ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

قۇلاعىڭدى ءتۇر جەز تاڭداي

جولدانعان ۋاقىتى : 2015/4/13 18:43:31

ماقسات قيزات ۇلى

    شينجياڭ تەلەۆيزياسى شابىسىنان تانار ەمەس، جىلقى جىلىندا ورتامىزعا «كۇمىس كومەيدىڭ» «كوكپارىن» تاستاپ ەدى، ەندى مىنە قوي جىلىنىڭ مامىرىنان باستاپ «جەز تاڭدايدىڭ»  «جىلىگىن» تارتقالى وتىر.

    «كۇمىس  كومەيدى» جايدان-جاي كوكپارعا قوساقتاپ وتىرعانىمىز جوق، بىلتىر شينجياڭ تەلەۆيزياسى مەن «ءبىل» مادەنيەت تاراتۋ شەكتى سەرىكتەستىگىنىڭ ارقاسىندا ەكرانعا جارىق ەتىپ شىعا كەلگەن بالاۋسا جوبانى احپاراتتىڭ جاڭا  مەديالارى ورتالارىنا «قىسىپ» الدى دا، جان-جاقتان تالقىنىڭ تاباسىنا قارىدى-اۋ كەپ. تايپالىپ كەلە جاتىپ تايقىپ كەتكەنىڭدى توسىپ وتىرار  قىراعى  توراپكەرلەرىمىز «ەنەسى تەپكەن قۇلىننىڭ ەتى اۋىرماسقا سالىپ» ساحناعا كوتەرىلگەن انشىلەرىمىزدىڭ ءانى مەن ءسانىن، تالىمگەرلەرىمىزدىڭ ءسوزى مەن ءبوزىن تىلگە تيەك ەتىپ ينتەرنەت بەتىندە ءبىراز شۋ كوتەردى. 

    «سىن تۇزەلمەي ءمىن تۇزەلمەيدى»، جاڭا جوبا يەلەرى سىنشىلاردىكىن اقىلمەن قورىتتى. سانا-سەزىمىن سەرگەك ۇستادى.

  سابىرمەن باستالعان جوبا ساتىمەن ءبىتتى. جوبانىڭ وزگە جاڭالىقتارىن قۇلاعىنان تىزبەسەك تە، قارا ورمانداي حالقىمىزعا شالقار، تاڭبول، سەرىكجان، مىرزاتاي سىندى بۇلبۇل كومەي انشىلەرىمىز كەڭىنەن تانىمالى بولعانى بار.

  مىنە  ەندى «كۇمىس كومەيدىڭ» قىزۋى  باسىلماي  جاتىپ «جەز تاڭدايدىڭ» جەز قوڭىراۋى قاعىلدى. بۇل شينجياڭ تەلەۆيزياسىنىڭ  بيىلعى ەكران بەتىنە شىعارعالى وتىرعان سۋداي جاڭا تەلە ايتىس جوباسى، «كۇمىس  كومەيدىڭ» كولەڭكەسى ەمەس، جارقىن ساۋلەسى. بۇل  جولى شينجياڭ تەلەۆيزياسى     «ساڭلاق» ينفورماتسيا عىلىم-تەحنيكا سەرىكتەستىگىمەن سەلبەسىپ، 1-مامىردان باستاپ «جەز تاڭدايدىڭ» جەز بۇيداسىن جەلتابان اقىندارىمىزعا ۇستاتقالى وتىر.

  «كەڭەسپەن پىشكەن تون كەلتە بولماس» دەگەندەي، «جەز تاڭداي» اتىنداعى اقىندار تەلە ايتىسىنىڭ جوباسىن جان-جاقتىلى تالقىلاۋ ءۇشىن شينجياڭ تەلەۆيزياسىنىڭ ورىنباسار باستىعى قانات  ەرەجەپ ۇلى، «ساڭلاق» ينفورماتسيا، عىلىم-تەحنيكا سەرىكتەستىگىنىڭ ديرەكتورى تاڭجارىق ايىپقان ۇلى باستاتقان ازاماتتار 18-ناۋرىز قازاقتىڭ قادىرلى ونەرى ايتىستى قابىلەتى مەن حالىنىڭ جەتىسىنشە زەرتتەپ جۇرگەن مامانداردى تەلەۆيزيانىڭ جيىن زالىنا شاقىرىپ، تۇڭعىش رەت وتكىزىلگەلى وتىرعان تەلە ايتىستىڭ تاقىرىبى، مازمۇنى،  باعالاۋ ولشەمى  جايىندا  تالقى وتكىزدى. تالقى باسىندا سۇلتان جانبولاتوۆ، شاكەن وڭالباي، لۇقتارقان ءادىلقان ۇلى، بەكسولتان كاسەي ۇلى، جەكەن قاۋىت ۇلى، تاپەي قايىسقان ۇلى، جەڭىسقان مۇقاتاي ۇلى، ءادىل سەمەيقان ۇلى قاتارلى ويى ۇشقىر وقىمىستىلار بولدى.

   ءۇنحات بولعان جەردە جاڭالىق جاتاما،  18-ناۋرىز  كەشتىڭ  وزىندە توراپكەرلەرىمىز «جەز تاڭدايدىڭ» تۋىرلىعىن جەلپي  باستادى. ءسوز باسى «جەز  تاڭداي» اتاۋىمەن  باستالىپتى، توراپكەرلەرىمىزدىڭ ءبىرتالايى «جەز تاڭداي ءانشى دەپ جاتۋشى ەدى، جەز تاڭداي اقىن دەگەندى   تۇڭعىش ەستىپ وتىرمىز» دەپ تۇيىندەپتى. كوپ رايى «جەز تاڭدايدى» جەلكەلەپ باراجاتقان سوڭ، نە ايتساق تا تەكسەرىپ سويلەپ، تەكتەپ تۇجىرىمدايىق دەگەن ويمەن كىتاپ اقتاردىق.
 
   قازاق ءتىلىنىڭ ادەبي سوزدىگى مەن تۇسىندىرمە سوزدىگى «جەز تاڭدايدى» بىلاي ءتۇسىندىرىپتى:

   جەز تاڭداي-1. سۋىرىپ سالما، شەشەن؛ 2. اسقانءانشى، ولەڭشى. (1) 16 جاسىندا ماحامبەت بەرىش رۋىنىڭ جەزتاڭداي اقىنى اتاندى. (ءا. ءالىمجانوۆ. ماحامبەت). (2) بۇلبۇلىم مەنىڭ جەز تاڭداي، ءسوز بەرىپ ەدىڭ سەن كىمگە. ماشينادا قوزعالماي، جاتىرسىڭ ءتىلسىز زەمبىلدە. (س.ماۋلەنوۆ. الىس كەت). (3) نەبىر جەلقوبىز، جەزتاڭداي انشىلەر اتام قازاقتىڭ قوس     ىشەكتى، سەگىز پەرنەلى كارى قارا  دومبىراسىن  شەرتىپ «ەلىم-اي» مەن «كولمە-كولدى» ەڭىرەتكەندە ەگىلىپ كوزىنىڭ جاسىن  كىم  توكپەگەن. (س.وماروۆ. دالا قىزى).

   وقىپ وتىرعانىڭىزداي «جەز تاڭداي» تەك اسقان ءانشىنىڭ سىنى ەمەس، ول سۋىرىپ سالما اقىننىڭ، تاڭدايى تاقىلداعان شەشەننىڭ دە سيپاتىن انىقتايدى. وسى دالەلدى سوزدەر تەلە اقىندار ايتىسىنا  «جەز تاڭداي» دەپ ات قويۋدىڭ دۇرىس ەكەنىن اڭداتادى. قازاق ءتىلىن تولىق تۇسىنبەي تۇرىپ كولدەنەڭنەن كيلىگە كەتىپ پىكىر الاڭىن شۋلاتىپ، كوپتىڭ ويىن تەرىسكە بۇرۋ ويلى ادامنىڭ ءىسى ەمەس.

   اقىندارىمىز ءۇشىن دە، حالقىمىز ءۇشىن دە «جەز تاڭداي» ءتىلىمىزدى قادىرلەپ،  ويىمىزدى وسىرەتىن جاقسى جوبا دەگىمىز كەلەدى.

    ارينە، تالاپتىڭ باسى «جەز تاڭدايدىڭ» تىزگىنىن ۇستايتىن جۇرگىزۋشىگە باعىتتالادى. ەرتەدەن سالسا كەشكە وزعان، ەڭىسكە سالسا توسكە  وزعان اقىندارىمىزدى جەبەپ وتىراتىن جۇرگىزۋشىنىڭ ويى ۇشقىر، قيمىلى ەركىن بولۋ تالاپ ەتىلەدى.  شىڭعىس ايتماتوۆ ايتقانداي    ءسوزدى دە ۇنەمدەپ جۇمساعان ءجون، ءسوز تىزگىنىن ۇستاۋشى قارا ءسوزدى قالىبىمەن سوعىپ، ولەڭ ءسوزدى ورنەگىمەن توقي بىلسە حالىق جۇرەگىنە جول تارتادى.

   «جەز تاڭدايدىڭ» كۇش تۇسەر بۋىنى قازىلار القاسى. جاقىنعى جىلداردان بەرى تالاي اقىندار ايتىسىنا قاتىناسىپ، سىرت كوز  سىنشى  دەگەندەي، «تەكەدەي تاڭداپ العان» قازىلارىمىزدىڭ  ادىلدىكتىڭ جولىنان تايقىپ كەتكەنىن كوز كوردى. «جەز تاڭدايدىڭ» جاۋاپتىلارى بۇل جولعى ايتىستا ادىلدىك ورنايدى دەگەن نىق سەنىمدە، اۋىز ادەبيەتىنىڭ مامانى بەكسولتان كاسەي باستاتقان كانديدات قازىلارعا قاراپ بىزدە «جەز تاڭدايدىڭ» باعالاۋى جۇرت كوڭىلىنەن شىعادى دەگەن ويدامىز. قازىلارعا ايتار قوسىمشا پىكىر اقىنداردى باعالاعاندا كوزىمىز ءجىتى، قۇلاعىمىز تۇرىك، اۋىزىمىز دۋالى بولۋعا ءتيىس، ەلدى ىعىر قىلاتىن «سەن جاقسى ايتتىڭ، سەن ايتا المادىڭ» دەيتىن جارتىمدى جاۋابى جوق قارابايىر باعالار ورىن الماعانى دۇرىس. ادىلدىكتىڭ ءجونى وسى ەكەن دەپ اقىننىڭ ءاربىر قيىس كەتكەن ءتۇسىن اڭدىپ، سونىسىن بەتىنە باسىپ ءنومىر تارتۋ دا ادىلدىكتىڭ جولى ەمەس. ەڭ وڭتايلىسى-اقىننىڭ وزىق تۇسىن كوپ باعالاپ، سۇرىنگەن سوزىنە تۇزەتۋ بەرىپ، ساحناعا شىققان اقىندى ارقالاندىرىپ، شابىتتاندىرىپ وتىرۋ.

   باس جۇلدەسىنە اۆتوكولىك بەرىلەتىن «جەز تاڭداي» تەلە ايتىس جوباسىنىڭ باس كەيىپكەرلەرى جاسى 18 دەن جوعارى ايتىس  اقىندارى، «جەز تاڭدايدىڭ» باستى  ماقساتى  ۇلتتىق  قۇندىلىعىمىزدى ۇلىقتاپ، اقىندارىمىزدى اسپەتتەۋ. جاڭا جوبانىڭ ىسكە  اسىپ، جۇرت جۇرەگىنە جول تارتۋى اقىندارىمىزدىڭ ەنشىسىندە. ەندەشە «جەز  تاڭدايدىڭ» اتاعاشىنا اتىن بايلاعان اقىندارىمىز كورەگەن ەلدىڭ بالاسىنداي كوركەم ءسوز،  ونەگەلى وي  ايتۋعا  مىندەتتى، اقىن الدىمەن اقىلى مەن ازاماتتىعىن تۇگەندەسىن، اقىلىن ۇرتتاپ  العان اقىننان اسىل ولەڭ تۋمايدى، جاس اقىندارىمىز عۇمىر بويى كىسىلىگى مەن كىشىلىگىن جوعالتپاي، جاۋھار جىردان شاشۋ شاشقان قۇرمانبەك پەن جامالقاننىڭ ايتىستاعى ونەگەسىن ۇمىتپاعانى ءجون. اقىندارىمىز وسى جوبادان قۇلاقدار بولعاننان باستاپ وي جوباسىن جاساپ، قاراكوز  جۇرتىن  قارا ولەڭمەن قۋانتۋعا قارمانا بەرسىن.

  «جەز تاڭدايعا» 48 ايتىسكەر قاتىناسادى، شەشۋشى جارىستا ءتورت مىقتى اقىن ءسوز سىناساتىن بولادى، الاماننىڭ اقتانگەرىن ءادىل انىقتاۋ ءۇشىن 60 پايىزدىق داۋىستى قازىلار يەمدەنسە، 40 پايىزدىق داۋىس كورەرمەندەرگە تيەسەلى. مىنەكي، جۇرت بولىپ «جەز تاڭدايدىڭ» جۇيرىگىن تاڭداۋعا جولىڭىز   ءتۇسىپ تۇر.





رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn