ەەڭ جاڭا مازمۇندار
2019-جىلى 10-ايدىڭ 18-كۇنى 241-سان
حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جونىندەگى اڭگىمە ماجىلىستە سويلەنگەن ءسوز
ءوزارا سەنۋ، ءوزارا كومەكتەسۋ، ءوزارا پايدا جەتكىزۋ پرينسيبىن ۇستانىپ، دۇنيە جۇزىندەگى ءار ەل حالىقتارىن تەڭىز-مۇحيت ەكونوميكاسىنىڭ دامۋ جەتىستىكتەرىنەن بىرگە يگىلىكتەندىرەيىك
«مەيىرىم ساتراشحاناسى» قارتتاردىڭ كوڭىلىنەن شىقتى
ەكسكۋرسيالاپ، ۇيرەنىپ، پارتيالىلىق جاقتان شىنىقتى
حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جونىندەگى
باتىس قالاماڭى الەۋمەتتىك اۋماعى شىنايى سۇيىسپەنشىلىكپەن حالىقتىڭ مۇڭ-مۇقتاجىن شەشىمدەدى
اۋەلگى ماقساتتى، بورىشتى ەستە بەرىك ساقتاپ، نەگىزگى تاقىرىپتىق تاربيەنى تىڭعىلىقتى ورىستەتىپ، ورنىقتىلىق،
قابىر كۇزەتۋشى جاڭ چيۋلياڭ حۋ شيانجىن قۇرباننىڭ تۋىس-تۋعاندارىن ىستىق ىقىلاسپەن قارسى الىپ الدى
زۇيجياڭحۋ وزگەشە ءدامدى قۋىرماشتارى
2019-جىلعى سۋ يگىلىگى ارقىلى شينجياڭعا كومەكتەسۋ قىزمەتى ءماجىلىسى ۇرىمجىدە اشىلدى
قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن جانە قوقىر-قوقسىقتى تۇرگە ايىرۋ قىزمەتىن اقىلداسىپ ورنالاستىردى
«تۇرمىسىم كۇن سايىن جاقسارىپ كەلەدى، ولارعا شىنايى العىس ايتامىن»
اكىمشىلىك مەكەمەسى القاسى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەنىڭ 2-رەتكى توپتىق ۇيرەنۋ، زەرتتەۋ-تالقىسىن ورىستەتتى
شىبارجيدە جاڭا رايونى دارىلەۋ ۆانناسى مەن ىندەتتىڭ الدىن الۋ ورنىن سالىپ، ەگىنشى-مالشىلارعا قولايلىلىق جاراتتى
تۇرعىنداردىڭ مادەني تۇرمىسىن بايىتتى
2019-جىلى 10-ايدىڭ 17-كۇنى 240-سان
جين شين: بۇقارانىڭ ءىسىن كوكەيىمدە ساقتايمىن
قۇرباننىڭ تۋىس-تۋعاندارى كەلىپ ازا ءبىلدىرىپ، 46 جىلدان كەيىن اقىرى «جۇزدەستى»
2019-جىلى 10-ايدىڭ 16-كۇنى 239-سان
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرايىق
«ەكىدەن تارىقتىرماۋ، ۇشتە قامتاماسىز ەتۋ»دى تىعىز ارقاۋ ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن، باتىلدىقپەن قول جەتكىزەيىك
بالا كۇنىنەن اتويشىلداردان ۇيرەنىپ، ەسەيگەندە اتويشىل بولىپ، ۇلتتىڭ گۇلدەنۋى ۇلى مىندەتىن ارقالاي الاتىن ءداۋىردىڭ جاڭا ادامى بولىپ ەسەيىپ-ەرجەتۋگە قۇلشىنايىق
قىزمەت اترەتى ۇيرەنۋدى مال شارۋاشىلىق رايونىنداعى ساقا پارتيا مۇشەلەرىنىڭ وتباسىنا جەتكىزدى
اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ ناقتى ناتيجەلەرىن ايگىلەپ، ايماقتىڭ ورنىقتىلىق، دامۋ قىزمەتتەرىنىڭ تاعى دا تىڭ ساتىعا كوتەرىلۋىن جەبەيىك
جوعارى مەكتەپ ەمتيحانى قاقپاسىن قايتا اشۋ
عىلىمنىڭ كوكتەمى
ۇلى بۇرىلىس
ەكونوميكالىق ەرەكشە رايون قۇرۋ
شيحۋ قالاسى: شارۋالاردىڭ كۇزگى جيىن-تەرىن جۇمىسىنا كومەكتەستى

جاستارىمىز بىرەگەي ورتاق سەنىمگە ءزارۋ

جولدانعان ۋاقىتى : 2016/2/17 12:54:27

وركەن اقبەردى ۇلى

    وتانشىلدىق، ۇلتتىق رۋح تاقىرىبىندا ءسوز قوزعالعاندا رۋحاني سەنىم ماسەلەسى بىرگە جۇرەتىنى ءمالىم. رۋحاني سەنىم  تۇعىرىنان قول ۇزگەن ۇلتتىڭ بولاشاعى تۇلدىر،بۇعان تالاس جۇرمەيدى. ءىس جۇزىندە رۋحاني سەنىم پالەندەي ءتىلسىم دۇنيە ەمەس،ول كادۋەلگىدەي دۇنيەگە كوزقاراس،ومىرگە كوزقاراس،قۇن كوزقاراس ۇشەۋىنەن تۇلعا تارتادى،ەڭ سوڭىندا اقيقاتقا تۇراقتايدى. ال وتانشىلدىق،ۇلتتىق رۋح جانە رۋحاني سەنىم،ۇلتتىق يدەولوگيا ورتاسىندا بەلگىلى قاتىناس ساقتالادى. اتاپ ايتقاندا،وتانشىلدىق پەن ۇلتتىق رۋح رۋحاني سەنىمنىڭ ءبىر بولەگىنە جاتادى. ال يدەولوگيا نەگىزىنەن رۋحاني سەنىم مەن قۇن كوزقاراسىنان قۇرالادى،رۋحاني   سەنىمنەن جۇتاعاندا ادامدار رۋحاني جاقتان اداسادى،مەملەكەتتىڭ،ۇلتتىڭ تاعدىرى مەن تابان تىرەۋىنە ەنجار قارايدى،ءتىپتى كەيدە ەلدىڭ گۇلدەنۋى مەن قۇرۋىنا، ۇلتتىڭ نە بولعانىمەن دە ەسەپتەسپەيدى. 

    بۇگىنگى تاڭدا جاستاردىڭ اراسىنداعى دۇرىس سەنىمگە تۇراقتاي بىلگەن،ءوزى تۋرالى بايىپتىلىقپەن وي جۇلگەلەپ،ءداۋىر تۋرالى ىرىقتى وي جۇگىرتەتىن،ەل تاعدىرىنا كوڭىل بولەتىن،قوعامدىق ورتادا ءوز كوزقاراسىن ورتاعا قويا الاتىن،وزىندىك ستيلى مەن دەربەس كۇش-قۋاتى ارقىلى وزىندىك ءۇن تانىتاتىن زەردەلى سايلاۋىت تۇلەكتەرىمىزدىڭ باتىلدىعى مەن ۇمتىلعىش جىگەرى اسپەتتەلگەن بەتى كوڭىلىمىزدە قاتتاۋلى بولسا،كەي جاستارىمىزدىڭ    سەنىمنەن جۇتاپ،ءوز بىلگەندەرىنشە   جايىلىپ،ورتاق رۋحاني تىرەكتەن شەتتەپ بارا جاتقانى، جۇيەلى ءمورالدىق تانىم مەن اقيقات ۇستانىمىنان قول ۇزگەنى،ءوزىن وزەك ەتىپ،وزىنەن باسقاعا سەنبەي،ءوز قالاۋى بويىنشا ارەكەت جاسايتىنى،باس-باسىنا وزىندىك قاعيدا جاساپ الىپ،ومىردە ءبىر تۇتاس اۋەننەن بەت بۇرعانى ەرىكسىز ۇلت تاعدىرىنا قاتىستى ماسەلەلەرگە باستايدى. جاستارىمىز وسىزامانعى وركەنيەتتە سەنىمنەن ايرىلار بولسا،ىرىقسىزدان سان الۋان رۋحاني قىسپاقتا قالادى،قوعامداعى ۇنامسىز كوزقاراستار ولاردىڭ ميىن    قۇرساۋلاپ،ويىن بوگەپ،وزدەرى قۇردىمعا بويلايتىن بولادى. 

    ءبىر ۇلت، ءبىر ەل جونىنەن العاندا، ەڭ باياندى، ەڭ مىزعىماس كۇش بۇكىل قوعام ءبىر تۇتاس مويىندايتىن وزەكتى قۇن كوزقاراسى بولىپ تابىلادى. ول ۇلت پەن مەملەكەتتىڭ رۋحاني تىلەگىن ارقالاۋمەن بىرگە، قوعامنىڭ اق پەن قارانى،دۇرىس پەن بۇرىستى ايىرۋىنداعى قۇن ولشەمىن بەينەلەيدى. قازىر ەلىمىز قازاق جاستارىندا ەڭ كەمشىلى تاپ وسى قۇن كوزقاراسى بولىپ وتىر. بىلايشا ايتقاندا،سوتسياليستىك وزەكتى قۇن كوزقاراسى مەن ۇلتتىق سانامىزدىڭ تابيعي توعىسۋىنان كەلەتىن ورتاق قۇن كوزقاراس جۇيەسىن قازىرگە دەيىن ءبىز جاستارىمىزعا ءالى دايىنداي العامىز جوق. ارينە،دايىن بولعاننان كەيىن ونى  ءسىڭىرۋ سىندى اۋىر مىندەت تاعى بار.  جاستارىمىزدىڭ كوبى قۇن كوزقاراسى   تۋرالى ماسەلەلەردى ويلاۋعا زاۋقى سوقپايدى،بۇل ماسەلەگە كەلگەندە ءوز بيلىگى وزىندە ەمەس،كوبىندە دۇرمەككە ىلەسەدى. قۇن كوزقاراسىنا مويىن بۇرماعان ەكەن، كۇندەلىكتى تۇرمىستا،جۇمىس ۇستىندە، بىرەر ىستە تياناقتايتىن،سۇيەنەتىن ەشتەمەسى بولمايدى. مۇنداي بولعاندا رۋحاني سەنىمنەن قالاي اۋىز اشۋعا بولسىن؟بۇعان جاي عانا مىسال الايىق،بۇرىندارى ۇيالى تەلەفوندى نەگىزىنەن حابارلاسۋ قۇرالى رەتىندە پايدالاناتىن ەدىك. ارا-تۇرا كومپيۋتەرسىز جەردە عالامتورعا شىققاندا ءوز قاجەتىمىزگە جارايتىن. ال قازىر ۇيالى تەلەفون الۋ بىرتىندەپ ۇيالى تەلەفون   جاڭالاۋعا بەت الدى. تابىس كوزى بار جاستاردى بىلاي قويعاندا،مەكتەپ قۇشاعىنداعى وقۋشىلار جوعارى يقۋاتتى زەردەلى تەلەفون،جاڭا ۇرپاق ايفونداردى باسەكەمەن پايدالاناتىن بولدى. ويلاڭىز،3 تە 4 مىڭ يۋاننىڭ ۇستىندەگى زەردەلى تەلەفون ۇستاي تۇرا جەكەلىك كومپيۋتەرگە جارىماي جۇرگەن جاستارىمىز از ەمەس. ءبىراق   ونداعى يقۋاتتىڭ ۇشتەن ءبىرىن دە تولىق پايدالانا المايدى. ال 3 مىڭ يۋانعا قازىر ۇستەل كومپيۋتەر مەن الىپ جۇرەتىن كومپيۋتەردىڭ بەتكە باسارىن الۋعا بولادى. ۇيالى تەلەفوندى نەداۋىر سانداعى جاستارىمىز حابارلاسۋدان سىرت،نەگىزىنەن    الەۋمەتتىك جەلى بويىنشا كوڭىل اشۋعا  پايدالانىپ ءجۇر. ءىس جۇزىندە كومپيۋتەر ۇيالى تەلەفوننان تۇبىرىنەن پارىقتالادى.  انىعىن ايتقاندا،ول اتى-زاتىنا ساي تولىق قاندى قىزمەت قۇرالى. ەندەشە،مەيلى وقۋشىلارىمىز بولسىن،الدە،ءوزىن تىنباي الۋەتتەندىرۋگە ۇمتىلىس جاسايتىن وزگە جاستارىمىز بولسىن،مۇنداعى پايدا-زياننىڭ ارعى قىرىنا قينالماي ۇڭىلە الادى. دەمەك، مۇنداي كەلەڭسىزدىك،قاتتىراق ايتقاندا، وسى تەكتەس سوراقىلىق جاستارىمىز اراسىندا جامىراعان ۇنامسىز،سودەگەي قۇن كوزقاراسىن بەينەلەگەندىكتەن ارناۋلى تىلگە الدىق.  

    بىلتىر ءساۋىر ايىندا پارتيا ورتالىق كوميتەتىنىڭ ۇگىت ءبولىمى،مادەنيەت ءبولىمى «سوتسياليستىك وزەكتى قۇن كوزقاراسىنىڭ ارەكەت جوباسىن» جاساپ تاراتتى. ورتالىق ۇگىت بولىمىندەگى ءبىر جاۋاپتى جولداس وسىعان بايلانىستى ءتىلشى سۇحپاتىن قابىلداعاندا قوعامدىق وزگەرىستىڭ جۇيەلەنۋى،قالا مەن اۋىل-قىستاق اراسىنداعى مادەنيەتتىك اۋىس-كۇيىستىڭ  جيىلەۋى،شىعىس-باتىس مادەنيەتتەرىنىڭ توعىسۋى مەن قاقتىعىسۋى،جاڭا-ەسكى مادەنيەتتەردىڭ كىرىگۋى مەن ءبىرىن-  ءبىرى قاقپايلاۋى،قوعامدىق قايشىلىقتاردىڭ قىم-قۋىتتانۋى مەن كۇردەلىلەنۋى سياقتى جاعداياتتارعا بايلانىستى بۇكىل ەل جاستارى ورتاق قۇندىق كوزدەمەگە قۇرىلعان وزەكتى كوزقاراسقا مۇقتاج ەكەنىن،مۇنى ولار كۇندەلىكتى تۇرمىسى مەن ءسوز-ارەكەتىن ولشەمگە تۇسىرەتىن قىبلاناما رەتىندە ۇستانىپ،ومىردەگى رۋحاني سەنىمى مەن قالىپتى ۇردىسىنە اينالدىرا السا ءارقانداي قيىنشىلىق پەن تاۋقىمەتتى دۇرىس قابىلداپ،ودان قالاي قورعانۋدىڭ جولىن تاباتىنىن ايتقان بولاتىن. دەمەك،شارۋاشىلىق ءتۇزىلىسى مەن قوعامدىق  قۇرىلىمنىڭ تەرەڭ وزگەرىسىنە،مۇددە  قۇرىلىمىنىڭ ىشكەرىلەي رەتتەلۋىنە ىلەسە،قوعام بۇرىلىسى جاستاردىڭ اۋەلگى قۇن كوزقاراسى مەن تانىمدىق كۇيىنە زور سوققى الا كەلدى، اسىرەسە قۇن كوزقاراسى قالىپتاسۋ مەزگىلىندە تۇرعان قازىرگى زامان ەلىمىز قازاق جاستارى دۇنيەنىڭ كۇردەلى وزگەرىسىنە، ينفورماتسيا ءداۋىرىنىڭ سان قيلى وي اعىمدارى تالاسىنا،اق-قاراسى  ارالاسقان شىم-شىتىرىق قوعامدىق قۇبىلىستارعا جانە وقۋ،جۇمىستانۋ،ماحاببات جاعىنداعى تولعانىستارعا ءدوپ كەلگەندە كۇدىك،سەندەلىس،تورىعۋلاردان ءبىر  مەزەت ارىلا الماۋى تابيعي. ماڭىزدىسى،بەرىك قۇن كوزقاراسىن ورناتىپ،ماسەلەگە شەبەرلىكپەن تالداۋ جاساپ،دۇرىس بايلامعا كەلۋ كەرەك. وسىلاي بولعاندا عانا اق پەن قارا، دۇرىس پەن بۇرىس،شىن مەن جالعاندى،جاقسى مەن جاماندى،جاعىمدىلىق پەن سوراقىلىقتى انىق تۇجىرىمداپ،وزدەرىنىڭ ەڭ قىمباتتى،ەڭ قاسيەتتى،ەڭ كورىكتى جاستىق داۋرەنىن قاستەرلەپ،جەكە ارمانى مەن تاعدىرىن ەل تاعدىرىمەن تىعىز ۇشتاستىرىپ،ءومىرىن سانگە بولەيدى،ارمانىن شىنعا اينالدىرادى،زامانعا ساي العا باسادى.



رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn