ەەڭ جاڭا مازمۇندار
اسقاق جىگەردى ساقتاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزەمىز
رايونىمىزدىڭ كوپتەگەن تاراۋلارى شارا بەلگىلەپ، ىندەتكە قارسى اتتانۋدىڭ ءبىرىنشى شەبىندەگى قىزمەتكەرلەرگە قامقورلىق جاسادى
ءبىرىنشى شەپتە ەرلىكپەن شايقاس جاساپ جاتقان كومپارتيا مۇشەلەرىنە قۇرمەت بىلدىرەمىز
ولاردىڭ جاستىق كوكتەمى «ىندەت» پەن شايقاستا الاۋلادى
«84» زارارسىزداندىرۋ سۇيىقتىعىن ورىندى پايدالانايىق
ەمدەۋ قىزمەتكەرلەرىن قورعاۋعا، ولارعا قامقورلىق جاساۋعا، ولاردى ايالاۋعا، ءسوزسىز، وسكەلەڭ ءمان بەرىپ، ەمدەۋ قىزمەتكەرلەرىنىڭ ىندەتتى جەڭۋ كۇرەسىنە ۇزدىكسىز ساۋ - سالامات ات سالىسۋىنا شىنايى كەپىلدىك ەتۋ كەرەك
باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جانە كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك
ءبىرىنشى شەپتە شايقاس جاساپ جاتقان الەۋمەتتىك اۋماق قىزمەتكەرلەرىنە قۇرمەت بىلدىرەمىز
ايماقتىق جۇقپالى اۋرۋلاردىڭ الدىن الۋ-تىزگىندەۋ ورتالىعى لاباراتورياسىندا ۆيرۋسپەن «بەتپە-بەت شايقاس»جاساپ جاتقان لابارانتتار
ۇيدە وتىرىپ ۇيرەنۋدە كوزدى قورعاۋ ءبىرىنشى ماسەلە
ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى عىلمي ءبىر تۇتاس جوسپارلاپ، جۇمىس باستاۋدى، ءوندىرىستى قالپىنا كەلتىرۋدى حاۋىپسىز، ءتارتىپتى ىلگەرىلەتىپ، تۇتاس جىلدىق نىسانا مەن مىندەتتەردى قۇلشىنا جۇزەگە اسىرۋ كەرەك
ءبىرىنشى شەپتە شايقاس جاساپ جاتقان الەۋمەتتىك اۋماق قىزمەتكەرلەرىنە قۇرمەت بىلدىرەمىز
ىندەتتەن ساقتانۋ - تىزگىندەۋ كەزىندە كەدەيلىكتەن ارىلتۋدان قامال الۋدىڭ ءتۇيىندى قىزمەتىن ورنىقتى ىلگەرىلەتۋ كەرەك
شاۋەشەك قالاسى: ىندەت جاعدايى «كوجە-قاتىققا» ىقپال جەتكىزە المادى
ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋ نىساناسىن جۇزەگە اسىرۋدىڭ قوس جەڭىسىنە قول جەتكىزۋ سىندى قاتاڭ شايقاستى باتىل جۇرگىزەيىك
ۇلكەن شايقاستا اۋەلگى ماقساتتى، بورىشتى امالياتتا ايگىلەپ، ۇلكەن سىناقتا تولىمدى جاۋاپ قايتارايىق
رايونىمىزدىڭ قامداۋ - ساۋدا جۇيەسى ءتۇرلى شارالار قولدانىپ اۋىل شارۋاشىلىق ماتەريالدارىمەن قامداۋدى قامتاماسىز ەتتى
ىندەتتەن ساقتانۋ - تىزگىندەۋ ماماندارى: عىلمي، ۇيلەسىمدى بولۋ، كوزسىزدىكپەن ىستەتپەۋ، قالىپتان تىس قورعانباۋ
قىسىلتاياڭ كەزەڭدە وزىندىك قاسيەتتى ايگىلەپ، ”ىندەت“پەن شايقاسۋدىڭ ءبىرىنشى شەبىندە پارتيا تۋىن جەلبىرەتتى
ەكونوميكانىڭ ورنىقتى اينالىمىن جانە قوعامنىڭ جاراسىمدىلىعىن، ورنىقتىلىعىن ساقتايىق
قايتا ورالۋ ساپارىنداعى قورعانۋ باعدارلاماسى
شينجياڭداعى ەگىنشى - مالشىلاردىڭ ءۇي تىرلىگىنە نازار سالىڭىز
ەلەۋلى ىندەتتەن ساقتانۋ - تىزگىندەۋ ءتۇزىلىس - مەحانيزمىن كەمەلدەندىرىپ، مەملەكەتتىڭ الەۋمەتتىك دەنساۋلىق ساقتاۋ شۇعىل جاعدايعا توتەپ بەرۋ - باسقارۋ جۇيەسىن اقاۋسىزداندىرۋ كەرەك
ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىن زەرتتەگەندە سويلەنگەن ءسوز
قالىپتى ەكونوميكالىق، قوعامدىق ءتارتىپتى شىنايى قورعايىق
ىندەتتەن ساقتانۋ - تىزگىندەۋ قىزمەتتەرىن تيتتەي دە بوساڭسىماي ويداعىداي يگەرەيىك، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزىپ، ەكونوميكالىق، قوعامدىق دامۋ نىساناسىن قۇلشىنا جۇزەگە اسىرايىق
ۇيدەگى مەديتسينالىق باقىلاۋدى قالاي ىستەۋ كەرەك
«84» زارارسىزداندىرۋ سۇيىقتىعىن ورىندى پايدالانايىق
ولار ءبىزدىڭ تۇرمىسىمىزدى قورعاۋشىلار
زارارسىزداندىرۋدا سپيرتتى دۇرىس ىستەتە ءبىلىڭىز

شەتەلدىكتەردىڭ بالا تاربيەلەۋ ءادىسى

جولدانعان ۋاقىتى : 2017/9/11 18:16:18

ءتۇسىرۋ
شەتەلدىكتەردىڭ بالا تاربيەلەۋ ءادىسى
  ا ق ش: بالالاردىڭ دەربەستىگىنە قۇرمەت ەتۋ كەرەك

  ا ق ش - ندىق اتا-انالار ازىقتىق بەرۋ مەن ءبىلىم ۇيرەتۋدەن قالا بەرسە، بالا ءۇشىن بارىنەن ماڭىزدىسى ولارعا قۇرمەت ەتۋ دەپ قارايدى. ويتكەنى بالا ىڭگالاپ دۇنيەگە كەلگەن كۇننەن باستاپ، ءتانى مەن جانى بولەك، دەربەس ءبىر تۇلعاعا اينالادى.

  ا ق ش - ندىق اتا-انالار بالاسىمەن اڭگىمەلەسكەندە، ەشقاشان كىسىلىگىن بۇلداپ، ۇزەڭگىدەن تۇسپەي شىرەنبەيدى،كەرىسىنشە، بالالارمەن تەڭ تۇرعىدا تۇرىپ پىكىرلەسەدى. بالاسى تاماق ىشپەي قيقارلانسا، بالاسىن تاماق ىشۋگە ماجبۇرلەمەي، ىقىلاسپەن: «قاراشى،انا شەلپەك سەنى كۇتىپ قالدى،استى تەلمىرتپە، ونى اساي سالماساڭ ساعان رەنجىپ قالادى - اۋ!» دەپ الدامالاپ جونگە سالادى.

  ەگەر بالا اعاتتىق وتكىزسە،اتا-اناسى وت الىپ قوپاعا ءتۇسىپ، بالاسىن جەردەن الىپ، جەرگە سالىپ جاتپايدى. «ادەيى ىستەمەگەنىڭدى بىلەمىن،كەلەسى جولى بۇل قاتەلىكتى قايتالاماعايسىڭ» دەپ جاي ەسكەرتەدى. ا ق ش-ندىق اتا-انالار بالاسىنا قانداي كيىم كيسە  ۇناسىمدى بولاتىنى جونىندە ءوز پىكىرىن جاي ءبىلدىرىپ، قانداي كيىمدى كيۋدى بالانىڭ ءوز تالعامىنا قالدىرادى. ولار بالاسىن ەرتىپ، باسقالاردىڭ ۇيىنە قوناقاسىعا بارعانىندا، قوناق يەسى بالانىڭ اۋزىنا جىلى-جۇمساعىن توسەسە، بالادان بۇرىن: «بالام ونى جەمەيدى»، «بالام مۇنى المايدى» دەمەيدى. قايتا بارلىعىن بالانىڭ ءوز تاڭداۋىنا قالدىرادى. ارينە،ب ۇل،استە،ب الاسىنىڭ ەركىنە جۇگىرىپ، قالاۋىن قاناعاتتاندىرىپ بەرۋ دەگەندىك ەمەس. قوناق يەسى ءوزى ءبىلىپ ءبىر نارسەنى بەرمەسە، ال، بالاسى سول نارسە العىسى كەلسە، اتا- انالارى ءساتى تۇسكەن كەزدە، ءۇي يەسىنە ءتۇسىندىرىپ، ءجونىن ايتادى ەكەن.

  ايتالىق، قىدىرا بارعان ۇيدەن بالاسى باعالى ويىنشىقتاردى العىسى كەلسە،اتا-اناسى اركىمنىڭ ءوزىنىڭ ۇناتاتىن نارسەسىنىڭ بار ەكەنىن، ءوزىمىزدى عانا ويلاپ، باسقالاردىڭ كوڭىل كۇيىمەن ساناسپاۋدىڭ قاتە ەكەندىگىن بالاسىنا 
ءتۇسىندىرىپ، بىرەر ءىس ىستەگەندە باسقالاردىڭ دا كوڭىل كۇيىمەن ساناسۋ كەرەكتىگىن بالاعا قاداعالاي ۇعىندىرادى.

  ءبىزدىڭ كوپ ساندى اتا-انالارىمىز «توپ الدىندا بالاعا تاربيە بەرۋگە» وتە قۇمار. ءىشىنارا اتا-انالار ۇنەمى باسقالاردىڭ الدىندا بالاسىن جازعىرىپ، بالاسىن «ىنجىق، توپاس» دەپ بالاعاتتايدى. ال،ا ق ش - ندىق اتا-انالار مۇنداي ارەكەتتى قىلمىس، بالانى كوپتىڭ الدىندا كىنالاۋ ونىڭ نامىسىن تاپتاعانمەن بىردەي دەپ بىلەدى.

  ۇلى بريتانيا: بالاعا جەڭىلىس ورايىن بەرۋ كەرەك

  بالالار ءوسىپ-جەتىلۋ بارىسىندا، سىنى مەن سىناعى كوپ جەڭىلىستەردەن قاشىق تۇرا المايدى. جۇڭگولىق اتا-انالار بالاسى ساتسىزدىككە ۇشىراسا، بالاسىنىڭ ءالى كىشكەنە ەكەنىن ايتىپ، جەڭىلىسىنە ءماز بولىپ، بالاسىمەن جارماسىپ، قيىن ماسەلەلەردى شەشىپ بەرەدى نەمەسە بالاسىنا بۇل ىستەن ۋاز كەشۋگە ناسيحاتتايدى. ۇلى بريتانيالىق انا-انالار مۇنى، استە، قۇپتامايدى.

  ماكتىڭ 10 جاستاعى ۇلى چار ءوز تۇرمىسىن ءوزى رەتكە سالۋمەن قاتار،وتباسىنداعى سۋ قۇبىرىن، ەلەكتر جابدىقتارىن جوندەي بىلەدى،ءتىپتى، اۆتوكولىكتى جوندەۋدى دە ۇيرەنىپ العان. جۇڭگودا مۇنداي تەحنيكالىق شەبەرلىكتى جيىرما نەشە جاستاعى اتپال ازاماتتىڭ دا ءبىلۋى ناعايبىل.

  ايتالىق، چار 2 جاسىندا - اق وتباسى شارۋاسىن ىستەۋدى ۇيرەنە باستاعان ەكەن. ىدىس-اياق جۋىپ تۇرعان اكەسىنە ەكى جاستاعى چار تاڭىرقاي قارايدى. سونىمەن اكەسى ماك ونى كوتەرىپ، اس ۇيىندەگى ىدىس-اياق جۋاتىن ناۋاشانىڭ قاسىنا تۇرعىزادى. 2 جاستاعى چار جالما-جان ىدىس-اياقتى جۋا باستايدى. ونىڭ تۇلا بويى سۋ بولىپ، ايتارعا بولماسا، ول شىنىنى شالا جۋعانىمەن قويماي، شىنىنىڭ بىرنەشەۋىن شاعىپ تا الادى.

  ماك بالاسىن توقتاتقاننىڭ ورنىنا، قاسىندا تۇرىپ، ونىڭ قيمىلىن زەر سالا باقىلاۋمەن بولادى. باستاپتا، كىشكەنتاي چار ەبى قاشىپ ءۇستى-باسى مالمانداي سۋ بولادى، وسى كەزدە بارىپ، ماك چاردىڭ تازا كيىمدەرىن الماستىرىپ، ونى ىدىس-اياق جۋاتىن ناۋاشانىڭ قاسىنا تۇرعىزىپ قويىپ، ءوزى ىدىس -اياقتى تازالاپ قايتا جۋادى. ارتىنان چاردىڭ ويىنشىق ىدىس-اياقتارىن ناۋاشانىڭ ىشىنە سالادى. چار بۇل جـولى ءوزىنىڭ ويىنشىق ىدىس-اياقتارىن جۋعاندا، كيىمى ازداپ سۋ بولادى، ءۇشىنشى رەت كيىمىنىڭ تەك جەڭى عانا سۋ بولادى. ماك بالاسى چارعا تاعى ىدىس-اياقتى قايتكەندە تازا جۋۋعا بولاتىنىن ۇيرەتەدى، وسىلايشا چار دا بۇل ىسكە توسەلە باستايدى.

  ماكتىڭ بالا تاربيەلەۋ ءادىسى وتە قاراپايىم. ول بالاسىنا جەڭىلىس ورايىن بەرىپ، جەڭىلىس ىشىندە جەڭىسكە جەتكەنىنشە قايتا-قايتا قاتەلىگىن تۇزەتۋگە بايىپتىلىقپەن ۇلگى بولا ءبىلدى. دەمەك بالا تاربيەسىندەگى مۇنداي ءادىس بالاعا ونەر يگەرۋدى عانا ەمەس، ومىرگە قانداي پوزيتسيا ۇستانۋدى دا ۇيرەتەدى.

  اۆستراليا: بالالاردىڭ تىرشىلىك ەتۋ قابىلەتىن جەتىلدىرۋ كەرەك

  اۆسترالياداعى باردام وتباسىلارى بالالارىن قارشادايىنان قايىق ايداۋدى ۇيرەنۋگە جاتتىقتىرادى.
 
  قايىق قايراڭدا تۇرعاندا، قايىقتىڭ بويىنا قۇم جابىسىپ قالاتىنى داۋسىز.

  ماۋتوۆ العاشقى جۇمىسىن قايىقتى ءسۇرتىپ، تازالاۋدان باستايدى. سول جىلى ماۋتوۆ 11 جاستا ەدى، قايىقتىڭ ۇستىندە ەكبەتتەپ جاتىپ، شىجىعان ىستىقتا كۇنىنە 6 ساعات بويى دەمالماي جۇمىس ىستەيدى، وسىلايشا بۇل جۇمىستى تۇپ-تۋرا ءبىر جاز جالعاستىرادى. اناسىنىڭ ماۋتوۆدىڭ بۇل جاپالى جۇمىستى ىستەگەنىنە ەت جۇرەگى اۋىرسا دا، جۇمىستى ورتا جولدان دوعارماۋعا ناسيحاتتايدى. ويتكەنى ماۋتوۆدىڭ شەشەسى بالانىڭ ءوز ۋاقىتىن ءوز ەركى بـويىـنشا ورنـالاستىرۋ ۇقىعى بار دەپ قارادى.

  يۇيشىڭ ساباق ۋاعىندا ۇنەمى قالعيتىن، باسقالار ونىڭ نەگە قالعىپ وتىراتىنىن سۇراعاندا، ول ماساتتانا: «مەن ءار سەيسەنبى تاڭەرتەڭ ساعات 5 تەن 7 گە دەيىن ءۇيىمىز تۇراتىن كوشەدە جۋرنال تاراتامىن، سونىمەن ءار رەتتە 14 يۋان تابامىن!» دەپ ساباقتاستارىن وزىنە ءتانتى ەتەدى.

  جۇڭگولىق اتا-انالاردىڭ تانىمى بويىنشا «تەڭىز قايراڭىنا بارىپ، قايىقتى ءسۇرتىپ- تازالايمىن دەپ ءجۇرىپ بىرەر ىسكە دۋشار بولسا قايتەمىز؛ 14 يۋان اقشا تابۋ ءۇشىن تاڭ بوزىنان تۇرىپ ۇيقىسى قانباسا، ساباقحانادا قالعىپ وتىرىپ، ۇيرەنۋىنە نۇقسان جەتسە قايتەمىز» دەپ بالالارىنىڭ مۇنداي ىستەردى ىستەۋىنە جول قويمايدى. الايدا اۆستراليالىق اتا - انالار بۇلاي ويلامايدى، ولار بالاسىنىڭ ساباقحانادا قانشالىق ءبىلىم ۇيرەنگەنىنەن گورى، بالانىڭ ءومىر ءسۇرۋ قابىلەتىن جەتىلدىرۋ ماڭىزدى دەپ بىلەدى.

  اۆستراليالىق بالالار وتە قايسار، ءتوزىمدى كەلەدى. اتا-انالارى ولارعا جايسىزدانسا، اتا-اناسىنا ايتىپ، شيپاحاناعا بارىپ شيپاگەرگە كورىنۋ كەرەكتىگىن، ارسىلى-كۇرسىلى ىڭىرسىپ، نالۋىنا بولمايتىنىن، نالۋ - ىنجىقتىقتىڭ بەينەسى ەكەندىگى جونىندە تاربيەنى قارشادايىنان قۇلاقتارىنا قۇيادى. قىستا قىز وقۋشىلار تاپ-تازا مەكتەپ كويلەكتەرىن كيسە، ۇل بالالار كاستوم -شالبارىن كيەدى. جەكسەنبى كۇندەرى دە اتا-انالارى بالالارىنا قاپتاپ قالىڭ كيىم كيگىزبەيدى. ولار كۇندەگىسىنشە جەڭىل كيىنىپ، باقشا ىشىندە ارلى-بەرلى اسىر سالىپ وينايدى. اۆستريالىق اتا-انالار بالاسىنىڭ ەرجۇرەك، قولىنان ءىس كەلەتىن قارىمدى بولۋىن، قابىلەتتى بولۋىن، سونداي-اق قارشادايلارىنان سۋىق پەن ىستىقتان، اشتىق پەن شارشاپ-شالدىعۋدان قورىقپايتىن، ساۋ دەنەلى، اتپالى ازامات بولىپ ەرجەتۋىن ارماندايدى.
 
جوعارىداعى ماقالانى وقىعاننان كەيىن، كوڭىلىمدە سان سۇراۋ تۋىندادى.

  ا ق ش - ندىق اتا-انالار بالاسىنىڭ نامىسىنا ءمان بەرەدى. ال،ءبىز بالا كىشكەنە كەزىندە اتا-انانىڭ باسقارۋىندا، تاربيەلەۋىندە بولۋى، نامىسشىلدىق دەگەن ەرجەتكەننەن كەيىنگى ءىس دەپ قارايتىندىعىمىزدان، بالاعا ۇرسىپ، جازعىرۋ بىزگە قالىپتى سەزىلەدى دە، مۇنداي ورەسكەلدىگىمىزدىڭ بالانىڭ ءسابي جۇرەگى مەن ارمانىنا كولەڭكە تۇسىرەتىنىن اڭعارمايمىز.

  ۇلى بريتانيالىق اتا-انالار بالاسىنىڭ جەڭىلىسكە ۇشىراۋىنا جول بەرە بىلەدى، ال، ءبىز بالامىزدىڭ جەڭىلىسكە ۇشىراپ، جىعىلىپ-سۇرىنگەنىن كورسەك، اشۋعا بۋلىعىپ، «قولىڭنان دانەڭە كەلمەيدى» دەپ جەر-جەبىرىنە جەتە سىبايمىز. باسىن كوتەرە الماي، ءۇنجۇرعاسى تۇسكەن بالامىزدى كورگەندە، ءوز كەرەمەتىمىزدى كورسەتىپ تاستاعانداي مارسيىپ، قاتەلىگىن تانىتىپ، بالانى ءسوز تىڭدايتىن ەتتىك، «بالانى جاستان» دەگەن بالا تاربيەمىز ءساتتى بولدى دەپ مارقايامىز.
ا
  ۆستراليانىڭ بالا تاربيەلەۋ ءادىسى بىزدەر ءۇشىن،ءتىپتى، بۇيىرماعان دۇنيە. ۋنيۆەرسيتەت وقىماعانىڭ باسقالارمەن تەڭ دارەجەدە تۇرىپ باسەكەلەسۋ ورايىنان ايرىلعانىڭ دەپ، بارلىعىنان ۋاز كەشسەك دە، ۇيرەنۋدى اقساتۋعا جول قويمايمىز، بالاسىنىڭ جوعارى ورلەپ وقۋ ەمتيحانى ءۇشىن اتا-انالار بالاسىمەن بىرگە جانتالاسسا؛ بالالارى توم-توم پىسىقتاۋ ماتەريالدارىن كوتەرىپ ءجۇرىپ جۇيكەلەرى جۇقارادى. ۋنيۆەرسيتەتتەگى بالالاردىڭ كوپ ساندىسىنىڭ تىرشىلىك ەتۋ قابىلەتى تومەن، قىزمەت تابا الماي، اينالىپ كەلىپ اتا-اناسىنا ماسىل بولسا، كەيبىرى قوعامعا سايكەسە الماي، توماعا-تۇيىق، جابىرقاۋ اۋرۋىنا كىرىپتار بولادى، كەيبىرەۋى،ءتىـپتى، ءوزىن مەرت قىلۋعا دەيىن بارادى. وسى مىسالدار ءبىزدى نەلىكتەن ءالى دە وياتا الماي كەلەدى...
 اۋدارعان - جاڭىلار مۇقامەت قىزى
 
  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn