ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

داستارقانعا قۇرمەت ەتە بىلەيىك

جولدانعان ۋاقىتى : 2015/10/12 11:54:47

ماقپال ءماۋلىحان قىزى

  قوي ۇستىنەن بوزتورعاي جۇمىرتقالاعان قامسىز زامان. مەيلى مەن نەمەسە سەن بول، قىسى-جازى دەمەي ءار كۇن سايىن بولماسادا ءار اپتادا ءۇش-ءتورت تويدىڭ داستارقانىندا جۇزدەسەتىنىمىز وزگەرمەس قاعيداعا اينالىپ بارا جاتقانداي. «جاقسىلىقتا   كەزىگەيىك» دەپ تىلەيتىن حالقىمىز ءۇشىن بۇلدا بولسا ءبىر عانيبەت.   «توي دەسە قۋ باس دومالايدى». توي حابارى تيىسىمەن الاسۇرىپ اپتىقپاساق تا ىشتەي ەسەبىمىزدى جاساپ،ءساتتى ۋاقىتىندا توي ۇستەلىن تولتىرىپ بولامىز. ويدان-قىردان جينالعان بەيتانىس،ءتۇس تانىس، تانىس بولىپ، ۇستەلدى تولتىرىپ وتىرعان كوپشىلىكتىڭ ءارقايسى ءار قالاي حال، ءار    ءتۇرلى بەينەدە بولسىن، ولارداعى ءسوزسىز بولاتىن ورتاقتىق ءبىر ۇستەلدى قاۋمالاي وتىرعانداردىڭ، ءيا،ءبىرىڭعاي ايەلدەر، ءيا،   ءبىرىڭعاي ەرلەر بولاتىنى تابيعي. مەنىڭ قولىما قالام العىزعانى وزىمە قانىق ايەلدەر ورتاسى تۋرالى وي.

  «كوممۋنيزم قازاقتىڭ  داستارقانىندا» دەپ ۇلتىمىزءداستۇرىنىڭ تارتىمى دا، تاتىمى دا وزگەشە ۇلتتىق تاعامدارىمەن تولعان، كەڭ بايتاق دالاسىنداي داستۇرگە باي داستارقانى اۋەلگى قالپىن قۇرعاتپاي جاڭالانىپ، تولىسىپ، تۇرلەنىپ كەلە جاتقان مايەكتى مادەنيەتىمىزدىڭ ءبىر بولىگى. قازىردە توي سايىن تۇرلەنىپ، ءدامى تاڭدايدا قالار تاعامدارىمىز بەن اقسارباس قويدىڭ باسىنان باستاپ، جامباس،جال-جايا، قازى-قارتامەن تولىسقان تورە تاباق ەت تە ءوزىنىڭ اۋەلگى ءسان-سالتاناتىمەن ۇستەلىمىزدەن ورىن الادى. مەنىڭ ايتقىم كەلگەنى ءدال وسىدان كەيىنگى كەلىسپەستىكتەر.

  ۇلتىمىزدىڭ سالت داستۇرىندە الدىڭا كەلگەن استى توسقىزباۋ بىردەن عۇمىردىڭ ارقاۋى بولعان اسقا قۇرمەت بولسا، ارىراق ايتساق، سول اس يەسىنىڭ ادال ەڭبەگىنە،  جاساعان ىزەت-قۇرمەتىنە، ءبىر ادامنىڭ عۇمىر بوي كۇتەتىن وسىنداي قۋانىشىنا قۇرمەت. بەرىسىن ايتساڭ، ديدار عايىپ دەپ، سول تويدىڭ سەبەبىمەن ءبىر ۇستەلدە دامدەس بولىپ بىرگە وتىرعان  ۇلكەن-كىشىگە قۇرمەت. وسىنداي ورتادا اس باتاسىن كەيىن-اق اتىپ تۇرىپ، الدىڭا كەلگەن ەتتى تۋراۋ قازاقتىڭ پەرزەنتى بولعان ءارقايسى ۇل-قىزدىڭ باس تارتپايتىن بورىشى، ءداستۇر بويىنشا كەلگەندە بۇل بورىشتى سول داستارقان باسىندا وتىرعانداردىڭ ىشىندەگى جاسى كىشىنىڭ اتقارۋى سوزسىزدىك. داستارقان جوسىنىمەن ايتقىزباي الدىنا كەلگەن تاماقتى تۋراۋ سول جاستىڭ باسقاعا بولعان ادەپ-يباسىن، كورگەن ءتالىم-تاربيەسىن، تۇرمىسقا دەگەن ەبىن،ارىسىن ايتساق، تۇرمىستىق جوسىنداردى قاعىس قالدىرماي ۇستانعان، داستۇرگە دەگەن قۇرمەتىن تانىتىپ، ءوز بورىشىن بۇلتارماي ادالاعاندىعىن بەينەلەيدى.

  قازىر ورتامىزدا وسى قاراپايىم جوسىندى تانيتىنداردىڭ ازايىپ كەتكەنىنە قايران قالماي تۇرا المايسىڭ. قايسى توي، قانداي داستارقاندا بولسىن، الدىعا كەلگەن دايار استى تۋرايتىن ءبىر ادامنىڭ شىقپاي، بۋى بۇرقىراعان تورە تاباق ەتتى توسقىزىپ قويىپ، ساقپىنى الا سالىپ، شيكىلى-پىسىلى قۋىرماشتارعا قول سالعاندارعا قاراپ، مىنالار استىڭ ءدامىن بىلمەي مە، جوق، كادەنى بىلمەي مە دەگەن وي كەلەدى دە، قايسىسى تۋرايدى دەپ ءوزىڭنىڭ ۇلكەندىگىڭدى بۇلداپ، جاسى كىشىلەرگە جاپاقتاي قارايسىڭ. «كەيدە تانيتىندارىڭا تۋراپ جىبەرىڭدەر» دەپ ەمەۋىرىن تانىتاسىڭ. ءبارى دە     «مەن ەت تۋراعاندى بىلمەيمىن، سەن تۋراشى» دەيدى تاعى بىرەۋىنە سىلتەپ، سەن ءسويت دەگەنگە سويتە  سالاتىندار  ازايعالى  قاشان. «مەن دە بىلمەيمىن،اناۋ  تۋراسىنشى» دەيدى يەك كوتەرىپ. «جەمەسەڭدەر قوي» دەپ، ءبىر-بىرىمەن  ەگەسىپ، الدىنداعى تاماقتى ءوز تۇسىنان قالاعانىن جۇلىپ جەگەنگە دەيىن بارعان ەنجارلىقتاردى دا كوردىك. اقىرى جوسىنعا باعىنام دەپ داستارقاننىڭ بەرەكەسىن قاشىرىپ العانىڭا كىنالى بولىپ، كەكەتە قاراعان قاباقتارعا قاراپ  قامىعاسىڭ. سوندا ءبىزدىڭ «اس قادىرىن بىلمەسەڭ اشارشىلىق كورەسىڭ» دەپ تۇتاس دۇنيەگە قۇرمەتىن، الدىنا كەلگەن اسقا قۇرمەتتەن باستايتىن سالتىمىز، سول سالت داستۇرگە دەگەن قۇرمەتىمىز قايدا قالدى؟.

  ءبىزدىڭ باسقاعا دەگەن سي- سياپاتىمىزدىڭ تورەسى بولىپ الدىعا كەلەتىن ۇلتتىق تاعامىمىزعا دەگەن قۇرمەتىمىز سول الدىڭا جايىلعان داستارقانعا دەگەن قۇرمەتىمىز، سول داستارقاندى جايعان داستارقان يەسىنە دەگەن قۇرمەتىمىز،كىمدى بولسىن جاتىرقاماي الدىنا اس قوياتىن ۇلتتىق مىنەزىمىزگە دەگەن قۇرمەتىمىز. ولاي بولسا، الدىڭا كەلگەن ەتتى قالاي جەۋ تەك تاماقتانۋ، سول تويدان ءدام تاتۋ ماسەلەسى عانا ەمەس، اتا-بابامىزدىڭ تۇتاس تۇلعامىزعا ءسىڭىرىپ، ەلدىككە ءتان ەرەكشەلىكتەرىمىزدى ايگىلەگەن سالت داستۇرىمىزگە دەگەن قۇرمەتىمىز.

  ءبىر وتباسىنىڭ ۇيتقىسى، ءبىر وتباسىنىڭ تىزگىنىن ۇستاپ،ءبىرءۇيدىڭ تىرەگى بولعان ايەلدەر پىشاق ۇستاپ الدىنا كەلگەن استى تۋراۋدى بىلمەسە، وندا ونى كىم بىلەدى؟!  ايەلدىڭ ەڭ اۋەل ادالدىقپەن ادالايتىنى وسى اس-تاعام بورىشى، ايەل قولىمەن اياعىنا شىقپاسا ايەلدىڭ ايەلدىگى قايدا قالار؟! بۇلاي دەگەندەردىڭ  ءبارى دە كەشە عانا بوساعا اتتاپ، تۇرمىسقا ءالى جاتىلمادى-اۋ دەيتىن جاستار بولسا مەيلى ەدى، وتاۋ كوتەرگەلى نەشە جىلداردىڭ باسىن قايىرىپ، وردانىڭ وشاعىن تۇتاتىپ  وتىرعانداردىڭ ءوزى «پىشاق ۇستاي المايمىن دەپ» كەسىرلەنسە بۇل قالىپتى قۇبىلىس پا؟! بۇلاردى اينالاسىنداعىلاردى الىمسىنبادى دەيمىز بە، ەت تۋراعاندى اۋىرسىندى دەيمىز بە، قالاي ايتساقتا، داستۇرىمىزگە، تۇرمىسىمىزعا، تابيعاتىمىزعا جات وسىنداي ىندەتتەر اۋىز تولتىرىپ ايتۋعا كەلمەيدى دەگەنمەن، ايتپاۋدان ايىبىمىزعا اينالىپ كەتكەنى قانشاما؟!

  سوندىقتان بارلىق اپەكە-سىڭلىلەرىمە ءوزىمىزدى كورە قالعان ۇرپاقتارىمىزعا ونەگەمىز ءورىستى بولۋ ءۇشىن،تۇرمىسقا دەگەن، داستۇرىمىزگە دەگەن قۇرمەتىمىز جايىلعان داستارقانعا دەگەن قۇرمەتتەن، الدىمىزعا كەلگەن اسقا دەگەن قۇرمەتتەن باستاۋ السا ەكەن دەگىم كەلەدى.

       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn