ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

بوتەن قوشقار

جولدانعان ۋاقىتى : 2015/11/16 10:36:19

ورالحان ءداۋىت (قازاقستان)
 
  قايبىر جىلى تامىلجىعان تامىزدا ءبىزدىڭ ۇيدە ءبىر ۇلكەن توي بولدى. ول كەزدە بۇگىنگىدەي قاپتاعان مەيرامحانا جوق، توي ءوزىمىزدىڭ باۋ-باقشادا وتەتىن. سول كۇنى كەشقۇرىم تويدىڭ قامىمەن ءجۇرىپ، ءىنىم ورىستەن كەلگەن مالدى اسىعىس قوراعا قاماي سالعان عوي. ءبىزدىڭ قويلاردىڭ ىشىندە ءبىر  بوتەن  قوشقاردىڭ دا «قامالىپ» كەتكەنىن بايقاماي قالىپتى. سودان «بوتەن مال بار ما؟» دەگەندەرگە ءبارىمىز ءبىر  اۋىزدان «جوق» دەيمىز.  ەسىكتىڭ  الدى ابىر-سابىر ادام بولعاندىقتان شىعار، مال يەسى جاقىنىراق كەلىپ قورانى كورۋگە باتپاعان.  سودان اۋىلدى ەكى مارتە اداقتاپ شىققان سوڭ، قوشقار يەسى امال جوق، سول كۇنى قوي باققان ۇيگە بارادى. ول بالاسىن جىبەرىپ، كۇندىز قوي جايعان  ساي-سالانىڭ ءبارىن ارالاپ شىققان. قوشقار جوق. «ءيتتىڭ بالاسى، قويعا دۇرىستاپ باس-كوز بولماعانسىڭ، جۇرتتىڭ مالىن جوعالتتىڭ، ەندى قۇنىن تولەيتىن بولدىق» دەپ اكەسى بالاسىن اشۋمەن تاياقپەن ۇرعان با... وعان مال يەسى اراشا تۇسەدى. ايتەۋىر، سول كۇنى قوشقار تابىلماي، «نە بولسا دا ەرتەڭ كورەيىك» دەگەنمەن تاراسادى ەكى جاق.

  ءبىر جەڭگەمىزدىڭ قولىنا قالام-قاعاز بەرىپ، تويعا تۇسكەن مال باسىن، باسقا دا تارتۋلاردى ءتۇرتىپ ءجۇرۋ تاپسىرىلعان بولاتىن. توي  ءبىتتى.  تاڭەرتەڭ  مالدى ورىسكە جىبەرەردە ءىنىم بوتەن قويلاردىڭ ءبارىن الىپ قالادى دا قالعاندارىن قورادان شىعارىپ جىبەرەدى. الگى قوشقار قورادا قالعان. تۇسكە جاقىن سوڭعى قوناقتار قايتىپ، ادام اياعى باسىلعان سوڭ جەڭگەمىز «ەسەپ» بەردى. داپتەردە ءتورت قوي، قورادا  بەس  قوي. «بۇل قالاي بولدى؟» دەپ ءبارىمىز اڭ-تاڭبىز. «قايسىسىن جازباي قالدىم ەكەن؟» دەپ جەڭگەمىز دە ايران-اسىر. «مىنا  قويدى  بولە اكەلدى، اناۋسىن جيەن اكەلدى...» دەپ جەڭگەمىز قويلاردى تۇستەپ شىقتى دا ءبىراق الگى قوشقاردى جىعا تاني المادى. تەك «وسى ناعاشى اقابتار قاراڭعىدا كولىكتەن ءبىر نارسە ءتۇسىرىپ جاتقان  سياقتى ەدى، سولار ما ەكەن قوشقاردى اكەلگەن...» دەپ اڭتارىلىپ تۇرىپ قالدى.

  وسى كەزدە اجەم ءسوز باستادى. «اينالايىن، اقاباي، ‹جالعىز اپكەم عوي› دەپ قويدى الىپ كەلگەن سول... اينالايىن-اي...» دەپ وزىنەن-ءوزى   ەمىرەنىپ   كەتسىن. «وي، اجە، قىزىقسىز... اقاب قالاي قوي الىپ كەلەدى؟ وسىدان ءبىر اپتا بۇرىن تويعا دەپ ءبىر جىلقى اكەپ تاستاعان جوق پا؟» دەيمىز ءبىز. اقاب - اجەمنىڭ تۋعان ءىنىسى. ءبىر جىلقىنىڭ قاسىنا ءبىر قويدى قوساقتاپ الىپ كەلگەنىن ەش تۇسىنە الار ەمەسپىز. «قويدى الىپ كەلگەن سول، باسقا كىم بولادى؟ جىلقىنى الدىن الا بەرىپ جىبەرىپ، ەندى كەشە تاعى قۇر قول كەلمەيىن دەگەن عوي...» دەپ اجەم دە قويمايدى. سونىمەن نە كەرەك، ۇيدەگى قالىڭ داپتەردى قايتادان اشىپ «اقاب ءبىر جىلقى» دەگەننىڭ قاسىنا «ءبىر قوشقار» دەگەندى تاعى قوسىپ قويدىق.

  اتامنىڭ سوناۋ كوزى تىرىسىندە ارالاس-قۇرالاس بولعان ءبىر دوسى بار ەدى. ءبىراز جىلدار ارالاسپاي قالىپ، سول دوسى وسى تويعا كەلگەن بولاتىن. اجەم: «قانشاما جىلدان كەيىن ءبىرىنشى مارتە كەلىپ وتىر، ۇيات بولار، اۆتوكولىگىنە ءبىر قوي سالىپ جىبەرىڭدەر» دەدى. ايتتى، ءبىتتى. ءىنىم قوراعا سەكىرىپ تۇسەدى. تاعى كوزى بىردەن الگى قوشقارعا تۇسكەن عوي، ءبىراق جانۋار مىقتى ەكەن. ىنىمە بوي  بەرمەي، موينىنداعى ءجىبى ءۇزىلىپ كەتسە دە ەش ۇستاتپاي قويادى. امال جوق، اتامنىڭ دوسىنا باسقا قوي بۇيىردى.
 
  كەشكە مال ورىستەن كەلدى. قوشقاردىڭ يەسى قايتادان ءۇي-ءۇيدى ارالاپ، «جوق» ىزدەيدى. بۇل جولى ءبىزدىڭ قوراعا جاقىنىراق كەلگەن كورىنەدى. قاراسا قورانىڭ جانىندا قوشقارىنىڭ مويىن ءجىبى جاتىر. جالما-جان قوراعا ۇڭىلەدى. سويتسە كوپ  قويدىڭ اراسىندا دىمدى تۇسىنبەي قوشقارى تۇر. سالعان جەردەن «مىناۋ مەنىڭ قوشقارىم» دەپ بايبالام سالادى. سوندا ءىنىم: «قويىڭىز، وتىرىك ايتپاڭىز، بۇل كەشەگى تويعا اجەمنىڭ ءىنىسى اقاب اكەلگەن قوشقار» دەپ جەڭىستىك بەرمەيدى، ءتىپتى قالىڭ داپتەردى اكەپ «اقاب - ءبىر جىلقى، ءبىر قوشقار» دەگەن جازۋدى كورسەتەدى. سونىمەن، اجەپتەۋىر ايقاي-شۋ. اقىرىندا مال ولاردىكى ەكەنى تازا دالەلدەنىپ، قوشقار «قاماۋدان» بوساتىلدى. سودان ءىنىم ۇيگە اشۋمەن كىرگەن دە قالىڭ داپتەردى الىپ، ناعاشىمىزدىڭ «جىلقىسىنىڭ» قاسىنا قوساقتالىپ  جازىلعان  «قوشقاردى» اجەمنىڭ كوزىنشە سىزىپ-سىزىپ تاستاپتى. ءمان-جايعا  تۇسىنگەن اجەم تومەن  قاراي  بەرىپتى.  تەك «مەن قايدان بىلەيىن، اينالايىن...» دەگەندى قايتالاي بەرگەن كورىنەدى. قايران، اجەم-اي!.. ءسويتىپ، ءبىر قىزىققا باتىرعان. كەيىنىرەك بىلدىك قوي، اقابتىڭ قاراڭعىدا كولىكتەن تۇسىرگەنى ءبىر جاشىك الما ەكەن.

  دايىنداعان - قاجىبەك ايدارحان

       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn