ەەڭ جاڭا مازمۇندار
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
مەيىرگە شومعان تيانشاننىڭ بار الابىنان كوكتەم لەبى ەستى
جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىن» باسىپ تاراتتى
قالىڭ شاعىن شارۋالاردى استىقتى كوپتەپ ەگۋگە، جاقسى استىق ەگۋگە جەتەكتەپ، مەملەكەتتىڭ استىق حاۋىپسىزدىگىنە بىرگە كۇش قوسىڭىزدار
ساياحات كاسىپ كۇيىن بايىتىپ، ايماقتىڭ ساياحات كاسىبىنىڭ جوعارى ساپالى دامۋىن ىلگەرىلەتەمىز
تارباعاتاي ايماقتىق پارتيا قۇرىلىسىن زەرتتەۋ قوعامى 4 -رەتكى مۇشەلەر قۇرىلتايىن اشتى
2022-جىلى 6-ايدىڭ 30 -كۇنى 145 ـ سان
جازداعى سالتاناتتى كەڭەس، ونان دا ماڭىزدىسى، كوكتەمگى ساپارعا اتتانۋ
شينجياڭ ساياحاتىندا ”قايتا اتتانۋدىڭ“ دابىلىن قاعايىق
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
ءسىز اتپەن كەلىپ ءبىزدى ساپارعا ۇزاتىپ سالعان ەدىڭىز، ءبىز جەڭىسپەن ورالىپ سىزگە قۇرمەت بىلدىرەمىز
قار - مۇز ساڭلاقتارى جۇڭگونىڭ قار قالاسىمەن رومانتيكالى كەزدەستى
شينجياڭ ورتا، شاعىن كاسىپورىندارعا فينانستىق قىزمەت وتەۋ تۇعىرى رەسمي ىسكە قوسىلدى
شينجياڭ ساياحاتىندا ”قايتا اتتانۋدىڭ“ دابىلىن قاعايىق
اۆتونوميالى رايوننىڭ ساياحاتتى دامىتۋ جينالىسى اشىلدى
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
شيحۋ: ءتۇبىتتى ەشكى سوناۋ گۋاڭجوۋعا دەيىن ساتىلىپ، تاماشا كىرىس كوزىنە اينالدى
اۋىل شارۋاشىلىق سەيىل -سەرۋەن باقشاسى اشىلىپ، قوناقتاردى قارسى الدى
ارالاسۋ، ىشتەسۋ، توعىسۋ قيمىلىن ورىستەتىپ، ۇلتتار ىنتىماعىن بىرلىكتە تىلگە تيەك ەتتى
كوكباس جۇگەرى جيناستى
مالشىلاردىڭ قىرقىمىنا كومەكتەستى
2022-جىلى 6-ايدىڭ 29 -كۇنى 144 ـ سان

ايلا

جولدانعان ۋاقىتى : 2015/6/1 10:53:36

شيڭ شين- ي ( جاپونيا )

  R مىرزا ءوزىنىڭ ساۋلەتتى سارايىنداعى جايلى ءبىر بولمەدە ۇيىقتاپ جاتىر. ول قالتالى بولعاندىقتان دا وسىنداي باردام تۇرمىس كەشىرىپ كەلەدى. ول ەجەلدەن تارتىپ ءارقانداي ءبىر ءتيىمدى ورايدى ۋىسىنان شىعارىپ كورمەگەندىكتەن دە ءدال قازىرگىدەي قوماقتى قازىناعا يە بولعان جان ەدى.

  ءتۇن ورتاسىندا R مىرزا كەنەت وزگەشە ءبىر دىبىستان ويانىپ كەتتى. دىبىس كىتاپ ۇيىنەن شىققان سەكىلدى بولدى. توسەگىنەن ءتۇسىپ، ەسىك ساڭلاۋىنان ەپتەپ الگى كىتاپ ۇيىنە كوز سالدى.

  قاراڭعىدا ءۇي ىشىندە قول شىراق جارىعى كولبەڭدەگەندەي بولدى. R مىرزا زەر سالا قاراپ ەدى، بىرەۋ بۇقپانتايلاپ بىرەسە قابىرعاداعى سورەلەردى، بىرەسە سۋىرمالاردى اقتارىستىرىپ، الدەنەنى ىزدەپ ءجۇر ەكەن. مۇنداي حارەكەت ىستەپ جۇرگەن  ادامنىڭ ۇرى ەكەندىگىندە ەش كۇمان جوق ەدى.

  R مىرزا قابىرعادا ءىلۋلى تۇرعان اڭ مىلتىعىن قولىنا الدى. ەسىكتى تەۋىپ اشىپ، شىراقتى جاقتى. ايعاي سالعان داۋىسى دا اشتى شىقتى. مۇنىڭ ءبارى بىردەمدە ىسكە استى.

    - ەي، قوزعالما، قىبىر ەتسەڭ اتىپ تاستايمىن!

  ءۇي ىشىندە كيىمى جۇپىنى، كورەر كوزگە كەمباعال ءبىر ەركەك تۇرعان ەدى. ساسقالاقتاپ، ەسى شىققانىنان قولىن كوتەرىپ، كەتەۋى كەتكەن ول:

  - مەنى اتپاڭىزشى، قارسىلىق كورسەتپەيمىن،- دەي بەردى.

  - سەن قايدان كىردىڭ؟

  - اناۋ تەرەزەدەن ەپتەپ كىردىم.

  تەرەزە اينەگىنەن ءبىر تەسىك اشىلىپتى، ۇرى ءاسىلى وسى ارادان قولىن ىشكە سۇعىپ، تەرەزەنىڭ تۇتقاسىن قايىرىپ اشقان سەكىلدى.

  -سەن نە قىلعان ادامسىڭ، مۇندا نەگە كىردىڭ؟

  - مەن ۇرىمىن. مەنى كەشىرىڭىزشى. دەسەدە، ەشتەمە ۇرلاي المادىم  عوي، قاراپ كورسەڭىز بولادى.

  - جوق، كەشىرە المايمىن. ەڭبەك ەتپەي وزگەلەردىڭ ماشاقاتتانىپ تاپقان اقشاسىن وپ-وڭاي الىپ كەتۋ بارىپ تۇرعان ءمورالسىزدىق. سوندىقتان باجى مەكەمەسى مەن ۇرىلاردى ءيتتىڭ ەتىنەن جەك كورەمىن.

  مەن سەنى ساقشى مەكەمەسىنە تاپسىرىپ بەرەتىن بولامىن.

  R مىرزا بارىنشا ساقسىنا ءبىر قولىمەن مىلتىعىن ۇستاپ، ەندى ءبىر قولىن قاسىنداعى تەلەفونعا سوزدى. مۇنى كورگەن ۇرى تىپتەن ۇرەيى ۇشىپ، جەرگە تىزەرلەي وتىرا كەتىپ:

  - كەشىرىڭىزشى... مەنى ءبىر جولعا كەشىرە سالىڭىزشى،- دەپ شىر-پىر بولدى.

  - بولمايدى، سەندەي سۇمەلەك تۇرمەنىڭ ءدامىن تاتقانى ءجون.

  - شىنىمدى ايتسام، تۇرمەگە بىرنەشە رەت ءتۇستىم. ەندى تاعى تۇسسەم، ولار بۇرىنعى-سوڭعىسىن قوسىپ، قىلمىس ۇستىنە قىلمىس جامايدى دا تۇرمەدەن قويا بەرمەيتىن بولادى. وسىدان بىلاي ءتۇزۋ ادام بولىپ، كەسىرلى ىسكە جولاماي، ىزگىلىككە جول الام، مەنى كەشىرىڭىزشى.

  - شىنىمەن دە ىزگى ادام بولۋ ويىندا بولساڭ، بۇل ويىڭ جامان ەمەس ەكەن.

  - ەگەر ءسىزدىڭ كەشىرىمىڭىزگە يە بولسام، نە بولسا دا ىستەۋگە بارمىن.
 
  ۇرى باسىن جەرگە توقىلداتىپ  ۇرىپ- ۇرىپ جىبەردى. R مىرزانىڭ جۇرەگى ءجىبىپ قالعانداي، ول ازىراق ويلانىپ الدى دا:

  -مەيلى نەندەي ءىس بولسا دا ىستەيسىڭ بە؟- دەپ سۇرادى.

  -ارينە، مەيلى نە ءىس بولسا دا ىستەيمىن، بۇيىرا بەرىڭىز.

  - وندا كەلىستىك، اناۋ تۇرعان حاۋىپسىز ساندىقتى اش!

  حاۋىپسىز ساندىقتىڭ سوم تۇلعاسىنان-اق ونىڭ سونشالىق بەرىك ەكەنى بەلگىلى ەدى. ۇرى حاۋىپسىز ساندىققا كوز جۇگىرتتى دە قاباعى سالبىراپ، باسىن شايقاي بەردى:

  - شىنىمەن كۇيىم كەلمەيدى. مەن بۇرىندى- سوڭدى مۇنداي حاۋىپسىز  ساندىقتى اشىپ كورگەن ەمەسپىن. اۋەلى، قۇپيا سيفرىن قالاي تەرۋدى جانە ءنومىرىن دە بىلمەيمىن. شىنىمەن اشۋعا تۋرا كەلسە، وسى جاعىنداعى ماماندى ۇسىنىس ەتەرسىز. مەنىڭ بۇدان تيتتەي دە حابارىم جوق، بەتالدى سىناپ كورۋگە باتىلىم دا بارمايدى.

  - بەتالدى قوزعامايسىڭ، مەن ءنومىردى جانە قالاي اشۋدى ءوزىم ايتىپ بەرەمىن.

  - ءبىراق، نە ءۇشىن بۇلاي ىستەيسىز... تۇسىنبەدىم.

  - مىلجىڭدى قوي، ايتقانىم بويىنشا ىستە!  ىستەگىڭ كەلمەسە مەيلى، وندا سەنى اياعىڭنان اتىپ جارالايمىن دا ساقشىعا تەلەفون بەرەمىن، قالاي؟

  - ءتۇسىندىم، مەن ىستەيمىن. ءبىراق، بۇعان كىسىنىڭ اقىلى جەتپەيدى ەكەن...
 
  ۇرى مىڭگىرلەي ءجۇرىپ، R مىرزانىڭ نۇسقاۋى بويىنشا ءنومىر تاباقشاسىن اينالدىرا باستادى. قولىمەن سىرتقا قاراي تارتىپ قالىپ ەدى حاۋىپسىز ساندىقتىڭ قاقپاعى اشىلىپ كەتتى، ءىشى ۇلكەندى-كىشىلى قاعاز قالتا ەكەن. R مىرزا تاعى بۇيىرا ءتىل قاتتى:

  -انداعى قالتالاردىڭ بىرەۋىن اش!

  -قۇپ بولادى! ويپىرماي، مۇنىڭ ءبارى اقشا ەكەن عوي.

  - سولاي، مەن مۇنىڭ بىرەۋىن ساعان بەرەيىن، ال دا تابانىڭدى جالتىراد.

  - شىنىمەن الامىن با؟

  - ىڭعايسىزدانباي-اق قوي، بۇل سەنىڭ الىسقا كەتۋىڭ ءۇشىن بەرگەن تابان اقىم بولسىن. بۇدان بىلاي بۇل ماڭدى اتتاپ باسۋشى بولما، ۇقتىڭ با؟

  ۇرى تاڭعالعانىنان كوزى باقىرايىپ، جۇزىنەن مۇنىڭ بارىنە سەنە الماي تۇرعانداي بەينە بايقاتتى:

  - قانداي قايىرىمدى ادام ەدىڭىز، ماعان كەڭ پەيىلدىكپەن كەشىرىم ەتىپ عانا قويماي، تاعى تابان اقى سيلاپ وتىرسىز…

  - العىس ايتپاي- اق قوي، تەز جولىڭا ءتۇس!

  ۇرى قۋانىشىن باسا الماعان بەتى بىردەمدە تەرەزەدەن لىپ ەتىپ سەكىرىپ شىقتى. سالدەن سوڭ، R مىرزا حاۋىپسىز ساندىقتاعى زاتتاردىڭ بارلىعىن عيمارات ۇستىنە جوتكەپ، اڭ مىلتىعىن بۇرىنعى ورنىنا ءىلدى. تەلەفون سىمىن جۇلىپ تاستاعان سوڭ، ۇيدەن شىعىپ الەۋمەتتىك تەلەفونمەن ساقشىعا تەلەفون جالعادى.

  - الگىندە مەنى توناپ كەتتى. توناۋشى پىشاعىمەن قورقىتقاندىقتان حاۋىپسىز ساندىقتى اشۋدىڭ ءتاسىلىن ايتىپ بەرمەسىمە بولمادى،- دەدى R مىرزا تىزگىن ۇشى جەتكەن ساقشىعا «اقساقتى تىڭداي، جالعاندى شىنداي» سويلەپ.

  - مەنشە بارماق بەدەرى سەكىلدى ءجىپ ۇشى تابىلىپ قالار؟ ناق مايدان اۋەلگى قالپىندا تۇر، قوزعامادىم. قۇددى ءوزىڭىز قازىر كورىپ تۇرعانداي، بۇگىن عانا بانكەدەن قوماقتى اقشا شىعارىپ اكەلگەن ەدىم، ءبىر تيىنىن دا قالدىرماي اناۋ سۇرقيا توناۋشى ءبارىن الىپ كەتتى. 

  - قاراعاندا از زيان  شەكپەپسىز،  وتە وكىنىشتى- اق،- دەدى ساقشى وعان جانى اشي ءتىل قاتىپ.

  R مىرزا بۇل ءسوزدىڭ ءوز ويىنداعىمەن بىردەي شىققانىن ەستىپ، قولما- قول ءىلىپ الا جونەلدى:

  - بولارى بولدى، ەندى ءوز تالەيسىزدىگىمنەن كورگەننەن باسقا نە ىستەيمىن. سالدەن سوڭ تونالعانىمدى راستايتىن انىقتاما كەسىپ بەرەرسىز، ويتكەنى بۇل باجىنى كەشىرىم ەتۋدى ءوتىنىش ەتكەندە كەم بولسا بولمايتىن نارسە ەكەن…


اۋدارعان - قانات جۇماش ۇلى



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.




 
powered by IlgharCMS 3.2 www.ilghar.cn