ەەڭ جاڭا مازمۇندار
شاعانتوعاي اۋدانىنىڭ 150 مىڭ مۋلىق ماقسارىسى كوركەم كورىنىسكە اينالدى
شيحۋ توراڭعى ورمانى سۋ ءۇستى باقشاسى ءسىزدى جازدى كوڭىلدى وتكىزۋگە شاقىرادى
ءسىز اڭساعان جاز كەلبەتى وسىندا
شينجياڭعا كومەكتەسۋ بارىسىندا ءومىرىن ارلەندىرە ءتۇستى
بۇقارانىڭ كوڭىل تۇپكىرىنەن ورىن الدى
الۋان ءتۇر، اسقاق كوڭىلمەن مەرەكەنى قارسى الدى
شاۋەشەك قالاسى شارلاپ تەكسەرۋدىڭ كولەمىن اتىز باسىنا دەيىن كەڭەيتتى
وقۋ-اعارتۋ ىستەرىنە تاباندى بولىپ، شۇعىلالى تابىستارعا قول جەتكىزدى
ەڭ سۇيىكتى ءورت ءوشىرۋشى
پارتيا قۇرىلىسىنىڭ نەگىزگى كاسىبىن مىقتى يگەرىپ، جاۋىنگەرلىك قامالدى بەكەمدەيىك
ازىق-تۇلىك حاۋىپسىزدىگى وتكەلىن
ماڭايىمىزداعى كوركەمونەرشىلەرمەن تانىسايىق
ايماعىمىزدىڭ الدىڭعى جارىم جىلداعى جۇمىستاندىرۋ جاعدايى ورنىقتى ارتتى
چىن چۋانگو ۇرىمجىدە كاسىپورىنداردىڭ ءوندىرىس،تيجارات جاعدايىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شاۋەشەك قالاسى 90 ميلليون يۋان قارجى قوسىپ،50 كيلومەتر ۇزىندىقتاعى جىلۋمەن قامداۋ قۇبىر تورابىن جاڭالادى
«جاقسى ىستەپ، تىپتى دە جوعارى ەڭبەكاقى الۋعا كۇش سالامىن»
قۇرىلىم رەفورماسىنىڭ جاڭا جاعدايىن بارشا جۇرت القادى
ىنتا-پەيىلىمەن كۇش سالا قىزمەت وتەدى
مەيىرگە تولى جانۇيا قۇردى
ەكولوگيالىق ورتاسى كوركەم سۋرەتتەي شاعانتوعاي
شاۋەشەكتە باس قوسىپ، اككوردەون مەرەكەسىنەن ءلاززاتتانايىق
شاعانتوعاي اۋدانىندا ماقسارى گۇل اشىپ، شارۋالار شاتتىققا شومدى
ءبيدايعا وراق سالىندى
تاربيە ايىندا ستيل تازارتۋ قيمىلى تەبىندى ورىستەتىلدى
اۋقاتتانۋ شەبەرلەرى شارۋالار شاتتىعى ساياجايىن اشىپ، قىستاق تۇرعىندارىءوز جەرلەرىندە كاسىپتەندى
تيانشان جابايى قىزىل بۇعىسى بايقالدى
كوشە جاڭالانىپ، قالا شت-جاڭا بەينەگە ەندى
نازاردى باس نىساناعا شوعىرلاندىرىپ، قۇرىلىم رەفورماسىن تەرەڭدەتۋ جەتىستىكتەرىن بەكەمدەپ، رايونىمىزدىڭ رەفورمانى جاپپاي تەرەڭدەتۋىنىڭ ىشكەرىلەي دامۋىن ىلگەرىلەتۋ كەرەك
تولى مىنە وسىنداي كوركەم
«ولار ءبىزدىڭ ۇيرەنەتىن ۇلگىمىز»

سولتۇستىك شينجياڭدا كۇزدىك ءبيدايدى كوكتەمدە باپتاۋدىڭ تەحنيكالىق ادىستەرى

جولدانعان ۋاقىتى : 2015/4/21 11:02:23

ءسادىقان بايتۋلاق ۇلى
 
  شينجياڭ اۋا رايىن باقىلاۋ ورىندارىنىڭ ناۋرىزدىڭ سوڭى، ءساۋىردىڭ باسىنداعى سۋىق اعىس اپات جاعدايىنان بەرگەن مالىمەتىنە نەگىزدەلگەندە: كوكتەم شىققاننان بەرى تۇڭعىش رەت 27-ناۋرىزدان 2-ساۋىرگە دەيىن ىلە رايونىنان باستالىپ شىعىسقا قاراي   ويىسقان كۇشتى سۋىق اعىس، رايونىمىزدىڭ ەگىن، مال شارۋاشىلىعىنا اۋىر دارەجەدە زيان جەتكىزگەن. سولتۇستىك رايوننىڭ ءارقايسى جەرلەرىندە اۋا تەمپەراتۋراسى ℃6 تان℃ 16 قا تومەندەپ، التاي، تارباعاتاي، ىلەنىڭ اۋا تەمپەراتۋراسى نولدەن تومەن ℃ 8 تا ℃19  دەيىن جەتىپ بارعان. ونىڭ ۇستىنە بۇل رەتكى سۋىق اعىس 4 تە 5 كۇنگە دەيىن جالعاسىپ، وسى ورىنداردىڭ جاۋىن-شاشىن مولشەرى 6 دا 31 ميلليمەترگە دەيىن جەتكەن.

  وتكەن جىلى سولتۇستىك رايونىمىزدا جۇگەرىنىڭ ەگىلگەن اۋماعى نەداۋىر مول بولدى، ونىڭ ۇستىنە جۇگەرى ءونىمىن جيناۋ قارساڭىندا جاۋىن-شاشىن مولشەرى ايىرىقشا كوپ  بولعاندىقتان، جۇگەرىنىڭ ءونىمىن ۋاعىندا جيناۋعا اسەر ەتىپ، وتكەن جىلدارداعىدان 20 دا 25 كۇن ءونىمى كەشىگىپ جينالدى، سول سەبەپتى جۇگەرى اڭىزىنا ەگىلەتىن كۇزدىك ءبيدايدا تابيعي تۇردە 20 دا 30 كۇن كەشىگىپ تۇقىم ءسىڭىرىلدى. قىس كىرگەننەن تارتىپ اتىزدا  ساقتالعان ءسۇرى قاردىڭ قالىڭدىعى 20 سانتيمەترگە دە جەتپەدى، اتىزداعى قاردىڭ ساقتالۋ ۋاقىتى 80 كۇن اينالاسىندا بولدى. مىنە، وسىلاردىڭ ءبارى دە كۇزدىك ءبيداي مايساسىنىڭ قىستان حاۋىپسىز وتۋىندەگى ءتيىمسىز فاكتورلار ەسەپتەلىنەدى. سوندىقتان دا كوكتەمدە قايتا كوكتەگەن كۇزدىك ءبيدايدىڭ 1-دارەجەلى (جاقسى) مايساسىنىڭ مولشەرى ٪20 شاماسىندا، ال 2-دارەجەلى (تولىمدى)، 3-دارەجەلى (ناشار) مايساسىنىڭ مولشەرى ٪80 شاماسىندا بولىپ، كوكتەمگى مايسانى باپتاۋدا، اسىرەسە،  اتىز توپىراعىن بوساتىپ تەمپەراتۋرانى جوعارىلاتۋ، ازوتتىق تىڭايتقىشتى جەتەرلىك بەرۋ شۇعىل قاجەت بولىپ وتىر. سونىمەن بىرگە، بۇل رەتكى سولتۇستىكتەن ويىسقان كۇشتى سۋىق اعىس مايسانىڭ قايتا كوكتەۋى مەن وسۋىنە اۋىر دارەجەدە نۇقسان جەتكىزدى. ايىرىم    ورىنداردا كۇزدىك ءبيداي مايساسىنىڭ جاپىراعى ۇقساماعان دارەجەدە ۇسىككە شالدىقسا، ءىشىنارا وزەن بويى سىندى سۋىق شوعىرلاناتىن ورىندارداعى مايسانىڭ وزەكشە جاپىراعى دا ءۇسىپ كەتتى. وعان قوسا اتىز توپىراعىنىڭ تەمپەراتۋراسى تومەن، ىلعالدىلىعى جوعارى، كۇن نۇرىنىڭ ءتۇسۋ مولشەرى جەتەرسىز بولىپ وتىر. وسىنداي ءتيىمسىز شارت-جاعدايلار مايسانىڭ وسۋىنە بوگەت بولىپ، ءبيدايدىڭ دات دەرتى سىندى دەرت-دەربەزدەر مەن ارام ءشوپتىڭ تارالۋىنا تاماشا وراي جاراتىپ بەردى. ۇستەگى جىلعى بۇكىل مەملەكەتتىك ءبيدايدىڭ نەگىزگى دەرت-دەربەز احۋالىنان الدىن الا بەرگەن مالىمەتىنە نەگىزدەلگەندە: «كەي وڭىرلەردە ءبيدايدىڭ قىزىل وڭەزدەنۋ دەرتى مەن سىزىقتى دات دەرتىنىڭ تارالۋى ورتا دارەجەدەن جوعارى بولادى» دەلىنگەن. سول سەبەپتى الدىن الۋ ساقتىق شارالارىن كۇشەيتىپ، زياندى ەڭ تومەنگى شەككە ءتۇسىرىپ، ءبيدايدان مول ءونىم الۋعا كۇنى بۇرىن نەگىز قالاۋ ءتيىس.

  جوعارىداعىداي جاعدايلارعا نەگىزدەلگەندە ءبيداي مايساسىنىڭ ءوسىپ- جەتىلۋ بارىسىندا اتىز باپتاۋ، اسىرەسە، كوكتەمگى اتىزدى عىلمي جولدا باپتاۋ بارىنەن دە ماڭىزدى. ءبيداي اتىزىن كوكتەمدە باپتاۋدىڭ تەحنيكالىق تالاپتارى: مايساعا سۋدى، تىڭايتقىشتى عىلمي بەرۋ، مايسانى دارەجەگە ايىرىپ باپتاۋ، توپىراقتىڭ ىلعالدىعىن ساقتاپ، تەمپەراتۋراسىن جوعارىلاتۋ، دەرت-دەربەز، زياندى جاندىك، ارام ءشوپتىڭ الدىن الۋ.

  1. مايسانى دارەجەگە ايىرىپ باپتاۋ

  ءبىرىنشى دارەجەلى قاۋىل مايسالارعا تىڭايتقىش بەرۋدى تەجەپ، مايسانىڭ تىم تەز بوي تارتۋىن تىزگىندەگەن ءجون. مايسا بويىن تۇزەپ ءوسۋ مەزگىلىندە بويىن الاسارتقىش (矮壮素) گورموننان 150 گرامدى، 15 كيلوگرام سۋدا تەڭشەپ مايساعا ءبىر تەگىس شاشىپ بەرۋ ارقىلى مايسانىڭ ءدان الۋ مەزگىلىندەگى جاپىرىلىپ قالۋىنىڭ الدىن الۋ، سونىمەن بىرگە، قايتا كوكتەگەن مايساعا جەڭىل تيپتە توپىراقتى نىعىزداۋشى دوڭبەك سۇيرەتۋ ارقىلى مايسانىڭ كوكتەمگى تۇپتەۋىنىڭ الدىن الىپ، ايرىقشا قويۋ  بولىپ ءوسۋىن تىزگىندەۋ. ال قاۋىل وسكەن مايسانى بۋىن تارتۋ مەزگىلىندە كەشىكتىرىپ سۋارۋ، سۋارۋ الدىندا ءار مۋ جەرگە 10 دا 13 كيلوگرامنان ۋرەا تىڭايتقىشىن بەرۋ ءتيىس. ەكىنشى دارەجەلى تولىمدى مايسالارعا ۇيلەسىمدى مولشەردە قوسىمشا تىڭايتقىش بەرىلەدى. جەرى قۇنارلى  ەكىنشى دارەجەلى تولىمدى مايسالارعا مايسا بوي تۇزەۋ مەزگىلدە سۋارۋعا بىرلەستىرىپ ءار مۋ جەرگە 8 دە 10 كيلوگرامنان ۋرەا تىڭايتقىشى بەرىلەدى. ءۇشىنشى دارەجەلى تولىمسىز مايسالارعا ءوسۋىن ىلگەرىلەتۋشى قوسىمشا تىڭايتقىش ەكى رەت بەرىلەدى. العاشقى رەتكى تىڭايتقىشتى بەرۋ ۋاقىتى مايسا قايتا كوكتەپ توپىراقتىڭ 5 سانتيمەتر تەرەڭدىكتەگى تەمپەراتۋراسى ℃5 تان جوعارىلاعاندا، ءار مۋ جەرگە 8 دە 10 كيلوگرامنان ۋرەا تىڭايتقىشى بەرىلىپ، ونان سوڭ سۋارىلادى. 15 كۇننەن سوڭ ەكىنشى رەتكى قوسىمشا تىڭايتقىش 6 دا 8 كيلوگرامنان بەرىلگەن سوڭ سۋارىلادى.

  ەسكەرتەر ءبىر ءجايت: كوكتەم باسىندا توپىراقتىڭ ىلعالدىعىن تومەندەتىپ، تەمپەراتۋراسىن جوعارىلاتۋدىڭ ءونىمدى شاراسىن قولدانۋ بارىنەن دە ماڭىزدى. اسىرەسە، كۇزدە كەشىگىپ تۇقىم سىڭىرىلگەن، ونىڭ ۇستىنە كەلەسى جىلى كوكتەمدەگى اۋا تەمپەراتۋراسىنىڭ ورلەۋى باياۋ بولعان، سونىمەن بىرگە، جاۋىن-شاشىن مولشەرى مول بولعان جاعداي استىندا، اتىزداعى ىركىلىپ قالعان سۋدى ىعىستىرۋمەن بىرلىكتە، سۋارۋدى دا مۇمكىن بولسا كەشەۋىلدەتكەن ءجون. ايتپەگەندە توپىراق تەمپەراتۋراسى جالعاستى تومەندەپ، توپىراقتاعى اۋانىڭ الماسۋى ناشارلاۋى سەبەپتى، مايسانىڭ قالىپتى ءوسۋى تەجەلەدى.

  2. مايسانى سۋىقتان ساقتاۋ ءارى      تىڭايتقىشتى ەرتەرەك بەرۋ

  اۋا راي وزگەرىسىن قاداعالاي باقىلاپ، كوكتەمدەگى ۇسىك اپاتىنىڭ الدىن الۋ. تاياۋ بىرنەشە جىلدان بەرى رايونىمىزدا ناۋرىز ايىنىڭ اياعىمەن، ءساۋىر ايىنىڭ باسىنداعى سۋىق اعىستان كۇزدىك ءبيداي مايساسىنىڭ ۇسىككە شالدىعۋ احۋالى ءومىر ءسۇرىپ كەلەدى. ۇسىك اپاتىنىڭ الدىن الۋ ءۇشىن سۋارۋ شارت-جاعداي بار ورىندار، سۋىق    اعىستان بۇرىن مايسانى سۋارسا، جەر بەتىندە شاعىن اتمەسفەرالى سۋىقتان قورعانۋ ورتاسى جاراتىلىپ، مايسانى ءونىمدى تۇردە ۇسىك  اپاتىنان امان  الىپ قالۋعا بولادى. ەگەردە مايسا كەنەتتەن سۋىق اعىستىڭ اسەرىنە ۇشىراسا، وندا ۋاقىتتى قولدان بەرمەي ۋرەا سىندى تەز ءونىمدى تىڭايتقىشتاردان 7 دە 10 كيلوگرامنان بەرىپ، قالپىنا كەلۋىن ىلگەرىلەتۋمەن بىرگە، تۇپتەنۋ مولشەرىن ارتتىرىپ، كەمىگەن مايسانى تولىقتاۋ شارالارىن قولدانۋ ءتيىس.    ەگەردە مايسا ساباعىنىڭ تۇپتەنۋ ورگانى ۇسىككە شالدىعۋى ٪10 تەن جوعارى بولسا، وندا ءار مۋ جەرگە 4 تە 5 كيلوگرامنان ۋرەا تىڭايتقىشى بەرىلىپ سۋارىلادى.  ۇسىك اپاتىنىڭ مايساعا سالعان زيان دارەجەسىنە قاراي تىڭايتقىش مولشەرىن ارتتىرۋعا بولادى، دەسەدە، 15 كيلوگرامنان ارتتىرىپ جىبەرۋگە جول قويىلمايدى.

  3. توپىراقتى نىعىزداپ،ىلعالدىقتى ساقتاۋ

    كوكتەم باسىندا ءبيداي مايساسى قايتا كوكتەۋ قارساڭىندا توپىراقتى نىعىزداپ، ىلعالدىقتى ساقتاۋ ارقىلى مايسانىڭ تامىر سەستەماسىنىڭ ءوسۋىن ىلگەرىلەتىپ، مايسانىڭ تەز بوي تارتىپ كەتۋىنىڭ الدىن الۋ قاجەت. مۇندا مايسانىڭ ساباق، جاپىراعىن زاقىمداپ الۋدان اباي بولعان ءجون.

  4. ەگىس دارىسىمەن ارام ءشوپ وتاۋ

  كۇزدىك ءبيداي مايساسى قايتا كوكتەۋ مەزگىلىندە ەگىس دارىسىمەن ارام ءشوپ وتاۋدى جالپى بەتتىك ەرتەرەك جۇرگىزۋ دارىپتەلەدى. مۇندا، ٪72 تىك 2 ،4-دي سۇتشەسىنىڭ   (2、4D丁醋 60 تا) 70 گرامىنا 15 كيلوگرام  سۋ   قوسۋ      نەمەسە ٪15 تىك   ارجياسىلۋدىڭ             (  200   (二甲四氯  گرامىنا  15 كيلوگرام سۋ قوسىپ اتىزعا بۇركىپ بەرىلەدى. ەگەردە ەكى ءتۇرلى   ەگىس ءدارىسىن قوسىپ ىستەتسە 2، 4 دي سۇتشەسىنىڭ 35 گرامىنا ارجياسىلۋدان 150 گرامىن قوسىپ، 15 كيلوگرام سۋدا ءدارى ەرتىندىسى ازىرلەپ، اتىزعا تەگىس شاشىلادى.

  5. ەگىس دارىسىمەن دەرت- دەربەزدىڭ الدىن الۋ

   رايونىمىزدا كۇزدىك ءبيدايدىڭ نەگىزگى دەرت-دەربەزىنەن سىزىقتى دات دەرتى، جاپىراق دات دەرتى، اق توزاڭ دەرتى جانە قىزارىپ وڭەزدەنۋ دەرتى سياقتىلاردى اتاۋعا بولادى. وتكەن جىلى قىس جانە بيىلعى كوكتەمدەگى اۋا تەمپەراتۋراسىنىڭ جوعارى ءارى قۇبىلمالى، جاۋىن-شاشىن مولشەرى مول، كۇن نۇرى جەتەرسىز بولعاندىقتان، جوعارىداعى دەرتتەردىڭ كەڭ كولەمدى تارالۋ مۇمكىندىگى ءبىرشاما كۇشتى. سول سەبەپتى ءبيدايدىڭ بۇكىل ءوسۋ بارىسىندا ەكى دۇركىن ءدارى شاشىلادى: 1-رەتكى  ءدارى شاشۋ ۋاقىتى مايسانىڭ بوي تۇزەگەن مەزگىلىندە فىنشيۋنيڭ (粉锈宁) ءدارىسىنىڭ 70 دە 80 گرامىنا 15 كيلوگرام سۋ قوسىپ اتىزعا بۇركىپ بەرىلەدى؛ 2-رەتكى  ءدارىنى ءبيدايدىڭ ءوسۋ مەزگىلىندە شاشىلادى. مۇندا، ٪50 دۋجۇنلين   دارىسىنەن 80(多菌灵) دە  100 گرام نەمەسە     جياجيتۋوبۋجۇن       ( (甲基 托 布浸ءدارىسىنىڭ 50دە 60 گرامىنا 15 كيلوگرام سۋ قوسىپ اتىزعا بۇركىپ بەرىلەدى.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn