ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

باعاقتان بايقاعان،تويدان تۇيگەنىم

جولدانعان ۋاقىتى : 2015/8/3 12:25:07

وجەت ايدارقان ۇلى

  وزگە ۇلتتارمەن سالىستىرعاندا،ۇلتىمىز وزىنە ءتان ءداستورلى تويلارى ءبىرشاما  مول ءارى وسى تويلاردى وتە دابىرالى وتكىزۋگە ءمان بەرگەن.  حالقىمىز ەجەلدەن بەرى ‹‹شاقىرعانعا بار،شاققاننان قاش›› دەپ شاقىرعان جەردەن،اسىرەسە تورقالى تويدان قالماي قاتىناسىپ،تۋىستىق،دوستىق بايلانىسقا قۇرمەت ەتىپ  كەلگەن. بۇگىندە وسى ءبىر تاماشا داستۇرگە  مۇراگەرلىك ەتىپ كەلەدى.

  ەرتە كەزدە ءبىر وتباسىندا توي بولسا،اي بۇرىن ۋاقىتىن تۇراقتاندىرىپ،توڭىرەككە اۋىزشا حابارلاندىراتىن. قازىر قوعامنىڭ دامۋىنا ساي باعاق تاراتۋ راقىلى تويعا شاقىراتىن بولدى.  الايدا،توي باعاعىنا جازىلعان ولەڭدەردى كورسەڭىز كەيبىرى ءتورت جولعا تىزە سالعان ولەڭسىماق تا،ال كەيبىرىندەگى لوگيكاسىز سوزدەردى كورىپ اشۋىڭ كەلەدى. باعاققا جازعان ولەڭنەن ونى جازعان ادامنىڭ اقىندىق ورەسى مەن باعاق باسۋشىنىڭ قابىلەتى،تەحنيكاسىنىڭ قانشالىقتى دەڭگەيدە ەكەنىن ايتپاي-اق كورىپ الۋعا بولادى. ولەڭ جازۋ وتە كيەلى ونەر. ولەڭ ايتپاقشى بولعان ويدى بارىنشا شوعىرلى بەينەلەپ بەرەتىن جانر. سول ءۇشىن ول ەكىنىڭ ءبىرى، ەگىزدىڭ سىڭارىنىڭ قولىنان كەلە بەرەتىن وڭاي شارۋا ەمەس. ەگەر باعاققا ولەڭ جازۋعا تۋرا كەلسە،وندا ولەڭدى جاقسى جازا الاتىن ادامعا جازدىرۋ كەرەك. كەي باعاقتاردا لوگيكاسىز سوزدەر ءجيى كەزدەسسە،ال كەي باعاقتاردا دايەكشە قوياتىن جەرگە دايەكشە قويىلماي،قويىلمايتىن جەرگە دايەكشە قويىلعانىن كورىپ ءجۇرمىز.دايەكشەنىڭ سوزدە،جازۋدا اتقاراتىن رولى وتە جوعارى. وسى ورايدا باعاق باسۋشىلارعا ايتارىم، سوزدەرگە دايەكشە قويۋ مەن قويماۋدىڭ دا بەلگىلى عىلمي قاعيداسى بار،ول قاعيدانى باعاق باسۋشىلار،ءسوزسىز، يگەرىپ الۋلارى كەرەك. ءسىز باعاق باسۋدى نەگىزگى كاسىپ ەتىپ سودان تاپاۋات تاۋىپ  وتىر ەكەنسىز،ەندەشە، باعاق باسۋعا ءسال قاراماي،ءۇتىر-نۇكتەسىنەن تارتىپ سوزدەردىڭ ءوزارا  بايلانىسى مەن لوگيكاسىنا دەيىن قاداعالاي نازار اۋدارىپ، اسا جاۋاپكەرشىلىكپەن ساپالى قىزمەت وتەگەنىڭىز ءجون.

  كەيبىر باعاقتارعا قاراساڭىز،توي يەسىنىڭ اكەسى ومىردەن وتكەن بولسادا اتى-ءجونىن جازعاندا،اكەسىنىڭ اتىن قورشاپ قويادى. كەيبىر قايتىس بولعان ۇلى اكەلەرىن،ياعني  ۇلكەن  اتاسى بالەن دەپ بادىرايتىپ جازىپ قورشاپ قوياتىنىن قايتەسىز. ولاردىڭ نەگە وسىلاي ىستەيتىنىن مۇلدە تۇسىنە المادىم. تويعا شاقىرۋشى ءوز اتى-  ءجونىن جازىپ قويسا بولدى ەمەس پە.

  تويدان تۇيگەندەرىم تۋرالى

  اراقتى ۇلتىمىز نەگىزىنەن بەرتىن كەلە ازداپ تۇتىنا باستادى دا كەيىن كەلە وتباسىنداعى شاعىن باس قوسۋىمىزدان تارتىپ ءتۇرلى توي-تومالاقتارىمىزدا داستارقانىمىزدىڭ ءبىر شەتىنە قازديتىپ قوياتىندى ۇيرەندى.

ونى قۇيماساڭ وتىرىستىڭ ءسانى،تويدىڭ ءمانى جوقتاي سەزىلەدى دە ارتىق  ءىشىپ العاندار ماس بولىپ الىپ،جايىلعان داستارقاننىڭ بەرەكەتىن كەتىرىپ، تويدىڭ شىرقى بۇزىلاتىن. قازىر ادامداردىڭ اراققا بولعان  تۇسىنىگى ايقىندالىپ،اراق توي-تومالاعىمىزدىڭ داستارقانىنان قاعىس قالىپ،ونىڭ ورنىنا ۇلتىمىزدىڭ قورەكتىگى مول سۋسىنى قىمىز بەن ءشۇبات  قۇيىلاتىن بولدى. بۇل ماقتاۋعا،ماقتانۋعا تاتيتىن شارۋا. قازىر تويىمىز نەگىزىنەن  رەسترونداردا وتەتىن بولدى. بۇل توي يەسى ءۇشىن قولايلى بولعانىمەن،كەيبىر جاعى ءسال وعاشتاۋ بولىپ تۇر.

  كۇتۋشىنىڭ كوپ بولۋى

    بۇرىن 5 تە 6 ادام عانا ءبىر تويدىڭ بارلىق جۇمىسىن باسقارىپ شىپ- شىرعاسىن شىعارماي،توي يەسىنىڭ قاجەتىنەن شىعىپ،تويعا كەلۋشىلەردىڭ كوڭىلىنە تولىپ،ءبىر تويدى ءوز مانىندە جولعا سالاتىن. قازىر كۇتۋشىگە 60 دا 70 ادام شاقىراتىندى تاپتى.  بايقاۋعا قاراعاندا،كۇتۋشىنى مۇنشا مول شاقىرۋدىڭ استارىندا مىنانداي ءبىر قانشا ءمان بار كورىنەدى: كەي توي يەسى بىرەۋىن كۇتۋشىگە شاقىرساق،ەندى ءبىرى، رەنجىپ قالادى دەپ ارالاسىپ جۇرگەن كوڭىل جەتەر دوس-جاران،كورشى-قولاڭ، قىزمەتتەستەرىن تۇگەل شاقىرۋعا ءماجبۇر بولسا، كەيبىرەۋى كۇتۋشىگە كوپ ادام شاقىرساق،ولار كۇتۋشى بولعاسىن اقشانى كوبىرەك اكەلەدى دەپ قارايدى ەكەن. ەندى بىرەۋلەرى، كۇتۋشى كوپ بولسا،تويدا ادام كوپ سەكىلدى  كورىنەدى دە وزگەلەر قوعامدا ارالاساتىن    ادامدارى كوپ ەكەن دەپ قارايدى دەيتىن كورىنەدى. امالياتتا توي كۇنى وسى كۇتۋشىلەردىڭ ونشاقتىسى عانا جۇمىس ىستەپ،قالعاندارى توي يەسىنىڭ كوڭىلىنە بولا توبە كورسەتىپ،بەكەرگە ساندالىپ ۋاقىتتى  بوس    وتكىزەدى ەكەن. كۇتۋشىگە شاقىرىلعان ادام تويعا اقشانى كوپ اكەلەدى دەۋ بوس ءسوز. سەبەبى اتامىز قازاق ‹‹بەرەگەن قولىم الاعان››،‹‹بىرەۋدىڭ جامباسىن جەسەڭ،ۇشاڭدى سايلا››دەيدى. سەن ونىڭ تويىنا قانشا اپارساڭ،و دا ساعان سول اپارعان اقشانىڭ توڭىرەگىندە عانا اقشا اكەلەرى داۋسىز.كۇتۋشىلەر كوپ بولسا،تويعا كەلۋشىلەر مىنالاردىڭ قوعامدا ارالاساتىنى كوپ ەكەن دەپ قاراسىن دەۋى نە ءسوز؟مۇنداي جالعان اتاق-ابىرويدىڭ  قاجەتى نە؟ ‹‹ءوزى جاقسى ادامعا مىڭ كىسىلىك  ورىن  بار››،‹‹جاقسىنىڭ دوسى مىڭنان اسادى،جاماننىڭ ماڭىن كىم باسادى›› دەگەندەي،ءوزىڭ وزگەلەرمەن شىعىسىمدى،اينالادارعىلارعا مەيىرىمدى،دوس-جاران،تۋىس-تۋعاندارىڭمەن تاتۋ بولساڭ وندا تويىڭا ولار شاقىرماساڭ دا كەلەدى. ال قوعامدىق ورتادا مەيىرىمسىز بولساڭ،وندا سەنىڭ تويىڭا كىم  كەلەدى.    وسىنداي كوزقاراستا بولعان ادامداردىڭ ويىنىڭ استارىنا  ۇڭىلەر بولساق،ونىڭ قوعامدىق ورتادا وزگەلەرمەن  كوپ  ارالاسپايتىن، تاعى  ەكەنىن ايتپاي-اق اڭعارۋعا بولادى.

  جوعارىدا ايتقانىمىزداي سونشاما كوپ كۇتۋشىدەن توي كۇنى كۇيىنىپ ىستەيتىندەرى تەك ءبىر نەشەۋى عانا.كەي تويلاردا ‹‹كوپ سۋىر ءىن  قازبايدى،ءىن قازسا ءتۇزۋ قازبايدى›› دەگەندەي،سونشا كوپ كۇتۋشىلەرىمىز بىرىنە-ءبىرى سەنىپ نەمەسە باس-باسىنا تارتىپ،تويعا كەلگەن قوناقتارعا ەشكىم دە ءمان بەرمەي،قوناقتاردىڭ رەنجىپ كەتكەنىن كورىپ تە ءجۇرمىز.

     ادەتتە ‹‹توي كوپتىڭ ءىسى››،‹‹توي كوپپەن بىتەدى›› دەپ  جاتامىز.  راسىندا،ءبىر وتباسىندا بولعان ءارقانداي تويدى بىرەر ادامنىڭ جونەلتۋى   مۇمكىن ەمەس. سول ءۇشىن كوپتىڭ شارۋاسى ءارى كوپپەن بىتەتىن تويىمىز ءمان-ماعىنالى ءوتسىن دەسەك،ەڭ اۋەلى،كۇتۋشىگە كۇيىنىپ جۇمىس ىستەپ بەرەتىن جاقىن-جان اشىر    ادامداردى عانا ىقشامداپ شاقىرعانىمىز ءجون.

  مۋزيكانىڭ ءۇنى

  رەسترونداعى تويلاردىڭ دۋماندى ءوتۋى ءۇشىن مۋزيكا اسپاپتارىن ىستەتەمىز. وسى بارىستا تىم زور داۋىسپەن قويىلعان دۇڭكىلدەك مۋزيكادان حالىق ابدەن قاجىپ بولدى. قاراپ  وتىرساڭىز،تويعا كەلگەن كەي ادامدار ۇستەلگە وتىرىپ تاماق اۋىز ءتيىپ   تەزىرەك كەتۋگە اسىقسا، ەندى بىرەۋلەردىڭ تەك ەسىك جاقتان شاشۋىن تىزىمدەتە سالىپ،تاماق اۋىز تيمەي كەتە باراتىنىن،تويدا وتىرعان ادامداردىڭ كوپ ساندىسى مۋزيكا قويىلعاندا ساحنا جاققا تىجىرىنا قارايتىنىن،ءتىپتى كەيبىر ادامداردىڭ مۋزيكا  شالۋشىعا     ‹‹مۋزيكانىڭ داۋىسىن اقىرىنداتشى›› دەپ ايعايلاپ جاتاتىنىن قۇلاعىمىز   ۇنەمى شالىپ ءجۇر. ارينە،ولار وزگەدەن ەمەس،مازانى العان مۋزيكانىڭ جاعىمسىز داۋىسىنان ابدەن مەزى  بولعاندار. تويعا كەلگەن ادامدار كۇندە بىرگە جۇرگەن جوق،ولار توي دامىنەن اۋىز تيە وتىرىپ،ءوزارا اماندىق سۇراسىپ كەڭەسەيىن دەسە، وعان جوعارى داۋىستا قويىلعان مۋزيكا ءۇنى مۇلدە مۇمكىندىك تۋدىرمايدى. تويدان شىققان سوڭ ءبىر قىدىرۋ ۋاقىتقا دەيىن قۇلاعىڭ ءبىتىپ نەمەسە دۇڭكىلدەگەن داۋىس قايتا-قايتا قۇلاعىڭا كەپ مازاڭدى ابدەن الادى.

  تىم ارتىق شۋىلدىڭ ادام دەنساۋلىعىنا بولعان زيانى تۋرالى شەتەل عالىمدارى مىناداي ءبىر سىناق جاساعان. ولار ءبىر قۇدىقتان الىنعان سۋدى ءۇش ستاكانعا قۇيىپ،ءبىرىنشى ستاكاندى ءارى قاتتى،ءارى جاعىمسىز ورىندالعان   مۋزيكانىڭ قاسىنا قويعان. ەكىنشى  ستاكاندى كوشەدەگى ءتۇرلى شۋىل بار ورتاعا اپارىپ قويعان. ال ءۇشىنشى ستاكاندى ءارى باياۋ،ءارى جاعىمدى ورىندالعان مۋزيكانىڭ قاسىنا قويىپ،ءبىر قىدىرۋ ۋاقىتتان كەيىن ءۇش ستاكاندى دا ءبىر مۇزداتقىشتىڭ ىشىنە قويىپ،ابدەن مۇز بولىپ قاتقان سوڭ مۇز كريستالىنا تەكسەرۋ جۇرگىزگەن. وسى بارىستا  ولار ءبىرىنشى ستاكانداعى مۇز كريستالىنىڭ تىم رەتسىز،قالايماقان،ال ەكىنشى ستاكانداعى مۇر كريستالىنىڭ ءبىرىنشى ستاكاننىڭ مۇز كريستالىمەن سالىستىرعاندا ءسال رەتتىلەۋ،ءۇشىنشى ستاكانداعى مۇز كريستالىنىڭ سونداي رەتتى ەكەنىن بايقاعان. وسى تاجىريبەدەن كەيىن عالىمدار شەكتەن تىس قاتتى شۋىلدىڭ سۋدىڭ مولەكۋلاسىنا وسىنشاما اسەر ەتكەنىن ايتا كەلىپ،مۇنداي شۋىلدىڭ ادامنىڭ اسا سەزگىر كلەتكالارىن زاقىمداپ،عۇمىرىن قىسقارتاتىندىعىن،جاعىمدى ءارى باياۋ مۋزيكانىڭ ادامدارعا رۋحاني  ءلاززات باعىشتاپ، ۇزاق جاساۋىنا وزىندىك سەپتىگىن تيگىزەتىندىگىن ەسكەرتكەن. سول ءۇشىن تويدا،الەۋمەتتىك ورتادا دا شاما بار شۋىلدى بارىنشا ازايتىپ،جاعىمدى دا باسەڭ مۋزيكالاردان ءلاززاتتانۋعا     ادەتتەنگەنىمىز ابزال.

  قارتتارىمىزدىڭ باتاسى تۋرالى

  باتا-جاقسى تىلەك  پەن  يگى   ىقىلاستىڭ،اق تىلەكتىڭ ايعاعى. قازاق حالقى ‹‹باتالى قۇل ارىماس،باتاسىز قۇل جارىماس››،‹‹جاڭبىرمەنەن جەركوگەرەر، باتامەنەن ەل كوگەرەر›› دەپ ءارقانداي ءبىر توي-تومالاق يگى ىستەردە اۋىلداعى دۋالى اۋىز،جاسى ۇلكەن قارتتاردان باتا الادى. قارتتار ورامدى وي، شەشەن سوزبەن تاقپاقتاپ،كەيدە قارا سوزبەن ويىنان ورنەكتەپ باتا بەرەدى. ءجۇرىلىپ جاتقان قيمىلدىڭ مازمۇنىنا ساي جۇيەلى باتا بەرگەن قارتتاردى باتاگوي ادام دەپ قۇرمەتتەيدى. قازىرگى تويلاردا كەيبىر قارتتارعا باتا بەرىڭىز دەسە،ساحناعا شىعىپ الىپ جازىپ العان باتاسىن  وقيدى. كەيبىرى جازىپ العان باتانىڭ جازۋىن تاني الماي ‹‹بالام كوزىم جەتپەيدى،مىنانى سەن وقىپ بەرشى›› دەپ اساباعا مىندەتتەيتىنىن قايتەسىز. ءبىر قارتتارىمىز جاتتاپ العان باتاسىن ايتىپ بەرە الماي،ءبىردىڭ باسىن،  ءبىردىڭ اياعىن ايتىپ،بەرگەن باتاسىنان ايتقان قاتاسى كوپ بولىپ ماندىراپ،ساحنادان تۇسەدى. كەيبىرىمىز بۇل  ادامدار قارتايدى،ولارعا سىن جوق دەپ قاراۋىڭىز مۇمكىن، ءبىراق قارتتارىمىزدىڭ ورتامىزداعى ابىرويى باسقاشا،مەنىڭشە،اقىل-ەسى دۇرىس قارتتارىمىز ءۇشىن الىپ ايتقاندا، بىرەر اۋىز باتا بەرۋگە قارتتىق بوگەت بولا المايدى. سوندىقتان قارتتارىمىز باتاعا تولىق دايىندالىپ،تويدىڭ مازمۇنىن قوسىپ تاقپاقتاپ نە قارا سوزبەن كوكەيگە قونىمدى ەتىپ نەمەسە بۇرىنعى وتكەن شەشەن-عۇلامالاردىڭ بەرگەن باتاسىنان بىرەر اۋىزىن جاتتاپ الىپ باتا بەرسە دە بولادى. باتا بەرسىن دەپ قۇرمەتتەپ ساحناعا شىعارعاندا ەشتەمە ايتا الماساڭىز،ىرىقسىز كۇيگە ءتۇسىپ ۇياتقا ءوزىڭىز قالارىڭىز داۋسىز. سول ءۇشىن قارتتارىمىز باتا بەرۋدى تەك تويدا مىندەت وتەۋ عانا دەپ جالاڭ تۇسىنبەي، جۇيەلى  باتا  بەرۋگە  داعدىلانعانى ءجون.

  ءتۇرلى ويىندار تۋرالى

  اتامىز قازاق ‹‹باس تارتپايدى مويىنسىز،توي بولمايدى ويىنسىز›› دەپ تويلاردا ءتۇرلى ويىنداردىڭ بولۋىن ەسكەرتەدى. بۇرىنعى زاماندا ۇلتىمىزدىڭ بايلارى كەلىن ءتۇسىرۋ تويى مەن اس بەرۋدە ات بايگە،بالۋان، قىزقۋار،كوك پار تارتۋ،اقىندار ايتىسى سياقتى ۇلتتىق ويىندارىمىزدى ۇنەمى وتكىزىپ وتىرعان. بۇل قيمىلداردى وتكىزۋدەگى نەگىزگى ماقسات ات-  اتاعىن شىعارۋ ەمەس،قايتا ۇلتىمىزدىڭ ءداستورلى سپورت ويىن تۇرلەرى ۇمىت بولماسىن،جاستارىمىز ءوز ونەرلەرىن كورسەتىپ،ەرەكشەلىكتەرىن  ساۋلەلەندىرسىن،جەتكىنشەكتەر ونەگە الىپ،تويعا جينالعان جۇرت ءتۇرلى ويىنداردى كورىپ ءلاززاتتانىپ كوڭىلدى قايتسىن دەگەن  بولسا،وسى  قيمىلداردىڭ وتكىزىلۋىنىڭ ەندى ءبىر سەبەبى،ەرتە زاماندا ۇلتىمىزدىڭ وسىنداي قيمىلىنا ارنايى قارجى شىعارىپ ۇيىستىرىپ،قولداۋ كورسەتەتىن ۇكىمەت بولماعان. حالقىمىز وسىنداي وتباسىندا بولعان تويلاردا عانا بۇل قيمىلدى وتكىزىپ،سول ارقىلى قۇندى مادەنيەتىمىزدى ۇرپاقتان-ۇرپاققا جالعاپ  وتىرعان.

قازىر اۋقاتى ءبىرشاما جوعارى ەگىنشى-مالشىلارىمىز وتباسىندا توي بولسا ات شاپتىرىپ،بالۋان سالىپ دابىرالى وتكىزۋدە. دەسەدە،‹‹بىرەۋ تويىپ  سەكىرەدى،بىرەۋ توڭىپ سەكىرەدى››، ‹‹بۇقا بۋعا سەمىرسە،ازبان دۋعا سەمىرەدى›› دەگەندەي،مۇنى كورە قالعان كەيبىر ازاماتتارىمىز ءوز ءال-اۋقاتىمەن ەسەپتەسپەي،قۇر اتاققا بوي  ۇرىپ  اناۋ قالتالىلارعا كوزسىزدىكپەن ەلىكتەپ،‹‹سوقىر قارعا دۇرمەككە ۇشادىنىڭ›› كەبىنىن كيىپ،وزگەلەردەن قارىز الىپ تويىندا بايگە سالىپ،‹‹اتتىعا جاياۋ ەرەم دەپ تاڭى ايرىلىپتى›› دەگەندەي، ورىنسىز قارىزدىڭ قۇي باتپاعىنا بەلشەسىنەن باتقاندارى دا  جوق ەمەس. اتامىز قازاق ‹‹الىڭە قاراي اس ءىش، بويىڭا قاراي كيىم ءپىش››،‹‹كورپەڭە  قاراي كوسىل››،‹‹قارعا قاز بولامىن دەپ اياعىن ءۇسىتىپتى›› دەيتىن تاربيەلىك تاعىلىمى توتەنشە زور ماقال-ماتەلدەر ارقىلى ۇرپاقتارعا تاربيە بەرگەن. اۋقاتىڭ كوتەرمەسە نەسىنە اۋرە بولاسىڭ، ەشكىم سەنى تويىندا ات  شاپتىرىپ،بالۋان سالمادى دەپ سوكپەيدى عوي. ودانشا،وتباسىڭنىڭ اۋقاتىن   وڭاپ،وتباسىڭنىڭ قۋانىشى،ۇلتتىڭ ءۇمىتى بولعان اناۋ ءبىر ەكى بالاڭنىڭ كيىمىن بۇتىندەپ،قارنىن اشىرماي، ەل قاتارىندا الاڭسىز وقىت.

  ءارقانداي ءبىر ءىس تىم شەكتەن اسسا ونىڭ زياندى بولاتىنىن جۇرتتىڭ ءبارى بىلەدى. جيىپ ايتقاندا، ءبىز تويىڭىزدىڭ دابىرالى وتۋىنە  قارسى    ەمەسپىز،ءبىراق ءاربىر ادامنىڭ كورپەسىنە قاراي كوسىلىپ ،ورىنسىز شاشىلۋداي زياندى فاكتورلاردان بارىنشا اۋلاق بولىپ،ۇلتىمىزدىڭ وزىنە ءتان توي-تومالاعىن ءوز مانىندە وتكىزىپ،تاماشا سالت-ءداستۇرىمىزدىڭ اقاۋسىز جالعاسۋىنا كۇش سالۋىمىز كەرەك.





رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn