىقسىز ادام عوي، وبال بولادى، قۇلعا جىعىلارىم جوق. وگىز اكەل» دەيدى. ەگەس-باسكە قاتىناسقان جۇرت قامشىگەردىڭ دە،  ىبىرايدىڭ دا شاشباۋلارىن كوتەرىپ،  ارادان اتان وگىزدى ايداپ وتكىزەدى، تولەباي وگىزدى بەلدەن تارتىپ جىبەرگەندە، وكىرىپ بارىپ، جاتا كەتەدى دە پىشاققا ىلىنەدى. وگىزدىڭ وسىلعان جەرى تەسىلىپ، بەل ومىرتقانىڭ باسى كەتكەن دەسەدى.

  ىبىراي زاڭگى ءوزى ءمىنىپ جۇرگەن تاڭداۋلى قاراكەر اتىن باسكە اتاعانى ءۇشىن مويىن بۇرماستان قامشىگەرگە جەتەكتەتەدى. وقيعا تارباعاتاي مەن ساۋىر تاۋى اراسىنداعى قوتاناشى قوجىردىڭ كوكمويناق دەگەن جايلاۋىندا وتكەن. اتى شۋلى قامشىگەر سارقوجا دەگەن ادام سۋ تالاسى جاڭجالىندا ءتورت ادامدى ولمەيتىن جەرىنەن قامشىمەن ۇرىپ، اتتان ءتۇسىرىپ كەتكەن.

  قازاقتىڭ سالت-زاڭى بويىنشا ىشكى قايشىلىق كەزىندە ادامدى ءولتىرىپ، قۇن تارتۋدىڭ ورنىنا قارسىلاستارىن ولمەيتىن جەرىنەن اتىپ كەتۋ، نايزا-سۇڭگى شانشىپ، اتتان   ءتۇسىرىپ كەتۋ، سويىلمەن ۇرىپ ءتۇسىرىپ كەتۋ، قامشىمەن ۇرىپ، اتتان قۇلاتۋ دا جەڭىسكە جاتادى.

  قازاق حالقى ەرتەرەك كەزدە قامشىگەرلىك ونەرىن ەل-جۇرتقا ۇيرەتۋ جانە دارىپتەۋ، ارۋاقتاندىرۋ ماقساتىندا ارنايى جارىس وتكىزىپ وتىرعان.

  سوڭعى كەزدەگى كەيبىر ءباس- باسەكەدە سيىردىڭ شىلعي تەرىسىن ءتورت بۇشپاعىنان ءتورت قازىققا كەرىپ تاستاپ، شاۋىپ كەلىپ ۇرىپ وتكەندە، تەرى تەسىلەدى، جىرتىلادى، ءتىلىنىپ تۇسەدى دەسەدى. تورتكە بۇكتەلگەن  سيىردىڭ جاس تەرىسىن جەرگە تاستاپ قويىپ ۇرعاندا تەرىنىڭ ءبىر قاباتىن نە ەكى قاباتىن تەسىپ نەمەسە جىرتىپ، ءتىلىپ كەتەتىن كورىنەدى.

  قامشىگەرلەر ماشىعىنىڭ سالتاناتىن كورسەتەتىن تولىپ جاتقان مىسالدار بار.

  ادام بالاسىنىڭ ات-كولىك ءمىنۋ، ايداۋ تاريحىن ەڭ جاقىن دەگەندە 10 مىڭ جىل مولشەرىندە ايتۋعا بولادى. مال ايداۋ، جاسقاۋ، جىرتقىشتاردان قورعانۋ سياقتى تۇرمىس قاجەتتەرىنەن تۋعان بۇل قارۋدىڭ العاشقى تۇرلەرى تابيعي زاتتاردان _ قۋراي، شىبىق، بالعىن، بۇتا، بۇتاقتان باستالىپ، قامشى مەن بيشىككە دەيىن جەتكەن عوي.

  ءارى مىقتى، ءارى شىپ ەتپە وتكىر، قولعا ۇستاۋعا قولايلى، جەڭىل قامشى مەن بيشىك كوپ. تۇرلەرى _ ات قامشى، دىراۋ قامشى، دويىر قامشى، دۇرە قامشى، كۇدەرى قامشى، جورتۋىل قامشى، بىلەۋ قامشى، سارالا قامشى، سارباس قامشى، وراما ساپتى قامشى، ورمە ساپتى قامشى، سيراق ساپتى قامشى، ءمۇيىز ساپتى قامشى، «قاسيەتتى» قامشى، جىلانباۋىر قامشى، وزەكتى قامشى، شاشاقتى قامشى، توبىلعى ساپتى قامشى، اعاش ساپتى قامشى، ىرعاي ساپتى قامشى، بالا قامشى، شىبىرتقى قامشى سياقتى اتاۋلارمەن    اتالادى.

  ات-كولىكتى ايداۋ جابدىقتارىنىڭ ءبىر ءتۇرى بيشىك. تۇرلەرى _ جالعىز تاسپا شىبىرتقى بيشىك، ەكى تاسپا، ءۇش تاسپا، ءتورت تاسپادان ورىلگەن  ۇزىن جانە قىسقا ساپتى بيشىك، ءتورت تاسپا، بەس تاسپا، التى تاسپا، سەگىز تاسپادان ورىلگەن، ۇشتارىنا تاسپا جالعانعان قىسقا ساپتى تۇرلەرى دە بار.

  قامشى ءتورت تاسپا، بەس تاسپا، التى تاسپا، سەگىز تاسپا، ون ەكى تاسپا، ون التى تاسپا دەپ اتالادى. تاسپاسى ءتىلىپ قىرناپ، سىدىرىپ، وڭدەۋ ارقىلى جۋان-جىڭىشكە بولادى. قامشى دا تاسپانىڭ وڭدەلۋىنە وراي جۋان، جىڭىشكە بولىپ ورىلەدى. كوپ تاسپالىلار مەن ىشىنە وزەك سالىپ ورگەندەرى  ادەيى جۋانداتىلادى. ورىلگەننەن كەيىنگى ۇلگىسى _ جۇمىر، ءتورت قىرلى، بەس قىرلى، التى قىرلى بولىپ شىعادى. ساپتالماي تۇرىپ ءتۇرلى-ءتۇرلى ىسقىدان وتكىزىلەدى. قامشىنىڭ سابىنان ءورىمى قىسقا ءتۇرى، ءورىمى مەن سابى تەڭ ءتۇرى، سابىنان ءورىمى    ۇزىنداۋ تۇرلەرى دە بار. ەرلەرگە ارنالعان، ايەلدەرگە ارنالعان، بالالار مەن شال-شاۋقانعا ارنالعان تۇرلەرى مولاڭداۋ  كەزىگەدى. جاستار مەن جىگىتتەر، جىگىت اعالارى ۇستايتىن قامشىلاردىڭ ولشەمى «التى تۇتام ات قامشى، جەتى تۇتام جار قامشى» دەپ اتالادى. وتكىرلىك جاعىنان ولشەمى _ سابى التى تۇتام، ءورىمى جەتى تۇتام قامشى دۇرىسىراق سانالادى.

  قامشىگەرلەردىڭ ولشەمى مۇنىمەن شەكتەلمەيدى. تەرىنىڭ يلەنۋى، تاسپانىڭ ءتىلىنۋى، تەرى مەن تاسپانىڭ  ەرەكشە قاسيەتتەرى دە اتالادى. قالاي ءورىلۋى، ءورىم مەن ساپتىڭ ءوزارا    ۇزىن-قىسقالىق سالىستىرماسى، قامشىنىڭ الاقانى، الاقاننىڭ ۇزىن-قىسقالىعى، قاتقىل نە جۇمساقتىلىعى شارت بوپ ايتىلادى.

  قامشىگەرلەر ءوز داعدىسى، ءوز ەسەبى بويىنشا قالاعانىن وزدەرى جاساپ الادى نەمەسە ورىمشىلەرگە ارنايى تاپسىرما بەرىپ ورگىزەدى. قولايىنا جاققان قامشىلارىن ۇستاعان قامشىگەرلەر وزدەرىن قارۋلى ادامداي سەزىنەدى.

  قامشىگەرلىك ماشىعىن (ماماندىعىن) ەگجەي-تەگجەيلى ەسەپتەگەندە حانزۋدىڭ، جاپوننىڭ «ۋشۋ»، «كاراتەسى» سياقتى دەۋگە بولادى. ال «ۋشۋ» مەن «كاراتە» دامىتىلىپ، ۇستەمەلەنىپ، مامانداردى جەتىلدىرىپ، تاريحي تاجىريبەلەرى قاعازعا ءتۇسىرىلىپ كەلەدى. ال قامشىگەرلىك ۇمتىلىپ، جوعالىپ بارادى. ءالى دە حالىق اراسىندا بار جۇرناعىن قايتا تىرىلتۋگە، قالپىنا كەلتىرۋگە بولار ەدى.





رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.


 
powered by IlgharCMS 3.2 www.ilghar.cn