ەەڭ جاڭا مازمۇندار
2020-جىلى 4-ايدىڭ 8-كۇنى 67-سان
قىس ىزعارى قايتىپ، شىعىستان كوكتەم سامالى ەستى
كەدەيلىكتەن ارىلتۋدان قامال الۋدى جاپپاي تەكسەرۋ قىزمەتىن جوعارى ساپامەن ويداعىداي ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە ساندى مالىمەتتىك نەگىز ازىرلەۋ كەرەك
شاعانتوعاي اۋدانى كوكتەمگى تۇقىم ءسىڭىرۋ جۇمىسىن ءدال ۋاعىندا باستادى
ساۋان اۋدانى جۇگەرى تۇقىمىن ءسىڭىرۋ جۇمىسىن باستادى
ۋان جينگاڭ: بورىشى ءۇشىن ءومىرىن ارناعان ادال قورعاۋشى
گۇڭچۇي سىلي: باقىتتى مەكەندى تاپجىلماي كۇزەتكەن قارلى تاۋ قىرانى
لي حۇڭجۋان: قانعا بويالىپ جىعىلسا دا توناۋشىنى قويا بەرمەدى
«ءبىر ءۇيلى جاندار ءوزارا كوڭىل ءبولىپ تۇرۋى كەرەك»
قىزىعا كىتاپ وقىپ،اقاۋسىز ەرجەتەيىك
«جەتىلىم بوگەلىسى كۇنى» ۇگىتىن ورىستەتتى
قالا تۇرعىندارى قاجەتىنە قاراي تارتىپپەن جانارماي قۇيدىردى
2020-جىلى 4-ايدىڭ 5-كۇنى 66-سان
2020-جىلى 4-ايدىڭ 4-كۇنى 65-سان
بۇكىل ەلدىڭ جەر - جەرىندەگى ءار ۇلت حالقى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە قازا بولعان قۇرباندار مەن قايتىس بولعان باۋىرلاستارعا قايعىلى ازا ءبىلدىردى
قازا بولعانداردى ساعىنىشپەن ەسكە الىپ، قايسارلىقپەن العا ىلگەرىلەيىك
تۇتاس رايونىمىزداعى ءار ۇلت كادرلارى مەن بۇقاراسى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە قازا بولعان قۇرباندار مەن قايتىس بولعان باۋىرلاستارعا قايعىلى ازا ءبىلدىردى
ءسوزسىز جەڭىسكە جەتۋ سەنىمىن بەكەمدەپ، حاۋىپ - قاتەردى ورايعا اينالدىرۋعا شەبەر، قامال الىپ قيىندىقتاردى جەڭۋگە باتىل بولىپ، تۇتاس جىلداعى ەكونوميكالىق، قوعامدىق دامۋ نىسانالارىن، مىندەتتەرىن جاپپاي ورىنداۋعا شىنايى كەپىلدىك ەتۋ كەرەك
جىڭ جۇڭحۋا: حالىق ءۇشىن باسىن ءباي تىككەن قاتەردەن قۇتقارۋشى قاھارمان
لي جۋەرۇڭ: حاۋىپتى ساتتە گراناتتىڭ پىلتەسىن تارتقان سودىرعا تاپ بەردى
سۇڭ بينشي: قىزىل قانىمەن ەسكەرتكىش ورناتتى
ءورت ءوشىرۋ،ورتتەن ساقتانۋ اۆتوموبيلى جولىنا بەلگى سىزدى
دۋ جۋان 13 ساۋداگەردىڭ 260 مىڭ يۋان ماياقىسىن كەشىرىم ەتتى
«قاتىسسىز ىسكە» ارالاسۋعا جانى قۇمار ساقا پارتيا مۇشەسى گۋ شىچىڭ
تۋىستاسۋدان تۋىنداعان تەرەڭ سۇيىسپەنشىلىك
 ىندەتتەن ساقتانۋ-تىزگىندەۋ جانە ەكونوميكالىق،قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، بيىلعى ەكونوميكالىق،قوعامدىق دامۋ نىسانالارىن،مىندەتتەرىن قايراتتانا جۇزەگە اسىرۋ كەرەك
حاۋىپسىزدىكتىڭ تومەنگى شەگىن ويداعىداي ساقتاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتەيىك سوتسياليستىك مەكتەپ باسقارۋ بەتالىسىنا تاباندى بولىپ، وقۋ - اعارتۋدىڭ وسىزاماندانۋىن جەدەل ىلگەرىلەتەيىك
پارتيا ورتالىق كوميتەتىنىڭ شەشىمدەرىن،اۆتونوميالى رايوندىق پارتكومنىڭ ورنالاستىرۋلارىن بۇلجىتپاي دايەكتىلەندىرىپ، دەڭگەيدى جوعارىلاتىپ،جاۋاپكەرشىلىك ارقالاۋدى كۇشەيتىپ،ءتۇرلى قىزمەتتىڭ ناقتى،ەگجەي-تەگجەيلى تياناقتانۋىن ىلگەرىلەتۋ كەرەك
اكىمشىلىك مەكەمەسى 2020-جىلعى 9-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى «تومەنگە بەرۋ،باسقارۋ،قىزمەت وتەۋ» رەفورماسىن ۇزدىكسىز تەرەڭدەتۋدى ىلگەرىلەتۋ ارناۋلى تاقىرىپتىق ءماجىلىسىن اشتى

جىلقى _ قازاق ءۇشىن كيەلى مال

جولدانعان ۋاقىتى : 2015/11/26 17:47:08

اينۇر امانگەلدى قىزى
 
  بۇل دۇنيە تۇگىلى،و دۇنيەنى دە جىلقىسىز ەلەستەتە المايتىن قازاق حالقى ءۇشىن جىلقى، بىرىنشىدەن، كۇننىڭ، قوزعالىستىڭ،تۇراقتىلىقتىڭ سيمۆولى. سونىمەن بىرگە، قازاق   ۇعىمىندا جىلقى – جوعارعى الەمنىڭ سيمۆولى. سيىر – و دۇنيەنىڭ بەينەسى بولسا، قوي – ماتەريالدىق الەمنىڭ بەلگىسى، ال تۇيە – عارىشتىڭ سيمۆولى.

  جىلقى – جوعارى الەمنىڭ، دانالىق الەمىنىڭ، اتا-بابالار الەمىنىڭ سيمۆولى،ول  اسىرەسە سالت-داستۇرلەردە ايرىقشا كورىنىس تاپقان دەيدى. راسىندا دا دۇنيەگە كەلۋ،ۇيلەنۋ، جەرلەۋ راسىمدەرىندە باسقا تۇلىكتەردەن جىلقى تۇلىگىنىڭ ورنى ەرەكشەلەنىپ تۇرادى. سوندىقتان بولار،تىلىمىزدە جىلقى مالىنا قاتىستى ءجون-جورالاردى، سالت-داستۇرلەردى كوپتەپ كەزدەستىرۋگە بولادى.

  ماسەلەن، نارەستە دۇنيەگە كەلگەندە كىندىگىن اي بالتامەن كەسىپ، تازا جىپپەن بايلايدى. كىندىك كەسكەن بالتانى پايدالانباي، ساقتاپ قويادى. كىندىك ءۇش-ءتورت كۇندە تۇسەدى. ۇل بالانىڭ كىندىگىن «ءۇي كۇشىك بولماسىن، دالادا وسكەن باتىر بولسىن» دەپ قىردان اسىرىپ لاقتىرىپ جىبەرەدى. ال قىز بالانىڭ كىندىگىن «ءۇيدىڭ قۇتى بولسىن» دەپ وت باسىنا، وشاقتىڭ تۇبىنە كومەدى. كەيدە بالا «ات قۇلاعىندا ويناسىن» دەگەن  تىلەكپەن، اتتىڭ جالىنا بايلاپ قوياتىن دا داعدى بار.

  «بالا قىرانداي العىر بولسىن» دەپ بۇركىتتىڭ تۇياعىن بەسىككە بايلايدى. تاعى بىرەۋى، بەسىكتىڭ ەكى جاعىنان قىلىش جارقىلداتىپ، «جاۋ جۇرەك باتىر بولسىن» دەسە، ءۇشىنشىسى، بەسىكتىڭ ەكى جاعىنان قامشى ءۇيىرىپ، «تاقىمىنان تۇلپار كەتپەسىن، بايگە بەرمەس شاباندوز بولسىن» دەگەن تىلەك ايتادى، ياعني بۇدان بايقايتىنىمىز،قازاق حالقى ءۇشىن جىلقىنىڭ ورنى ەرەكشە. اتا-انا ءۇشىن بالادان ارتىق قانداي قۋانىش بار؟ ال سول بالاعا بۇل دۇنيە ەسىگىن اشار-اشپاستان «تاقىمىڭنان تۇلپار كەتپەسىن» دەگەن تىلەك ايتىلسا، جىلقىنىڭ قازاق حالقىنىڭ ومىرىندە ماڭىزى زور بولعاندىعىنان دەپ ويلايمىز.
قىز بالانىڭ جات جۇرتتىق ەكەنىن مويىنداعانمەن،قازاق اتامىز جيەندەرىن ەشقاشان سىرتقا تەپپەگەن. قايتا ولار جات باۋىر بولىپ كەتپەس ءۇشىن ءجيى-ءجيى ات ءىزىن سالىپ، جيەندەرىن جىل سايىن ءبىر-ەكى رەت سيلى قوناق ەتىپ، تىك تۇرىپ كۇتىپ الۋدى ۇلكەن مارتەبە ساناعان. ەس ءبىلىپ، ەتەك جيا باستاعان كەزىنەن-اق ناعاشىلارى جيەندەرىن قامقورلىقتارىنا الىپ،باۋلىپ،اتالارى وعان ءۇيىرلى جىلقىنىڭ ىشىنەن تاڭداپ ءجۇرىپ،تاي مىنگىزەدى. ول جيەننىڭ باسىرەسى،باسىرە تاي نەمەسە «جيەنقۇرىق» دەپ اتالادى. «ات _ ەر قاناتى». وسىنداي ناعاشى اتالارى تاڭداپ بەرگەن باسىرەلەرىمەن سال- سەرىلىگى، اتبەگىلىك اتاعى شىققان بوزبالالار حالقىمىزدا از بولماعان. «ءۇيدىڭ جاقسى  بولماعى اعاشىنان،بالانىڭ جاقسى بولماعى ناعاشىدان» دەگەن ناقىلدى دا اتالارىمىز وسىندايدان ايتسا كەرەك.

  «قىسقاسى، شىر ەتىپ جارىق دۇنيەگە كەلگەننەن ات جالىن تارتىپ ءمىنىپ ازامات بولعانعا دەيىن، ودان وڭاشا وتاۋ تىگىپ، ءوز الدىنا ءۇي بولعانشا ناعاشىلار جاعى جيەندەرىن نازاردان تىس قالدىرمايدى» (د. دوسجانوۆ).

  «ءار جىلى بيە اعىتاردا تۋىستارىنىڭ بالالارىنا قۇلىننان باسىرە بەرەتىن بياعاڭ بيىل كەزەكتى كارى كۇيەۋدىڭ تايىنشاعا مىنگەن بالالارىنىڭ بىرەۋىنە اتاپ ءجۇر ەدى ىشىنەن» (ا. جۇنىسوۆ).
« ‹قازاق قىزعا ەنشى بەرمەيدى› دەپ كەيبىر شىعىستاعىلار قاتە تۇسىنەدى. قىز ۇزاتىلادى دەپ جاساۋىن ءبىر اكەتسە، ارتىنان توركىندەپ كەلدى دەپ ەنشىسىن ەكى اكەتەدى. بۇدان قالعانىن قىرىق سەركەشىم دەپ، شۇبار تايىم دەپ جيەندەر جيىپ الادى» (ا. جۇنىسوۆ).

  اتقا (اشامايعا) مىنگىزۋ تويى

    بالا ءۇش جاسقا تولعاندا جەكە اتقا مىنگىزىلەدى. ول ءۇشىن بالاعا ارناپ اشاماي دايىندالادى. ونىڭ بەتتەرى ەرەسەكتەرگە ارنالعان ەر اعاشتىڭ بەتىندەي التىنمەن اپتالىپ، كۇمىسپەن كۇپتەلمەيدى. ۇزاعاندا سىرمەن ويۋ-ورنەك سالىنادى. اشامايدىڭ مۇنداي قاراپايىم بولۋىن حالقىمىزدىڭ «جاس بالاعا ءتىل مەن كوز تيگىش بولادى» دەيتىن ىرىمىنان بولە قاراۋعا بولمايدى. جاس بالانىڭ اتقا ءمىنۋى حالقىمىزداعى بالاعا ارنالعان تاربيەلىك ماڭىزى ەرەكشە ايالى قامقورلىقتىڭ ءبىرى. بۇل وقيعا ەس بىلە باستاعان جاس ءوسپىرىم ءۇشىن ماڭگى ەستەن كەتپەس قۋانىش. سوندىقتان دا بالانىڭ اتقا ءمىنۋ قۋانىشىنا ارنالعان توي بالا ومىرىندەگى تويلاردىڭ ەڭ ەلەۋلىلەرىنىڭ ءبىرى بولىپ سانالاتىن. اۋقاتتى ادامدار «جوعارعى ەلگە جورعا بيە،تومەنگى ەلگە توبەل بيە سويىپ» دەگەندەي، ۇلان-قايىر توي جاساپ، ات شاپتىرىپ، بالۋان ءتۇسىرىپ، كوكپار تارتقىزاتىن. بالانىڭ مىنگەن اتىنا دا سالماقتى شارت قويىلاتىن. ول ءارى جۋاس، ءارى ءجۇرىسى جايلى، ءارى سىن-سىمباتتى بولۋى كەرەك، سونداي-اق ول اتتىڭ جاس شاماسى بالانىڭ وزىمەن شامالاس قۇنان نەمەسە دونەن بولۋى دا ەستە ساقتالاتىن. اتقا مىنەتىن بالاعا باستان-اياق جاڭا كيىم كيگىزىپ، باس كيىمىنە، شاپانىنىڭ ارقاسىنا شوقتاپ ۇكى تاعاتىن. حالقىمىز ۇكىنى (جىن-شايتاننان  قاعاتىن)  قاسيەتتى  قۇس  دەپ ەسەپتەيتىن جانە ۇكىلى كيىم بالاعا كورىك  بەرىپ تۇرۋشى ەدى،سونداي-اق ۇكىلى بالانى كورگەن توسىن كوز قۋانىش يەسى كىم ەكەنىن ايتقىزباي-اق بىلە قوياتىن. بالانى اتقا مىنگىزەتىن كۇنى اۋىل ادامدارى تۇگەل جينالادى. اتتىڭ جال-قۇيرىعىن ۇكىلەپ،اشامايلايدى. بالانى اتقا مىنگىزۋ سىباعاسى كىم كورىنگەننىڭ ۇلەسىنە تيە بەرمەيدى. وعان سول اۋىلداعى ەڭ تاقىمى جەلدى، ات قۇلاعىندا وينايتىن ساڭلاق جىگىت تاڭداپ الىناتىن.

بالانىڭ ناعاشىسى جيەنگە ارنايى ات اكەپ مىنگىزەتىن بولعان. تويعا كەلۋشىلەر بالاعا  ارناپ قامشى، ساداق، شىدەر تاعى سول سيياقتى زاتتار جاساپ اكەپ سيعا تارتادى. بۇل بالانى ازامات بولۋعا جارادىڭ دەگەن ىرىمدار. ايەلدەر بالانىڭ ازامات بولۋ قۋانىشىنا شاشۋ شاشادى. مۇنان كەيىن ەرەسەك بالالار تايلارىمەن جارىسىپ،بەس-التى جاسىنان باستاپ قوزى-لاق قايىرۋدى، مال باعۋدى ۇيرەنگەن. اتقا ءمىنۋ تويى بالانىڭ اجەتكە جاراپ، ەڭبەككە ارالاسۋى، ازاماتتىقتىڭ باسى دەپ ۇققان. ول بالاعا دا ۇلكەن وي تۋعىزىپ،تەز ەسەيۋىنە اسەر ەتكەن.

  بالانى اتقا مىنگىزۋ سياقتى بالا تاربيەسىنە بايلانىستى سالت-داستۇرلەردىڭ ءبىرى – سۇندەت توي.

 سۇندەت تويى دا بالانىڭ اتقا ءمىنۋ تويى سەكىلدى دۋماندى تويدىڭ ءبىرى. مۇندا دا بالانى ارناۋلى «سۇندەت ات» دەپ اتالاتىن اتقا مىنگىزىپ، ساندەپ كيىندىرىپ،ۇكى تاعىپ، اۋىل-ايماقتى ارالاتادى، بالانىڭ ءوز اۋزىمەن تويعا شاقىرتادى. ءداستۇرلى سالت بويىنشا ويىن-ساۋىقتىڭ بار ءتۇرى كورسەتىلەدى. بالاسى اتقا مىنگەندە اتا-اناسى «بالام ات تىزگىنىن ۇستاپ ازامات  بولدى»  دەپ قۋانسا، سۇندەتكە وتىرعاندا «بالام مۇسىلمان ساناتىنا قوسىلدى» دەپ قۋانادى.

  «ەرتەدە باردام ادامدار تۋعان ۇلىنا ارناپ، باسىرە ەتىپ، قۇلىنعا ەن  سالىپ  قويادى ەكەن. بالا بەسكە كەلگەندە، ول بەلى جۋان بەستى ات بولادى. سۇندەت  تويىنا  سونى ءمىنىپ ەل شاقىرعان. مۇنى ‹سۇندەت ات›دەيدى ەكەن» (ن. قازىبەكوۆ).

  قازاق – قوناقجاي حالىق. حالقىمىزدىڭ قوناقجايلىلىعىنىڭ،جومارتتىلىعىنىڭ ءبىر  دالەلى – ۇيىنە قوناق بولىپ تۇسكەن ادامدى كۇتىپ قانا قويماي، كەتەرىندە ونى قۇر قول جىبەرمەي استىنا ات مىنگىزىپ،ۇستىنە شاپان جاۋىپ، قۇرمەتتەپ شىعارىپ سالادى. حالقىمىزدىڭ ۇعىمىندا بارشا قازاقتىڭ ەنشىسى  بولىنبەگەن دەگەن تۇسىنىك قالىپتاسقان. سوندىقتان دا ۇيگە كەلگەن قوناق،اسىرەسە   قۇدايى قوناق جولساپاردا كەز كەلگەن ۇيگە   ءتۇسىپ، تۇستەنە الاتىن بولعان. قوناق قالاسا،قونىپ شىعۋعا دا قاقىم بار دەپ ەسەپتەگەن.

  كوشپەندى حالىق ومىرىندە اساۋ ۇيرەتۋ دە ءبىر داستۇرگە اينالعان.

اجەلەر ىرىمداپ،اق مول بولسىن دەگەن اق نيەتپەن جەلى قازىعىنىڭ باسىنا ايران قۇيىپ،جامانشىلىقتان امان بولۋى ءۇشىن قۇلىنداردىڭ ماڭدايلارىنا قاتىق جاعادى. قاريالار اق باتالارىن اقتارادى.

  اساۋ ۇيرەتۋ ادەتتە ەكىنىڭ ءبىرىنىڭ قولىنان كەلە بەرمەيدى. اساۋ ۇيرەتۋشىنىڭ ايلا-ءتاسىلىن ۇلكەن-كىشى تاماشالايدى. بۇل دا جىگىتتى سىنعا سالاتىن قىزىقتىڭ ءبىر ءتۇرى.

  بۇلاردان باسقا بيەبايلار، قىمىزمۇرىندىق، سىرگەجيار،سىرگەمولدىرەتەر ت. س. س. سالت-داستۇرلەر حالقىمىزدا كوپتەپ سانالادى.

قازاق ۇعىمىندا توعىز سانى كيەلى دەپ سانالادى. س. ل. فۋكس توعىز تۋرالى بىلاي دەپ جازادى: «توعىز ءوزىنىڭ شىعۋ توركىنى جاعىنان ۇرلىق پەن ءولتىرۋدىڭ قۇنى رەتىندە قولدانىلعان، ءبىراق 18 -عاسىردا توعىز ءوزىنىڭ نەگىزگى ماعىناسىن جوعالتىپ،كەز كەلگەن قىلمىستىڭ قۇنى رەتىندە قولدانىلعان». توعىزعا بايلانىستى سيلىق تارتۋ،ايىپ بەرۋ تۇركى ەلدەرىنىڭ كوپشىلىگىندە كەزدەسەدى. ءاز تاۋكەنىڭ «جەتى جارعى» زاڭدار جيناعى بويىنشا قىلمىس جاساپ، ۇرلىق ىستەگەن ادام «توعىز» ايىبىن تارتقان. بۇل ايىپ باس توعىز نەمەسە تۇيە باستاتقان توعىز جانە ورتا توعىز نەمەسە ات باستاتقان توعىز نەمەسە وگىز باستاتقان توعىز بولىپ بولىنەدى. ات باستاتقان توعىز ايىبىنىڭ قۇرامى: بەستى ات، ەكى  قۇنان،ەكى تايىنشا،ءتورت قوي تۇرىندە  كەلەدى.

  جەرلەۋ،ولىكتى جونەلتۋگە بايلانىستى ات تۇلداۋ  فرازەولوگيزمى پايدا بولعان، ول ەر ادامداردىڭ ولىمىمەن بايلانىستى. ات تۇلداۋ – يەسى ولگەن ءمىنىس اتىنىڭ جال-قۇيرىعىن كۇزەپ شۇنتيتۋ،جىل بويى سەمىرتىپ،اسقا سويۋعا ازىرلەۋ.

  كوشپەندى حالىقتىڭ ومىرىندە جىلقىنىڭ ماڭىزى وتە زور بولعاندىقتان،حالقىمىزدىڭ سالت-داستۇرلەرىندەگى جىلقى تۇلىگىنىڭ الار ورنى ەرەكشە.

  حالىقتىڭ سالت-ساناسىندا جىلقى _ جوعارعى الەم، اتا-بابالار سيمۆولى. ماسەلەن، باتىرلار جىرىندا جىلقى تەك كولىك قىزمەتىن اتقارۋشى عانا ەمەس، ەر قورعانى، اقىلشىسى رەتىندە كورىنىپ، يەسىن قورعاپ-قورشاپ جۇرەدى، ءتىپتى ادامشا سويلەپ، اقىل-كەڭەس تە بەرەدى. وسى ورايدا گ. گاچەۆتىڭ پىكىرىنىڭ ماڭىزى ەرەكشە. ول: «وزگە جانۋارلار ادامعا قىزمەت ەتەدى، ال جىلقىعا ادام قىزمەت ەتەدى جانە ونى ار سانامايدى، ويتكەنى جىلقى – ءتاڭىردىڭ ادامزاتقا بەرگەن ەرەكشە سيى، جىلقى الەمنىڭ جوعارعى بولىگى. جىلقىدان وزگە جانۋارلاردىڭ ءبارى جەرلىك، ولار جەرگە تارتىلادى، جەرگە قارايدى، ال جىلقى الدىنا، جوعارىعا قارايدى، ات ۇستىندەگى ادام دا جوعارى الەم مۇشەسى، سوندىقتان ول دا جەر مەن ونىڭ تارتىلىسىنان بوساعان» دەيدى.

  جالپى جىلقىنى قۇرمەتتەۋ، كيەلى ساناۋ، دارىپتەۋشىلىك تەك قازاق حالقى عانا ەمەس، باسقا دا  كوپتەگەن   حالىقتاردىڭ  تاريحىندا دا (مىسالى، ەجەلگى ريمدىكتەردە، گرەكتەردە، جۇڭگو تاريحىندا، ەجەلگى ءۇندى-ەۆروپا ەلدەرىندە) كەزدەسەتىن قۇبىلىس. كوپتەگەن ەلدەردىڭ ميفولوگياسىندا دا جىلقى ەرەكشە قاسيەتتى تۇلىك رەتىندە بەينەلەنەدى. مىسالى، تۇلپار _ كۇننىڭ، قوزعالىستىڭ، تۇراقتىلىقتىڭ سيمۆولى. «ول   گەرالديستەر   تىلىندە ارىستاننىڭ جۇرەكتىلىگىن، قىراننىڭ قىراعىلىعىن، وگىزدىڭ عالامات قارا كۇشىن، ەلىكتىڭ عاجايىپ كوزگە ىلىنبەس شاپشاڭدىعىن،قىرمىزى قىزىل تۇلكىنىڭ قالاي دا بولسا جاۋىن جەر سوقتىرار ايلاكەرلىگىن بىلدىرەدى». ال قاناتتى تۇلپار قازاق پوەزياسىندا اسقاق ارماننىڭ، شابىتتىڭ بەلگىسى. جىلقى، سونىمەن بىرگە، اسقان بايلىقتىڭ (الالى جىلقى)، ءسان-سالتاناتتىڭ دا بەلگىسى.
سونىمەن، ات قۇمار، اتجاندى قازاق حالقى ءۇشىن جىلقى _ قوزعالىس كوزى، ءومىر ءسۇرۋ، تىرشىلىك ەتۋ فورماسى. جىلقى _الەمنىڭ جوعارعى بولىگى، اتا-بابالار سيمۆولى. جىلقى _ كۇننىڭ، قوزعالىستىڭ، تۇراقتىلىقتىڭ سيمۆولى. قازاق پوەزياسىندا اسقاق ارماننىڭ، شابىتتىڭ بەلگىسى. بايلىقتىڭ، ءسان-سالتاناتتىڭ دا بەلگىسى _ جىلقى.


شىعارمالاردى دايىنداعان -

                    سەرىك تۇرسىنالى ۇلى


       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn