ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

ايعاق

جولدانعان ۋاقىتى : 2015/6/23 12:12:54

شيڭ شين- ي ( جاپونيا )

كوڭىلى الاساتقان S مىرزا كەشقۇرىم كوشەدە اياڭداپ كەلەدى، كوڭىلىندەگى مازاسىزدىق ءبىر ساتكە ارىلار ەمەس. ەلۋدى ەڭسەرىپ قالعان S مىرزا پىلدەي  ءبىر   سەرىكتىكتىڭ ءبولىم باستىعى. قالاي ايتساڭىز دا بۇل وڭاي-وسپاق ورىن ەمەس. ونىڭ ۇستىنە دەنساۋلىعى دا ايتا قالسىن، سىرتتاي قاراساڭىز، قوزى قارىنى بۇلتيىپ، مۇرتىن بالتا شاپپايتىنداي، ەشقانداي ۋايىم-قايعىسى جوق ادام رەۋىشتى.  مۇقيات زەر سالساڭىز، ونىڭ ارەكەتى مەن بەت-الپەتىنەن كوڭىلىندە ءبىر مازاسىزدىقتىڭ بار ەكەنىن بايقاپ قالۋعا بولاتىن ەدى.
-ءاي، تورەم…

 بىرنەشە رەتكى قۇلاققا جاعىمدى شاقىرۋدى ەستىگەن ول توقتاي قالىپ، بۇرىلىپ قاراپ ەدى، جول شەتىندەگى شاعىن جايمانىڭ الدىندا قولىن بۇلعاپ وتىرعان بالگەردى كوردى.

 - نە بولدى؟ - دەپ ءوز-وزىنە ءتىل قاتقان S مىرزا  ماڭايىن شولا قاراپ ەدى، توڭىرەگىندە وزگە ەشكىم كورىنبەدى. وسىعان قاراعاندا بالگەر ءوزىن شاقىرىپ تۇرسا كەرەك.

  بالگەر داۋىسىن ءسال كوتەرىپ:

  - ءيا، ءدال ءسىزدى شاقىرىپ تۇرمىن. مىرزام، قاراماققا كوڭىلىڭىزدە ءبىر مازاسىزدىق بار سياقتى،- دەدى.

S مىرزا  تاڭعالىپ:

- ءيا، ءيا، ءدال توبەسىنەن ءتۇستىڭ.  سەن مۇنى قايدان ءبىلىپ قويدىڭ؟

- ويتكەنى مەن ارناۋلى تۇردە وسىنى كاسىپ ەتىپ وتىرمىن عوي. دەسەدە، قازىرگى قوعامدا كوڭىلى مازاسىزدانبايتىن پەندە جوق دەرلىك. سوندىقتان وسىلاي شاقىرعانىمدا قاراماي كەتەتىندەر تىم از.

- راس- اۋ، مەن دە الدانىپ قالمادىم با، مىنە. ءبىراق، ايتقان سوزدەرىڭ قىزىق ەكەن،- دەدى S مىرزا بالگەردىڭ جايماسى الدىنا كەلىپ.

-ءبىراق، مىرزامنىڭ مازاسىزدىعى ادەتتەگى ادامداردىكىنەن سالماقتىداي تۇرادى. ءمالىم ءبىر كەلەلى ىستە ۇيعارىم جاساي الماي جۇرگەن سەكىلدىسىز. بولجالىم دۇرىس شىعار؟

-  راسىندا، سولاي،- دەدى S مىرزا سوزا كۇرسىنىپ، باسىن يزەدى.

- وندا بىرگە اقىلداسىپ كورەلىك. مەنىڭ كاسىبىم وسى بولعان سوڭ، كەيىنگى ىستەردى شامالاي الامىن، بالكىم، پايداسى ءتيىپ قالار.

- بۇل ەكىتالاي، مەنىڭ باسىمدى قاتىرىپ جۇرگەن ءىس وتە كۇردەلى، سوندىقتان وزگەلەردىڭ جاردەم بەرۋگە امالى جوق.

- تەگى نەندەي ءىس ەدى؟ ايتىپ كورسەڭىز بولا ما؟ ءسىزدىڭ ەسىمىڭىزدى سۇراستىرماي-اق قويايىن.  سوندىقتان   بۇد
ان الاڭسىز بولىڭىز.

S مىرزا باسىن قيسايتىپ ءسال ويلانىپ الدى دا اعىنان اقتارىلا جونەلدى.

- ونىڭ دا ءجون. وندا بارلىعىن ايتايىن. شىنىمدى ايتسام، ىستەپ جاتقان سەرىكتىكتەگى ورنىم اجەپتاۋىر جاقسى.

- بۇل ءبىر يگى ءىس ەكەن.

- جانۇيامدا جان جارىم مەن ۋەنيۆەرسيتەتتە وقىپ جاتقان ۇلىم بار.

- ول دا ءبىر ايتا  قالارلىق   جاقسىلىق ەكەن.

- دەسەدە، بۇرىن مەن جانۇيامداعىلارعا وتە كەڭ قو

لتىق بولىپ كەتتىم دە ول ەكەۋى اقشانى ۋىستاپ شاشىپ، بەرەكەسىن كەتىردى.

- بۇنىسى شاتاق ەكەن، مىندەتتى تۇردە قاتاڭ باسقارعان ءجون.

- ءبىراق، ايەلىم مەن بالامدى قاتتى جاقسى كورەمىن. ونىڭ ۇستىنە  قازىر  بۇل ولارعا ادەت بولىپ كەتتى، شەكتەۋگە امالسىز قالدىم. ارينە، كىرىس شىعىسقا جەتەرلىك بولسا كەرەگى جوق ەدى. الايدا، بارعان سايىن مولايىپ، قايتارۋعا كۇي كەلمەي قالدى.

- ويبۋ، سايىپ كەلگەندە، تاعى سول اقشا ماسەلەسى ەكەن عوي.

- سولاي، امالىن تاۋىپ بۇرىنعى-سوڭعى قارىزدى تۇگەل قايتارۋ كەرەك.

- وندا، ءسىزدىڭ ويىڭىز؟..

- وي جوق.  ولاي  ەمەس، وي جوق تا ەمەس. سەرىكتىكتىڭ حاۋىپسىزدىك ساندىعىندا اقشا دەگەن بارشىلىق. ءبىراق، جاسىرىن كىرىپ الىپ شىققانمەن، وزگەلەردىڭ مەنەن كۇمانداناتىنى مۇندا تۇر. بىرەر شەبەر ايلا بولسا كورىم بولار ەدى.

- شىنىندا سولاي. بۇل ءىس  وتە  قيىن ەكەن. دەسەدە، مىنا الەمدە امالىن تابۋعا بولمايتىن ءىس جوق.

- سەنىڭ نەندەي ءبىر تاماشا امالىڭ بار ما؟ - دەدى كوزى جارق ەتە تۇسكەن S مىرزا الدىعا قاراي ەنتەلەي ۇمسىنىپ.

- ءيا، مەن وزگە جەردە تۇرىپ، سول جەردە تۋىلعان ىستەردى تۇگەلدەي ەستەلىككە الىپ قويۋ ارقىلى ءسىزدى دالەل-فاكتپەن قامداپ،سول كەزدە قىلمىس مايدانىندا بولماعانىڭىزدى انىقتاپ بەرە الامىن. ءسىز بار بولعانى ەستەلىكتى جاتتاپ الىپ،  كەزى  كەلگەندە ءوزىڭىزدىڭ قىلمىس مايدانىندا بولماعانىڭىزدى دالەلدەپ بەرەسىز.

- مىنا امالىڭ جارايتىن سەكىلدى.

- ءسىز ءۇشىن ءبىر جول كومەك قولىمدى سوزايىن. اقىنى ارزانداتۋىما بولادى. ونداي بولسا، ءسىز قاشان ىسكە كىرىسەسىز؟

- جارايدى، تەزدەن كىرىسەيىك. ورىن قاي جەر بولسا دا مەيلى. ءيا، ءدال وسى ارادا بولسىن. مەن ءۇشىن  وسى  ارادا 30  مينۋت ىشىندە تۋىلعان ىستەردى تۇگەلدەي ەستەلىككە الىپ قوي.

- ماقۇل، ءتۇسىندىم.

S مىرزا اقشاسىن تولەپ، سەرىكتىككە قايتا قايتىپ باردى دا الدىن الا ويلاستىرعان جوسپار ءتارتىبى بويىنشا ىسكە كىرىستى.

  ول سەرىكتىكتىڭ جاعدايىنا بەس ساۋساعىنداي قانىق بولعاندىقتان، قايدان سۇعىنىپ كىرۋدىڭ ەبىن ابدەن بىلەتىن ەدى. ىلە-شالا حاۋىپسىز ساندىقتى اشۋعا كىرىستى. وسىدان بۇرىن بۇعالتىر حاۋىپسىز ساندىقتى اشقان كەزدە، شاعىن دۇربىدەن پايدالانىپ، قۇپيا ءنومىردى كورىپ العان بولاتىن.

S مىرزا بۋدا-بۋدا اقشالارعا وپ-وڭاي يە بولىپ، قالتاسىنا باستى.  ارينە،  سەرىكتىك ىشىندەگىلەر كۇماننان  قاعىس  قالا  المايتىن ەدى. دەسەدە، ول بالگەردىڭ  كومەگىندە ءوزىنىڭ باسقا جەردە بولعاندىعى  جونىندەگى انىقتامانى الدىن الا دايىنداپ قويعاندىقتان، كۇماننان ەڭ الدىمەن قۇتىلا الاتىن ەدى.

S مىرزا مۇمكىندىكتىڭ بارىنشا ساۋساق بەدەرىن قالدىرماي، ەپپەن تىندىرعان سوڭ، قايتىپ بالگەردىڭ قاسىنا كەلدى.

- سەنىڭ جاردەمىڭنىڭ ارقاسىندا، ءساتتى ورىندالدى. اقىڭا تاعى اقشا قوسىپ بەرەيىن.

ەندىگىدە S مىرزا جونىنەن كوبىرەك اقشا بەرۋدىڭ ەش قيىندىعى جوق ەدى.

- راقىمەت. مىنە مىناۋ ەستەلىك  داپتەر، الىڭىز. 30 مينۋتتىڭ ىشىندە تۋىلعان ىستەردى تۇگەل جازىپ قويدىم. ءيا، ايتپاقشى، وسى ماڭدا ەل نازارىن اۋدارعان وقيعا بولدى.

- نەندەي وقيعا بولدى؟

- اۆتوكولىكپەن ادام سوققان سوڭ، قىلمىسىنان جالتارىپ قاشىپ كەتۋ وقيعاسى بولدى. سول كەزدە الگى اۆتوكولىك قارقىنىن تەزدەتىپ قاشا جونەلدى. دەسەدە، مەن جەدەل قيمىلداپ، اۆتوكولىكتىڭ ءنومىرىن ەستەلىك داپتەرگە جازىپ الىپ قالدىم.

- سولاي ما؟ وندا، ءتىپتى، جاقسى بولعان ەكەن. جارايدى، مەن بىردەن ساقشى مەكەمەسىنە بارىپ ءمالىم ەتەيىن. وسىلاي بولعاندا، ساقشىلار دا مەنىڭ سول كەزدە قىلمىس مايدانىندا بولماعانىمدى مويىندايدى دەگەن ءسوز. سونىمەن قۇس جاستىقتى بيىك جاستاپ، قاننەن-كاپەرسىز جاتۋعا ابدەن بولادى.

S مىرزا تاياۋ ماڭداعى ساقشى مەكەمەسىنە جۇگىرە جەتىپ:

- الگىندە مەن كولىكپەن ادام سوعىپ، قاشقان وقيعانى ءوز كوزىممەن كوردىم. سوندىقتان دەلو مالىمدەگەلى كەلىپ تۇرمىن،- دەدى.

ايتقانداي-اق ءبىر ساقشى ونى جىگى-جاپار بولا قارسى الىپ:

- سولاي ما؟ وندا وتە جاقسى بولىپتى. ارنايى جۇگىرە كەلىپ، دەلو مالىمدەپ جاپا شەكتىڭىز. ەلدىڭ ءبارى ءبىزدىڭ قىزمەتىمىزگە ءسىز سەكىلدى قول ۇشىن بەرسە، وندا قىلمىسكەرلەر كىرەرگە تەسىك تاپپاعان بولار ەدى. قانە، ورنى مەن ۋاقىتى؟..

- مولشەرمەن جيىرما مينۋتتىڭ الدىندا، الدىڭعى جاقتاعى اناۋ ادام اياعى سيرەك تاسجولدا.

- سىزگە كوپ راقىمەت. الگىندە جول اپاتى تۋرالى مالىمەتتى تاپسىرىپ العانىمىزبەن، وقيعا تۋدىرۋشى كولىگىن ايداپ قاشىپ كەتكەندىكتەن، ءجىپ ۇشىن تابا الماي باسىمىز قاتىپ وتىر ەدىك. الگى اۆتوكولىكتىڭ بەلگىلەرى جونىندە ايتىپ بەرسەڭىز؟..

S مىرزا ەستەلىك داپتەردى الىپ شىعىپ، اقتارىستىرا وتىرىپ:

- ۇمىتىپ قالمايىن دەپ دەرەۋ قالام-قاعازىمدى الىپ شىعىپ جازىپ الدىم. ول ءبىر قارا ءتۇستى اۆتوكولىك ەدى،- دەدى.

- اۆتوكولىكتىڭ ءنومىرى قانشا؟ وسىنى بىلە العان بولساق تا كورىم بولار ەدى.

- ارينە، بىلەمىن. ا ... - دەدى S مىرزا ءنومىردى وقي بەرە تۇتقيىل اۋزىن اشقان كۇيى سويلەي الماي.

  ءاسىلى، الگى ءنومىر جىعىلا جابىسىپ قويماعان سوڭ S مىرزانىڭ ۇلىنا الىپ بەرگەن اۆتوكولىگىنىڭ ءنومىرى ەكەن.


اۋدارعان - قانات جۇماش ۇلى




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn