ەەڭ جاڭا مازمۇندار
كوك زەڭگىر اسپان، اقشا بۇلت، كوز جاۋىن الار كوركەم كورىنىس
لياۋنيڭ ولكەسىنىڭ مادەنيەت-كوركەمونەر شاعىن ۇيىرمەسى ايماعىمىزعا كەلدى
ايماقتىق ساياسي كەڭەس قىزمەت كوميتەتى 2019-جىلعى 2-توقسانداعى 2-رەتكى ءماسليحات ءماجىلىسىن اشتى
پارتيانىڭ ساياسي قۇرىلىسىن ىلگەرىلەتۋدەگى سانالىلىق پەن تاباندىلىقتى كۇشەيتەيىك
شۇعىل قۇتقارۋ بىلىمدەرىنەن ساۋات بەردى
قاسيەتىن ماڭگى ساقتايتىن تۋ بولدى
شاعانتوعاي اۋدانىنىڭ 150 مىڭ مۋلىق ماقسارىسى كوركەم كورىنىسكە اينالدى
شيحۋ توراڭعى ورمانى سۋ ءۇستى باقشاسى ءسىزدى جازدى كوڭىلدى وتكىزۋگە شاقىرادى
ءسىز اڭساعان جاز كەلبەتى وسىندا
شينجياڭعا كومەكتەسۋ بارىسىندا ءومىرىن ارلەندىرە ءتۇستى
بۇقارانىڭ كوڭىل تۇپكىرىنەن ورىن الدى
الۋان ءتۇر، اسقاق كوڭىلمەن مەرەكەنى قارسى الدى
شاۋەشەك قالاسى شارلاپ تەكسەرۋدىڭ كولەمىن اتىز باسىنا دەيىن كەڭەيتتى
وقۋ-اعارتۋ ىستەرىنە تاباندى بولىپ، شۇعىلالى تابىستارعا قول جەتكىزدى
ەڭ سۇيىكتى ءورت ءوشىرۋشى
پارتيا قۇرىلىسىنىڭ نەگىزگى كاسىبىن مىقتى يگەرىپ، جاۋىنگەرلىك قامالدى بەكەمدەيىك
ازىق-تۇلىك حاۋىپسىزدىگى وتكەلىن
ماڭايىمىزداعى كوركەمونەرشىلەرمەن تانىسايىق
ايماعىمىزدىڭ الدىڭعى جارىم جىلداعى جۇمىستاندىرۋ جاعدايى ورنىقتى ارتتى
چىن چۋانگو ۇرىمجىدە كاسىپورىنداردىڭ ءوندىرىس،تيجارات جاعدايىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شاۋەشەك قالاسى 90 ميلليون يۋان قارجى قوسىپ،50 كيلومەتر ۇزىندىقتاعى جىلۋمەن قامداۋ قۇبىر تورابىن جاڭالادى
«جاقسى ىستەپ، تىپتى دە جوعارى ەڭبەكاقى الۋعا كۇش سالامىن»
قۇرىلىم رەفورماسىنىڭ جاڭا جاعدايىن بارشا جۇرت القادى
ىنتا-پەيىلىمەن كۇش سالا قىزمەت وتەدى
مەيىرگە تولى جانۇيا قۇردى
ەكولوگيالىق ورتاسى كوركەم سۋرەتتەي شاعانتوعاي
شاۋەشەكتە باس قوسىپ، اككوردەون مەرەكەسىنەن ءلاززاتتانايىق
شاعانتوعاي اۋدانىندا ماقسارى گۇل اشىپ، شارۋالار شاتتىققا شومدى
ءبيدايعا وراق سالىندى
تاربيە ايىندا ستيل تازارتۋ قيمىلى تەبىندى ورىستەتىلدى

16 جىل قاشىپ جۇرگەن قاندى قول قۇرىقتالدى

جولدانعان ۋاقىتى : 2016/3/28 13:20:13

16 جىل قاشىپ جۇرگەن قاندى قول قۇرىقتالدى
ۇسىنىس ەتىلگەن ءتىلشى سۋ گاڭۋي

    ساقشىلار قىلمىس كۇماندىسى فاڭ يحۇڭدى سۇراققا تارتۋدا.

     اسىلىندە بۇل قاراماققا ءبىر رەتكى ادەتتەگى ادام جارالاۋ دەلوسى بولاتىن، الايدا دەلومەن قاتىستى قىلمىس كۇماندىسىنىڭ ەلدەن  ەرەك ءىس-ارەكەتى، سالاۋاتى جانە ونىڭ جانىنان تابىلعان ءبىر پارشا قاعاز حالىق ساقشىلارىنىڭ نازارىن اۋداردى. 

    27-اقپاندا ساۋان اۋداندىق قوعام حاۋىپسىزدىگى مەكەمەسى مەن قاتىستى تاراۋلاردىڭ سايكەسۋىندە جانە قىلمىس كۇماندىسىن 11 كۇن سۇراققا تارتىپ تەكسەرۋدىڭ ناتيجەسىندە قىلمىس كۇماندىسىنىڭ سالاۋاتى انىقتالىپ، بارشا جۇرتتى تىكسىندىردى.

    عاجايىپ ادام جارالاۋ دەلوسى ساقشىلاردىڭ نازارىن اۋداردى 

    16-اقپان تۇنگى ساعات ءبىر مولشەرىندە ساۋان اۋدانىنىڭ ءۇرىمجى شىعىس جولىنداعى ءمالىم ءبىر شاحماتحانادا اراق ءىشىپ ادام جارالاۋ دەلوسى تۋىلدى. 

      دەلو تۋىلعان ناق مايدانداعى باقىلاۋ  كامەراسى  تۇسىرگەن  كەسكىنگە نەگىزدەلگەندە، شاحماتحانانىڭ ىشىندە قىلمىس كۇماندىسى «لي ميڭ» دوسى جاڭ xx تىڭ قارتا ويناۋ بارىسىندا جاۋ xx پەن  ەرەگەسىپ، ودان تاياق جەگەنىن كورگەننەن كەيىن، ورنىنان تۇرا سالا ءبىر قۇمىرا سىرانى ءبىراق قىلعي سالىپ، قۇمىرانى ۇستەلگە ۇرىپ شاعىپ، قولىنداعى قۇمىرانىڭ سىنىعىمەن جاۋ xx تىڭ بەتى مەن موينىنا سۇققىلاپ، جاۋ xx تىڭ وڭ جاق بەتىن اۋىر دارەجەدە زاقىمداعان ەكەن. 

    دەلو تۋىلعاننان كەيىن « لي ميڭ » ناق مايداننان قاشىپ كەتكەننىڭ ورنىنا قايتىپ بارىپ جالعاستى اراق ىشكەن. جالپى دەلو بارىسىندا « لي ميڭ » بارىنشا سابىرلى بولعان ءارى قول جۇمساۋ بارىسىندا توتەنشە قاتىگەزدىك ىستەگەن. 

    ءاسىلى ادەتتەگى ادام جارالاۋ دەلوسى بولعانىمەن، دەلونىڭ جالپى بارىسى وتە  عاجايىپ، «لي ميڭ» ءوزىنىڭ جەتىم ەكەندىگىن، توڭىرەكتىڭ ءتورت بۇرىشىن كەزىپ سەرگەلدەڭدىك تۇرمىس وتكىزىپ كەلگەندىگىن،

    وقىماعاندىعىن، اتا جۇرتىنىڭ قاي جەردە ەكەندىگىن دە بىلمەيتىندىگىن ايتقان. ساقشىلار دا «لي ميڭنىڭ» سالاۋاتىن ايقىندايتىن ەشقانداي ءجىپ ۇشىن تابا الماعان، الايدا، ۇزاق ۋاقىتتىق دەلو تەكسەرۋ تاجىريبەسىنە نەگىزدەلىپ،ساقشىلار « لي ميڭنىڭ » ادەتتەگى ادام ەمەس ەكەندىگىن بايقاپ، دەرەۋ ىشكەرىلەي تەكسەرۋ جۇرگىزۋگە كىرىسەدى. 

    ءبىر پارشا قاعازدان تابىلعان ءجىپ ۇشى  

    ىشكەرىلەي  تەكسەرۋ بارىسىندا حالىق   ساقشىلارى «لي  ميڭنىڭ» وتىرىك ايتىپ وتىرعاندىعىن بايقايدى. ول وقىمادىم دەگەنىمەن، ساقشىلارمەن تىلدەسكەندە  تۇراقتى ءسوز تىركەسىنەن دۇرىس  پايدالانۋمەن بىرگە،ساقشىلاردىڭ العان  ەستەلىگىن دە تولىق وقي العان. 

    ىلە-شالا ساقشىلار « لي ميڭنىڭ » جۇكتەرىنە تەكسەرۋ جۇرگىزۋ ارقىلى ءبىر ەستەلىك داپتەرىنىڭ ىشىنە قىستىرىلعان « اسقان الاياقتىق پەن الدامكوستىكتى مەن دە باسىمنان وتكىزدىم » دەپ جازىلعان ءبىر پارشا قاعازدى بايقاپ قالادى. بۇل قاعازدى كورگەن ساقشىلاردا دەرەۋ بۇل قاشىپ جۇرگەن قىلمىس كۇماندىسى بولۋى مۇمكىن دەگەن وي تۋادى. 

    ساۋان اۋداندىق قوعام حاۋىپسىزدىگى مەكەمەسى وسى جاعدايعا قاراتا دەرەۋ قاتىستى تاراۋلاردىڭ باسىن قوسىپ، بىرلەسىپ دەلو تەكسەرۋ گرۋپپاسىن قۇرادى. حالىق ساقشىلارى « لي ميڭنىڭ » دوسى جاڭ xx تەن ۇعىسۋ ارقىلى « لي ميڭمەن » بىرنەشە جىلدىڭ الدىندا گانسۋ ولكەسىندە جۇمىس ىستەپ جۇرگەنىندە تانىسقاندىعىن، ونىڭ ىشكى جاعدايىنا قانىق ەمەس ەكەندىگىن، كەيىن كەلە جاڭ xx تىڭ ساۋان اۋدانىنا كەلىپ قونىستانعاندىعىن، بيىل شاعاننىڭ 6-كۇنى « لي ميڭنىڭ » وعان تەلەفون سوعىپ، ساۋانعا كەلگەندىگىن ايتىپ، بارار جەرى بولماعان سوڭ، ونىڭ ۇيىنە كەلىپ تۇرعاندىعىن انىقتايدى. 

    وعان قاتىستى ءجىپ  ۇشى وسى اراعا كەلگەندە ءۇزىلىپ قالادى. ساقشىلاردىڭ باسى قاتىپ تۇراعاندا « لي ميڭنىڭ » وزىمەن ءبىر باقىلاۋ بولمەسىندە جاتقان گۇيجوۋلىق قىلمىسكەرمەن تىلدەسۋ بارىسىندا گۋاڭشي دەگەن جەردىڭ اتىن اۋىزعا العاندىعىن بايقاپ قالادى. 

    وسى ءجىپ ۇشى نەگىزىندە حالىق ساقشىلارى قاتىستى ينفورماتسيالاردى جيناقتاپ، بىرنەشە جىلدان بەرگى گۋاڭشي كولەمىندە تۋىلعان « لي ميڭنىڭ » جاس شاماسىنا ۇيلەسەتىن ءىرى دەلولار مەن قاشىپ جۇرگەن قىلمىسكەرلەرگە ءبىر – بىرلەپ تەكسەرۋ جانە سالىستىرۋ جۇرگىزىپ، ەڭ سوڭىندا نازارلارىن 2000-جىلى 23-شىلدەدە  گۋاڭشي جۋاڭزۋ اۆتونوميالى رايونى چۇڭزو قالاسىنىڭ جياڭجوۋ رايونى بانلي اۋىلىندا تۋىلعان « ءبىر ادامدى ءولتىرىپ، ەكى ادامدى اۋىر جارالاعان »  قاندى  قول فاڭ يحۇڭعا شوعىرلاندىرادى. 

    بۇل دەلونىڭ تۋىلعانىنا 16 جىل بولىپ، قىلمىس كۇماندىسىنا قاتىستى ينفورماتسيا تىم از بولعاندىقتان، حالىق ساقشىلارى قاتىستى ماتەريالدارى مەن « لي ميڭنىڭ » قان ۇلگىسىن اۆتونوميالى رايوندىق قوعام حاۋىپسىزدىگى مەڭگەرمەسىنىڭ ىشكەرىلەي تەكسەرۋىنە جولدايدى. 

    تەكسەرۋ ناتيجەسىن كۇتۋ بارىسىندا حالىق ساقشىلارى تەرگەۋ تاكتيكاسىنا وزگەرىس ەنگىزىپ، فاڭ يحۇڭ دەلوسى جانە ونىڭ وتباسى جاعدايىن نەگىز ەتىپ، « لي ميڭدى » ىلگەرىندى-كەيىندى 9 رەت سۇراققا تارتىپ جاعداي ۇعىسادى. 

     العاشىندا  «لي ميڭ»  باياعىسىنشا « ەسىمدە قالماپتى » دەپ جالتارىپ نەمەسە جۇمعان اۋىزىن اشپاي قۇتىلىپ ءجۇردى. الايدا، ساقشىلار ءار رەت فاڭ يحۇڭنىڭ وتباسى جاعدايىن اۋىزعا العاندا، « لي ميڭنىڭ » ەزۋىنىڭ دىرىلدەيتىن قالىپسىز جاعدايىن بايقاپ قالادى. 

   « لي ميڭنىڭ » وسى قالىپسىز جاعدايىنا قاراتا، 26-اقپاندا ارناۋلى دەلو تەكسەرۋ گرۋپپاسىنىڭ جاۋاپتىسى مياۋ جيانچياڭ الدىن الا يگەرگەن دەلو جاعدايىنا نەگىزدەلىپ، تۋىستارىن كولدەنەڭ تارتىپ وعان سوڭعى رەت يلاندىرۋ قىزمەتىن جۇرگىزەدى. 

    27-اقپان ساعات 11 دەن 20 مينۋت  وتكەندە  تۇنىمەن   ويلانعان « لي ميڭ » اقىرى  ساقشىلارعا ءوزىنىڭ فاڭ يحۇڭ ەكەندىگىن مويىندايدى ءارى 16  جىلدىڭ  الدىنداعى ءوزىنىڭ قىلمىس وتكىزۋ بارىسىن بايانداپ بەرەدى. 
فاڭ يحۇڭ 6 بالانىڭ ىشىندەگى ءۇشىنشىسى بولىپ،ءبىر وتباسىنداعى 8 جان  سول اۋىلدا ەگىمشىلىكپەن شۇعىلدانادى ەكەن. 

    فاڭ يحۇڭ مەن فاڭ يچياڭ وتباسى ۇزاق ۋاقىتتان بەرى ەگىستىك جەردىڭ شەكاراسى جونىندە ارازداسىپ جۇرگەن ەدى. 2000-جىلى 23-شىلدە تۇستەن بۇرىن فاڭ يحۇڭ اۋىلداسىنىڭ شاقىرۋىمەن  ەگىس باسىنا كومەككە بارماقشى بولادى، بارار جولىندا فاڭ يچياڭ جانە ونىڭ جۇبايى مەن قىزىن جولىقتىرىپ قالادى، وسى كەزدە فاڭ يحۇڭ اشۋىن باسا الماي فاڭ يچياڭنىڭ قىزىمەن سوزگە كەلىسىپ قالادى، بىرتىندەپ جاعداي ناسىرعا شاۋىپ، فاڭ يچياڭنىڭ جۇبايى مەن قىزى فاڭ يحۇڭعا قول جۇمساي باستايدى. جالعىز ءوزى زيان شەگەتىنىن بايقاعان ول ۇيىنە قاشىپ كەتەدى. 

    الايدا، ۇيگە كەلگەن سوڭ اشۋعا بۋلىعىپ،قانى قايناپ،كوزىنە قان تولعان فاڭ يحۇڭ ۇيدە تۇرعان قۇستۇمسىقتى الا سالىپ،الگى ورىنعا قايتا بارسا ولار ءالى تۇر ەكەن، سونىمەن جۇگىرگەن بويى قولىنداعى قۇستۇمسىقپەن فاڭ يچياڭنىڭ جۇبايىنىڭ توبەسىنەن ۇرىپ تاباندا جان ۇزدىرەدى،ونىمەن شارماياقتاسىپ جاتقان قىزىنىڭ ءبىر كوزىن قولىمەن اعىزىپ جىبەرەدى ءارى فاڭ يچياڭدى ۇرىپ جارالاعان سوڭ،ناق مايداننان قاشىپ كەتەدى. 
16 جىل قاشىپ جۇرگەن قاندى قولدىڭ قۇرىقتالۋى 

    فاڭ يحۇڭدى سۇراققا تارتۋ بارىسىندا  ساقشىلار  سول  كەزدە فاڭ يحۇڭنىڭ قاشىپ كەتپەگەندىگىن، قىستاقتىڭ سىرتىنداعى ءبىر تاۋعا بارىپ  جاسىرىنىپ، تۇندەلەتىپ زياندالۋشىلاردىڭ  ءۇيىنىڭ  ماڭىنداعى ءبىر ورماندىققا بارىپ جاعدايدى  ۇعىسقاندىعىن،ءبىرى  ءولىپ، ەكەۋى اۋىر جارالانعاندىعىن بىلگەننەن كەيىن، تۇنىمەن  تاۋدان اسىپ، تاڭ اتىسىمەن اۆتوبۋزعا وتىرىپ، گۋاڭشي ولكەسىنىڭ ناننيڭ قالاسىنا بارىپ جاسىرىنعاندىعىن، ەرتەسى پويەزگە وتىرىپ، حۋبەي   ولكەسى   ۋحان  قالاسىنىڭ حانكوۋ  قالاشىعىنا  بارعاندىعىن انىقتايدى. 

    حانكوۋ قالاشىعىندا جارىم اي تۇرعاننان كەيىن تاعى دا الاڭداپ جالعاستى جەر اۋدارادى، الايدا، فاڭ يحۇڭ اۆتوكولىككە وتىرۋدان، ۇلكەن جولدارمەن جۇرۋدەن قورقىپ، جالعىز  اياق   جولدارمەن ءجۇرىپ، قوقسىق تەرىپ كۇن وتكىزىپ، 16 جىلعا سوزىلعان سەرگەلدەڭ ءومىرىن باستايدى. 16 جىلدا فاڭ يحۇڭ باتىستى  بەتكە الىپ، 8 ولكە، نەشە ونداعان اۋدان، قالانى باسىپ ءوتىپ شينجياڭعا كەلەدى. 

    اڭگىمەلەسۋ بارىسىندا فاڭ يحۇڭ حالىق ساقشىلارىنا سەرگەلدەڭدىك ومىرىندە كوپتەگەن جاقسى ادامعا كەزدەسكەنىن، بارىنەن دە ءۇش جىلدىڭ الدىنداعى قىستا ءۇرىمجى قالاسىندا كەزدەسكەن ءبىر قاريانىڭ وعان ءدارى-دارمەك، ماقتالى كورپە جانە  بىرنەشە  كۇن تاماق اكەلىپ بەرۋمەن بىرگە، وعان 100 يۋان اقشا بەرگەندىگىن ۇمىتا المايتىندىعىن ءارى  ىشتەي قاتتى تەبىرەنگەن ول ءوزىن مالىمدەۋ ويىنا دا كەلگەندىگىن، الايدا، ەڭ سوڭىندا رايىنان قايتقاندىعىن ايتادى. 

    فاڭ يحۇڭ: « تالاي جىلدان بەرى اتى-ءجونىمدى جاسىرىپ، تالاي جاپا- ماشاقاتتى كۇندەردى باسىمنان وتكىزدىم، ەشكىمگە دە بۇل جونىندە ءتىس جارماعان ەدىم. ساۋان اۋدانىنا كەلگەنىمە بىرنەشە كۇن بولماي جاتىپ، وسى كۇنگە قالامىن دەپ ويلاماعان ەدىم. ءىس جۇزىندە ەندىگارى قاشقىم دا كەلمەيدى، ويتكەنى كۇندەردىڭ بىرىندە، ءسوزسىز، قولعا تۇسەتىندىگىمدى بىلەمىن » دەدى. 

      فاڭ يحۇڭ  جالپى  جاعدايدى ساقشىلارعا   تاپسىرعاننان   كەيىن،«ءتىرى جۇرسەمدە اكە-شەشەمدى تانۋعا، ولارمەن كەزدەسۋگە باتىلدىق قىلا الماي، تىشقانعا ۇقساپ، جاسىرىنىپ ءجۇردىم، بىلاي ءتىرى جۇرگەننەن ولگەنىم ارتىق ەكەن. مەنىڭ قازىرگى ەڭ سوڭعى ارمانىم ەگىدە تارتقان اكە-شەشەمدى ءبىر كورىپ قالۋ » دەپ  سوڭعى  تالابىن ايتقان ەكەن. 

    27-اقپاندا ساۋان اۋدانىنداعى ساقشىلار گۋاڭشي جۋاڭزۋ اۆتونوميالى رايونى  چۇڭزو  قالاسى جياڭجوۋ رايونىنداعى ساقشىلارمەن حابارلاسىپ، فاڭ يحۇڭنىڭ ايتقانى بويىنشا ونىڭ سالاۋاتىن ىشكەرىلەي تەكسەرىپ انىقتادى.

     الايدا، الداعى  جەردە  فاڭ يحۇڭدى كۇتىپ تۇرعانى زاڭنىڭ قاتاڭ جازاسى عانا. 



رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn