ەەڭ جاڭا مازمۇندار
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان
2022-جىلى 7-ايدىڭ 2 -كۇنى 147 ـ سان
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
مەيىرگە شومعان تيانشاننىڭ بار الابىنان كوكتەم لەبى ەستى
جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىن» باسىپ تاراتتى
قالىڭ شاعىن شارۋالاردى استىقتى كوپتەپ ەگۋگە، جاقسى استىق ەگۋگە جەتەكتەپ، مەملەكەتتىڭ استىق حاۋىپسىزدىگىنە بىرگە كۇش قوسىڭىزدار

اياۋلى انا،القاۋلى ۇستاز

جولدانعان ۋاقىتى : 2015/4/3 13:11:29

  ۇلان توكەنين
 
  1940 -جىلى قاڭتاردا شاۋەشەك اۋدانىندا دۇنيەگە كەلگەن باقىتحان جاميحان قىزىنىڭ اياۋلى اكەسى سول كەزدەگى قوعامدىق الاساپىران جاعدايدا كوزى اشىق، كوكىرەگى وياۋ، «ۇرپاعىم ۇلاعاتىم، كەيىنگى بولاشاعىم» دەپ  تانىپ، ۇرپاقتارىنىڭ الداعى ءومىرى مەن بولاشاعىن ويلاپ، كونە كوزقاراستان ەرتە ارىلىپ، ءۇش قىز، ءبىر ۇلىن  جاڭاشا وقۋعا بەرىپ، وتباسىلىق جاعدايى ءۇشىن، شاۋەشەكتەگى جىڭعا جۇرگىزگەن تۇز تاسيتىن كەرۋەنىنە جالدانىپ جۇمىس ىستەيدى. شيەتتەي ۇرپاقتارىنىڭ قامىن ويلاعان اكەنىڭ ءدال سول تۇستاعى تاپقان جالى كەرۋەندەگى وزدەرى تاسىپ كەلە جاتقان تۇزدان ەپتەپ جاسىرىپ، سونى ساتىپ، از دا بولسا ءال-اۋقات ەتۋمەن بىرگە، شيەدەي شيكى وكپە ۇرپاقتارىنىڭ وقۋ جاسىنا تولعاندارىن مەكتەپكە بەرىپ، ءبىلىم نارىنەن سۋسىنداتا باستايدى.

  ازاتتىقتىڭ ارايلى كۇندەرىنە وراي 1947-جىلى قىركۇيەكتە مەكتەپ قۇشاعىنا ىلىنگەن قارشاداي باقىتحان كىشكەنتايىنان بار مەن جوقتى، اش پەن توقتى بالا جۇرەگىمەن  تەرەڭ سەزىنىپ، اتا - اناسىنىڭ  كۇتكەن ۇمىتىنەن شىعۋعا مىقتاپ بەل بايلايدى دا 1957-جىلعا دەيىن 10 جىلدىقتى كىلەڭ 5 تىك ناتيجەمەن اعىلا بىتىرەدى. ىلە-شالا تارباعاتاي ايماقتىق وقۋ-اعارتۋ مەكەمەسىنىڭ ءبىر تۇتاس ءبولىسى بويىنشا شيحۋ اۋداندىق 1-ورتا مەكتەپتەن العاشقى قوعامدىق ساپارىن باستاپ، وقىتۋشى دەگەن  جاپالى دا داڭقتى كاسىپپەن اينالىسىپ كەتەدى.

  «قيىن ءىس جوق جاھاندا، ىقىلاس قويعان ادامعا» دەگەندەيىن، كونە كوز ۇستازدارىنىڭ ءجون كورسەتۋىنە قوسا، ءوزىنىڭ كاسىپكە بەيىمدەلگىش    تىرىسشاڭدىعىنىڭ ارقاسىندا قوعامدىق قىزمەتىن جاڭادان باستاعان   باقىتحان 1957-جىلدان 1965-جىلعا دەيىن كورە ءجۇرىپ، ۇيرەنە    ءجۇرىپ بولاشاعىنان از دا بولسا ءۇمىت وتىن بايقاتا باستايدى. ونىڭ بويىنداعى وسى تالانتتى بايقاعان مەكتەپ باسشىلىق القاسى ونى ءتىپتى دە شىڭداي ءتۇسۋ ءۇشىن، كلاس جەتەكشىسى،  ماتەماتيكا گرۋپپاسىنىڭ جاۋاپتىسى، قوسىمشا جۇمىسشىلار ۇيىمىنىڭ    ءتورايىمى  سياقتى اۋىر دا جاپالى مىندەتتەردى جۇكتەيدى.

  توپشىسى بەكىپ، قاناتى قاتايىپ، وڭ-سولىن ەندى تاني باستاعان جالىندى جاس بار زەيىن-زەردەسىن عىلىمعا ارناپ، ۇستازدىق اتتى ۇلى ساپاردىڭ قىرى مەن سىرىنا بەرىلىپ، تۇلپارداي كوسىلەر شاعىندا « مادەنيەت زور توڭكەرىسىنىڭ» قارا داۋىلى ءىلىپ الا جونەلەدى. شيەتتەي ءتورت بالاسىمەن قوسا، جۇبايى ەكەۋىنىڭ قىزمەت  ورنىن شيحۋ اۋدانىنىڭ باسىحۋ گۇڭشى مەكتەبىنە جوتكەيدى دە نە ءبىر حيكمەتتى كەشىرمەلەردى باستان وتكىزەدى.

    باقىتحان اپاي ءبىر اڭگىمەسىندە:
  _ جۇبايىم ساعيدوللا كۇندىز-ءتۇنى باقىلاۋ استىندا جۇمىس ىستەسە، مەن ءار كۇنگى ساباقتان تىس، مەكتەپتىڭ ءتۇرلى ەڭبەكتەرىمەن قوسا، وقىتۋشىلاردىڭ ءبىلىم ساۋياسىن ءوسىرۋ    ءۇشىن، كەشكى ارالىقتاردان پايدالانىپ، ولارعا ءار ءتۇرلى پاندەردەن ساباق بەردىم. سول كەزدەگى سولشىلدىق ناۋقاننىڭ اسەرىندەگى كىلەڭ تابىنۋشىلىقتار مەن جاپپاي كوز بوياۋشىلىقتار مەنى دە از قيىندىقتارعا جولىقتىرمادى،-دەيدى ءسوز ارەدىگىندە، -وعان نە امال بار؟ سول كەزدەگى بۇكىل ەلىمىز جاعدايى وسى بولعاندىقتان. ءبىراق، ماعان ەڭ باتقانى بالام داۋىل تۋىلعاندا نە ءبارى ءۇش-اق كۇن عانا دەم الا  الدىم،-دەيدى جانسەبىل انا،-باسقا قارايلاساتىن ادام جوق، جولداسىم قولدا، ونىڭ باس ەركىندىگى وزىندە ەمەس، وسىنداي كۇندەردى كورە ءجۇرىپ، 1975-جىلدىڭ سوڭىندا ءبىزدى شيحۋ اۋداندىق وقۋ-اعارتۋ مەكەمەسى اۋدانعا قايتا جوتكەپ اكەلىپ، بۇرىنعى ورنىمىزعا ورنالاستىردى، سوندا دا «شەتتىڭ شەگەسى، تاريحى تازا ەمەس» دەگەن سياقتى ءتۇرلى ات تاعىلا ءجۇرىپ، پارتيا 11-كەزەكتى ورتالىق كوميتەتى ءۇشىنشى جالپى ماجىلىسىنەن كەيىن اتاق-ابىرويىمىز    بۇكىلدەي قالپىنا كەلدى،-دەيدى   وتكەن كۇندەرىن ەسكە العان ەسىل انا.

  ولار وسىلايشا اۋىر كۇندەردە قول ۇستاسا ءجۇرىپ، تاپقان قارا نانىن ءبولىپ جەپ، قارلىعاشتىڭ قاناتىمەن سۋ سەپكەندەي كۇن كەشە ءجۇرىپ،  بالالارىن جەتكىزۋمەن ارقا ەتتەرى ارسا، بورباي ەتتەرى بورشا  بولىپ  جۇك كوتەرسەدە مىڭق ەتپەي، جىعىلعان ورنىنان قايتا تۇرىپ، ەلى ءۇشىن، ۇلتتىق اعارتۋ  ءۇشىن وزىندەگىنىڭ  بارىن ارنادى.

  ايتالىق، 1981-جىلى اۋداندىق 3-ورتا مەكتەپ شاڭىراق كوتەرگەندە تالاي جىلدىق وقىتۋشىلىق تاجىريبەسى بار باقاڭدى وسى ورتا مەكتەپتىڭ عىلمي مۇدىرىمەن قوسا كلاس جەتەكشىلىك مىندەتىن دە جۇكتەيدى. قايدا بولسا ۇيىمنىڭ بەرگەن ءتۇرلى مىندەتىن قارا نارداي قايىسپاي كوتەرىپ،  وزىندەگىنىڭ ءبارىن ۇرپاق ءۇشىن  ۇلىقتاپ كەلگەن ونى ءوز توڭىرەگىندەگىلەر عانا  ەمەس، بۇكىل  اۋدان كولەمىندە جاقسى اڭىستارعا يە ەتەدى.

  قاشاندا ۇيرەنۋدى ءبىر ساتكە بوساڭسىتپاعان ول سوناۋ 1957-جىلى  ايماقتىق ورتا دارەجەلى فيزيكا-حيميا كۋرسىسىنا 3 اي قاتىناسىپ، ءبىر جاعىنان ءوز تىرىسشاڭدىعىنىڭ ارقاسىندا جوعارىداعى پاندەردەن العاشقى ساۋياعا جەتسە، 1959-جىلى شينجياڭ پەداگوگيكا ينستيتۋتىنىڭ فيزيكا فاكۋلتوتىنان ءبىلىم اسىرىپ، سوڭىنان شينجياڭ ۋنيۆەرسيتەتىنىڭ قىسقا مەرزىمدىك كۋرستارىنا قاتىناسا ءجۇرىپ، فيزيكا-حيميا سياقتى   جاراتىلىستىق پاندەرىنەن دە نەداۋىر ساۋياعا يە بولادى.

  قايدا بارسادا وقۋ-وقىتۋ جۇمىسىن ەشقاشان كوكەيىنەن شىعارماي، قوعامعا جارامدى ۇرپاق تاربيەلەۋ جاعىندا قۇلشىنىپ كەلگەن باقاڭنىڭ ەڭبەگىن جوعارى باعالاعان ءار دارەجەلى پارتيا، ۇكىمەت تاراۋلارى 12 رەت اۋدان، ايماق كولەمىندە «وزات وقىتۋشى»، « 8-ناۋرىز قىزىلتۋشىسى» ەتىپ ماراپاتتاسا، 1996 - جىلى جەلتوقساندا شيحۋ اۋدانى قالاعا وزگەرگەندە  اشىلعان تۇڭعىش رەتكى پارتيا قۇرىلتايىنىڭ ۋاكىلى، 1987 -جىلى  ىلە  قازاق اۆتونوميالى وبلىستىق 3-كەزەكتى ايەلدەر قۇرىلتايىنىڭ ۋاكىلى بولىپ،   ءوزىنىڭ ءبىر كىسىلىك رولىن ساۋلەلەندىرسە، 1988-جىلى ورتا مەكتەپتىڭ 1-دارەجەلى عىلمي اتاعىن   ەنشىلەيدى. 1985-جىلى داڭقپەن جۇڭگو كوممۋنيستىك پارتياسىنا مۇشە بولادى.

  وسىنداي ۇرپاق ءۇشىن 35 جىل ماڭداي تەرىنەن مارجان ءوندىرىپ، ۇستازدىق اتتى ۇلاعاتتى كاسىپتى ءبىر كۇنگىدەي وتكىزىپ، 1992-جىلى داڭقپەن زەينەتكە شىققان ول كىسى بۇل كۇندەرى مىناۋ باياشات زاماننىڭ ءبالزام تۇرمىسىندا ۇلىن ۇياعا، قىزىن قياعا قوندىرىپ، الاڭسىز كۇندەرىن نەمەرەلەرىمەن بىرگە وتكىزۋمەن بىرگە، ءالى دە قوعامدىق قيمىلدارعا بەلسەنە ات سالىسىپ كەلەدى. 2007-جىل شيحۋ قالاسىندا قۇرىلعان «مەيىربان انالار» ۇيىمىنا مۇشە بولىپ، جارلى-جاقپايعا مەدەت بولىپ كەلەدى، ياعني 2014-، 2015-جىلدارى وقۋ باستاۋ سالتىندا تۇرمىسىندا قيىنشىلىعى بار وقۋشىلارعا مىڭ يۋان جىلۋ اتاسا،   وتكەن جىلى قۇرىلعان «ەكپىن دەنە تاربيە كومانداسىنا» مىڭ يۋان جىلۋ اتاپ، جاقىننان جاردەمشى بولدى.

  « ‹بالاسى اتقا شاپسا، شەشەسى ۇيدە وتىرىپ تاقىمىن قىسادى› دەگەندەيىن، مەن وقىتقان وقۋشىلارىمنىڭ الدى ايماق دارەجەلى باسشىلىق ورىنداردا قىزمەتتە، اندا-ساندا اۋىلعا ات باسىن بۇرسا ماعان كەلىپ امان-سالەم جاساپ تۇرادى. وسىلاردى كورگەندە توبەم كوككە جەتكەندەي بولادى، ولار مەنىڭ ەڭبەك جەمىسىم، ماقتانىشىم. ‹ادام مىڭ جاسامايدى، ۇرپاعىمەن مىڭ  جاسايدى› دەمەكشى، بۇل كۇندە 4 ۇل،  ەكى قىزىم بار، بارلىعى قوعامدىق قىزمەتتەردە. 5 نەمەرەم، 4 جيەنىم بار. جولداسىم ساعيدوللا دا وسى شيحۋ قالاسىنىڭ وقۋ-اعارتۋ ىستەرىنە 40 جىلداي ەڭبەك ءسىڭىردى، قازىر و دۇنيەلىك بولىپ كەتتى، بولماسا اشتى ەڭبەگىنىڭ ءتاتتى جەمىسىن تاتىپ، قوساعىمىزبەن قوسا اعارساق بولار ەدى، ونىڭ ءبارى تاعدىردىڭ  ءىسى، ءبىز جەتە الماعان ارمانعا ۇرپاقتارىمىز جەتسىن، ءبىز ىستەي الماعان ىستەردى سولار ىستەسىن دەيمىن، جاندارىنا جاماندىق بەرمەسىن» دەپ بىزبەن بولعان اراداعى ءسوزدى دوعاردى.




رەداكتورى: الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn