ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

قىسقا قايىرىمدار

جولدانعان ۋاقىتى : 2015/7/27 11:52:22

  ورمان قاعيداسى

  ءومىردىڭ ءاربىر قالتارىسى قاتەرگە تولى،ورمان - توعاي  تىپتەن  سولاي! - دەدى ءبىر كەر قۇلان شەتەلدىك ساياحاتشىعا، - سوندىقتان حايۋاناتتار وداقتاسىپ ءومىر سۇرەمىز. جيراف، قويان جانە مەن ۇشەۋىمىز ەتەنەمىز. ءبىزدىڭ باسىمىزدى قوسقان نارسەنىڭ نە  ەكەنىن  سۇرايسىز  عوي،ءا. ول _ جاردەمدەسۋ! جيرافتىڭ بويى بيىك، كورۋ اياسى كەڭ. قوياننىڭ قۇلاعى ۇلكەن، ساققۇلاق. ولار    ماڭايدى باقىلاۋعا جاۋاپتى. ال مەن ولار حاۋىپتىڭ قىلپىن بىلدىرىسىمەن - اق زىتىپ بەرەمىن.

  ادامدار اشۋلانسا نە ءۇشىن ايعايلاسادى

  ءبىر كۇنى پروفەسسور وقۋشىلارىنان: «ادامدار اشۋلانسا نە ءۇشىن ايعايلاسادى؟» دەپ سۇرادى. بارلىق وقۋشى  بۇعان  باس  قاتىرىپ،   كوپ ويلاندى. ارالارىندا  بىرەۋى  تۇرىپ:

    - ويتكەنى  سابىردان  ايرىلىپ قالامىز دا،ايعايلاپ  جىبەرەمىز عوي، - دەدى. پروفەسسور تاعى:

  -دەسەدە،قارسى جاعىڭ قاسىڭدا تۇر عوي، نەگە قاتتى ايعايلايسىڭ. بايىپپەن ايتۋعا بولماس پا؟ - دەپ سۇرادى. بارلىق وقۋشى ءار  قالاي جاۋاپ بەرگەنىمەن، بىردە - ءبىرى پروفەسسوردى  يلاندىرا  المادى.  سوڭىندا پروفەسسور ءوزى ءتۇسىندىرىپ:

  -ەكى ادام بىرىنە-ءبىرى اشۋلانعانىندا جۇرەكتەرىنىڭ اراسى الشاقتاپ كەتەدى. ارالارىنداعى الشاقتىقتان قارسى جاعىنا ءۇنىن جەتكىزۋ ءۇشىن مىندەتتى تۇردە ايعايلايدى، ءبىراق ايعايلاعان سايىن وت الىپ، قوپاعا ءتۇسىپ، اشۋلانعان سايىن ارالىقتارى الىستاي تۇسەدى. ارالىق الشاقتاعان سايىن ودان ارى قاتتى ايعايلاۋعا ءماجبۇر بولادى... ءبىر جۇپ جاس العاش ماحابباتتاسىپ جۇرگەندە  قالاي  بولاتىن  ەدى؟ ولارداعى جاعداي ءدال مۇنىڭ كەرىسىنشە، داۋىستارى ۇزدىگىپ شىقپاي ما. ويتكەنى ولاردىڭ جۇرەكتەرى وتە جاقىن. قوس  جۇرەكتە،اۋەلى،ارا قاشىقتىق جوق دەرلىك. سوندىقتان ماحاببات قۇشاعىنداعى ەكەۋ سىبىرعا جاقىن سويلەسەدى. سۇيىسپەنشىلىكتەرى دە تەرەڭدەپ، سوڭىندا سويلەسۋدىڭ دە  قاجەتى  قالماي،كوز يشاراسىمەن عانا تۇسىنىسەدى. بۇل  كەزدە  جۇرەكتەر  ارا قاشىقتىق دەگەن بولماق ەمەس... - دەدى.

  باستالۋ

  كەشەگى دۇلەي بوراننان كەيىن  باقشادا جاسامىس تەرەكتىڭ قۇلاپ جاتقانىن كورىپ، ىشتەي «اھ» ۇردىم. كارى اعاشتىڭ  عۇمىرى  اقىرلاسقان ەكەن  دەپ. ءبىراق  سول  ساتتە   ءتاڭىردىڭ: «ونىڭ قاسىنداعى جاس وركەنگە قاراساشى،بارلىعى ەندى عانا باستالىپ كەلەدى عوي » دەگەنىن ەستىدىم. كۇزدىڭ  كۇنى جاقىنداپ قالدى. ىزعارلى جەلدە ءوز - وزىمە: «ۋاقىت نەتكەن تەز. ءبىر جىل ۋاقىت تا ءبىتىپ قالىپتى-اۋ» دەدىم. دەسەدە،ءتاڭىردىڭ: « كوكتەمنىڭ اياق دىبىسىنا قۇلاعىڭدى سالساڭشى. ول جاڭا ءبىر جىلدى الا كەلەدى. بارلىعى ەندى عانا باستالادى» دەگەنىن قۇلاعىم شالدى. قارشادايىمنان  بىرەر  عىلىمدى ويداعىداي  يگەرمەگەنىمە  وكىنىپ:    «كەش قالدىم، بارىنەن  دە كەش قالدىم» دەپ ءوز-ءوزىمدى كىنالاپ ەدىم،ءتاڭىردىڭ: «بۇگىننەن باستاپ يگەرۋگە كىرىسكەيسىڭ. ماڭگى كەش ەمەس، بارلىعى ەندى باستالادى» دەگەن ءۇنى قۇلاعىما كەلدى. مەن ماحابباتى جاراسپاعان  ءبىر  جاسقا  ۇشىراسىپ  قالدىم. ولار: «ءبىتتى.   ءبارى دە اقىرلاستى» دەدى ەڭسەسى ءتۇسىپ. مەن تاڭىردەن ۇيرەنگەن سوزدەرىممەن وعان: «ماحابباتتارىڭ اقىرلاسقان جوق. ويتكەنى ول مۇلدە باستالعان جوق» دەدىم.

  قولىمنان ۇستاپ ال
 

  ءبىر قارشاداي قىز بالا مەن اكەسى ەكەۋى كوپىردەن ءوتىپ بارا جاتىپتى. اكەسى  قىزىنان  الاڭداپ، قىزىنا:     «قولىمنان ۇستاپ ال،سوندا وزەنگە ءتۇسىپ كەتپەيسىڭ» دەيدى. قىز:

  - جوق، اكە، ءسىز  مەنىڭ   قولىمنان ۇستاپ الىڭىز.

  -مۇنىڭ پارقى بار ما؟-دەيدى اكەسى تۇسىنبەي.

  - پارقى وتە زور،-دەيدى قىزى جاۋاپ قاتىپ:

  - ەگەر ءسىزدىڭ قولىڭىزدى مەن ۇستاسام، ءتۇزۋ جۇرە الماي قۇلايتىنداي  بولسام، قولىڭىزدان  تارتا الماي، قولىمدى جىبەرىپ قويۋىم  مۇمكىن. ءبىراق ءسىز مەنىڭ قولىمنان ۇستاساڭىز، مەيلى قانداي جاعداي بولسا دا، مەنى قولىڭىزدان جىبەرمەيسىز عوي.

  ءبۇلدىرۋ مەن تۇرعىزۋ

  قۇتىرىنا سوققان بوران ۇيلەردى قۇلاتىپ، اعاش بۇتاقتارىن سىندىرىپ جاتتى. بوران سىپىرىپ - سيىرىپ وتكەن بايتاق دالاعا كوزىن تاستاپ تۇرىپ: «مىنا الەمدە مەنەن ۇلى كىم بار ەكەن،قانە؟» دەپ ءتىل قاتتى وكتەمسي. «سەن مىنا قيراپ جاتقان دۇنيەنى قالپىنا كەلتىرىپ تۇزەي الاسىڭ با؟» دەدى بوراندا سىنىپ جاتقان كىشكەنتاي گۇل،-الەمدەگى ەڭ قيىن ءىس دۇنيەنى ءبۇلدىرۋ ەمەس، قايتا اياعىنان تىك  تۇرعىزۋ. ءبۇلدىرۋ   قاشاندا تۇرعىزۋدان الدەقايدا جەڭىل ءىس. سوندىقتان قالاي عانا ۇلى بولماقسىڭ؟« وندا ايتا قويشى،قانە،مەنەن ۇلى كىم بار؟» دەدى قۇتىرىق بوران. كىشكەنتاي گۇل سوناۋ جاقتى نۇسقاپ تۇرىپ: « ويراندالعان  دالادا اتا مەكەنىن قايتا  تۇرعىزىپ  جاتقان ادامدار» دەدى.


اۋدارعان-قانات جۇماش ۇلى




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn