ەەڭ جاڭا مازمۇندار
فاكتتىڭ جاي-جاپسارىن جىعا تانىپ،سۇرقيالىقتىڭ كەيىپ-كەسپىرىن اشىپ تاستايىق
امەريكانىڭ شينجياڭعا ساياتىن «زاڭ جوبا»نى ماقۇلداعاندىعىنا باتىل قارسى تۇرامىن
تاربيەلەۋ - باۋلۋ قىزمەتى ادامنىڭ ءتىپتى دە جاقسى دامۋىن جۇزەگە اسىرۋدىڭ شاراسى
شينجياڭ ءبىزدىڭ باقىتتى تۇرمىسىمىزدىڭ قۇتتى مەكەنى
ءوز بويىندا بىلىق-شىلىق بولا تۇرا،وزگەنى قالايشا جازعىرا الماق؟
جۇڭگونىڭ شينجياڭدى گۇلدەندىرۋ تابىستارىنا قيسىنسىز كۇيە جاعۋعا،بۇرمالاۋعا جول بەرمەيمىز
رايونىمىز اۋىل شارۋاشىلىعىندا تاعى دا مول ءونىم الدى
جۇڭگونىڭ شينجياڭدى گۇلدەندىرۋ تابىستارىنا قيسىنسىز كۇيە جاعۋعا،بۇرمالاۋعا جول بەرمەيمىز
قىزىعۋلارىڭا بولادى، كۇيە جاعۋلارىڭدى قابىلداي المايمىز
شينجياڭنىڭ تىنىش،بەرەكەلى اسا تاماشا جاعدايىنان كۇماندانۋ قاجەتسىز
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ،ەكونوميكانىڭ جوعارى ساپالى دامۋىن جانە پارتيانى جاپپاي قاتاڭ جونگە سالۋدى بۇلجىتپاي ىلگەرىلەتۋ كەرەك
شينجياڭداعى ءار ۇلت حالقىنىڭ ىنتىماقتى،قايراتتانا العا باسقان قادامىن ءارقانداي كۇش بوگەي المايدى
نازاردى «ەكىدەن تارىقتىرماۋ، ۇشتە قامتاماسىز ەتۋ»گە شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن باتىل قول جەتكىزۋ كەرەك
شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، اسپانى اشىق، جەرى جاسىل،سۋى تۇنىق كوركەم شينجياڭ قۇرۋ كەرەك
«ادامدىق ۇقىق» جەلەۋى سۇرقيا نيەتىن بۇركەمەلەي المايدى
جۇڭگونىڭ ىشكى ىسىنە كيلىككەن «زاڭ جوبا» ىشىنە ارام نيەت بۇككەن،اق پەن قارانى شاتاستىرعان
«دۇنيە جۇزىلىك ۇيعۇر قۇرىلتايى» لاڭكەستىكپەن استاسىپ وتىر
كاسىپتىك شەبەرلىككە تاربيەلەۋدى، باۋلۋدى ورىستەتۋ — شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ نەگىزگى كەپىلى
ادامدىق ۇقىق ماسەلەسىن سىلتاۋراتىپ،جۇڭگونىڭ ىشكى ىستەرىنە كيلىگۋ __ ەسەپشوتتى قاتە سوققاندىق
امەريكا ساياساتپازدارىنىڭ شينجياڭداعى ادامدىق ۇقىقتى قارالاۋ ارەكەتى كولگىرلىك،پاسىقتىق
امەريكا ماقۇلداعان شينجياڭعا ساياتىن «زاڭ جوبا»عا باتىل قارسى تۇراتىندىقتارىن جانە قاتاڭ جازعىراتىندىقتارىن ءبىلدىردى
اۋەلگى ماقساتتى، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ تابىستارىنان شىن مانىندە جاقسى پايدالانىپ، پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ورنالاستىرۋلارىن ناقتى تياناقتاندىرايىق
نەگىزگى ساتى ۇيىمدىق قۇرىلىسىن كۇشەيتىپ، رەفورمانى جاپپاي تەرەڭدەتۋدى ىلگەرىلەتىپ، پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ورنالاستىرۋلارىن ناقتى تياناقتاندىرايىق، ەگجەي-تەگجەيلى تياناقتاندىرايىق
2020-جىلعى ەكونوميكالىق قىزمەتكە تالداۋ جاسادى، زەرتتەۋ جۇرگىزدى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن اقىلداسىپ، ورنالاستىردى
مەن ءتىپتى دە كوپ ادام كورىكتى شينجياڭعا ساياحاتتاپ كەلسە ەكەن دەپ ويلايمىن
تاربيەلەۋ-باۋلۋ ورتالىعى اداسقان مەنى تىڭ تىرشىلىككە يە ەتتى
كاسىپتىك شەبەرلىككە تاربيەلەۋ-باۋلۋ — ادامداردى قۇتقارۋداعى ەڭ زور يگى ءىس
شىندىقتى قيالمەن قيىستىرۋعا كەلمەيدى، شىندىق وتىرىكتى جەڭەدى
2019-جىلى 12-ايدىڭ 9-كۇنى 285-سان
شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ شاراسى ادىلەتتى شارا

توگىلدى جىر جاڭبىرى ۇلۋجاندا

جولدانعان ۋاقىتى : 2015/7/31 19:17:27

توگىلدى جىر جاڭبىرى ۇلۋجاندا










 
 
  ءتىلشىمىز قاجىبەك ايدارحان ۇلى، ۇسىنىس ەتىلگەن ءتىلشى قادىل نۇراقىمان ۇلى حابارلايدى. اۆتونوميالى رايونىمىز قۇرىلعاندىعىنىڭ 60 جىلدىق مەرەيى رايونىمىزدىڭ جەر-جەرىندە الۋان مازمۇندى،تەرەڭ ءماندى سان ءتۇرلى قيمىلدارمەن قارسى الىنىپ جاتىر. مىنە،وسىنداي بەرەكەلى مەرەكەنىڭ الاۋى نۇرىن شاشقان سىعايلى ءساتتىڭ ءبىرى ءوز ايماعىمىزدا دا  ءدۇبىرلى قازاق تويىمەن ۇلاسىپ،60 جىلدىق مەرەيدى مەرەكەلەپ، قازاق جىرىنىڭ،قازاق ونەرىنىڭ ءادىبى تاعى ءبىر ايشىقتالىپ، شىرىشى تاعى ءبىر جايناي اشىلدى.

  «تويدىڭ بولعانىنان بولادىسى قىزىق»  دەمەكشى،تارباعاتاي  ايماقتىق  20-كەزەكتى اقىندار ايتىسى، مادەنيەت-ساياحات مەرەكەسى وتەردەن ەكى كۇن بۇرىن ساۋان اۋدانىنا ات باسىن تىرەگەن ەدىك.

   تىلشىلىك جۇمىسىمىز،اۋەلى، اۋدان ورتالىعىندا ءبىر اراعا جينالىپ، ساباق الىپ، ءدۇبىرلى دودانى كۇتىپ، تىقىرشىپ جاتقان ءار اۋدان، قالادان كەلگەن اقىندار ورتاسىندا ايماقتىق ساياسي كەڭەس قىزمەت كوميتەتىنىڭ ورىنباسار مەڭگەرۋشىسى كارىم دۇيسەنباي ۇلىنىڭ اقىندارمەن بولعان اڭگىمەسىنە ورتاقتاسۋدان باستالدى. كارىم دۇيسەنباي ۇلى اقىندارمەن بولعان بۇكپەسىز اڭگىمەسىندە: ءتىل ءۇشىن، ۇلتتىڭ رۋحى ءۇشىن، ءداستۇرلى مادەنيەت، كوشپەندى مادەنيەت ءۇشىن اقىندار ايتىسىنىڭ ماڭىزى وتە زور بولاتىنىن تىلگە تيەك ەتىپ، اقىندار حالىققا نە ايتىپ، نە جەتكىزۋى كەرەك، حالىق نەنى تىڭداۋدى قاجەت ەتەدى، حالىق اقىندار ايتىسىن نەگە جاقسى كورەدى… بۇل تۇيىندەردى اقىندار ءداپ باسىپ، دۇرىس تانىپ ۇلگىلى ولەڭ ايتۋعا جەلپىندىردى، باعدار كورسەتتى.  استە اقىنداردىڭ باعالانۋ ءۇشىن ايتىسىپ، ايتىستىڭ قۇنىن تومەن ساناماۋىن، شابىتتى ايتىسۋدى، جاقسى ايتىسۋدى قاداپ ايتتى. ايتىس وتكىزۋدىڭ ءبىرىنشى ءمانى استە كىم ءبىرىنشى، كىم ەكىنشى بولۋ ماسەلەسى ەمەس ەكەنىن قايتالاي ورتاعا قويىپ، ودان ارى ايتىس مايدانى ۇلۋجانعا بەت الىپ، سول جەردە ءجۇرىپ جاتقان ءار اۋدان، قالانىڭ جاۋاپتىلارى مەن  ءتۇرلى ونەر باسەكەسىنىڭ جاۋاپتىلارىنان جەكە-جەكە جالپى جاعدايدى تىڭداپ، كوزقاراس، ۇسىنىستارىن ايتىپ، ورنالاستىرۋلار جاسالدى.

  كەشكىسىن ساۋان اۋدانىنىڭ مۋزيكا كلۋبىندا تارباعاتاي ايماقتىق 20-كەزەكتى اقىندار ايتىسى، مادەنيەت-ساياحات مەرەكەسىن قارسى الۋ بايلانىسىمەن وتكىزگەن «ساۋان سالتاناتى» اتىنداعى كونسەرت نومىرلەرى قويىلدى. ساۋان اۋدانىنداعى ءار ۇلت ونەرپازدارى دايىنداعان، ءار ۇلت ونەرىنىڭ جاۋھارى كورەرمەن قاۋىمعا ۇسىنىلعان اسەم  ءان، اسەرلى بيمەن ارلەنگەن كونسەرتتى ساۋان حالقىنان تىس، باسشىلار، اقىن، ونەرپازداردى قامتىعان ءار ايماق،اۋدان، قالالاردان كەلگەن قوناقتار بىرلىكتە  تاماشالادى.

  «توي دەگەندە قۋ باستا دومالايدى» دەمەكشى، 21-شىلدە كۇنى ءار تۇكپىردەن سەرقاراعاي كوركەم تەكشەسىنە قۇيىلىپ جاتقان قوناقتاردى قۇراق ۇشا قارسى الىپ، اق جۇمىرتقاداي اقشاڭقان ۇيلەرگە ورنالاستىرىپ، ساحارا ءتۇسىن سانگە بولەگەن كەش تە ءوتىپ، 22-شىلدە الىس-جۋىقتى ەلەڭدەتكەن تارباعاتاي ايماقتىق 20-كەزەكتى اقىندار ايتىسى، مادەنيەت-ساياحات مەرەكەسى رەسمي باستالىپ كەتتى.

  ءسوز دوداسى، ونەر كورمەسى ەكى كۇنگە جالعاسىپ، 50 مىڭ رەتتەن استام ادام قاتىناسقان بۇل رەتكى مەرەكەنىڭ باستالۋ سالتى ءارقايسى اۋداننان كەلگەن اقىندار، ونەرپازدار، ءادىلقازىلار، سپورتشىلار گرۋپپاسىنىڭ پاراتتان وتۋىمەن باستالسا، ودان ارى مەملەكەت دارەجەلى بەيزاتتىق مۇرانىڭ جالعاستىرۋشىسى جامالقان قاراباتىر قىزى اقبوز اتقا ءمىنىپ، ايتىس تۋىن كوتەرىپ، جەتى اۋداننان جەتى شاكىرتىن قاتارىنا الىپ، القالى توپتىڭ  الدىنان  ايبىنىن اسىرا ءوتىپ، حالىقتىڭ قىزۋ قارسى الۋىنا بولەنىپ جاتتى. كۇي مەن بيگە ۇلاسىپ، كوش كەرۋەنىن قوڭىراۋلاتىپ؛  كوكپارىن  اسپانعا اتىپ؛ تەڭگە ءىلىپ، تەكتىلىگىن تانىتىپ؛ قىزقۋارعا ءتۇسىپ، ەلگەزەكتىگىن ايقىنداعان پاراد پەن ونەر كورسەتۋ سالتى سوڭىنا شىعىسىمەن، اقىندار ايتىسى باستالعاندىعى جاريالاندى. «شاشۋ» ءانى شىرقالىپ، مەملەكەت تۋى شىعارىلىپ، شاتتىقتىڭ كوگارشىندارى اسپان كۇمبەزىن بەتكە الىپ، قاناتتارىن سەرپي قاعىپ، قۇيعىتا كوتەرىلدى. اق شاشۋ شاشىلىپ، اق تىلەك اق ءدام بولىپ ۇلەسكە ءتۇستى.

  قيمىلدىڭ 5-كۇن ءتارتىبى بويىنشا ايماقتىق اكىمشىلىك مەكەمەسىنىڭ ۋاليى سارقىت  اقان ۇلى ءسوز الىپ: «اۆتونوميالى رايونىمىز قۇرىلعاندىعىنىڭ 60 جىلدىعىن جەر-جەردە الۋان فورمامەن سالتاناتتى تويلاپ جاتقان،ايماق بويىنشا اتتانىسقا كەلىپ، ۇلتتار ىنتىماعى العاباسارلىعىنداعى مەملەكەتتىك ۇلگىلى ايماق قۇرۋ ىسىنە بەل شەشە كىرىسكەن،ۇلتتاردىڭ ءداستۇرلى مادەنيەتىنە مۇراگەرلىك ەتىپ، قاستەرلەپ الەمگە ايگىلەگەن ساليحالى ساتتە ەرلىك پەن دارقاندىقتىڭ سيمۆولىنداي ەرەنقابىرعانىڭ بوكتەرىندەگى كورىكتى ۇلۋجان جايلاۋىنىڭ شىلىڭگىر شىلدە ايىنداعى تولىقسىپ تۇرعان شاعىندا باس قوسىپ، ايماعىمىزدىڭ 20-كەزەكتى اقىندار ايتىسى، مادەنيەت-ساياحات مەرەكەسىن سالتاناتتى وزدىرىپ وتىرمىز. وسى ءبىر ورايلى شاقتا، مەن تارباعاتاي ايماقتىق پارتكوم مەن اكىمشىلىك مەكەمەسى اتىنان، تارباعاتايداعى ءبىر ميلليوننان اسا ءار ۇلت حالىق بۇقاراسى اتىنان   مەرەكەنىڭ  مەرەيىن  اسىرۋعا ارنايى ات تەرلەتىپ اق تىلەگىن الا كەلگەن اق ەدىل ەل اعالارىن، ءار دارەجەلى باسشىلاردى، ايگىلى اقىن-جازۋشىلاردى، مايتالمان مامان-زەرتتەرمەندەردى، شومبال شوپاندار مەن ەڭبەككەر ەگىنشىلەردى جانە باسقا دا سيلى قوناقتاردى ىستىق ىقىلاسپەن قىزۋ قارسى الامىن،- دەي كەلىپ وسى رەت ونەر كورسەتەتىن بارلىق ونەرپازدارعا العىسىن ءبىلدىرىپ، جالعاستى،- وسى جولعى اقىندار ايتىسى، مادەنيەت-ساياحات مەرەكەسىنىڭ جەتەكشى يدەياسى  مەن  ماقساتى  _ وسى زامانعى مادەنيەتتى جەتەكشى ەتۋگە تاباندى بولىپ، جۇڭگو كوممۋنيستىك پارتياسى جاقسى، سوتسياليزم جاقسى، ءار ۇلت حالقىنىڭ بەرەكە-بىرلىگى جاقسى دەگەن يدەيانى بەرىك ورناتىپ، ورتالىقتىڭ 2-كەزەكتى شينجياڭ قىزمەتى جونىندەگى اڭگىمە جيىنىنان بەرى قارايعى ايماعىمىزدىڭ تىڭ جاڭالىقتارى مەن تولاعاي تابىستارىن، شارۋاشىلىعى شالقىعان، ساياسيى ورنىقتى، حالقى بەرەكەلى، شەكارا قورعانىسى بەكەم، قوعامى دامىعان تاماشا جاعدايىن اسقاقتاتا جىرلاۋ؛ اقىندار ايتىسى مەن ساياحات كاسىبىن ورگانيكالى ۇشتاستىرىپ، جاڭا بايلىقتىڭ قاينار كوزى بولعان ساياحات كاسىبىن سان قىرىنان ۇگىتتەپ جانە تانىستىرىپ، تاڭعاجايىپ تابيعات كورىنىستەرى مەن ۇلتتىق ەرەكشەلىككە يە ءداستۇرلى مادەنيەتتى ءار قىرىنان تانىتۋ. كورەرمەن قاۋىم ءسۇيىپ تىڭدايتىن ءتىلى شۇرايلى، ويى ءورىستى، باۋراۋ قۋاتى كۇشتى تاڭداۋلى ايتىستار  ارقىلى  اقىندار  ايتىسىنىڭ اتاق-داڭقىن اناعۇرلىم اسىرىپ، ايتىس مەرەكەسىنىڭ مازمۇنىن بايىتىپ، دەڭگەيىن جوعارىلاتۋ بولىپ تابىلادى» دەپ ماڭىزدى ءسوز سويلەپ، تالاپتارىن ورتاعا قويدى. ودان ارى ساۋان اۋداندىق پارتكومنىڭ ورىنباسار شۋجيى، اۋدان اكىمى مۇحتار كارىمبەك ۇلى: «شىلىڭگىر شىلدە ايىندا، ساۋمال سامالى جانعا شيپا بولعان، كوركى كوز تارتقان جاننات مەكەن، ۇلۋجان جايلاۋىنىڭ بيىك تۇرعىسى، گۈل-بايشەشەككە ورانعان سەرقاراعايدىڭ تەپسەڭىندە توڭىرەكتىڭ ءتورت بۇرىشىنان باس قوسىپ، تارباعاتاي ايماقتىق 20-كەزەكتى اقىندار ايتىسى، مادەنيەت-ساياحات مەرەكەسىن سالتاناتتى تويلاپ جاتىرمىز. بۇل رەتكى ايتىس مەرەكەسى اۋدانىمىزداعى ءار ۇلت حالقىنىڭ رۋحاني ومىرىندەگى كەلەلى ءىس. اۋدانىمىزدىڭ مادەنيەت-كوركەمونەر ىستەرىن دامىتۋدا تەرەڭ تاريحي ءمان الادى. وسىنداي ونەر تويىنىڭ 18 جىلدان كەيىن اۋدانىمىزعا اينالىپ كەلگەنىنە  ەرەكشە قۋانىشتامىز! جانە مەن وسى ساليحالى ساتتە ساۋان اۋداندىق پارتكوم مەن حالىق ۇكىمەتى اتىنان، ساۋانداعى 210 مىڭ ءار ۇلت  حالقى اتىنان سىزدەردى قىزۋ قارسى الامىن!» دەپ قارسى الۋ ءسوزىن سويلەگەننەن كەيىن، كوك قاسقا تايعا، اق سارباس قويعا باتا جاسالىپ، سوڭى ايماق، اۋدان ونەرپازدارىنىڭ شاعىن كونسەرتىنە ۇلاسىپ، كونسەرت سوڭىنان الامانعا الاقايلاپ جەتكەن جۇرت، شيىرشىق اتا كۇتكەن تامىرلى دا تاعىلىمدى ونەر جارىسى ــ اقىندار ايتىسى باستالىپ تا كەتتى. ەڭ اۋەلى، ايتىس ساحناسىنا كوتەرىلگەن تەرەڭ دە شىمىر ويدى تولعاپ باستار، ءسوز ساراسىن ىنجۋدەي ءسۇزىپ الىپ، ءدال دە ىقشام تۇستان «توقپاقتاي قاعار» تانىمالى اقىن ناعىمان شۇقان ۇلى مەن كوكتاۋدان قۇلاعان كوكبۇلاقتاي تەنتەك تەبىندى، نە ايتسا دا ارىلىپ، اقتارىپ، قاداپ ايتىپ، ارىپتەسىنىڭ اپشىسىن قۋىرىپ، تىڭدارماننىڭ ارقاسىن قىزدىرىپ، دەلەبەسىن قوزدىرىپ، سوزگە قۇدىرەت بەرىپ، قاسيەتىن اسىرىپ ايتاتىن، التايدان ارناۋلى ۇسىنىسپەن كەلىپ قاتىناسىپ وتىرعان الاشتىڭ اقتانكەرى جاميعا داۋلەت قىزىنىڭ ايتىسىنان باستالدى.

  ءيا، 18 جىل دەمەكشى، قازاعى بار ورتاعا اقىندار ايتىسىنىڭ 18 جىلدان كەيىن  اينالىپ  ارەڭ جەتۋىنىڭ ءوزى رۋحانيات ءۇشىن قىسقا جىل ەمەس قوي. سودان دا سۋساعان حالىق سۋسىنى قانار سۋسامىر ساتكە وزەگى تالىپ شولدەگەندىكى بولار؟.. ەكى اقىننىڭ ايتىسى باستالىپ، بىرەر قايىرىم شابۋىلدان كەيىن-اق ءدۇر ەتىپ كوتەرىلگەن تىڭدارمان قاۋىم، ايتىس ساحناسىنىڭ الدىنا ەنتەلەي كەلىپ جايعاستى، دومبىرانىڭ شاناعىنا قۇلاقتارىن تىرەپ تۇرىپ تىڭدارداي قۇشتارلىقپەن قۇنىعا ەندىركەلەدى. قۇر ەندىركەلەپ، ەنتەلەپ  عانا  قويعان  جوق، اقىن ءسوزىنىڭ قۇنىنا قۇنىعىپ، ايعايعا باسىپ، شاناقپەن بىرگە شاپالاق ءۇنىن اسپانداتىپ، سەرقاراعاي ءتوسىن ءدۇبىرلى توپتىڭ قۋانىشى مەن قۇپتاۋى كەرنەدى.

  وسى رەتكى ەكى كۇنگە جالعاسقان ايتىس بارىسىندا 25 كەزەك ايتىس جاساعان 32 اقىن دومبىرانىڭ ءمولدىر اۋەنىنە تابيعات مىنەزدى ءتاتتى جىرلارىن قوسىپ، مەرەيلى 60 جىلدى، ءداۋىردىڭ اسقاق ءۇنىن، دامىعان قوعامدى، ەلدىك پەن ەرلىكتى، بەرەكە مەن بىرلىكتى، جارقىن زاماندى، شالقىعان تۇرمىس، جاراسىمدى ءومىردى انگە قوستى، جۇرەك سوزدەرىمەن ورىمدەدى. ءوزارا ارىپتەستىك ءازىلدىڭ تىزگىنىن ەركىن قويا بەرىپ، بەرەكەنى ارقاۋ، ءازىلدى تۇزدىق ەتىپ، جىر اۋەنىن ۇلۋجاننىڭ قويناۋ-قويناۋىندا مامىرلاتىپ، كوكوراي شالعىنعا وي – جىلقىسىن ۇيەزدەتىپ، سەرگەك بولمىستى ءسوز سەتەرىن سۇيرىكتەي ءسۇزىلتتى. «ون ويلانىپ، ءجۇز تولعانىپ»، شىڭىراۋدىڭ تۇبىنەن شىمىرلاپ شىققان تۇنىقتاي ءسوز ءمارمارىن تىڭدارمانعا توكپەي-شاشپاي جەتكىزەتىن، ءار ءسوزدى اڭداۋىلداپ، ءار جاۋاپتى بۇرمەلەپ جيىپ جۇرتقا ۇسىناتىن ناعىمان شۇقان ۇلى؛ شالدىقپاي، شاپتىقپاي، شاپقان سايىن قولتىعىن جازار مىنەزدى جۇيرىكتەي، تارازىنىڭ ەكى باسىن تەڭشەپ ايتقان، قازاق ءسوزىنىڭ   سىرتقى  جىلتىراعىن ەمەس، قايتا تىڭدارمانعا تامىرداعى قۋاتىن جەتكىزە جىرلايتىن رايحان بازەن قىزى؛ نازىك ساۋساقتىڭ ءمىنسىز ىسىندەي جيناقىلىقپەن، تازا نيەت، كىرسىز ۇعىممەن جەتكىزەر ويىمەن دە، جەڭىل ازىلىمەن دە جۇرتقا ءسوزى ۇناپ، قاتارىنان وزا شىققان انار بادەلقان قىزى باستاتقان اقىنداردىڭ اقىق جىرى اڭساعان ەلدىڭ وزەگىنە بۇلاق سۋىنداي ماعات تاپتىرىپ، ءنار سيلاپ، ساتىمەن ءوز مارەسىنە جەتتى.

  قازاق ايتىس مەرەكەسىن ايتىس قيمىلى عانا ەمەس، قازاق وركەنيەتىنىڭ توعىسپالى مادەنيەت جارمەنكەسى دەۋ الدەقايدا ءدال انىقتاما بولار ەدى. مىنە، وسىنداي ايتۋلى ءبىر تۇسى دومبىرادا كۇي توككەن داۋىلپاز كۇيشىلەردىڭ كۇي تارتۋ باسەكەسى بولسا، ودان باسقا دا بەل-بەلەستى باسىپ، ۋاقىتتىڭ اسقارالى اسۋلارىنان اسىپ بىزگە جەتكەن بابا مۇرامىز قوبىز تارتۋ باسەكەسى مەن سىزىلتقان سىبىزعى باسەكەسى، تەكتەن جەتكەن تەگەۋىرىندى ونەر تەرمە باسەكەسى قيمىلدىڭ   ءمانىن ودان ارى اسىرا ءتۇستى.

  سپورت تۇرلەرىنەن سوم بىلەكتى، ارىستان جۇرەكتى بالۋاندار مەن كۇش اتاسىن تانىماس، بۋرا ساندى قايرات يەلەرىنىڭ بۇقاشا تارتىسى، قازانداي تاستى قاقپاقشا قولدا ويناتقان تاس كوتەرۋ شەبەرلەرىنىڭ باسەكەسى بولىپ جاتسا، قازاق دويبىسىنىڭ جارىس باسەكەسى، تەرمە باۋ، باۋ-شۋ توقۋ باسەكەسى، مال ءناسىلىن باعالاۋ باسەكەلەرى دە ءوز قىزىعىمەن كورەرمەندەردىڭ كوڭىلىنەن شىعىپ، جينالعان جۇرت تاڭداي قاعا، تامسانا قىزىقتادى. ۇلتتىق قولونەر بۇيىمدارى، كىتاپ، كيىز ءۇي جانە كيىز ءۇي ابزەلدەرى كورمەسى اشىلىپ، تاماشاشىلار مەن الارماننىڭ كوڭىلىن  اۋداردى. ات  بايگەسى ءوتىپ، جۇيرىكتى كورسە قانى قىزاتىن قازاق قاۋىمىنىڭ تاقىمىن قىستىرىپ، دەلەبەسىن قوزدىرىپ، ءلاززاتىن سيلاپ، قىزىعىنا باتىردى.

  مىنە، وسىلاي الۋان ءتۇرلى قيمىلدار تارباعاتاي ايماعىنىڭ ۇلتتىق مادەنيەتىنىڭ بەت-بەينەسىن ايگىلەپ، ۇلتتىق شارۋاشىلىق ىستەرىنىڭ قارقىندى دامۋ بەتالىسىن بەينەلەپ، كورەرمەندەرىن كوز ايىم قىلىپ ءوز سوڭىنا ساتىمەن شىقتى.



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.






 
powered by IlgharCMS 3.2 www.ilghar.cn