ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

حيميالىق تىڭايتقىشتىڭ مولشەرى ارتپادى،ەگىنشىلەر نە ويلاپ وتىر

جولدانعان ۋاقىتى : 2015/6/8 13:08:04

جاڭ جىلۇڭ، ۋاڭ جيان

  اۋىل شارۋاشىلىق مينيسترلىگى جاقىندا ەلىمىز كولەمىندە حيميالىق     تىڭايتقىشتى ىستەتۋ مولشەرىن ارتتىرماۋ قيمىلىن جۇرگىزىپ،2020-جىلعا بارعاندا نەگىزگى ەگىس داقىلدارىنا حيميالىق تىڭايتقىش ىستەتۋ مولشەرىن ارتتىرماۋدى قولعا كەلتىرەتىندىگىن   ءبىلدىردى. كەزەكتە ەلىمىزدە حيميالىق تىڭايتقىش ىستەتۋ ونىمدىلىگىنىڭ تومەندەۋىنە جانە اۋىل شارۋاشىلىق قاينارىنىڭ اۋىر بىلعانۋى جاعدايىنا قاراعاندا بۇل ارەكەتتى جۇرگىزۋ وتە قاجەتتى. الايدا، حيميالىق تىڭايتقىش بەرۋ، اينالىپ كەلگەندە، ەگىنشىلەردىڭ جۇمىسى. ولار بۇل قيمىلعا قالاي قارايدى، نە ويلاپ وتىر؟

  «حيميالىق تىڭايتقىش بەرۋ ناشا شەككەن  سياقتى،بەرمەسەڭ  بولمايدى»

  كوكتەم  ءوندىرىسى  كەزى  بولعاندىقتان،شاندۇڭ ولكەسى ۋيفاڭ قالاسى چاڭلى اۋدانى يىڭچيۋ قالاشىعىنىڭ سۇڭيان قىستاعىندا ءتىلشى ايەلىمەن بىرگە جەر سۋارىپ جۇرگەن 53 جاستاعى ەگىنشى تاڭ ليشينگە كەزدەستى. تاڭ ليشين وزىنە قاراستى جەردىڭ 4 مۋ ەكەندىگىن، وتكەن جىلى 27-جەلتوقساندا جاۋعان جاڭبىردان بەرى تىرس ەتكەن تامشى تامباعاندىعىن، سوندىقتان ەگىستىك جەردىڭ قاسىنداعى قۇدىق سۋىمەن جەر سۋارىپ،ەندى ءبىر جاعىنان جەرىنە ۋرەا  بەرىپ  جاتقاندىعىن ايتتى.

  تاڭ ليشيننىڭ ەگىستىك جەرىندە تاعى جارىم دوربا ۋرەا تۇر. تاڭ ليشين كۇزدىك ءبيداي ەككەن كەزدە ءوزىنىڭ ارالاسپا تىڭايتقىش ىستەتەتىندىگىن، ءبىر مۋ جەرگە 150 جىڭ،270 يۋان جۇمسالاتىندىعىن؛ كوكتەگەن كەزدە تاعى 25 جىڭ ۋرەا بەرەتىندىگىن ايتتى. «10 جىلدان بەرى وسىلاي ىستەتىپ كەلەمىن،تاجىريبەمە سۇيەنەمىن عوي»دەدى ول. ءتىلشىنىڭ اتىزدان كورگەنى نەگىزىنەن مول سۋ مەن كوپ شاشىلعان حيميالىق تىڭايتقىش بولدى.

  حيلۇڭجياڭ ولكەسىنىڭ فۋجين قالاسىندا كوكتەمگى ەگىسكە دايىندىق كورگەن ەگىنشىلەردىڭ حيميالىق    تىڭايتقىشقا دەگەن قاجەتى دە وتە زور ەكەن.

  ەگىنشىلىك ءىرى وتباسى لي جۇنليدىڭ ۇيىندە 80 مىڭ جىڭنان استام حيميالىق تىڭايتقىش تاۋداي بولىپ جيناۋلى تۇر. بيىل ونىڭ كۇرىش ەگەتىن جەرى 80 گەكتاردان (ءبىر گەكتار 15 مۋعا تەڭ) استام بولىپ، ءار گەكتار جەرگە ىستەتىلەتىن حيميالىق تىڭايتقىش 1100 جىڭ اينالاسىندا ەكەن. بۇل 2 دوربا كاليلى تىڭايتقىش، 4 دوربا ەكى امموني فوسفات، 2 دوربا ۋرەا، 3 دوربا كۇكىرت قىشقىلدى امموني، تاعى ءبىر سىپىرا كرەمنيلى تىڭايتقىشتاردى قامتيدى. بىرنەشە جىلدىڭ الدىندا ءبىر شاڭ جەرگە ىستەتىلەتىن حيميالىق تىڭايتقىش مولشەرى 700-800 جىڭ عانا ەكەن. حيميالىق تىڭايتقىشتىڭ ىستەتىلۋى جايلى ءسوز بولعاندا، ليۋ جۇنلي: «بۇرىن ەگىن ەككەندە حيميالىق تىڭايتقىش از ىستەتىلەتىن، ءبىر مۋىنا 20-30 جىڭ عانا بەرىلەتىن، بۇدان تىس،ءبىر ءبولىم اۋلا تىڭايتقىشىن  شاشاتىنبىز. قازىر  ەگىنشىلىك كولەمىنىڭ كەڭەيۋىنە ىلەسە حيميالىق تىڭايتقىش تا كوپ بەرىلەتىن بولدى. بىرنەشە جىلدان بەرى حيميالىق تىڭايتقىشتىڭ ىستەتىلۋ مولشەرى ۇزدىكسىز كوبەيىپ، ءبىر شاڭ جەرگە ءار جىلى 50 جىڭنان استام ارتىپ كەلەدى، ويتپەگەندە استىق ءونىمى تومەندەي مە دەپ الاڭدايمىز» دەدى.

  حيلۇڭجياڭ ولكەسى تۇڭجياڭ قالالىق جاسىل ەگىنشىلىك اۋىل شارۋاشىلىق بىرلەسپە كووپەراتيۆىنىڭ اتقارۋشى القاسى ليۋ گاڭنىڭ حيميالىق تىڭايتقىش ىستەتۋ جونىندەگى تانىمى ءتىپتى دە تەرەڭ، كوز الدا بۇل بىرلەسپە كووپەراتيۆ 8 مىڭ مۋدان استام جەردى باسقارادى. ليۋ گاڭ: «ەگىنشىلەردىڭ ەگىستىك جەر كولەمى كەڭەيگەن سايىن حيميالىق تىڭايتقىشتى كوپ ىستەتەدى، قازىرگى كولەمدى تيجارات، باستىسى، حيميالىق تىڭايتقىشقا سۇيەنىپ ءونىمدى ارتتىرادى». ادەتتە مۇنداي كولەمدەگى بىرلەسپە كووپەراتيۆتىڭ حيميالىق تىڭايتقىش ىستەتۋ مولشەرى جەرى از  ەگىنشىلەردەن ءار شاڭىنا %10 مولشەرىندە جوعارى ەكەن.

  «قازىر ەگىنشىلەر حيميالىق تىڭايتقىشقا سۇيەنىپ ەگىن ەگەدى. حيميالىق تىڭايتقىشتى كوپ ىستەتسە، جەردىڭ قۇنارلىلىعى السىرەيتىندىگىن، توپىراقتىڭ تاستاي بولىپ قاتىپ قالاتىندىعىن ءبىز دە بىلەمىز. الايدا، بۇل ناشا شەككەن سياقتى، ىستەتپەسەڭ  بولمايدى» دەدى ليۋ گاڭ.

  حيميالىق تىڭايتقىشتى ازايتۋدا كوڭىل كۇي كەدەرگىسى بار

  اۋلا تىڭايتقىشىن ىستەتۋ حيميالىق تىڭايتقىش ىستەتۋ مولشەرىن ازايتىپ، جەردى قۇنارلاندىرادى. دەسەدە،   ەگىنشىلەر اۋلا تىڭايتقىشىن كەڭ كولەمدە ىستەتۋ ءىس جۇزىندىككە جاناسپايدى دەپ قارادى.

  تاڭ ليشين ءوزىنىڭ 10 نەشە جىلدان بەرى اۋلا تىڭايتقىشىن ىستەتىپ كورمەگەندىگىن ايتتى. ءبىر جاعىنان، حيميالىق تىڭايتقىش ىستەتۋ قولايلى، ونىڭ ۇستىنە قازىر ەشكىم مال باقپايتىندىقتان، اۋلا تىڭايتقىشىن جينامايدى. «بۇرىن اۋلا تىڭايتقىشىن ىستەتكەندە، كۇزگى ەگىستە عانا ءبىر دوربا ارالاسپا تىڭايتقىش بەرەتىنبىز؛ قازىر اۋلا تىڭايتقىشىن ىستەتپەيمىز، كۇزگى ەگىس كەزىندە ءبىر جارىم دوربا  ارالاسپا  تىڭايتقىش ىستەتەمىز» دەدى تاڭ ليشين.

  ليۋ جۇنلي تىلشىگە ءوزىنىڭ ءار جىلى باعىمشىلىق الاڭىنان ازىراق كوڭ ساتىپ الىپ ەگىستىك  جەرگە  توگەتىندىگىن،ءبىراق از كولەمدە ىستەتەتىندىگىن، ونىمەن وسىرگەن استىقتىڭ ءوز ءۇيىنىڭ تۇتىنۋىنا عانا جەتەتىندىگىن، باسقا ەگىستىك جەرىنە ءونىمدى ورنىقتىرۋ، ارتتىرۋ ءۇشىن حيميالىق تىڭايتقىش بەرمەسە بولمايتىندىعىن ايتتى. «اۋلا تىڭايتقىشىنىڭ  بىلعانىشتى  ازايتۋ،جەردى تىڭايتۋ جاعىنداعى پايداسى وتە كوپ. الايدا، ونىڭ قامداۋ قاينارى كوپ ەمەس، تاسىمالداۋدا  وزىندىك قۇنى جوعارى بولعاندىقتان، از كولەمدە عانا ىستەتەمىز» دەدى ول.

  بۇدان تىس، ىستەتۋ فورماسىنىڭ عىلمي بولماۋى دا حيميالىق تىڭايتقىشتى قولدانۋ مولشەرىن ارتتىرادى. تىلشىلىك بارىسىندا ەگىنشىلەر وزدەرىنىڭ حيميالىق تىڭايتقىشتى ەگىس الدىندا نەگىزىنەن ءبىر رەتتە عانا بەرەتىندىگىن جالپى بەتتىك اڭىس ەتتى.

  «حيميالىق تىڭايتقىشتى ءبىر-اق رەتتە بەرۋ وراسان زور ىسىراپشىلدىق. جاڭا عانا كوكتەگەن مايساعا ونشالىق كوپ حورەكتىكتىڭ قاجەتى جوق. ال ازوتتى تىڭايتقىش جەرگە سىڭىرىلگەننەن كەيىن وتە وڭاي بۋلانادى دا ازوت گازىنا اينالادى، مايسا ءوسىپ بولعانشا حورەكتىك قۇرامى دا جوعالادى، حيميالىق تىڭايتقىشتىڭ ءىس جۇزىندىك قولدانىلۋ مولشەرى %60 اينالاسىندا عانا بولادى» دەدى ليۋ گاڭ.

  ۇعىسۋعا قاراعاندا، ساتىعا نەمەسە مەرزىمگە ءبولىپ تىڭايتقىش بەرۋ ارقىلى حيميالىق تىڭايتقىشتىڭ ىستەتىلۋ مولشەرىن  ازايتۋعا  بولادى  ەكەن.  الايدا، بۇعان بايلانىستى ادام كۇشىنىڭ وزىندىك قۇنى كوپ مولشەردە ارتادى. ليۋ گاڭ ساتىعا ءبولىپ تىڭايتقىش بەرۋ داقىلداردىڭ حيميالىق تىڭايتقىشتى   ءسىمىرۋ مولشەرىن جوعارىلاتىپ، حيميالىق تىڭايتقىشتىڭ ىستەتىلۋ مولشەرىن ازايتاتىندىعىن ايتتى. «الايدا، ءبىر شاڭ جەرگە ەگەردە 200 يۋاندىق قۇنعا يە حيميالىق تىڭايتقىشتى از ىستەتسەك، ساتىعا ءبولىپ تىڭايتقىش بەرگەندە، ادام كۇشىنىڭ وزىندىك قۇنىنا 300 يۋان ارتىق جۇمسالادى. سوندىقتان  ەگىنشىلەر ءالى دە حيميالىق تىڭايتقىشتى  كوپ  بەرۋ  جولىن    تاڭدايدى» دەدى ول.

  قوسىمشا قاراجات بەرىلسە  ەگىنشىلەر ورگانيكالىق تىڭايتقىش ىستەتۋگە رازى

  شاندۇڭ ولكەسى شوۋگۋاڭ قالاسى حۋالۇڭ قالاشىعىندا 230 مۋلىق وتباسى ەگىنشىلىك فەرماسى بار، نەگىزىنەن كوكونىس ەگەدى. ءتىلشى ەگىنشىلىك فەرماسىنىڭ جىلى جايىندا ءبىر تۇتاس ىستەتىلەتىن سۋ مەن تىڭايتقىش ءبىر تۇلعالانعان قۇرىلعى بار ەكەندىگىن، ءاربىر جىلى جايداعى قۇرىلعىنىڭ قاراجات شىعىنى 800 يۋان ەكەندىگىن، 6 جىل جالعاستى ىستەتۋگە بولاتىندىعىن، سۋ مەن تىڭايتقىشتى، ەڭبەككۇشتى ۇنەمدەيتىندىگىن كوردى.

  بۇل ەگىنشىلىك الاڭى شوۋگۋاڭ قالاسى قۇرىلعىلى كوكونىس ەگىمشىلىگىنىڭ توپىراق ساپاسىن جوعارىلاتۋ تەحنيكاسىنان ۇلگى كورسەتەتىن ءوڭىرى ەكەن. 2014-جىلدان باستاپ ميكرو ورگانيزمدىك تىڭايتقىشتى، جوعارى كومىرتەكتى ورگانيكالىق تىڭايتقىشتى، توپىراق قۇرامىنا قاراي تىڭايتقىش بەرۋ تەحنيكاسىن، سۋ مەن تىڭايتقىشتى ءبىر تۇلعالاندىرۋدى قولدانا باستاپتى. سىرتتاي قاراعاندا، عىلمي تىڭايتقىش بەرۋ توپىراقتى ءتىپتى دە جۇمسارتىپتى.

  قيار ەگىلگەن جىلى جايدا ەگىس  الاڭىنىڭ قوجايىنى جيا چۇڭشان ءبىر ۋىس توپىراقتى ۇستاپ تۇرىپ تىلشىگە: «كەزەكتە بيو-ورگانيكالىق تىڭايتقىش   (كۇرىش قابىعىن وڭدەۋ ارقىلى  جاسالعان ءبىر ءتۇرلى تۇيىرشىك) ىستەتكەننەن كەيىن توپىراق قاتپايتىن، مايدا، جۇمساق بولدى، سۋ وڭاي سىڭەدى، تەز قۇرعايتىندىقتان، فارازيتتەردىڭ ءوسىپ-وربۋىنە ءتيىمسىز، ونىڭ ۇستىنە داقىلداردىڭ ءسىمىرۋى تەز، ءوسىپ-ءونۋى جاقسى، حيميالىق تىڭايتقىشتى از ىستەتۋگە بولادى» دەدى.

  «قازىر ىستەتىپ وتىرعان ورگانيكالىق تىڭايتقىشقا مەملەكەت پەن جەرگىلىكتى ورىن قوسىمشا قاراجات بەرگەندىكتەن، باعاسى ادەتتەگى تىڭايتقىشپەن نەگىزىنەن ۇقساس. ەگەر قوسىمشا قاراجات بەرىلمەيتىن بولسا، كوپتەگەن ەگىنشىلەر ادەتتەگى تىڭايتقىش ىستەتۋى مۇمكىن. ويتكەنى ادەتتەگى تىڭايتقىشتىڭ باعاسى ارزان» دەدى  جيا چۇڭشان.

  تاڭ ليشيننىڭ دە ورگانيكالىق تىڭايتقىش ىستەتكىسى كەلەدى ەكەن. ورگانيكالىق تىڭايتقىش ىستەتسە، ەڭ كەمىندە توپىراق قاتپايدى. «الايدا، ورگانيكالىق تىڭايتقىش وتە قىمبات بولعاندىقتان، ەگىنشىلىكتەن پالەندەي پايدا تابۋعا بولمايدى. تۇيىرشىك كۇيدەگى ورگانيكالىق تىڭايتقىشتىڭ ءار دورباسى 120 يۋان، ال ۋرەانىڭ ءبىر دورباسى 80 يۋان. ەگەر مەملەكەت 40 يۋاندىق قوسىمشا قاراجات بەرىپ، ۋرەانىڭ باعاسىمەن بىردەي بولسا، ءبىز دە ورگانيكالىق تىڭايتقىش ىستەتەمىز» دەدى تاڭ ليشين.

  ورگانيكالىق تىڭايتقىشتىڭ باعاسىنان سىرت، ءبىر سىپىرا ەگىمشىلىك ءىرى وتباسىلارىنىڭ كوڭىلىندە تاعى باسقا تۇيتكىلدەر دە بار كورىنەدى.

  جۋىق جىلداردان بەرى حيلۇڭجياڭ ولكەسى ورگانيكالىق تىڭايتقىش ىستەتۋدى زور كۇشپەن جالپىلاستىردى. ليۋ جۇنلي: «ورگانيكالىق تىڭايتقىشقا جۇمسالاتىن قارجى مولشەرى وتە كوپ، ءبىر شاڭ جەرگە قازىرگى ىستەتىلىپ وتىرعان حيميالىق تىڭايتقىش مولشەرىنەن ءبىر ەسەگە تاياۋ ارتىق. ەگەر كەڭ كولەمدە ىستەتىلەتىن بولسا، تىڭايتقىش بەرەتىن ماشينانى اۋىستىرۋ كەرەك، بىلاي بولعاندا وزىندىك قۇن كوپ مولشەردە ارتادى. بۇقارا ەگىن ەگۋدە ونىمدىلىكتى  ەڭ  الدىمەن  ويلاستىرادى. حيميالىق تىڭايتقىشتى از ىستەتۋگە بولادى، ماڭىزدىسى، ەگىنشىلەردى يگىلىككە كەنەلتكەندە عانا بەلسەندىلىگى ارتادى» دەدى.

  قاتىستى ماتەريال: اۋىل شارۋاشىلىق مينيسترلىگىنىڭ ورگانيكالىق تىڭايتقىشتى جالپىلاستىرۋداعى ءتورت ءتۇرلى شاراسى

  اۋىل شارۋاشىلىق مينيسترلىگى    ەگىمشىلىك مەكەمەسىنىڭ باستىعى زىڭ ياندى حيميالىق تىڭايتقىش ىستەتۋ مولشەرىن ارتتىرماۋ ارەكەتىنىڭ ماڭىزدى ءبىر جولى حيميالىق تىڭايتقىشتىڭ ورنىنا ورگانيكالىق تىڭايتقىشتى باستىرۋدى ىلگەرىلەتۋ، وسىلاي بولعاندا عانا حيميالىق تىڭايتقىشتى ازايتۋ نىساناسىن جۇزەگە اسىرۋعا بولادى دەپ  اتاپ كورسەتتى. باستى شارا تومەندەگىدەيءبىرنەشە ءتۇرلى:

  ءبىرىنشى، ماشينامەن تىڭايتقىش بەرۋ تەحنيكاسىن جالپىلاستىرىپ،    اۋىل-قىستاق ەڭبەككۇشتەرىنىڭ جەتىسپەۋ ماسەلەسىن شەشۋ كەرەك. مەحانيكالىق تەحنيكانى قولدانۋ ارقىلى داقىل ساباعىن اتىزعا ىستەتىپ، ورگانيكالىق تىڭايتقىش جاساۋ قاتارلى ءتيىمدى شارت-جاعدايمەن قامداۋ قاجەت. كاسىپورىنداردىڭ ورگانيكالىق تىڭايتقىشتى تاسىمالداۋىن، سونداي-اق، جوعارى ءونىمدى قولدانىلمالى مەحانيزمدى زەرتتەپ تاپقىرلاۋىن  قولداپ-قۋاتتاپ، ورگانيكالىق تىڭايتقىشتى ماشينامەن بەرۋدى دامىتىپ، ەڭبەككۇشتىڭ جەتىسپەۋ، ورگانيكالىق تىڭايتقىش  بەرۋدە  ۋاقىتتىڭ،  ەڭبەككۇشتىڭ سارىپ بولۋ ماسەلەسىن شەشۋ كەرەك.

  ەكىنشى، ەگىن شارۋاشىلىعى مەن مال شارۋاشىلىعىن ۇشتاستىرۋدى ىلگەرىلەتىپ، ورگانيكالىق تىڭايتقىش بايلىعىن مولايتىپ ىستەتۋ كەرەك. الداعى جەردە قالا ماڭىنداعى تىڭايتقىش بايلىعى شوعىرلانعان وڭىردە جانە كولەمدەنگەن مال-قۇس باعىمشىلىق الاڭدارىنىڭ ماڭىنان ورگانيكالىق تىڭايتقىش زاۆود سالۋ،مال-قۇس باعىمشىلىعى شوعىرلى وڭىرلەردەن ورگانيكالىق تىڭايتقىش ءوندىرىس سەحىن قۇرۋ،  اۋىل-قىستاقتاعى سابان-توپانى مول جانە مال-قۇس تارقاق باعىلاتىن باعىمشىلىق الاڭدارىندا شاعىن  ءتيپتى  ورگانيكالىق تىڭايتقىش جيناپ اشىتاتىن كولشىك (الاڭ) جاساۋ، كولەمدەنگەن باعىمشىلىق الاڭدارىنىڭ مال-قۇس كوڭىن بىرتىندەپ كوبەيتۋ قاجەت.

  ءۇشىنشى،سۇيەمەلدەۋ ساياساتىن قولعا  كەلتىرىپ،ەگىنشىلەردى  ورگانيكالىق تىڭايتقىش ىستەتۋگە شابىتتاندىرۋ ءتيىس. ساياساتتىق سۇيەمەلدەۋ تەبىنىن كۇشەيتىپ، قوسىمشا قاراجات بەرۋ ارقىلى جاڭا ءتيپتى تيجارات تۇلعاسىنىڭ جانە كولەمدى تيجارات تۇلعاسىنىڭ ورگانيكالىق تىڭايتقىش ىستەتۋ مولشەرىن ارتتىرۋعا شابىت بەرۋ، ورگانيكالىق تىڭايتقىشتى ءبىر ءبولىم حيميالىق تىڭايتقىشتىڭ ورنىن باستىرىپ، جەردى ۇزدىكسىز قۇنارلاندىرىپ، حيميالىق تىڭايتقىش ىستەتۋ مولشەرىن ازايتۋ، تىڭايتقىشتىڭ قولدانىلۋ مولشەرىن جوعارىلاتۋ قاجەت.

    ءتورتىنشى، قىزمەت وتەۋ مەحانيزمىن جاڭالاپ، ورگانيكالىق تىڭايتقىش بايلىعىن ارتتىرعا قىزمەت وتەۋ ورەسىن جوعارىلاتۋ كەرەك. ءتۇرلى قوعامدانعان قىزمەت وتەۋ ۇيىمدارىن دامىتىپ، ارناۋلى كوتەرەگە العان وتباسى، ەگىمشىلىك ءىرى وتباسىلارى قاتارلىلارعا باستان-اياق نەمەسە ساتىلى، ماۋسىمدىق سيپاتتى تىڭايتقىش بەرۋ قىزمەتىن وتەپ، اۋىل-قىستاق ەڭبەككۇشتەرىنىڭ جەتىسپەۋ كەمىستىگىن تولتىرىپ، كاسىپورىنداردى ورگانيكالىق تىڭايتقىش تاۋارلارىن وندىرۋگە شابىتتاندىرۋ ءتيىس.


اۋدارعان-قۇمارقان ماقان ۇلى




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.



 
powered by IlgharCMS 3.2 www.ilghar.cn