ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

پاتەنت ۇقىعىن بۋشقا ساتۋ

جولدانعان ۋاقىتى : 2015/5/11 11:08:53

يا ميڭ

    2004-جىلى قاراشا ايىنىڭ باس شەنىندە ا ق ش-تىڭ زور    سايلامى  اياقتادى. ا ق ش-تا وقىپ جاتقان جۇڭگولىق قىز وقۋشى حۋاڭ يا وسى جولعى زور سايلاۋدا ەپتىلىكپەن ەكى ميلليون جەتى ءجۇز مىڭنان استام دوللار پايدا تاۋىپ، جاماعاتتى وزىنە جالت قاراتىپ، ەل نازارىنا ىلىنگەن احپارات كەيىپكەرى بولدى. «ۆاشينگتون پوچتا گازەتى»  «زور  سايلام ورايىندا قىرۋار پايداعا  كەنەلدى» دەگەن تاقىرىپپەن حۋاڭ يانىڭ ساۋدا سالاسىندا تالانتى مەن اقىل-پاراساتىن ايگىلەگەنىن حابارلادى.

  2002-جىلى جازدا 22 جاستاعى حۋاڭ يا ۋحان ۋنيۆەرسيتەتىن        تاۋىسىپ، ا ق ش فلوريدا شتاتى ۋنيۆەرسيتەتىندە ونەكارسىپ ساۋدا باسقارۋ كاسىبىنەن ماگيسترلىك وقيدى. حۋاڭ يا قاجىرلى، دەربەستىكتى قالايتىن بويجەتكەن ەدى. ەجەلدەن ەڭبەگىمەن تاپقان اقشاسىمەن قاجەتتى قاراجاتتاردى وتەيتىن. 2004-جىلى شاعان مەرەكەسىنەن سوڭ، ول باس قۇراۋعا دايىندالدى. شاڭىراق كوتەرۋگە ءبىرتالاي اقشا  جۇمسالاتىنى انىق. سونىمەن ول بار نيەتىمەن ساۋدا ورايىن ىزدەدى. ۋاقىت، قارجى قاتارلى فاكتورلار شەكتەمەسىنەن بولاشاعى ءتاۋىر دەگەن نىسانداردى   اتقارۋعا امالسىز قالدى.

  2004-جىلى  كوكتەمدە ا ق ش-تىڭ 55-كەزەكتى پريزدەنت زور سايلاۋى دابىرالى باستالدى. حۋاڭ يا ءار جولعى پريزدەنت سايلاۋىندا اسا ۇلكەن ساۋدا ورايىنىڭ جاسىرىنىپ جاتاتىنىن انىق ۇعاتىن. وسى جولعى زور سايلاۋدا الدىڭعىلارمەن ۇقساس بولادى. ماسەلەنىڭ ءتۇيىنى - سايلاۋ بارىسىندا از قارجى جۇمسالاتىن ءارى ۇيرەنۋ ۋاقىتىنا بوگەت بولمايتىن ىڭعايلى نىسان تابۋ عانا.

  ءساۋىر ايىنىڭ ورتا شەنىندەگى اپتا سوڭىندا، حۋاڭ يا ءسوز بايلاسىپ جۇرگەن جىگىتىمەن كاينەسۆەل قالاسىنا دەم الۋعا بارادى. قايتار جولدا اۆتوكولىككە بەنزين تولتىرۋ ءۇشىن، ماي قۇيۋ پۋنكتىنە كىرەدى.

  ماي قۇيۋشى  قىزمەتكەر ازىلدەي:

  - ساعان «بۋش» قۇيسىن با، الدە، «كەرري» قۇيسىن با؟-دەيدى.

   ماي قۇيۋشى قىزمەتكەردىڭ قول يشاراتىنان حۋاڭ يا بەنزين تۇتىگىنىڭ اۋىز جاعىنا بۋش پەن كەرريدىڭ كارتون باس سۋرەتى تۇسىرىلگەن قاعاز جاپسىرىلعانىن، بەنزين شىعاتىن ورىننىڭ ولاردىڭ «ايقارا اشىلعان اۋزى» ەكەنىن بايقايدى. حۋاڭ يا   سول     ساتتە ا ق ش پريزدەنتى سايلامىنا تۇسۋشىلەر القاسىنىڭ سايلام بەلەتىنە قول جەتكىزۋ ءۇشىن، سايلاۋشىلارعا جاقسى  اتانۋ ءادىسىن جانتالاسا قاراستىرعانىن، اۋەلى، ماي قۇيۋ پۋنكتىن دە قاعىس قالدىرماعانىن تۇيسىنەدى.

  وسىلايشا، تاس جول جاعالاۋىنان وزگەشە كورىنىس بەلەڭ بەرەدى: بۋش پەن كەرري ماي قۇيۋ پۋنكتىندە اۋىزدارىن ارانداي اشىپ، سايلاۋشىلاردىڭ اۆتوكولىگىنە بەنزين «قۇسىپ تۇرادى». حۋاڭ ياعا ءبىر وي ورالادى: بۋش پەن كەرريدىڭ باس سۋرەتى سىزىلىپ، اتتارى جازىلعان كۇنقاعار شاپكى مەن كىشكەنە جالاۋشا ءوندىرىپ، بازارعا سالسا، سايلاۋشىلاردىڭ قىزۋ قارسى الۋىنا بولەنۋى مۇمكىن.

  مەكتەپكە قايتىپ كەلگەسىن، حۋاڭ يا بۋش پەن كەرريگە قاتىستى ماتەريال جيناپ، جىگىتىمەن  بىرگە ولاردىڭ باس سۋرەتىنىڭ كارتون نۇسقاسىن سىزادى. سۋرەتتەرىنىڭ استىنا  ولاردىڭ اتىن جازادى. حۋاڭ يا شاپكىنىڭ      ارتقى   كورىنىسىنە ا ق ش-نىڭ مەملەكەت تۋىن جوبالايدى. ۇستىنە جەڭىسكە جەتۋ ماعىناسىنا  ۋاكىلدىك ەتەتىن v فورمالى قول يشاراتى ءتۇسىرىلىپ، «مەن ا ق ش پريزدەنتى بولامىن» دەگەن جارناما ءسوزى قوسا بەرىلەدى. بۋش پەن كەرريدىڭ ۇقساماعان مىنەزى مەن سايلام باسەكەسىندەگى پروگرامماسىنا ساي، حۋاڭ يا v فورمالى قول يشاراتىنا وزگەشە جوبا ۇستەيدى: بۋشتىڭ v فورمالى قول يشاراتىن باسقارىلمالى بومبى مەن زەڭبىرەكتىڭ قۇبىلمالى سۋرەتىنەن قۇرايدى. بۇل ونىڭ لاڭكەستىككە بەلسەنە قارسى تۇراتىن، ىمىراعا كەلمەيتىن قاتاڭ ديپلوماتيالىق ساياساتىن بەينەلەيدى. كەرريدىڭ v فورمالى قول يشاراتى زايتۇن اعاشىنىڭ بۇتاعىنان كەستەلەنەدى. بۇل ونىڭ بەيبىت ديپلوماتيا ساياساتىن ۇستانۋدى قالايتىن، قوعامدىق يگىلىككە ءمان بەرۋدى قۋاتتايتىن جۇمساق ساياساتىنىڭ وبرازىنا بالانادى. قاراپايىم دا جاندى جوبالاۋ ارقىلى پريزدەنت سايلاۋىنا قاتىناسقان ەكى كانديداتتىڭ مىنەز-قۇلقى، ساياسي باعدارى كورنەكتىلەنەدى ءارى ولاردىڭ سايلام بارىسىنداعى سەنىمدەرى ايگىلەنەدى.

  وسىلاردىڭ بارلىعى ءونىمنىڭ كەدەرگىسىز ساتىلۋىنا بەرىك نەگىز قالايدى. ساۋداعا توسەلگەن    حۋاڭ يا  وسى ونىمدەرگە ءوزىنىڭ تەلەفون ءنومىرىن جازادى. ونىڭ ۇستىنە ونىمدەردىڭ سىرتقى كورىنىسىن جوبالاۋ پاتەنتىنە ءوتىنىش بەرەدى. پاتەنت بەكىتىلگەن سوڭ، حۋاڭ يا ءبىر زاۆودپەن بايلانىس جاساپ وسى ونىمدەردى   وندىرەدى  ءارى الەۋمەتتىك اۋماقتاعى سايلام ورىندارى مەن ساۋدا سارايلارىنا حابارلاسىپ، ولارعا ءونىمىن ساتۋدى اماناتتايدى. ءونىم بازارعا تۇسكەن سوڭ ساۋداسى كۇسەت بولادى. كوپ وتپەي 200 مىڭ دانادان استام شاپكى، نەشە ءجۇز مىڭ دانا شاعىن جالاۋشا ساتىلادى. حۋاڭ يا مەن جىگىتىنىڭ تالەيى وڭىنان كەلىپ، قىرۋار پايداعا كەنەلەدى.

  كەيىن بۇنداي كارتون وبرازى كەرري بازاسىنداعىلاردىڭ نازارىن اۋدارادى. ولار حۋاڭ ياعا 500 مىڭ دوللارلىق كومەك قاراجات بەرىپ جانە ساتىلىم تورابىمەن قامداپ، تەك كەرريدىڭ كارتون باس سۋرەتىن شىعارتادى. ماۋسىم ايىنىڭ سوڭىندا، بۋشتىڭ سايلام باسەكە القاسىنداعىلار حۋاڭ يانى ىزدەپ كەلەدى. 850 مىڭ دوللار قاراجات شىعارىپ حۋاڭ يا جوبالاعان بۋشقا ۋاكىلدىك ەتەتىن ءونىمنىڭ پاتەنتىن ساتىپ الۋعا پەيىل بىلدىرەدى. حۋاڭ يا جەتەكشى ۇستازى جەننيدىڭ ءتۇسىندىرۋى مەن قولداۋى ارقاسىندا، زاڭدى تۇردە  «بۋش» پاتەنتىن بۋشتىڭ سايلام باسەكە القاسىنداعىلارعا ساتىپ،  وپ-وڭاي 850 مىڭ دوللار تابىس تابادى.

  زەرەك جاندار ورايدى يگەرە بىلەدى. پاراساتتىلار ورايدى جاراتا بىلەدى. حۋاڭ يا الدىمەن زور  سايلامداعى  ساۋدا ورايىن مەڭگەرە ءبىلدى. كەيىن كەرري بازاسىنداعىلاردىڭ اماناتتاۋىمەن بۋش بازاسىنداعىلاردى ءونىم پاتەنتىن شاراسىز ساتىپ الۋعا ماجبۇرلەدى. حۋاڭ يا ورايدى يگەرىپ عانا قويماستان،  جاراتا ءبىلدى. بۇل اڭگىمە بىزگە بازار تيجاراتى تۋرالى اسا تارتىمدى ساباق سانالادى.


اۋدارعان -

          قۋات جۇماش ۇلى



 
رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.




 
powered by IlgharCMS 3.2 www.ilghar.cn