شاعانتوعاي اۋدانى قىزىل مارالدى زاڭسىز قازۋ دەلوسىن اشكەرەلەدى

ءتىلشىمىز لي ميڭشىڭ، ەرىكتى ءتىلشى لي حۋان

   جۋىقتا شاعانتوعاي اۋدانى قىزىل مارالدى زاڭسىز قازۋ دەلوسىن اشكەرەلەپ، ءبىر تونناعا جۋىق ءشوپ  ءدارى قىزىل مارالدى قولعا ءتۇسىردى.

  شىلدە ايىنان بەرى ەكونوميكالىق پايدانى كوزدەگەن زاڭسىز ەلەمەنتتەر شاعانتوعاي اۋدانى بارلىق تاۋىنىڭ شەكارا رايوندارىندا ۇنەمى جابايى  قىزىل مارالدى بەتالدى قازىپ،  جەرگىلىكتى ورىنداعى قىزىل مارالدىڭ سانىن ازايتىپ قالماستان، شەكارا   رايونداردىڭ ەكولوگيالىق ورتاسىن اۋىر دارەجەدە ءبۇلدىرىپ، شەكارا رايونداردىڭ حاۋىپسىزدىگى مەن ورنىقتىلىعىنا قاتەر توندىرگەن.

  شاعانتوعاي اۋداندىق قوعام حاۋىپسىزدىگى مەكەمەسىنىڭ ورمان ساقشى بولىمشەسى شەكارا قورعانىس ۇلكەن اترەتى جانە جايىلىمدى باقىلاۋ ورنى سياقتى تاراۋلارمەن بىرلەسىپ، بىرلەسىپ شارلاۋ گرۋپپاسىن قۇرىپ،  شوعىرلى قيمىل ورىستەتىپ، ويسىراتا سوققى بەرىپ، كوپ رەت بارلىق  تاۋىنىڭ قىستاۋلىعى مەن تەرەكتى   وزەنىنىڭ جاعالاۋىنا تەكسەرۋ جۇرگىزدى. تاۋعا كىرەتىن ماڭىزدى جولدارعا باقىلاۋ جۇرگىزىپ، « ءسوزسىز باسىپ وتەتىن جولداردى بولەكتەرگە ءبولىپ تەكسەرۋ جۇرگىزۋ، ءتۇيىندى رايونداردى بولەكتەرگە ءبولىپ بوگەۋ» سىندى شارالاردى قولدانىپ،      موتوتسيكلمەن جول ىزدەۋ، بوس  اۆتوموبيلمەن كوز بايلاۋ، بولەكتەرگە ءبولىپ تاسىمالداۋ جانە جاياۋ اينالىپ ءوتۋ سياقتى تەكسەرۋدەن قاشىپ   وتەتىن ارەكەتتەردى تەكسەرىپ      ءبىر جايلى ەتتى ءارى گرۋپپالارعا    ءبولىنىپ، ءتۇيىندى رايوندارعا ارالاپ تەكسەرۋ جۇرگىزدى.

  25-شىلدەدە شارلاۋ گرۋپپاسى بارلىق تاۋىنىڭ قايىڭدى سايىندا، جابايى وسىمدىكتەردى زاڭسىز قازعان 40 تان ارتىق ادامدى اداقتاپ، 901 كيلوگرام جابايى قىزىل مارالدى قولعا ءتۇسىردى.
شاعانتوعاي اۋداندىق قوعام حاۋىپسىزدىگى مەكەمەسىنىڭ ورمان شەكارا قورعانىس ساقشى بولىمشەسىنىڭ ساياسي جەتەكشىسى جاڭ يۇڭ: « جابايى وسىمدىكتەردى زاڭسىز قازعانداردىڭ ىشىندە كوپ ساندىسى سىرت جەرلەردەن كەلگەن جۇمىسسىزدار، ولار ‹پيكا› اۆتوموبيلمەن ازىقتىق، داعار جانە قازۋ قۇرالدارىن الىپ، تاڭەرتەڭ كەلىپ، تاۋدان جابايى قىزىل مارال قازىپ، كەشتە ساعات 22 دە قايتىپ، قىزىل مارالدىڭ ءار كيلوگرامىن 12 دە 13 يۋاننان ساتادى» دەدى.

  ۇعىسۋعا قاراعاندا، جابايى قىزىل مارال اۆتونوميالى رايون جاعىنان    ءتۇيىندى قورعالاتىن جابايى وسىمدىك، اۆتونوميالى رايوننىڭ « جۇڭحۋا حالىق رەسپۋبليكاسىنىڭ جابايى وسىمدىكتەردى قورعاۋ ەرەجەسىن» اتقارۋ ءادىسىنىڭ 24-تارماعىندا تەرۋ كۋالىگىن الماعان نەمەسە تەرۋ كۋالىگى مەن تەرۋ ولشەمىندەگى تالاپقا بويسۇنباي اۆتونوميالى رايون جاعىنان  ءتۇيىندى قورعالاتىن جابايى وسىمدىكتەردى قازعانداردىڭ جابايى     وسىمدىكتەردى اكىمشىلىك جاقتان باسقارۋ تاراۋلارى تەرگەن جابايى   وسىمدىكتەرى مەن زاڭسىز پايداسىن ءمۇسادىرالاپ، 30 مىڭ يۋاننان تومەن ايىپ سالادى، تەرۋ كۋالىگى بارلاردىڭ كۋالىگى كۇشىنەن قالدىرىلادى دەپ بەلگىلەنگەن ەكەن.

  جاڭ يۇڭ: « ءبىز جالعاستى قاراستى رايوندارعا ىشكەرىلەي تەكسەرۋ جۇرگىزىپ، جابايى وسىمدىكتەردى زاڭسىز قازۋ قيمىلىنا قاتاڭ سوققى بەرىپ، شاعانتوعاي اۋدانىنىڭ ەكولوگيالىق ورتاسىنىڭ اقاۋسىز دامۋىن قورعايمىز» دەدى.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.