ەەڭ جاڭا مازمۇندار
حالىقتىڭ سەنىمى مەن قولداۋى مەملەكەتىمىزدىڭ ەكپىندەي ىلگەرىلەۋىنىڭ كۇش - قۋاتى
دەڭگەيدى جوعارىلاتىپ،ءتۇيىندى كورنەكتىلەندىرىپ،ورمان باستىعى ءتۇزىمىن جالپى بەتتىك اتقارىپ،اسپانى اشىق،جەرى جاسىل،سۋى تۇنىق كورىكتى شينجياڭ قۇرۋعا قۇلشىنۋ كەرەك
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ،رەفورمانى جاپپاي تەرەڭدەتۋدىڭ شەشۋشى رولىن شىنايى ساۋلەلەندىرۋ كەرەك
يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن تاباندىلىقپەن باتىل بىرلىككە كەلتىرىپ،وسكەلەڭ ساياسي سانالىلىقپەن،يدەيالىق سانالىلىقپەن،ارەكەت سانالىلىعىمەن مىندەتتى تياناقتاندىرۋدى ويداعىداي يگەرۋ كەرەك
ايماعىمىزدان ءبىر جەكە،ەكى كوللەكتيۆ كەدەيلىكتەن ارىلتۋدان قامال الۋداعى مەملەكەتتىك وزات بولىپ ماداقتالىپ-سيلاندى
پومپەونىڭ قاسكۇنەمدىگى ىسكە اسپايدى
باقىتتى تۇرمىسىمىزدى داتتاۋعا استە جول قويمايمىز
باقىتتى تۇرمىسىمىزدى بۇلدىرۋگە جول بەرمەيمىز
پومپەو وسەك-اياڭنىڭ ناق بالاماسى
تاماشا تۇرمىس وتكىزۋگە دە «زورلاۋ» قاجەت پە
مەيىر جەتكىزىپ،قىزمەت وتەپ،جۇرت جۇرەگىن جىلىتتى
ادەبيەت-كوركەمونەر ويىن نومىرلەرىن اۋىلدارعا جەتكىزدى
مەيىر جەتكىزىپ،جۇرت جۇرەگىن جىلىتتى
لەي فىڭنان ۇيرەنۋ قيمىلىن ورىستەتتى
حالىق ساقشىلارى قالا تۇرعىنى جوعالتقان مەرەكەلىك زاتىن تاۋىپ بەردى
2021-جىلى 3-ايدىڭ 5-كۇنى 49-سان
شي جينپيڭ ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى
شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ،ورمان جانە جايلىم بايلىعىن قورعاۋدى،دامىتۋدى كۇشەيتەيىك
پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىن ىشكەرىلەي دايەكتىلەندىرىپ،شىنايى يگەرىپ،ناقتى ىستەپ،ۇزدىك ناتيجەلەرمەن پارتيا قۇرىلعاندىعىنىڭ 100 جىلدىعىن قۇتتىقتاۋ كەرەك
قونىس جاڭالاعاندار باقىتتى تۇرمىسقا كەنەلدى
تىكە تاراتىلىمدى كورىپ، ءماجىلىس رۋحىن ۇيرەندى
ناقتى ءىس ىستەۋ ارقىلى قىستاق تۇرعىندارىنىڭ باقىت جولىن نۇرلاندىردى
پارتيا تاريحىن ۇيرەنۋ تاربيەسىنەن العا باسۋ كۇش-قۋاتىن جينادى
«قىزمەت اترەتىندەگىلەر مەنىڭ جاناشىرىم»
بيڭتۋان مەن جەرگىلىكتى ورىن بىرلىكتە قۇرۋ كورمە سارايىن ەكسكۋرسيالادى
2021-جىلى 3-ايدىڭ 4-كۇنى 48-سان
2021-جىلى 3-ايدىڭ 3-كۇنى 47-سان
شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 28 - رەتكى توپتىق ۇيرەنۋىندە بىلاي دەپ باسا دارىپتەدى
جۇڭگوشا سوتسياليستىك زاڭمەن جونگە سالۋ جولىمەن بۇلجىماي ءجۇرىپ، جاپپاي سوتسياليستىك وسىزاماندانعان مەملەكەت قۇرۋعا پارمەندى زاڭمەن جونگە سالۋ قامتاماسىزدىعىن ازىرلەيىك
كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، جاڭا دامۋ ۇستانىمىن بۇلجىماي دايەكتىلەندىرىپ، باستامانى جاقسى اشۋعا، قادامدى جاقسى تاستاۋعا شىنايى كەپىلدىك ەتۋ كەرەك

تولاعاي توعىز جىلداعى مەدەت،توعاناقتى تابىس

جولدانعان ۋاقىتى : 2016/1/25 17:37:08

تولاعاي توعىز جىلداعى مەدەت،توعاناقتى تابىس
ءمۇسىلىمجان ءشارىپقان قىزى

     بۇگىنگى جاراسىمدى قوعامنىڭ جارقىن بولاشاعىنا جارشى بولىپ،انالىق اقجارما تىلەك قوسۋدى ارمان ەتىپ، وزدىكتەرىنەن ۇيىمداسىپ داۋىرگە دارمەن سيلاعان  ءارقايسى وڭىردەگى « مەيىربان انالار» ۇيىمىنىڭ  قوعامعا  قوسقان  سۇبەلى   ۇلەسىن،ەل القاعان ەرەكشەلىگىن،تاڭداۋلى تابىسىن،كورسەتكەن ونەگەسىن تىلگە تيەك ەتەر بولساق،ناتيجەلى ىسكە بارەكەلدى  ايتپاي تۇرا المايمىز.

      سونىڭ جاندى ايعاعى رەتىندە 2007-جىلى ناۋرىزدا  قۇرىلعان تولى  اۋداندىق «مەيىربان انالار» ۇيىمىنىڭ جەتكەن   جەتىستىگى، كوزدەگەن كومبەسى جايىندا ايتار ويىمىزدىڭ ارقاۋىن شيراتۋدى لايىق كورىپ وتىرمىز.

      بۇل «مەيىربان انالار» ۇيىمى كۇلاش باۋەدي قىزىنىڭ تىكە جاۋاپتى بولۋىمەن  قۇرىلعان ۇيىم. كۇلاش ۇزاق ۋاقىت   قىزمەت  ىستەپ،پارتيانىڭ  باۋلىپ   جەتىستىرگەن تاڭداۋلى كادرى. سوناۋ 1957-جىلى قازاق قىزدارىنان تۇڭعىش رەت مەملەكەتتىك 3-رەتكى ايەلدەر قۇرىلتاي ۋاكىلى بولىپ، استانامىز بەيجيڭدە ۇلى كوسەمىمىز ماۋ زىدۇڭ باستاعان مەملەكەت باسشىلارىنىڭ قابىلداۋىندا بولىپ، قاناتىن كەڭگە جايىپ،توپشىسىن قاتايتىپ، قارشادايىنان باستاپ حالىقتىڭ العىسىنا بولەنگەن. بۇل كۇندەرى دەمالىسقا شىققان بولسادا ءوزىنىڭ پارتيا ۇيىمى الدىندا بەرگەن سەرتىنە جەتۋدى كوزدە ۇستاپ، ءومىرىنىڭ اقىرىنا دەيىن پارتيا مەن حالىققا، قوعامعا ۇلەس قوسۋدى نىسانا ەتىپ، قالىڭ ايەل قاۋىمعا ۇگىت جۇرگىزىپ، تولى اۋدانىنان ەڭ العاشقى «مەيىربان انالار» ۇيىمىن بارلىققا كەلتىردى. وسىنداي جاقسى باستامانىڭ جەتەلەۋىمەن، ءاربىر اۋىلدان ارت-ارتىنان «مەيىربان انالار» ۇيىمى قۇرىلىپ، قوعامعا ۇلەس قوسا باستادى.

      تولى اۋداندىق « مەيىربان انالار »  ۇيىمىنىڭ 9 جىل بارىسىنداعى توعاناقتى تابىستارى قايىرىمدىلىقتىڭ، مەيىرىمدىلىكتىڭ جان اشىرلىق جىلۋىن جاردەمشى ەتۋدى كوزدەپ، مەيىر باعىشتاۋ قيمىلىن ورىستەتىپ،جەتىم-جەسىر، سۇيەنىشى جوق،اۋرۋ،مۇگەدەك،وتباسىندا قيىنشىلىعى بار،كەزدەيسوق قيىنشىلىقتا قالعان، توسىننان جولىققان اۋىر جاعدايلاردا  قامقورلىققا ءزارۋ ادامداردىڭ بارلىعىنا ىستىق ىقىلاس، قايىرىمدىلىق قاسيەت كورسەتۋ ارقىلى «قايىرىمدىلىق عادەت،مەيىرىمدىلىك مەدەت» دەيتىن اتالى ءسوز، اسىل ءداستۇردىڭ الاۋلى ءۇمىتىن جالپىعا جارناما ەتىپ، ۇلگىلى ۇلەستىڭ ۇلىلىعىن جان-جاقتى تانۋدى ادامگەرشىلىك قاسيەت ساناعان «مەيىربان انالار» ۇيىمى كول-كوسىر كوڭىلىمەن كوپتەگەن جانداردىڭ  كوسەگەسىن  كوگەرتىپ، كومەك قولدارىن سوزىپ كەلەدى.

     ايتالىق، بۇل ۇيىم قازىرگە دەيىن 199 مىڭ يۋاندى ءار تۇردەگى قيىنشىلىعى بار جاندارعا كومەككە بەرىپ، انالىق مەيىر باعىشتادى. اۋدان ورتالىعىنداعى 1-جانە 2-باستاۋىش مەكتەپتەگى 332 كەدەي وقۋشىعا جيىنى 69 مىڭ يۋان كومەك  قاراجات بەرىپ، ولاردىڭ ءار جاقتى   قيىنشىلىعىن ءوز ۋاعىندا شەشىمدەپ،   الاڭسىز وقۋىنا جاردەم قولىن جالعادى.  اۋىل-قىستاق، قالاشىقتارداعى تۇرعىنداردىڭ جاعدايىن نەگىز ەتىپ،32 مۇگەدەك وقۋشىعا 8300 يۋان كومەك قاراجات بەرىپ، مۇگەدەك وقۋشىلاردىڭ تۇرمىس قيىنشىلىعى سالدارىنان جول ورتادا وقۋدان قول ءۇزىپ قالۋىنىڭ الدىن الىپ، ولاردى وقۋىن جالعاستىرىپ، بىلىمدەنۋ شارت-جاعدايىن تولىقتاۋ اۋىرتپالىعىنان قۇتقارۋ ورايىنا يە ەتتى.

     «مەيىربان انالار» ۇيىمى مەيىر باعىشتاۋدى ءار جىلى ۇيىمدى تۇردە جالعاستىرىپ وتىرۋدى ءتول بورىشى دەپ      ءبىلىپ، 2011-جىلى 10 وقۋشىنى   جوعارى مەكتەپكە ەمتيحان بەرگىزىپ، جوعارىلاپ وقۋ ورايىندا ءارقايسىسىنا 400 يۋاننان كومەك قاراجات بەرىپ،ولاردىڭ بولاشاق جولىنا اقجول تىلەي وتىرىپ، حالىقتىڭ، قوعامنىڭ، اتا-انانىڭ كۇتكەن ۇمىتىنەن شىعىپ، كەلەشەكتە وتاننىڭ جارامدى ازاماتتارىنان بولۋدى تىلەدى. بۇل وقۋشىلار دا مەيىربان انالار الدىندا وزدەرىنىڭ تىنباي ۇيرەنىپ، ۇزدىكسىز قۇلشىناتىن بەرىك سەنىمىن ءبىلدىرىپ، مەيىربان انالاردىڭ اق تىلەگىن الداعى ارمانىمىزدىڭ قولداۋشىسى ەتەمىز دەگەن لەبىزدەرىن ءبىلدىردى.

     2014-جىلى تولى اۋداندىق 1-ورتا مەكتەبىنىڭ باسشىلىق القاسىنا ۇيىمدىق ۇسىنىس بەرىپ، مەكتەپ باسشىلىق القاسىنىڭ جان-جاقتى سارالاپ كورسەتۋى ارقىلى ەكى ۇزدىك وقۋشىنىڭ جوعارىلاپ وقۋ قاراجاتىن مىندەتكە الىپ وتىر. بۇل ەكى وقۋشى اۋىل-قىستاقتان تولى    اۋداندىق 1-ورتا مەكتەبىنە كەلىپ وقىعان. بىرەۋى دولاتى اۋىلى جۇماباي قىستاعىنىڭ تۇرعىنى جادىرا ماۋكەن قىزى بولسا، ەندى بىرەۋى  وشەتى اۋىلى سارتال قىستاعىنىڭ تۇرعىنى نۇربولات  ادەبيەت  ۇلى. قازىر  ەكەۋى  نانجيڭ پەداگوگيكا ۋنيۆەرسيتەتىنە قابىلدانىپ،بەيجيڭ يۋدان ۋنيۆەرسيتەتىنىڭ دايىندىق كلاسىندا وقيدى. بىرەۋىنىڭ جىلدىق وقۋ قاراجاتى 5500 يۋان بولىپ، ەكەۋىنىڭ 11 مىڭ يۋان قاراجاتىن مەيىربان انالار مەكتەبىنە جىبەرىپ، استاناداعى وقۋشىلاردىڭ مەكتەبىمەن توعىستىرىپ، اسا كورنەكتى تابىسقا جەتىپ، ۇلەستىڭ   يەگەرلەرى «مەيىربان انالار» ۇيىمىنا    الىس-جاقىننان العىس لەبىزدەرىمەن   ۇدايى جالعاسۋدا.

     بۇل «مەيىربان انالار» ۇيىمى بارلىققا كەلگەننەن بەرى 41 قيىنشىلىعى بار     انالاردان حال سۇراپ،الدىنا مىڭ يۋان،ارتىنا 500 يۋان،300 يۋان كومەك سوما بەردى. بۇل انالار حانزۋ،ۇيعۇر،تاتار، حۇيزۋ، قازاق قاتارلى ۇلتتاردان بولىپ،تۇرمىستا قيىنشىلىعى بار انالار ەدى.

     2011-جىلدان 2014-جىلعا دەيىن مەرەكە-مەيرام بايلانىسىمەن حال سۇراعان انالار سانى 21 ادام بولىپ، ولاردىڭ ءار ءتۇرلى اۋىرتپالىعىن جەڭىلدەتۋ ءۇشىن 11300 يۋان كومەك سوما بەرىلىپ، انالاردىڭ كوڭىل كۇي جاقتاعى كىربەڭدىگىن جەڭىلدەتىپ، ولاردىڭ مەيىربان انالار ۇيىمىنا دەگەن ىقىلاستى ريزاشىلىعىنا يە بولىپ كەلەدى.

     بۇل ۇيىم سوناۋ 2007-جىلعى ەڭ العاشقى ۇيىمدىق قۇرىلىم قاراجاتىن قالىڭ ەگىنشى-مالشى قاۋىمنىڭ ءتول مۇددەسىنىڭ قاجەتىن ەسكەرۋدى نەگىز ەتىپ، سول جىلى جينالعان 4000 يۋاندى    تەمىرتام قالاشىعى قاتۋ قىستاعىنداعى  كەدەي وتباسىلارىنىڭ سەلبەسىپ ەمدەۋ قاراجاتىنا بەرىپ، كوشپەلى مالشىلاردىڭ اسا جوعارى قۇرمەتىنە بولەنگەن ەدى.

      «مەيىربان انالار» ۇيىمىنىڭ وسىنداي مەيىرباندىعىن كوزبەن كورگەن قالىڭ مالشىلار قاۋىمى، اسىرەسە اسقارالى   اقساقالدار مەن اق سامايلى اجەلەر تالاي توپتى جەردە وسىنداي ۇيىمنىڭ كومەك قول سوزۋى ارقىلى كوپتەگەن كەدەي وتباسىنداعى ادامداردىڭ سەلبەسىپ    ەمدەۋگە قول جەتكىزگەندىگىن، اۋرۋ-سىرقاۋدى داۋالاتۋ ورايىنا يە بولعاندىعىن اۋىز  جاپپاي  ايتىپ، ماقتانىشتى  تۇردە «مەيىربان انالار» ۇيىمىنا دەگەن ىستىق ىقىلاسىن ايتىپ كەلەدى.

      2008-جىلى ۋىنچۋانداعى  جەر  سىلكىنىسى سىندى اۋىر اپاتقا ۇشىراعان رايونعا 10000 يۋان جىلۋ اتاپ، ۇلتتار ىنتىماعىنىڭ داستانىن جازىپ، اپاتقا    ۇشىراعان باۋىرلاستارعا كومەكتەسىپ، مەدەتكەر بولۋداي قامقورلىق قاسيەتتى ايگىلەپ، جۇڭحۋا ۇلتتارىنىڭ باۋىرلاس بولۋداي تاماشا سۇيىسپەنشىلىگىن،    ىزگىلىك نيەتىن جەتكىزىپ، ۇلتتار ارا مىزعىماس بىرلىكتىڭ ۇلىلىعىن ادامداردىڭ جۇرەگىنە جەتكىزۋدى ءۇمىت ەتكەن وسى ۇيىمنىڭ باستىعى كۇلاش اپاي ەرەكشە پارتيا جارناسى دەپ تاعى دا مىڭ يۋان ۇسىندى. بۇل مەيىربان انالار ۇيىمىنىڭ دارمەنسىزگە  شاپاعاتشى بولۋداي ۇلگىسى،ءداۋىردىڭ  ماقتانىشىنا  اينالۋدا.    «مەيىربان انالار» ۇيىمى تەك قانا مەيىر باعىشتاۋدى عانا بورىشى ساناپ قالماي، پارتيانىڭ باعىت-ساياساتىن ۇگىتتەۋ، ورنىقتىلىق قىزمەتى،ۇلتتار ىنتىماعى،  وتان تۇتاستىعىن قورعاۋدى ۇگىتتەپ، نەگىزگى ساتىعا بارىپ،ول جەردەگى مەكتەپتەردەگى جاس ۇرپاقتارعا الۋان   ءتۇرلى كەڭەس،لەكسيا سويلەپ،قازىرگى قول جەتكەن جەتىستىكتەردىڭ  وڭاي قولعا كەلمەگەندىگىن،اعا بۋىندارىمىزدىڭ ۇزاق جىلدىق توڭكەرىس جولىندا حالقىمىزدى باي-باقىتتى ومىرگە جەتكىزۋ ءۇشىن قان توگىپ،قۇربان بەرىپ،    وسىنداي بەيبىت،تىنىش قوعامدى ورناتقاندىعىن شىنايى ۇگىتتەپ،جاس ۇرپاقتاردىڭ ساناسىن وياتۋ،قازىرگى ءداۋىردىڭ قادىرىنە جەتۋدى قاداعالاي جەتكىزىپ،وسپىرىمدەردىڭ الداعى بولاشاققا دەگەن ىنتالىلىعىن دەمەپ، وتانىمىزدىڭ بولاشاعى ورەندەرگە ءۇمىت ارتا وتىرىپ،كورەگەندىكتىڭ،كورگەندىكتىڭ تاربيەلىك رولىن كەڭىنەن قانات جايدىرىپ،«مەيىربان انالار» ۇيىمىنىڭ مەدەتكەرلىك رۋحىن سابيلەردىڭ ساناسىنا قۇيىپ،ءاربىر مەكتەپتەگى وقىتۋشى-وقۋشىلاردىڭ قۇرمەتى مەن قولداۋىنا قول جەتكىزدى.

     سونىمەن بىرگە،ءارقايسى مەكتەپتەردەگى وقۋشىلاردان حال سۇراپ،مەرەكەلىك مەيىر باعىشتاۋدان تىس،وزدەرىنىڭ ۇرپاقتارعا دەگەن تىلەگىن ايتىپ، ولاردىڭ جاقسى وقىپ، جارامدى ادام بولۋعا ۇمتىلۋىن، كەيبىر قوعامعا زيان جەتكىزەتىن جات  نيەتتى  ادامداردىڭ  الۋان ءتۇرلى وسەك-اياڭىنا ىلەسۋدەن ساقتانۋ كەرەكتىگىن ايرىقشا ەسكەرتتى.

      وتانىمىزدىڭ جەتىستىگىنە اشكوزدىكپەن قاراعان ءىشىنارا از ساندى بۇزاقىلاردىڭ الۋان ءتۇرلى تاسىلدەر ارقىلى ۇلتتار   ىنتىماعىنا، وتان تۇتاستىعىنا زياندى    ارەكەتتەر ارقىلى قارا كورسەتۋىنە قاتاڭ قارسىلىق كورسەتۋدى وتانىمىزدىڭ ءاربىر ازاماتتارىنىڭ ءتول بورىشى ساناۋدى   ۇنەمى ەستە ساقتاۋ كەرەكتىگىن ەرەكشە دارىپتەدى.

       جالپى انالارعا زاڭدى ءبىلىم ۇيرەنۋدى ۇگىتتەپ، بارلىق ايەلدەردىڭ قوعامداعى ءوز رولىن جوعارىلاتۋدى، وزدەرىن تاربيەلەۋدى، سونداي-اق ۇرپاقتاردىڭ وتباسىلىق تاربيەسىن كەڭىنەن ورىستەتىپ، كەلەشەكتەگى ءومىر جولىنىڭ     العاشقى ىرگە تاسىنىڭ ەڭ العاشقى وتباسى تاربيەسىنەن باستالاتىندىعىن تەرەڭ ۇعىندىرۋدى ءۇمىت ەتەتىندىگىن بىلدىرۋمەن بىرگە، ۇرپاقتارعا بەرەكە-بىرلىك    جونىندە ۇنەمى وتباسىلىق تاربيە بەرۋ، ۇرپاقتارعا دەگەن جالپى اتا-انانىڭ   جاۋاپكەرلىگى ەكەندىگىن،بەرەكە - بىرلىك، تاتۋلىق  ارقىلى  ءارقانداي  ءىسىمىزدىڭ تابىسقا جەتەتىندىگىن ايرىقشا ۇگىتتەدى.

    ۇرپاقتاردى كوپشىل، تۋراشىل، كىشى پەيىل، ءمورالدى بولۋعا جەتەلەۋ     ءۇشىن، ءاربىر وتباسىنىڭ وزدەرى ۇلگى كورسەتۋىن، ۇرپاقتارعا ەڭبەكشىل    بولىپ، ءوز كۇشىنە سۇيەنىپ، ءومىر  ءسۇرۋدى ءسابي كەزىنەن ۇيرەتۋدى   بارلىق انالارعا تولىق  ۇعىندىردى.

    مىنە،وسىنداي  تەرەڭ تاربيەلى، جاقسى ونەگە قالىڭ وتباسى ايەلدەرىنىڭ ەرەكشە قولداۋىنا بولەندى. 

        
 رەداكتورى: پارزانا عادىلبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.