ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

ىزگىلىك پەن مەيىرىمنىڭ اق ورداسى-«پانا»

جولدانعان ۋاقىتى : 2015/11/24 11:20:22

اراي ايتىكەن ۇلى

  تىرلىكتەگى ءاربىر ادام بالاسى ءۇشىن ەڭ كەرەكتىسى جانىنا پانا بولار ارداقتى اتا مەكەن، جىلى دا جايلى جانۇيا، ەل-جۇرت، تۋىس-تۋعاندارى مەن مەيىرىمدى اتا-اناسى ەكەندىگى داۋسىز. «پانا» دەگەن وسى ءبىر ادەمى ەسىمدە قانشالىقتى قۇدىرەت جاتقانى ادەتتە ونشالىق ەسكەرىلىپ كەتپەيتىنى شىندىق. ال وسى ءبىر كيەلى ەسىمدى  قولدانىپ  قۇرىلعان «پانا» يگىلىك قور قوعامىنىڭ قينالعان جاندارعا قاناتىمەن سۋ سەپكەن قارىلعاشتاي مەيىرىمىن ارناعان،اسىل مۇراتتى وزدەرىنە ارقاۋ ەتكەن يگى ىستەرى ارقىلى بۇل اتاۋدىڭ ءمان-ماعىناسىن ءتىپتى دە تەرەڭ ۇعىنىپ جەتكەندەي بولدىق.    ۇعىسۋىمىزشا،ۇيىم قۇرىلعانىنا از عانا ۋاقىت بولعانىنا قاراماستان، تىندىرىمدى جۇمىستار جۇرگىزىپ، شار تاراپقا وزدەرىن ايگىلەپ ۇلگىرىپتى. وسى قوعامنىڭ باس جوبالاۋشىسى شينجياڭ تەلەۆيزياسىنىڭ جۇيرىك جۇرگىزۋشىلەرىنىڭ ءبىرى، كوپكە تانىس كوگىلدىر ەكران جۇلدىزى پانار ەرعان قىزى ەكەن. بۇگىنگى كۇندە قوعام قويناۋىندا كۇندەلىك تاپقانىن   ىشكەنى مەن كيگەنىنە جەتكىزە الماي جۇرگەن قارا كوزدەرىمىز قانشاما؟ ال پانار باستاتقان قايىرىمدى ازاماتتارىمىزدىڭ زارۋات جاندارعا،اسىرەسە جەتىم-جەسىر، جوق-جىتىك، اۋرۋ-سىرقاۋ، كەم-كەتىككە پانا بولۋدى باستى ماقسات ەتىپ، يگىلىكتى ءىس ىستەۋ ءۇشىن اتقا قونعان «پانا» يگىلىك قور قوعامىنا ايتار العىسىمىز شەكسىز، ارينە.

  جوق-جىتىككە پانا بولۋ جۇڭحۋا  ۇلتتارىنىڭ ەجەلگى اتا ءداستۇرى. ال   ءبىزدىڭ قازاق بۇرىننان جەسىرىن قاڭعىتپاعان،جەتىمىن جىلاتپاعان ەل. «ءبىر جاقتا قيىنشىلىق بولسا، جان-جاقتان كومەك» دەگەن اتالى ءسوزىمىزدىڭ ايقىن دالەلى رەتىندە قۇرىلعان «پانا» يگىلىك قور قوعامى مول مەيىرىمىمەن ادامدارعا جىلۋ سيلاعان قاستەرلى ۇيىم. پانا بولۋ مەيىرىمدىلىكتىڭ بەلگىسى،جاراسىمدىلىقتىڭ جەمىسى. سوندىقتان «پانا» يگىلىك قور قوعامى سياقتى ۇيىم قوعامعا اۋاداي قاجەت دەپ بىلەمىز. قايىرىمدىلىق،  جومارتتىق باسباي بابامىزدان قالعان   ونەگە بولسا، وسى اسىل ءداستۇردى  بۇكىل قوعام مۇشەلەرى بولىپ جالعاستىرۋعا ۇندەگەن «پانا» يگىلىك قور قوعامى حالىقتىڭ مەيىرىمىن ارقالاعان،   كوپتىڭ اماناتىن كوزەۋلى ءزارۋ جاندارعا جەتكىزۋدى وزىنە مىندەت ساناعان    ارداقتى ۇيىم.

  ءسوزىمىزدىڭ ايقىن دالەلى رەتىندە    «پانا» يگىلىك قور قوعامىنىڭ تولى اۋدانىنداعى جاۋاپتىسى، اۋداندىق 2-بالالار باقشاسىنىڭ وقىتۋشىسى ونەر كەكەن ۇلىنىڭ ۇيىمداستىرۋىمەن 31-قازان تولى اۋداندىق پارتيا مەكتەبىنىڭ جيىن زالىندا وتكىزىلگەن «مەيىرلى جاندار ارامىزدا» تاقىرىبىندا وزدىرىلعان ناق مايداندا جىلۋ اتاۋ قيمىلىن ماقتانىشپەن اتاي كەتۋىمىزگە ابدەن بولادى. بۇل رەتكى قيمىلعا «پانانىڭ» باس القاسى پانار ەرعان قىزى،  ورىنباسار القاسى، كومەكتەسۋ وبيەكتىسىن ساراپتاۋ گرۋپپاسىنىڭ گرۋپپا باستىعى گۇلجاھان مۇقامەتباي قىزى جانە شينجياڭ جىبەك جولى حالىقارالىق مادەنيەت تاراتۋ سەرىكتىگىنىڭ باستىعى، «پانا» يگىلىك قور قوعامنىڭ ورىنباسارى ءارى اقىلشىسى ايدىن تۇسىپبەك ۇلى، شينجياڭ تەلەۆيزياسىنىڭ جۇرگىزۋشىسى گۇلنار كەنجاقان قىزى قاتارلى جولداستار ارناۋلى كەلىپ قاتىناسۋمەن قاتار، تولى اۋدانىنداعى جۇرەگى مەيىرگە تولى جان اشىر جاندار مەن «مەيىربان انالار» ۇيىمىنداعى اق  تىلەكتى انالارىمىزدى قامتىعان 200 گە تارتا ادام قاتىناستى. ءتارتىپتى ءارى  جۇيەلى ورنالاستىرىلعان بۇل باس قوسۋى بولاشاعىنان ۇلكەن ءۇمىت بايقاتىپ جۇرگەن جاس اقىن ۆەنەرا قايىرعالي قىزى باسقارىپ جۇرگىزدى. ەڭ اۋەلى، «پانا» يگىلىك قور قوعامىنىڭ باس القاسى پانار  ەرعان قىزى قوعام قۇرىلىمى جانە قازىرگە دەيىنگى ىستەلگەن ىستەر تۋرالى بىلايشا قىسقاشا تۇسىنىك جاسادى: «‹پانا› يگىلىك قور قوعامى بيىل 29-ناۋرىزدا ورتالىق قالا ۇرىمجىدە قۇرىلدى. 3-ماۋسىم قاتىستى زاڭ تاراۋلارىنىڭ زاڭدىق بەكىتۋىنەن ءوتىپ، رەسمي زاڭدىق سيپات العان قور قوعامى بولىپ تۇراقتاندىرىلدى. ‹پانا› يگىلىك قور قوعامىنىڭ باستى ماقساتى كۇردەلى ناۋقاستار مەن وقۋ ورايىنا يە بولىپ تۇرىپ، ەكونوميكالىق قيىنشىلىقتان وقي الماعان وقۋشىلارعا كومەك قولىن سوزۋ. مۇندا،‹پانا› يگىلىك قور قوعامىنا مۇشە بولعان تۇراقتى مۇشەلەر كۇنىنە ءبىر يۋان، جىلىنا 360 يۋان تاپسىرادى. ال ەرىكتى مۇشەلەرگە قاراجات سوماسى، ۋاقىت مەرزىمى جاقتان شەك قويىلمايدى. قانشا قاراجات اتاسا دا،قاشان اتاسا دا ءوز ەركى بويىنشا جۇرىلەدى. وسى    تۇراقتى مۇشەلەر مەن ەرىكتى مۇشەلەر  اراسىنان قاراجاتتى مولىنان اتاپ، ‹پانا› ءۇشىن ۇلكەن ۇلەس قوسقان مۇشەلەردەن قۇرمەتتى مۇشەلەر تاڭدالىپ سارالانادى. قازىنا، ەسەپ باسقارۋ جاعىنا كەلسەك، ۇكىمەت جاعىنان ءبىر تۇتاس باسقارىلادى. مۇشەلىك قاراجاتتى شينجياڭ جاس وسپىرىمدەر دامىتۋ قور قوعامى جاعىنان بەلگىلەنگەن ەسەپ نومىرگە سالاسىز. ارناۋلى قازىنا قىزمەتكەرلەرى سىزدەر سالعان  تالونعا ءبىر-بىردەن سالىستىرۋ جاساۋ ارقىلى جيىلعان قاراجات ەسەبىن ءبىر جايلى ەتەدى. كومەككە ءزارۋ بولعان جاندار ‹پانا› يگىلىك قور قوعامىنىڭ   كومەگىنە يە بولۋ ءۇشىن، ەڭ الدىمەن، ءوتىنىش تاپسىرادى. ونان كەيىن ‹پانا›  يگىلىك قور قوعامى سارالاۋ گرۋپپاسى جاعىنان قيىنشىلىعى ەڭ اۋىر بولعان   مۇشەلەر سارالانىپ بەكىتۋدەن وتەدى.     ‹پانانىڭ› 1-كەزەكتى كومەك بەرۋ قيمىلى 23- شىلدە ءۇرىمجى قالاسىندا وتكىزىلىپ، كومەككە ءزارۋ بولىپ وتىرعان ءۇش ادامعا 25 مىڭ يۋان كومەك بەرىلدى. ول كەزدەگى ‹پانانىڭ› تۇراقتى   مۇشەلەرى نەبارى 400 ادام ەدى. 2-كەزەكتى ارەكەتىمىز 27-قىركۇيەكتە   قارامايلى قالاسىندا ءساتتى وتكىزىلىپ، قيىنشىلىعى اۋىر 2 ادامعا 13 مىڭ يۋان قارجىلاي كومەك بەرىلدى. بۇل بارىستا بۇكىل شينجياڭ كولەمىنەن جۇڭگو قازاق ستۋدەنتتەر بىرلەستىگى، فينانس سالاسى، زاڭ سالاسى سياقتى ورىنداردا جانە 32 اۋداندا ‹پانانىڭ› بولىمشەلەرى قۇرىلىپ، تۇراقتى مۇشەلەر سانى 2000 نان استى،-دەي كەلىپ،‹پانا› حالىقتىڭ پاناسى، حالىقتان الىپ حالىققا بەرەتىن وسى ۇيىمنىڭ قولداپ-قۋاتتاۋشىسى قارا   ورمانداي حالىق سىزدەر،ارينە» دەگەن ىزگى تىلەگى مەن «پانانىڭ» بولاشاعىنا دەگەن زور ءۇمىتىن ءبىلدىردى.

  وسى رەتكى تولى اۋدانىندا وتكىزىلگەن «مەيىرلى جاندار ارامىزدا» اتتى قيمىلدا 18 مىڭ يۋان قاراجات جينالىپ، الدىن الا تەكسەرىلىپ  زەرتتەلىپ تۇراقتانعان، كولىك اپاتىنا ۇشىراپ ءبىر قولىنان ايرىلىپ، ءبىر اياعى مەرتىككەن باقمۇرات قادىلبەك ۇلى، اكەسى باھيلىق بولىپ،وتباسىندا وزىنەن باسقا ەڭبەككۇش جوق بولعاندىعى سەبەپتى تۇرمىس كۇيلەرى وتە تومەندەپ كەتكەن قۇزار اسقار ۇلى جانە اق قان اۋرۋىنا شالدىققان كىشكەنتاي قىز ءدينارا ءنۇردىلدا قىزى قاتارلى ءۇش   ادامعا وسى قاراجات ناق مايداندا ءبولىپ بەرىلدى. وسىلايشا، ءبىز قيىنشىلىق قىسپاعىندا قالعان جانداردىڭ، «پانا»  ۇيىمىنىڭ شەكسىز مەيىرىنە بولعان ءتىل جەتكىسىز قۋانىش پەن ريزاشىلىقتارىن تەك مولدىرەگەن جانارلارمەن عانا ءبىلدىرىپ كەتكەن ساۋاپتى ىسىنە كۋاگەر بولدىق. 

  مىنەكي،كوڭىلدەرگە نۇر سيلايتىن مۇنداي ۇيىمنىڭ ءوزىمشىل پەندەلەر  ساناسىنان وشكىندەپ بارا جاتقان قايىرىمدىلىقتى قايتادان ەستەرىنە سالىپ،  ادامدىق ار الدىندا اشىق سوت قۇرارداي ايبات تانىتۋى قانداي كەرەمەت. وسى رەتكى قيمىلدان كەيىن بۇل ۇيىمنىڭ  قوعامداعى ءىشىنارا بالاسى اكەسىن سىرتقا تەپكەن، قىزىل شاقا نارەستەلەرىن شىرقىراتىپ دالاعا قالدىرعان، نادۇرىس اكە مەن ناقۇرىس شەشەلەر جۇرەگىنە از دا بولسا دۇرىس باعدار سىلتەپ، ىزگىلىكتەن جۇرەكتەرىنە مەيىرىم ۇيالاتىپ، ۇيات،نامىس الدىندا قىمسىندىرادى دەگەن  سەنىمىمىز بەكەمدەلە ءتۇستى.

  تارىداي تابىسىنىڭ ءوزىن ءزارۋ جانداردىڭ جۇرەگىن جىلىتۋعا ارناعان «پانا» ۇيىمى ىزگىلىكتىڭ اق ورداسى بولاتىندىعىن وسىنداي ناقتىلى ىستەرىمەن دالەلدەپ كەتتى. وسى ورايدا مەن دە ۇيىمعا دەگەن شەكسىز العىسىمدى ءبىلدىرىپ،«قاسيەتتى ءداستۇرىمىزدى،دارقان كوڭىلىمىزدى پانا ەتىپ، جىلاعاندى ۋاتىپ، جىعىلعاندى تۇرعىزباساق نەسىنە ءومىر سۇردىك» دەيتىن ازاماتتىق بورىشتى بويتۇمار ەتىپ تاعىنعان «پاناداي» جارىق ساۋلەلى    قوعامعا اق جول تىلەۋدى ازاماتتىق   بورىشىم دەپ ءبىلدىم.

  «پانا» يگىلىك قور قوعامىنىڭ كەلەشەكتە بيىك ورەگە كوتەرىلىپ، ۇلتىمىزدىڭ اسقاق تا اسىل مۇراسىن ءارقايسى جەرگە جەتكىزۋىنە تىلەكتەستىك بىلدىرەمىن،سونداي-اق «پانا» يگىلىك قور قوعامىن باسقارۋشىلار مەن ۇيىمدى قولداپ-قۋاتتاپ وتىرعان بارلىق مۇشەلەردەن «پانانىڭ» جۇگىنىڭ اۋىرلىعىن،مەيىرىمىنىڭ ۇشان-تەڭىز ەكەندىگىن شىنايى سەزىنىپ، ءوز ۇلتىمىز عانا ەمەس،جالپى ادامزاتقا پانا بولۋدى ۇلى مۇرات، اسقاق ارمان، بيىك نىسانا ەتىپ ۇستانۋىن تالاپ ەتەر ەدىم. ەندەشە، ىسكە ءسات،«پانا» يگىلىك قور قوعامى!     


       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn