ەەڭ جاڭا مازمۇندار
2022-جىلى 7-ايدىڭ 6 -كۇنى 150 ـ سان
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان
2022-جىلى 7-ايدىڭ 2 -كۇنى 147 ـ سان
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى

كىتاپ

جولدانعان ۋاقىتى : 2015/7/30 19:49:54

  كىتاپ اقىن-جازۋشى، زاڭ-ساياساتكەر، زەرتتەۋشى-مامانداردىڭ ۇيرەنۋ بارىسىنداعى ۇزاق ۋاقىتتىق ءومىر تاجىريبەسى مەن ءبىلىم قورى ارقىلى جيناقتاپ، سارالاپ قورىتىندىلاپ قاعاز بەتىنە تۇسىرگەن رۋحاني زەيىن-زەردەسىنىڭ ەڭبەك جەمىسى بولىپ تابىلادى. ول، ادەبي، ساياسي-نازاريالىق، عىلىم-تەحنيكالىق، ونەر-بىلىمدىك، زەرتتەۋ سيپاتىندىق تاعى باسقا دا جاسامپازدىق تاقىرىپتىق تۇرلەرى بويىنشا وقىرمان ساناسىنا رۋحاني مەدەت بەرىپ، ادامداردى ءومىردىڭ داڭعىل جولىنا، ونەر-بىلىمگە، ءومىردىڭ قۇندى  سونىسىنا  قوعامدىق،الەۋمەتتىك كوركەم مورالمەن العا باستايتىن رۋحاني كۇش-قۋات بولۋمەن قاتار، ادامداردىڭ، ءتىپتى تۇتاس قوعامنىڭ باياندى دامۋىنا تۇرتكىلىك رول اتقاراتىن ماڭىزدى قولدانىلمالىق قۇرال بولىپ تابىلادى.

  ال، شىعارماشىلىقپەن شۇعىلدانىپ كىتاپ جازۋ سان سالالى ءبىلىمدى قاجەت ەتكەنى سياقتى كىتاپ وقۋدىڭ دا وزىندىك عىلمي دەڭگەيى، ءادىس-شاراسى جانە بەلگىلى   كولەمدەگى  شارت-جاعداي ازىرلەۋدى قاجەت ەتەدى. كىتاپ وقۋ اسا زەيىندىلىكتى، توزىمدىلىكتى، وي قورىتىپ تۇجىرىمداۋدى، ابستراكتتان مانگە ءوتۋ سىندى بارىستار ارقىلى كورۋ تۇيسىگى ارقىلى ويلاۋ فورماسىن قالىپتاستىرىپ، ءبىلىم الۋ مەن ءومىردىڭ زاڭدىلىعىن، قۇندىلىعىن تۇسىنۋدەن ادامداردى ەستەتيكالىق جەتەكتەۋ ءتاسىلى ارقىلى مادەنيەتكە، ومىرشەڭدىككە باستايدى. ادامدار ادەتتە كىتاپ وقىعاندا قاجەتكە قاراي كىتاپتى مۇقيات تالداپ-سارالاپ، وقۋ بارىسىندا تانىمدى ايقىنداپ، زەيىندى شوعىرلاندىرىپ، ءتۇسىنىپ وقۋمەن بىرگە، وقىعان كىتاپتان اسەرلەنۋ، ودان بەلگىلى مولشەردە قاجەتتى تۇيىندەرىنە ساي ەستەلىك جازىپ وتىرسا، وقىعان شىعارمانىڭ يدەيالىق مازمۇنىن ونان ارى تياناقتى تۇسىنۋگە، ەستە ساقتاپ، پايدالانۋداعى رەال ماڭىزى توتەنشە زور بولاتىندىعىن تومەن مەجەلەۋگە بولمايدى. دەمەك، ادامدار كىتاپ وقۋدا مىناداي تۇيىندەردى ەسكەرگەنى ءجون:

  ەڭ اۋەلى، ءوزى وقيتىن كىتاپتىڭ مازمۇنىنىڭ قاجەتتىلىككە سايكەسەتىن-سايكەسپەيتىندىگىن باعالاپ الىپ، كىتاپتىڭ مازمۇنىن، ءتۇرىن تاڭداپ الۋ كەرەك.

  ەكىنشىدەن، كىتاپ وقيتىن ورىندى لايىقتى تاڭداپ، كىتاپ وقيتىن ۋاقىتتى دۇرىس مەجەلەگەن ءجون. استە، كىتاپ وقۋ ۋاقىت وتكىزۋ، جول توسۋ، دەم الۋدىڭ قاراسى ەمەس، قايتا تىنىش، ورنىقتى ورىندا ءتۇرلى رۋحاني شارت-جاعدايدىڭ قاجەتتىلىگىنىڭ سايكەسىمدىلىگىنە ساي،كىتاپ وقۋدا مەجەلى ۋاقىت سيستەماسى بويىنشا ورنالاسقان ۇيلەسىمدى ورىن، سايكەسىمدى ۋاقىت بولۋى توتەنشە قاجەتتى.

  ۇشىنشىدەن، كىتاپ وقۋدا زەيىندى شوعىرلاندىرۋ قاجەت. كىتاپ وقۋ بارىسىندا ۇيلەسىمدى ورتادا وقۋ، وقۋ بارىسىندا ويعا ناراۋلىق سالاتىن، تۇسىنىكسىز ءسوز-سويلەمدەردى دەر كەزىندە تالداپ ءتۇسىنىپ، شەشىمىن جاساپ كەتكەن ءجون. كىتاپ وقۋ بارىسىندا وي بىتىراندىلىعىنان، سەزىمنىڭ شاشىراندىلىعىنان بارىنشا ساقتانىپ، وي ءتۇيىنىن وقىعان كىتاپتىڭ مازمۇنىنا بارىنشا شوعىرلاندىرىپ، وي-قيالدى سول وقىعان شىعارما مازمۇنىنا ارالاستىرىپ جىبەرۋ قاجەت. اتاپ ايتقاندا، ورنىقسىز ورتا، الاڭ كوڭىل،جەتكىلىكسىز ۋاقىت كىتاپ وقۋدىڭ قۇنىن ءتۇسىرىپ، ءمان-ماعىناسىن كەتىرۋدەن باسقا دانەڭەسى جوق.

  تورتىنشىدەن، كىتاپ وقۋدا كىتاپ وقۋ مانەرىنە كوڭىل ءبولىپ، ءتۇسىنىپ وقۋ قاجەت. كىتاپ وقۋدىڭ ءوزى داۋىستاپ وقۋ، ىشتەي وقۋ، شولىپ وقۋ سياقتى ءبىرقانشا تۇرگە بولىنەدى. جەكە ادام دەربەس كىتاپ وقۋدا مانەرلەپ، ىشتەي وقۋدىڭ رولى زور بولادى. وندا وقۋ بارىسىندا بايىپتىلىقپەن شىعارمانىڭ جالپى مازمۇنىنا ساي، اۆتوردىڭ ايتپاقشى بولعان وزەكتى ءتۇيىنىنىڭ قالاي بەينەلەنىپ بارا جاتقانىن ءۇزىلىسسىز جۇيەلەپ، ىسپالاپ پىسىقتاپ، وي قورىتىپ تۇيىندەپ وتىرۋ كەرەك. كەرىسىنشە، سالدىر-سۇلدىر وقي سالىپ، ەشنارسەنى تۇسىنە الماي اڭكى-تاڭكى بولىپ، نە ءوزىن، نە شىعارما اۆتورىن كىنالاۋدىڭ دا ەشقانداي قاجەتى جوق. شىعارما بولادى ەكەن، وندا بەلگىلى دەڭگەيدەگى كوتەرگەن تاقىرىبى، ورتاعا سالار ويى بولادى، وقىرمان ونى دا ەلەپ-ەسكەرىپ وقىعانى ءجون.

  بەسىنشىدەن، كىتاپ وقۋ بارىسىندا سول شىعارماعا سىن كوزبەن قاراۋدى دا قاعىس قالدىرماعان دۇرىس. وندا سول شىعارمانىڭ عىلمي قاعيداسىنىڭ دۇرىس- بۇرىستىعىنا، ەملەسىنىڭ، سويلەم فورماسىنىڭ عىلمي دەڭگەيىنە، ءومىر شىندىعىنا جاناسىمدىلىعىنا، ءتالىم-تاربيەلىك قۇنى مەن ەستەتيكالىق اسەرىنىڭ ورنى مەن رولىنا دا سانالى وقىرمان ءوز وي ەلەگى بويىنشا جيناقتاپ، قورىتىندىلاپ وتىرسا، وقىرمان ەڭبەگى دە ەش كەتپەگەن بولار دەپ مەجەلەۋگە بولادى.

  تومەندە كىتاپ وقۋمەن بىرگە، وقىعان كىتاپتان ەستەلىك الۋ تۋرالى قىسقاشا توقتالا كەتەيىك:

  1. وقىعان كىتاپتىڭ نەمەسە شىعارمانىڭ تاقىرىبى، اۆتورى، باسىپ شىعارعان باسپاسى، شىعارمانىڭ بەينەلەگەن داۋىرلىك استارى جايىندا ەستەلىك العان ءجون.

  2. وقىعان كىتاپتىڭ سيۋجەتتىك جەلىسىنە سايكەس ماڭىزدى وقيعالاردىڭ تۇيىندەرىن، وزىنە ەرەكشە اسەرى بولعان  كەيىپكەرلەرىن، عىلمي  نازاريالىق ءتۇيىندى بايىمداۋلارىن، شىعارمانىڭ ورتاعا كوتەرىپ شىعارعان وزەكتى ويىن جيناقتاپ ەستەلىككە الىپ جازىپ قويسا، قاجەتكە ساي ۇنەمىلىك پايدالانۋدا،ەستە ساقتاۋعا پايدالى بولماق.

  3. وقىعان كىتاپتىڭ نەمەسە شىعارما بولىمدەرىنىڭ، مازمۇندىق بولەكتەرىنىڭ، تاراۋلارىنىڭ تۇيىندەرى بويىنشا ەستەلىك العان ءجون.

  4. شىعارمانىڭ كوركەمدىك بەينەلەنۋ تاسىلدەرى جاعىنداعى وبرازدى وي قورىتۋلاردى، كوركەمدەۋ امالدارىنىڭ جۇيەلى، جاندى قولدانىلعان تۇيىندەرىن، ادام رۋحىنا ەرەكشە ەستەتيكالىق اسەر باعىشتايتىن تۇيىندەردى، وقىرماننىڭ وزىنە ۇناعان شىعارماداعى ورنى تابىلىپ جۇيەلى قولدانىلعان ماقال-ماتەلدەردى دە تۇيىندەپ ەستەلىككە الىپ قويۋ قاجەتتى.

  5. وقىعان شىعارمانىڭ شىعا العان بيىگى، جەتىستىكتەرى جانە قۇندىلىعى تۋرالى ءوز قورىتىندىسىمەن قاتار، وقىعان شىعارمانىڭ تۇتاس تۇلعاسى تۇرعىسىنان ءوز پىكىرىن، كوزقاراسىن، شىعارمانىڭ مازمۇندىق جانە فورمالىق جاقتاعى بەلەڭ بەرگەن كەمىستىكتەرىنە دە وي جۇگىرتىپ، جيناقتاپ قورىتىندىلاپ، ەستەلىك الىپ قويعان ورىندى دەپ قاراۋعا بولادى.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.



 
powered by IlgharCMS 3.2 www.ilghar.cn