ەەڭ جاڭا مازمۇندار
2019-جىلى 9-ايدىڭ 13-كۇنى 212-سان
اۆتونوميالى رايون 35-رەتكى وقىتۋشىلار مەرەكەسىن قۇتتىقتاۋ جانە وقۋ-اعارتۋ جۇيەسىندەگى
شي جينپيڭ بۇكىل ەلدىڭ وقۋ-اعارتۋ جۇيەسىندەگى وزات كوللەكتيۆتەر مەن وزات جەكەلەردىڭ ۋاكىلدەرىمەن كەزدەستى
ءدوربىلجىن: وسى زامانعى اۋىل شارۋاشىلىعى شارۋالاردى دوڭگەلەك داۋلەتكە ۇمتىلۋعا جەتەلەدى
جۇڭچيۋ مەرەكەسىندە تىلەكتەرى توعىستى
جاڭا ءۇي سالىپ، جاڭا قونىسقا كوشىپ، كەدەي بۇقارانىڭ تۇرمىسى جاقسارا ءتۇستى
2019-جىلى 9-ايدىڭ 12-كۇنى 211-سان
رەفورمانىڭ جۇيەلى، شوعىرلى، سايكەستى، جوعارى ءونىمدى بولۋىن كۇشەيتىپ، ءار جاقتاعى ءتۇزىمنىڭ اناعۇرلىم كەمەلدەنۋىن، اناعۇرلىم تۇلعالانۋىن ىلگەرىلەتەيىك
قابىر كۇزەتۋشى جاڭ چيۋلياڭ قۇرباننىڭ تۋىستارىن ىستىق ىقىلاسپەن قارسى الدى
سۇيىسپەنشىلىكپەن ءومىر جەلكەنىن اشتى
شاۋەشەك قالاسىنىڭ ساياحات كورىنىس تۇيىندەرى (4)
جۇڭچيۋ مەرەكەسىندە باس قوسىپ، سەزىمدەرىن توعىستىردى
2019-جىلى 9-ايدىڭ 11-كۇنى 210-سان
قۇرباننىڭ تۋىس-تۋعاندارى كەلىپ ازا ءبىلدىرىپ، بەيياڭ تاۋىن جاسپەن جۋدى
جاڭا جۇڭگونىڭ دۇنيەگە كەلۋى
قابىر كۇزەتۋشى جاڭ چيۋلياڭ قۇربانداردىڭ تۋىستارىن قارسى الۋعا تولىق دايىندىق كوردى
اكىمشىلىك مەكەمەسى 2019-جىلعى كەدەيلىكتەن ارىلتۋدان قامال الۋ ارناۋلى تاقىرىپتىق ۇيرەنۋىن وتكىزدى
ايماق جاڭا داۋىردەگى وركەنيەتتى امالياتتا ايگىلەۋ ورتالىعى جانە اۋدان دارەجەلى توعىسپالى مەديا ورتالىعى قۇرىلىسىن ناق مايداندا كوزدەن كەشىرىپ، ىلگەرىلەتۋ ءماجىلىسىن اشتى
مەرەكەنى قۇتتىقتاپ، ۇستازدارعا العىستارىن ءبىلدىردى
نەگىزگى تاقىرىپتىق تاربيەنى ىشكەرىلەي تىڭعىلىقتى ورىستەتىپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، قۇمىلدى شينجياڭنىڭ جوعارى ساپالى دامۋىنىڭ ماڭىزدى ارتۋ ۇيەگىنە اينالدىرۋ كەرەك
ايماق 35-رەتكى وقىتۋشىلار مەرەكەسىن قۇتتىقتاۋ اڭگىمە ءماجىلىسىن اشتى
لياۋنيڭ ولكەلىك جازۋشىلار قوعامىنىڭ دەرەك جيناۋ ۇيىرمەسى ايماعىمىزعا كەلدى
قۇربان نياز،يوۋ لياڭيىڭ 7 -كەزەكتى مەملەكەتتىك ءمورال ۇلگىسى داڭق اتاعىنا يە بولدى
«ەكىدەن تارىقتىرماۋ، ءۇشتى قامتاماسىز ەتۋ»دەگى كورنەكتى ماسەلەلەردى تىعىز كوزدەپ، نىسانادان جازباي، كەدەيلىكتەن ارىلتۋدان قامال الۋ شايقاسىن جاقسى جۇرگىزەيىك
2019-جىلى 9-ايدىڭ 10-كۇنى 209-سان
«لاڭكەستىككە قارسى تۇرۋ،ۇشقارىلىقتى الاستاۋ جانە ادامدىق ۇقىقتى قامتاماسىز ەتۋ» حالىقارالىق زەرتتەۋ-تالقى ءماجىلىسى ۇرىمجىدە اشىلدى
تاماشا سالتتى دارىپتەپ، وڭ ەنەرگيانى اسقاقتاتامىز
بۇل ارا ۇلتتار ىنتىماعىنان ۇلگى كورسەتەتىن قالا
مەرەكەنى تۋىسىممەن بىرلىكتە وتكىزدىم
تاماشا سالتتى دارىپتەپ، وڭ ەنەرگيانى اسقاقتاتامىز

قىس ماۋسىمىندا جىلىجايدا قيار ءوسىرۋ تەحنيكاسى

جولدانعان ۋاقىتى : 2015/12/3 11:10:04

ءسادىقان بايتۋلاق ۇلى

  قىس ماۋسىمىندا جىلىجايدا قيار وسىرگەندە قياردى اسقاباققا تەلۋ (ۋلاۋ) ءتاسىلىن قولدانعاندا بىرلىك ءونىمدى ءبىر دە ەكى ەسە ارتىرۋعا بولادى. تولىمدى مايسا جەتىستىرىپ، كوشىرگەننەن كەيىن تەز جەمىستەنۋ ءۇشىن، مايسا جاسى 40 كۇن بولۋى ءتيىس. سول ءۇشىن قىركۇيەكتىڭ ورتاسىندا مايسا جەتىستىرىپ، قاراشانىڭ باس، ورتا شەنىندە كوشىرسە بولادى.

  1. قياردىڭ ساپالى سورتتارىن تاڭداۋ

  ىستىق-سۋىققا، ىلعالدىققا ءتوزىمدى، دەرت-دەربەزگە قارسىلىق قۋاتى جاقسى، مول ءونىمدى، ۇيلەسىمشەڭدىگى كۇشتى سورتتاردى تاڭداپ ەگۋ قاجەت. ماسەلەن، جينيۋ 30-ءنومىر(津优)، بوناي 21-  ءنومىر (博耐) قاتارلىلار.

  2. قيار مايساسىن جەتىلدىرۋ

  1) ازىقتىق توپىراق ازىرلەۋ

  60% دەزينفەكسيالانعان توپىراق، ٪40 تولىق شىرىگەن ورگانيكالىق  تىڭايتقىشتى   ٪0.4 تىك فوسفورلى تىڭايتقىش، ٪0.04 تىك دوجۇنلىڭمەن بىركەلكى ارالاستىرىپ   ازىرلەنگەن ازىقتىق توپىراقتى دەزيفەكسيالاپ، جارعاقپەن قىمتاپ جاۋىپ، 7 دە 10 كۇن تۇرعان سوڭ جارعاقتى اشىپ، جەل قاقتىرىپ تۇقىم سىڭىرسە بولادى.

  2) تۇقىمدى كۇنگە جايۋ

  تۇقىمدى كۇنگە جايعاندا دەزيفەكسيالاۋ رولىن اتقارىپ قالماستان، تۇقىمنىڭ سۋدى تەگىس سىمىرۋىنە، تۇقىمنىڭ ءبىر تەگىس كوكتەۋىنە دە ءتيىمدى. سوندىقتان 1 دە 2 كۇن ۋاقىت جارعاق ۇستىنە كۇنگە جايۋ ءتيىس. سەمەنت تاقتا ۇستىنە جايۋعا بولمايدى.

  3) تۇقىمدى دەزينفەكسيالاۋ

  قيار مەن اسقاباق تۇقىمىن جىلى سۋدا دەزينفەكسيالاۋ ءتيىس. ℃55 تىق جىلى سۋدا 15 مينۋت شىلاپ، ءسۇزىپ الىپ، تۇنىق سۋدا ەكى رەت شايقالادى (مۇندا اسقاباق تۇقىمىنا 3 كۇن بۇرىن وسى سياقتى دەزينفەكسيالاۋ الىپ بارىلادى).

  4) تۇقىمدى ءوت جارعىزۋ (بۇرشىكتەندىرۋ)

  تۇقىممەن سۋدى ءبىردىڭ 5 ۇلەسىندەي  ازىرلەپ الىپ،38 دە 40 سەلتسي گرادۋس  جىلى سۋدا قيار تۇقىمى 10 ساعات، اسقاباق تۇقىمى 6 ساعات شىلانادى. مۇندا ۇستەمەلەپ جىلى سۋ قۇيىلىپ، تەمپەراتۋرانىڭ تومەندەپ كەتۋىنىڭ الدى الىنادى، بۇل ارقىلى تۇقىمنىڭ ءىشى-سىرتىنا جاسىرىنعان دەرت-دەربەز مەكروبىن جويۋعا بولادى. تۇقىم سۋدى جەتەرلىك سىمىرگەن سوڭ ءسۇزىپ الىپ، تۇقىمدى قۇرعاق شۇپەرەكپەن ءسۇرتىپ بۇرشىكتەندىرسە بولادى، مۇنداعى ەڭ ۇيلەسىمدى كۇندىزگى تەمپەراتۋرا ℃33، تۇنگى تەمپەراتۋرا ℃25.

    5 ) تۇقىم ءسىڭىرۋ

  ازىقتىق توپىراقتى قاندىرا سۋارىپ، سۋ بويىنا تارتقان سوڭ 500 ەسەلىك دوجۇنليڭ ەرتىندىسىن شاشىپ، توپىراق دەزيفەكسيالانادى. تۇقىم سىڭىرگەندە اسقاباق تۇقىمى   قياردان ءبىر كۇن بۇرىن ءسىڭىرىلۋى شارت. قيار تۇقىمىن 2، اسقاباق تۇقىمىن 5 تە 4 قالىڭدىقتا مايدا توپىراقپەن جاۋىپ،ونىڭ ۇستىنەن سۋلياۋ جارعاق توسەلىپ،دىمقىلدىعى ساقتالادى. كۇندىزگى تەمپەراتۋرا ℃40-35، تۇنگى تەمپەراتۋرا ℃25-30 ىشىندە تىزگىندەلەدى.

  6) مايسا ونگەننەن كەيىنگى باپتاۋ ءادىسى

  85% مايسا بۇرشىكتەنىپ جەر بەتىنە شىققان سوڭ، سۋلياۋ جارعاق الىپ تاستالادى. جارناق جاپىراق جەتىلە باستاعاندا كولەڭكە تۇسىرەتىن توردى تاڭەرتەڭ ەرتە جاۋىپ، كەشتە جاي اشۋ ارقىلى كۇشتى كۇن نۇرى  اسەرىنىڭ الدىن الۋعا بولادى. ەگەر كۇن جاۋسا، دەرەۋ سۋلياۋ جارعاقتى جابۋ ءتيىس. كۇندىزگى تەمپەراتۋرا ℃25-22، تۇنگى تەمپەراتۋرا ℃16-14 ىشىندە تىزگىندەلەدى. تەمپەراتۋرانى كۇنىنە ℃1 تان تومەندەتىپ       ℃12 قا جەتكەندە توقتاتىلادى. ەگەردە جارناق جاپىراق سالپيىپ قالسا وندا تەمپەراتۋرانىڭ تومەندىگىنەن، تىكىرەيىپ السا تەمپەراتۋرانىڭ جوعارىلىعىنان دەرەك بەرەدى. اۋا بۇلتتى كۇندەرى كۇندىزگى تەمپەراتۋرا 15 دە 18، تۇنگى تەمپەراتۋرا 8 دە 10 سەلتسي گرادۋس اينالاسىندا بولسا ۇيلەسىمدى. اسىرەسە تەمپەراتۋرانىڭ جوعارى بولىپ، قيارمەن اسقاباقتىڭ بويىنا زورلاپ وسۋىنەن ساقتانعان ءجون.

  7) قياردى اسقاباقا تەلۋ (ۋلاۋ) ءادىسى

  شانشىپ تەلۋدىڭ ءونىمى ءبىرشاما جاقسى بولادى. قياردىڭ جاپىراق كولەمى 3×2، اسقاباقتىڭ جاپىراق كولەمى 3×4 بولسا تەلۋدەگى تولىمدى مايسا ەسەپتەلەدى. تەلۋ بارىسىندا اسقاباق مايساسىن تامىرىمەن قوپارىپ الىپ، ءوسۋ نۇكتەسىن الىپ تاستاعاننان كەيىن جاپىراقتىڭ ءبىر جاعىنان اعاش ىستىكپەن تەسىك اشىپ، وعان جۇلىپ الىنعان قيار مايساسى ساباعىنىڭ تومەن جاعىن باكىمەن ۇشكىرلەپ، اسقاباق تەسىگىنە قىستىرىپ،  اعاش قىسقىشپەن ءبىر-بىرىنە قابىستىرا قىسىپ، ازىقتىق ىدىسقا كوشىرىلەدى. بۇل بارىستا كۇن نۇرىنىڭ تەلىنگەن مايساعا تىكە تۇسۋىنەن ابايلاعان ءجون. كۇندىزگى تەمپەراتۋرا ℃28-25، تۇنگى تەمپەراتۋرا          ℃18-16 ىشىندە تىزگىندەلەدى. 4 كۇننەن كەيىن جاراقات اۋزى ساۋىعادى، ونان سوڭ ادەتتەگىدەي باعىپ-باپتاسا بولادى.

  8) مايساعا تۇسەتىن جارىق مولشەرىن ارتتىرۋ

  جارىق پەن تەمپەراتۋرانىڭ تەلىنگەن مايسانى جەتىلدىرۋدەگى رولى بىردەي بولعاندىقتان، ءشوپ كورپەنى تاڭەرتەڭ ەرتە اشىپ، كەشتە جايراق جابۋ ارقىلى كۇن نۇرىنىڭ جەتەرلىك تۇسۋىنە مۇمكىندىك جاراتۋعا تۋرا كەلەدى. بۇدان سىرت، جارعاق ۇستىندەگى جابىسقان شاڭ-توزاڭداردى دا ۋاعىندا تازالاپ، كۇن نۇرىنىڭ كەدەرگىسىز تۇسۋىنە  ءارى كۇن بۇلتتى كۇندە دە ءشوپ كورپەنى اشىپ، ءالسىز كۇن نۇرىنىڭ دا جىلىجاي ىشىنە تۇسۋىنە كەپىلدىك ەتۋ ءتيىس. مايسا ەكى جاپىراق، ءبىر وزەك مەزگىلگە جەتكەندە كۇن نۇرىنىڭ ءتۇسۋ ۋاقىتىن 8 ساعاتقا قىسقارتۋ، ال 4 جاپىراق مەزگىلگە جەتكەندە كۇن نۇرىنىڭ ءتۇسۋ ۋاقىتىن قايتادان ۇزارتقان ءجون.

  9) توپىراق ىلعالدىعىن تەڭشەۋ

  ەگەردە توپىراقتا ىلعالدىق جەتەرسىز بولسا،سۋارعان ءجون. بۇل توپىراق تەمپەراتۋراسىن تومەندەتىپ قالماستان، دىمقىلدىقتى جوعارىلاتۋعا دا ءتيىمدى. مۇندا تۇستەن بۇرىنعى ساعات 10 مولشەرىندە سۋارسا ۇيلەسىمدى. تۇستەن كەيىن جانە اۋا بۇلتتى كۇندەرى سۋارۋعا بولمايدى. جىلىجاي تەمپەراتۋراسى ℃25 تان اسقاندا بارىپ اۋاسىن الماستىرعان ءجون. الايدا بۇلتتى كۇندەردە اۋا الماستىرۋدى قاعىس قالدىرسا بولمايدى. كۇنىنە 2 ساعات اۋا الماستىرسا جەتكىلىكتى بولادى.

  10) كوشىرۋدەن بۇرىنعى مايسانى جاتتىقتىرۋ

  مايسانى جاتتىقتىرۋ مايسانىڭ ناشار ورتاعا سايكەسۋشەڭدىگىن ارتتىرادى. ول ءۇشىن مايسا كوشىرۋدەن ءبىر اپتا بۇرىن تومەن تەمپەراتۋرادا جاتتىقتىرۋعا تۋرا كەلەدى. مۇندا كۇندىزگى تەمپەراتۋرا ℃20 كولەمىندە، تۇنگى تەمپەراتۋرا ℃5 ىشىندە تىزگىندەلەدى. وسىنداي جاتتىقتىرىلعان مايسانىڭ رەڭى توق جاسىل بولىپ، جاپىراقتارى قالىڭداپ،   سۋىققا قارسىلىق قۋاتى ارتىپ، كوشىرىپ  وتىرعىزىلعاننان كەيىن تەز قالپىنا كەلەدى.

  11) مايسا مەزگىلىندەگى دەرت-دەربەزىنىڭ الدىن الۋ

  كۇيدىرگى دەرتى (炭疽病). بۇل دەرت كوبىنەسە جارناق جاپىراق پەن ساباقتا پايدا بولادى. الدىن الۋ شاراسى: تۇيجۇنتى (退菌特) عا شيشىڭ مالىن (烯醒马琳) دى قوسىپ 600 ەسەلىك سۇيىقتىعىن ءار 5 كۇندە ءبىر رەتتەن، جالپى ەكى رەت بۇركىپ بەرۋ ارقىلى الدىن الۋعا بولادى.

  جۇعىمتال دەرت (疫病). بالاۋسا مايسانىڭ بارلىق ورگاندارىندا بايقالادى.  الدىن الۋدا يميليڭ (抑霉灵) عا رۇيدۋ  مىڭشىنىڭنىڭ 瑞毒锰锌)) سەگىز ءجۇز ەسەلىك سۇيىقتىعىن 5 كۇندە ءبىر رەتتەن، جالپى ەكى دۇركىن بۇركۋ ارقىلى الدى الىنادى.

  جاپىرىلۋ دەرتى (猝倒病). بۇل دەرتپەن جۇعىمدالعان مايسا ساباعى ءوزىن-ءوزى بيلەپ تۇرۋ قۋاتىنان ايىرىلىپ جاتىپ قالادى.  الدىن الۋ  شاراسى: بۇل دەرتپەن جۇعىمدالعان  مايساعا ٪75 تىك  جياجي  توپۋجىننىڭ   (甲基托普津) جەتى ءجۇز ەسەلىك ەرتىندىسىن بۇركىپ بەرسە  تىزگىندەۋ ءونىمى كورنەكتى بولادى.

       
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn