رەسەي زۇڭتۇڭ توراپ بەكەتىنىڭ 15-شىلدەدەگى حابارىنا نەگىزدەلگەندە، رەسەيدىڭ زۇڭتۇڭى پۋتين سول كۇنى بۇيرىققا قول قويىپ، قىرىم ىستەرى مينيسترلىگىن كۇشىنەن قالدىرعان ەكەن.
رەسەيدىڭ زۇڭليى مەدۆەدەۆ سول كۇنى پۋتينمەن كەزدەسكەندە بىلتىر قۇرىلعان قىرىم ىستەرى مينيسترلىگىنىڭ مىندەتىن وتەپ، قىرىم مەن رەسەيدىڭ ءبىر تۇلعالانۋ بارىسىن تولىق اياقتاتقاندىعىن ايتىپ، قىرىم ىستەرى مينيسترلىگىن كۇشىنەن قالدىرىپ، ونىڭ فۋنكتسياسىن رەسەي ەكونوميكاسىن دامىتۋ مينيسترلىگىنە وتكىزىپ بەرۋدى ۇسىنس ەتكەن. پۋتين بۇل ۇسىنىستى قولداعان.
2014-جىلى 16-ناۋرىزدا قىرىم جانە سەۆاستوپول قالاسىندا جالپى حالىقتىق داۋىسقا سالۋ قيمىلى ورىستەتىلىپ، داۋىس بەرۋشىلەردىڭ 90 پايىزى رەسەيگە قوسىلۋدى قولداعان؛ 18-ناۋرىزدا پۋتين ماسكەۋدە قىرىم جانە سەۆاستوپول ۋاكىلىمەن شارتقا قول قويىپ، قىرىم مەن سەۆاستوپولدىڭ فەدەراتسيالىق نەگىزگى تۇلعا سالاۋاتىمەن رەسەي فەدەراتسياسىنا قوسىلۋىنا رۇقسات ەتكەن. 31-ناۋرىزدا پۋتيننىڭ قول قويعان زۇڭتۇڭ بۇيرىعىنا نەگىزدەلىپ، رەسەي قىرىم ىستەرى مينيسترلىگى قۇرىلعان. ونىڭ نەگىزگى مىندەتى جاڭادان قوسىلعان ەكى فەدەراتسيالىق نەگىزگى تۇلعانى تەز ارادا رەسەي فەدەراتسياسىنىڭ ەكونوميكا، فينانس، امانات-قارىز جانە زاڭ – ەرەجە جۇيەسىنە ەنگىزۋ بولعان.
قىرىم تۇبەگى بۇرىن ۋكراينانىڭ اكىمشىلىك رايونى قارماعىندا بولىپ، قىرىم اۆتونوميالى رەسپۋبليكاسى اتانعان. ۋكراينا جالپى حالىقتىق داۋىسقا سالۋدىڭ زاڭدىلىعىن مويىنداماي، قىرىمنىڭ رەسەيگە قوسىلۋىنا قارسى تۇرىپ كەلەدى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.