ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

بايلىقتىڭ توتەمى ەڭبەك

جولدانعان ۋاقىتى : 2015/6/23 12:47:53

توقتاۋباي ماكەباي ۇلى

  «جاس وسپەي مە، جارلى بايىماي ما» دەپ كەلەتىن قازاقتىڭ حالىق ماتەلى بولۋشى ەدى. وسى ءبىر ماتەلدىڭ   وزىندەگى فيلوسوفيالىق ويلاردىڭ ناعىز امالياتتان كەلگەنىن بۇگىن شىنداپ سەزىنىپ وتىرمىن. ول قازاق ۇلتىنىڭ سان عاسىرلىق ءومىر تاجىريبەسىنەن قورىتقان ءومىر شىندىعى. مىنە بۇگىن كەشەگى شىپتاسىنا شىبىن قونباعان تاقىر كەدەيلەردىڭ ىرگەسىنەن ىركىت اققان بايلارعا اينالعانىنا كۋا بولدىم.

  ساۋان اۋدانى الىپ ەرەنقابىرعانىڭ سولتۇستىك باۋرايىنا 312-مەملەكەت تاس جولىنىڭ بويىنا نەمەسە بايىرعى جىبەك جولىنىڭ سىلەمىنە  قونىس  تەپكەن بايىرعى اۋدان. اۋدان قالاشىعىن كەسىپ وتەتىن مەملەكەت تاس جولىنىڭ وڭتۇستىگى تاۋلى رايوندا، ەگىن-مال شارۋاشىلىعىمەن شۇعىلداناتىن،ول كەزدەگى ەگەتىندەرى نەگىزىنەن ءبيداي عانا بولاتىن، ال تاس جولدىڭ سولتۇستىگىندەگى 11 اۋىل-قالاشىق وي رايونى دەپ بولىنەتىن دە ماقتا،جەمىس-جيدەك ەگۋ ارقىلى دامىعان  ءوڭىر ەسەپتەلىنەتىن،ەگىنشىلەرى دە اۋقاتتى ەدى، سوندىقتان بۇل ءوڭىر اۋدان ءۇشىن دامىعان ءوڭىر سانالاتىن، جان باسىنا اينالاتىن ەگىستىك جەرى دە مول ەدى. 1996-جىلى ساۋان اۋداندىق پارتكومى مەن حالىق ۇكىمەتى تاۋلى وڭىردە قونىستانعان،تۇرمىس ورەسى ەرەكشە تومەن كەدەي  وتباسىلارىن قۇبىنىڭ قۇمىمەن جيەكتەسىپ جاتاتىن وي رايونىنداعى ەكونوميكاسى دامىعان 11 اۋىل-قالاشىققا كوشىرىپ ورنالاستىرىپ سۇيەمەلدەۋ ساياساتىن شىعاردى. وسىلايشا ساۋان اۋدانىنىڭ بورتىنكە اۋىلىنىڭ 17 قىستاقتىڭ جاۋاپتىلارىنا اتقا قونىپ قىستاعىنداعى كەدەي وتباسىلارىن تۇمسىعىنان ءتىزىپ تىزىمدەپ،ولاردى دامىعان ورىندارعا كوشىپ بارىپ قونىستانۋعا ۇگىتتەۋ ناۋقانى جۇرگىزىلدى،باراتىنداردىڭ شارتى تۇرمىس ورەسى ەڭ تومەن وتباسى بولۋ ەدى،كەدەيلەردەن قۇتىلاتىنىن بىلگەن قىستاق باسشىلارى كارى-جاسىنا،اۋرۋ-ساۋىنا قاراماي تىزىمدەپ،كوشەتىندەردىڭ قاتارىنا قوستى. مەن سول جىلى بورتىنكە اۋىلىنىڭ اقجيەك قىستاعىنىڭ قىزمەت گرۋپپا مۇشەسى ەدىم، ءالى ەسىمدە، كوشىرەتىن وتباسىلارى بىردەن كوشۋگە ريزا بولا قويمادى، ولار جاڭا قونىسقا بارىپ تۇرمىس ورەسىن جاقسارتۋعا بىردەن سەنىپ كەتپەدى، مىناۋ اسقار تاۋىن، ءمولدىر سۋىن باقاداي شۋلاعان ەل-جۇرتىن قيمادى، سەبەبى، وي رايونىنداعى قىستاقتار،ءىشىنارا بولماسا نەگىزى حانزۋ ۇلتى بولعاندىقتان، تىلدەن قينالعاننىڭ سىرتىندا، قارىس جەردە قازا بار، ولاي-بۇلاي بولىپ كەتسەك جاعدايىمىز نە بولادى دەپ  الاڭدادى،سونداي-اق كوشىپ بارۋعا جاعدايى كەلمەيتىندەر دە بارشىلىق  ەدى. مىنە، وسى سەبەپتەردەن سول كەزدەگى قونىس جوتكەيتىن تىزىمدىككە ەنگەندەر جاڭا قونىسقا بارۋعا بۇتىندەي قارسى بولدى، سونىمەن  اۋىلداعى بارلىق كادردى اتتانىسقا كەلتىرىپ،ءارقايسىسىنا مىندەت بەرىپ، كەڭ كولەمدە ۇگىت جۇرگىزدى. ءبىز توپتالىپ تا، جەكەلەي دە جاڭا قونىسقا باراتىندارعا ارالاپ ۇگىت جۇرگىزدىك، بۇگىن ءبىر وتباسىن كوندىرسەڭ ەرتەڭىندە قايتادان اينىپ قالادى، بارعاندارعا ءبىرىنشى، ەڭ تاڭداۋلى جەردەن ەگىستىك جەر ءبولىنىپ بەرىلەدى،ەكىنشى تەگىن باسپانا سالىنىپ بەرىلەدى،ءۇشىنشى،بەس جىلعا دەيىن اۋىل شارۋاشىلىق باجىسى،قور سوماسى،وقۋ-اعارتۋ قاراجاتى  قاتارلى  ەگىنشىلەردىڭ سول كەزدەگى موينىنداعى اجىرعى بولىپ تۇرعان المان-سالىقتار الىنبايتىن بولدى،كوشۋ قاراجاتى الىنبايدى... وسى تيىمدىلىكتەردى كورە تۇرا بىرەن-ساران وتباسى بولماسا كوپ ەشكىمنىڭ كوشكىسى كەلمەدى. كۇندىز-ءتۇنى ۇگىت ايتۋدان ءبىز جالىقپادىق، شەشۋشى كەزەڭگە تايادى،«اناۋ كوشسە، مەن كوشەم» دەگەندەردى كوشەتىندەر قاتارىنا  جاتقىزدىق تا ولسەم وسىندا قالام دەپ تابانداعاندارىنىڭ  جاعدايىن  قايتا   ويلاستىرا كەلىپ، كوشىپ بارعانمەن، ەگىن ەگۋگە شاماسى كەلمەيتىن اۋرۋ-سىرقاۋ بولسا نەمەسە بارعاندا ەگىن ەگۋ قولىنان كەلمەيتىن كارى-قۇرتاڭ، جەتىم-جەسىرلەردىڭ ورنىنا باراتىن  ادام ويلاستىراتىن بولدىق،سونىمەن جاس وتاۋلارعا تاربيە جۇرگىزىلدى، وسى كەزدە ەنشىسىندە ءبىر فىڭ    ەگىستىك جەرى جوق،جاڭادان بولەك شىققان بىرنەشە جاس وتاۋ بارمايتىن وتباسىلارىنىڭ ورنىنا كەلىپ وزدىگىنەن تىزىمدەلدى. كەيبىر اۋقاتى ءتاۋىر وتباسىلارى دا «ۇكىمەت ۇناسا ورنىنا   ءبىزدى جىبەرسەڭدەر» دەپ تالاپ قويا باستادى. وسىلايشا بورتىنكە اۋىلىنان 78 وتباسىنداعى 831 ادام  تۋىپ-وسكەن مەكەندەرىمەن، كورشى-قولاڭدارىمەن ايرىلىسىپ،1996-جىلى ناۋرىز ايىندا سول  كەزدەگى  ەكونوميكاسى دامىعان 11 اۋىل-قالاشىقتاعى وزدەرى باراتىن قىستاقتارعا كوشتى. ولار ەڭسە كوتەرەتىن ەكىنشى مەكەندەرىنە ەش قينالماي جەتىپ، پارتيانىڭ مەيىرى مەن شاپاعاتىنا بولەنسە دە كوڭىلدەرى ورنىقپادى. كوگىلدىر كوكتەمدە كەلدى، ەگىس باستالدى، جەرى جىرتۋلى، تۇقىمى ءسىڭىرۋلى جەردەن جەرى ءتيدى،دايىن باسپانالارعا يە بولدى، ارماننىڭ اپپاق ۇمىتىندەي بولىپ ماقتالارى دا قاۋاشاق جاردى، مىنە ءونىم الار ۋاقىتتا جەتتى، وسىلايشا ءومىرى باجى مەن قور سوماسىنا قارىز بولىپ،بانكە قارىزىنان كوز اشپاي كەلگەن قىر قازاعى  تۇڭعىش رەت ۋىسى تولىپ اقشا ۇستادى. كوپ وتپەي ەكىنشى رەتكى جەر بولىسىنە قاتىناسىپ، ماڭدايعا باسقان جەرلەردەن 30 جىلدىق ەنشىلەرىن ءبولىستى،جاڭا تىرلىك ولاردىڭ وكپەسىن ۇمىتتىرىپ تا جىبەردى. ارادا اتتاي جەلىپ 19 جىل وتە شىقتى. «پەندەنى ءدام ايداسا اتتاي جەلەر» دەگەندەي، ءدام ايداپ وسىناۋ قۇبىنىڭ قۇمىمەن قۇشاقتاسىپ جاتقان سىداۋحىزى قالاشىعىنا كەلگەنىمە دە نەشە ايدىڭ ءجۇزى بولىپ قالدى. ءبىر كۇنى ۇكىمەت اۋلاسىنان كەزىندە بورتىنكە اۋىلىنىڭ قاراساي قىستاعىنان كوشىپ كەتكەن قابي تۇياقباي ۇلىمەن ۇشىراسا قالدىم،تۋىسىن كورگەندەي بولدى،كەزىككەن جەردەن شۇرقىراسا كەتتىك.

  -جاعداي قالاي كەلگەننەن بەرگى؟

  -جاعداي ەرەكشە جاقسى، ەلدىڭ ەڭ الدى بولماساقتا، جۋان ورتادا   ءجۇرىپ جاتىرمىز. ءجا،جاعدايدى بىلگىڭ كەلسە ۇيگە بارىپ كوزىڭمەن كور،ءبىر شاۋگىم شاي قازاقتىڭ بولىنبەگەن ەنشىسى عوي،ويناپ-كۇلىپ بىرگە وستىك،وتكەن-كەتكەندى ايتىپ ءبىر جىرعايىق،قىزمەتتەن تۇسكەندە تەلەفون بەرەم،بوس بولساڭ كولىك جىبەرەمىن،-دەپ قوشتاستى. سول كەزدە سىداۋحىزى قالاشىعىنا بورتىنكە اۋىلىنان تۇسكەن 13 وتباسى 72 جان سان ەكەن، سۇراپ ۇعىسقانىمدا بۇلاردان ءبىر قانشاسى قايتا كوشىپ كەتسە، ءبىر قانشاسى و دۇنيەلىك بولىپتى. قالاشىقتىڭ قىستاعىندا قابي تۇياقباي ۇلى،قىتان قىستاعىندا ايتقۇرمان،شياباحۋ قىستاعىندا قابدۋاقي، سايراش، سابوۋ قىستاعىندا قىدىربەك، سىداۋحىزى قىستاعىندا مانات قاتارلى ونشاقتى وتباسى بار ەكەن، ءبارى تانىس، كەزىندە ويناپ-كۇلىپ ءبىر جۇرگەن  اۋىلداستار، الدىمەن ءدام ايداپ قابدۋاقي وتباسىنا ات باسىن  تىرەدىم. ول كىسى بورتىنكە اۋىلىنىڭ بورتىنكە قىستاعىنان تۇسكەن كەدەي وتباسى ەدى، كەزىندە ومىرلىك قوساعى ايىقپاس اۋرۋعا  شالىعىپ، قارىزدانىپ قاۋعالانىپ داۋالاتسادا،اقىرى و دۇنيەلىك بولىپ، اۋىر قايعىمەن قوسا كوپتەگەن قارىزداردى ارقالاپ قالعان ەدى،ول وسىندا كەلگەندە، كارى شەشەسى،ءىنىسى،ءۇش كىشكەنتاي بالامەن كەلگەن. بۇگىن ساۋلەتتى ۇيدە قالالىقتاردان پارىقسىز تۇرمىس كەشىرىپ جاتىپتى، ءىنىسىنىڭ باسىن قۇراپ، بولەك وتاۋ شىعارىپتى، ۇلىنىڭ ءبىرىن ۇيلەندىرىپتى. جوعارى اتكۇشىندىك جەر ايدايتىن تراكتوردەن بىرەۋىن الىپ   اۋىلداستارىنىڭ جەرىن ايداپ كاسىپ قىلسا، ءوندىرىستىڭ بوس ۋاقىتىندا مال ساۋداسىمەن اينالىسۋعا قولايلى ۇلكەن جۇك كولىگىنەن بىرەۋىن الىپتى. اۋىل اراسىنىڭ جۇمىسىنا، وتباسى شارۋاسىنا مىنۋگە ءبىر كىشكەنە كىرە كولىگىن الىپتى. مىنە، وسىدان-اق كەشەگى كەدەي بۇگىن باي ەكەنىن ايتپاي-اق ۇعىنۋعا بولار ەدى. قاپاڭنىڭ ايتۋىنا قاراعاندا، العاشقى جىلدارى مال ءوسىرىپ باعىپتى،كەيىن باعىمشىلىقپەن دە اينالىسىپتى،ول كىسىمەن ءبىر كۇندە كوشىپ كەلگەن سايراش دەگەن كورشىسى كەزىندە كوللەكتيۆتىڭ ەگىنشىلىك ماشينالار اترەتىنىڭ شوفەرى بولاتىن، تايقازانمەن قاتار بۇل شاعىن توپتا تاراپ ەگىنشىلىك ماشينالارى اترەتىنىڭ سايراش سەكىلدى جۇمىستان قالعاندارىنا ەگىستىك جەر تيمەگەن كەز ەدى،ول تەك ەلدىڭ تراكتورىن ايداپ بەرىپ قانا تۇرمىس كەشىرىپ كەلگەنىن بىلەتىنمىن. ول كىسى مۇندا كەلە سالعاندا سول تەحنيكالىق ونەرى كوپ ەس قاتىپتى، اقىسىن ۇستەمەلەپ بەرىپ، تالاسىپ تراكتور ايداتىپتى، قازىر تەمىر ۇستاماسا باسى اۋىراتىن سايراشتىڭ دا قولى قۇر ەمەس كورىنەدى،بالالارى تۇگەل شەتەلگە     شىعىپ،جۇمىس ىستەپ، وتباسى تۇرمىستارى كوڭىل توعايتارلىق ەكەنىن ۇعىستىم. ايتۋلى كۇنى بار الماسام دا ءبىرقانشا اداممەن بىرگە قابي وتباسىنىڭ بەلدەۋىنە دە ات بايلادىم. قابي تۇياقباي ۇلى كەلگەننەن كەيىن كوپ ۇزاماي سول جەردەگى اۋىلداستارىنىڭ سۇرلەنگەن جىلقى ەتىنە دەگەن ەرەكشە قاجەتسىنۋىن بايقاپ، سۇرلەنگەن جىلقى ەتىن ساتاتىن وتباسى تاعامجايىن اشىپ، سۇرلەنگەن جىلقى ەتىن ساتادى ەكەن، سول وڭىردەگى وسى ءبىر تاڭسىق تاعامدى شىعارعان وسى ءبىر عانا ورىن بولعاندىقتان، مۇنىڭ شاعىن وتباسى تاعامجايىنىڭ اتاعى تەز ارادا تارالىپ، جىلقى ەتىن جەۋشىلەر الىس جۋىقتان ات سابىلتىپ كەلىپ شىرەتكە تۇرىپ تاماقتانادى ەكەن، سول كەزدەرىن ەسكە العان قابي:

  -ءبىز كەلگەننەن كەيىن ماقتا اق التىنعا اينالدى، ەككەن ماقتامىزدان ۇستاعان قوماقتى اقشامىزدان سىرت، تاعامجاي اشقان العاشقى جىلداردا ءبىر قىستا وتىزعا تارتا جىلقى سويدىم، شىعىسى شىحىزى، باتىسى قارامايلىدان تارتىپ، مەنىڭ شاعىن تاعامجايىما ۇيمەلەدى، مۇنداعى سەبەپ نە دەسەڭىز، سول كەزدەگى قالاشىقتىڭ ورىنباسار باستىعى جيانحۇڭ (ايەل) سول كەزدە ۇگىت قىزمەتىنە جاۋاپتى ەدى. ول وسى ءبىر از ۇلت ەگىنشىنىڭ    ەگىنمەن عانا اينالىسپاي، كاسىپ اشقانى تۋرالى، مەنىڭ وسى ءبىر شاعىن تاعامجايىمدى جانە ونداعى سۇرلەنگەن جىلقى ەتىنىڭ ەرەكشە دامدىلىگى جانە ونىڭ دەنساۋلىققا پايداسى جونىندە حابار جازىپ گازەتتە جاريالادى، مىنە، وسى حابار گازەتتە جاريالانعاننان كەيىنگى ەسەلەپ ارتقان قاريدارىم ەدى بۇل. اتامىز قازاق «ەڭكەيگەن ەكى   اسايدى، ەڭسەسى قاتقان ءبىر اسايدى» دەگەن ەكەن، ساۋدام توقتاۋسىز جۇرگەننەن سوڭ ىستەۋدەن مەن     ەرىنبەدىم-دەيدى ماقتانىشپەن. قازىر 300 تۇياق قويى بار ەكەن،ونى ءبىر بالاسى بورتىنكە اۋىلىنداعى باجاسىمەن بىرلەسىپ سونىڭ جايىلىمىندا باعىپ جاتىر ەكەن، ءبىر بالاسى كورشىلەس دۇڭۋان قالاشىعىندا تويدى كەسكىنگە الۋ، توي فيلمىن جاساۋمەن اينالىسادى ەكەن، مالدىڭ جەم-ءشوبىن تاسۋعا العان ءبىر جۇك كولىگى، تۇرمىسقا ىستەتەتىن ءبىر كىشكەنە كىرە كولىگى بار ەكەن، باياعى تومەنشىكتەپ تۇراتىن قابي بۇگىن جوق، كوتەرىلە سويلەيتىن باردام قابيدى كورىپ كوڭىلىم توعايىپ تولقىپ وتىرمىن. اڭگىمە قىزا ءتۇسىپ تاۋدان  كەلگەندەردىڭ جاعدايىن بىردەن سۋىرتپاقتاپ سۇراپ  وتىرمىن. اقجيەك قىستاعىنان تۇسكەن سەرىك ءابىل ۇلى جايلى ءسوز بولعاندا، قالاشىق ءدىني ىستەر كەڭسەسىندەگى سۇڭعات نازارقان ۇلى كوزىلدىرىگىن سۇرتە وتىرىپ ءسوز كەزەگىن الدى:

  -سەرىك وسى قالاشىقتىڭ شياۋتۋ قىستاعىنا تۇسكەن كەدەي ەكەن كەزىندە، قازىر ودان باردام ادام جوق، ول قىسى-جازى مال بورداقىلاپ ساتادى، كەيدە 20 دا 30 عا دەيىن تايىنشا، 40 تا 50 گە دەيىن قوي بورداقىلاپ ساتادى. ءوزىنىڭ ۇزبەي باعاتىن ونشاقتى الاتاۋ سيىرى بار، وسىنى ساۋادى، ءسۇت جيۋ ورىندارىنىڭ   اكەلىپ بەرگەن ارنايى ءسۇت ساقتايتىن كۇبىلەرى بار، ساۋعان ءسۇتتى سوعان قۇيىپ ساقتايدى، ەكى كۇندە ءبىر كەلىپ الىپ كەتىپ وتىرادى. وسىدان-اق اقشا وزدىگىنەن قۇيىلىپ جاتىر. سەرىك كەزىندە ءدىني مەكتەپ وقىعان ەكەن، قازىر سىداۋحىزى وڭىرىندەگى بىردەن-ءبىر قازاق موللا سول، اۋداندىق، ايماقتىق قاتىستى تاراۋلار جاعىنان نەشە مارتە وتانشىل ءدىني قايراتكەر، ۇزدىك ءدىني قىزمەتكەر بولىپ باعالانىپ داڭق تورىنەن كورىنىپ كەلەدى، ول قازىر ايماقتىق سوتسياليزىم ينستيتۋتىندا ۇيرەنۋدە، كەلگەن كەزدە مەن ءسىزدى وتباسىنا ەرتىپ بارايىن،-دەدى وعان دەگەن سۇيىنىشىن جاسىرا الماي. ءيا،باق قاشاندا ەرىنبەي ەڭبەكتەنگەندەردىڭ ەنشىسىندە عوي، بەس ساۋساق بىردەي بولمايتىنى سەكىلدى، ەڭبەكتەنۋدىڭ ىعىن بىلمەگەن كەيبىرەۋلەرى ەگىستىك جەرلەرىن مايلاپ تاستاپ، قايتا كوشىپ كەتكەندەر دە بار ەكەن، دەسەدە، كوپ ساندىسى اعالاپ الدا جۇرمەسە دە العا قاراي ۇدىرە تارتقان ۇلكەن شوعىردىڭ جۋان ورتاسىندا كەلە جاتىر ەكەن.

  وسىدان ءبىر اپتا وتكەندە وسى  قالاشىقتىڭ دۇڭشىڭىن قىستاعىنا   تۇسكەن قابىلباعىس شاياقىمەت ۇلىنا كەزىكتىم، سالعان جەردەن اڭقىلداي جونەلدى:

  -مۇندا ەكەنىڭىزدى بىلمەپپىن،  الىپ كەتەيىن، ۇيگە ءجۇرىڭىز-دەپ جابىستى، مەن:

  -وزىمدە اناۋ قىدىربەك، سەرىك بىرنەشەۋىڭدى ىزدەپ بارايىن دەپ جۇرگەم، وراتى كەلگەندە ءوزىم بارامىن،-دەپ ۋادە بەردىم، ەكى كۇن وتكەندە مەنىڭ كەلگەن حابارىمدى قابىلباعىستان ەستىگەن قىدىربەك قاسىنا قابىلباعىستى ەرتىپ سالەم بەرە كەلىپتى، سونىمەن كەشكى استا وتىرىپ ارقا-جارقا اڭگىمەگە شەرتىسە جونەلدىك.

  -العاشى كەلگەندە،راسىندا، جەرسىنبەدىك، قايتا كوشىپ كەتكىمىز دە كەلدى، جازدىڭ ىستىق اپتابى، اسىرەسە قانىڭدى سۇلىكتەي سوراتىن ماساسى ادامدى ەرەكشە مەزى قىلادى، اقىرى نامىسقا  شىداپ  وعان دا كوندىگىپ كەتتىك، ويتكەنى وسىندا  بولگەندەر كەلمەگەندە بەلسەنە شىعىپ سولاردىڭ ورنىنا كەلگەن جاس وتاۋىمىز عوي، ەڭبەكتە ەلدىڭ الدىندا بولماساق، ارتىندا قالمادىق، ءوستي ءجۇرىپ بۇل دالاعادا ۇيرەنىپ كەتتىك،-دەپ تەمەكىسىن قۇشىرلانا سوردى. قازىر ونىڭ وزىندەگىسى بولىپ،ەلدەن مايلاعانى بولىپ 70 مۋداي جەرگە ماقتا سالادى ەكەن، جوعارى اتكۇشىندىك بارلىق تىركەمە جابدىقتارى تولىق ءبىر تراكتور ساتىپ الىپتى،  ونىمەن اۋىلداستارىنىڭ جەرىن ايداپ كىرىس قاينارىن مولايتسا، ءبىر شاعىن كىرە كولىگىن وتباسىنىڭ شارۋاسىنا ات ورنىنا ءمىنىپ ءجۇر ەكەن. قابىلباعىس شاياقىمەت ۇلى بورتىنكە  اۋىلىنىڭ جارسۋات قىستاعىنان تۇسكەن جاس وتاۋ، ول ەگىننەن گورى مال وسىرگەندى ءجون كورىپ، ماقتا باعاسىنىڭ قۇلدىراۋىنا بايلانىستى 30 مۋ ەگىستىك جەرىن مايلاپ،سيىرىن 20 باسقا، قويىن 50 تۇياققا جەتكىزىپتى. مانات تۇرسىنقان ۇلى 100مۋدىڭ ۇستىندە جەر كوتەرەگە الىپ ماقتا ەگىپ،ونىمەن قوسا 100 دەن اسا قوي، 20 داي ءىرى قارا ءوسىرىپ، اۋىزعا ىلىنگەندەر قاتارىنان سانالادى ەكەن. ماقتا باعاسىنىڭ قۇلدىراۋىنا ىلەسە نيازبەك،كاكەن قاتارلى وتباسىلارى ەگىستىك  جەرلەرىن مايلاپ مال وسىرۋگە قاراي ويىسقانىن ۇعىستىم،جالپى سىداۋحىزى وڭىرىنە كەلگەن قازاقتار پارتيانىڭ حالىقتى اۋقاتتاندىرۋ ابزال ساياساتىنىڭ ارقاسىندا، قالاشىق پارتكوم مەن حالىق ۇكىمەتىنىڭ شىنايى كوڭىل بولۋىندە، وزدەرىنىڭ جاڭا قونىستارىندا، وسى وڭىردەگى تۋىسقان بارلىق ۇلتتارمەن ءبىر ءۇيلى جانداي تاتۋ-ءتاتتى عۇمىر كەشىپ، بۇگىنگىدەي باياشاتتى تۇرمىسقا كەنەلگەنىن كورىپ، ەرەكشە تەبىرەندىم.





رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn