ەەڭ جاڭا مازمۇندار
قالا مەن اۋىل ورتاسىنداعى «ءبىر يۋاندىق اۆتوبۋز» اقشا ۇنەمدەپ قالماستان،حالىقتىڭ كوڭىلىنەن شىقتى
 قوبىقسارى اۋدانى شينجياڭ بويىنشا قالا مەن اۋىل ورتاسىنا الەۋمەتتىك كوشە اۆتوبۋز قاتىناۋدىڭ تولىق قامتۋىن الدىمەن جۇزەگە اسىردى
سۇرلەمدىك جۇگەرىگە وراق ءتيدى
بارلىقتىڭ بالعىن «سارعالداعى»
ساۋان اۋدانىنىڭ تىزىمگە الدىرعان ماقتا سورتىن سىناق رەتىندە ەگۋ-ۇلگى كورسەتۋ بازاسى قۇرىلىسى تارتىپپەن ىلگەرىلەۋدە
«قولىنان نە كەلەر دەيسىڭنەن» «ول بولماسا بولمايدىعا» دەيىن
ارمانىن جۇزەگە اسىرىپ،جۇرت كوڭىلىن جادىراتتى
جالاڭاش ارپا ەگىپ،كەدەيلىكتەن ارىلتۋعا دەم بەردى
بابىمەن پىسىرىلعان سامسامىزدىڭ ءدامىن تاتىڭى
2020-جىلى 7-ايدىڭ 6-كۇنى 139-سان
راحاتتىڭ كەدەيلىكتەن ارىلۋ جولىنداعى وزگەرىستەرى
پارتيانىڭ جاڭا داۋىردەگى ۇيىمدىق لۋشيانىن جالپى بەتتىك دايەكتىلەندىرىپ، تياناقتاندىرىپ، پارتيانىڭ ۇيىمدىق قۇرىلىسىنىڭ تۇزىمدەنۋ، جۇيەلىلەنۋ، عىلميلانۋ دەڭگەيىن جوعارىلاتۋ كەرەك
2020-جىلى 7-ايدىڭ 4-كۇنى 138-سان
بۇكىل رايوننىڭ پارتيا قۇرىلىسى ساپاسى مەن دەڭگەيىن ۇزدىكسىز جوعارىلاتىپ، قوعام ورنىقتىلىعى مەن باياندى تىنىشتىققا ۇيىمدىق كەپىلدىك ازىرلەۋ كەرەك
بەيدوۋ جاساندى سەرىگىنىڭ الەمدىك تورى قۇرىلعاننان كەيىن، ءبارىمىزدىڭ تۇرمىسىمىزعا قانداي ىقپال كورسەتەدى؟
بۇقارانىڭ حال-جايىن كوڭىل تۇكپىرىندە ساقتاپ،قىستاق تۇرعىندارىنىڭ جاناشىرى بولدى
اتا مەكەنىنىڭ كوركەم كورىنىسىن اپپارات كوزىمەن ەستەلىككە الدى
اتا مەكەنىنىڭ كوركەم كورىنىسىن اپپارات كوزىمەن ەستەلىككە الدى
2020-جىلى 7-ايدىڭ 3-كۇنى 137-سان
جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ، تياناقتاندىرىپ، پارتيانى ۇزدىكسىز اناعۇرلىم بەرىك، پارمەندى ەتىپ قۇرىپ شىعايىق
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا سويلەنگەن ءسوز
حالىقتى ماڭگى ەڭ جوعارى ورىنعا قويايىق
گۇلدەنۋ مۇراتىن شىڭداپ، قالتقىسىز ادالدىقتى ماڭگى ساقتايىق
2019-جىلعى جۇڭگو كوممۋنيستىك پارتياسىنىڭ پارتيا ىشىندەگى ساناق مازمۇنداماسى
جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ،تياناقتاندىرىپ، پارتيانى شىن مانىندە اناعۇرلىم بەرىك،پارمەندى ەتىپ قۇرىپ شىعۋ كەرەك
ايماقتىق پارتكوم كەڭسەسى پارتيا باس ياچەيكاسى،اكىمشىلىك مەكەمەسى كەڭسەسى پارتيا باس ياچەيكاسى «1-شىلدە» بايلانىسىمەن مەملەكەت تۋىن شىعارۋ سالتىن وتكىزدى
پارتياعا العىس ايتىپ،پارتيانىڭ سوزىنە قۇلاق اسىپ،پارتياعا ىلەسەمىز
پارتياعا العىس ايتىپ،پارتيانىڭ سوزىنە قۇلاق اسىپ،پارتياعا ىلەسەمىز
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
اۋلا شارۋاشىلىعىن دامىتۋ،كەشكى بازار ەكونوميكاسىنىڭ ومىرشەڭدىك كۇشىن قاۋلاتۋ،نان كاسىبىنىڭ اناعۇرلىم جاقسى،اناعۇرلىم تەز دامۋىن كۇش سالا ىلگەرىلەتۋ كەرەك

قارلىعاش ءۇندى قارا قىز

جولدانعان ۋاقىتى : 2015/7/17 11:08:32

اراي ايتىكەن ۇلى

  «ءان توگىلگەن جەردە ادامنىڭ تىرلىگى جەڭىلدەيدى» دەپ قارايتىن حالقىمىزدىڭ ءومىرىن اسەم ءانسىز،كۇمبىرلى كۇيسىز ەلەستەتۋ مۇمكىن ەمەس. ءتىپتى «ءانسىز ءومىر ءمانسىز ءومىر» دەپ ءبىلىپ،ۇرپاقتارىن كىشكەنتايىنان حالقىنىڭ ءانىن جاتتاپ،كۇيىن ۇعۋعا باۋليتىنى بار. مۇندايدا مەيلى ۇل،ياكي قىز بالا بولسىن،باستاپقىدا بۇل ونەرگە بەلسەندى كەلىپ،شاعىن وتباسىلىق  ساحنانىڭ شىرايىن اشىپ،ۇلكەندەردىڭ العىسىن الاتىندارى مول بولادى. الايدا ەسەيە كەلە ماناعى كىشكەنتاي ارتيسكالارىمىزدىڭ كوپ ساندىسى-اق تابيعي تۇردە ات باسىن باسقا سالاعا بۇرادى. سەبەبى،ناعىز حالىق قالاۋىنان شىعاتىن بۇلبۇل كومەي ءانشى،داڭعايىر كۇيشى بولۋ اتانىڭ كۇشى،انانىڭ سۇتىمەن دارىعان تابيعي دارىنمەن بىرگە،اسقان تاباندىلىقتى،مۇقيات جاتتىعۋدى،ونەرگە دەگەن ۇلكەن جاۋاپكەرشىلىك پەن سۇيىسپەنشىلىك رۋحتى قاجەت ەتەتىن كيەلى ونەر ساپارى. سوندىقتان ونەرگە بولعان سەنىمى جوق،مول دايىندىقسىز كەلگەندەر بۇل سالادان تەز بەت بۇرىپ كەتەدى دەپ قارايمىن.

  قازىرگى ادامداردان «بۇل كۇندە ەكىنىڭ ءبىرى ءانشى،كۇيشى،اقىن» دەگەن تۇراقتى ءسوز تىركەسىن كوپ ەستىپ جۇرگەنىمىزبەن،شىنىن ايتقاندا،شىنايى ونەرپازدارىمىز ساۋساقپەن سانارلىق ەكەندىگىن مويىنداۋىمىز كەرەك. ماسەلەن،ءبىر ميلليون ەكى ءجۇز مىڭ قازاعى بار شينجياڭنان قانشا ونەرپاز وسى سالادا ءوزىن باسقالارعا  مويىنداتا الدى؟مىنە،وسىدان-اق ولاردىڭ كوپ ەمەس،قايتا تىم ازدىق ەتىپ وتىرعانىن سەزەمىز. سىرت كوزگە ولاردىڭ كوپ بوپ سەزىلەتىنى ناعىز ونەردىڭ قادىرىنە جەتپەي بولماسا وزدەرىن شامالاي الماي،مازمۇنى تاياز،ماعىناسى جوق،قايداعى كور-جەردى انگە اينالدىرىپ،ونى ەلەكتروندى ميشىق ارقىلى دىبىسقا جازدىرىپ الىپ،قيقىلداپ-شيقىلداپ ەلگە رۋحي ءلاززات سيلاعاننىڭ ەسەسىنە،مازاسىن الىپ جۇرگەن ءبىر شوعىر  ونەر ادامدارىنىڭ  ءىسى بولسا كەرەك. بۇلاردىڭ بارلىعىنىڭ دا باعاسىن ۋاقىت سىنىنان وتكەننەن كەيىن عانا حالىق ءوزى بەرەدى دەپ سەنەمىن.

  ال،ەندى وسى ماقالامىزدىڭ گەرويى،قاراپايىم قازاقتىڭ قارا دومبىراسىمەن قوسىلىپ ءان سالىپ،كوپ كوڭىلىنەن ورىن الىپ،تالاي ۇلكەن ساحنالاردا باسەكەلەستەرىنەن وزىقتىعىن ايگىلەپ جۇرگەن ءانشى،تەرمەشى ماڭگىنۇر موشان قىزىنىڭ  ونەر جولىمەن ىشكەرىلەي تانىسالىق.

  «ادام بالاسى تۋعان جەرىنە تارتادى» دەيتىن وسى ءبىر كيەلى ءسوزدىڭ دالەلىندەي،سان الىپ،سان بوزداقتىڭ كىندىك قانى تامعان تولى توپىراعىندا 1977-جىلى  10-قازاندا اۋدانعا قاراستى قاسيەتتى جايىر تاۋىنىڭ  قاراعايتى دەگەن جەرىن  مەكەندەنگەن ونەرلى موشاننىڭ وتباسىندا بولاشاق ءانشى ماڭگىنۇر دۇنيە ەسىگىن اشتى. ۇلكەن اتاسى جۇمان ون ساۋساعىنان ونەر تامعان شەبەر،سوققان باكى-پىشاعى جەتەسىنە دەيىن وتەتىن شىلىڭگىر ۇستا ەدى. اعاشتان ءتۇيىن ءتۇيىپ،ەتىكشىلىك،ورىمشىلىك،ءتىپتى سىرماقتىڭ ويۋىنا دەيىن ويىپ قيۋىن كەلتىرەتىن،حالىق كۇيلەرىن ناشىنا كەلتىرىپ تارتاتىن شەبەر ورىنداۋشى ەدى. ال ءوز اكەسى موشان جۇمان ۇلى دا ونەردەن قارا جاياۋ ەمەس،تالاي-تالاي اسەم ءان،ءتاتتى كۇيدىڭ يەگەرى. شينجياڭ قازاعىنا اتى تانىس سازگەر،قوعام قايراتكەرى ەدى.

  ماڭگىنۇر مەكتەپ تابالدىرىعىن اتتاعاننان كەيىن اكەسىنىڭ قارىنداسى مۇعاليما زادانىڭ باۋلۋىمەن مەكتەپتەگى ونەر كۋرجەكتەرىنە قاتىناسىپ،قانىنا سىڭگەن قازاقى ونەر ساپارىن باستايدى. تولى اۋداندىق 1-ورتا مەكتەپتەن تولىقسىز ورتانى بىتىرەتىن جىلى وبلىستىق كوركەمونەر مەكتەبىنە ەمتيحان تاپسىرىپ،بارلىق سىناقتاردان سۇرىنبەي ءوتىپ،كۇيتۇن قالاسىنداعى ىلە وبلىستىق كوركەمونەر مەكتەبىنىڭ دومبىرا كلاسىنا بىردەن قابىلدانادى. وسى مەكتەپتە 1993-جىلى قىركۇيەكتەن 1997-جىلى شىلدەگە دەيىن  ءوزى بالا كەزىنەن  ارمانداعان كاسىبىن بەرىلە وقىپ،جاقسى ناتيجەمەن ءبىتىرىپ شىعادى. 1998-جىلى تولى اۋداندىق مادەنيەت مەكەمەسىنە مادەنيەت قىزمەتكەرى بولىپ قابىلدانادى. ول وسىنداعى اعا بۋىن كوركەمونەرشىلەردەن كومپوزيتور بادەت احىمەتجان ۇلى،مەللات شاكەي ۇلى،قايرات سايفوللين،ءانشى ورمانگۇل توقتاۋباي قىزى قاتارلى ونەرپازداردى  وزىنە ۇستاز تۇتىپ،ونەرىن ۇزدىكسىز ۇشتايدى ءارى سول ونەرپازداردان ءتالىم العاندىعىن كۇنى بۇگىن ماقتانىش ەتەدى.

  ماڭگىنۇر تابيعات سيلاعان اسەم داۋىسىمەن ورتالىق دىبىس كەسكىنگە الۋ ورتالىعىنان 2003-جىلدان 2005-جىلدار ارالىعىندا «شىرايلىم-اي» جانە « اۋىلىم» اتتى ەكى ءان تاسپاسىن باسپادان شىعارىپ،حالىقپەن جۇزدەستىرىپ،ەل-جۇرتتىڭ جاقسى باعاسىنا يە بولدى،ءتىپتى وسى ەكى ءان تاسپاسى-اق ماڭگىنۇردىڭ اتىن الىس-جۋىققا تانىمال ەتىپ،ءان سۇيەر قاۋىمنىڭ كوڭىلىنەن شىقتى.

  2008-جىلدان باستاپ شينجياڭ حالىق راديو ستانسياسى جاعىنان ماڭگىنۇردىڭ ورىنداۋىندا اكەسى موشاننىڭ شىعارعان اندەرىنەن جيىرما مينۋتتىق ارناۋلى كونسەرت تاراتىلسا،بۇدان تىس،حالىق اندەرى مەن اۆتورلى اندەردەن 10 عا جۋىعى شينجياڭ تەلەۆيزياسى،تارباعاتاي تەلەۆيزياسى جانە اۋە تولقىنى ارقىلى حالىققا تاراپ،رۋحاني ءلاززات باعىشتاپ كەلەدى.

  ماڭگىنۇر ون نەشە جىلدىق ونەر ساپارىندا كوپ رەت ونەر بايقاۋلارىنا قاتىناسىپ،بارلىعىندا دا ولجاسىز قايتقان جوق. باستىلارىن  ايتا كەتەر بولساق،2008-جىلى تارباعاتاي ايماقتىق باس جۇمىسشىلار ۇيىمى،شينجياڭ حالىق راديو ستانسياسى،ورتالىق حالىق راديو ستانسياسى بىرلەسىپ ۇيىمداستىرعان باعالاۋ جارىسىندا اكەسى موشان جۇمان ۇلىنىڭ «اسىل ساۋلەم» اتتى ءانىن ورىنداپ،ءانى دە،ءوزى دە «ۇزدىك ءان»، «ۇزدىك ورىنداۋشى» بولىپ باعالاندى. 2010-جىلى وتكىزىلگەن  تارباعاتاي ايماقتىق  جاس انشىلەر بايقاۋىندا 3-دارەجەلى ورىنداۋ شەبەرى  بولىپ سيلاندى. 2012-جىلى ءۇرىمجى قالاسىندا وتكىزىلگەن «مۇرا» جۋرنالىنىڭ شىعا باستاعانىنا 30 جىل تولۋ قارساڭىندا وزدىرىلعان 1-رەتكى بۇكىل شينجياڭ كولەمىندەگى تەرمە جارىسىندا «تاڭداۋلى تەرمەشى» بولىپ ماراپاتتالدى. مۇنان تىس،زامان تالابىنا ساي عالامتوردىڭ شالقار سايتىندا ماڭگىنۇر ورىنداعان ءان-تەرمەلەر تىڭدارماندار جۇرەگىنە جول الىپ،جازباشا جوعارى باعاعا يە بولىپ ءجۇر.

  «ونەرلىنىڭ قولى التىن،ولەڭشىنىڭ ءسوزى التىن» دەگەندەي،اۋدان،ايماق،اۆتونوميالى رايوندىق ناۋرىز كونسەرتتەرى مەن باسقا دا كولەمدى ساۋىق كەشتەردە ۇسىنىسپەن قاتىناسىپ،ارقالى تەرمە،اسەم اندەر ورىنداپ،ونەر سۇيەر قاۋىمنىڭ القاۋىنا بولەنىپ،اق باتاسىن الىپ ءجۇر.

  ءيا،ونەر ۇلكەن كەرۋەن،جەز بۇيدالى انىمەن ونەر كەرۋەنىنە كەلىپ قوسىلعان ماڭگىنۇر موشان قىزىنىڭ الداعى ۇزاق ونەر ساپارىنا جول بولسىن ايتىپ،داۋىسىڭ قارلىقپاسىن قازاقتىڭ قارلىعاش ءۇندى قارا  قىزى دەگەن ىزگى  تىلەگىمدى بىلدىرەمىن.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.


 
powered by IlgharCMS 3.2 www.ilghar.cn