گەرمانيا جول شىراقتارىنان پايدالانىپ،ەلەكتر اۆتوموبيلدەرگە توك تولتىرۋدى جۇزەگە اسىرماقشى

      تۇماندى اۋا رايى سياقتى ورتا ماسەلەسى جۋىقتاعى جىلداردان بەرى بارىنشا كورنەكتىلەنىپ كەلەدى، مەملەكەتتىڭ  بار  كۇشپەن  دارىپتەۋىندە ەلەكترلى اۆتوموبيلدىڭ بازارى دا جاندانا باستادى، قوسىمشا قاراجات بەرۋ جانە ءتۇرلى تيىمدىلىكتەرمەن قامداۋ سياقتى ابزال ساياساتتىڭ  دەمەۋىندە الارمانداردىڭ تالعامى دا ەلەكتر اۆتوموبيلگە بەيىمدەلە باستادى، الايدا، اۆتوموبيلدى زارياتتاۋ ماسەلەسى كوپتەگەن الارماندى ەلەكتر اۆتوموبيل ساتىپ الۋ رايىنان قايتارۋدا. وسى جاعدايعا قاراتا، گەرمانيانىڭ عالىمدارى ءاربىر جول شىراعىن اۆتوموبيل زارياتتاۋ بەكەتىنە  اينالدىرۋداي  جاڭاشا امالدى ويلاپ تاپتى. 

    بەرليندەگى ءبىر  ۋنيۆەرسيتەتتىڭ ىشىندە نينا كەيم حانىم ەلەكتر اۆتوموبيلىن جول شىراعىنىڭ تۇبىنە توقتاتىپ، اۆتوموبيلدەن زارياتتاۋ جابدىعىن الىپ شىعىپ، ءبىر باسىن اۆتوموبيلدىڭ ماي ساندىعىنا، ەندى ءبىر باسىن جول شىراعىنا جالعاپ قويدى دا زارياتتاۋ جابدىعىنداعى ايىرىپ-قوسقىشىن باسىپ ەدى، ودان « ديتىلداعان » دىبىس شىعىپ، اۆتوموبيلدى زارياتتاي باستادى. 

    مىنە وسى زارياتتاۋ جابدىعى نينا كەيم حانىمنىڭ سەرىكتىگى تاپقىرلاعان جوعارى عىلىم - تەحنيكالىق ءونىم، بۇل جابدىقتىڭ ىشىنە ءبىر ەستەلىككە الۋ اسپابى ورناتىلعان، ول زارياتتاۋعا قاجەتتى  ەلەكتر  مولشەرىن  ەستەلىككە الىپ، ساندى مالىمەتكە اينالدىرىپ، اۆتوماتتى تۇردە قاتىستى توراپ بەكەتى ارقىلى ءار ءتۇرلى جىلجىمالى تەرمينالدارعا جەتكىزىپ، اۆتوموبيل يەسىنىڭ تەكسەرۋىنە جانە اقى تولەۋىنە قولايلىلىق جاراتادى ەكەن. 

   نينا كەيم حانىمنىڭ تانىستىرۋىنا نەگىزدەلگەندە، بولاشاقتا زەردەلى قولفون سياقتى جىلجىمالى تەرمينال ارقىلى الىس ارالىقتان زارياتتاۋدىڭ جالپى بارىسىن مەڭگەرۋگە بولادى. كەزەكتە، بۇل نىسان بەرليندە سىناق رەتىندە اتقارىلعان ەكەن. 


        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.