ەەڭ جاڭا مازمۇندار
قۋاتتى الەۋمەتتىك دەنساۋلىق ساقتاۋ جۇيەسىن ورناتىپ، حالىقتىڭ دەنساۋلىعىن قورعاۋدى پارمەندى قامتاماسىزداندىرۋ كەرەك
تەگىن تاۋىق تاراتىپ،مۇگەدەكتەردىڭ كىرىستەرىن ارتتىرۋىنا كومەكتەستى
جەردى اينالىمعا سالۋدىڭ ونىمدىلىگى جوعارى بولىپ،قىستاق تۇرعىندارىنىڭ كىرىسى ارتتى
اۋقاتتانۋ جولىنا باستاعان ازامات
جەرگىلىكتى ۇگىت-لەكسياشىلار تاماشا كەلبەتتى ايگىلەپ،وزگەرىستەردى باياندادى
«ساباق مىنبەسىنەن ءومىر بويى قول ۇزگىم كەلمەيدى»
2020-جىلى 6-ايدىڭ 5-كۇنى 115-سان
نەگىزگى تاقىرىپتىق پارتيا كۇنى قيمىل وتكىزىپ،پارتياعا كىرگەندەگى سەرتتەرىن ەسكە ءتۇسىردى
وركەنيەتتىلىككە،اقاۋسىزدىققا بىرگە ۇمتىلايىق
تۇزىمدە شوعىرلى جاڭالىق اشۋدى كورنەكتى ورىنعا قويىپ ەركىن ساۋدا پورتىن جوعارى ساپامەن، جوعارى ولشەممەن قۇرۋ كەرەك
شينحۋا اگەنتتىگىنىڭ وكىلەتتىگىمەن «جۇڭحۋا حالىق رەسپۋبليكاسىنىڭ ازاماتتىق زاڭناماسى» جاريالاندى
باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى سوزدەرى مەن مەملەكەتتىك ەكى ءماجىلىستىڭ رۋحىن ىشكەرىلەي دايەكتىلەندىرىپ،پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىنىڭ قاز-قالپىندا تياناق
سۋرەتتەر اۋىل-قىستاقتاعى وراسان زور وزگەرىستەرگە كۋا بولدى
كەدەيلىك قالپاعىن الىپ تاستاپ،تاماشا تۇرمىسقا كەنەلدى
تۇتىنۋ ارقىلى كەدەيلەردى سۇيەمەلدەۋدى جاقسى ىستەدى
اۋلا شارۋاشىلىعىن دامىتىپ،كەدەيلىكتەن ارىلۋىنا كومەكتەستى
قىستاقتا كوتەرمە جۇمىس ىستەپ كىرىستى ارتتىردى
2020-جىلى 6-ايدىڭ 4-كۇنى 114-سان
قاز باعىمشىلىعىمەن شۇعىلداندى
قاجىرلىلىقپەن ءبىلىم ۇيرەنىپ، مۇرات - سەنىمدى بەكەمدەپ، بەرىك ەرىك - جىگەردى شىڭداپ، دەنە شىنىقتىرىپ دەنساۋلىقتى كۇشەيتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاي - قاشاندا دايىن تۇرايىق
جاپپاي دوڭگەلەك داۋلەتتى قوعام ورناتۋداعى ولقىلىقتاردى تولىقتاۋ ماسەلەسى جونىندە
ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ جاڭا جەڭىسىن قولعا كەلتىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ كەرەك
تارباعاتاي ايماقتىق اكىمشىلىك مەكەمەسى مەن جۇڭگو ونەركاسىپ-ساۋدا بانكەسىنىڭ شينجياڭ بولىمشە بانكەسى سەلبەستىك ورناتۋ جۇلگەلىك كەلىسىمىنە قول قويىستى
قالا كوركىنىڭ تولىمدى اجارلاندىرۋشىسى بولايىق
2020-جىلى 6-ايدىڭ 3-كۇنى 113-سان
ەكى ءماجىلىس رۋحىن ۇيرەنىپ،تاس جول ىستەرىنە ۇلەس قوسامىز
2020-جىلى 6-ايدىڭ 2-كۇنى 112-سان
ازاماتتىق زاڭنامانى جاريالاپ اتقارۋدىڭ كەلەلى ماڭىزىن جەتكىلىكتى تانىپ، حالىقتىڭ زاڭدى ۇقىق - مۇددەسىن زاڭ بويىنشا اناعۇرلىم ويداعىداي قامتاماسىز ەتۋ كەرەك
ۇكىمەت قىزمەتىنەن بايانداما
باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتىپ، جاپپاي دوڭگەلەك داۋلەتتى قوعام ورناتۋ كەرەك

«بايان دەسە باقىت كەلە جاتقانداي»

جولدانعان ۋاقىتى : 2015/4/8 17:53:37

«بايان دەسە باقىت كەلە جاتقانداي»
ماقسات قيزات ۇلى

  ءدوربىلجىن اۋدانىنىڭ ەمىل مال فەرماسىنا ات باسىن بۇرار بولساڭىز، «حالىقتى يگىلىكتەندىرۋ قولونەر كووپەراتيۆى» دەيتىن ماڭدايشالىعى بار قاز-قاتار تىزىلگەن قولونەر وتاۋىن كورەسىز. كوزگە وتتاي باسىلعان سوڭ جاعالاي باس سۇعىپ، كاسىپتەنۋشىلەردىڭ حال-جاعدايىمەن تانىستىق، ءبىز كىرگەن ونەر وتاۋىنىڭ يەسى جانار ەسىمدى اپەكەمىز ەكەن.

  _ شىنىمدى ايتار بولسام، ەكى جىلدىڭ الدىندا ۇيىمدە ءوڭى ءتۇزۋ جابدىق جوق بولاتىن، بالالى-شاعالى وتباسىن اسىراۋ ءۇشىن جولداسىم قىسى-جازى كۇندىك ىستەيتىن، مەن بار بولعانى بوس وتىرمايىنشى دەگەن ويمەن قولىمداعى بىزكەستەممەن ونى-مۇنى تىگىپ، سىڭلىلەرىمنىڭ جاساۋ- جابدىعىن ازىرلەپ بەرەتىنمىن، ءوستىپ تىرلىك كەشىپ جاتقاندا، بىلتىر ۇيىمىزگە بايان اپەكەمىز كەلدى، حال-جاعدايىمىزدى ءبىلدى، مەنىڭ قولدان توقىعان ءساندى كيىز ءۇي، قولعاپ، ساندال سياقتى تۇتىنۋ بۇيىمدارىن كورىپ:  «جانار قۇربىم، سەن ءبۇيتىپ ۇيدە بوس وتىرعاندى قوي، مىنا ونەرىڭمەن تابىس تاباسىڭ، ءۇپى-ءتاپى تىرلىگىڭنىڭ ءتۇتىنىن ءتۇزۋ ۇشىراسىڭ، ۇيىڭدەگىلەرمەن اقىلداس تا ءبىر شەشىمگە كەل، ءىس تىگىپ بەرسەڭ بولعانى، ونى ارى قاراي بازارعا ويىستىرۋ مەنىڭ موينىمدا» دەپ كەتىپ قالدى. قالجىڭداپ تۇرماعان شىعار دەگەن ويمەن ءۇزىپ-جۇلىپ تىككەن قولونەر بۇيىمدارىمدى باياننىڭ الدىنا الىپ باردىم، ايتقانىنان قايتقان جوق، ءبىر اپتادان سوڭ قولىما ەڭبەگىمنىڭ وتەۋىن  سىتىرلاتىپ ساناپ بەردى، ەكى ايدان سوڭ فەرمامىزدىڭ قولونەر كووپەراتيۆىنەن  ورىن ۇسىندى. سودان بەرى وسىندا ءىس تىگىپ، ساۋدا جاساپ كەلەمىن، ايىنا 5 مىڭ يۋان كىرىس تابامىن. بۇرىن كىشكەنتاي قىزىم ەلدىڭ بالالارى نەگە ادەمىلەپ كيىنىپ جۇرەدى دەپ ءجيى سۇراق قوياتىن، نە دەپ جاۋاپ بەرەرىمدى بىلمەيتىنمىن، ال قازىر قىزىم ونداي سۇراقتى قويمايتىن بولدى، ءۇيىمىز جابدىققا تولدى، قاپشىعىمىز تومپايدى، قۇلىنشاعىم كىشكەنتاي بولسا دا ءبىزدى وسى كۇنگە جەتكىزۋگە قولىن سوزعان قورمالىمىز بايان ەكەنىن بەس قولىنداي بىلەدى. بايان دەسە جانى، ول كەلسە بولدى «الاقاي، بايان شەشەم كەلدى» دەپ قۋانىپ كەتەدى بەينە بايانمەن قوسا وتباسىمىزعا باقىت كىرىپ كەلە جاتقانداي.

  اۋىلداستارعا جاردەمشى بولىپ جۇرگەن بۇل كىسى كىم دەسەڭىز، ول ءدوربىلجىن اۋدانى ەمىل مال فەرماسىنىڭ تۋماسى، سول فەرمانىڭ ايەلدەر بىرلەستىگىنىڭ ءتوراعاسى بايان رامازان قىزى.

  بايان قاراتاۋدا قوزى جايىپ وسكەن مالشى قىزى، شوپان بالاسى 10 جاسىنان باستاپ قارا ەڭبەككە جەگىلدى، قاراكەشكە دەيىن تاۋسىلىپ بەرمەيتىن قىر تىربىڭى جاس بۋىندى تەزدەن قاتايتتى، 1997-جىلدان باستاپ فەرمانىڭ جايلىم باقىلاۋ-باسقارۋ كادرى بولىپ قىزمەت ىستەدى، جايلىم قىزمەتىن جاقسى ىستەگەن سوڭ جوسپارلى تۋىت قىزمەتىن قوسا قولعا الدى، ونى دوڭگەلەك اينالدىرا بەرگەندە، فەرمانىڭ جۇمىسشى ۇيىمىنىڭ تىزگىنىن ۇستادى. 2002-جىلى ەمىل فەرماسىنىڭ ايەلدەر بىرلەستىگىنىڭ قىزمەتكەرى بولىپ جۇمىس اتقارىپ، فەرماداعى ءاربىر ءۇيدى ارالاپ جۇرگەندە، قازاقتىڭ ون وتباسىنىڭ كەم دەگەندە بىرەۋى ءىشى قولونەر بۇيىمعا تولى شەبەرحانا ەكەنىن بايقادى. ەمىل فەرماسىندا 5 مالشى قىستاق، 5 ءوندىرىس قىستاق بار، وسى ون قىستاقتى قازاقتىڭ قارشاداي قارا قىزى تابانىنان تاۋسىلىپ ارالادى، قولىندا ونەرى بار كورىكتىگە دە، بورىكتىگە دە اقىل سالدى، ءبىراق قول ونەرىمەن ورگە  وزايىن، بازارداعى  باعىمدى سىنايىن دەيتىندەردىڭ توبەسى كورىنەر ەمەس، كوبىسى: «ءاي بۇنىمىز قالاي بولار ەكەن، كەستە تىگىپ، توقىما توقىپ، كيىم ءپىشىپ، سىرماق سىرىعاننان بىزگە قانشا پايدا بار دەيسىڭ، قالتامىزعا ۇزاسا شاي-تۇزىمىزدى ايىراتىن ارقار جالاق بىردەڭە قالار» دەگەننەن ارى اسپادى.

  بۇنداي كەرى ءسوزدى ەستىگەندە بايان  ءتۇڭىلىپ  كەتتى،  ءبىراق  ءسۇرىنىپ كەتكەن جوق. ويى وزىق  دەگەن جاستاۋ سىڭلىلەرىنەن بىرنەشەۋىن جەتەكتەپ كەلىپ فەرما كەڭسەسىنىڭ ارت جاعىنداعى  ونەر وتاۋىنا وتىرعىزىپ قولونەرمەن شۇعىلدانۋىنا جاعداي جاسادى. «تاباندى تاۋدى جىعادى» دەگەن ەمەس پە، ونەرلى جاستار 2 اي ۇزدىكسىز ەڭبەك ەتىپ، شەبەرحانانى جاساۋ-جابدىققا تولتىرىپ جىبەردى. بايان قولونەر بۇيىمدارى مەن جاساۋ-جابدىقتاردى اۋدان قالاشىعىنا اپارىپ ساۋداگەرلەردىڭ قولىنا تابىس ەتتى. «باياننىڭ ونەرلى قىزدارى ايىنا 4 مىڭ يۋاننان كىرىس كىرگىزىپتى» دەگەن ءسوز ەمىل بويىن شارلاپ كەتتى، كەشە كەيىن تارتىنىپ، ەرتەڭىنەن سەكەم العان ونەر يەلەرى تابان اقىسىنىڭ تاباندا بەرىلەتىنىن ەستىپ، باياننىڭ جانىنا اعىلا باستادى. بايان 2012-جىلى فەرما ورتالىعىنداعى تۇرعىن ءۇي عيماراتىنان 26 بولمەلى ءۇيدى «اۋىل ايەلدەرىن اۋقاتتاندىرۋ نىسانى» نەگىزىندە قىستاقتاعى ەڭ ۇزدىك ونەر يەلەرىنە تەگىن بوساتتىرىپ بەردى. قازىر بۇل جەردە 30 دان استام اۋىل ايەلى جۇمىس جۇرگىزەدى، بارلىعى دا اۋدانعا اتى تانىمالى ىسمەرلەر، نە كەرەكتىڭ ءبارىن جاساي    الادى.

  _ كاسىبىمىز  كەرەگەسىن كەڭ جايدى، جۇمىس ونىمدىلىگىن ارتتىرۋ ءۇشىن، تاياۋدا ءبىز «ايەلدەردى كاسىپتەندىرۋ» نىسانى نەگىزىندە 90 مىڭ يۋانعا ىشكى ولكەدەن كەستە تىگۋ ماشيناسىن الىپ كەلدىك، فەرمامىزدا 500 دەي قولونەرشى بار، ونەر يەلەرىنە شابىت بەرۋ ءۇشىن جىل سايىن «قولونەر بۇيىمدارىن جاساۋ» جارىسىن وزدىرىپ تۇرامىز، ىسمەرلەرىمىز جىل سايىن ايماق-اۋدان بويىنشا اعالاپ العا شىعىپ، جەڭىس تۇعىرىنان كورىنىپ كەلەدى. جۇمىسىمىزدىڭ جەمىستى بولۋىنا اۋدان اكىمى ەلدوس ءبىر كىسىدەي قول ۇشىن بەرىپ كەلەدى. ءبىز ەندى قولونەر بۇيىمدارىمىزدى تەك اۋدان كولەمىندە  ەمەس  باسقا دا اۋدان، ايماقتارعا اپارىپ ساتساق  دەگەن ويدامىز، سونىمەن بىرگە وزگەنىڭ   وزىق دۇنيەسىمەن تانىسىپ، وزگە جۇرتتىڭ ونەرلىلەرىنەن ونەگە قابىلداپ، ونەرىمىزدى ورگە ءجۇزدىرۋ الداعى جوسپارىمىز.

  مىنە بۇل اۋىلداعى اپەكە-سىڭلىلەرىن زاماننىڭ كوشىنەن قالماي العا باسۋعا جەبەۋشى بولعان جىگەرلى جان باياننىڭ جۇرەك ءسوزى.

  قازاقتىڭ حالىق انىندە «وۋ، اق بايان، اق جۇرەگىڭ كوپكە ايان» دەپ باستالاتىن سوزدەر بولماۋشى ما ەدى، ءبىزدىڭ بۇگىنگى كەيىپكەرىمىز دە انە سونداي اتى زاتىنا ساي جۇرەگى ەلىم دەپ ەلجىرەگەن ەستى كىسى، ول اۋىل ايەلدەرىنىڭ ابزال الىپپەسى عانا ەمەس، ءوز وتباسىنىڭ  ارداقتى اناسى، 90 داعى ەنەسىن اق قاعازداي كۇتىپ وتىرعان قۇتتى كەلىن، ەنەسىنەن اق باتا العان كەلىن مىنە بۇگىن ەلىنىڭ باتاسىن الىپ وتىر، اق باتا الىسقا جەتەلەي بەرسىن!

   سۋرەتتە: بايان كووپەراتيۆتەگى ىسمەر ايەلدەردىڭ ونەرىن كوزدەن كەشىرۋدە.





رەداكتورى: الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn