قازىرگى ادامداردىڭ كوبىندە از بولعاندا ءۇش، ءتورت دانا، كوپ بولعاندا جەتى، سەگىز دانا امانات كارتۋچكاسى بار. الايدا، كارتۋچكانىڭ كوپتىگىندە ا ق ش-تىق ۋالتەر. كاۋاناحقا جەتەر ەشكىم جوق. بۇل قاريادا جيىنى ءبىر مىڭ 497 دانا امانات كارتۋچكاسى بار،ونىڭ ۇستىنە بارلىق كارتۋچكا كۇشىنە يە بولىپ، بۇل كارتۋچكالارداعى امانات اقشانىڭ قۇنى ءبىر ميلليون 700 مىڭ دوللار ( حالىق اقشاسىمەن 11 ميلليون 200 مىڭ يۋان) ەكەن. بيىل 72 جاستاعى كاۋاناحتىڭ بۇل كارتۋچكالاردى جيۋىنا ءبىر مايدان ءباس تىگىسۋ سەبەپ بولعان. ول ا ق ش راديو سەرىكتىگى تورابىنا الدىڭعى عاسىردىڭ 60-جىلدارىنىڭ اياق شەنىندە ءوزىنىڭ سانتاكلارادا بىرەۋمەن جىل سوڭىنا دەيىن كىمنىڭ جيناعان امانات كارتۋچكاسى كوپ بولسا،سول قارسى جاعىن كەشكى تاماققا قوناق قىلۋ جونىندە ءباس تىگىسكەندىگىن،ناتيجەدە ول 143 كارتۋچكا جيناپ قارسى جاعىنىڭ جيناعان 138 دانا كارتۋچكاسىنان اسىپ كەتكەندىگىن، سوڭىنان ول جالعاستى كارتۋچكا جيناۋ بەكىمىنە كەلىپ،ماي قۇيۋ پۋنكتى،اۋەجاي سەرىكتىگى، شاراپحانا،اۋەلى بالمۇزاق دۇكەندەرىنە بارىپ،اقشا مولشەرى ۇقساس بولماعان،ەڭ تومەن بولعاندا 50 دوللارلىق (حالىق اقشاسىمەن 329 يۋان) امانات كارتۋچكاسىن ءبىتىرۋدى ءوتىنىش ەتكەندىگىن ايتقان.
ساقتاعان كارتۋچكالارىنىڭ ىشىندە باعالى كارتۋچكالارى دا بار ەكەن. مىسالى،قاعاز بەن اليۋميننەن جاسالعان كارتۋچكادا بار. مۇنان تىس، تاعى ءبىر پارشا شاراپحانا تاراتقان كۇمىستەن جاسالعان كارتۋچكا بار بولىپ،تۇتىنۋ شەگى جوق ەكەن. كاۋاناح 1971-جىلى كۇشىنە يە كارتۋچكا جيناۋدان گەننس رەكوردىن جاراتقان ءارى جالعاستى وسى رەكوردتى ساقتاپ كەلگەن. وسىنشاما كوپ كارتۋچكالاردى ىستەتۋدە قارىز قايتارا الماۋ ءجايتى تۋىلا ما؟ كاۋاناح بۇل جونىندە ماقتانىشپەن ءوزىنىڭ بۇل جاعىندا سەنىمدى قاريدار ەكەندىگىن، تەك ءبىر عانا كارتۋچكا ىستەتەتىندىگىن ايتقان. كەزىندە قازىنا باسقارۋ ينجەنەرى، امانات كارتۋچكا ىستەتۋ مامانى اتالعان ول امانات كارتۋچكاسىمەن بىرنەشە اي ىشىندە قايتارىپ بولا المايتىن ءارقاندي زاتتى ساتىپ الماۋدى، ەگەر مۇنى ورىنداي الماسا، امانات كارتۋچكا ءبىتىرۋ رايىنان قايتۋىن ەسكەرتەدى.
رەداكتورى: پارزانا عادىلبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.