يرانداعى كەزبەلەرگە ارنالعان «مەيىر باعىشتاۋ تامى»
جولدانعان ۋاقىتى : 2015/12/28 13:01:36
ەكونوميكانىڭ قۇلدىراۋى، حالىقارالىق جازالاۋ جانە كاسىپسىزدىك سياقتى ماسەلەلەر يراندا پاناسىزداردىڭ بارعان سايىن كوبەيۋىن كەلتىرىپ شىعاردى. ۇلى بريتانيا احپارات دانەكەرلەرىنىڭ حابارىنا نەگىزدەلگەندە، كەزبەلەردىڭ قىستان امان وتۋىنە كومەكتەسۋ ءۇشىن، يرانداعى ءارقايسى ءىرى قالالارداعى تۇرعىندار وزدىكتەرىنەن «مەيىر باعىشتاۋ تامى» قيمىلىن ۇيىمداستىرعان. مۇندا كيىلمەيتىن كيىمدەردى كوشە جاعالاۋىنداعى تام قابىرعالارىنا ءىلىپ قويىپ، قاجەت ەتەتىن ادامداردىڭ قالاعان كيىمدەرىن الۋىنا مۇمكىندىك جاراتقان. بۇل اسىلىندە قاراماققا سۇركەيلى تام قابىرعالارىن ادامداردىڭ قامقورلىققا بولەنۋدەگى جولىنا اينالدىردى.
حابارعا نەگىزدەلگەندە، «مەيىر باعىشتاۋ تامى» ەڭ العاشىندا يراننىڭ شىعىس سولتۇستىك بولەگىندەگى ماشحات قالاسىنان باستالعان، مۇندا بۇل قالانىڭ ءبىر تۇرعىنى ءبىر تام قابىرعاسىنا كيىم ىلگىش ورناتىپ ءارى تام قابىرعاسىنا «ەگەر ءبىر كيىمىڭدى كيمەيتىن بولساڭ، وندا بۇل كيىمىڭدى وسى جەرگە ءىلىپ قوي؛ ەگەر بۇل كيىمدى قاجەت ەتەتىن بولساڭ، وندا ونى الىپ كەت» دەپ جازعان. كوپ ۇزاماي بۇل «مەيىر باعىشتاۋ تامىنا» ماڭىنداعى تۇرعىنداردىڭ جىلۋعا اتاعان پالتە، سىم جانە باسقا قىس مەزگىلىندە كيەتىن كيىمدەر ىلىنە باستاعان.
«مەيىر باعىشتاۋ تامى» پايدا بولعانىنا كوپ بولماي جاتىپ، جەرگىلىكتى احپارات دانەكەرلەرىنىڭ نازارىن اۋدارعان ءارى گازەتتەردە جاريالانعاننان كەيىن قوعامدىق قارىم-قاتىناس تورابىندا نەشە مىڭداعان يراندىق توراپتاستاردىڭ نازارىن وزىنە بۇرعان. جۋىقتاعى سۋىق اعىستىڭ يرانعا كىرۋىنە بايلانىستى كوپتەگەن توراپتاستار وزدەرىنىڭ قالاسىندا « مەيىر باعىشتاۋ تامى» قيمىلىن ورىستەتىپ، باۋىرلاستارىن «پاناسىزداردىڭ قىستان امان وتۋىنە كومەكتەسۋگە» ۇندەگەن ءارى تەز ارادا يراننىڭ ءارقايسى ءىرى قالالارىنىڭ كوشەلەرىندە «مەيىر باعىشتاۋ تامى» جارىققا شىققان.
توراپتاستار ارت-ارتىنان وزدەرىنىڭ تۇرعان قالاسىنداعى «مەيىر باعىشتاۋ تامىن» سۋرەتكەن العان ءارى سۋرەتتى قوعامدىق قارىم-قاتىناس تورابىنا شىعارعان. Facebook توراپ پۋنكتىنىڭ ءبىر ابونتى: « بۇل ءبىر ۇلى باستاما بولدى، ونىڭ يراندا كەڭ تارالۋىن ءۇمىت ەتەمىز، تام قابىرعاسى اسىلىندە ادامدار اراسىنداعى ارالىققا ۋاكىلدىك ەتەدى، ءبىراق قالا تۇرعىندارى تام قابىرعاسى ارقىلى ءبىر-بىرىنە جاقىنداي تۇسۋدە» دەدى.
ءىس جۇزىندە بۇل يراندىقتاردىڭ پاناسىزدارعا وزدىكتەرىنەن كومەكتەسۋدەگى تۇڭعىش رەتكى قيمىلى ەمەس. بيىل قازاندا يرانداعى پاناسىزدارعا كومەكتەسەتىن ءبىر قايىر-ساحابات ۇيىمى « مەيىر باعىشتاۋ توڭازىتقىشى» اتىنداعى قيمىلدى ورىستەتكەن. ولار يراننىڭ استاناسى تەگەراننىڭ كوشەلەرىنە توڭازىتقىش قويىپ، ماڭىنداعى تۇرعىنداردى اسىپ قالعان تاماقتارىن توڭازىتقىشقا سالۋعا ۇندەپ، قارنى اشقان كەزبەلەردىڭ وسى توڭازىتقىشتان اۋجال ەتۋىنە جاعداي جاراتقان. قىسقا عانا ەكى اي ۋاقىتتا يرانداعى نەشە مىڭداعان ەرىكتىلەر « مەيىر باعىشتاۋ توڭازىتقىشىنىڭ» يراننىڭ نەگىزگى قالالارىنداعى كوشەلەردە پايدا بولۋىنا ات سالىسقان.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.