ەەڭ جاڭا مازمۇندار
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
مەيىرگە شومعان تيانشاننىڭ بار الابىنان كوكتەم لەبى ەستى
جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىن» باسىپ تاراتتى
قالىڭ شاعىن شارۋالاردى استىقتى كوپتەپ ەگۋگە، جاقسى استىق ەگۋگە جەتەكتەپ، مەملەكەتتىڭ استىق حاۋىپسىزدىگىنە بىرگە كۇش قوسىڭىزدار
ساياحات كاسىپ كۇيىن بايىتىپ، ايماقتىڭ ساياحات كاسىبىنىڭ جوعارى ساپالى دامۋىن ىلگەرىلەتەمىز
تارباعاتاي ايماقتىق پارتيا قۇرىلىسىن زەرتتەۋ قوعامى 4 -رەتكى مۇشەلەر قۇرىلتايىن اشتى
2022-جىلى 6-ايدىڭ 30 -كۇنى 145 ـ سان
جازداعى سالتاناتتى كەڭەس، ونان دا ماڭىزدىسى، كوكتەمگى ساپارعا اتتانۋ
شينجياڭ ساياحاتىندا ”قايتا اتتانۋدىڭ“ دابىلىن قاعايىق
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
ءسىز اتپەن كەلىپ ءبىزدى ساپارعا ۇزاتىپ سالعان ەدىڭىز، ءبىز جەڭىسپەن ورالىپ سىزگە قۇرمەت بىلدىرەمىز
قار - مۇز ساڭلاقتارى جۇڭگونىڭ قار قالاسىمەن رومانتيكالى كەزدەستى
شينجياڭ ورتا، شاعىن كاسىپورىندارعا فينانستىق قىزمەت وتەۋ تۇعىرى رەسمي ىسكە قوسىلدى
شينجياڭ ساياحاتىندا ”قايتا اتتانۋدىڭ“ دابىلىن قاعايىق
اۆتونوميالى رايوننىڭ ساياحاتتى دامىتۋ جينالىسى اشىلدى
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
شيحۋ: ءتۇبىتتى ەشكى سوناۋ گۋاڭجوۋعا دەيىن ساتىلىپ، تاماشا كىرىس كوزىنە اينالدى
اۋىل شارۋاشىلىق سەيىل -سەرۋەن باقشاسى اشىلىپ، قوناقتاردى قارسى الدى
ارالاسۋ، ىشتەسۋ، توعىسۋ قيمىلىن ورىستەتىپ، ۇلتتار ىنتىماعىن بىرلىكتە تىلگە تيەك ەتتى
كوكباس جۇگەرى جيناستى
مالشىلاردىڭ قىرقىمىنا كومەكتەستى
2022-جىلى 6-ايدىڭ 29 -كۇنى 144 ـ سان

كوشپەلى ماحاببات

جولدانعان ۋاقىتى : 2015/4/27 11:15:33

  بەيىمبەت مايلين   (قازاقستان)

    ورازانىڭ ءىشى ەدى.

   مەنىڭ قونىپ وتىرعانىم قالابايدىكى. بۇكىل اۋىل جەتى-سەگىز ءۇي. ەكى قاتار قونعان. الدىڭعى قاتار قالاباي توبى بەس ءۇي. ارتقى قاتاردا سەكەمبايلار.ءۇش ءۇيدىڭ وڭتۇستىك   جاق  شەتكىسى ىبىرايدىكى، التى قانات قوڭىر توبەل ءۇي، الدىڭعى ۇزىگىنىڭ جارتىسى قارا كۇڭگىرت، جارتىسى بوزعىلداۋ.

   كەشكە جاقىن قوناقتىڭ دالادا وتىراتىن ادەتى. اربانىڭ تۇبىندە وتىرىپ بوي جازدىق. مەنىڭ ەكى كوزىم ىبىرايدىڭ ۇيىندە بولدى. كارى كەمپىر شەشەسى ءۇيدىڭ سول جاق قابىرعالىعىندا بىردەمە ۇستاپ وتىر. قىزىل پۇلىش كامزولى بار. شاشاقتى جاۋلىق كەستەلەپ سالىنعان ءبىر كەلىنشەك ءۇي مەنەن جەر وشاقتىڭ اراسىندا ەرسىلى-قارسىلى جۇگىرىپ ءجۇر. سىرتقى ءپىشىنى، ءجۇرىس-تۇرىسى ءبىر ءتۇرلى تانىس سەكىلدى.

   مەن قىستى كۇنى دە كەلگەم. ىبىراي وندا ءال ۇستىندە ناۋقاس ەدى. كارى شەشەسى، بىلتىر العان جاماعاتى زەينەپ ەكەۋى دە بىردەي مويىندارىنا بۇرشاق سالىپ، ىبىرايدىڭ تىرلىگىن قۇدايدان زار جىلاپ سۇراپ وتىر ەدى. ىبىراي ولسە جاسى جەتكەن كەمپىر دە، جاس بالدىرعان زەينەپ تە دۇنيەگە قوش ايتىساتىن تۇرلەرى بار ەدى.

   مەن سولاي دەپ  ويلاۋشى ەدىم.

   ىبىرايدىڭ ساۋىندا دا كورگەم. زەينەپ پەن  ەكەۋىنىڭ اراسىنداعى سۇيىسپەندىك ادام بالاسىندا بولماعان  دەرلىك ەدى. «قاراقتارىمنىڭ قىزىعىن كوردىم، وسىلاردىڭ الدىندا ولسەم، دۇنيەدە ارمانىم جوق!»دەپ كەمپىر دە قۇدايىنا مىڭ-مىڭ شۇكىر ەتەتىن سەكىلدى ەدى.

   ىبىراي ولگەن سوڭ دا كورگەم.

   قاراڭعى جەر ءۇيدىڭ قالاۋسىز پەشىنە ارقاسىن سۇيەپ، يىعىندا شوقپىت كۇپى، كوزىنىڭ جاسى كول بولىپ وتىر ەدى. باسىنا ىبىرايدىڭ قارا بوكەبايىن بوس سالىپ، بەلى مىقتاپ بۋۋلى ەكى ءبۇيىرىن تايانىپ:

   «دۋشار بولدى دەرت قاتتى،
   ناۋقاستاندى _ دەرت باتتى.
   العانىن تاستاپ ساربازىم

   الىس جولعا ءجون  تارتتى!..» دەپ ىبىرايدىڭ جانىنان ارتىق كورەتىن جارى زەينەپ وتىر ەدى. قايعىسى كۇشتى ەدى. جىلاعاندا كوزىنەن قان تاماتىن ەدى. مەن كوڭىل ايتقانىمدا:

   «كەستەلى كويلەك ەتەگىم،
   كەلمەدى جايىم، كەتەمىن.
   قالقادان قالىپ، قۇرداس-اۋ،
قايىرىن سۇراپ نەتەمىن...» دەپ ەدى زەينەپ.

   مەن دە جىلاپ ەدىم. زەينەپتىڭ قايىرىن سۇراماسىنا كوڭىلىم بەكىپ ەدى.

   ىبىرايدىڭ ۇيىنە بارعىم كەلدى. قايعىلى، سورلى شەشەسىنىڭ، قان جىلاعان جارى زەينەپتىڭ ازدا بولسا سويلەسىپ كوڭىلىن كوتەرگىم كەلەدى. اۋىلدىڭ ورتاسىنان قاق جارىپ جۇرەتىن جولدىڭ ۇستىندە ءتورت-بەس كىشكەنە بالالار قۇم ءۇيىپ ويناپ جاتىر ەكەن. مەنەن قورىقتى... بىرىنە- ءبىرى جالتاڭداپ قاراپ:   «ورىس كەلە جاتىر...» دەپ تۇرا قاشتى. بىرەۋىنىڭ ات قىپ مىنگەن تالى قالدى. مەن بالالارعا كۇلدىم...

   ءۇيدىڭ قاسىنا كەلگەنىمدە، باسىن كوتەرىپ الىپ، كەمپىر تەسىلە قارادى.

   -قاراعىمنىڭ  قۇرداسى ەكەن عوي، _ دەدى.

   بەت اجارىنا قايعىنىڭ ءىزى جۇگىرىپ، كوزىنىڭ جانارىندا مولتىلدەگەن جاس تا كورىندى. مەن وتىرىپ امانداستىم.

   ءۇيدىڭ ىشىندە شىرىلداعان دىبىس شىقتى. سىبدىرلاتىپ الدەكىمنىڭ جۇرگەنى ءبىلىندى. سىقىرلاۋىق «شىقىر» ەتە قالدى. شىلدىرلاعان دىبىس ۇيدەن شىققاندا، كەمپىر ماعان جاقىنداعانداي بولدى. مەن بۇرىلىپ قارادىم. كوزىمە سەنگىم كەلمەدى.

   كەستەلى جاۋلىقتى ارشىن جارىمداي قىلىپ سالىنعان، قاتارلاپ وراعان التىن ۇش تۇمارشادان كورىنبەيدى، پۇلىش كامزولدىڭ ومىراۋى القىم باۋ، ىلگەكپەن تولعان _ زەينەپ كەلىپ ءتونىپ تۇر.

   -مىنا كىسى ەكەن عوي؟ _ دەدى.

   قىلميىپ كۇلدى. ەكى بەتى قىپ-قىزىل نارتتاي، ىبىرايدىڭ   تىرىسىندەگىدەن دە ادەمىلەنگەن.

   كەمپىر جاۋتاڭداپ كەلىنىنە ءبىر، ماعان ءبىر قارادى. «مىنا كىسى ەكەن عوي...» بۇرىن، ىبىرايدىڭ تىرىسىندە كەلگەنىمدە زەينەپ:  «قۇرداس ەكەن عوي...» دەيتىن.

   كوك شولاق اتقا جەلقوم ەردى سالىپ مىنگەن، يمەك تۇمسىقتاۋ قارا بالا جىگىت قىستاۋ جاقتان كەلەدى. ءۇيدىڭ جانىنا ءتۇستى. زەينەپ سىلق-سىلق ەتىپ بۇرالا باسىپ، قارسى الىپ، تاعى قىلميىپ كۇلدى.
   - ءاي، _ دەدى.

   قارا بالا كۇلىمسىرەپ قارادى. «بۇزاۋ جوق، جامىراپ كەتكەن شىعار، اتىڭمەن تاۋىپ اكەلسەڭ قايتەدى؟!»

             *  *  *

   كۇن تۇنەرگەن بۇلت، مينۋت سايىن قاراڭعى تارتىپ بارادى... جەلسىز تىپ-تىنىق. بىرەن-ساران سارى ماسالار بەتكە، قولعا قونىپ مازانى الادى...

   قالابايدىڭ ءۇيىنىڭ سىرتىنا، قارا جەلەڭدى بوس  سالىپ، ومىراۋىندا جىلتىراعان كۇمىس ساعاتتىڭ باۋى، مولدا شىقتى. ولاي-بىلاي قارادى. ءتوس قالتاسىنان ساعاتىن شىعارىپ، قۇلاعىنا اپارىپ تىڭدادى.

بىرەر تارانىپ سىپايىلانىپ العان سوڭ، ەكى قولىمەن قۇلاعىن ۇستاپ ازان ايتۋعا كىرىستى.

   -اللا اكپار...

   بارىلداعان داۋىسى تىنىق اۋەمەن جاڭعىرىعىپ بۇكىل ەلدى باسىنا كوتەرگەندەي بولدى.

   مەن تۇرىپ كەمپىرمەن قوشتاستىم.

   -كەلىپ تۇر، قاراعىم، _ دەدى.

   مولتىلدەگەن جاسى ەرىكسىز كوزىنەن شىعا باستادى...

   زەينەپ جەر وشاقتىڭ باسىندا تۇر ەدى، تۇسىنان وتە بەرگەنىمدە بۇرىنعىدان بەتەر قىلميىپ كۇلدى...

   دۇنيەدەگى باقىتتى ادام جالعىز ءوزى سەكىلدەندى.

   دۇنيەدەگى سۇيىسپەندىك قارا بالا مەن ەكەۋىندە عانا تارىزدەندى...

دايىنداعان –
       سيپات قازىكەن ۇلى



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn