ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

«تىلەپ ەڭبەك ەتپەگەننىڭ تىلەگىنە جەتكەنىن كورگەنىم جوق»

جولدانعان ۋاقىتى : 2015/8/14 11:54:44

  ادامزات قوعامى پايدا بولعاننان باستاپ قازىرگە دەيىن تالايلاعان زاماندى جولعا سالىپ، تالايلاعان ءداۋىردى  باستان وتكەردى. مەيلى قايسى داۋىرگە قادام باسسا دا ەڭبەكتىڭ اتقارعان رولى وتە جوعارى بولدى، سونداي-اق قايسى قوعامعا بارسا دا باي مەن كەدەي سىندى ەكى  ۇيەككە جىكتەلۋ ۇنەمى جالعاسىپ  وتىردى. دەمەك، بۇگىنگى مىناۋ قوي ۇستىنە بوزتورعاي جۇمىرتقالاعان،ءيت مايدان جەرىگەن باياشاتتى قوعامدا باي مەن كەدەي سىندى ەكى ۇيەككە جىكتەلىس ءالى دە ءومىر ءسۇرىپ وتىر. بۇل تەك ءبىر ۇلتتا عانا ەمەس، بارلىق ۇلتتاردا ورتاق ساقتالىپ وتىرعان قۇبىلىس. مۇندا، كەي وتباسى اۋرۋ-سىرقاۋدان تۇرمىس ورەسى تومەندەسە، كەي وتباسى مۇشەلەرىنىڭ بويكۇيەز،جالقاۋ،اراقكەش سياقتى  كومەسكى  سەبەپتەرىنەن دە  كەدەيلەسىپ  وتىر.

  ماقالام ماسكۇنەمدىك پەن جالقاۋلىقتان جۇيكەسى جۇقارىپ، جۇبىنا  جەتكەن ۇلتىمىزدىڭ كەي  ازاماتتارىنا  كەڭەس بەرىپ،اراقتان كۇن ىلگەرى ايىعىپ،جالقاۋلىققا سالىنباي ەڭبەكتەنىپ، ەڭسەسىن ەل قاتارىندا كوتەرىپ  تىرشىلىك ەتۋىنە كەڭەس بەرۋ ماقسات ەتىلەدى.

  ۇرپاقتاردى ەڭبەك پەن ونەر-عىلىمدى سۇيۋگە باۋلۋ قازاق وتباسى ءتالىم-تاربيەسىنىڭ وزەگى  بولىپ سانالادى. قازاق حالقى ەڭبەكتى باقىت، بايلىق قاينارى، ادامزات قوعامىن گۇلدەندىرىپ، الۋەتتەندىرەتىن قوزعاۋشى كۇش دەپ قاراعان. انە سول سەبەپتى اتا-انالار ۇل-قىزىن ەڭبەك جانە ونەر-عىلىمعا جاستايىنان تاربيەلەپ، قاجىرلى، قاراپايىم،ۇنەمشىل، ەڭبەكشىل بولۋعا باۋلىپ وتىرعان. مىنە،وسىنداي تاماشا تاربيەنىڭ ارقاسىندا ۇلتىمىز تاريحىندا ەڭبەگىنە سۇيەنىپ اۋقاتتانعان نە ءبىر اتى ايگىلى باي-ماناپتار بولعان. ولار بەينە ماۋەلى بايتەرەكتەي بولىپ، اينالاسىنداعى جوق-جىتىكتەرگە قول ۇشىن بەرىپ پانا بولعان.

  ۇلتىمىز ۇرپاقتاردىڭ ەڭبەكشىل بولىپ ەرجەتۋى ءۇشىن «ەڭبەگى باردىڭ ونبەگى بار»،«ەڭبەگىڭ قاتتى بولسا،تاتقانىڭ  ءتاتتى بولادى»،«ەڭكەيگەننىڭ ەڭسەسىن ەڭبەك كوتەرەر»،«ەڭبەكسىز ىشكەن اس ارام» دەپ ۇنەمى اقىل بەرىپ، قاشاندا ەڭبەكتى ءسۇيۋدى دارىپتەپ،اس ءىشىپ، اياق بوساتاتىن توعىشارلىقتان بارىنشا  اۋلاق بولۋعا جەتەلەپ وتىرعان.

  قازىر ءبىر وتباسىنىڭ ورىنسىز كەدەيلەسىپ،اۋقاتتانۋىنا ورالعى بولىپ وتىرعان فاكتوردىڭ ءبىرى شەكتەن تىس ماسكۇنەمدىك. وتباسىندا ءبىر ادام اراقكەش بولىپ، اراققا  ابدەن قۇمارتىپ السا، ول كۇندىز-ءتۇنى اۋزى قۇرعاماي  اراق ءىشىپ، مۇلدە تىرشىلىك ەتىپ حارەكەت جاساماي، وتباسىنداعى وزگە مۇشەلەردىڭ تاپقان از عانا تاپاۋاتىن اراققا جۇمساپ قۇرتىپ،«ارىق اتقا قامشى اۋىر» دەگەندەي،ونىسىزدا كىرىسى تومەن وتباسىنا ماسىل بولىپ،سول وتباسىنىڭ ەل قاتارىندا  سەرپىلۋىنە بوگەت بولادى دا سول وتباسى كەدەيلىكتىڭ كەبىنىن كيىپ شىعا كەلەدى. شەكتەن تىس اراقكەشتىك اۋقاتى تومەن وتباسىن بىلاي قويعاندا، اجەپتاۋىر اۋقاتى بار وتباسىنىڭ دا بايلىعىن سۋشا شاشىپ، قۇردىمعا  قۇلاتقانىن  بۇگىنگى كۇنى كوزىمىزبەن كورىپ تە،قۇلاعىمىزبەن ەستىپ تە ءجۇرمىز.

  ەكىنشى ءبىر فاكتور،شەكتەن تىس جالقاۋلىق. ۇلتىمىزدىڭ كەي ازاماتتارى ون ەكى  مۇشەسى ساۋ، تەپسە  تەمىر ۇزەتىندەي الۋەتتى بولا تۇرسا دا، تەر توگىپ ەڭبەكتەنگىسى كەلمەيدى. ولار تەك الما  پىس،اۋزىما  ءتۇس  دەپ، ءبارى دايار تۇرسا مەن شارشاماي - شالدىقپاي شالقادان ءتۇسىپ جاتىپ قانا پايداعا كەنەلسەم دەپ ويلايدى. ءبىراق ءومىر امالياتى ونىڭ بۇل شىرىن قيالىنا ەرىك بەرمەيدى دە  كەرىسىنشە كەتەۋى كەتكەن  كەدەيلىكتىڭ كەبىنىن سيلايدى. ەڭبەك  ەتىپ  تاپاۋات  تاپباعان  سوڭ اقىرىندا « ەڭبەك ەتپەسەڭ نە قورلىققا قالاسىڭ، نە ۇرلىققا باراسىڭ» دەگەندەي،تۇرمىستا  قىسىلعان  سوڭ  وزگەنىڭ مال-مۇلكىنە سۋىق قولىن سۋماڭداتاتىن ادامدىق ءمورالعا  مۇلدە جات قىلىقتاردى  ىستەۋگە  دەيىن  بارادى.  ءسويتىپ، ول ءبىر ءومىرىن ءمانسىز كەدەيلىكپەن،ءيت قورلىقپەن وتكىزسە،مۇنىڭ  كەسىرى وتباسىنداعى ءبىرلى -ەكىلى بالاسىنىڭ ەل قاتارىندا وقۋىنا نۇقسان جەتكىزىپ، بولاشاقتىڭ يەسى، ۇلتتىڭ  ەرتەڭگى  ءۇمىتى  ۇرپاعىن    امالسىزدان  مەزگىلسىز  وقۋدان  قول ۇزدىرەدى. أ. گ. بەلينسكي ‹‹دۇنيەدەگى ادامدار ەكى  ءتۇرلى: ولاردىڭ  ءبىر   ءتۇرى، ءومىرىن بوسقا  وتكىزەدى؛ ەندى ءبىر ءتۇرى، ءومىرىن ءمان - ماعىنالى وتكىزەدى. ءبىرىنشى تۇردەگى ادامدارعا ءومىر بەينە ۇيقى  سەكىلدى سەزىلەدى. ولارشا ەگەردە سول ۇيقىسىن ۇلپاداي جۇمساق،جانعا جايلى توسەكتە وتكىزسە،ولار سوعان ءدان ريزا. ءومىر ەكىنشى  ءتۇرلى ادامدار ءۇشىن ەڭبەك ەتۋ. ادام وسى  ەڭبەكپەن  عانا ءوز    باقىتىنا كەنەلەدى» دەيدى.

  اباي «ەڭبەك ەتسەڭ ەرىنبەي،تويادى قارىنىڭ تىلەنبەي» دەپ سوناۋ ەرتەدە-اق ۇلتىمىزدى ەڭبەكشىل بولۋعا شاقىرسا، باۋىرجان مومىش ۇلى «تەرلەپ ەڭبەك ەتپەگەننىڭ تىلەگىنە جەتكەنىن كورگەنىم جوق» دەگەن ەدى. مىنە  جوعارىداعى عۇلامالار ەڭبەكتىڭ  ادام  ءومىر سۇرۋىنە ەرەكشە رول اتقاراتىنىن تۇسىندىرەدى.

  ادام تۇر عوي، كۇللى الەمدەگى وزگە تىرشىلىك  يەلەرى دە تىنىمسىز  ەڭبەك ەتىپ،سونىڭ  ارقاسىندا ءومىرىن ءوز شاماسىنشا ءماندى وتكىزىپ جاتىر. ءبىر ادامنىڭ تۇتاس ءومىرىن ماعىنالى وتكىزۋى ءارى تىرشىلىكتىڭ تىنباي باياندى جالعاسۋى قاشاندا ەڭبەك ەتۋگە بايلانىستى. ەڭبەك جوق جەردە ونبەك تە جوق. بۇرىنعىلار « ادام  ءۇشىن  ەڭ  عاجابى، ەڭ قىمباتى دا ونىڭ ءومىرىنىڭ ءوزى. ال ءومىر تىرەگى جان-جاقتى، جىگەرلى ەڭبەك ادامى، ەڭبەك توقتاسا ونىڭ تىرشىلىگى دە توقىراي باستايدى»،«تىرشىلىكتىڭ ءتۇپ تامىرى  ەڭبەك،ەڭبەك بولمايىنشا جايقالىپ ءوسۋ مۇمكىن ەمەس» دەيدى بۇرىنعىلار. مىنە، وسى تۇرعىدان قاراعاندا،تىرشىلىكتىڭ تىرەگى، قولقا جۇرەگى ەڭبەك ەكەنىن اڭعارامىز. وتكەندەگى قاي-قاي قوعامدا دا كەدەيلەر بولعان. كوپ ساندى ادامداردىڭ ارمانى بولعانىمەن، دارمەنى جوق، ونىڭ ۇستىنە، تولاسسىز تۋىلعان  سوعىس،ۇركىن-قورقىن، ءتۇرلى تابيعي اپاتتار كەدەيلەردىڭ ەڭسەسىن باسىپ،ەسىن جيعىزبادى. ول زامان مەن بۇل زاماندى سالىستىرار بولساق، قازىر ادامداردىڭ شۇعىلداناتىن كاسىپ   تۇرلەرى مول،زامان تىنىش. قايدا بارساڭ دا ەكى قولعا ءبىر كاسىپ تابىلا كەتەدى. ونىڭ ۇستىنە، پارتيا مەن ۇكىمەت ءتۇرلى جاقتاردان قامقورلىق ەتىپ، بايۋ جولىن نۇسقاپ، قولداۋ كورسەتىپ وتىر. ال ەندى وسىنداي يكەمدى  ورايدى يگەرىپ، اۋقاتتانۋعا قۇلشىنباي اراققا سالىنىپ،جەلكەڭنەن تارتىپ ەرىنىپ ەڭبەك  ەتپەي كەدەيلەسسەڭ، ونى وزىڭنەن كورمەي كىمنەن كورەسىڭ.

  ەڭبەك _ ادامزات قوعامى مەن ادامزاتتىڭ بارلىق رۋحاني قيمىلدارىن جارىققا شىعارۋدىڭ زاتتىق نەگىزى. قوعامداعى ءاربىر ادام ادامزاتتىڭ زاتتىق بايلىعى مەن رۋحاني بايلىعىن عانا ەمەس،سول زاتتىق بايلىق پەن رۋحاني بايلىقتى  جاراتۋشى ادامنىڭ ءوزى ەكەنىن بىلگەنى ءجون.

  قورىتىپ ايتقاندا،ۇلتىمىز ازاماتتارى ەڭبەك بارلىق بايلىقتىڭ باستاۋ كوزى. ەڭبەكسىز ءومىر كەشىرۋ مۇلدە مۇمكىن ەمەس ەكەنىن جىعا تانىپ، ۇرپاقتارعا قاجىرلى،ءبىلىمدى،ەڭبەكشىل، ءوزىن الۋەتتەندىرۋدى ۇيرەتىپ، ءوز كۇشىنە سۇيەنىپ يگىلىك جاراتا الاتىن ۇلت ۇرپاقتارىنان بولۋعا باۋلۋ ءارى وعان ءوز  باسىنان ونەگە تىكتەگەنى ءجون. سوندا عانا كەدەيلىكتىڭ كەسىرىنەن قۇلان تازا قۇتىلىپ،اۋقاتتى ەل قاتارىندا ءومىرىن ءماندى دە ءساندى وتكىزە الادى.



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.



 
powered by IlgharCMS 3.2 www.ilghar.cn