ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

«كلاس تاڭداپ وقۋ ءتۇزىمى» جونىندە كوپشىلىك شەشىلە سىر شەرتتى

جولدانعان ۋاقىتى : 2015/3/30 11:50:48

  وقۋشىلاردىڭ تالقىسى

  «كلاس تاڭداپ وقۋ» ماعان جىگەر باعىشتادى

  لياۋنيڭ ولكەسى شىنياڭ قالالىق 120-ورتا مەكتەپ تولىق ورتا 1-جىلدىق 19-كلاسىنان زو پىڭفەي

   مەكتەبىمىزدىڭ ماتەماتيكا ورەسى جۋىقتاۋ وقۋشىلاردى ءبىر توپقا ءبولۋىنىڭ ماقساتى _ ءتىپتى دە كوپ وقۋشىعا تابىسقا جەتۋدىڭ ءلاززاتىن سەزىندىرىپ، پسيحولوگيالىق قىسىمدى ازايتىپ، ۇيرەنۋ بەلسەندىلىگىن قوزعاپ، كومەسكى قابىلەتىمىزدى اشۋ. مۇنداي «كلاس تاڭداپ وقۋ» فورماسىنان مەن ۇقساماعان ماتەماتيكا وقىتۋ ءتاسىلىن كوردىم، ەڭ زور قۋانىشىم ءتىپتى دە كوپ ساباقتاسپەن تانىستىم.

  ورتا مەكتەپكە قابىلداۋ   ەمتيحانىندا ماتەماتيكادان 149 ءنومىر العان ەدىم، ورتالاۋ مەكتەپتى بىتىرگەننەن كەيىنگى جازدىق كانيكۋلدا ۇيرەنۋگە  سەلقوس قاراعانىمنان بولار، تولىق ورتا 1-جىلدىققا كىرگەن العاشقى وقۋ ماۋسىمىندا الىنعان اۋجاي ءتۇيۋ ەمتيحانىندا ناتيجەم ويداعىداي بولمادى. مەكتەپ ورتا مەكتەپكە قابىلداۋ ەمتيحانى مەن اۋجاي ءتۇيۋ ەمتيحانىنداعى ناتيجەم بويىنشا، مەنى C كلاسقا   ءبولدى. سول كەزدە  مەكتەپ مەنى تومەن شامالادى دەپ قاراپ، ەرەكشە  جابىرقادىم.  الايدا C كلاسقا كەلگەننەن كەيىن بۇل كلاستا دا ۇيرەنۋدە مىقتى كوپتەگەن وقۋشىنىڭ بار ەكەنىن   بايقادىم. مىنە، بۇل ماعان جىگەر باعىشتادى.

  ءبىرىنشى ساعاتتىق ساباقتا مۇعالىم بىزگە قازىر C كلاستا بولعاندارىڭمەن ۇيرەنۋ ناتيجەلەرىڭ جانە قالاۋلارىڭ بويىنشا A كلاسقا كىرۋلەرىڭە بولادى دەدى. بۇل ءسوز مەنىڭ سەنىمىمدى  ەسەلەپ ارتتىرىپ، نىسانام_ ورتالاۋ مەكتەپتە بىرگە وقىعان ساباقتاستارىم كوپ A كلاسقا كىرۋگە قۇلشىندىردى.

  C كلاستا مەن مۇعالىمنىڭ ەرەن ءتۇزىمدى ەكەنىن، كوپشىلىكتىڭ ءوزارا كومەكتەسەتىنىن، ۇيرەنۋگە قىزىعاتىنىن بايقادىم. مۇعالىم ساباق سويلەگەندە نەگىزدى بەرىك قالاۋعا باسا ءمان بەرىپ، قاراپايىم، ۇعىنىقتى سوزبەن تۇسىندىرەدى، قيىن ماسەلەلەرگە جولىققاندا باياۋ سويلەپ، ءاربىر ءتۇيىندى تولىق  ۇققانىمىزشا جەتكىزەدى. بۇرىن ساباق ۇستىندە ابىرجىپ ساباققا ىلەسە الماي، مۇعالىم مەن ساباقتاستارىمنىڭ كۇلكىسىنە قالامىن با دەپ الاڭدايتىنمىن. ال قازىر ءبارىمىزدىڭ ورەمىز جۋىقتاۋ بولعاندىقتان، ۇيرەنۋ اۋەسىمىز  ەسەلەپ ارتىپ، ءار ساعاتتىق ساباقتى  جاقسى  يگەرەتىن  بولدىق. مۇعالىم دا تاپسىرمانى مۇقيات تەكسەرەدى، بۇل جاعىنان ءبىزدىڭ A كلاسپەن پارقىمىز جوق. تاپسىرمانى تولىق ورىنداماعان وقۋشىلارعا وقىتۋشى  ۇنەمى ىجداعاتتىقپەن تاربيە بەرەدى.

  ارينە، C كلاستىڭ ولقىلىقتارى دا بار. ايتالىق، كەيبىر ساباقتاستار ساباقحانا تارتىبىنە كوڭىل بولمەيدى، وندا تاماشا ۇيرەنۋ ءادىسى جوق، مۇعالىم قانشا باياۋ سويلەسە دە كەيبىرى ىلەسە المايدى. مۇعالىم كەيدە ساباقتى وتە باياۋ سويلەگەندىكتەن، C   كلاستىA ،B  كلاسپەن سالىستىرعاندا، بىرنەشە ساعات ارتتا قالدى، بۇدان مەن قاتتى الاڭدايمىن. ءبىزدىڭ كلاس وتە جاقسى، ونىڭ C كلاس دەپ اتالۋى توپقا ءبولىپ وقىتۋدىڭ قاجەتى، ەشقاشان ارتتا قالعان نەمەسە كەنجە قالعان دەگەن ۇعىم بەرمەيدى. 

  ايتىلمىش A كلاس

  لياۋنيڭ ولكەسى شىنياڭ قالالىق 120-ورتا مەكتەپ تولىق ورتا 1-جىلدىق 8-كلاسىنان شۇي چىنياڭ

  سۇبەلى ناتيجەنىڭ جاقسى ۇيرەنۋ ادەتى مەن ادىستەن، قۇلشىنۋدان جانە ۇزدىكسىز ءبىلىم توپتاۋدان كەلەتىنى كوپشىلىككە ايان. الايدا ۇيرەنۋ اۋەسى مەن   ىرىقتىلىعىن قوزعايتىن قوزعاۋشى كۇش بولماسا، ونىڭ ءونىمى باياندى بولمايدى. مەكتەپ پەن وتاعاسىلار ۇيرەنۋگە وسىنداي قوزعاۋشى كۇش جانە جايلى ورتا جاراتۋدى اڭساپ، وقۋشىلاردىڭ كومەسكى قابىلەتىن  اشىپ،  ۇيرەنۋ اۋەسىن ارتتىرىپ، ۇيرەنۋ ناتيجەسىن جوعارىلاتۋدى ءۇمىت ەتەدى.

  مەن A كلاستىڭ وقۋشىسىمىن، ءبىزدىڭ ماتەماتيكا مۇعالىمىمىز ءبىزدىڭ كلاسقا جانە ءبىر C كلاسقا ساباق بەرەدى. مەكتەپ وتاعاسىلار مەن بىزگە جيىن اشقاندا، مۇعالىمدەردىڭ ساباق ءبولىسى جاعدايىنا ارنايى توقتالىپ، كەيبىر وتاعاسىلاردى مۇعالىمدەردىڭ ساپاسى جاعىنداعى ۋايىمنان ارىلتىپ، مەيلى قايسى توپتاعى كلاستا بولسىن، بارىنە مىقتى مۇعالىمدەر ساباق بەرەدى، توپقا ءبولىپ وقىتۋدىڭ نەگىزى ادىلدىك ەكەنىن اشالاپ ءتۇسىندىردى.

  مەيلى قايسى كلاستا بولسىن،سويلەنەتىن نەگىزدىك ءبىلىم ۇقساس، ويتكەنى ماۋسىم سوڭىندا ءبىر تۇتاس ەمتيحان الىنادى، ءار ايدا نەگىزىنەن ۇقساس وقىتۋ مىندەتى ورىندالادى. الايدا ءبىزدىڭ A كلاس باسقا  كلاسقا مۇلدە ۇقسامايدى. كلاسىمىزدا كوپتەگەن ساباقتاس ءوزارا پىكىر الماستىرادى، شاعىن گرۋپپا بويىنشا تالقى ورىستەتەدى، ءتىپتى، مۇعالىمدەرمەن دە پىكىر الماستىرادى، ساباقتىڭ ءوتىلۋ قارقىنى تەز، بۇل كوپشىلىكتى باسەكەگە شاقىرىپ، تىلەۋلەس ساباقتاستاردىڭ بىرگە ۇيرەنىپ، بالىق پەن سۋداي ەتەنە  بولىپ، ويلاۋ، قيالداۋىنىڭ شەكسىز بولۋىنا قويۋ راي قالىپتاستىردى، ساباقتاستارىمىزدىڭ ەشقايسىسى جىلىستاپ باسقا كلاسقا كەتكىسى كەلمەيدى. مۇعالىم تاپسىرمانى كوپ بەرمەيدى، ءبىراق ءبىز كوپ مولشەردە جاتتىعۋ ورىندايمىز، مۇعالىم تاپسىرما بەرمەسە دە، ءوزىمىز ىرىقتى تۇردە ورىندايمىز، كوپشىلىك جارىسىپ  ورىندايمىز. 
 
  كلاس تاڭداپ وقۋ مەنى جان-جاقتى دامىتتى

  لياۋنيڭ ولكەسى شىنياڭ قالالىق 11-ورتا مەكتەپ تولىق ورتا 1-جىلدىق 5-كلاسىنان لين شىزو

  مەكتەبىمىزدە وسى وقۋ ماۋسىمىنان باستاپ «كلاس تاڭداپ وقۋ ءتۇزىمى» جولعا قويىلدى، A توپتاعىلار تاريح، جاعراپيا، ساياسات ساباعىنا جاتتىعۋدى، B توپتاعىلار فيزيكا، حيميا، بيولوگيا ساباعىنا ارنايى جاتتىعۋدى كۇشەيتۋدى تالاپ ەتىپ، وقۋشىلار باعىتتامالى وقىتۋدان يگىلىكتەندى.
 
  «كلاس تاڭداپ وقۋ»-ءبىر كلاستاعى وقۋشىلار ءبىر ساباق كەستەسى بويىنشا وقيتىن فورمانى تالقانداپ، وقۋشى ءوزىنىڭ ۇيرەنۋ ناتيجەسى مەن اۋەسىنە قاراي، مۇعالىمنىڭ جەتەكشىلىگىندە وزىنە لايىق كەلەتىن توپتاعى كلاستى تاڭداپ وقىپ، ساباق جاعىنداعى ارتىقشىلىعىن ساۋلەلەندىرۋىنە وراي تۋدىردى.

  «كلاس تاڭداپ وقۋ  ءتۇزىمى» جولعا قويىلعاننان بەرى ساباق ۇستىندە نازارىم ۇيرەنۋگە شوعىرلانىپ، ۇيرەنۋ اۋەسىم ارتىپ، ۇيرەنۋ ونىمدىلىگىم دە جوعارىلاپ، بىرنەشە رەتكى  ەمتيحاندا ويداعىداي ءنومىر الدىم. بۇرىن مەنىڭ جاعراپيا  ناتيجەم  ويداعىداي  ەمەس، تاريح پەن ساياسات سۇراۋلارىنا جاۋاپ قايتارعاندا نەگىزگى ءتۇيىندى يگەرە المايتىنمىن. كلاسقا بولگەندە مەن A توپتى تاڭداعان  ەدىم، A كلاسقا كىرگەن سوڭ وسى ساباقتاردى ۇيرەنۋ اۋەسىم ەسەلەپ ارتتى. مەن ساياسات ساباعى مۇعالىمىن ەرەن ۇناتامىن، ويتكەنى ول ەمتيحان سۇراۋلارىن تۇسىندىرگەندە ءاربىر  ءبىلىم ءتۇيىنىن ەسكەرتىپ، ءار سۇراۋدىڭ ءوزى بويىنشا تۇسىندىرۋمەن بىرگە، باسقا بىلىمدەردى كەڭەيتىپ سويلەپ، وتە ايقىن ۇعىندىرىپ، امالياتپەن، تۇرمىسپەن بىرلەستىرىپ، ءاربىر وقۋشىعا ءار ساعاتتىق ساباقتان بەلگىلى ءبىلىم يگەرتەدى.

  توپقا ءبولىپ كلاس تاڭداپ وقۋ باعىتتامالى بولعاندىقتان، كوپشىلىك مۇعالىمنىڭ وقىتۋ قارقىنىنا ىلەسە  المايتىن  جاعداي كەزىكپەيدى، سوندىقتان ۇيرەنۋ اۋەسى جوعارىلايدى. توپقا ءبولىپ وقىتۋ بۇرىنعىلاردىڭ «قابىلەتىنە قاراي وقىتۋ» دەگەن ءسوزىن   ەسىمە ءتۇسىردى، مۇعالىمدەردىڭ كومەگىندە مەنىڭ ۇيرەنۋ  ناتيجەم ۇزدىكسىز جوعارىلايتىنىنا سەنەمىن.

  مۇعالىمدەرگە  ماداق  ايتقىم كەلەدى

  لياۋنيڭ ولكەسى شىنياڭ قالالىق 11-ورتا مەكتەپ تولىق ورتا 1-جىلدىق 5-كلاسىنان لي جى

  توپقا ءبولىپ كلاس تاڭداپ  وقىتۋدا مەن جاراتىلىستىق    ءپاندى ەرەكشە ۇناتاتىندىعىمنان B توپقا ءبولىندىم. B توپتا 4 اي ۇيرەنگەننەن كەيىن، مۇنداي وقىتۋ فورماسى جونىندەگى تۇسىنىگىم تەرەڭدەي ءتۇستى.

  جاراتىلىستىق ءپاندى ەرەكشە ۇناتقاندىقتان، تاريح، ساياسات، جاعراپيا مۇعالىمدەرى  ءبىزدىڭ B توپتاعىلارعا ۇقساماعان وقىتۋ ءتاسىلىن قولداندى. ساباقحانادا مۇعالىمدەر كەيبىر نەگىزدىك بىلىمدەرگە باسا ءمان بەردى. ساياسات ساباعىندا مۇعالىم كوبىندە احپاراتتىق ناقتى مىسالداردى بىزگە تالداتىپ، كوزقاراسىمىزدى ايتقىزادى، بۇل ءبىزدىڭ ءبىلىم يگەرۋىمىزگە جانە ۇيرەنگەندى قولدانۋىمىزعا سەپتىگىن تيگىزدى.
تاريح ساباعىندا مۇعالىم وقۋلىق بويىنشا سويلەمەي، ۋاقىت پەن تاريحي وقيعانى شەبەرلىكپەن  بايلانىستىرىپ،  اسەرلى تىلمەن بەينەلەيدى، كەيدە اڭگىمە ايتىپ بەرەدى، ءتىپتى، كەيدە ول جەكە ادام مەن تاريحي تۇلعالارعا باعا بەرەدى، ۇيرەنۋدىڭ قىزىعىنا باتقاندىعىمىزدان ساباقتان ءتۇسۋ قوڭىراۋى شالىنعانىن دا سەزبەي قالامىز. جاعراپيا عىلىمىنىڭ ءبىلىم ءتۇيىنى   ءبىرشاما كوپ بولعاندىقتان، وڭاي شاتاستىرىپ الامىز، ءبىزدىڭ ەستە بەرىك ساقتاۋىمىز ءۇشىن، جاعراپيا مۇعالىمىمىز شەبەر تاسىلدەر ارقىلى ءتۇسىنىپ ەستە ساقتاۋعا جەتەلەيدى. ايتالىق،    «سولتۇستىك جارتى شاردى سول قولمەن ۇستاعانىمىزدا، باس بارماعىمىزدىڭ كورسەتكەن باعىتى جەر شارىنىڭ اينالۋ باعىتىنا ۋاكىلدىك ەتەدى» دەپ تۇسىندىرەدى. ساباقتان تۇسكەن سوڭ، بەس ساۋساعىمىزدى قوزعالتىپ-اق قىم-قۋىت ءبىلىم تۇيىندەرىن ەسىمىزدە بەرىك ساقتاي الاتىن بولدىق.

  ءوزىمدى توپقا ءبولىپ كلاس تاڭداپ وقۋ  ءتاسىلىنىڭ  يگىلىگىن كورۋشىمىن دەپ قارايمىن، مەنىڭ جاراتىلىستىق پانگە ءبىرشاما جۇيرىك ويلاۋ ءتاسىلىم، توپقا بولگەننەن كەيىنگى قوعامدىق ءپان مۇعالىمدەرىنىڭ باعىتتامالى وقىتۋىنا توتەنشە باپ كەلدى، وعان ءوز قۇلشىنىسىم  قوسىلعاندا ۇيرەنۋدە كوپ  ىلگەرىلەدىم.   

  جاڭا ءتاسىل ءتىپتى ەركىن بولدى

  لياۋنيڭ ولكەسى شىنياڭ 1-ورتا مەكتەبى 16-كەزەكتى 5-كلاسىنان ياڭ زوشياۋ

  مەكتەبىمىزدىڭ «كلاس تاڭداپ وقۋ ءتۇزىمى» جوعارى مەكتەپتىڭ ساباق بەرۋ تاسىلىنە ۇقساپ كەتەدى، وقۋشى ءوزىنىڭ اۋەسى مەن قابىلەت ورەسىنە قاراي ساباقتى تاڭداپ ۇيرەنەدى. ءار وقۋشىنىڭ تاڭداعان ساباعى ۇقسامايتىندىقتان، ءبىر كلاستاعى وقۋشى ۇقساماعان كلاستان ساباق الادى. بۇرىن مەن مۇنداي وقىتۋ ءتۇزىمىن مۇلدە كورمەگەن ەدىم.

  ءبىر جىل وقۋ بارىسىندا مەن مۇنداي جاڭاشا ساباق وقۋ ءتاسىلىن ەرەن جاقسى كوردىم، ويتكەنى ءار ساعاتتىق ساباقتا ۇقساماعان كلاسقا بارىپ بەيتانىس ساباقتاستى كەزىكتىرەمىن، ساعات سايىن جاڭا ءبىلىم الىپ، تىڭ قۋانىشقا كەنەلەمىن. تۇستەن كەيىنگى ساباقتان دا جالىقپايمىن، ءار كۇنى جاڭالىققا كەز بولامىن. ۇلكەندەردەن ورتا مەكتەپتەگى ۇيرەنۋدىڭ ەش مانەرى بولمايدى دەپ ەستيتىنبىز. جوعارى مەكتەپتىڭ ساباق بەرۋ ءتاسىلىن ورتا مەكتەپ ساتىسىندا قابىلداعان ءبىز توتەنشە باقىتتى ەكەنبىز.  
 
  كلاس تاڭداپ وقۋ مۇنان دا يكەمدى بولسا ...

  شاڭحاي قالالىق جينيۋان ورتا مەكتەبى  تولىق  ورتا  1-جىلدىعىنان لو شياۋيۇن

  كلاس تاڭداپ وقۋ ءتۇزىمىن ەرەكشە ۇناتامىن، ەش مانەرسىز ەمەس، ۇيرەنۋ ونىمدىلىگى دە جوعارى، الايدا ءار وقۋ ماۋسىمى باستالعاننان كەيىن، قايتادان ءبىر رەت تاڭداۋ ورايى بەرىلسە نۇر ۇستىنە نۇر بولار ەدى. بۇلاي دەيتىنىم، اركىم ءىستى باسىنان وتكىزگەننەن كەيىن عانا، ءوزىنىڭ لايىق-لايىق ەمەستىگىن سەزەدى عوي. ەگەر مەن فيزيكانى ەمتيحان بەرەتىن ساباق تۇرىنە تاڭداسام، بەلگىلى ۋاقىتتان كەيىن، حيمياعا ونان دا جۇيرىك ەكەنىمدى بايقاۋىم مۇمكىن. ارينە، كىمدە-كىم جوسپارىن دەر  كەزىندە تەڭشەۋدى ءۇمىت ەتەدى عوي.
    
  ناعىز اۋەسىمدى ەندى عانا بايقادىم

  شاڭحاي قالالىق ساۋياڭ ورتا مەكتەبىنەن شۇي جين

  «كلاس تاڭداپ وقۋ  ءتۇزىمى» ۇيرەنەتىن ساباقتى، ساباقتىڭ قيىندىعىن، ءتىپتى، ساباق بەرەتىن مۇعالىمدى ءوزىمىزدىڭ تاڭداۋىمىزعا  مۇمكىندىك  تۋدىرىپ، پسيحولوگيالىق قىسىمدى ازايتىپ، ۇيرەنۋ ىرىقتىلىعىمىزدى جوعارىلاتتى. كلاس تاڭداپ وقىعاننان كەيىن كوپتەگەن ساباقتاس جانە دوس تاپتىم، ادامدار ارا قارىم-قاتىناس قابىلەتىم دە ۇشتالا ءتۇستى.

  ەڭ باستىسى، كلاس تاڭداپ وقۋ مەنىڭ ناعىز  اۋەسىمدى  بايقاتىپ، ءوزىم ۇناتاتىن ساباققا زەيىن-زەردەمدى شوعىرلاندىرۋىما جەبەپ، ۇيرەنۋدەگى «جۇبانىشىم» ازايىپ، ونىڭ ەسەبىنە قۋانىشىم كوبەيدى.
مۇعالىمدەردىڭ كوزقاراسى

   شاڭحاي قالالىق جينيۋان ورتا مەكتەبىنىڭ باستىعى ۋاڭ ليپيڭ:

  جوعارى مەكتەپكە وقۋشى قابىلداۋ ەمتيحانىنا رەفورما جاساۋ تولىق ورتا مەكتەپتىڭ توپقا ءبولۋ قۇرىلىسىنا ەركىن كەڭىستىك قالدىرىپ، مەكتەپتىڭ ساباق ورنالاستىرۋدا جاڭالىق جاراتىپ، ەرەكشەلىككە يە وقۋ-وقىتۋدى جولعا قويۋىنا ءتيىمدى بولدى. ءبىر جاعىنان، مەكتەپتىڭ ساباقتى الۋان تۇرلىلەندىرۋ قۇرىلىسى مەن توپقا ءبولىپ وقىتىپ، وقۋشىنىڭ دارىنىن ۇشتاۋىنا وراي تۋدىرسا؛ ەندى ءبىر جاعىنان، وقۋشىلاردى ۇيرەنۋ بارىسىندا  ءوزىن تانۋىنا، وزىنە سەنىم ارتۋىنا، دەربەس تاڭداۋدى ۇيرەنۋىنە جەتەكشىلىك ەتتى. 
 
  شاڭحاي قالالىق ساۋياڭ 2-ورتا مەكتەبىنىڭ باستىعى ۋاڭ پيڭ:

  جاڭا جوبا نەگىزىندە «كلاس تاڭداپ وقۋ ءتۇزىمى» باياندى جولعا قويىلاتىنى داۋ جۇرمەيتىن شىندىق. ساۋياڭ 2-ورتا مەكتەبىنىڭ تاڭداپ وقىتىلاتىن  ساباقتا «كلاس  تاڭداپ وقۋ ءتۇزىمى» بويىنشا ساباق ءوتىپ كەلگەنىنە نەشە جىلدىڭ ءجۇزى بولدى، الداعى كۇندە بۇدان ەش اۋىتقىمايدى. بۇدان كەيىن تولىق ورتا 3-جىلدىقتىڭ ساباق كەستەسىندە «ەرىكتى ۋاقىت» تۇڭعىش رەت جارىققا شىعادى، بۇل ۋاقىتقا ساباق ورنالاستىرىلمايدى، وسى ۋاقىتتا وقۋشىلاردىڭ باسكەتبول ويناۋىنا، كىتاپحاناعا بارىپ كىتاپ وقۋىنا جانە باسقا قيمىل ورنالاستىرۋىنا ابدەن بولادى.  

  شاڭحاي فۋدان ورتا مەكتەبى وقۋشى قابىلداۋ كەڭسەسىنىڭ مەڭگەرۋشىسى چىن ۋەيشيڭ: مەكتەبىمىز  جولعا  قوياتىن «كلاس تاڭداپ وقۋ  ءتۇزىمى» دارەجە ەمتيحانىنىڭ 6 ساباعىنا سايادى. وقىتۋ مازمۇنىنىڭ اۋىر-جەڭىلدىگىنە قاراي، ءاربىر ساباقتى A ،B ،C كلاس جانە باسەكە كلاسى دەپ 4 توپقا بولەدى، وقۋشى ءوزىنىڭ ءىس جۇزىندىك جاعدايىنا جانە جەتەكشى مۇعالىمنىڭ ۇسىنىسىنا ساي كلاسقا تىزىمدەلەدى. مۇعالىم جاڭادان بولىنگەن كلاس بويىنشا ارالاپ ساباق بەرەدى، وقۋشىلار دا ارالاپ ساباق الادى. وقۋشىنىڭ ۇيرەنۋ ناتيجەسى ۇزدىك بولسا، ءبىر ساتى جوعارى توپقا كىرۋگە ءوتىنىش ەتۋىنە؛ ۇيرەنۋدە ىلەسە الماسا، ءبىر ساتى تومەن توپقا تۇسۋىنە بولادى. مىنە، بۇل وقۋشىعا ءتىپتى دە  يكەمدى تاڭداۋ ۇقىعىن بەرگەندىك.
  
  شاڭحاي قالاسىنداعى ەرەكشە دارەجەلى مەكتەپ باستىعى، مەملەكەتتىك تاڭداۋلى وقىتۋشى ليۋ جينحاي:

  تولىق ورتا مەكتەپ ساتىسى جالپى وقۋشىنىڭ نەگىزىن ورتاق جوعارىلاتادى، سونداي-اق نەگىز بەن ءبولىنۋ، تەڭدىك پەن ەرەكشەلىك سياقتى ماسەلەلەرگە جاۋاپ قايتارىپ، وقۋشىعا وزدىگىنەن تاڭداۋ ۇقىعىن بەرەدى.مىنە، بۇل شاڭحاي جوباسىنىڭ نەگىزگى ءتۇيىنى. 6 دان 3 تى تاڭداعاننان كەيىن، وقۋشىنىڭ تاڭداعان قۇراماسى 20 تۇرگە جەتىپ، تولىمدىلىق ەمتيحانى مەن  دارەجە  ەمتيحانىنىڭ    قيىندىق پارقى بارعان سايىن زورايىپ، تولىق ورتا ساتىسىنداعى توپقا ءبولىپ وقىتۋدىڭ   ءسوزسىز ىسكە اساتىنى مۇندا تۇر.

   اۋدارعان-ساعىنبەك رابات ۇلى



رەداكتورى: الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn