ەەڭ جاڭا مازمۇندار
2021-جىلى 3-ايدىڭ 3-كۇنى 47-سان
شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 28 - رەتكى توپتىق ۇيرەنۋىندە بىلاي دەپ باسا دارىپتەدى
جۇڭگوشا سوتسياليستىك زاڭمەن جونگە سالۋ جولىمەن بۇلجىماي ءجۇرىپ، جاپپاي سوتسياليستىك وسىزاماندانعان مەملەكەت قۇرۋعا پارمەندى زاڭمەن جونگە سالۋ قامتاماسىزدىعىن ازىرلەيىك
كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، جاڭا دامۋ ۇستانىمىن بۇلجىماي دايەكتىلەندىرىپ، باستامانى جاقسى اشۋعا، قادامدى جاقسى تاستاۋعا شىنايى كەپىلدىك ەتۋ كەرەك
اكىمشىلىك مەكەمەسى 2021-جىلعى 4-رەتكى پارتيا باسشىلىق گرۋپپاسى ءماجىلىسىن اشتى
مالشىلاردىڭ ءتول الۋىنا جەتەكشىلىك ەتتى
تاۋىق باعىپ، اۋقاتتانۋ جولىنا ءتۇستى
تاۋىق باعىپ، اۋقاتتانۋ جولىنا ءتۇستى
ىندەتكە قارسى اتتانىپ، بۇقارانىڭ اماندىعىن جاقسى قورعادى
اۋقاتتانۋ جولىنداعى تاتۋ اعا-ىنىلەر
وسەك-اياڭ قانشا قايتالانسا دا وسەك-اياڭ
تاماشا تۇرمىسىمىزدى پومپەونىڭ بۇلدىرۋىنە جول بەرمەيمىز
ءبىزدىڭ تاماشا تۇرمىسىمىزدى ەشكىم دە بۇلدىرە المايدى
وسەك-اياڭ ايتقاندى عانا بىلەتىن پومپەو ءوز ابىرويىن ءوزى ايرانداي توكتى
شىندىق ارقىلى پومپەونىڭ وسەك-اياڭىنىڭ ءشيىن شىعارامىز
تاربيەلەۋ-باۋلۋ ورتالىعى قانداي ەكەندىگىندە ءبىزدىڭ ەڭ سويلەۋ ۇقىعىمىز بار
قونىس جاڭالاپ ءورىس كەڭەيدى، باقىتتىڭ داڭعىل جولى اشىلدى
نىسان قۇرىلىسى تارتىپپەن ىلگەرىلەتىلدى
رايونىمىز كومىر كەندەردى زەردەلىلەندىرۋ قۇرىلىسىن جەدەل ىلگەرىلەتەدى
ساۋداگەر شاقىرىپ، قارجى ەنگىزۋدى كۇشەيتىپ، جوعارى ساپالى دامۋعا دەم بەرەيىك
جاڭا يدەيانىڭ اقىل - پاراسات شۇعىلاسىن سەزىندى
كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، جاڭا دامۋ ۇستانىمىن بۇلجىماي دايەكتىلەندىرىپ، باستامانى جاقسى اشۋعا، قادامدى جاقسى تاستاۋعا شىنايى كەپىلدىك ەتۋ كەرەك
جۇڭگوشا سوتسياليستىك زاڭمەن جونگە سالۋ جولىمەن بۇلجىماي ءجۇرىپ، جاپپاي سوتسياليستىك وسىزاماندانعان مەملەكەت قۇرۋعا پارمەندى زاڭمەن جونگە سالۋ قامتاماسىزدىعىن ازىرلەيىك
ورتالىق كوميتەت ساياسي بيۋروسىنىڭ مۇشەلەرى، شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى
2021-جىلى 3-ايدىڭ 2-كۇنى 46-سان
«شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ جونىندەگى سۇراۋ-جاۋاپ» باسپادان شىعىپ تاراتىلدى
كەدەيلىكتەن ارىلتۋدان قامال الۋ رۋحىن ساۋلەلەندىرىپ، تىڭ دا اناعۇرلىم زور جەڭىستەرگە ۇزدىكسىز قول جەتكىزۋ كەرەك
كۇللى الەمدى جالت قاراتقان ۇلى تابىس، تاريح بەتىندە ايشىقتالعان دۇنيە كەرەمەتى
تاسقىن اعارىن ارشىدى
تاسقىن اعارىن ارشىدى

بۇلدىرگەننىڭ تۇتىنۋ قۇنى جانە ەگۋ تەحنيكاسى

جولدانعان ۋاقىتى : 2015/4/21 10:58:22

بۇلدىرگەننىڭ تۇتىنۋ قۇنى جانە ەگۋ تەحنيكاسى
گۇلجاينات سولتاتقان قىزى

    بۇلدىرگەن ادامدار ءسۇيىپ جەيتىن جەمىس، جۇمساق، شىرىندى، حوش  ءيىستى، ءدامدى، قورەكتىگى مول    وسىمدىك. بۇلدىرگەن جەمىسىن تىكە تۇتىنۋدان سىرت، بۇلدىرگەن ۆاريناسىن، بۇلدىرگەن شىرىنىن، بۇلدىرگەن شارابىن، بۇلدىرگەن كونسەرۆاسىن جانە بۇلدىرگەن سۋسىنىن جاساۋعا بولادى. بۇلدىرگەن سولتۇستىك شينجياڭدا بازارعا ەرتە شىعادى، قورەكتىك قۇنى جوعارى. زەرتتەۋلەرگە نەگىزدەلگەندە، 100 گرام بۇلدىرگەننىڭ قۇرامىندا 6 دا 11 گرام قانت، 0.8 دە 1.5 گرام ورگانيكالىق قىشقىل، 0.4 دە 0.6 گرام بەلوك، 50 دە 120 گرام ۆيتامين C جانە كوپتەگەن مينەرال ازىقتىقتار بار. بۇلدىرگەننىڭ ەگىلۋ تاريحى  ۇزاق. جۋىقتاعى جىلداردان بەرى قاجەتسىنۋ قامداۋدان ارتىپ، بازاردى تولىق قامداي الماي وتىر. بۇلدىرگەندى ۇيلەسىمدى شارت-جاعدايدا اتىزعا، پارنيككە جانە وتباسى اۋلاسىنا ەگۋگە بولادى.

  1. بۇلدىرگەن ەگۋ تەحنيكاسى. بۇلدىرگەندى ەككەن كەزدەگى ەگۋ تەرەڭدىگى ونىڭ قاتارعا قوسىلۋىنداعى ەڭ ماڭىزدى ءتۇيىن. وتە تەرەڭ ەگىلسە نەمەسە ءوسىپ-جەتىلۋ ءتۇيىنى   توپىراققا كومىلىپ قالسا، سۋارعان سوڭ وڭاي ءشىرىپ مايسا ولەدى.  كەرىسىنشە وتە تاياز ەگىلسە، تامىر جەر بەتىندە قالىپ، كۇن نۇرى ءتۇسىپ، وڭاي قۋرايدى. سوندىقتان ەگىلەتىن مايسا جاڭا، جاس مايسا بولۋى كەرەك. ەگۋ الدىندا مايسانىڭ كونە جاپىراقتارىن كەسىپ تاستاپ، تەك ەكى تال وزەك جاپىراق قالدىرىپ ەگۋ كەرەك. وسىلاي بولعاندا عانا پارلانۋدى ازايتۋعا بولادى. ەككەن سوڭ توپىراقتى باتتاپ تاستاۋ، مايسا كوشىرىلىپ ەگىلە سالىسىمەن سۋارۋ، سۋارعان سوڭ دەرەۋ مايسانى تەكسەرىپ كورۋ، ەگەر مايسا وتە تاياز  ەگىلسە توپىراعىن كومكەرىپ، مايسا كومىلىپ قالسا توپىراعىن ارشۋ كەرەك. مايسا مەزگىلىندە ۇزدىكسىز سۋارىپ، توپىراقتى كەپتىرمەي، دىمقىلدىعىن ساقتاۋ ءارى وسى بارىستا ءولىپ قالعان مايسالاردى دەر كەزىندە تولىقتاپ، ءونىم ساپاسىنا كەپىلدىك ەتۋ كەرەك. ەككەننەن كەيىن اشىق كۇندەرى وتە ىستىق بولسا، سۋ قۇرامىن تولىقتاۋمەن بىرگە كولەڭكەلەۋ كەرەك.

  2. بۇلدىرگەننىڭ سىرتقى ورتاعا بولعان تالابى. بۇلدىرگەن سالقىن اۋا كليماتىن ۇناتاتىن، ىستىققا شىدامسىز وسىمدىك. تەمپەراتۋرا 2℃ تان باستاپ تامىر ءبولىمى وسە باستايدى. 5℃ تا جەر ءۇستى بولەگى باستاپ بۇرشىكتەيدى. بۇلدىرگەننىڭ ءوسىپ-جەتىلۋىنە ەڭ ۇيلەسىمدى تەمپەراتۋرا 17℃  تا22℃ . قىس ماۋسىمىندا تۇراقتى جامىلعى قار بولعان شارت استىندا، تەمپەراتۋرا نولدەن تومەن 40℃ بولعان كەزدە دە قىستان امان وتەدى. جاز ماۋسىمىندا تەمپەراتۋرا 30℃ قا جەتكەندە ءوسىپ-جەتىلۋى شەكتەمەگە ۇشىرايدى. سولتۇستىك شينجياڭداعى كەي جەرلەردىڭ تاجىريبەسىنە نەگىزدەلگەندە، بۇلدىرگەننىڭ قىس وتكەلىنەن جاقسى ءوتۋى، ونىڭ جەمىسىنىڭ ۇلكەن، رەڭىنىڭ جاقسى، قانت قۇرامىنىڭ جوعارى بولۋىنداعى العى شارت دەپ قارايدى. بۇلدىرگەن كوپ جىلدىق  وسىمدىك. ەككەننەن كەيىن جالعاستى 4 تە 6 جىل ءونىم الۋعا بولادى. سوندىقتان بۇلدىرگەن ەگەتىن جەردى مۇقيات تاڭداۋ كەرەك. بۇلدىرگەن بەيىمدەلگىشتىگى كۇشتى وسىمدىك.  ءبىراق، ءونىمنىڭ جوعارى ءارى ساپالى بولۋى ءۇشىن، سۋ ىعىستىرۋى جاقسى، توپىراعى بوس، قۇنارلى جەرلەردى تاڭداۋ كەرەك. ساز جەر، سور جەر، ساعىز ءارى قۇمايت توپىراقتى جەرلەر بۇلدىرگەن وسىرۋگە ءتيىمسىز كەلەدى.

  3. بۇلدىرگەندى باپتاي ءبىلۋ ءارى تىڭايتقىشتى ۇيلەسىمدى بەرۋ كەرەك. بۇلدىرگەن ەگۋدەن ىلگەرى اتىزعا كوپ مولشەردە ساپالى اۋلا تىڭايتقىشى بەرىلسە، ەككەننەن كەيىن ياكي كەلەسى جىلى ۇستەمە تىڭايتقىش بەرۋدىڭ قاجەتى جوق. ەگەر نەگىزدىك تىڭ جەتكىلىكسىز بولسا 3 تە 4 رەت ۇستەمە تىڭايتقىش بەرسە بولادى. ادەتتە، گۇل بۇرشىگى ءبولىنىپ بولعاننان كەيىن ازوت تىڭايتقىشىن بەرسە ساباقتىڭ ءوسىپ-جەتىلۋىن تەزدەتەدى ءارى گۇل سانىن كوبەيتەدى. ەكىنشى رەت ۇستەمە تىڭايتقىشتى گۇل اشۋدان بۇرىن بەرۋ، بۇل جەمىستەنۋ مولشەرىن جوعارىلاتىپ، جەمىس ساپاسىن جاقسارتادى. ءۇشىنشى رەت ۇستەمە تىڭايتقىشتى جەمىس العاننان كەيىن بەرىپ، ساباقتىڭ ءوسۋىن تەزدەتىپ، جاڭا جاپىراق، جاڭا ساباقتاردى كوبەيتۋ كەرەك. ءتورتىنشى رەت ۇستەمە تىڭايتقىشتى ءونىم جينالعان سوڭ بارىپ، گۇل بۇرشىگىنىڭ ءبولىنۋىن تەزدەتۋ، ساباقتى جۋانداتۋ، سول ارقىلى قىس وتكەلىنەن امان وتۋىنە كەپىلدىك ەتۋ كەرەك. ال بۇلدىرگەننىڭ سۋعا بولعان تالابى ءبىرشاما جوعارى بولعاندىقتان، تۇتاس جىلدا سۋمەن جەتكىلىكتى قامداۋ كەرەك. بۇلدىرگەندى ەككەننەن كەيىن دەر كەزىندە سۋارىپ تۇرۋ، گۇل اشقاننان جەمىس بەرگەنگە دەيىن توپىراقتىڭ دىمقىلدىعىن جاقسى ساقتاۋ كەرەك. رايونىمىزدىڭ كوكتەم مەزگىلى جەلدى، اۋاسى قۇرعاق، بۋلانۋ مولشەرى جوعارى بولادى. ءدال وسى كەز بۇلدىرگەننىڭ قورەكتىك ءوسۋىنىڭ ءارى گۇل اشىپ جەمىس سالۋىنىڭ قاۋىرت مەزگىلى بولعاندىقتان سۋدى كوپ قاجەت ەتەدى. وسى مەزگىلدە كەمىندە 40 نەشەر رەت سۋارىلادى. سونىمەن قاتار بۇلدىرگەن ەگەتىن جەرگە كۇن نۇرى تولىق ءتۇسۋى كەرەك ءارى ۇنەمى ارام ءشوبىن وتاپ، توپىراعىن بوساتىپ، دەرت-دەربەزدەن ساقتانۋ جۇمىسىن بىرگە الىپ بارۋ كەرەك. توپىراق دىمقىلدىعىن ساقتاپ توپىراقتىڭ اۋا وتكىزۋىن كۇشەيتۋ ءارى توپىراقتاعى ميكرو ورگانيزمدەردىڭ  ارەكەتىن تەزدەتىپ وتىرۋ كەرەك. توپىراعىن بوساتقاندا، تامىردىڭ زاقىمدالۋىنان ساقتانۋ ءۇشىن توپىراقتى بوساتۋ تەرەڭدىگىنە كوڭىل ءبولۋ كەرەك. ادەتتە 3 تە 4 سانتيمەتر تەرەڭ بولسا بۇلدىرگەننىڭ كوبەيۋىنە پايدالى، انا ساباقتان سىرت، كوپتەگەن سۇلاما ساباق پايدا بولادى. سۇلاما ساباق كوبەيىپ كەتسە انا ساباققا ازىقتىق جەتىسپەيدى ءارى قىس وتكەلىنەن امان وتۋىنە اسەرىن جەتكىزەدى. سوندىقتان ولاردى دەر كەزىندە وتاپ تاستاۋ كەرەك.

  4. بۇلدىرگەندى  قىستان  امان  ساقتاۋدىڭ ءتاسىلى. بۇلدىرگەننىڭ تامىر جۇيەسى توپىراق نولدەن تومەن 8℃ قا توزە الادى. قىسقا ۋاقىتتىق نولدەن تومەن 10℃ قا دا شىدايدى. ءبىراق تەمپەراتۋرا بۇدان تومەندەپ كەتسە تامىر ءۇسىپ، ساباقتارى ولەدى. سوندىقتان ساقتانۋ ءۇشىن جانە دە ءشوپ شالاڭنان جامىلعى جابۋعا تۋرا كەلەدى. قىستان امان ساقتاۋ شاراسى اۋا تەمپەراتۋراسى نولدەن تومەن 2℃ تا 5℃ بولعان كەزدە الىپ بارىلادى. قولدانىلاتىن ماتەريال جۇگەرى ساباعى، سابان سياقتىلار بولسا بولادى.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.