ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

ينفورماتسيا تەحنيكاسىنىڭ كەرى اسەرىنەن ساقتانايىق

جولدانعان ۋاقىتى : 2015/4/13 18:46:23

قورلان زارىلقان قىزى

    ادامزات قوعامىنىڭ دامۋ تاريحىن عىلىم-تەحنيكانىڭ دامۋ تاريحىمەن قاتار ورىنعا قويىپ قاراۋىمىزعا ابدەن بولادى. سوناۋ تاس قۇرالدار داۋرىندە ادامزات تاس قۇرالداردان پايدالانىپ اڭ اۋلاۋدى، قورعانۋدى بىلگەننەن قازىرگى عارىش كەمەسىمەن    الەمدى شارلاعانعا دەيىن عىلىم-تەحنيكانىڭ  ادامزات قوعامىنىڭ دامۋى مەن العا باسۋىندا تەڭدەسسىز رول اتقارعانى بارشاعا ايان. الايدا بەلگىلى تۇرعىدان ايتقاندا، ءارقانداي ءبىر ءىستىڭ جاقسى جاعى مەن جامان جاعى بولاتىنى سياقتى عىلىم-تەحنيكانىڭ دامۋى ادامزات قوعامىنىڭ دامۋىندا تۇرتكىلىك رول اتقارۋمەن قاتار، كەي كەرى ىقپالداردى دا كەلتىرىپ شىعاردى، ءتىپتى ادامزات قوعامىنا اۋىر الاپات اكەلدى،  اسىرەسە عىلىم-تەحنيكانىڭ دامۋى ۇشقان قۇس قاناتىمەن جارىسقان ەكى عاسىردان بەرى عىلىم-تەحنيكانىڭ كەرى ىقپالى ءتىپتى دە كورنەكتىلەندى، ادامزاتتىڭ جاساعان ورتاسىن بۇلدىرۋگە دەيىن باردى. ادامدار وزىق تەحنيكانىڭ ءوندىرىس پەن تۇرمىسقا اكەلگەن تەڭدەسسىز  قولايلىلىعىنان   يگىلىكتەنۋمەن قاتار، وسى وزىق تەحنيكانىڭ اكەلگەن كەرى    اسەرىن قايتكەندە ەڭ تومەنگى شەككە ءتۇسىرۋ، عىلىم- تەحنيكادان ۇيلەسىمدى پايدالانۋ تۋرالى كوبىرەك ويلانىپ-تولعاناتىن بولدى.

   باسقاسىن بىلاي قويعاندا، تۇرمىسىمىزدا بەسىكتەن بەلى ەندى شىققان بەس جاستاعى بالادان، بەلى بۇكىرەيگەن كارياعا دەيىن جالپىلاسقان قولفوندى  الىپ ايتساق، 1990-جىلدارى از ساندى ادامدار شاقىرعى، ودان بەرى نەداۋىر سالماقتى، سولەكەتتەۋ بولسادا الىپ جۇرۋگە بولاتىن داگىدا، ودان بەرگى رەڭسىز قولفوندار، ال ودان كەيىنگى قولفونداردىڭ وزگەرىسىنە ءتىپتى ادامنىڭ اقىلى جەتپەيدى، بىرەسە ۇلكەننەن كىشىرەيىپ، كىشىدەن ۇلكەيىپ، ءتۇرى  مولايىپ، ميشىعى مىڭ تۇرلەنىپ، مۋزيكا تىڭداۋعا، ينفورماتسيا جولداۋعا، تەلەۆيزور كورۋگە، ەلەكتروندى  ويىن ويناۋعا، توراپقا شىعىپ قاتىستى ماتەريالداردى قاراۋعا، ماڭىزدى حابارلاردى كورۋگە بولاتىن بولدى. مىنە وسىدان كەيىن-اق ءبىز اۆتوبۋزدا وتىرىپ نەمەسە تۇرىپ، كوشەدە كەتىپ بارا جاتىپ، جولدان ءوتىپ بارا جاتىپ قولفون شۇقىلاعان، ەكى قۇلاعىن تاس بىتەپ الىپ مۋزيكا تىڭداپ كەتىپ بارا جاتقان ادامداردى كوپ كەزدەستىرەتىن بولدىق. بەرتىندە جارىققا شىققان ءۇنحاتتى الىپ ايتساق، ەرەسەگى بولىپ، بويىنان ەركەلىگى ارىلماعان تەنتەك ۇلدارىمىز بەن قىلىقتى قىزدارىمىز بولىپ ءۇنحاتتى وتباسىنان، اتا-انانىڭ اياۋلى الاقانىمەن ازىرلەگەن اق داستارقانىنان ارتىق كورىپ، جاتسا-تۇرسا شۇقىلاپ، كۇبىرلەپ-سىبىرلايتىن بولدى، كەيدە وزىنەن-ءوزى  سويلەپ، وزىنەن-ءوزى كۇلىپ بارا جاتقان ادامداردى كورىپ جىن سوققان با دەيسىڭ اۋەلى.

    وتاننىڭ بولاشاعى، ۇلتتىڭ ءۇمىتى بولعان جاۋھازىنداي جامىراپ بۇرلەپ كەلە جاتقان ءبىر ءداۋىر ۇرپاقتارعا قاراڭىزشى، ولار دا تۇرمىسىمىزعا ءسىڭىپ، بىتە قايناسىپ ۇلگىرگەن ايتىلمىس تەحنيكانىڭ بۋىمەن بۋلانىپ، باسقا ويىندى دا ۇمىتقانءتارىزدى.  سەنبى، جەكسەنبى دە تىسقا شىعىپ بوي جازىپ، مي سەرگىتكەننىڭ ورنىنا، كوزىن تىرناپ اشا سالىپ تەلەۆيزوردى قۇشاقتايدى، تەلەۆيزوردى سوندىرسەڭ جۇگىرىپ كومپيۋتەردى اشىپ، ونان قالسا الاقانداي قولفونىن قۇشاقتاپ، بىردە كۇلىپ، بىردە نالىپ وتىرعانىن كورەسىڭ. بالا ەكەش بالانى قويىپ، ەس توقتاتقان ەرەسەكتەردىڭ ءتۇرى اناۋ بولعاندا، بۇلارعا نە سىن دەيسىز، وي ەلەگىڭە سوناۋ شاقىرىپ ۇيگە اكەلە المايتىن، قىس كۇندەرى قاردان ادام جاساپ، قارمەن اتىسىپ ويناعان، بەتى-قولى دومبىعىپ، ەكى بالاعى ساۋىت بولىپ شانا سۇيرەتكەن، جاز كۇندەرى اسىق ويناعان، ايلى ءتۇننىڭ جارىعىندا اق سۇيەك ىزدەپ اسىر سالعان اۋىل بالالارى ەلەستەيدى... قانداي گۇل كوكتەم بالالىق،قانداي تاماشا ويىن دەسەڭشى! دەنەسى شىنىعادى، قانى  تارايدى، ميى سەرگيدى...

    ال ازىرگى بالالار ورتاسىنان ءسىز بۇل ويىنداردىڭ قاراسىن قويىپ كولەڭكەسىن دە كورە المايسىز، ولار ءتىپتى مۇلدە بىلمەيدى، بۇل جايتتى ادەتتە ءبىز كونەنىڭ ورنىن جاڭانىڭ باسقانى سول دەپ ءبىر شىبىقپەن ايداي سالامىز.

   كۇن سايىن دامىعان حابارلاسۋ قۇرالدارىنىڭ ادامدارعا سيلاعان قولايلىلىعى مەن ءلاززاتىنا شەك كەلتىرە المايمىز، دەسەدە تاعى ءبىر قىرىنان قارار بولساڭىز، وسى ءبىر تەرەڭ تەحنيكانى وزىنە استار ەتىپ، كوز ىلەستىرمەس جىلدامدىقپەن الىپ ميشىعىنا سانسىز سيگنال سيدىرىپ جاتقان قولفونىڭىز كومەسكى دە زور بايلىعىڭىز بولعان دەنساۋلىعىڭىزدى زيانداپ جاتقان جوق پا؟ قولفوننىڭ ادام ميىنا، قۇلاعىنا، جۇرەگىنە اسەرى بولاتىنىن ەستىپ جۇرسەكتە ەلەمەيمىز.

  تاعى ءبىر مىسال، مەكەمەلەردىڭ كەڭسەلەرىنە، ءتىپتى ءاربىر وتباسىنا دەيىن جالپىلاسىپ ۇلگىرگەن كومپيۋتەردىڭ ادامداردىڭ وندىرىسىنە، تۇرمىسىنا، قىزمەتىنە اكەلگەن الەم كەرەمەتتەرى القا جۇرتقا ايان، ايتالىق، شارۋالار وزدەرىنىڭ ەگىن شارۋاشىلىق  ونىمدەرىنە توراپتان بازار تاپتى، باسشىلاردىڭ سويلەۋگە دايىنداعان ماڭىزدى ءسوزى، جازباشا دوكلاتتارى، تومەنگە تۇسىرىلەتىن ءتۇرلى ۇقتىرۋلار، ماڭىزدى حۇجاتتار قولدىڭ ۇشىمەن ەمەس، «ءتىنتۋىردىڭ» كۇشىمەن جۇرىلەتىن بولدى، توراپ ادامداردىڭ ميىن تورلاپ الدى. قىزمەت ۋاقىتىندا توراپتا ءتۇرلى ويىن ويناپ، بازار تىنتەتىن توراپتا ءوڭى تۇگىل تۇسىندە دە كورمەگەن بوگدە بىرەۋمەن سىرلاسىپ ۋاقىتىن الدايتىن، توراپتا تانىسىپ، تورعا ءتۇسىپ، سانىن سوعىپ قالعان ماڭايىڭداعى قيتۇرقى قىلىقتار دا بار. 

  دەمەك، بۇلار تۇرمىسىمىزدا كۇندەلىكتى ۇشىرايتىن كىشى-گىرىم ىستەر دەلىك، ال ءسىز وسى كىشى-گىرىم ىستەردى قويا تۇرىپ، ونان ارى ءۇڭىلىپ جەر انامىز بولعان جەر شارىنىڭ ءتۇرلى تەحنيكالىق جەتىستىكتەرىمەن مىڭ تۇرلەنگەن، قالالاردىڭ گۇلدەنگەن جالپى كورىنىسىنە تاعى ءبىر قىرىنان قاراپ كورىڭىزشى، قاراداي جانىڭىز اشيدى، تۇلا بويىڭىز تۇرشىگەدى. كۇن سايىن كوبەيگەن بيىك عيمارات، ءزاۋلىم سارايلار، جەر بەتىنە اجىم شيمايلاپ ايقۇش-ۇيقىش تارتىلعان تاس جول، تەمىر جولدار، قۇمىرىسقاشا جىبىرلاعان قاتىناس كولىكتەرى، زاۆودتار، كاسىپورىندار... ولاردان شىققان شاڭ-توزاڭ، ىس-ءتۇتىن، گاز ءبار-ءبارى جەر انامىزدىڭ قولقا جۇرەگىن قاۋىپ، تىنىسىن تارىلتىپ بارا جاتقان جوق پا؟

  تەحنيكا بەينە قوس ءجۇزدى سەمسەر ءتارىزدى، تەحنيكا ادامزات قوعامىنىڭ دامۋىن تەزدەتىپ، ادامزاتقا باقىت جاراتۋمەن قاتار، بەلگىلى شارت-جاعدايدا ادامزاتتىڭ ءومىر ءسۇرۋى مەن دامۋىندا كەرى ىقپالداردى دا تۋدىرادى، سوندىقتان دا ادامزات عىلىم-تەحنيكادان پايدالانۋ بارىسىندا ساناسىنا سالىپ سالماقتاپ كورۋى، ادامزات قوعامىنىڭ دامۋىنا، جاساعان ەكولوگيالىق ورتاعا كەرى اسەرى كۇشتى تەحنيكالارعا، وسى تەحنيكادان پايدالاناتىن كاسىپورىندارعا  ۇزاق بولاشاقتىق تۇرعىدان بوگەۋ قويىپ، تەكتەۋ سالىپ، قاۋىزىن تاستاپ،ءدانىن الىپ وتىرۋى قاجەت، وسىلاي ىستەگەندە عانا، تەحنيكانى بۇكىل ادامزات قوعامىنا پايدالى قۇرالعا اينالدىرا  الامىز.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn