ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

اڭگىمەلەر

جولدانعان ۋاقىتى : 2015/6/15 10:47:10

يۆان الەكسەيەۆيچ بۋنين   (رەسەي)

           قانىشەر

  زاموسكۆورەچە. شاتىرىندا كۇركەسى بار اعاش ءۇي. كوگىلدىر بوياۋمەن ادەمى سىرلانعان، تەرەزەلەرى جارقىراپ تۇر. الدىندا  ۇيمەلەگەن توبىر، قازىنانىڭ ۇلكەن ماشيناسى. اشىق ەسىكتەن جوعارىعا شىعار باسپالداققا توسەلگەن سۇر كىلەم كورىنەدى. ورتاسىندا جىڭىشكە قىزىل الاشا. جينالعان توبىردىڭ نازارى سوندا. سىزىلعان سىپايى داۋىس ەستىلەدى:

  –سولاي، قاراعىم، ءولتىرىپ قويىپتى! جەسىر قاتىن جاس ەدى، باي كوپەستىڭ تۇقىمى... ونى ولەردەي قاتتى سۇيەدى دەۋشى ەدى. ال ول نەمە سونىڭ تەك بايلىعىنا عانا قىزىعىپتى دا كىم كورىنگەنمەن جۇرسە كەرەك. ايەل ونى اقتىق قوشتاسۋعا شاقىرىپتى دا ءدامىن بەرىپ، شارابىن ىشكىزىپ وتىرىپ، «كانە ءجۇزىڭدى ءبىر كورىپ قالايىنشى» دەي بەرىپتى. سودان ماسايعان كەزدە پىشاقتى سالىپ الىپتى عوي.

  كۇركەنىڭ تەرەزەسى اشىلدى دا اق قولعاپ كيگەن الدەبىر قول ماشيناعا بەلگى بەرگەن. اۆتوموبيل گۇجىلدەپ ىلگەرى جىلجىعاندا جۇرت قاق جارىلدى. ءبىر كەزدە ايەل دە شىقتى-اۋ،الدىمەن  ءتۇپ-ءتۇزۋ اياعى، ودان سوڭ بۇلعىن ىشىكتىڭ ءوڭىرى كورىندى. اقىرى بۇكىل كوركى جارق ەتتى. قۇددى شىركەۋگە، نەكەگە بارا جاتقانداي باسپالداقتان بۇرالىپ، جايقاقتاپ ءتۇستى. سازانداي اپپاق، كوزى، قاس-كىرپىگى قاپ-قارا،جالاڭباس، شاشىن جىلميتا قايىرىپ تاراعان، قۇلاعىندا ۇزىن سىرعا جالتىلدايدى. بەتى بۇلك ەتپەيدى. جارقىن، جۇرتقا ەزۋىن جىمىرىپ قانا كۇلكى تاستادى... ماشيناعا  كەلىپ وتىردى، ونىڭ ارتىنان كىرگەن جەڭىل شەكپەندى جيىلعان توبىردى جاقتىرماي قاتقىل قاباقپەن ءسۇزىپ ءوتتى. ەسىك سارت ەتتى دە ماشينا جۇلا جونەلدى.

  سوڭىندا قالعان جۇرت لەپىرىپ:

  -ويپىر-اي، قۇيعىتۋىن قاراشى!- دەسىپ تاڭداي قاعىستى.

          جالماۋىز

  قايىرشى قىز، جەتىم، دەنى-باسى تازا، قوي اۋزىنان ءشوپ المايتىن مومىن، ءتىپتى، جارىمەس دەسەدە بولادى.  بايدىڭ  ۇيىندە ەسىك كوزىندە ءجۇردى، ەڭ اۋىر، قايداعى لاس جۇمىس وسىنىڭ موينىندا.

  سىلەسى قاتقانشا تىنىم جوق، ايتەۋىر جاعىنۋ ءۇشىن جاعىن اشپايدى. ستاروستيحا - وتستاۆكاداعى گرەنادەر-سولدات، وسى ۇيدەگى شارۋانىڭ باس-كوزى، بىردە باس سالىپ بايقۇستى پاكتىگىنەن جۇرداي قىلدى. قايتسىن، قانشاما ارپالىسىپ قارسىلىق جاساعانمەن دارمەن جوق. اي وتكەندە قۇرساعى قامپيىپ شىعا كەلدى. مۇنىسىن جۇرتتىڭ  ءبارى ءبىلىپ قويعان. ستاروستيحا ويبايىن سالىپ وتباسىنىڭ شاڭىن قاققان سوڭ قوجايىن حانىم قىزدى قۋىپ شىقتى. سورلى بايقۇس جوق-جۇقاناسىن موشەككە  جيناپ الىپ، جىلاپ-ەڭىرەپ تايىپ وتىردى. ستاروستيحا باسپالداقتا  تۇرىپ الىپ قۋانىشتان جارىلىپ كەتە جازدادى: جىندىشا جۇلىندى، ىسقىردى، يتتەردى ايتاقتادى، جەز لەگەندى تاڭقىلداتىپ، اۋزىنان اق ءيت كىرىپ، كوك ءيت شىقتى: «قانشىق! قايىرشى! قاڭعىباس! جالماۋىز! سيقىرشى!»

           قاريا

  قۋداي اپپاق، دۋدىراعان قالىڭ شاش اعارىپ كەتكەن، كۇنى بويى تەمەكى سوراپتايدى. قۇلقىنسارىدەن ويانادى. تۇرا سالىپ تەمەكى تارتپاسا، جىندى ادام سەكىلدى، ىمعا دا، دىمعا دا تۇسىنبەيدى. ادامعا دا، قۇدايعا دا قاجەتى جوق، مىناۋ جارىق دۇنيەگە دە، ۇرىق-شارقىنا دا، جۇراعاتقا دا جات (ايتەۋىر اكە دەپ، اتا دەپ الداي سالىسقان بولادى)، ۇزاماي ءبىر كۇنى ءۇن-ءتۇنسىز ولە سالاتىن شىعار. مىناۋ مەششاننىڭ وتباسىنان، مىناۋ تۇكپىردەگى مىلقاۋ قالاشىقتان ماڭگىلىك جوعالار، سوندا عۇمىر بويى تەمەكى تۇتىنىنە قاقالىپ  ونىڭ نە ءۇشىن، كىم  ءۇشىن ءومىر سۇرگەنىن بىرەۋدەن سۇراپ كور، ءبىلىپ كور.

  دەگەنمەن ونىڭ دا ءوز ورنى بار ەدى:

  -اتا، تاماققا كەلىڭىز، كەسپە سۋىپ بارادى.

  -ءجا، ىشە بەرىڭدەر، مەنسىز-اق ىشە بەرىڭدەر... مەن كەيىن... قالعان-قۇتقانعا دا رازىمىن...

  ال شىندىعىندا، سول تاماقتى شىدامسىزدانا كۇتىپ وتىرعان قۇلقىنسارىدەن.

  -اتا، ەڭ بولماسا دامبالىڭىزدى اۋىستىرىپ كيمەيسىز بە، سىزدە ءىش كيىم دەگەن قاتپار-قاتپار جاتقان جوق پا!

  -مۇنىڭا دا راقىمەت! قاتپار-قاتپار دەيسىڭ بە؟ شىراعىم-اۋ، مەندە جىرتىق شۇلعاۋ دا قالعان جوق قوي! بولسا ونى نەسىنە اياپ وتىر دەيسىڭ! كەلىن شىراق، ماعان ەندى تۇكتىڭ دە قاجەتى جوق، شۇكىر، از ءومىر سۇرگەم جوق، قاناعات كەرەك. قۇدايدان ەندىگى بار تىلەگىم تەزىرەك ولسەم دەيمىن...

  ال ونىڭ ساراڭدىعىندا شەك جوق، دىرىلدەپ-قالشىلداپ جيعان-تەرگەنىن اڭدىپ ءجۇر، جارىق دۇنيەنى قيمايدى، جۇزگە جەتسەم دەپ كوكسەيدى.
نە ءۇشىن؟

  ونى ءوزى دە بىلمەيدى.

  «جاتتىڭ جانى-جۇمباق» دەسەدى. جوق، ءوز جانىڭ ودان دا جۇمباق.

           قارساڭدا

  قالا، ۆاگزالعا تارتىپ كەلەمىز. ارباكەش ەڭىسكە قاراي قۇيعىتا جونەلدى. الدىمىزدا وزەن ۇستىندەگى تار كوپىر استىنداعى تەڭىز جاعالاۋىندا ەكى يىعى ەدىرەيىپ، تەرىس قاراپ تۇرعان بوسياك جەمتىك قارپىعان اش يتتەي اسىعىپ-ۇسىگىپ كىر شۇپەرەكتىڭ اراسىنان بىردەمەنى جەپ جاتىر. ارتىمىزدان سالدىر-كۇلدىر ىردۋان اربا قۋالاپ كەلەدى، ىردۋان اربادان سالبىراعان مۇجىقتاردىڭ تالىستاي اياقتارى   قورقىنىشتى-اق.

  ءبارىنىڭ ءۇستى-باسى ۇن. تيىرمەنشىلەر، ءبارى دە گۇجبانداي ءداۋ مۇجىقتار، ءبارى وڭشەڭ جيرەن باس، جالاڭباس، قىزىل كويلەكتى قىناي بۋىنىپ العان.

  بۇدان سوڭ ۆاگون. ەكىنشى كلاس،مەنىڭ قارسى الدىمدا وتىرعان قىرىقتار شاماسىنداعى الدەبىر مىرزا تاڭقيعان شەلەكتەي كەلتە تاناۋىنا التىن كوزىلدىرىك كيىپ الىپ، مەنى مەنسىنبەي وسقىرىنىپ قايتا-قايتا تۇرا بەرەدى دە قايتا-قايتا قاپتالعان چەمودانىن قوزعاپ-قوزعاپ قويادى. جيناقى ءارى سابىرلى، ءارى وزىنە سەنىمدى، بارعا توق مىرزا باعاسىن دا تىم جوعارى باعالايتىن بولسا كەرەك...

  دەگەنمەن، ون التىنشى جىلدىڭ كۇزى دە جاقىنداپ قالعان ەدى...

  اۋدارعان - قاليحان ىسقاق




 
رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.


 
powered by IlgharCMS 3.2 www.ilghar.cn