ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

ۋيچاتتان ۇيلەسىمدى پايدالانايىق

جولدانعان ۋاقىتى : 2016/1/11 11:12:02

تاسقىن تورەجانوۆ

     قاي جىلى ءبىر دوسىمنىڭ: «ۋيچاتىڭدى تۇرا تۇرشى، ءۇي-ءىشىمدى جوندەپ الايىن» دەگەن ءسوزى قاتتى وي تۋدىرعان ەدى.

     قايداعى ءبىر قىرشاڭقى قارياداي ەندى كەلىپ ۋيچاتىمىزعا جارماستىڭ با دەپ ايىپقا بۇيىرا كورمە، اعايىن. ءبارىن كورە الماعاندىقتان ەمەس، ءداتىڭ شىداماعاندىقتان ايتاسىڭ. بولماسا بۇل كۇندە قولى بوس كىم بار دەيسىڭ!

      قازىر ۋيچاتپەن شۇعىلدانبايتىن   ادام جوق، اۆتوبۋزدا، مەترودا، كولىكتە، كوشەدە كەلە جاتىپ سول ۋيچاتقا كەمىندە ءبىر ءۇڭىلىپ قالمايتىن كىسى جوق-اۋ،جوق...

    كىمگە كەزىكسەڭدە تەلەفونىنا قاراپ شۇقىڭداپ، ءبيت قاراعانداي-اق تەسىلە قاراپ ماڭىندا كىم بار، كىم كەلە جاتىر،سوعىلىپ قالام با دەيتىن نىسايدان ايرىلعان. ءجونى كەلسە جول بەرىپ وتپەسەڭ سوعىپ وتە شىعۋى دا داۋسىز.

     باياعىدا قارتتار: «سىرلاساتىن ادام قالماي بارا جاتىر» دەپ قاتارىنىڭ   ازايىپ بارا جاتقانىنا وپىناتىن ەدى. ال قازىر سىرلاساتىن ادامنىڭ بارلىعى تەلەفونعا بايلانىپ قالعان. قايسى جولى ءبىر كىسى قازىر اڭگىمەلەسەتىن جان قالمادى،ءبارى ۋيچاتقا  تەسىلىپ   وتىرعان،ار جاعىنان بىردەمە شىعاتىنداي-اق تەسىلەدى دەپ كۇيىنىپ  وتىرعانىن ەستىپ كوبىسى كۇلگەن.

     قازىر نە كوپ، ۋيچات توبى كوپ.اتىن ەستىپ باسىڭ اينالىپ، كوزىڭ قاراۋىتادى. ۋيچات توبىن قۇرسىن،قۇرا بەرسىنشى،ول ەشكىمنىڭ تابانىنا باتىپ، ماڭدايىن تەسىپ بارا جاتقان جوق،الايدا تىم-تىم جوسىقسىزدىعى كىسىنى ويلاندىرماي،كۇلدىرمەي،كۇيدىرمەي تۇرا المايدى.

     كەيبىرەۋلەر ءولىم-ءجىتىم  حابارىن (قازالى حابار) وسى ۋيچاتتا ايتا سالاتىن كورىنەدى. قانداي دورەكىلىك. انا جولى دەيدى ءتاپ-ءتاۋىر يناباتتى ءبىر كىسى: «ەكى كىسى ءتاپ-ءتاۋىر رەنجىسىپ قالدى،سەبەبى بىرەۋى ەندى بىرەۋىنە بەلگىلى بىرەۋدىڭ قازالى حابارىن ايتا سالماعانىنا رەنجىپ ەدى، ال اناۋ ۋيچاتتا ايتقانمىن دەپ تۇر. اناۋ وعان قاتتى رەنجىپ: ‹ءولىم ءىسىن ويىنعا اينالدىرىپ› دەدى.     ءسويتىپ ەكەۋى بەت جىرتىسىپ قالدى» دەگەن ەدى.  قايسىسى ورىندى ەكەنىن وقىرمان ءوزى باعامدار دەيمىن.

     ۋيچات توبى دەمەكشى، قازىر   تۋىستار توبى،قۇدالار توبى،جەڭگەلەر توبى،اپەكە-سىڭلىلەر توبى، كەلىندەر توبى،ساباقتاستار توبى،رۋلار توبى، باجالار توبى،دوستار توبى ،شاي وينايتىندار توبى،كورشىلەر توبى،ماشينا ايدايتىندار توبى،ماشينا ۇيرەنىپ جۇرگەندەر توبى،قويشىلار توبى،قىزدار توبى، جىگىتتەر  توبى      (كاسىپتىك بويىنشا قۇرىلعان توپتاردى ايتپادىق)، ت.ب  توپتاردى كورۋگە بولادى.ءبىز بىلمەيتىن تاعى قانداي  توپ بارىن كىم ءبىلسىن؟!

    ءبىر قىزعىن اڭگىمەدە وتىرعاندار ىشىنەن بىرەۋى: «كەلىنى اتا ۋيچات ءنومىرىڭىز بار ما  قوسىپ  الايىن  دەپتى» دەپ كوبىمىزدى كۇلدىرسەدە ءبىر دۇنيەنىڭ شەتىن ءبىلدىرىپ كەتىپ ەدى.

    قاراپ وتىرساڭ بۇل ۋيچات دەگەن جۇمىسى جوقتىڭ، قارىنى توقتىڭ ءىسى ەكەن.

     «انا جولى بىرەۋ مەنى قاتتى جازعىردى. سەبەبىن سۇراسام ءسىزدى ۋيچاتقا قوسسام نەگە قوسپايسىز-دەيدى. ال مەندە  ۋيچات بارىن، ونىڭ ءنومىرىن قايدان بىلەسىز    دەسەم، تەلەفون ءنومىرىڭىز ارقىلى     قوسۋعا  بولادى دەيدى. سويتسەم ونىڭ ءوتىنىشىن قابىلداماعان   ەكەنمىن» دەپ قارق-قارق كۇلەدى جاقىن جۇرگەن ءبىر سىرلاسىم. مىنە قىزىق!

     سول سەكىلدى: «سويلەپ قويعام... ۋيچاتقا نەگە جاۋاپ بەرمەيسىڭ؟...ۋيچاتتا سويلەسەم سويلەمەي قويدى...ۋيچاتتا سويلەسەيىك...» دەگەن سياقتى رەنىشتەر كوپ. سوندا ول سويلەيدى ەكەن دەپ سول ۋيچاتقا تەلمىرىپ  وتىرۋىم  كەرەك ەكەن  ونىڭ ويىنشا. مىنە قىزىق!

    قىزمەتتە جاپادان جالعىز كەڭسەدە تەلەفونىڭا جارماسىپ وتىرساڭ،مەكتەپتە تەلەفونىڭا تەلمىرسەڭ،ۇيدە تەلەفونىڭنىڭ ءىشىن ءبيت قاراعانداي قاراپ بالاڭنىڭ ساباق قاراعانىنا ۇلگىرمەي جۇرسەڭ، بىرەۋمەن باس قوسۋعا، كەزىگۋگە بارعاندا وعان قۇلقىڭدى بۇرماي تەلەفونىڭا تىعىلىپ وتىرساڭ... ويلاشى، كوڭىلگە سيا ما؟ ءبىر ۇستەلدە وتىرعان ون ادامنىڭ تەلەفونعا تەلمىرمەي وتىرعانىن ەمگە تابا المايسىڭ بۇگىن. مىنە قىزىق!

     كەيبىرەۋلەر ءوزىنىڭ ءبىرقانشا دوستارىمەن بىرگە بولعانىن،بارعان ەل، جۇرگەن جەرىن،جەگەن تاماعىن نەمەسە سىرتتان كەلگەن ساباقتاس، دوستارىن كۇتىپ شىعارىپ سالعان كەزدەگى قىسقا ۋاقىتتىق كەسكىنىن جانە سۋرەتىن دوستار اۋماعىنا جولداپ، جاقىن جۇرگەن دوستارىنىڭ نارازىلىعىنا قالىپ جاتقانىن دا كوپ كوردىك! ويتكەنى نە ءبىر سالاۋاتتى جىگىتتەر وزدەرىنىڭ ماس بولعان كەسكىنىن باسقالاردىڭ تاماشالاپ كۇلكى قىلۋىن قايدان جاقتىرسىن؟ باسقالاردىڭ جەكەلىك سۋرەتتەرىن رۇقساتسىز وسىنداي دوستار اۋماعىنا جولداپ تولتىرىپ قويادى. مىنە قىزىق !

     ال ەندى جۇرتىمىزدىڭ قانشاسى قانشالىقتى تابىس تاۋىپ، وندىرىسپەن  شۇعىلدانىپ جاتقانىن،يگىلىك جاراتىپ جاتقانىن بىلمەدىك. دەسەدە، يگىلىك پەن يكەمگە جاراسا ەكەن دەگەن تىلەگىمىز جوق ەمەس.

    تەلەفونعا قۇل بولعانى سونشا، تالاي ادام ومىرىنەن ايرىلىپ،ءوزى قان قاقساعانىمەن قويماي،وزگەلەردىڭ باسىنا زامان اقىر ورناتىپ كەتكەنىن كورىپ تە، ەستىپ تە ءجۇرمىز.

     قۇرمەتتى اعايىن، ايتارىمىز كوپ. دەمەك،ءبارىن مۇرنىنان ءتىزىپ    وتىرۋدىڭ كەرەگى شامالى،ايتار ويمىزدى ۇعىپ، نارقىن سەزە الادى دەپ سەنەمىز. «جاقسىعا ءسوزدىڭ  باسىن ايتسا، اياعىن ءوزى بىلەر»  دەمەكشى، جاڭالىققا قۇشتارلىق   جاقسى،زامان كوشىنە ىلەسەيىك   دەگەن جاقسى، الايدا ءبارى ورنىمەن، لايىعىمەن بولسا ەكەن دەيمىز. 

    دەمەك، قاسىڭدا جۇرگەن     دوسىڭا،جاقىنىڭا تەلەفوندى الباتى قولدانا بەرمەي، ۋاقىتىڭدى زايا   ەتپەشى دەپ كەمىندە ەكى دە ءۇش رەت ەسكەرتىپ جۇرسەك بولار ما  ەكەن؟


        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn