ەەڭ جاڭا مازمۇندار
2020-جىلى 4-ايدىڭ 8-كۇنى 67-سان
قىس ىزعارى قايتىپ، شىعىستان كوكتەم سامالى ەستى
كەدەيلىكتەن ارىلتۋدان قامال الۋدى جاپپاي تەكسەرۋ قىزمەتىن جوعارى ساپامەن ويداعىداي ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە ساندى مالىمەتتىك نەگىز ازىرلەۋ كەرەك
شاعانتوعاي اۋدانى كوكتەمگى تۇقىم ءسىڭىرۋ جۇمىسىن ءدال ۋاعىندا باستادى
ساۋان اۋدانى جۇگەرى تۇقىمىن ءسىڭىرۋ جۇمىسىن باستادى
ۋان جينگاڭ: بورىشى ءۇشىن ءومىرىن ارناعان ادال قورعاۋشى
گۇڭچۇي سىلي: باقىتتى مەكەندى تاپجىلماي كۇزەتكەن قارلى تاۋ قىرانى
لي حۇڭجۋان: قانعا بويالىپ جىعىلسا دا توناۋشىنى قويا بەرمەدى
«ءبىر ءۇيلى جاندار ءوزارا كوڭىل ءبولىپ تۇرۋى كەرەك»
قىزىعا كىتاپ وقىپ،اقاۋسىز ەرجەتەيىك
«جەتىلىم بوگەلىسى كۇنى» ۇگىتىن ورىستەتتى
قالا تۇرعىندارى قاجەتىنە قاراي تارتىپپەن جانارماي قۇيدىردى
2020-جىلى 4-ايدىڭ 5-كۇنى 66-سان
2020-جىلى 4-ايدىڭ 4-كۇنى 65-سان
بۇكىل ەلدىڭ جەر - جەرىندەگى ءار ۇلت حالقى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە قازا بولعان قۇرباندار مەن قايتىس بولعان باۋىرلاستارعا قايعىلى ازا ءبىلدىردى
قازا بولعانداردى ساعىنىشپەن ەسكە الىپ، قايسارلىقپەن العا ىلگەرىلەيىك
تۇتاس رايونىمىزداعى ءار ۇلت كادرلارى مەن بۇقاراسى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە قازا بولعان قۇرباندار مەن قايتىس بولعان باۋىرلاستارعا قايعىلى ازا ءبىلدىردى
ءسوزسىز جەڭىسكە جەتۋ سەنىمىن بەكەمدەپ، حاۋىپ - قاتەردى ورايعا اينالدىرۋعا شەبەر، قامال الىپ قيىندىقتاردى جەڭۋگە باتىل بولىپ، تۇتاس جىلداعى ەكونوميكالىق، قوعامدىق دامۋ نىسانالارىن، مىندەتتەرىن جاپپاي ورىنداۋعا شىنايى كەپىلدىك ەتۋ كەرەك
جىڭ جۇڭحۋا: حالىق ءۇشىن باسىن ءباي تىككەن قاتەردەن قۇتقارۋشى قاھارمان
لي جۋەرۇڭ: حاۋىپتى ساتتە گراناتتىڭ پىلتەسىن تارتقان سودىرعا تاپ بەردى
سۇڭ بينشي: قىزىل قانىمەن ەسكەرتكىش ورناتتى
ءورت ءوشىرۋ،ورتتەن ساقتانۋ اۆتوموبيلى جولىنا بەلگى سىزدى
دۋ جۋان 13 ساۋداگەردىڭ 260 مىڭ يۋان ماياقىسىن كەشىرىم ەتتى
«قاتىسسىز ىسكە» ارالاسۋعا جانى قۇمار ساقا پارتيا مۇشەسى گۋ شىچىڭ
تۋىستاسۋدان تۋىنداعان تەرەڭ سۇيىسپەنشىلىك
 ىندەتتەن ساقتانۋ-تىزگىندەۋ جانە ەكونوميكالىق،قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، بيىلعى ەكونوميكالىق،قوعامدىق دامۋ نىسانالارىن،مىندەتتەرىن قايراتتانا جۇزەگە اسىرۋ كەرەك
حاۋىپسىزدىكتىڭ تومەنگى شەگىن ويداعىداي ساقتاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتەيىك سوتسياليستىك مەكتەپ باسقارۋ بەتالىسىنا تاباندى بولىپ، وقۋ - اعارتۋدىڭ وسىزاماندانۋىن جەدەل ىلگەرىلەتەيىك
پارتيا ورتالىق كوميتەتىنىڭ شەشىمدەرىن،اۆتونوميالى رايوندىق پارتكومنىڭ ورنالاستىرۋلارىن بۇلجىتپاي دايەكتىلەندىرىپ، دەڭگەيدى جوعارىلاتىپ،جاۋاپكەرشىلىك ارقالاۋدى كۇشەيتىپ،ءتۇرلى قىزمەتتىڭ ناقتى،ەگجەي-تەگجەيلى تياناقتانۋىن ىلگەرىلەتۋ كەرەك
اكىمشىلىك مەكەمەسى 2020-جىلعى 9-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى «تومەنگە بەرۋ،باسقارۋ،قىزمەت وتەۋ» رەفورماسىن ۇزدىكسىز تەرەڭدەتۋدى ىلگەرىلەتۋ ارناۋلى تاقىرىپتىق ءماجىلىسىن اشتى

سايگۇلىككە سۇيىسپەنشىلىك - قازاقتىڭ قانىنداعى قاسيەت

جولدانعان ۋاقىتى : 2015/11/5 11:14:33

  جىلقى -تاق تۇياقتىلار وتريادىنىڭ ءبىر تۇقىمداسى. قازبا قالدىقتارى جىلقىنىڭ ءبىزدىڭ زامانىمىزدان بۇرىنعى 7000 جىلدان ارىدا ازيا مەن ەۆروپادا قولعا ۇيرەتىلگەندىگىن دالەلدەپ وتىر. قازىر قازاق دالاسىندا جىلقىنىڭ 16 ءتۇرى وسىرىلەدى. قازاق جەرى جىلقىنىڭ قولعا ۇيرەتىلگەن التىن بەسىگى. ونى سولتۇستىك قازاقستانداعى بوتاي مادەنيەتى ەنەوليت داۋىرىندە (ب. ز. ب. 4-3 مىڭجىلدىق)، ارقايىم ەسكەرتكىشتەرى ورتا قولا داۋىرىندە (ب. ز. ب. 2 مىڭجىلدىق)، قازاقتىڭ بارلىق ايماقتارىندا كەزدەسەتىن اريي، ساق، عۇن كەزەڭدەرىنىڭ ەسكەرتكىشتەرى (ب. ز. ب. 1-مىڭجىلدىق، ب. ز. 2 ع ) دالەلدەپ قانا قويماي، بۇل مالدىڭ ەرەكشە قاستەرلەنگەنىن، اتا-بابالارىمىزدىڭ ادەت-عۇرىپتىق راسىمدەرىنىڭ اجىراماس بولىگىنە  اينالعانىن الەمگە تانىتىپ بەردى. ساقتاردىڭ بالالارى مەن ايەلدەرىنە دەيىن اتقا ءمىنىپ، ونىڭ ۇستىندە سوعىسۋ ونەرىن شەبەر مەڭگەرگەنى، تۇلپارلارىمەن جۇيتكىتىپ شابۋى ەۆروپا، كىشى ازيا، جەرورتا تەڭىزىنىڭ بويىنداعى، مىسىرداعى حالىقتىڭ زارەسىن ۇشىردى. وسى كەزدە بۇل ەلدەردە اتپەن بىرگە جاراتىلعان كەنتاۆرلار تۋرالى اڭىز تارادى. سول زاماننان بەرى جىلقى، شاشاسىنا شاڭ جۇقپايتىن سايگۇلىكتەر -قازاقتىڭ جان سەرىگى.

    اتاقتى سايگۇلىكتەر

  قازاقتار بايگەگە قوساتىن جۇيرىك جىلقىلاردى تۇلپار،  ارعىماق، سايگۇلىك  دەپ ەرەكشە قاستەرلەيدى. سوعان سايكەس ولاردى وزگەشە كۇتىمگە الادى. ويتكەنى، ءداستۇرلى قازاق قوعامىندا سايگۇلىكتەر تەك قانا يەسىنىڭ ەمەس، بۇكىل اۋلەتىنىڭ، رۋىنىڭ، ەلىنىڭ مارتەبەسىن اسقاقتاتاتىن تۇلىك تورەسى. قازاقتا اتاقتى تۇلپارلار، سايگۇلىكتەر از بولعان جوق، قازىر دە بار. قوبىلاندى باتىردىڭ تايبۋىرىلى، الپامىستىڭ بايشۇبارى، قامباردىڭ قاراقاسقا اتى، ەر تارعىننىڭ تارلانى، تىلەۋلى باتىردىڭ «كەز قۇلاق» اتى، قابانبايدىڭ قۋباسى، شاقشاق جانىبەكتىڭ قاراكوگى، بارماق باتىردىڭ ساندالكوگى، اقان سەرىنىڭ قۇلاگەرى، يساتايدىڭ اقتابانى، امانگەلدى باتىردىڭ شالقاسقاسى، كەيكى مەرگەننىڭ كەراتى، قارابەكتىڭ قاراسى، قامىستىڭ شۇبارى، ەرقوسايدىڭ تورىسى، سەيىتباتتالدىڭ سارىسى، تورعاي ەلىنىڭ كوكشاعىرى مەن بوتايشۇبارى، الاقۇسى، قانجيرەنى - سول تۇلپارلاردىڭ جۇلدىزدى ءبىر شوعىرى عانا. وسى ورايدا ەسكە الساق، ءبىز كەزىندە جازىپ العان ەستەلىكتەردە: «شاقشاق جانىبەك، قاراكەرەي قابانباي، تىلەۋلى، ەسەت باتىرلار دۋلىعاسىنا (باس كيىمىنە)، تۇلپارلارىنىڭ توبەسىنە ەجەلگى ساقتاردان قالعان داستۇرگە سايكەس لاۋازىمدىق (قولباسشىلىق) بەلگى - جىعا تاققان. بۇل باتىرلاردىڭ ءبارى دە قازاقتىڭ ۇرىس ءتاسىلى-العادايدا (جەكپە-جەكتە) ۇنەمى جەڭىسكە  جەتىپ، باستارىن ولىمگە تىگۋدەن قايمىقپاعان. سوندا ولار وزدەرىنىڭ قارۋىنا، شايقاسۋ شەبەرلىگىنە عانا ەمەس، استىنداعى مىقتى تۇلپارلارىنىڭ كۇش-قۋاتىنا، سوعىس تاسىلىنە جەتىك ۇيرەتىلگەنىنە دە سەنگەن. تىلەۋلى باتىردىڭ كەز قۇلاق اتى العادايدا جاۋ تۇلپارىن قايمىقتىرىپ تاستايتىن وتە ايبىندى ارعىماق بولىپتى. ول تورعايدان شىققان ۇزىن قىپشاق باتىرلارى ەرنازار، قوسىمبەت (رۋى قۇتتىق) تۋرالى اڭگىمەلەردە ايتىلادى. بۇلار دا شاقشاق جانىبەكتىڭ جورىقتاس سەرىكتەستەرى بولعان» دەپ باياندالادى.

  مۇنىڭ سىرتىندا، كەزىندە بۇكىل جەتىسۋعا ءمالىم بولعان كوكبايتال، وڭتۇستىك قازاقستان مەن قىرعىزستاننىڭ ءبىراز جەرىنە داڭقى جەتكەن قارا ات، XX-عاسىردىڭ الپىسىنشى جىلدارىنداعى ب.

  كىتاپبايەۆتىڭ قۇلانقاراسى، بۇلانقاراسى، جەلماياسى قانداي جۇيرىك جىلقىلار ەدى-اۋ، شىركىن. ال، حالىققا كەڭىنەن تانىس «كەربەسكەر»،  «قارا جورعا»، «بەستاي»،   «بوزجورعا»،    «تەپەڭكوك»،  «ماڭماڭگەر»، «تەلقوڭىر» ءتارىزدى اندەر مەن كۇيلەرگە ارقاۋ بولعان قازاقتىڭ اتاقتى اتتارى دا قانشا ما؟!

  سايگۇلىكتەردىڭ تۇرلەرى

  قازاقتار اتتىڭ ەڭ باستى قاسيەتى - جۇيرىكتىگى، جورىققا توزىمدىلىگى، يەسىنە سەنىمدىلىگى دەپ ساناعان. ءبىزدىڭ اتا-بابالارىمىز جۇيرىك سايگۇلىكتەرىن توپقا  ءبولىپ اتاعان. ولاردىڭ وسى پايىمداۋى بويىنشا، جەل جەتپەس جۇيرىك اتتار ارعىماقتار. سول سەبەپتى: «ارعىماقتى جامانداپ، كانە، تۇلپار تاپقانىڭ؟»، «ارعىماق الدىنا ات  سالماس»، «جۇزدەن جۇيرىك، مىڭنان تۇلپار» دەگەن، ياعني ارعىماقتان كەيىنگى جۇيرىك - تۇلپار. قازاقتىڭ وسى تۇسىنىگىنشە، جاي جۇيرىكتەردەن جوعارىلارى:  جەلقابىز،  ەڭىرەۋ، ءدۇلدۇل، ورەن، شاڭتيمەس، جەلتيمەس، الدىنا ات سالماس، اندىگەر جۇيرىك، كۇلىك جانە ت. ب.

    ەڭىرەۋ. ول - جۇيرىك    سايگۇلىكتىڭ الىسقا شاباتىنى، مايتالمانى، ءدۇلدۇل جۇيرىگى. ەڭىرەۋ سايگۇلىكتەردىڭ شاپقان سايىن دەلەبەسى قوزادى، ادىمى اشىلا تۇسەدى. دەنەسىنەن تەر شىعىپ، تەرىسى كەڭيدى دە قۇلاشتاپ، كوسىلە شابادى. ولاردىڭ ەڭىرەۋ دەپ اتالۋى قىزا شاپقاندا كوزىن تەر باسىپ، ودان تامشىلاپ جەرگە توگىلۋىنەن بولسا كەرەك. جانە دە قازاقتا «ەڭىرەپ تۋعان ەر ەدى» دەگەن ءسوز بار ەمەس پە؟ بۇل ناعىز قاس باتىرلارعا ايتىلاتىن تەڭەۋ عوي. ولاي بولسا، ەڭىرەۋ سايگۇلىكتەر ناعىز قاس تۇلپار، ارعىماقتار.

    جەلقابىز. ول - كوز ىلەسپەس جۇيرىك ات. بايگەگە تۇسىسىمەن-اق الدىنا ات سالمايدى، بىردەن وزا شاۋىپ، ءبىر قالىپتى شابىسىنان جاڭىلماي، كومبەگە ءبىر-اق جەتەدى. مۇنداي جىلقىنى «شىعا  سالما  جۇيرىكتەر» دەپ تە اتايدى. جەلقابىز اتالۋىنىڭ  سىرى:  بالىقتىڭ ىشىندەگى تورسىلداعى-جەلقابىزدىڭ جەلگە تەز ۇشاتىنىنداي جىلدام شاباتىندىعى. سونداي-اق، ءدان قاۋىزى دا جەلمەن تەز ۇشپاس پا. سوعان سايكەستە حالقىمىز مۇنداي سايگۇلىكتەردى «جەلگە ۇشقان قاۋىزداي»، «جەلقاۋىز جۇيرىكتەر» دەپ، كەيىن ولار جەلقابىز اتانىپ كەتكەن كورىنەدى. ايتەۋىر جەلقابىز - جەلدەي ەسكەن جۇيرىكتەر.

    جۇيرىك سايگۇلىككە قۇرباندىق شالۋ

  ءبىزدىڭ اتا-بابالارىمىز سايگۇلىكتەرىن قاتتى قاستەرلەپ، وعان باعا جەتپەيدى دەپ ساناعان. جانە دە جۇيرىگىنەن ەشنارسەنى دە اياماي، ءتىپتى قۇرباندىق تا شالىپتى. ول بىلاي: تاجىريبەلى، داستۇرگە بەرىك اتبەگىلەر جۇيرىك سايگۇلىكتەرىن جۇگەن، شىدەرسىز قۇر جىبەرگەندە، ونى اق جىلىكتەتۋ، اق سۇيەكتەتۋگە شىعارىپ سالعانىندا وعان تاعى ءبىر اتىن قوسىپ، سونى الگى جۇيرىگىنە قۇرباندىق دەپ اتاعان. كەيىن سايگۇلىگى سەمىردى-اۋ دەگەندە الگى قۇربان اتتى سويىپ، جىلىك مايىنا دەيىن تەكسەرىپ، سول ارقىلى  سايگۇلىگىنىڭ  قوڭىن  پايىمداعان، ءتىپتى جۇيرىك بولار قۇلىندى كۇنى بۇرىن بىلگەندە، تاعى ءبىر بۋاز بيەنىڭ قۇلىنىن وعان قۇرباندىققا اتاپ، كەيىن سوياتىن بولىپتى.

  سايگۇلىكتى كەلەڭسىز جاعدايدان ساقتاۋ

   حالقىمىزدا جۇيرىك اتتاردى ءتىل-كوزدەن، كەلەڭسىز جاعدايلاردان قورعاۋ ءۇشىن اتقارىلاتىن سالت-ءداستۇر، ادەت-عۇرىپتار بار. ونىڭ كەيبىرى مىناداي:

1. سايگۇلىكتىڭ جابدىقتارىن اياق استى تاستامايدى، ونى قۇرمەتتەپ ۇستايدى.

2. ات ابزەلدەرىن بيىك جەرگە ءىلىپ قويادى، ول ورىن تازا بولۋعا ءتيىستى.

3. جۇيرىك اتتىڭ جۇگەنىن ەرەكشە قاستەرلەيدى، ونى دالاعا، بەتالدى جەرگە تاستامايدى.

4. جۇيرىكتىڭ ەرىن جۇككە جيىپ قويادى.

5. سايگۇلىكتەرگە (بايگەگە تۇسەتىن، باتىرلار، ەر ادامدار مىنەتىن) ايەلدەردى مىنگىزبەيدى.

6. جۇيرىكتى كوپ ارقاندامايدى، وعان شىدەر، ورە، تۇسامىس سالمايدى، كوبىنەسە بوس قويا بەرەدى.

7. جۇيرىك اتتى مىنىسكە بەرمەيدى، تەكتەن-تەككە يەسى دە مىنبەيدى.

8. جۇيرىك اتتان بۇرىن يەسى ولسە، ونى تۇلداپ سويادى. باسىن تازالاپ مۇجىپ، تازا توبە باسىنا، بيىك اعاش باسىنا اپارىپ قويادى.

9. ساق، عۇن، قىپشاقتاردا ەرتە زاماندا جۇيرىك اتتى يەسىمەن دە جەرلەيتىن سالت بولعان.

10. جۇيرىكتەردى كوز-سۇقتان ساقتاۋ ءۇشىن تۇمار تاققان، وعان كەبىن، كەجىم كيگىزگەن.

11. سايگۇلىكتى كيىز ءۇيدىڭ وڭ جاعىنا جايعاستىرىپ، بەر جاعىنان شىمىلدىق قۇرعان نەمەسە شيمەن كولەگەيلەپ قويعان.

12. جۇيرىك اتتىڭ مۇشەل جاسى - بەستى كەزى. بۇل جاستا كوپ حاۋىپ-قاتەر كەزدەسەتىندىكتەن، بەستى جاسىندا سايگۇلىكتەردى بايگەگە قوسپايدى.

  سايگۇلىكتى ساندەۋ

 جۇيرىكتەردى بىلاي اسەمدەيدى:

 جال-قۇيرىعى اسەمدەلىپ، جۇمىرلانىپ ورىلەدى.

 كەكىلى بۋىلادى.

 كەكىلىنە، جال-قۇيرىعىنا اقتىق بايلانادى. كەيدە ولاردى بىرگە ءورىپ تە قويادى.

جۇيرىكتىڭ قۇيرىعىنا، قۇندىزدىعىنا ۇكىلەر تاعىلىپ، ساندەيدى.

 سايگۇلىكتەردى ويۋلى، سۇلۋ كەبىن-كەجىمدەرمەن كەجىمدەپ اكەلەدى.

 جۇيرىكتەرگە ورمەلى كۇمىستەلگەن جۇگەن، كۇمىسپەن كۇپتەلگەن، التىنمەن اپتالعان جەڭىل دە ءساندى ەرلەر سالادى.

 كەيدە جۇيرىك اتتاردىڭ جالىن تەپ-تەگىس ەتىپ قايشىمەن قيىپ تاستايدى.

  كەيبىر اتبەگىلەر ىرىمداپ، شاباندوزعا وتە جىڭىشكە ساپتى، جەڭىل، سارى الا قامشى بەرەدى.

  ەندى بىرەۋلەر «كوز-سۇق تيەدى» دەپ سايگۇلىگىن ادەيى ساندەمەيدى.

  سايگۇلىككە يىسكەتۋ سالتى 

  قازاقتىڭ كونە داستۇرىندە سايگۇلىكتى بايگەگە قوساردا، ونى رۋحتاندىرۋ ءۇشىن قۇلىن كەزىندە تۋىلعان، وسكەن جەرىنىڭ توپىراعىن، ءسۇتىن ەمگەن ەنەسىن (ءولىپ قالسا قۋ باسىن) يىسكەتەدى. بۇل ءراسىم شاباندوز مىنگەن اتتاردى بايگەگە قوسار جەرگە ايدار الدىندا جاسالادى. ول سايگۇلىكتى دە تۋعان جەرىنىڭ، ەنەسىنىڭ ارۋاعى قورعايدى، وزىپ كەلۋىنە كومەكتەسەدى دەگەن نانىم-سەنىمنەن تۋعان سالت. قازىر دە بۇل سالت  ساقتالعان اۋىلدار بارشىلىق.

  جىلقىعا بايلانىستى فيلوسوفيالىق، مادەني جۇيە

  ول - «ادام جىلقى مىنەزدى»، «جىلقى مالدىڭ پاتشاسى»، «جىلقى تۇلىك تورەسى»، «جىگىتتىڭ سورلىسىن اتتىڭ جولدىسى  تەڭەيدى»، «ات - ەردىڭ قاناتى»، «جىلقى - قازاقتىڭ جان سەرىگى» دەگەن ۇعىمدار. ادامنىڭ ازامات قاتارىنا قوسىلۋىن «ات جالىن تارتىپ ءمىندى» دەپ بەينەلى تۇردە اتايدى،سونداي-اق جاس بالا العاش رەت اتقا مىنگەنىندە قازاقتار «توقىم قاعار» تويىن جاسايدى. ادامدار ءبىر-بىرىمەن ارازداسسا، وزگەلەر ولاردى «ات قۇيرىعىن  كەسىستى»  دەيدى. ەگەردە بىرەۋ ەكىنشى ءبىر ادامنىڭ الدىندا كىنالى بولىپ قالسا، «ات-شاپان ايىبىن تولەيدى»، سيلى قوناق كەلسە، «ات مىنگىزىپ، ارقاسىنا شاپان جابادى»، كۇيەۋ جىگىت قالىڭدىعىنىڭ اۋىلىنا العاش رەت بارعانىندا «ات بايلار» سالتىن جاسايدى. ادامداردىڭ لاۋازىمىنان «اتقا مىنەر»، «اتقوسشى»، «اتشابار» دەگەن سوزدەرمەن حابار بەرەدى.

   سايگۇلىكتىڭ مىنەزى

  جۇيرىك اتتاردىڭ مىنەزى دە قىران قۇستاردىڭ مىنەزىندەي. ولار وتە كەڭ، جۋاس بولىپ وسەدى. ونىڭ استىنان ءوتىپ جاتسا دا ءىش جيماي، تۇرا بەرەدى. سايگۇلىكتەر يەسىنىڭ ىمىن تۇسىنەدى، قالاۋىن سەزەدى. ءار ءتۇرلى ءوتىنىش، جارلىقتارعا تەز  ۇيرەنىپ، «جات»، «تۇر» دەسە، ونى بۇلجىتپاي ورىندايدى. جۇيرىك اتتار اقىلدى كەلەتىندىكتەن، يەسى ۇيگە كىرگىزۋگە نيەت ەتسە، ۇرىكپەيدى، سوڭىنان ەرەدى. سەزىمتال جانۋار بولعاندىقتان، سايگۇلىكتەردى ەركىن قويا بەرەدى، ولار ەشقايدا كەتىپ قالمايدى، يەسىنەن ۇزامايدى. سايگۇلىكتەر يەسىن جاقسى كورەتىندىكتەن قانداي جاعدايدا دا ولاردى دالاعا تاستاپ كەتپەيدى، اۋىرىپ، جارالانىپ، جەرگە قۇلاپ قالسا، جانىندا قورعاپ تۇرادى. حاۋىپ-قاتەرلەردى سەزىپ، يەسىن وعان جولاتپاۋعا تىرىسادى. سوعىس كەزىندە مينا قويىلعان القاپقا تاپ بولعانىندا يەسى اتىنىڭ باسىن قويا بەرىپ، ونىڭ امان-ەسەن الىپ شىققانى تۋرالى وقيعالار تاريحتا بولعان. يەسى ولگەندە، تۇلپارى سەزىپ، كۇيىنەدى، كىسىنەپ، ازالانادى دا. بۇل دا ءوزىمىز كۋا بولعان وقيعالاردىڭ ءبىرى...

       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn