ەەڭ جاڭا مازمۇندار
دۇنيە تاريحىنا التىن ارىپپەن جازىلاتىن قۇرىلتاي
پارتيانىڭ شاپاعاتىن ماڭگى ەستە بەرىك ساقتاپ، ىرىقتىلىقپەن جاۋاپكەرلىك ارقالايمىن
شينجياڭداعى ءار ۇلت بۇقاراسىنىڭ ءتىپتى دە نۇرلى بولاشاعى ءۇشىن تىنباي كۇرەسەمىن
پارتيانىڭ شاپاعاتىنا ماڭگى العىس ايتامىن، پارتيانىڭ سوزىنە قۇلاق اسامىن، پارتياعا ىلەسەمىن
پارتيانىڭ شاپاعاتىنا ماڭگى العىس ايتامىن، پارتيانىڭ سوزىنە قۇلاق اسامىن، پارتياعا ىلەسەمىن
پارتيانىڭ مەيىر - شاپاعاتىن ايتىپ تاۋىسا المايمىن
ايماق كەدەيلىكتەن قۇتىلدىرۋدان قامال الۋ قىزمەتى ءماجىلىسىن اشتى
پارتيا 19-قۇرىلتايىنىڭ رۋحىن شىنايى ۇيرەنۋ، تولىق ءتۇسىنۋ، ناقتى ىستەۋ باسا دارىپتەلدى
ايماقتىڭ ۇگىت-لەكسيا ۇيىرمەسى ءدوربىلجىن اۋدانىندا پارتيا 19-قۇرىلتايىنىڭ رۋحى جونىندە ۇگىت-لەكسيا سويلەدى
سەلبەستىك كووپەراتيۆتەردىڭ دامۋىنا تىڭ وراي جاراتتى
«جىڭعىل گۇلى» ۇگىت اترەتى قۇرىلتاي رۋحىن قىستاق تۇرعىندارىنا جەتكىزدى
جاس وسپىرىمدەردىڭ اقاۋسىز ءوسىپ-جەتىلۋىنە شارت-جاعداي جاراتتى
اۋقاتتى اعانىڭ اۋىلىندا
اۋىلدان قالاعا بەت العان كاسىپكەر
پارتيانىڭ شاپاعاتىنا العىس ايتىپ، اۋەلگى ماقساتتى ۇمىتپاي، پارتياعا ىلەسىپ، بورىشتى ەستە بەرىك ساقتايمىن
شينجياڭدى كوركەيتۋ جولىندا قۇلشىنا كۇرەسەمىن
پارتيانىڭ شاپاعاتىن كوكەيىمدە بەرىك ساقتاپ، پارتياعا ىلەسۋدىڭ، ۇدەرە العا تارتۋدىڭ ونەگەسى بولامىن
پارتيانىڭ مەيىر - شاپاعاتىن ماڭگى ۇمىتپايمىن
ايماقتىق پارتكومنىڭ وزەكتى گرۋپپاسى جيىرما ءبىرىنشى رەتكى كوللەكتيۆ ۇيرەنۋىن وتكىزدى
شۋە بين ايماقتىڭ پارتيا 19-قۇرىلتايى رۋحىن ۇيرەنۋ، دايەكتىلەندىرۋ ارناۋلى كۋرسىندا ساباق سويلەدى
مەنىڭ اكەم جۋىندى جيناۋشى
وقىرمانعا بازىنا
شۋە بين ايماقتىق حالىق قۇرىلتايى قىزمەت كوميتەتى مەن ايماقتىق ساياسي كەڭەس قىزمەت كوميتەتى ورگانىندا تەكسەرۋ-زەرتتەۋ جۇرگىزدى
ايماعىمىزدىڭ قاتىناس تاس جولىن كەمەلدەندىرۋ قىزمەتى شينجياڭ بويىنشا الدىڭعى ورىنعا شىقتى
پارتيا 19-قۇرىلتايى رۋحىن ۇيرەنۋ،دايەكتىلەندىرۋ ورلەۋىن كوتەردى
پارتيا 19-قۇرىلتايى رۋحىن اتىز باسىنا دەيىن جەتكىزدى
«اقتەرەك ءانى» اسقاقتاي بەرسىن
19-قۇرىلتاي رۋحىن ۇيرەنىپ، اۋىل شارۋاشىلىق ماشينالارى ىستەرىنىڭ دامۋ اياق الىسىن
ايماعىمىزداعى ءار ۇلت كادرلارى مەن جۇرتشىلىق 19-قۇرىلتاي رۋحىن ۇيرەنۋدىڭ،
اكىمشىلىك مەكەمەسى 2017-جىلعى توعىزىنشى رەتكى پارتگرۋپپا ءماجىلىسىن اشتى

شارۋالار تور دۇكەنىن قالاي اشادى

جولدانعان ۋاقىتى : 2015/9/14 13:41:50

  ەلەكتروندى ساۋدانىڭ وركەندەۋىنە ساي، ادامداردىڭ تۇرمىسى دا تور ساۋداسىنان قول ۇزە المايتىن بولىپ  بارادى. توراپتىق ساۋداعا قالاداعىلار عانا ەمەس، شارۋالار دا ارالاسىپ، ونداعى  ۇلان-قايىر توپتىڭ مۇشەسى بولۋدا. كوپتەگەن شارۋا، اۋەلى، توردان دۇكەن اشىپ، ينتەرنەتتەگى ساۋداگەرلەر قاتارىنا ءوتتى. ولاردىڭ كەيبىرەۋى ەرەكشە اۋىل شارۋاشىلىعى ونىمدەرىن، كەيبىرى  ۇساق-تۇيەك قولونەر  بۇيىمدارىن ساتىپ، ساۋداسى كۇسەتتەنىپ  كەتتى. كوزگە  كورىنەتىن جاي دۇكەندەردى  قۇرۋعا  قاراعاندا، ينتەرنەتتە دۇكەن اشۋدىڭ  ءادىسى قاراپايىم، وزىندىك قۇنى تومەن، حاۋىپ -قاتەرى از بولۋداي ەرەكشەلىگى بولعانىمەن، ونى شىن مانىندە  جاقسى يگەرىپ  اشۋ  وڭاي-وسپاق ءىس تە  ەمەس. كەيبىر شارۋالار تور دۇكەنىن قالاي اشۋ كەرەك، سونداي-اق قايتكەندە جاقسى اشۋعا بولادى دەيتىن ماسەلەلەرگە قاتتى كوڭىل بولەدى. وقىرماندارعا ازدا بولسا پايداسى تيسە ەكەن دەگەن ويمەن تور  دۇكەنىن اشۋ جونىندە قىسقا دا نۇسقا تۇسىنىك جاساۋدى ءجون كوردىك.

  1-ماسەلە: تور دۇكەنىن اشۋدا قانداي دايىندىقتار ىستەۋ كەرەك؟ ناقتى قانداي تارتىپتەر بار؟

الدىمەن، تور دۇكەنىن اشقاندا نە ساتام دەگەندى ابدەن ويلاستىرۋ كەرەك، ودان كەيىن تور دۇكەنىن اشاتىن ينتەرنەتتەگى  ورىندى، ماسەلەن، تاۋباۋ، تيانماۋ، 1- ءنومىرلى دۇكەن سىقىلدىلاردى تاڭدايسىز. بۇل ماسەلەلەر ايقىن بولعاننان كەيىنگى  ءبىرىنشى قادام - دۇكەن اشۋداعى قاتتى بولشەك دايىندىعىن جاساۋ. ناقتى ومىردەگى دۇكەنگە قاراعاندا، تور دۇكەنىن اشۋدا  قاجەتتى  قاتتى بولشەك  جابدىعى  كوپ  ەمەس، ادەتتەگى جاعدايدا تور دۇكەنىن اشۋعا قاجەتتى نەگىزگى جابدىق - ءبىر كومپيۋتەر مەن ءبىر قول تەلەفون، مۇنىڭ وزىندىك قۇنى مولشەرمەن 10 مىڭ يۋان اينالاسىندا. ەگەر ونىمدەرىڭىزدىڭ سۋرەتىن شىعارۋ كەرەك بولسا، جاقسى سيفرلى اپپاراتىڭىز بولۋ كەرەك، قاجەتتى كەزدە،  سكانەرلەۋ، باسىپ شىعارۋ ءبىر تۇلعالانعان جابدىق تا الاسىز. بۇل جابدىقتاردىڭ وزىندىك جالپى قۇنى 20 مىڭ يۋانداي،  قاجەتكە قاراي بىرتىندەپ تولىقتاۋعا دا بولادى، مۇنىڭ ءبارى جەكەلەردىڭ ءوز ورنالاستىرۋىندا.
 
  ەكىنشى قادامدا، توردا دۇكەن اشۋ، ياعني ەسەپ ءنومىر اشۋ. تاۋباۋ تور ساۋداسىن مىسالعا الساق، وندا دۇكەن اشۋدىڭ باسقىشى ۇلكەن جاقتان تومەندەگىدەي: ساۋداگەرلىك  جىفۋباۋ ەسەپ ءنومىرىن  ءوتىنىش ەتۋ ← ينتەرنەتتە ءوتىنىش ەتەتىن تور بەتىنە شىعۋ ← ينفورماتسيانى جولداۋ ← ينتەرنەتتە كەلىسىم جاساۋ ← بەكىتۋدى كۇتۋ ← كەپىلدىك اقشانى مۇزداتۋ. وسى 6 باسقىش ورىندالسا، دۇكەن اشىلدى دەگەن ءسوز.

  ءۇشىنشى قادامدا، تور دۇكەنىن اشقان سوڭ، تور دۇكەنىنىڭ سالاۋاتىن تۇراقتاندىرۋ كەرەك. ماسەلەن، دۇكەن بەلگىسى، اتى، سونداي-اق دۇكەننىڭ  قىسقاشا تانىستىرۋى، دۇكەن ءتۇرى، ونىمدەردىڭ ناقتى تۇسىندىرمەسى. بۇل جاعىن كاسىپتىك جوبالاۋشىلاردى ۇسىنىس ەتىپ نەمەسە باسقا دۇكەن اشقانداردىڭ  ۇيرەنۋ كۋرستارىنا قاتىناسۋ ارقىلى ۇيرەنۋىڭىزگە بولادى. تور دۇكەنىن اشۋدا تور بەتىنە قاتىستى تەحنيكالىق نەگىزگى اتقارۋلار، ءسوزسىز، بىلۋگە ءتيىستى شەبەرلىك ەسەپتەلەدى. تور دۇكەنىن  جوبالاۋ جۇمىسى اياقتاعان سوڭ، ونىمدەردى جاريالاۋ، دەر كەزىندە جاڭالاپ تۇرۋ، سونداي-اق تور بەتىن رەداكسيالاۋ كەرەك.

2-ماسەلە: تور دۇكەنى قاريدارلارىنا قىزمەت وتەۋ شارالارى قايسىلار؟ ساتۋدان كەيىنگى قىزمەت  وتەۋ قالاي جۇرىلەدى؟

  ينتەرنەتتە دۇكەن اشۋ ناقتى دۇكەن اشقان سەكىلدى، قاريدارلارعا جاقسى  قىزمەت وتەۋ ارقىلى ولارمەن جاقسى بايلانىس ورناتۋدى قاجەت ەتەدى. قالىپتى جاعدايدا، تور دۇكەنى اشىلعاننان كەيىن، توراپتىق  حابار-بايلانىس قۇرالدارى  ارقىلى تاۋار ساتقان جانە ساتىپ العان ەكى جاق ءوزارا ساۋدا ينفورماتسيالارىن اۋىستىرۋ قاجەت. قازىرگى ءۇشىنشى جاق ەلەكتروندىق ساۋدا تەكشەلەرىندە دەرلىكتەي وزىنە ءتان توراپتىق حابار-بايلانىس قۇرالدارى بار. تاۋباۋ تورابىن مىسالعا الساق، ولاردىڭ الي ۋاڭ-ۋاڭ دەيتىن  قۇرالى بار. دۇكەن يەسى رەتىندە ءسىز الي ۋاڭ-ۋاڭنىڭ ەسەپ ءنومىرىن اشىپ، «ءۇش جۇرەكشە» دارەجەگە جەتكەن سوڭ، ءوز ەسەپ ءنومىرىڭىزدى  اشۋىڭىزعا، سول ارقىلى دەر كەزىندە قاريدارلارعا قىزمەت وتەۋىڭىزگە بولادى.

  قاريدارلارعا قىزمەت وتەۋدە دە ءبىر تۇتاس ولشەمدەگى قابىلداۋ رەت ءتارتىبى بار، قالىپتى جاعدايدا، الدىمەن قاريدارعا سالەمدەسكەننەن كەيىن، قانداي قاجەتى بارلىعىن سۇراۋ، سونداي-اق سۇراۋعا  لايىق كاسىپتىك دەڭگەيدەگى جاۋاپتار قايتارۋ كەرەك.  وسىدان كەيىن كەيبىر تاۋارلاردىڭ باعاسى جايىندا ورتاق كەلىسىمگە كەلىپ، باعانى وزگەرتۋ، تاسىمال اقىسى جاقتاردا قاريدارعا كومەك بەرىپ، ەڭ  سوڭىندا سالىستىرىپ تۇراقتاندىرۋ كەرەك. كوڭىل بولۋگە ءتيىستىسى، قاريدارمەن جاقسى  قارىم-قاتىناس قالىپتاستىرۋدا  قىزمەت بارىسىنداعى قاتەلىكتەن قاتتى  ساقتانۋ كەرەك. سونىمەن بىرگە، قاريدارمەن اڭگىمە ەستەلىگى جانە لەبىز قالدىرۋ بەتىنەن جاقسى پايدالانۋىڭىز، جاقسى  ساقتاۋىڭىز  كەرەك. سوڭىرا   تالاس-تارتىس تۋىلىپ قالسا، دالەل-سىپات بولادى.

  تور دۇكەنىن اشۋدا كونە قاريدارلاردىڭ قايتا كەلۋى ەرەكشە ماڭىزدى، سوندىقتان تاۋار ساتقاننان كەيىنگى قىزمەت وتەۋدى جاقسى  جۇرگىزۋ كەرەك.  مۇندا، تاۋار  ساتىلعاننان كەيىن، توردا كەڭەسۋ نەمەسە ەلەكتروندىق پوچتا سياقتى فورمالار ارقىلى قاريدارلارمەن بايلانىس جاساپ، ولاردىڭ تاۋارعا رازى بولعان-بولماعاندىعىن ۇعىسۋ كەرەك. مۇنان سىرت، تاۋارعا قوسىپ كىشكەنە كارتۋچكا نەمەسە تارتۋ-تارالعى جىبەرىپ، راقىمەت ايتىپ، ۇزدىكسىز قارسى الاتىندىعىن ءبىلدىرۋ قاجەت.
  
  3-ماسەلە: تور دۇكەنى ساۋداسىن باسقارۋ مەن توراپتا اقشا تولەۋدى  قالاي ورىنداۋ كەرەك؟

  تور دۇكەنى ساۋداسىنىڭ بۇكىل بارىسى ساتۋشى جانە الۋشى ەكى جاقتىڭ  تاۋار  ينفورماتسياسى، اقشا تولەۋ، زات جولداۋ، باعا قويۋ سياقتى  بۋىنداردى قامتيدى.  ونداعى ساۋدا باسقارۋ 5 ءتۇرلى جاعدايدى قامتيدى: ءبىرىنشى، ساتىپ الۋشىنىڭ اقشا تولەۋىن كۇتۋ، مۇندا، ءبىرى، ساۋدانى توقتاتۋ، ەندى ءبىرى، باعا وزگەرتۋ سىندى 2 ءتۇرلى جاعداي  بولۋى مۇمكىن.  ەكىنشى، ساتىپ الۋشى اقشا تولەيدى. بۇل كەزدە ءسىز قاريدارمەن بىرگە زاكاز مازمۇنى جانە تاۋار جولداناتىن ادرەستى قاداعالاپ تۇراقتاندىرعان سوڭ، زاكازدى تاۋار شىعارۋ تىزىمدىگىنە قوساسىز. ءۇشىنشى، ساتۋشى جاق تاۋاردى جىبەرەدى. بۇل بۋىندا ءسىز تاۋار جىبەرگەن ينفورماتسياڭىزدى ينتەرنەت قۇرالدارى ارقىلى  قاريدارعا جەتكىزىپ، ونىڭ كوڭىلىن الاڭنان ارىلتاسىز. ءتورتىنشى، ساۋدا سوڭىنا شىعادى، ياعني ساتىپ الۋشى تاۋاردى تاپسىرىپ العاننان كەيىن رازى بولادى، سونداي-اق جىفۋباۋ ارقىلى اقشانى سىزگە جولداپ بەرەدى. بەسىنشى، تاۋاردى قايتارۋ. مۇندا، قاريدارمەن تىلدەسىپ، سەبەبىن انىقتاپ، دەر كەزىندە ءبىر جاقتى ەتۋ كەرەك.

  تور دۇكەنى ساۋداسىن باسقارۋدا تاعى ءبىر ەرەكشە ماڭىزدى مازمۇن - تاۋاردى باعالاۋ.  ءار جولعى  ساۋدا اياقتاعاننان  كەيىن، قاريدار ينتەرنەتتە ءسىزدىڭ تاۋارىڭىز بەن قىزمەت وتەۋىڭىزگە بەلگىلى باعا بەرىپ وتىرادى. بۇل تور دۇكەنىنىڭ اتاق-ابىرويى مەن دارەجەسىنە تىكەلەي ىقپال جاسايدى. سوندىقتان كەيبىر باعالارعا  تۇسىنىك جاساۋىڭىز جانە وزگەرتۋىڭىز  كەرەك. ەگەر ناشار باعالار ايتىلعان بولسا، قاريدارمەن  تىلدەسىپ، سەبەبىن  ۇعىسىپ،  ونى  وزگەرتۋ  مۇمكىندىگى بار-جوعىن قاراپ، سول ارقىلى ءوز ماركاڭىزدىڭ  سەنىمدىلىگىنە كەپىلدىك ەتەسىز.

  بۇدان سىرت، اقشا تولەۋ ءادىسى دە توراپ ساۋداسى بارىسىنداعى ماڭىزدى بۋىن. قازىر ەلىمىز ىشىندەگى ەڭ كوپ قولدانىلىپ جۇرگەن اقشا تولەۋ قۇرالى - جىفۋباۋ، ول ءۇشىنشى جاقتىڭ كەپىلدىك تەكشەسى، ساتىپ الۋشى اقشاسىن جىفۋباۋعا ۋاقىتتىق ساقتاپ قويادى،  ساۋدا اياقتالعان سوڭ عانا اقشا ءسىزدىڭ ەسەبىڭىزگە ەنەدى. بۇدان سىرت، توراپ بانكەسى، جەلىدەن سىرت تولەۋ سياقتى ادىستەر دە  قولدانىلادى.  سالىستىرمالى ايتقاندا، جىفۋباۋ كوبىرەك قولدانىلىپ ءجۇر، ءوزى حاۋىپسىز.

  4 -ماسەلە: توراپتىق دۇكەندە قامبادا تاۋار ساقتاۋ مەن تاۋاردى جەتكىزۋ جۇمىستارى قالاي جۇرىلەدى؟

  تور دۇكەنىن اشقان ەكەنسىز، ءسوزسىز، ءونىمىڭىز بولۋ كەرەك. ەندەشە، ءونىمدى قالاي ساقتاپ باسقارۋ كەرەك؟ مۇنىڭ ءوزى ءبىر ءبىلىم. ەگەر ءونىمدى ءوزىڭىز وندىرمەي، باسقالار وندىرگەن  نەمەسە ءونىم جەتكىزۋشى باسقا ورىندار قامداعان بولسا، جەتكىزۋشى جاق سىزگە تاۋاردى جەتكىزگەن كەزدە، تاۋاردىڭ تولىمدىلىعىن، ءسوزسىز، تەكسەرۋىڭىز كەرەك. سودان كەيىن  تاۋار ءنومىرىن  جازىپ، قامباعا  تىزىمدەپ ەنگىزىپ جانە تۇرگە  ءبولىپ  ورنالاستىراسىز.  بۇل ءوزىڭىزدىڭ جانە قىزمەتتەستەرىڭىزدىڭ ارتىنان تاۋاردى ىزدەۋىنە قولايلى بولادى.

  زاكازدى  ەڭ سوڭعى  تۇراقتاندىرۋ  اياقتاعان سوڭ، تاۋاردى ۇيلەسىمدى، حاۋىپسىز كۇيدە قوراپتايسىز. قاريدار قاجەت ەتكەن سانى، ءتۇرى جانە ۇلكەن-كىشىلىگى  بويىنشا تۇرگە ايىرىپ قوراپتاپ شىعاسىز. كوڭىل بولۋگە  ءتيىستىسى، بەرىك قوراپتاپ،  تەربەلىسكە  ءتوزىمدى بولۋىنا،  تاسىمال ۇستىندە ءبۇلىنىپ قالماۋىنا كەپىلدىك ەتۋ كەرەك.

  زات اينالىسى تور دۇكەنى ساۋداسىنداعى ەڭ سوڭعى بۋىن، سونداي-اق قاريدارعا ەڭ جاقىن بۋىن. زات جەتكىزۋشىنى تاڭداعان كەزىڭىزدە، ادەتتەگى جاعدايدا، ۇزاق ۋاقىت  سەلبەسەتىن، باعاسى لايىقتى كەلگەن زات جەتكىزۋ سەرىكتىگىن تاڭداعانىڭىز جاقسى. قازىر  ەلىمىز ىشىندە، باستىسى، پوچتا ارقىلى جانە جىلدام زات جەتكىزۋ سەرىكتىكتەرى ارقىلى تاۋار جەتكىزىلىپ ءجۇر. زات جەتكىزەتىن سەرىكتىكتەردىڭ قويعان باعاسى مەن تيىمدىلىك ساياساتتارى دا ءبىر-بىرىنە ۇقساي بەرمەيدى، ءوز  ءونىمىڭىزدىڭ ەرەكشەلىگىنە  ساي ەڭ لايىقتى  زات  جەتكىزۋ  ءادىسى مەن  سەرىكتىكتى تاڭداپ، تاسىمال اقىسىن مۇمكىندىگىنشە ازايتۋىڭىز، سونىمەن بىرگە، تاۋاردىڭ قاريدار قولىنا تەز دە امان جەتۋىنە كەپىلدىك ەتۋىڭىز كەرەك.

اۋدارعان - كۇناي قۋاتاي قىزى
       
رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.