ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

ءومىر ماندىلىگىمەن، تۇرمىس زاڭدىلىعىمەن ءساندى

جولدانعان ۋاقىتى : 2015/12/11 17:32:28

  بەكمۇقان اكەشە ۇلى

    كۇلىپ وتىرعان ۇيگە كۇن ءۇيىر، تۇنەرىپ جۇرگەن ۇيگە مۇڭ ءۇيىر.

                        -حالىق ماقالى

    ادام بالاسى جارالعاننان باستاپ ومىرگە تالپىنىپ،وزگەرىستەرگە قىزىقتاپ،بىرتىندەپ ەرجەتىپ كەمەلدەنە باستايدى. سول ومىرگە تالپىنعان ءسابي قانداي سۇيكىمدى،قانداي رياسىز ەدى! ولار نەنى قاجەت ەتسە سونى سۇراۋدان قورىقپايدى. وزدەرىنىڭ ىقىلاسىن ەركىن بىلدىرەدى. ءسابي شاتتانعان كەزدە بۇكىل دۇنيە نۇرعا بولەنەتىندىگىن بىلەمىز. ولاردى سۇيكىمدى كورسەتكەن تال   بويىنداعى مىنسىزدىگى. ال سول مىنسىزدىگىمىزدى ەرجەتكەن سايىن كەمىتىپ جوعالتاتىن كىم؟قامشىنىڭ سابىنداي قىسقا ومىرگە قوناق بولىپ اتتاناتىن بەس كۇندىك جالعاندا بىرەۋىمىز اقشامىز بولعانىمەن رۋحىمىز جۇدەپ،ال بىرەۋىمىز  قولىمىزدىڭ قىسقالىعىنان قىسقا ءجىپ كۇرمەۋگە كەلمەي قينالىپ جۇرەمىز. تاعى بىرەۋىمىزدىڭ دەنساۋلىعىمىزعا اقاۋ ءتۇسىپ،شيپاگەر ىزدەۋمەن الەكپىز. مىنە،وسىنداي كوپ مۇقتاجدىقتىڭ ءتۇپ قاينارى نەدە؟قىزمەت، تۇرمىس، ۇرپاق قامى دەپ شاپقىلاپ جۇرگەنىمىزدە ءبىر ءسات ءوزىمىز جايلى ويلانىپ كوردىك پە؟ لاۋزى: «وزگەنى تاني بىلگەن ادام دانىشپان، ءوزىن تانىپ جەتكەن ادام زەردەلى» دەيدى. بۇل جالعاندا ادام،ەڭ الدىمەن،ءوزىن بىلە بىلمەسە نەمەسە  ءوزىن قادىرلەپ،سۇيە بىلمەسە باسقالاردى قايدان جارىلقاي السىن. ازاپتىڭ ءتۇپ توركىنى ءوزىن بىلمەۋ،ءوزىنىڭ ىشكى جان-دۇنيەسىن تازارتپاي،جارىلقاماي، وزىمىزگە جاسالعان قياناتتىڭ قۇنداعىنان قۇتىلا الماي ەسسىزدىكپەن «اقىلىنا ساۋلە قونباي حايۋانشا تىرلىك كورۋ». مىنە، بۇل كوپ ادامنىڭ كۇيكى تىرلىگى    بولماق.

    بۇگىنگى دامىعان قوعامدا بارلىق ادام وڭ-سولىن پارىقتاپ، اق پەن قارانى  ايىرا بىلگەنىمەن، ءوزىن ءسۇيىپ، ءوزىن تانۋدىڭ قانشالىقتى ماڭىزدى ەكەنىن   بىلەتىندەر، ونىڭ قادىرىن تۇسىنەتىندەر شامالى. سوندىقتان وقىرماندارمەن وسى تاقىرىپ اياسىندا وي ورتاقتاسۋدى ءجون كورىپ وتىرمىن.

    كوپ جىل وقۋ-اعارتۋ سالاسىندا قىزمەت ىستەگەندىكتەن وقىتۋشىلارىمىزعا ءوز قىزمەتىن قىزۋ ءسۇيۋدى، بالالاردى ايالاۋدى، بارلىق سۇيىسپەنشىلىگىن وقۋ-اعارتۋ قىزمەتىنە ارناۋدى دارىپتەپ كەلەمىز. الايدا، اتاعىمىز الاتاۋداي بولعان  ادام جانىنىڭ ينجەنەرى اتانعان سول ۇستازدارىمىزدا ادام تاربيەسىندە ءوزىن   قادىرلەۋدى ءبىرىمىز بىلسەكتە ءبىرىمىز بىلمەي،ادام جانىنىڭ كەمەلدىلىگى نەمەن قاتىستى، قايتكەندە ءتاننىڭ، سانانىڭ جانە رۋحتىڭ تەپە-تەڭدىگىنە جەتۋگە بولاتىندىعىن زەرتتەمەگەندىگىمىزدەن ۇستازدارىمىز رۋحاني جاقتان بايقالادى. ايتالىق، ول تاربيەلەگەن وقۋشىلارىمىزدىڭ سانالىق دامۋى مەن ساپاسىندا اقاۋ بايقالدى. قازىر كوپتەگەن وقۋشىلارىمىز دەنە شىنىقتىرۋعا ءمان بەرمەيدى. ساباق اراسىنداعى گيمناستيكادا ولار وقىتۋشىسى جانىندا بولسا عانا جاقسى وينايدى.   دەمەك،دەنە شىنىقتىرۋ سول ادام دەنەسىنىڭ شىمىر بولۋى ءۇشىن ەكەندىگىن بىلمەي مە؟قۇرىلىس، كەن ورىندارىندا حاۋىپسىزدىك قالپاعىن كيۋ، قاتىناس كولىگى ىشىندە حاۋىپسىزدىك بەلبەۋىن تاعۋ سياقتىلار تەك تەكسەرۋشىلەر بولسا عانا اتقاراتىن جۇمىس ەمەس. ول ءبىزدىڭ ومىرىمىزبەن تىكە قاتىستى. وسىنداي   ۇساق ىستەردىڭ ماڭىزىن بىلمەۋ ءوزىمىزدى ءسۇيىپ، ءوزىمىزدى تانۋداعى ماسەلە دەسەك ارتىق ايتقان سانالمايمىز.

  ءوزىن ءسۇيۋ

     ءوزىن ءسۇيۋ، الدىمەن، ءوز جان-دۇنيەڭدى قۇرمەتتەۋ، ءوز باسىڭنىڭ تىرشىلىك كەشۋ فاكتىسىن مەرەكەلەۋ،وسى كۇنگە شۇكىرلىك قىلۋ، ساۋ-سالامات كوڭىلدى كۇن كورۋ ءۇشىن،قازىرگى باردىڭ قادىرىنە جەتۋ، ءوزىڭدى ايالاۋ. سول ارقىلى اينالاڭداعى ادامدارعا، جان- جانۋار،وسىمدىكتەرگە دەيىن رياسىز  سۇيىسپەنشىلىك ورناتۋ، زارەدەي ءزابىر جاساماۋعا قۇلشىنۋ، بەينە ءسابي كەزدەگىدەي مىنسىزدىككە تالپىنۋ. كۇللى قورشاعان ورتا مەن جان جاراسىمدىلىعىڭ تابيعي تۇتاسىپ، كوڭىل تىنىشتىعىن تابا ءبىلۋ بولىپ تابىلادى. بۇل ەشقاشان   وزىمشىلدىكپەن ورتاقتاسپايدى. وزىمشىلدىك وزبىرلىق، پايداكوستىك، مەنمەندىك، ەكىجۇزدىلىك، ەسەپشىلدىك    سياقتى جانىڭدى جارالايتىن جەگى قۇرت. ءوزىن ءسۇيۋ ىشكى تازارۋ ءتاسىلى، ياعني ءتان تازالىعىنان دا ماڭىزدى ءدىلدىڭ رۋحاني تازارۋى. وزىڭە دەگەن ماحاببات ادامعا بەرىلگەن سيلاردىڭ ىشىندەگى ۇلىعى. ەگەر بارلىق ادام ءوزىنىڭ ىشكى تىنىشتىعىن تۇسىنسە وندا بولماۋعا ءتيىستى ءتۇرلى كەسەلدەر جويىلار ەدى.

     ءبىز ءوزىمىزدى قالاي ءسۇيىپ ءجۇرمىز؟ءوزىمىزدى تازا، ءمىنسىز دەپ ويلاۋعا مۇلدە باتىلىمىز بارمايدى. باسقالاردى دا سونداي ويلايمىز. دۇنيەنى دە سونداي بىلىققان، اق-قاراسى ارالاسقان، جاۋىزدىق پەن سۇرقيالىققا تولعان دەپ ويلايمىز. امالياتىندا دۇنيەدەگى بارلىق  ادام جاۋىز ەمەس، ءبىراق ءومىردىڭ قىسىمى، ادامنىڭ ەكونوميكالىق مۇقتاجدىعى ولاردى ادامگەرشىلىكتەن اۋىتقۋعا سەبەپ بولعان دەسەكتە،بويىمىزدا بار كىناراتتاردان قۇتىلا الماي كەلەمىز. ناقتىلاپ ايتقاندا، الدىمەن، قالايماقان   ازىقتانامىز. ۋلى ىشىمدىكپەن،شەگىمدىكپەن دەنەمىزدى ۋلايمىز. ويىمىزدى،  بويىمىزدى الدىمەن ءوزىمىز تۇزەۋدىڭ ماڭىزىن بىلە بەرمەيمىز. ءبىزدى ەشكىم جاقسى كورمەيتىندەي سەزىمدە بولامىز.كۇن كورىس ءۇشىن ايىبىمىزدى جاسىرامىز. سونىمەن وتكىزگەن كۇنالارىمىز  ءۇشىن جان ازابى مەن رۋحاني قارىزدى مەيلىنشە بويىمىزعا جيناپ، «كۇناكار» پەندەمىز دەپ سىلتاۋ تاۋىپ، ازدا بولسا ۇيات ازابىنان قۇتىلعان بولامىز. مىنە، بۇل بىزدەگى ءسۇيۋ. وزىمىزدەگى ارتىقشىلىق پەن قول جەتكىزگەن جەتىستىكتى كورە المايمىز. مۇنداي بارىس ءوزىڭدى جاقسى كورمەيتىندىگىڭدى كورسەتەدى. سوندىقتان ادام وزىندە بار مۇمكىندىكتىڭ كەرەمەتىن تانۋ ءۇشىن ءوزىن ءسۇيۋى كەرەك.

   ورتامىزدا كوپتەگەن ادامدار دەنە سالماعىنىڭ ارتىپ، سەمىرىپ كەتكەندىگىن، سودان پايدا بولاتىن قان مايلاسۋ، قان قويۋلىق، قان قىسىمى سياقتى كەسەلدەرگە جولىققانىن كەيىستىكپەن ءبىلىپ، شيپاگەرگە سەنىم ارتىپ،داۋالانىپ جۇرەدى. بۇلاي ىستەۋ، ارينە، اقىلعا سيىمدى. امالياتىندا اۋرۋدان ايىعۋدىڭ جولدارى كوپ. مۇنىڭ ىشىندە ادامنىڭ ىشكى مۇمكىندىگى بارىنەن ماڭىزدى. شيپاگەر كەسەلدەن ايىقتىرۋداعى سىرتقى سەبەپ. ءسىز قالىپتى ازىقتانىپ، كوپ ارەكەت جاساساڭىز، وزىڭىزدەگى وزگەرىستى بايقار ەدىڭىز. ءوزىن كوپ جاعدايدا قور ساناۋ، قولىمنان كوپ ءىس كەلمەيدى دەپ سىلتاۋدى سىرتتان ىزدەۋ ءوزىمىزدى جاقسى كورمەگەندىكتىڭ ايعاعى. دەمەك، ءتاندى اۋرۋدان ساۋىقتىرۋدىڭ جولى   الدىمەن ءوزىڭىزدىڭ قولىڭىزدا. ادام   اعزاسىندا،ءاسىلى جاراتىلىسىندا كوپتەگەن اۋرۋ ميكروبتارى بىرگە جاراتىلادى. سەن سالعىرتتانىپ، قارسىلىق قۋاتىڭ السىرەگەن سايىن ول ارەكەتتەنەدى. بەينە قاسقىر بولعان وڭىردەگى جابايى اڭداردىڭ سەرگەك تە سەزىمتال بولىپ ومىرشەڭدىك قۋاتىنىڭ جوعارى بولعانى سياقتى،دەنەمىزدە اۋرۋ قوزدىراتىن ميكروبتار بولعاندىقتان،يممۋنيتەتتىك قۋاتىمىز جوعارىلاپ وتىرادى. ادەتتە ماۋسىم الماسۋ بارىسىندا پايدا بولاتىن تۇماۋ دەنەنىڭ يممۋنيتەتتىك قۋاتىن ارتتىرادى. سوندىقتان عىلمي ازىقتانىپ، قالىپتى ارەكەت جاساپ، ءتان  اقاۋسىزدىعىن ساقتاۋ دا ادەتتەگى ءوزىن قادىرلەۋدىڭ جۇيەلى جولى.

    وي تازالىعى

    ءبىز ءوزىن ءسۇيۋدى ىشكى تازارۋ دەدىك. ادام دەنەسى بەينە ءبىزدىڭ كۇندەلىكتى پايدالانىپ جۇرگەن ءۇي جيھازدارىمىزعا ۇقسايدى. ءسىز ءار كۇنى سول ۇيىڭىزدەگى زاتتاردى جيناستىرىپ،تازالاۋعا ءتيىستىسىز. وسى بارىستا وعان سۇيىنە قاراپ، ەسكى، جاراقسىزدارىن قوقسىققا تاستاماساڭىز قالاي بولار؟كەرەكسىز قوقسىق كوڭىلىڭدى اينىتادى،ءتىپتى كەيبىرى ساسىپ ميكروب تاراتادى. وعان رەنجىپ، اشۋلانباي ءار كۇنى تازالاۋ كەرەك. سول سياقتى ءبىز ويىمىزداعى كەرەكسىز، ەسكىرگەن تانىمداردى ۇزدىكسىز جاڭالاۋمەن بىرگە، وتكەندەگى باسقالاردىڭ جانىڭىزدى جابىرلەگەن    وسەك-اياڭىن، ءتانىڭدى اۋىرتقان ءسوز-ارەكەتتەرىن، بەينە «جاقسىنىڭ اشۋى شاي ورامال كەپكەنشە» دەگەنىندەي، كوڭىلىڭنەن قۇلان تازا شىعارىپ تاستاۋ كەرەك. باسقالارعا رەنجىپ، ىشكى قينالىستا جۇرگەنىڭىزدى ول، ارينە، سەزبەيدى دە. سوندىقتان كەشىرۋ رەنىشتى سەيىلتۋدىڭ العاشقى قادامى ءارى ءوزىن قۇرمەتتەۋدىڭ باستاماسى. دەمەك، «كەڭ بولساڭ كەم بولمايسىڭ». جاراتىلىستىڭ مەيىرى بارىمىزگە جەتەدى.

    قاتىستى پسيحولوگيا ماماندارىنىڭ زەرتتەۋىنە قاراعاندا، دەنەگە اۋرۋدىڭ پايدا بولۋى سول ادامنىڭ ىشكى كوڭىل كۇيىمەن تىكە قاتىستى ەكەن. دەنەمىز ءار ۋاقىت بىزگە قىلت ەتكەن وزگەرىستى ايتىپ وتىرادى. تەك ءبىز ونى تىڭداۋعا ۋاقىت تاپساق دەنە ءبىزدىڭ ويىمىز بەن ءسوزىمىز بويىنشا قيمىل جاسايدى. كوڭىل رەنىشى دەنەگە اۋرۋ تۋدىرادى. ماسەلەن: ءوزىن قورسىنعان، مىنا ومىرگە وكپەسى بار، ءومىردىڭ قيىندىقتارىنان قورقاتىن ادامداردىڭ باس ساقيناسى ۇستاپ،باسى اۋىراتىن بولادى. ۇدايى قايعىسىن ىشىنە جۇتىپ، تەمەكى شەگەتىندەر وكپە اۋرۋىنا جولىعادى. جۇرەك، ارينە، ماحابباتتى، ال قان قۋانىشتى بىلدىرەدى. ومىرىمىزدە ماحاببات پەن قۋانىش بولماسا جۇرەك قىسىلادى. قان ازدىق پايدا بولىپ قان تامىر قاتايادى. ۇدايى جابىرقاڭعى ءجۇرۋ دە قان ازدىقتى كەلتىرەدى. اسقازاندا  ماسەلەنىڭ بولۋى جاڭا ومىرلىك جاعداياتتاردى قالاي ءبىر جايلى ەتۋدى بىلمەيتىن، ءوزىن جاقسى ەمەسپىن دەيتىن   ادامداردا بولادى. رەۆماتيزم ءوزىن جانە وزگەلەردى ۇنەمى سىناپ-مىنەۋدەن پايدا بولادى. جيناقتاپ ايتقاندا،«حاۋپىڭ نەدە بولسا قاتەرىڭ سودان» دەگەندەي، كوپ ىستەن كۇمان ىزدەپ، قاراداي كىنالى سەزىنۋ اۋرۋ كەلتىرىپ شىعارادى.

   ا ق ش-تىڭ حونسمان راك اۋرۋىن ەمدەۋ ورتالىعىنىڭ ىرگەسىن قالاۋشى  ءارى ءتوراعاسى جون M حونسمان راككا شالدىققان ناۋقاستار مەن سول ورتالىقتاعى 1600 دەن استام عالىم،زەرتتەرمەندەرمەن بىرلىكتە زەرتتەۋ بارىسىندا « ۋايىمداۋ، قىسىمعا ۇشىراۋ، جالعىزسىراۋ، قوبالجۋ راك اۋرۋىن اسقىندىراتىن سەبەپ بولسا،ۇمىتكەرلىك،دوستىق،جىگەر جانە اسقان رۋح راكتىڭ اۋرۋ مەرزىمىن قىسقارتىپ، ودان ايىعۋ بارىسىن تەزدەتەدى» دەيدى. حالقىمىز «شەر كوڭىلدىڭ سورى، دات تەمىردىڭ سورى» دەمەكشى، مىقتى  دەنساۋلىق وزىڭە دەگەن ماحابباتتان باستالادى.

    ءوزىن تانۋ

   ءبىر ادام جونىنەن الىپ ايتقاندا،ءوزىن تانۋى رۋحاني ويانۋىنىڭ،ءومىردىڭ ماندىلىگى مەن تۇرمىستىڭ زاڭدىلىعى جونىندەگى سۇراۋعا جاۋاپ بەرە باستاعاندىعىنىڭ بەلگىسى. ءوزىن تانۋ ادامدىقتىڭ باستاماسى. ادامنىڭ ەڭ ۇلكەن جاۋى  ءوزى. ءوزىن تانىماعان، ءوزىن جەڭە الماعان،ءوز قۇندىلىعىن جاراتا الماعان ادام ماڭگى قۇلدىق قۇنداعىنان قۇتىلماق ەمەس. ادام قايتكەندە ءوزىن تانىپ،  وزىندەگى بار مۇمكىندىكتىڭ قادىرىنە جەتىپ،كەمەلدەنۋگە بولادى؟ ادامنىڭ ارمانى وزىنەن باستاۋ الادى. كولشىكتەگى بالىق تەڭىزدىڭ، قۇدىقتاعى باقا اسپاننىڭ كەڭدىگىن بىلمەگەنى ىسپەتتى، اۋىلىنان ۇزاپ شىقپاعان جان دۇنيەنىڭ كەڭدىگىن قايدان بىلە الماق. دۇنيەنى ارالاپ بىلمەسەك تە كوپ كىتاپ كورىپ، تاريح   پاراقتارىن اقتارىپ،جاعراپيالىق بىلىمدەردەن كوپتەپ ءبىلىم الساق،دۇنيەدە قانداي ۇلتتاردىڭ بارلىعىن، ولاردىڭ جاساعان ورتاسىن، تۇرمىس-تىرشىلىگىن، ءتىل-جازۋ، عۇرىپ-ادەتىن، نانىم-سەنىم، زاڭ-تۇزىمدەرىن ءبىلىپ،ءوزىڭنىڭ كىم ەكەنىڭدى، تاعدىرىڭنىڭ قوعامدىق ورتامەن قانداي قاتىسى بارلىعىن اڭعارعان بولار ەدىك. ەركى ءالسىز،قاۋقارسىز جان جەل ايداعان قاڭباق  سەكىلدى ەركىندىگىن وزگەگە تابىستاپ، كۇن وتكىزەدى.

   ءوزىن تانۋ -اقىلدىق جاقتان ويانۋ،ءوزىنىڭ اقىل-پاراسات كۇشىنىڭ تەڭدەسسىز ەكەندىگىنە سەنىم بايلاپ،ۇزدىكسىز العا باسۋ. ادامنىڭ تابىسقا جەتۋىنىڭ سىرى-ونىڭ رۋحىنا،ويلاۋ بارىسىندا قالىپتاسقان اسقاق ارمان-مۇراتىنا،  يدەياسىنا جاسىرىنعاندىعىن،ەڭ الدىمەن، رۋحىمىز اقىل-پاراساتىمىزعا وسىنداي كۇش-قۋات بەرەتىنە سەنگەن ەكەنبىز، وندا ونى قالاي ساۋلەلەندىرۋدى ءبىلۋىمىز كەرەك. مىنا دۇنيەدە بىرەۋدىڭ تابىسىنىڭ تاۋداي بولىپ، تاسىنىڭ ورگە دومالاۋى مەن ەندى بىرەۋدىڭ ەرى اتىنىڭ موينىنا كەتىپ، كەرى شەگىنۋى جازمىشتا ماڭدايعا جازىلعان دەۋ ءبىزدى ۇمىتسىزدىك تەڭىزىنە باتىرعاننان باسقا تۇككە قاجەتى جوق. ەگەر ءسىز ساتسىزدىككە ۇشىراپ جاتساڭىز، تاعدىرعا نالەت جاۋدىرۋدىڭ ەشقانداي قاجەتى جوق. كەدەيلىك پەن اۋرۋ قىرىنا السا تاعدىرىڭىزدان كورمەڭىز،قايتا وزىڭىزدەگى كۇش-قۋاتقا سەنىم بايلاپ، وعان قارسى كۇرەس جاساپ قۇلشىنساڭىز،كەدەرگىلەر ءبىر مەزەتتەن كەيىن توزاڭداي توزىپ، كوپىرشىكتەي كەۋىپ جوعالادى. ءبىر   ادامنىڭ باسىندا ماڭگىلىك كەدەيلىك پەن ازاپ بولماق ەمەس. ءارقانداي ادام وزىنە اۋىر تالاپ قويىپ،باسقالارعا يەك سۇيەۋ يدەياسىنان قۇتىلىپ،اۋىرتپالىق پەن    الاڭدى ۇمىتسا،جارقىن بولاشاق وعان جومارتتىعىن كورسەتەتىن بولادى. «تالاپتانساڭ تاسقا شەگە قاعاسىڭ،زەر سالساڭ كورەرىڭ كوپ، سول ەسىكتى اشۋعا  باتىل بولساڭ، ەسىك تە ساعان ايقارا  اشىلاتىن بولادى». مىنە،بۇل تىرشىلىك قاعيداسى.

    ءوزىن وزگەرتۋ 
 

      ءوزىن تانىعان ادام ءوز بويىنداعى  كىناراتتاردى تانىپ، الدىمەن وزگەرۋگە قۇلىقتى بولۋى كەرەك. ءار ۋاقىت ءوزىڭدى باقىلاپ، دۇنيەگە ۇمىتپەن قاراۋ  كەرەك. بويىندا بار جاقسى قاسيەتتەرى مەن وزىڭدە بار جامان مىنەز-قۇلىقتى تۇزەتە الاتىندىعىنا سەنۋ كەرەك. ادامنىڭ ءوزىن-ءوزى تانۋ جولىندا مول ىزدەنىس قاجەت. ءومىر بويى ىزدەنىس دەسەك تە بولادى. وروللەر: «وزىمەن كۇرەسۋ-ەڭ قيىن كۇرەس. ءوزىن جەڭۋ-ناعىز ۇلى جەڭىس» دەيدى. ءيا،اسقاق ارمانمەن ءوزىن تانىپ،ءوز بويىنداعى كىناراتتى تۇزەتۋدە مويىماس رۋح قاجەت ءارى كۇندەلىك ارەكەت بارىسىندا جاقسى     ادەتكە اينالدىرۋ كەرەك. ءبىر كەمشىلىك تۇزەتىلسە، ءبىر ارتىقشىلىق كوبەيەدى. الىس ساپار ءار قادامنان تامامدالادى.  زارەدەي جاقسىلىققا تالپىنۋ وزگەرىستىڭ باستالعانى. ءومىردىڭ ماقساتى سول، ءوزىڭدى تاربيەلەۋ، قالىپتاستىرۋ ارقىلى ىزگىلىككە قول جەتكىزۋ. ادامنىڭ بارىندە ەرەكشەلىك بولادى. ءبارىنىڭ دە وزىندىك پسيحولوگيالىق ەمدەۋ ءتاسىلى بار. زامان دامۋىنىڭ تەزدەۋى كاسىپسىزدىك،ەمدەلۋ جانە ەكونوميكالىق قىسىمداردى اكەلگەنى شىندىق. الايدا وسىدان تۋىنداعان مازاسىزدانۋ،تورىعۋ سىياقتى ۇقساماعان كوڭىل ۋايىمى پايدا بولۋدا. ءبىراق ەڭبەكسىز جەمىس،بوداۋسىز ناتيجە بولمايدى، ناشار كوڭىل كۇي جۇبانىشىنان ارىلۋ  ءۇشىن،ءاربىر ادام ءوزىنىڭ جاعدايىنا قاراي، ءوزىن قۇرمەتتەپ،ءوزىن دۇرىس باعالاعاندا عانا اقاۋسىز تولىسقان دارا مىنەز قالىپتاستىرىپ، باسقالارمەن ءتۇسىنىسۋ،سەلبەسۋ قابىلەتىمىزدى جوعارىلاتۋعا بولادى.

    تاماشا كوڭىل كۇي تابىسقا جەتەلەيدى.ءبىز ءوزىمىزدى دە،وزگەنى دە ايىپتاۋدان ارىلساق بولار ەدى. اتا-انالار بالالارىنا مەكتەپتەگى ساباق ۇلگىرىمىنىڭ جاقسى بولماۋىنا بولا «اقىماقسىڭ» دەپ نەمەسە «ولاي ىستەمە،بۇلاي جۇرمە»  دەۋدىڭ ورنىنا ولاردىڭ ءار قادامىنا ماساتتانا   قاراپ،ءوز ويى،پىكىرى،ءوز قىلىعى بار بولىپ قالىپتاسۋىنا جىگەر بەرسە بولار  ەدى. اقىلشى بولا بەرگەنشە وزگەرىستى وزىمىزدەن باستاساق،ءار كۇنىمىز باقىتقا ۇلاساتىن بولادى. باقىت دەگەنىمىز ءومىر جولىنىڭ ءوزى،ياعني ناق وسى ساتتەن دۇرىس پايدالانىپ،راقاتتى پايدالانۋ،ول بولاشاق ەمەس،ءار كۇنىڭنەن ءدال   قازىرگى مۇمكىندىگىڭنەن دۇرىس پايدالانۋ،ءار كۇنى ساۋ-سالامات ورنىڭنان تۇرىپ،ءوز وتباسىڭدا جان جارىڭ،بالا-شاعاڭمەن كوڭىلدى بىرگە بولۋ،«ادامزاتتىڭ ءبارىن ءسۇي باۋىرىم» دەپ اباي ايتقانداي،اينالا كورشى-قولاڭمەن جاراسىمدى ءوتۋ. ادامنىڭ تۋعان ەلىنە،جاساعان ورتاسىنا بولعان ماحابباتى ءوزىن قادىرلەۋدەن باستالادى. ءوزىن قادىرلەگەن جان،ەڭ الدىمەن،وتباسىنا مەيىرىمدى،جاۋاپكەر بولادى. ودان اينالاسىنداعى ادامدارعا قامقورلىق جاساي الادى. باسقالارعا دەگەن سۇيىسپەنشىلىك وزىڭە جاسالعان قۇرمەت.

     ادامنىڭ اقىل-پاراساتىندا تەڭدەسسىز كۇش بار. ءسىز ىستەمەي جاتىپ «بىلمەيمىن» دەپ ويلاساڭىز،ءسىزدىڭ ىشكى  اقىلىڭىزعا الىپ بارار قاقپا جابىلادى. ادام بارلىق نارسەنى ءبىلىپ تۋمايدى،قايتا ىستەي ءجۇرىپ ۇيرەنەدى. ءومىر قيىندىقتار مەن توسقاۋىلعا تولعان بولادى. ەگەر ءومىردىڭ وسىنداي كەدەرگىلەرى بولماعان بولسا وندا مىنا دۇنيەنىڭ ەش ماعىناسى بولماعان بولار ەدى. دۇنيەدەگى بارلىق تىرشىلىك اتاۋلى وسىنداي كەدەرگىلەر مەن كۇرەسۋ بارىسىندا ءومىرىن جالعاستىرىپ كەلەدى. تىرشىلىك كۇرەسكە تولى. حالقىمىز ءومىردىڭ قىرسىعىنا   جاسىماي،قىزىعىنا تاسىماۋدى،بارلىق ىستە سابىرلى بولۋعا تاربيەلەگەن. ءومىردىڭ ءار سالاسىندا بەلسەندىلىك تانىتىپ، ۇمىتكەرلىك پەيىلمەن جۇرەتىن ادام ءارقانداي قيىندىقتاردى جەڭە الادى.  قايداعى ءبىر كوڭىل جابىرقاتار،كىرارزىماس ىستەرمەن ەلدىڭ ءمىنىن ەسىڭنەن شىعارىپ تاستا. گابريەل گارسيا ماركەس: «جاڭا ءبىر ادامدى كەزدەستىرىپ،ول مەنى تۇسىنەدى دەپ ۇمىتتەنگەنشە، ءوزىڭدى جاقسارت جانە ءوزىڭنىڭ كىم ەكەنىڭدى ءبىل» دەيدى. ۇلى اباي: «ەگەر ەستى كىسىلەردىڭ قاتارىندا بولعىڭ كەلسە،كۇنىندە ءبىر مارتە،بولماسا جۇماسىندا ءبىر مارتە،ەڭ بولماسا ايىندا ءبىر وزىڭنەن ءوزىڭ ەسەپ ال...» دەگەن. مىنە بۇلاردىڭ ءبارى ادام وزگەرىستى وزىنەن باستاۋعا جەتەكتەيدى. ءبىز مەيلى كىم بولايىق (جاسىمىزعا قاراماستان)،وتكەندى ويلاپ نەمەسە اينالامىزداعى مۇمكىندىككە سۇيەنبەي،ءوزىمىزدى وزگەرتەيىك،ياعني ءوزىمىزدى وزگەرتۋدە مەنىڭ وقي الماۋىم،مەنىڭ كەدەي بولۋىم،اناعان نە مىناعان قول جەتكىزە الماۋىم دەپ باسقالارعا كىنا ارتقانشا، قايتا قازىرگى بار مۇمكىندىكتەن پايدالانىپ،مەنىڭ دە قانداي جاقسى جاقتارىم بار،دەنىم ساۋ، اقىلىم بار،ت. ب ەرەكشەلىكتەرىڭنىڭ جاقسى جاقتارىن تاۋىپ،  اينالاڭا وزىڭنەن باستاپ تاراتساڭ وزگەرىس باستالادى.  

     جيناقتاپ كەلەگەندە، سارى ۋايىم، بارلىق ءىستى تەرىستەۋشىلىك پەن سىڭار ەزۋ،كەرباقپالىق سەنىڭ دەنساۋلىعىڭ مەن رۋحىڭدى جەمىرۋمەن بىرگە،سەنى وتباسىڭدا قادىرسىز ەتەدى،دوستارىڭمەن، اينالاڭداعى ادامدارمەن بولعان  قاتىناسىڭدى بۇلدىرەدى. سوندىقتان قولدا جوقتى كوكسەي بەرمەي، قولدا باردىڭ قادىرىن ءبىلىپ،قاناعات ەتىپ،ءارقانداي ىستە جاقسىلىق كۇتۋگە داعدىلانۋ قوماقتى كىرىس تاپقاننان دا پايدالى.  


        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn