ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

جالعاسا بەرسىن جاقسى سالت

جولدانعان ۋاقىتى : 2016/1/18 11:44:11

وجەت ايدارقان ۇلى 
 
     قىرى مەن سىرى مول، قاتپارى قالىڭ مىناۋ قوعامدا ادامداردىڭ ءوزارا تۋىس-تۋعان ،دوس-جاران،قۇدا-جەگجات، قۇربى-قۇرداس،كورشى-قولاڭ،ساباقتاس، زامانداس، قىزمەتتەس، جەرلەس تاعى باسقا دا قاتىناستارى بەينە ورمەكشىنىڭ تورىنداي بايلانىسىپ جاتادى. قازاق ۇلتى جونىنەن الىپ ايتقاندا،ءتىپتى دە سولاي بولىپ، ۇلتىمىز وسىنداي قۇرىلىمى كۇردەلى قوعامدىق بايلانىستارعا ەرەكشە جاۋاپكەرلىكپەن قاراپ قۇرمەت ەتىپ، وسى جاعىنداعى قارىم-قاتىناسىن ۇزبەي جالعاپ كەلگەن. مۇنى وزگە ەمەس، ۇلتىمىزدىڭ «كۇيەۋ ءجۇز جىلدىق، قۇدا مىڭ جىلدىق» دەيتىن تاعىلىماتىنان-اق اڭعارامىز. ۇلتىمىزدىڭ مەيماندوس، باۋىرمالدىعىنا كۇللى عالام مويىندايدى. مۇنىڭ سەبەبى، قازاق ۇلتى بەيتانىس ءبىر اداممەن ءسال ءتىل ايقاستىردى بولدى نە جيەنى، نە ناعاشىسى، بولماعاندا قىز الىسىپ، قىز بەرىسكەن سارسۇيەك قۇدا بولىپ شىعا كەلسە،ءبىر اۋىلدا كەزىندە بىرگە تۇرعان وزگە ۇلت  ادامدارىنا  جولىعا  قالسا  بولدى: «جەرلەسىم،تامىرىم» دەپ جالپىلداپ جاتادى. ۇلتىمىز كوڭىلىندە قاعار-سوعارى جوق وتە  اقكوڭىل،اشىق-جارقىن، جاننىڭ ءبارىن وزىندەي كورەتىن، قايىرىمدى ۇلت بولىپ،قاشاندا وزگەگە زارەدەي جاماندىق ويلامايتىن،  پەيىلى  دالاداي دارقان ۇلت. ايگىلى ايتىسكەر اقىن قۇرمانبەك زەيتىنقازى ۇلى اعامىز ءبىر  ولەڭىندە:

«قويدان قوڭىر، جىلقىدان ۇيىرسىك ءبىز،
 تاس باۋىرعا تاس كوڭىل تۇيىنشەك ءبىز.
 ءبىراق دال بوپ قالامىز سۇيىنسەك ءبىز، 
جاندى ورتاعا سالامىز كۇيىنسەك ءبىز» 
دەپ  ۇلتىمىزدىڭ  وسىنداي      ەرەكشەلىگىن ەمىرەنە جىرلاعان   ەدى. الايدا، سان عاسىردان بەرى ۇلتىمىزدىڭ ساناسىندا سارى مايداي ساقتالىپ، جۇرەگىندە جاتتالعان  وسى ءبىر ىزگىلىككە تولى باۋىرمالدىلىق بۇگىنگى تاڭدا ءسال  وشكىندەپ بارا جاتقان جوق با؟ بۇلاي دەيتىنىم، بۇرىن ءبىر وتباسىندا ەڭبەككۇش تاپشى بولىپ،بىتىرە الماي جاتقان جۇمىسىنا وزگەلەردى كومەككە شاقىرسا بولعانى، ىستەپ جاتقان ءوز شارۋاسىن قويا تۇرىپ،شاقىرعان وتباسىنا بارىپ كومەكتەسىپ، جۇمىسىن ويداعىداي ءبىتىرىپ بەرەتىن. الايدا،وعان بولا الاقان جايىپ اقى سۇراماعان. ءتىپتى، كەي ادامدار ءبىر وتباسىنىڭ شارۋاسىن بىتىرە الماي قينالعانىن بايقاسا بولدى، كومەككە شاقىرماسادا بارىپ كومەكتەسىپ،  ءوزىنىڭ قوعامدىق بايلانىسىن،   ادامي كومەگىن ايگىلەپ جاتۋشى  ەدى. قازىر حالىق وزگەلەردى كومەككە شاقىرمايتىن، شاقىرعان ادام اقى بەرمەسەڭ كەلمەيتىن بولىپ بارادى. مۇنىڭ ەڭ باستى سەبەبى، بىرىنشىدەن، كومەككە شاقىرۋشى ادام كومەككە شاقىرعان ادامنىڭ مەيلى كىم بولۋىنان، ول ادامنىڭ اۋقاتىنىڭ قانداي ەكەنىمەن ەسەپتەسىپ جاتپاي-اق، قولىنىڭ ۇشى قىبىر ەتتى بولدى، الاقان جايىپ اقى تىلەيتىن، اقىسىز استە كومەكتەسپەيتىن، كەيبىرى اقى الماسادا وعان كومەكتەسىپ ىستەگەن جاقسىلىعىنىڭ قارىمجىسىنا ونىڭ دا  وزىنە جاقسىلىق ىستەۋ كەرەك    ەكەنىن تالاپ  ەتەتىندى تاپتى. قازاق ۇلتىنىڭ ايگىلى جازۋشىسى،  اقىن، پەداگوك ىبىراي التىنسارين:   «بىرەۋگە جاقسىلىق ىستەسەڭ، ول جاقسىلىعىڭدى مىندەت ەتپە» دەگەن ەدى. ءبىزدىڭ ازاماتتارىمىز وزگەلەرگە جالدانىپ جۇمىس ىستەۋ مەن ءوزارا كومەكتەسۋدى دۇرىس تۇسىنۋلەرى كەرەك. ەگەر ءسىز بىرەۋ كومەككە شاقىرعان بولىپ وعان جاردەمدەسكەلى بارعان بولساڭىز، وندا الاقان جايىپ اقى سۇراۋىڭىزدىڭ ءجونى جوق. سەبەبى، ءسىز وعان اقىسىز كومەككە بارىپ وتىرسىز. ەندى ءبىرى، ونىڭ قولىندا سول جۇمىستى وزگەلەرگە اقى بەرىپ ىستەتىپ الۋعا قاراجاتى بولماعاسىن، سەنى شاراسىزدان كومەككە شاقىرىپ وتىر. قولىندا قاراجاتى بولسا، ول سەنى كومەككە شاقىرماي-اق وزگەلەردى  جالداپ،  ءتيىستى جالاقىسىن بەرىپ ىستەتىپ الماي ما. ەگەر جالدانىپ جۇمىس ىستەگەن بولساڭ، وندا لايىقتى جالاقىڭدى الۋعا قاقىلىسىڭ. ال  بىرەۋگە كومەكتەسىپ  الىپ،وعان:   «مەن ساعان كومەكتەستىم، سەندە ماعان كومەكتەسۋگە قاقىلىسىڭ» دەپ مىندەتتەۋدىڭ قاجەتى قانشا؟! ءويتىپ شارتتاسقانشا،كومەكتەسپەي-اق قويعانىڭ باياعى دا ارتىق ەمەس پە! وزگەلەردى  ءوزارا كومەككە شاقىرۋدىڭ  ارامىزدان سولعىنداۋىنا سەبەپ بولىپ وتىرعان ەندى ءبىر فاكتور، كومەككە   كەلگەن ادام جۇمىس ۇستىندە وقياتتان جارالانسا بولدى،الدى-ارتىنا قاراماستان تۇرا زاڭعا جۇگىرىپ، ءىستى ناسىرعا شاپتىرىپ سوتتاساتىندى تاپتى. سونىمەن، بۇقارا: «مىڭ بيەنىڭ بورىشىنان ءبىر قۇلاقتىڭ تىنىشى ارتىق، جۇمىس بىتپەسە قالسىن، پالەڭنەن اۋلاق» دەپ وزگەلەردى كومەككە شاقىرمايتىن بولدى.

    ءبىر جاقتا قيىنشىلىق بولسا، كوپ بولىپ كومەكتەسۋ جۇڭحۋا ۇلتىنىڭ اسىل قاسيەتى ەمەس پە! قازاق حالقىنىڭ ءالميساقتان بەرى قانىنا سىڭگەن كىرشىكسىز ادامگەرشىلىگىن ايگىلەپ تۇراتىن كىسىلىك قاسيەتى ءون بويىمىزدا تاراماپ پا ەدى. الايدا، قوعامدا كەي ادامدار: «ءتورت تۇرمانىم ساي، مەن     ەشكىمنىڭ كومەگىنە مۇقتاج  ەمەسپىن» دەپ اينالاسىنداعى قولى  قىسقا، قولعاناتقا تاپشى وتباسىن مۇلدە كوزگە ىلمەي، كومەك ەتپەيدى. بۇل استە دۇرىس كوزقاراس بولماۋدان سىرت،ۇلتىمىزدىڭ ادامگەرشىلىك، باۋىرمالدىق سالتىنا قايشى ءىس. ادام ومىردە ماڭگىلىك باي، ءتورت تۇلىگى ساي بولىپ ەش پەندەگە ءىسى تۇسپەي ءوتۋى نەمەسە ماڭگى تاقىر كەدەي بولىپ وزگەنىڭ كومەگىنە عانا سۇيەنىپ ءوتۋى ەكىتالاي. ۇلتىمىزدىڭ قاسيەتتى قارا ولەڭىنىڭ بىرىندە:

   «دۇنيە ءبىر كۇن وڭدا، ءبىر كۇن سولدا،

    باقىت، بايلىق تۇرمايدى ماڭگى قولدا» دەپ اشالاپ ايتىپ تۇر    ەمەس پە!

بىرەۋدەن كومەك تالاپ ەتۋ، بىرەۋگە كومەكتەسۋ بۇل ادامدار  اراسىندا ەجەلدەن بار ءارى بۇدان بىلاي دا  جالعاساتىن  سالت.  ەندەشە،ءبىز  وزگەرلەرگە  كومەكتەسكەندە ودان اقى تالاپ ەتپەي، شىنايى كومەگىمىزدى قالتقىسىز ارناپ، ىستەگەن جاقسىلىعىمىزدى  وعان استە مىندەتتەمەي اناۋ اتا-بابالارىمىز سالىپ كەتكەن سارا جولدان اۋىتقىماي اقشانى ەمەس، ادامدىق اردى العا ۇستاپ، باسقالارمەن بولعان بايلانىسىمىز قاشاندا دۇنيە، مال-مۇلىك ۇستىندە قۇرىلماي، شىنايى ادامگەرشىلىك قاسيەت ۇستىندە قۇرىلىسا، سوندا عانا مىناۋ ەلىمىزدىڭ جاراسىمدى قوعام قۇرۋداي ۇردىسىنە ءىس-  ارەكەتىمىز ارقىلى ءبىر كىسىلىك  ۇلەسىمىزدى قوسقان بولار ەدىك تە،اتادان بىزگە قالعان ادامگەرشىلىك تۇرعىدا كومەك  جاساۋداي  تاماشا سالتىمىز بۇدان بىلاي دا     اقاۋسىز ءوز مانىندە جالعاسا بەرگەن بولار ەدى.



        
رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn