ەەڭ جاڭا مازمۇندار
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
مەيىرگە شومعان تيانشاننىڭ بار الابىنان كوكتەم لەبى ەستى
جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىن» باسىپ تاراتتى
قالىڭ شاعىن شارۋالاردى استىقتى كوپتەپ ەگۋگە، جاقسى استىق ەگۋگە جەتەكتەپ، مەملەكەتتىڭ استىق حاۋىپسىزدىگىنە بىرگە كۇش قوسىڭىزدار
ساياحات كاسىپ كۇيىن بايىتىپ، ايماقتىڭ ساياحات كاسىبىنىڭ جوعارى ساپالى دامۋىن ىلگەرىلەتەمىز
تارباعاتاي ايماقتىق پارتيا قۇرىلىسىن زەرتتەۋ قوعامى 4 -رەتكى مۇشەلەر قۇرىلتايىن اشتى
2022-جىلى 6-ايدىڭ 30 -كۇنى 145 ـ سان
جازداعى سالتاناتتى كەڭەس، ونان دا ماڭىزدىسى، كوكتەمگى ساپارعا اتتانۋ
شينجياڭ ساياحاتىندا ”قايتا اتتانۋدىڭ“ دابىلىن قاعايىق
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
ءسىز اتپەن كەلىپ ءبىزدى ساپارعا ۇزاتىپ سالعان ەدىڭىز، ءبىز جەڭىسپەن ورالىپ سىزگە قۇرمەت بىلدىرەمىز
قار - مۇز ساڭلاقتارى جۇڭگونىڭ قار قالاسىمەن رومانتيكالى كەزدەستى
شينجياڭ ورتا، شاعىن كاسىپورىندارعا فينانستىق قىزمەت وتەۋ تۇعىرى رەسمي ىسكە قوسىلدى
شينجياڭ ساياحاتىندا ”قايتا اتتانۋدىڭ“ دابىلىن قاعايىق
اۆتونوميالى رايوننىڭ ساياحاتتى دامىتۋ جينالىسى اشىلدى
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
شيحۋ: ءتۇبىتتى ەشكى سوناۋ گۋاڭجوۋعا دەيىن ساتىلىپ، تاماشا كىرىس كوزىنە اينالدى
اۋىل شارۋاشىلىق سەيىل -سەرۋەن باقشاسى اشىلىپ، قوناقتاردى قارسى الدى
ارالاسۋ، ىشتەسۋ، توعىسۋ قيمىلىن ورىستەتىپ، ۇلتتار ىنتىماعىن بىرلىكتە تىلگە تيەك ەتتى
كوكباس جۇگەرى جيناستى
مالشىلاردىڭ قىرقىمىنا كومەكتەستى
2022-جىلى 6-ايدىڭ 29 -كۇنى 144 ـ سان

الپىس جىل ۇشقان ازاماتتىڭ ايتقانى

جولدانعان ۋاقىتى : 2015/10/8 11:19:24

  تيانشاننىڭ تۇستىگى مەن تەرىستىگىندەگى ەكى ۇلكەن ويپاتتى قاناتىمنىڭ استىنا الىپ، توسىممەن مۇز قۇرسانعان اقباس شىڭداردىڭ توبەسىن جاناي، قالىقتاپ كەلەم، قالىقتاپ كەلەم! قانشالىق قالىقتاعانىمدى ءوزىم دە بىلمەيمىن. ەكى قاناتىمنىڭ سىرتىندا ەكى الىپ تاۋ سىلەمى جارىستى دا وتىردى. پاي-پاي، شىركىن، كورىكتى مەكەننىڭ تاۋ، وزەن، سۋلارىن، جاپ-جاسىل نۋلارىن توبەسىنەن قاراپ تاماشالاۋ قانداي باقىت ەدى! مەن وتان انانىڭ ءون بويىنداعى باعا جەتپەس اسىلدارىن دۇربىمەن باقىلاپ، كوڭىل اپپاراتىما قوندىرۋعا ۇلگىرمەي كەلەمىن. تابيعات سيلاعان سۇلۋلىق دۇنيەلەرى كوزىمنەن قاعىس قالماسىن دەپ موينىمدى ەكى يىعىمنىڭ تۇسىنا كەزەك بۇرىپ، كەۋدەمدى كۇنگە ۇستاپ قۇيعىپ كەلەمىن! شەكسىز دە شەتسىز كەڭىستىكتە بۇلتتارمەن بىرگە ساياحاتتاۋ راقات قوي، مەن بەينە ۇجىماقتار دۇنيەسىندە جۇرگەندەي سەزىندىم ءوزىمدى. مۇندايدا باسقانى ويلاۋعا مۇرسات بولۋشى ما ەدى، دەسەدە، بوگدە ءبىر  حيكمەت  قۇدىرەتى قيالىڭداعى كوركەمدىكتەردەن اسىپ تۇسكەندە، ءوزىڭنىڭ نە ىستەپ وتىرعانىڭدى ۇمىتىپ، ەرىكسىزدەن سولاي قاراي قۇلاي كەتەتىنىڭ دە شىندىق قوي!

  مىنە قىزىق، وڭىمنان دا، سولىمنان دا قيساپسىز قىزىل قانات قارلىعاشتار شوعىرى قاتار ۇشىپ قاۋمالاسا، ەندى ءبىر كەزەكتە مويىندارىنا قىزىل  تورعىن   لەنتا  تاعىپ، اۋىزدارىنا ءدان تىستەگەن كوكارشىندار توبى  مەنى ورتالارىنا الىپ، كوپ كەزەڭدەردىڭ كوز ۇشىندا كولبەگەن اسقاردى تۇسپالداپ مامىرلاپ كەلەدى. قۇس قاناتىنىڭ سۋسىلىنا ماساتتانىپ، وسىناۋ كوك جۇزىندەگى الەم-جالەم كورىنىستەرگە راقاتتانا كوز تىكتىم. بەيبىتشىلىك قۇستارى بارعان سايىن  بيىكتەي ۇشىپ، كوك پەن جەردىڭ ورتاسىن قىپ-قىزىل تۇسكە بولەپ، مۇيىستەپ بارادى. سىرتتاي قاراعاندا ءسىز ونى تەك كوركەم كورىنىس قانا دەيسىز بە؟ مەنشە، استە، ولاي ەمەس! شىنتۋايتىنا كەلسەك، ول مەملەكەتتىڭ قىزىل تۋىنان اۋمايدى. مىنە، مەن ءدال وسىنداي قۇدىرەتتى قىزىل تۋدىڭ ورتاسىندا كەلەمىن!

  نەدەگەن سالتاناتتى ساپار ەدى مۇنىم، ءدال قازىر مەن ءوزىمنىڭ  قيال-عاجايىپ ەرتەگىلەرىندە ايتىلاتىن «پەرىلەر الەمىندە» جۇرگەنىمە ءشۇبالانبايتىن بولدىم!
زاۋلاپ كەلەمىز، سامعاپ كەلەمىز! كىلەڭ كۇنگە ىنتىققان قاناتتار تالماي قاعىلىپ كەلەدى، ەسەپسىز كوپ كەزەڭدەردى باسقانىمىزعا ەمەس، حاۋىپ-قاتەرسىز اسقانىمىزعا قۋانىپ كەلەمىز. ول ءوزى ايتپاققا كوپ كەزەڭ بولعانىمەن، ءبارىبىر كوك كەزەڭدەر ەمەس پە ەدى؟ ال، مىناۋ الدىڭعى جاقتا كورىنگەنى قىپ-قىزىل وت كەزەڭنەن اۋمايدى، ونىڭ ۇستىنە ۇشار باسى اسپان كۇمبەزىمەن مىقتاپ جىمداسىپ تۇيىقتالعان، ەندى قايتسەك بولار ەكەن؟!

  وي، ءتايىرى-اي! ءاپ-ساتتە توبەمىزگە ءبىر شوعىر قارا بۇلت ويناپ شىعا كەلمەسى بار ما؟ سول-اق ەكەن، ناجاعاي جارقىلداپ، كۇن كۇركىرەپ، جويداقسىز نوسەر قۇيدى-اۋ كەلىپ. اشۋعا بۋلىققان نايزاعايدىڭ وتتى جاسىلى وق جىلانداي يرەلەڭدەپ بارىپ، قارسىمىزداعى ۇلكەن قاقپانىڭ شويىن قۇلىبىنىڭ تالقانىن شىعاردى. الىپ  ەسىك  شالقايا اشىلعاندا، اسپان كۇمبەزىن جىرتىپ كەتە جازدادى.

  ءبىز اۋەلگى باعىتتان جازعان جوقپىز، وت كەزەڭنىڭ وتىن ءوشىرىپ، قاقپانى    اشۋدىڭ جەڭىسىن قۇتتىقتاپ جار سالىپ بارامىز، ءان سالىپ بارامىز! قاپىرىق تىمىرسىقتان ايىعىپ، بويىن كەڭگە سالعان اق تاماق قارلىعاشتار، كوكارشىندار قاعىنىپ-سىلكىنىپ، بەيبىت دۇنيە كوگىندە ەركىن سامعاۋدا. اسپاندا تەڭگەدەي بۇلت قالماعان، جومارت كۇننىڭ شۇلەن شۇعىلاسى شار تاراپقا شاشىراي توگىلىپ، ۇلى تابيعاتتىڭ تۇلا بويىنا تاۋسىلماس ەنەرگيا سيلادى.

  جاسىرىپ-جابارى جوق، مەنىڭ كوك كەزەڭنىڭ بيىك جوتاسىنا شىعىپ تۇرىپ، كۇندى ماڭدايىما الىپ ۇشقانىما دا ەكى مۇشەل جىل تولعالى تۇر. نانساڭىز، سودان قازىرگە دەيىن  باۋىرىم جەرگە تيگەن جوق. ادامزات ءۇشىن قۇستارشا ۇشىپ، قۇس بولىپ كەتۋ دەگەن وڭاي ما؟ ونى مەنەن سۇراڭىز...

  تاعى دا ۇشىپ كەلەمىن، جول-جونەكەي قوسىلىپ ۇشقان قۇستاردا سان جوق. قۇستارمەن بىرگە ۇشىپ، قۇس بولىپ كەتكەنىمە كوڭىلىم توعايىپ كەلەدى. شەت-شەگى جوق كەدەرگىسىز كەڭىستىكتە سامعاعان قاناتتار بارعان سايىن ءجيى قاعىلىپ، جەر بەتىنىڭ سۇلۋ سىمباتى تاماعىمىزدىڭ استىنا جينالىپ، الىپ جەر شارى  كەۋدەمىزگە قاراي دومالاپ كەلە جاتقان سياقتى. انە، ۇلى قورعاندى دا كورىپ قالدىم. الدىڭعى جاقتان جۇلدىزبەن جازىلعان «ءتورت سويلەم ءسوز» كوزىمە شوقتاي باسىلدى. انشا الىستاپ كەتپەگەنىمەن، لەزدىك ۋاقىتتا بيىكتەپ بارىپ، قۇسجولىنىڭ جيەگىنەن تياناق تاپتى، ەندى مەن ونى شالقايا قاراعاندا عانا كورە العاندايمىن. وتە تانىس جازۋلار ەكەن، داۋىستاپ وقي باستادىم:

  «عىلىم-تەحنيكا»، «اۋىل  شارۋاشىلىعى»، «ونەركاسىپ»، «مەملەكەت قورعانىسى» دەپ جازىلىپتى. قانداي قۇدىرەتتى جارناما دەمەيسىز بە، مىنەكي، زاماندانۋ باستالىپ تا كەتتى.  اسپان مەن جەر، تەڭىز بەن مۇحيت ءبار-ءبارى دە مەن كورگەننەن مۇلدە وزگەشە.

  جەر جوتاسىن كۇجىرەيتىپ بىزگە تامان دومالاپ كەلەدى، دومالاپ كەلەدى! مەن كوزايىم ساتتەردىڭ ءبىرتالايىن ەستەلىككە الدىم. بۇگىنگى ەستەلىگىمنىڭ ءبىرىنشى ءسوزى «2008» دەپ باستالدى. جەر شارىنداعى كەسەك  تۇلعالاردى كوزىمنەن تاسا قىلعام جوق. جەردىڭ قانشا رەت توڭكەرىلگەنىن قايدان بىلەيىن، ايتەۋىر  ەسىمدە قالعانى توكيو مەن ۆاشينگتون، پاريج بەن لوندوندار جۇڭنانحايدىڭ جۇلدىز كوشەلەرى سياقتانىپ، كوز الدىمنان ءوتىپ جاتتى. اپپارات كوزىنە سيماي قالماسىن  دەپ  زەڭگىردىڭ  زەڭگىرىنە ءبىر-اق شىرقاعان سياقتىمىن، قىران ەكەش قىرانداردىڭ دا تومەندەپ ۇشىپ بارا جاتقانىن كورىپ، مەن ءوزىمنىڭ سول قىرانداردان دا اسىپ كەتكەنىمدى سەزىندىم.

  وسىدان كەيىنگى ساپارىمىز ءتىپتى دە قىزىق بولىپ كەتتى. نەسىن ايتاسىڭ، باياعىدا ءوزىم قۇسجولى بويىنان   كورەتىن  عاجايىپ «عىلىم-تەحنيكالار» جاساندى سەرىكتەرگە وزگەرىپ، تۇڭعيىق الەم بوستىعىندا جەر شارىنىڭ بەلىن وراي وراعىتىپ بارادى. كىلەڭ قاناتتى عىلىم، وتە وزىق تەحنيكامەن جابدىقتانعانىن كورگەن جەردەن بىلە قويدىم. ولار ماعان بوتەن كوزبەن قاراعان جوق، ءوز وربيتالارىنان ورىن بەرىپ، قاتارىنا العان كۇيىندە، وقتاي زىمىراپ جەر شارىنىڭ ارعى بەتىنە  جونەپ بەردى. ءوزىم ءوز بولىپ ەڭ ۇزاق ساپارعا شىققانىم وسى ەكەن. ءبىر ءتاۋىرى، ايتەۋ، ارت جاققا قاراماي كەلەمىن. دەنەم وتە جەڭىلدەپ كەتتى، تابەت-زاۋقىم دا وزگەردى. كۇن مەن ءتۇننىڭ، ءتورت ماۋسىمنىڭ وزگەرىسىن پارىقتاي الماي كەلەمىن. اكاۋ، قىزىق بولعاندا باسقا ءبىر الەمگە ءوتىپ كەتكەن جوقپىن با؟ اي شارىنىڭ ءدال توبەسىنەن كەلىپ تۇسكەندەي بولدىم. شولپان دا تىم الىس كورىنگەن جوق، مەركۋري مەن ساتۋرن، پلوتون مەن نەپتۇندار دا عىلىمعا كەلىپ جۇگىندى. عىلىم كۇللى الەمنىڭ جۇرەگىن توعىستىرىپ، قۇدىرەتىن تانىتتى!

  پاي، پاي، پاي! ادامزات ءۇشىن الپىس جىل ۇشۋ دەگەن  وڭاي ما؟ ۇرىنىپ   كەتكەن سياقتىمىن. نەلەر داۋپەرىم قۇبىجىقتار جانىمدى جۇدا ەتكىسى دە كەلدى، ءبىراق مەن ولاردىڭ الدىندا ءوزىمنىڭ ادامزات ەكەنىمدى، جۇڭگولىق ەكەنىمدى ايعاقتاي الدىم.


       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn