ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

سۇبەلى سۇراۋدان سۇڭعىلالىق تۋادى

جولدانعان ۋاقىتى : 2015/12/18 12:52:37

ەرسىنالى سۇلتان ۇلى

   ادام سانا-سەزىمىنىڭ ويانۋى وي الۋدان، وي الۋى اسەرلەنۋدەن باستالادى. 20-   عاسىردا ءومىر سۇرگەن  ۇلى عالىم ەنيشتەين:  «ءبىر جاقسى سۇراۋدىڭ رۋحاني قۇندىلىعى مەن ناتيجەسى. ونىڭ جاۋابىنىڭ رۋحاني  قۇندىلىعى مەن ناتيجەسىنەن اسىپ تۇسەدى»  دەگەن ەكەن. الەمدە سۇراۋى بار نارسەنىڭ عانا جاۋابى بولادى. ءبىر تال المانىڭ نيۋتوننىڭ باسىنا ءتۇسىپ كەتۋى ونىڭ ىشكى جان سەزىمىن تەبىرەنتىپ عانا قالماستان، ونى الما نەگە جەرگە تۇسەدى؟نەلىكتەن اسپانعا ۇشىپ كەتپەيدى دەيتىن سۇراۋدىڭ   جاۋابىن تابۋعا جىگەرلەندىرگەنى اقيقات. مۇنى سول داۋىردە نيۋتون قوعامداعى كوپتەگەن  ادامداردان سۇراعاندا ولار نيۋتوندى مىناۋ «جىندى» بولعان ەكەن دەپ كەلەمەجدەگەن. ادەتتەگى ادامدار ەلەپ تە ەسكەرىپ كەتە بەرمەيتىن بۇل سۇراۋدىڭ ءمانىن اشاتىن   دۇرىس جاۋاپتى تابۋ ءۇشىن ول كوپ ىزدەنىپ،ەڭ سوڭىندا الەمنىڭ تارتىلىس كۇشى بولاتىندىعىن بايقاپ،تۇڭعىش كلاسسيكالىق مەحانيكانىڭ نەگىزىن سالىپتى. قاراپ وتىرساق،وزىنە اسەر ەتكەن سىرتقى دۇنيەنىڭ زاڭدىلىعىنان عىلىميلىقتى،عىلىميلىعى ارقىلى سىرلىلىقتى اشىپ وتىر. ادامنىڭ ويىنا كەلگەن ءبىر سۇراۋ ارقىلى عىلىم-تەحنيكانىڭ ءبىر جاڭالىعىن اشۋدىڭ ورايى كەلسە،وندا اشىلعان جاڭالىقتىڭ نەگىزى سول جاڭالىقتى تۇڭعىش بولىپ بايقاعان،بايقامپاز وي جۇيەسى ارقىلى جاڭالىق اشۋعا  ىنتىققان ادامنىڭ سۇراۋىن  نەگىز ەتە داميدى. سوسىن ول عىلمي جەتىستىكتىڭ شىڭىنا اينالادى ەكەن. بۇدان ءبىز  جاۋاپ سۇراۋدىڭ ارناسى بويىنشا دامىپ، سۇراۋعا قىزمەت ەتەتىندىگىن ۇعىنامىز. ءدال وسى جەردە جاۋاپ ءبىر ماسەلەنى شەشۋدىڭ كىلتى بولسا،وندا وسى جاۋاپتى تۋدىرعان سۇراۋ ءبىر جاڭا «كىلتتى» جاساپ،ادامزات كەزىككەن ماسەلەنى شەشۋدىڭ جولىن تاپقان تاپقىرلىق ەسەپتەلەدى. مۇنداي سۇراۋعا ءبىر ادامنىڭ زەيىن-قۋاتى مەن ىزدەنىسكە كەتكەن اقىل-پاراساتتى جاۋاپتىڭ عىلمي دا قۇندى بولۋىنا سەبەپكەر بولىپ وتىر. ءدال وسى ارادا ءبىز سۇراۋ مەن جاۋاپتىڭ ءبىر ورگانيكالى تۇلعاعا اينالعاندىعىن كورەمىز. پەداگوكتار: «سۇراۋى بولماعان ۇيرەنۋ – ۇيرەنۋ ەمەس» دەسە؛ال،زەرتتەرمەندەر: «سۇراۋ ۇيرەنۋ رۋحىن شىڭاپ،ادامداردىڭ كۇماني سانا سەزىمىن وياتۋدىڭ قوزعاۋشى كۇشى» دەيدى. سۇراۋ سۇرالىپ،سۇراۋعا جاۋاپ بەرۋگە قىزعىن بولىپ ۇيرەنبەگەن بالا ۇلكەيگەندە كەزىككەن ماسەلەنىڭ جاۋابىن تابۋ ءۇشىن كوپ قيىندىقتاردى باسىنان وتكىزەدى ەكەن. سول جاۋاپتى تابۋعا ءبىرى، زەيىن-زەردەسى، ەكىنشىسى،ۋاقىتى سارىپ بولادى. سەبەبى وندا سۇراۋعا جاۋاپ تاباتىن بايقامپازدىق رۋحتىڭ جەتىلمەگەندىگىنىڭ بەينەسى. جاڭا ماسەلە مەن جاڭا ورايلارعا تولعان دۇنيەدە سەزىمدى جوعالتىپ،كوز الدىندا تۇرسا دا نەمەسە الما باسىنا تۇسسە دە سيپاي قامشىلاپ كەتە بەرەتىندەر تولىپ جاتىر. انە،ولار سۇراۋدان سۇڭعىلالىق تۋىندايتىندىعىن ماڭگى سەزىنبەيتىندەر. مەديتسينا ماماندارى دا سۇراۋ سۇراۋ ارقىلى ناۋقاس ادامداردىڭ قانشالىق ءومىر سۇرەتىنىن دە بىلگەن. مىسالى،ءبىر ناۋقاس ادام شيپاحاناعا جەتكىزىلىپتى. شيپاگەر ودان «بىرەر نارسە جەگىڭىز كەلە مە؟» دەپتى.

ناۋقاس: «ەشنارسەگە تابەتىم تارتپايدى» دەپتى.

شيپاگەر: «قىزىعاتىن،قيمايتىن نارسەلەرىڭىز بار ما؟» دەپ سۇراپتى.

ناۋقاس: «جوق».

شيپاگەر تاعى دا قاداعالاي: «قارتا ويناۋ، اراق-شاراپ ءىشۋ،مەيىرىڭىز تۇسكەن ءبىر ايەل زاتىمەن سىرلاسۋعا قالايسىز؟جوق   دەمەيتىن شىعارسىز» دەپتى.

ناۋقاس: «وندايعا زاۋقىم جوق». 

  شيپاگەر اۋىر ءبىر تىنىستاپتى دا ناۋقاس بولمەسىنەن شىعىپ كەتىپتى. ىلەسە شىققان الگى ناۋقاستىڭ بالاسى اكەسىنىڭ جاعدايىن شيپاگەردەن سۇراعاندا شيپاگەر: «مەن سۇراعان سۇراۋدىڭ بىرەۋىنە دە قاناعاتتاندىرالىقتاي جاۋاپ بەرمەدى. بۇل ادامدا ءۇمىت-تىلەك، اۋەس-ارمان دەگەندەر قالماعان ەكەن. رۋحاني تىرەگىنەن ايرىلعان ادامعا ەم قونۋ قيىن» دەپتى.

  «اقىل-كەڭەس سۇراۋ – ءبىر ادامنىڭ  ەكىنشى ادامعا كورسەتە الار ەڭ زور سەنىمى» دەيدى ف. بەكون. ادام ىزدەنىسىن وياتاتىن وسىناۋ «سۇراۋ» دەيتىن كيەلى ۇعىمنىڭ ءمانى وتە ارىدا. سۇراۋ جاقسى بولسا ول ۇلتتىق رۋحىڭدى وياتىپ،ۇياتىڭدى مولايتادى.   ارلىلىققا تاربيەلەپ،ابىرويىڭدى اسقاقتادى. سوسىن ودان ادالدىق پەن اياۋشىلىق وركەندەيدى. قازاقتىڭ ايگىلى ءبيى تولەگە سالەم بەرە كەلگەن ءارى باتىر،ءارى شەشەن شاقشاق جانىبەك: «ءتۇزۋ مىلتىق، ۇشقىر قۇس، جۇيرىك تازى، ماقتانشاق جىگىت، ۇرىنشاق ات جيدىم، بوزبالا بولىپ ەرلىك قىلايىن با، ۇلگى الىپ بيلىك قۇرايىن با؟» دەپ سۇراپتى. سوندا تولە ءبي:

   -وگىزدى ورگە سالما،قاناتىڭ تالار،  نادانعا كوزىڭدى سالما،ساعىڭ سىنار. دوسىڭا وتىرىك ايتپا،سەنىمىڭ كەتەر،دۇشپانعا سىرىڭدى ايتپا،تۇبىڭە جەتەر. قارۋ جيساڭ مىلتىق جي،جاياۋ جۇرسەڭ – تاياق، قارنىڭ اشسا – تاماق. ءيت جۇگىرتىپ،قۇس سالساڭ اۋەيى بولاسىڭ،ايەل الساڭ،كوركىنە قىزىقپا، تەكتىنى ال،ماقتانشاق جىگىت جيساڭ – ۇياتقا قالدىرار. ۇرىنشاق ات جاز جارعا جىعار،قىس قارعا جىعار. تۇماۋ ءتۇبى قۇرت بولار،تۇمان ءتۇبى جۇت بولار. ەلگە باي قۇت ەمەس، ءبي قۇت. قابىرعادان قار جاۋسا،اتان مەنەن نارعا كۇش،ەل شەتىنە جاۋ كەلسە،باتىر  مەنەن بيگە كۇش. قاراپ وتىرعانشا ءبىر  نارسەگە جاراپ وتىر،كاسىپ بولماي ءناسىپ بولماس،ۇلىم!-دەپ جاۋاپ بەرگەن ەكەن. مىنە،قازاقتىڭ ناعىز زەردەسى مەن زەيىنىن سىنار سۇراۋعا بولاشاعى مەن باقىتىن،ازاماتتىعى مەن اقجارما اقىلدىلىعىن، شەشەندىگى مەن شەبەرلىگىن كەستەلەي بەرگەن جاۋاپقا قالاي تاڭدانباسقا. زەيىن سالا وقىپ،زەردەڭە سالىپ زەرتتەسەڭ،مۇندا تەرەڭ تەبىرەنىس پەن ىزگى ۇمىتكە باستار ىزگىلىكتىڭ ءۇنى جاتقان جوق پا؟! جاقسى سۇراۋ ادامنىڭ ىشكى رۋحانياتىنىڭ اشىلۋىنا،ادامزاتتىڭ باقىتى ءۇشىن ويانىسقا قاراي بەت الۋىنا جارقىن جول سىلتەر ماياك! بۇل تۋرالى ءدىلدا ماتاي قىزى: «ءسوز ادامزاتتىڭ ەڭ عاجايىپ اشىلىسى. ونىڭ قاسىندا حريستوفور كولۋمبىنىڭ قۇرلىق اشقانى جاي عانا كورىنىس» دەگەنى ەسىمىزگە  ورالادى.  ادامزات ومىرىندە جاۋابى تابىلماعان سۇراۋلار كوپ؟ عىلىم-تەحنيكا،وقۋ-اعارتۋ،تۇتاس ادامزاتتىڭ عالامدىق مادەنيەتىنە ساياتىن «ءجۇز مىڭ نە ءۇشىن؟» دەگەن سۇراۋلى جەلىلەس عىلىمنامالىق كىتاپتىڭ شىعۋى ادامزاتتىڭ سانا دامۋىنىڭ شەگى جوق   ەكەنىن ءتۇسىندىرىپ بەرە الادى. دۇنيەدەگى ۇرەي جايلاعان پەرمۋدا ءۇشبۇرىشتى ءوڭىرىنىڭ ءتىلسىم سىرى نەدە؟ دۇنيە ءجۇزىنىڭ جەر-جەرىنەن كورىنگەن ۇشپا تالەنكە شىن با،جوق الدە،جالعان با،ول سىرتقى پلانەتادا تىرشىلىك يەسىنىڭ بارلىعىن دالەلدەي الا ما... دەيتىن بايىبىنا بارا المايتىن سىرلىلىقتاردىڭ بارلىعى دا ادامزاتتىڭ عىلمي تانىم قۋاتى مەن عىلمي دەڭگەيىنە سۇيەنىپ ءتۇسىندىرۋ مۇمكىن ەمەس ەكەنىن،ونى تەك ادامزات وزىنە قويىلعان سۇراۋ نەگىزىندە عانا ماگنيتتەي تارتقان،ىشكى سىرىنا باۋراعان رەال دۇنيەگە دەگەن قۇشتارلىعى مەن اۋەسى ارقىلى جاۋاپ تاباتىندىعىن دالەلدەپ وتىر. تەك دۇنيەگە، ومىرگە شىنايى ماحاببات پەن قۇشتارلىق عانا ادامدارعا وڭ ەنەرگيا بەرەتىندىگىن. ال،كەرىسىنشە بولعاندا ادامزات قوعامىنان،جاراتىلىس دۇنيەسىنىڭ ۇزدىكسىز دامۋىنان اۋىز اشۋعا بولمايتىندىعىن تۇسىندىرەدى.  ادامنىڭ  وي وربيتاسىنا  تۇسكەن  «سۇراۋ» مانىنە يە سەزىمتالدىق پەن  سەنىم ادامنىڭ ىشكى جان دۇنيەسىنە ءوز ىقپالداستىعىن تۋدىرىپ، مىنا دۇنيەنى جاڭا ءبىر قىرىنان تانۋىنا جول اشادى ەكەن. مۇنداي جاسامپازدىقپەن جاڭالىق جاراتۋ بارىسى ءبىر ادامنىڭ ءومىرىن نۇرلاندىرىپ، اتىن اڭىزعا اينالدىرىپ قالماستان،قىل قىسقاسى تۇتاس ادامزاتتىڭ سانا-سەزىمىنە ماڭداي تەردىڭ تۇنىعىمەن ءسىڭىپ كىرىپ،قۇلشىنىستىڭ قۇدىرەتىمەن ورنايتىندىعىن تاريحي شىندىقتار دالەلدەپ وتىر. ايگىلى دوكتور جورج. ە. پيتزەر: «قاتاڭ ماننەن الىپ ايتقاندا ادام ساۋ،نورمال تىرشىلىك كۇيىندە تۇرعاندا، وبيەكتيۆ رۋح پەن سۋبيەكتيۆ رۋح وتە تاتۋ جاعدايدا تۇرادى. ال،وسى جاعداي پايدا بولعاندا،دەنساۋلىق پەن بەلسەندى جاعداي ادەتتە ۇستەم ورىندى ۇستايدى. ءبىراق وسى ەكى ءتۇرلى رۋح وتە جاراسىمدى ءسىڭىسۋ مەن ءوزارا سەلبەسۋ كۇيىنە رۇقسات ەتە بەرمەيدى.  جاراسىمسىز  كۇي ادامدا رۋح جاقتاعى بىلىقپالىق پايدا قىلادى، فيزولوگيالىق  قالىپسىزدىق تۋدىرادى،دەنە مۇشەلەرىنىڭ قىزمەتىنە اۋرۋ تۋدىرادى» دەيدى. ادامنىڭ  ءوز-وزىنە سۇراۋ قويۋ ارقىلى ونىڭ جاۋابىن ىزدەۋى مەن وزگەلەرگە سۇراۋ قويۋ ارقىلى وزىندەگى ىنتىق سەزىم مەن قۇشتارلىقتىڭ جاۋابىنا يە بولۋى ادامزاتتىڭ كومەسكى تانىمىن اشۋ ءۇشىن بولارى انىق. ەگەر ادام وزىندە بار بولعان سۇراۋدىڭ جاۋابىن ىزدەۋ نىساناسى  انىق بولسا،وندا سول سۇراۋدىڭ جاۋابى ونى ادامزات ءۇشىن ىزگى ءىس ىستەۋدىڭ ۇلى دەمەۋشىسىنە،قولداۋشىسىنا اينالدىرادى.   كەرىسىنشە بولسا، ناداندىق پەن قورقىنىشقا اينالىپ ادامزاتقا حاۋىپ تونەرى حاق. پسيحولوگتار: «ادامدا رۋح بولادى،سوندىقتان دا بۇل دۇنيەدە جاساپ جاتقان ادامدار ءبىر- بىرىمەن ءوزارا ديالوگ ارقىلى تۇسىنىسەدى ءارى سول ديالوگ ارقىلى دۇنيەنىڭ سىرىنا ۇڭىلۋگە ءبىرىن-ءبىرى جەتەلەيدى» دەيدى. مىسالى،قازاق تاريحىندا اتى اڭىزعا اينالعان، ءوز ۇرپاعىنا جەر ۇيىق ىزدەگەن اسانعايى  بابامىزدا ەلىنە تاتۋ -ءتاتتى تىرشىلىك وتكىزۋدى،تىرشىلىكتىڭ قادىرىن تىرلىكتە    ءبىلۋدى،جاقسىنىڭ جاعاسىنان الىپ،زامان تالكەگىنە سالۋعا بولمايتىندىعىن ەسكەرتەدى. اق ەدىل جايساڭداردىڭ كوڭىلىنە عارىپتىقتىڭ قاسىرەتىن سالعان سول زامانداعى ادامدارعا كەكتەنەدى. ءداۋىر ۇنىنە ءۇن قوسادى. حالىق جۇرەگىندەگى بۇل زاماندا نە عارىپ دەيتىن سۇراۋلى ساناعا: 

»بۇل زاماندا نە عارىپ؟
اق قالالى ءبوز عارىپ.
جاقسىلارعا ايتپاعان 
اسىل،شىرىن ءسوز عارىپ.
زامانداسى بولماسا،
كاريالار بولار تەز عارىپ؛
قادىرىن جەڭگە بىلمەسە،
بويعا جەتكەن قىز عارىپ.
....................
قاز-ۇيرەگى بولماسا،
  ايدىن-شالقار كول عارىپ» دەپ عارىپتىقتىڭ ءدال جاۋابىن ايتادى. مىنە،جاقسى ءسوز تىڭدالمايتىن زامانمەن،زامانداسى جوق، تاربيەسىز ۇرپاقتىڭ قولىنا قاراعان كەيبىر قارتتاردىڭ،جەڭگەسىنىڭ سىرلاسى بولا بىلمەگەن قىزدارىمىزدىڭ،ەكولوگيالىق ورتاسى بۇزىلعان قاز-ۇيرەكسىز كولدەردىڭ تاعدىرىن كوز الدىمىزعا كەلتىرەيىكشى. سول داۋىردەگى سۇراۋدىڭ جاۋابى بۇگىنگى داۋىردە دە ارامىزدان تابىلىپ،قۇلاعىمىزدىڭ تۇبىندە جاڭعىرىعىپ،كوزىمىزدى تالدىرىپ،كوڭىلدەرىمىزگە قاياۋ سالىپ  تۇرعانىن ويلاشى! «بۇل زاماندا نە عارىپ؟» دەيتىن سۇراۋدىڭ جەتەگىمەن تۋعان عاسىردىڭ سۇزگىسىنەن ءوتىپ، ءتالىم-تاربيەلىك قۋاتىن بۇگىندە جويماعان وسىناۋ جاۋاپتاردىڭ رۋحاني قۇندىلىعى ءالى دە ءبىزدىڭ قوعامعا دۇرىس پوزيتسيادا قاراپ، ساقتاناتىن ىستەردەن ساقتانباۋعا بولمايتىن سەرگەكتىك سەزىم باعىشتاپ تۇرعاندىعىن  جاسىرا دا المايمىز. بابالار سۇڭعىلالىعىنىڭ قاينارى مەن قايسار مىنەزدى عالىمدار كوكىرەگىندەگى دۇنيە تانىمنىڭ سىرلى قويماسىن  اشقان سۇبەلى «سۇراۋلار» ءداۋىردىڭ مىنەزدەمەسىمەن ساباقتاسىپ،سالت-ءداستۇرىمىزدىڭ تەرەڭ يرىمدەرىنە بويلاپ،ءبىزدى جاڭا ءداۋىردىڭ ۇشان-تەڭىز رۋحاني بايلىعىن جاراتۋشىلار مەن تاراتۋشىلارى بولۋعا شابىتتاندىرىپ تۇرعانداي... ءبىزدىڭ ەرتەڭىمىز تاعى دا سۇڭعىلالىقتاردى تۋدىراتىن قانداي سۇبەلى سۇراۋلارعا جۇكتى ەكەن دەشى؟..


        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn