ەەڭ جاڭا مازمۇندار
جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن اقىلداستى، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ جونىندە ورنالاستىرۋ جاسادى
ەمدەۋ قىزمەتكەرلەرىنە قامقورلىق جاساپ، ولاردى ايالاپ، ەمدەۋ قىزمەتكەرلەرىنىڭ ىزگىلىگىن ارداقتايمىز
باعىتتامالى كومەكتەسۋ ارقىلى شەشۋشى جەڭىسكە كۇش توپتايىق
ايماعىمىز ءتۇرلى شارا قولدانىپ، كوكونىسپەن قامداۋدى قامتاماسىز ەتتى
قوعامداعى قاۋىمنىڭ ماسكى ىستەتۋ تۋرالى باعدارلاما
اسقاق جىگەردى ساقتاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزەمىز
رايونىمىزدىڭ كوپتەگەن تاراۋلارى شارا بەلگىلەپ، ىندەتكە قارسى اتتانۋدىڭ ءبىرىنشى شەبىندەگى قىزمەتكەرلەرگە قامقورلىق جاسادى
ءبىرىنشى شەپتە ەرلىكپەن شايقاس جاساپ جاتقان كومپارتيا مۇشەلەرىنە قۇرمەت بىلدىرەمىز
ولاردىڭ جاستىق كوكتەمى «ىندەت» پەن شايقاستا الاۋلادى
«84» زارارسىزداندىرۋ سۇيىقتىعىن ورىندى پايدالانايىق
ەمدەۋ قىزمەتكەرلەرىن قورعاۋعا، ولارعا قامقورلىق جاساۋعا، ولاردى ايالاۋعا، ءسوزسىز، وسكەلەڭ ءمان بەرىپ، ەمدەۋ قىزمەتكەرلەرىنىڭ ىندەتتى جەڭۋ كۇرەسىنە ۇزدىكسىز ساۋ - سالامات ات سالىسۋىنا شىنايى كەپىلدىك ەتۋ كەرەك
باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جانە كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك
ءبىرىنشى شەپتە شايقاس جاساپ جاتقان الەۋمەتتىك اۋماق قىزمەتكەرلەرىنە قۇرمەت بىلدىرەمىز
ايماقتىق جۇقپالى اۋرۋلاردىڭ الدىن الۋ-تىزگىندەۋ ورتالىعى لاباراتورياسىندا ۆيرۋسپەن «بەتپە-بەت شايقاس»جاساپ جاتقان لابارانتتار
ۇيدە وتىرىپ ۇيرەنۋدە كوزدى قورعاۋ ءبىرىنشى ماسەلە
ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى عىلمي ءبىر تۇتاس جوسپارلاپ، جۇمىس باستاۋدى، ءوندىرىستى قالپىنا كەلتىرۋدى حاۋىپسىز، ءتارتىپتى ىلگەرىلەتىپ، تۇتاس جىلدىق نىسانا مەن مىندەتتەردى قۇلشىنا جۇزەگە اسىرۋ كەرەك
ءبىرىنشى شەپتە شايقاس جاساپ جاتقان الەۋمەتتىك اۋماق قىزمەتكەرلەرىنە قۇرمەت بىلدىرەمىز
ىندەتتەن ساقتانۋ - تىزگىندەۋ كەزىندە كەدەيلىكتەن ارىلتۋدان قامال الۋدىڭ ءتۇيىندى قىزمەتىن ورنىقتى ىلگەرىلەتۋ كەرەك
شاۋەشەك قالاسى: ىندەت جاعدايى «كوجە-قاتىققا» ىقپال جەتكىزە المادى
ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋ نىساناسىن جۇزەگە اسىرۋدىڭ قوس جەڭىسىنە قول جەتكىزۋ سىندى قاتاڭ شايقاستى باتىل جۇرگىزەيىك
ۇلكەن شايقاستا اۋەلگى ماقساتتى، بورىشتى امالياتتا ايگىلەپ، ۇلكەن سىناقتا تولىمدى جاۋاپ قايتارايىق
رايونىمىزدىڭ قامداۋ - ساۋدا جۇيەسى ءتۇرلى شارالار قولدانىپ اۋىل شارۋاشىلىق ماتەريالدارىمەن قامداۋدى قامتاماسىز ەتتى
ىندەتتەن ساقتانۋ - تىزگىندەۋ ماماندارى: عىلمي، ۇيلەسىمدى بولۋ، كوزسىزدىكپەن ىستەتپەۋ، قالىپتان تىس قورعانباۋ
قىسىلتاياڭ كەزەڭدە وزىندىك قاسيەتتى ايگىلەپ، ”ىندەت“پەن شايقاسۋدىڭ ءبىرىنشى شەبىندە پارتيا تۋىن جەلبىرەتتى
ەكونوميكانىڭ ورنىقتى اينالىمىن جانە قوعامنىڭ جاراسىمدىلىعىن، ورنىقتىلىعىن ساقتايىق
قايتا ورالۋ ساپارىنداعى قورعانۋ باعدارلاماسى
شينجياڭداعى ەگىنشى - مالشىلاردىڭ ءۇي تىرلىگىنە نازار سالىڭىز
ەلەۋلى ىندەتتەن ساقتانۋ - تىزگىندەۋ ءتۇزىلىس - مەحانيزمىن كەمەلدەندىرىپ، مەملەكەتتىڭ الەۋمەتتىك دەنساۋلىق ساقتاۋ شۇعىل جاعدايعا توتەپ بەرۋ - باسقارۋ جۇيەسىن اقاۋسىزداندىرۋ كەرەك
ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىن زەرتتەگەندە سويلەنگەن ءسوز
قالىپتى ەكونوميكالىق، قوعامدىق ءتارتىپتى شىنايى قورعايىق

تۋعان جەرىن اڭسامايتىن جان بار ما

جولدانعان ۋاقىتى : 2015/6/17 17:16:55

قايرات ساۋىت ۇلى

  ءشامشى قالداياقوۆتىڭ « كىندىك قانىم تامعان جەر دەگەن ءسوزى،مەنشە بولعاندا،قازاقتان باسقا ەشبىر حالىقتا جوق شىعار-اۋ!» دەگەنى دە تەگىننەن-تەگىن ايتىلماعان-اۋ،سىڭايى. اتا-بابالارىمىزدىڭ سان عاسىرلار ۇردىسىندەگى زاتتىق جانە رۋحاني تۇرمىسىنىڭ شىنايى ايعاعى رەتىندە بۇگىنگە جەتىپ وتىرعان «تۋعان جەر-ءتۇپ قازىعىڭ»،«تۋعان جەرگە تۋىڭدى تىك»،«ات اينالىپ قازىعىن تابادى» دەگەن دانا تۇجىرىمى دا انە سونداي ۇلتتىق رۋحتىڭ عاسىرلار قويناۋىنان ىرىلەنىپ،ىرىكتەلىپ،قازاق حالقىنىڭ «تۋعان جەر»،«كىندىك قانىم تامعان جەر» دەگەن ءدانىشپان دالا تاعىلىمىنا ساي قورىتىندىلانىپ،تۇراقتى ءسوز تىركەسىنە اينالىپ،حاننىڭ دا،قارانىڭ دا وي-ساناسىنا تاسقا تۇسكەن تاڭباداي ورناپ،ماقالمەن مانەرىن تاۋىپ،ماتەلدەپ مايەكتى ويىن تۇجىرىمداپ،ماقاممەن،بەلگىلى احاڭمەن كەستەلى وي،كەرىمسال پىكىر رەتىندە بەينەلەنىپ وتىراتىنى دا سودان شىعار-اۋ.

  تۋعان جەرىن اڭسامايتىن،ساعىنبايتىن،تۋعان جەرگە ماحابباتىن ارنامايتىن ادامدار بار دەۋدىڭ ءوزى ومىردەگى ۇستانىمعا جات ۇعىم عوي. ايتپاقشى،«تۋعان جەردىڭ» ءتۇرلى قاسيەتى ءسوز بولعاندا،اسىرەسە «تۋعان جەر» تۋرالى تامىلجىعان اۋەن،ساعىنىشتى  ساز،ريتىمدى مۋزيكا  شىعا  قالعاندا  ەلىتپەيتىن،ەلىكتەمەيتىن،ەلەڭ ەتپەيتىن جان جوق شىعار-اۋ،ءسىرا؟!...

  «انامنىڭ ساۋساعىنىڭ تابى تۇسكەن،اعاتاي،جان قالتاڭدا قۇرتىڭ بار ما» دەگەندەي،تۋعان جەرىمە دەگەن سانامدى سارى ۋايىمعا سالىپ،تالايدان بەرى ساعىنىشىمدى سارعايتىپ،كوكىرەگىمدى قارىس ايرىپ،وزىنە باۋراپ اكەتەتىنىن قايتىپ عانا جاسىرا الايىن. ساعىنىشىڭدى قوزداتىپ جۇرگەن ءبىر شابىتتىڭ اسقارىنا قوناقتاپ،شاراپاتىنا بولەنىپ،شات-شادىمان ءبىر شاققا قولىم جەتكەن دە سياقتىمىن.

  2014-جىلى 16-قاراشا ەدى،شينجياڭ تەلەۆيزياسىنىڭ «جۇلدىزدى ءسات» ايدارىنا نازارىم ءبولىندى. بولىنگەن دە قالاي،قولقا-جۇرەگىم سۋىرىلىپ شىعىپ بارا جاتقانداي كوڭىل كۇيىم شارىقتاپ،ءوزىمدى قويارعا جەر تاپپاعانداي سەزىم تولقىنى ونە-بويىمدى ەلەكتر اعىسى سەكىلدى شارپىپ ءوتىپ جاتتى. ول اعىس جانىمدى باياۋ عانا دىرىلدەتىپ،وزەگىمە ءورت كەتكەندەي ءبىر ءدىرىل پايدا بولدى دا كوڭىلىمنىڭ ايناسى جارقىراپ،كوز شاناعىما ءموپ-ءمولدىر جاس تامشىلارى تۇنا قالىپ،كىرپىگىمدى قوزعاسام عانا اعىل-تەگىل توگىلەردەي بوپ تۇردى دا الدى. ءابۋناسىر ءالفارابيدىڭ: «ءان جانە وعان قاتىستى نارسەلەر سەزىممەن،قيالمەن جانە سانامەن بىردەي بايلانىستى بولادى» دەگەنى كوز الدىمدا كولبەڭدەپ،وي -سانامدا  مۇنارتىپ  تۇرىپ العانداي كۇي كەشتىم.

  «جۇلدىزدى ءساتتىڭ» سول ساتىندە بەلگىلى قوعام قايراتكەرى،پروفەسسور،دوكتور راقىمجان ساۋىت ۇلىنىڭ قوعامدىق ەڭبەكتەرى،عىلمي جاسامپازدىعى،شىعارماشىلىق جولى تۋرالى سۇحپات بەرىلىپ جاتقان ەدى. مۇندا،ماعان اسەر ەتكەنى راقاڭنىڭ  كورەرمەندەرگە « قوناق كادەسى » رەتىندە  جىردان ساۋعا ۇسىنعانىندا ءوز ءانى «ساربۇلاعىمدى» 2014-جىلعى حالىقتىڭ كوڭىل كوكجيەگىن ەلەڭدەتىپ،دۇبىرلەتىپ،ەندىگى كەزەگى قاشان قويىلار ەكەن دەپ سارىلا كۇتكىزىپ سارعايتقان شينجياڭ تەلەۆيزياسىنىڭ كورىلىمىن بۇرىن -سوڭدى بولماعان دەڭگەيدە اسىرعان «كۇمىس كومەي» ءان جارىسىنىڭ  باس بايگەسىن جەڭىپ العان شالقار الىمبەك ۇلىنىڭ ورىنداۋىندا كوپ جۇرەكتى ەلەڭ ەتكىزگەنى بولدى.

«تۋعان جەر نارىن بەرگەن،
دارىن بەرگەن،ءبارىن بەرگەن،

  ءوزىڭنىڭ تەنتەگىڭمىن ءالى دە مەن» دەپ قوڭىرلاتىپ كەلىپ كوكەيگە ۇيالاعان،بالا كۇننەن جاتتاندى بولعان  جاقسىلىق سابيت ۇلىنىڭ «تۋعان جەر» ساعىنىشىن سوناۋ 1970-جىلداردان ەفيردەن ەستىپ كەلگەن بىزگە 1980-جىلدارى كوڭىل كوكجيەگىمىزگە ورناعان جۇمان ءابىش ۇلىنىڭ «تۋعان جەر» ءانى «جەتىم قىزدىڭ ماحابباتى» اتتى كينونىڭ ارقاۋ ءانى بولۋ ارقىلى « تۋعان جەردىڭ » قۇدىرەتىنە ءتىپتى دە باس ۇرعانىمىزدى قايتىپ جاسىرارمىز!  ودان  كەيىن  1990 -جىلداردا «تارباعاتاي»،«بايتاق ىلە»،«اعاجاي التاي»،«كورىكتى باركول جايلاۋىم»،«بۋراتالدا داريعا»،«قاناسىم» قاتارلى اندەر اتا مەكەن،تۋعان ولكە،وسكەن ەل،قاسيەتتى مەكەنگە ساعىنىش سازدارى رەتىندە ەل اۋزىندا،ساحنالاردا،ەفيردە،كوگىلدىر ەكراننان دا جىل-جىل سايىن ءجيى-ءجيى شىرقالىپ،جۇرەكپەن جۇرەكتەردى جالعاپ جاتقان دا بولاتىن. ال،2000-جىلداردان كەيىن «تۋعان جەر» اندەرى كەڭ كولەمدىلىكتەن،اتا-مەكەننەن،وسكەن  ولكەدەن،ءمالىم  وڭىردەن «كىندىك قانى تامعان جەرگە» قاراي مازمۇندىق جاعىنان جاقىنداي ءتۇستى.

  كوڭىلىمنىڭ كوگارشىنىن سامعاتىپ،ارمان دالا،بايتاق دالا بولعان ساربۇلاق ءوڭىرى شەتكى  ساربۇلاق،شاتىرتال،كەرىمقۇل، كوپىرلى مەن شىباراعاش بالالىعىم،شالالىعىم قالعان،سوناۋ ءبىر ساعىمدى ەلەس «ساربۇلاعىم» دەگەن اۋەنمەن قالىقتاپ،قالقىپ بارا جاتتى. وسىلايشا،«كىندىك قانىم تامعان جەر» دەگەن ۇلى ساعىنىشتىڭ سارباز ءانى ءارى ساباز ءانى سول مەكەننەن ءوسىپ-ءونىپ كەلە جاتقان ارىستارىمىزدان تارتىپ،وركەندەپ كەلە جاتقان بالدىرعان بالالارىمىزعا دەيىن،ءتىپتى سول مەكەندە كوگەرىپ -كوكتەپ كەلە جاتقان ءار ۇلت حالقىنىڭ دا ساعىنىشتى سازى ەكەنىن جاسىرا الماي وتىرعانىمىز دا وسى ەدى. 

  «تۋعان جەر» ۇعىمى قازاق ءتىلىن بىلەتىن قايسى ءبىر ۇلت ازاماتى بولسىن،بالدىر-بۇلدىر ءتىلى شىعا باستاعان بالاۋسا سابيلەرىمىز بولسىن،ەڭ الدىمەن،بىلۋگە،ۇعىنۋعا ءتيىستى ەڭ جاعىمدى،ەڭ سۇيىكتى ۇعىم. «تۋعان جەردىڭ» قۇدىرەتىنە باس ۇرمايتىن پەندە،بالكىم،جوق تا شىعار-اۋ.

  ەندەشە،سول ساعىنىشتى كوڭىل كۇي مەن سەزىمنىڭ ەركە-نازدى اۋەنىنە باعىنا وتىرىپ،ءاننىڭ ماتىنىنە كەزەك بەرەيىك:

«سەن دە تۋىپ،سەن دە وسكەم،
جاننات مەكەن سۋىن كەشكەم.
باقىتى مول بالا كۇنىم،
ماڭگى-ماڭگى كەتپەيدى ەستەن.
ارمانى مول،ارمان كۇندەر،
ماڭگى-ماڭگى كەتپەيدى ەستەن.

ساربۇلاعىم،ءنار بۇلاعىم،
ساعىندىرعان ءار بۇلاعىڭ.
قۇشاعىڭدى اڭساپ،شىركىن،
ساعىنىشتان ءان قۇرادىم.
كوكەيىمنەن ەش كەتپەيسىڭ،
تۋعان جەرىم ساربۇلاعىم».

  مىنەكي،ءان ءماتىنى وتە ۇعىنىقتى،قاراپايىم تىلمەن،قوڭىر ىرعاقپەن باستالىپ،ءماتىننىڭ مازمۇنى اۆتوردىڭ ءوزىنىڭ «تۋعان جەرىنە» دەگەن ساعىنىشى،اسا ۇلكەن قۇرمەتى،بالالىق شاعىنىڭ كورىنىسى،سەزىم  تولقۋىن  استار ەتىپ،باياۋ تەربەلىسپەن وسىلاي كوتەرىلە باستايدى. ءاربىر ورىنداۋشى ءوزىنىڭ داۋىس كولەمىنە،مانەرىنە قاراي قابىلداۋىنا دا ابدەن قولايلى. ءاننىڭ مازمۇنىنىڭ تەرەڭدىگى ءاننىڭ قايىرماسى ارقىلى شارىقتاۋ شەگىنە جەتە الۋى ءان ونەرىنىڭ قاجەتتى العى شارتى ەسەپتەلىنەدى. داۋىس مانەرى بيىك،تىنىسى كەڭ انشىلەر بولسا بيىكتەتىپ،شىعانداتىپ كەتە بەرۋىنە دە بولادى. قۇلاعىمىزعا ءۇيىر بولىپ كەتكەن ءارقانداي قازاق حالىق اندەرى بولسىن،ايگىلى كومپوزيتورلاردىڭ اندەرى بولسىن،ىلعي دا ءاننىڭ قايىرماسى ارقىلى ءاننىڭ فيلوسوفيالىق وي  قورىتىندىسىن  شىعارىپ وتىراتىنىن بايقاي  الاسىز. راقاڭنىڭ «ساربۇلاعىم» ءانىنىڭ قايىرماسىنان ءان جازۋدىڭ وسى جۇيەسىنە اسا ىجداعاتتىلىقپەن ۇڭىلە العاندىعىن كورۋگە بولادى.

«ساربۇلاعىم،ءنار بۇلاعىم،
ساعىندىرعان ءار بۇلاعىڭ.
قۇشاعىڭدى اڭساپ،شىركىن،
ساعىنىشتان ءان قۇرادىم.
كوكەيىمنەن ەش كەتپەيسىڭ،

  تۋعان جەرىم ساربۇلاعىم» دەگەنى اۆتور ءوزىنىڭ كوڭىل كۇيىن،جۇرەك ساعىنىشىن فيلوسوفيالىق وي ارقىلى «كوكەيىمنەن ەش كەتپەيسىڭ،تۋعان جەرىم ساربۇلاعىم» دەپ تياناقتاندىرىپ وتىرادى. ويتكەنى  ءاننىڭ  قايىرماسى ءان ءسوزىنىڭ ءاربىر شۋماعىندا ايتىلعان مازمۇنعا تولىقتاۋىش بولىپ كەلە الماسا،ءاننىڭ ءماتىنى ءتاتتى شىقپايدى دا مەلودياسى تىڭدارماننىڭ «پا،شىركىن» دەپ تامساناتىن جەرىنە جەتە الماي،قاپىدا قالادى. كەيبىر اندەر سونشاما ادەمى ايتىلىپ كەلىپ،قايىرماسىنا كەلگەندە ءجۇنىن جۇلعان تاۋىقتاي بولىپ شىعا كەلەتىنى دە وسى قاعيدانىڭ تىكەلەي اسەرىنەن دەپ تۇجىرىمداۋعا ابدەن بولادى.

  مۇنداي جايتتەر كوبىنەسە كومپوزيتوردىڭ نەمەسە ءان اۆتورىنىڭ قازاق ءانىنىڭ قۇدىرەتىنە،قىرى مەن سىرىنا،ماتىندەگى ەرەكشەلىگىنە تىم تەرەڭ تۇسىنىك قالىپتاستىرماي تۇرىپ،اسىعىس ءان جاسامپازدىعىنا  ارالاسۋىنان،شالالىعىنان تۋىندايتىن اعاتتىق. «ساربۇلاعىم» ءانىنىڭ قايىرماسى وسى بوستىقتى ادەمى تولىقتاعان ءارى «ساربۇلاق» دەگەن اتى اڭىزعا اينالىپ بارا جاتقان قاسيەتتى مەكەننىڭ كورىنىسىن وتە ىقشام،تەرەڭ كەستەلەپ جەتكىزەدى. «ءنار بۇلاعىم»،«ءار بۇلاعىڭ»،«ءان قۇرادىم» وتە كەلىسىم تاپقان. «ءنار بۇلاق» اتى اڭىزعا اينالعان مەكەن «ساربۇلاقتىڭ» قاسيەتىن ايگىلەسە،«ءار بۇلاق» جالپى جاعراپيالىق قۇبىلىسىن،جەر بەدەرىن ارقاۋ ەتەدى،ال،«ءان قۇراۋ» اۆتوردىڭ «تۋعان جەر»،«كىندىك قانى تامعان جەرىنە» دەگەن اسقان جاۋاپكەرشىلىگىن،سەزىمىن،كوڭىل تولقۋىن،اسقاق شابىتىن ايعاقتاپ تۇرعانداي ەدى.

«بار باقىتىم سەنەن تۋعان،
اڭساپ نۇرلى ارمان قۋعان.
تۇلەگىڭ مول تۇلەپ ۇشقان،
جەرىڭ جاننات،ەلىڭ دۋمان.
سەندە تۋعان ماحابباتتىڭ،
شاپاعاتى مول دەپ ۇعام.

مولدىرەگەن سۋلارىڭنان،
اي تۇنەگەن شىڭدارىڭنان.
ارمانى اسقاق ۇلدارىڭنان،
اينالايىن قىزدارىڭنان،
ماقتانامىن ءاز مەكەنىم،
مەندە وزىڭدە تۋعانىمنان».

  مىنە،بۇل «ساربۇلاعىم» ءانىنىڭ سوڭعى ەكى شۋماعى. ءارقانداي  ادام  پەندەسىنىڭ ارمانسىز بولمايتىنى،ءتىپتى باقىتتى اڭسامايتىنى كەمدە-كەم. بۇگىن دە ساربۇلاقتان تۇلەپ ۇشقان قارت اعارتۋشى،ۇستاز،قوعام قايراتكەرى،اقىن-جازۋشى،قالامگەر،عالىم،تاريحشى،ءانشى،كۇيشى،اكتەر،كاسىپورىنشى،ينجەنەر،تەحنيك ت.ب لاردى ساناپ ايتىپ وتىرساڭ،«اڭىزعا اينالىپ بارا جاتقان ساربۇلاق» ەسىمىنە تابىنباي تۇرا المايسىز. اۆتور وسى شۋماعىندا ءوزىنىڭ اسقاق ارمانى مەن تولقۋلى سەزىمىن،تۋعان جەرگە ماحابباتىن،وسكەن ەلگە دەگەن اسا ءىلتيپاتتى ماراپاتىن قۇت مەكەنىنىڭ ءوزى سەكىلدى ۇرپاقتارىنا سيلاي العان شاراپاتىن،بالاۋسا،بالعىن شاقتاردىڭ ساعىنىشتى ەلەستەرىن اق سامايلى انالار مەن اقباس شىڭدى اتالاردىڭ ۇرپاعىنا دەپ  وسى  كىندىك  قانى  تامعان مەكەننەن  «تاريحي دەرەك،كەلەلى كەڭەس» دەپ تاڭدى تاڭعا جالعاپ بەرەتىن قاسيەتتى كەڭەستەرىن، تۋعان جەردىڭ،كوركەم تابيعاتتىڭ،اسقار تاۋلار مەن بەل-بەلەستەردىڭ،بەس سالا،بەس ساربۇلاقتان اعىلىپ  كەلىپ  ارناسىنا قوسىلىپ جاتقان ءمولدىر دە تۇنىق سۋلارىنا ءتانتى بولىپ،اسقاق ارمان،ۇلى مۇرات ارقالاپ،قيىرلاردا جۇرگەن «ساربۇلاق» ۇلاندارىنىڭ ماقتانىشى ەكەنىن كەرەمەت ءومىر كارتيناسى ەتىپ كوز الدىڭا اكەلەدى. «ساربۇلاقتى» كورگەننىڭ دە،كورمەگەننىڭ دە كوز الدىنان سول ءبىر تابيعات اسەم اۋەن،كەربەز مۋزيكا ىرعاعىمەن تەربەلىپ ءوتىپ جاتادى،كوڭىل شىركىندى ايتساڭشى،تولقىتىپ كەتىپ جاتادى.

  «كۇمىس كومەي» باس بايگەسىن جەڭىپ العان ءانشى شالقار الىمبەك ۇلى «ساربۇلاعىم» ءانىن قازاق ءتىلى جانە حانزۋ تىلىندە ورىنداپ شىقتى ءارى MTV ەتىپ بەينەلى سەنارياسىندا جاساۋدىڭ دايىندىق جۇمىستارى  ىستەلىپ جاتىر. « ساربۇلاعىم » ءانىن اۆتور ءوزىنىڭ قاجىرلىلىعىنا ساي حانزۋ تىلىنە دە كوركەمدىك جۇيەسىنە كەلتىرە وتىرىپ،اسىلگى ءتۇپ نۇسقاداعى ويىن شىنايى ءارى جاندى،ۇعىنىقتى ەتىپ ءتۇسىرۋ ارقىلى حانزۋ حالقىنىڭ ولەڭ ورنەگىنە سايكەستى ەتىپ،بۋىنى مەن بۋناقتارىن كەرەمەت  كەستەلەي العان. مازمۇنى جاعىندا تىم الشاقتىق جوق،ساربۇلاقتا تۋىپ-وسكەن ءاربىر حانزۋ ازاماتى بولسىن،باسقا ۇلت ازاماتتارى بولسىن،وتە جىلى قابىلدايتىنداي ادەمى اۋدارما بولعان. ولەڭ جاسامپازدىعىنداعى كوركەمدىك ءبىر ۇلتتىڭ تىلىنەن ەندى ءبىر ۇلتتىڭ تىلىنە اۋدارىلعاندا وي مەن وي سايكەسىمىن تاپسا،ولەڭنىڭ دە باعى جاناتىنى،ءاننىڭ دە ابىرويى اساتىنى،ورىنداۋشىنىڭ دا باعى جاناتىنى،قۋانا قۇپ كورەتىنى انە سولاي دا شىعار.

  قازىر بۇل ءان ەرەكشە قولداۋعا يە بولىپ،ساربۇلاق قالاشىعىنىڭ « ارقاۋ » ءانى دەپ تۇراقتاندىرىلىپ وتىر ءارى بۇكىل ساربۇلاق قالاشىعىنداعى حالىققا،ءار ۇلت قىزمەتكەرلەرىنە جالپى بەتتىك « ساربۇلاقتى » سىرتقا  قاراتا ۇگىتتەۋدە،ساربۇلاق قالاشىعىنىڭ ساياحات ىستەرىن دامىتىپ،مادەنيەتىن بارشا اتىراپقا تانىستىرۋدا،ساربۇلاقتاعى  قازاق  حالقىنىڭ ءداستۇرلى مادەنيەتىن،سالت-ساناسىن،ونەگەلى تۇستارىن وسى «ساربۇلاعىم» ءانى ارقىلى شارتاراپقا تاراتىپ،ساربۇلاقتىڭ كەشەگىسى مەن بۇگىنىن جالعايتىن ءان كوپىرى،ءسان كوپىرى،ونەر مەن ءومىردىڭ كوپىرى،دوستىق پەن ىنتىماقتىڭ كوپىرى،بەرەكە مەن جاراسىمدىلىقتىڭ كوپىرى،ساربۇلاقتا ءومىر ءسۇرىپ وتىرعان،جۇيەدەن،قورعاس وڭىرىندەگى بارلىق سىرلاستار،دوستار،قۇربىلاردىڭ « كىندىك قانى تامعان » مەكەنىندە ءوزىنىڭ اتا-مەكەندەرىنە دەگەن ساعىنىشىن سازدى اۋەنمەن جالعاي الاتىن،ءار ۇلت حالقىنىڭ ىنتىماعىنىڭ كوپىرى بولۋعا ارقاۋ بولا بەرسىن دەگەن ىزگى تىلەك،ساعىنىشتى ىڭكار جۇرەكپەن ەسسەمدى اقىرلاستىرۋدى ءجون دەپ ءبىلدىم.

  ءان _ كوڭىلدىڭ اجارى،ءانسىز ءومىر _ءمانسىز ءومىر،ءانسىز ءومىر سونگەن كومىر،ءان ءبىر اۆتوردىڭ جۇرەك قىلىن شەرتە وتىرىپ ومىرگە كەلدى دەگەن كۇندە دە ونىڭ حالقىنا،تىڭدارمانىنا سيلايتىن رۋحاني بايلىعى ايتىپ تاۋىسقىسىز. ءان ءومىردىڭ كوركەمدىگىن،كوڭىلدىڭ كوتەرىڭكىلىگىن،ءومىردىڭ شاتتىققا،قۋانىشقا،مۇڭعا،سىرعا،جىرعا تولى ەكەنىنىڭ ايعاعى. «تۋعان جەرگە»،«كىندىك قانىم تامعان جەرگە» ارقاۋ بولعان «ساربۇلاعىم» ءان شارىقتاي بەرسىن،تۋعان جەردىڭ اياسىندا قالىقتاي بەرسىن،تۋعان مەكەندەگى ءار ۇلت حالقىنىڭ شات-شادىمان كۇندەرىنىڭ ايعاعى بولىپ،ءاربىر  جۇرەكتەرگە  شات  زاماننىڭ ءساليقالى ساتتەرىندە نۇر بولىپ قۇيىلىپ،جىر بولىپ،ءاربىر وتباسىن جاراسىمدىلىققا جەتەلەي بەرسىن دەگەن ىزگى تىلەگىمىزدى ارناعىمىز كەلەدى.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn