ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

ساۋدانىڭ جانى سەنىمدىلىكتە

جولدانعان ۋاقىتى : 2016/4/11 12:55:47

ديداربەك زاكىرجان ۇلى

ءبىر دوسىم تەلەفون سوعىپ جاڭادان العان ءۇيىن اشەكەيلەۋگە قاجەتتى ماتەريال الاتىندىعىن ايتتى. سوسىن بازاردىڭ جايىن بىلمەسەمدە، قاسىندا جۇرگەنىمە ەشكىم دە اقى المايتىندىقتان بىرگە جۇرۋگە ماقۇلدىق بەردىم.
مىنە، قىزىق! زاماننىڭ دامۋى بازاردىڭ باعىن اشقان ەكەن. بازاردىڭ باعى _ ۇلتىمىز جاستارىنىڭ وركەندەۋىنە ءورىس،وزدەرىنىڭ جاڭالىق اشۋ قابىلەتتەرىن جەتىلدىرۋگە داپ-دايىن ساحنا،مايدان جاساپ بەرگەن. نەسىن ايتاسىڭ، الارعا زات كوپ،اقشاڭ مول بولىپ،قالتاڭ قالىڭ بولسا كوككە قاراساڭ،قاجەتىڭە جارار ماتەريال كەز گەلگەن ۋاقىتتا دايىن بولادى ەكەن. ءداۋىردىڭ ادامدارعا بەرگەن بايلىعى نەنى الامىن دەسە،سونىسى تابىلادى. تەك: 

«اركىمنىڭ ءوزى ىزدەگەن نارسەسى بار،

سومالاپ اقشاسىنا سونان الار.

بىرەۋ ۇقپاس بۇل ءسوزدى، بىرەۋ ۇعار،

باعاسىن پايىم قىلماي اڭ-تاڭ قالار» دەپ اباي اتامىز ايتقانىنداي،باعا پارقىنا بويلاي الماي تابانىڭنان توزادى  ەكەنسىڭ.  ويتكەنى بازاردىڭ باعىن «ساۋدا ساقال سيپاعانشا» دەگەن قولما-قولدىق باعا كەسىمى بيلەپ تۇر.

كوزىنە كورىنگەندى الارمان الا قويمايدى، ال،ساتۋشى دا كەلگەن  الارمانعا ءوز كوكەيىندەگى باعاسىنا جەتپەيىنشە زاتىن ساتپايدى. مىنە،وسىدان باعا تالاسى شىعادى. باعا تالاسى بولعاننان كەيىن جاقسى دۇنيەنىڭ ارزانى بولار ما ەكەن دەپ دامەلى كوڭىل كەي-كەيدە ءاربىر ەسىككە كىرۋگە جەتەلەيدى، ءۇمىتتى دۇنيە بۇلاڭ قاعىپ ءاربىر ەسىكتەن قىردىڭ قىزىل تۇلكىسىندەي كوز قۇمارىڭدى وزىنە قۇنىقتىرا تۇسەدى.

ءوستىپ جۇرگەندە ءبىر دۇكەنگە كىردىك. نەسىن ايتاسىڭ، زاتىن تەككە بەرەتىن كوپەستەي دۇكەن يەسى ءبىزدى وتە دارقان كوڭىلمەن قارسى الدى. ءبىزدىڭ الاتىن زاتىمىز ساماناداي سامسىپ تۇر ەكەن. ول زاتىن تانىستىرۋدان ىلگەرى جايبىراقات كوڭىلمەن اتى-ءجونىمىزدى،قىزمەت ورنىمىزدى سۇراپ ەلپەك قاقتى. كوپ ۇزاماي دۇكەن يەسى دوسىمنىڭ تۋىسى بولىپ شىقتى. ءۇيدى اشەكەيلەۋگە قاتىستى ماتەريال ىزدەپ كوك بالاق بولعان ءبىز ارقامىزداعى جۇك الىنعانداي كەڭ تىنىستاپ جايلى  ورىندىعىنا وتىرا كەتتىك.

ول ەندى بىزگە ءسوز تىزگىنىن بەرەتىن ەمەس. ات شاپتىرىم دۇكەننىڭ ىشىندەگى الارمانىن كۇتكەن ماتەريالدارىن تانىستىرا باستادى. ءتورت اۋىزدى ءۇيدىڭ ءتورت ىرگەسى كوز جاۋىن الاتىن ءۇيدى اشەكەيلەۋگە قاجەتتى ماتەريالعا سىرەپ تۇر.

− كورشى دۇكەندى كورەسىزدەر مە؟!

− جوق، كورمەيمىز!

− ونىڭ ساتىپ وتىرعانى مەنىكىنەن ەكى ەسە قىمبات. ونىڭ ماتەريالى جالعان. ال، بىزدىكى شىن. ساپاسىنا كەپىلدىك بەرەمىز. ون جىل.

و،ءتايىر-اي دەپ ون جىلعا دەيىن كەپىلدىك بەرەتىن ساپاسى اسىل،قۇنىن جويمايتىن زات بار ەكەنىنە تاڭ قالامىن. ون جىلعا دەيىن تاقتايعا كەپىلدىك بەرگەنى نەسى دەيمىن. نەدە بولسادا دەپ اڭگىمەلەرىن كيىپ-جارىپ:

− تاقتايىڭ وتە ساپالى بولدى عوي؟

− ءيا، ساپ اعاشتان تاقتاي وندىرەتىن زاۆودتان الدىرىپ    وتىرمىن. ساپاسىندا ماسەلە جوق. ءبىز ماتەريالدى كوزىمىزبەن كورگەن زاۆودتان زاكاز بەرىپ الدىرامىز، وتە سەنىمدى.

− ە، وتە جاقسى ەكەن. ال، تاقتايدىڭ ساپاسىنا ون جىل كەپىلدىك بەرەسىڭ سولاي ما؟!

− ارينە، ون جىل.

− الايدا، مىنا كىسى تاقتايىڭدى العاننان كەيىن ۇيىنە ءتىزىپ قويمايدى عوي. ونى اعاششى ءوز قالاۋىنا قاراي قيقىمداپ ءۇيدى  اشەكەيلەيدى ەمەس پە، سوندا سەنىڭ ايتىپ وتىرعان ون جىلىڭ تاقتايدىڭ قايسى ولشەمىنە بەرەتىن ۋادەڭ؟-دەگەنىمدە، جول جورعاداي تايپالىپ ەكەۋىمىزگە شاڭىن بۇركىپ كەلە جاتقان دۇكەن يەسى قايقاڭ ەتە قالدى.

−ءيا، ون جىل. تاقتايدىڭ ساپاسىنا كەپىلدىك بەرەمىز. وعان مىنا اعاششى جىگىت كەپىل بولادى،-دەپ تاپال بويلى، كوزى كوك جىگىتتى قولىمەن نۇسقادى. دوسىم ەكەۋىمىز الگى جىگىتگە تەڭ قارادىق. ونىڭ كوزى كۇلىمدەپ، دۇكەن يەسىنىڭ ىمىنا باعىپ،   وتىرعان ورنىنان ۇشىپ تۇردى دا:

− ارينە، ءبىز پايدالاناتىن ماتەريال ساپالى بولسا قانشا جىلعا كەپىل بول دەسەڭىز بولا بەرەمىز. ويتكەنى ساپالى ماتەريال بىزگە سەنىم سيلايدى. اعاسى الاڭسىز بولىڭىز. بۇل اعامىزعا شاكىرت بولعانىما بيىل ون جىل بولادى. وسى ون جىلدا ءبىز پايدالانعان ماتەريالدان اقاۋ شىعىپ كورگەن ەمەس. ءۇيدىڭ ىڭعايىنا قاراي جاساعان كيىم ىشكاپ،ىدىس-اياق قوياتىن اسەمدىك سورەلەرى دەيسىز بە، ءبار-ءبارى ءسىزدىڭ ويلاعانىڭىزداي ءاپ-ادەمى بوپ شىعادى. ماتەريال ساپالى بولسا جاساعان دۇنيەمىزدەن كوڭىلىڭىزگە جاقپايتىن ەشقانداي ولپى-سولپى كورىنبەيدى. وعان ءبىز كەپىل بولا الامىز،-دەپ كەۋدەسىن ۇردى. وعان دوسىم ايرانداي ۇيىپ، ەلپەك قاقتى. ءتىپتى، ءاي-شاي جوق،  «قاجەتتى  ماتەريالدى  سەنەن الامىن» دەپ كەلىنشەگىنىڭ: «ءسال ايالدايىق» دەگەن قاباق بۇيرىعىنا دا قاراعان جوق، كەۋدەسىمەن تاۋ سوعىپ، اقشاسىنىڭ مولدىعىنا ارقا سۇيەدى. ال،دۇكەن يەسىنىڭ كۇلكىسى باۋىرىن جازىپ كوسىلە  ءتۇستى.

دۇكەن يەسى دوسىمنىڭ تۋىسى بولعانىمەن، مەنىڭ تۇكتە قاتىسىم جوق بولعان سوڭ دوسىمنىڭ سەنگىش كوڭىلىنە تۇساۋ بولا ما دەگەن ويمەن سوزدەن جولىن كەس-كەستەدىم.

− جىگىتىم، سەن سوندا    اعاششى بولدىڭ عوي.

− ءيا، سەنبەي تۇرسىز با؟

− جوق، سەنگەننەن كەيىن سۇراپ تۇرمىن عوي. سوندا اعاششىلىقپەن شۇعىلدانعانىڭا قانشا جىل بولدى.

− وسى اعامىزدىڭ تاربيەلەۋىندە جۇرگەنىمىزگە ون جىل  بولدى. قازىر اعاشتان نە جاسا دەسەڭىز، سونى جاسايمىز. ويتكەنى  ەلەكتر سايمانىمىز تولىق، وتە نازىك ويۋلاردى دا اعاشقا ويا الامىز،-دەپ ءوز ونەرىن ايگىلەۋگە ءىز تاستاپ ەدى. دوسىم ەندى جالت بۇرىلىپ اعاششى جىگىتتىڭ جەتەگىنە ەرە جونەلدى.

− سوندا باۋىرىم، تاقتايدىڭ بەتىنە قازاقى ويۋ-ورنەك بەدەرلەي الامىن دەيسىڭ بە؟-دەپ جوعىن تاپقانداي قاسىنا تاياي    ءتۇستى.

− ارينە، اعاسى. قازىرگى تاقتاي بەتىنە ويۋ-ورنەك سالاتىن قۇرال-سايمانىمىز وتە وزىق، ءسىز ءوزىڭىز ۇناتقان ويۋ-ورنەكتى قاعازعا ءتۇسىرىپ ۇلگىسىن الىپ كەلسەڭىز بولدى. ءۇيىڭىزدىڭ قاي بۇرىشىنا، قاي ىشكاپتىڭ بەتىنە سال دەسەڭىز ورنەك سالۋعا بارمىز،-دەپ كەۋدەسىن قاقتى.
سوسىن مەن:
− باۋىرىم، ويۋ-ورنەكتى عوي سەن ادەمىلەپ بەدەرلەدىڭ دەيىك.

− ارينە، بەدەرلەيمىز. تەك تاقتاي ساپالى بولسا بولدى
.
− ە، بىلاي دە. تاقتاي ساپالى بولدى دەيىك. سەن ادەمىلەپ بەدەر سال. ويۋ-ورنەگىڭ ادامنىڭ كوڭىلىن جىقسىن دەلىك. ال، سوندا ونىڭ رەڭىن اشاتىن سىر بەرۋشىنى قايدان تابامىز؟!

− ونىڭ شاراسى جەڭىل اعاسى. ءبىزدىڭ جىگىتتەر ءوزى سىر سىرلاي بەرەدى. ويۋ-ورنەكتىڭ رەڭىن اشقاندا تالىپ تۇسەسىز.  ءۇيىڭىز ايناداي جارقىراعاندا، ماعان راقىمەت ايتپاعانىڭىزدى كورەيىن،-دەپ دۇكەن يەسى ءسوزىن سىنالادى دا: − مىنە، ساپالى سىر، بوگدە ءيىس جوق. ادامعا زيانسىز، سىر كەپكەننەن كەيىن ۇيىڭىزگە كىرە بەرەسىز، ەشقانداي كەرى  اسەرى جوق،-دەدى.

− ە،-دەپ مەن باسىمدى يزەپ ءسال تۇردىم دا: − وعان دا ون جىل كەپىل بولاسىڭ با؟!-دەدىم اتەيلەپ.

− ءيا، ون جىل، جىگىتتەرىمىز وتە ساپالى قىزمەت وتەيدى،-دەدى.

ەندى نە ايتاسىڭ، ءبار-  ءبارى بۇل دۇكەننەن تابىلىپ تۇرسا؟! ونىڭ ۇستىنە بۇل ەكەۋى تۋىس، تۋىس بولعاندا ەت جاقىن تۋىس. ەندى ەكەۋىنىڭ ساۋداسىنا تۇساۋ بولعانىم ءجون بولماس.   ونىڭ ۇستىنە، ون جىلدىڭ الدىندا ىرگەسىن بىرگە كومگەن كورشى بولعاندىقتان: «دوسىم، بايقاستاپ كورەيىك، الدانىپ قالما، مىناۋىڭ شىن ايتىپ تۇر ما» دەپ ايتۋدان ۇيالدىم.

سونىمەن دوسىم جاڭا ءۇيىن اشەكەيلەيتىن بارلىق زاتتى دۇكەن يەسىنەن قولما-قول اقشاسىن بەرىپ ساتىپ الدى. ال، قالعانىن الگى اعاششى جىگىت ءۇيدىڭ جاسالۋ ىڭعايىنا قاراي تولىقتايتىن بولدى. جاپ-جاڭا وزگە دۇكەندەردەن كورگەن زاتقا قاراعانىمىزدا ماتەريالعا جۇمسالعان اقشا كوپ ىركىلدى. 

دوسىم قۋانعاندا مالاقايىن اسپانعا اتتى. مەنىڭ اقىلىم جەتپەگەنى اعاششى جىگىت دوسىمنىڭ  اشەكەيلەيتىن جاڭا ءۇيىن كورمەي تۇرىپ، كيىم پىشكەندەي قاجەتتى زاتتىڭ مولشەرىن تاباندا ەسەپتەپ شىققانى. وعان تورەدەي سەنگەن دۇكەن يەسىنىڭ ءوز تۋىسىنا قولما-قول ماتەريالىن ناق اقشاعا ساتقانى. 

سوسىن نەدە بولسادا دەپ  ەسەپ-قيساپتى بولعان كەزدە:

− قوجايىن، سوندا مىنا    تۋىسىڭ مولشىلىقپەن ماتەريالدى وتە كوپ  العان جوق پا؟!-دەدىم.

− و، نە دەگەنىڭىز؟! مەن تۋىسىمدى الداپ قايسى بيىككە شىعامىن. ءدال وسى تۋىسىمنىڭ ىرگەسىندەگى ءۇيدىڭ اعاششىلىعىن مىنا جىگىت بۇگىن اياقتاتىپ قالتاسى قالىڭداپ وتىر. ەگەر ارتىق بولسا قايتارىپ الامىز. تەك جەتپەي قالسا ءبىر-ەكى تاقتاي ءۇشىن ماشينا مايىن تەككە كۇيدىرەتىن  ەمەس. ونىڭ ۇستىنە، مىنا كىسى بۇگىن بارمىن، ەرتەڭ ۇيرەنۋگە جۇرەمىن دەپ تۇر ەمەس پە، بۇنداعى جىگىتتەر وتە قاربالاس، ماتەريال ۋاعىندا جەتپەي قالسا جۇمىس توقتاپ قالادى،-دەپ ءمان-جايىن ءتۇسىندىردى.

دوسىم:

− دۇرىس ايتاسىڭ تۋىس.    «ارتىق دۇنيە باس جارمايدى»، اقشا بار كەزدە مول الىپ الايىق، ەندى قالعان ۇساق-تۇيەگىن ايەلىم ءوز ۋاقىتىنا قاراي تىشقانشىلاپ بولسادا جەتكىزە بەرۋىنە ابدەن بولادى عوي،-دەپ دۇكەن يەسىنىڭ اۋزىنا ءسوز سالىپ بەردى.

سونىمەن تۇپ-تۋرا ءبىر كۇن دوسىمنىڭ اتقوسشىسى بولىپ مۇرنىمنان شانشىلىپ ۇيگە قايتتىم. ۇيگە كەلگەننەن كەيىن تاماقتى ىشە سالىپ كوپ تە اينالماي ۇيقىعا كىرىستىم.

دەسەدە، الگى ساۋدانىڭ   ءتۇبى مازالاي بەردى...

سول ءۇشىن دە از عانا جىلدا مىڭ جىلدىڭ بايلىعىن تابامىن دەپ بازاردىڭ قاساڭ قاعيداسىن بۇزىپ، شەكەڭە شىندىقتىڭ شەرتۋىنەن ىزعار تيەتىن تەكتەۋسىزدىكتەن اۋلاق بولايىق. ساۋدا دا تابىسقا جەتۋ ءبىر كۇننىڭ كۇلشەسى ەمەس. ول قاناعاتتىڭ، بىلىمدىلىكتىڭ، شىنايى بولمىستىڭ تابانىڭنان توزىپ تاتقان اشتى جەمىسىنىڭ بوداۋى. تەك ول تاباندىلىق،مازاسىزدىق ەمەس، ول شىدامدىلىق، كۇيگەلەكتىك  ەمەس، ول مەنمەندىك  ەمەس، كىشى پەيىلدىك، ول قاناعاتسىزدىق ەمەس،قاناعاتشىلدىق. ول ءومىر بويى ارقالاپ وتەر التىن-كۇمىس ەمەس، بالدىڭ دامىندەي تاڭدايىڭا تاتىپ، ءبىر كۇندىك  ومىرىڭە ءلاززات سيلاۋ. ويتكەنى:  «ەسەبىڭنەن جاڭىلساڭ، ەسىڭنەن اداساسىڭ»، ەسىڭنەن  اداسۋ _ ەلىڭنەن اداسۋ.

دەمەك، از پايدانىڭ قۇنى ءۇشىن كىسىلىكتىڭ قۇنىن تابانعا تاپتاۋدان اۋلاق بولۋ _ ۇلتىمىزدىڭ ءوز ونەرلەرىن، قابىلەتىن، تالانتىن بازاردان ىزدەگەن جاستاردىڭ كەلەشەگىنە شام-شىراق بولاتىن ونەگەلى جول. ويتكەنى ۇزاققا   وزەك الاتىن بازار قاينارى جالعاندىققا ىرگەسىن بەرمەۋى كەرەك. جالعاندىققا ىرگەسىن بەرگەن ساۋدا بازار مارەسىنەن ءتۇپتىڭ تۇبىندە شاڭ قاباتىنى داۋسىز ءارى جالعاندىققا بوي ۇرىپ ءبىر تىستەگەنىم مىڭ ءدىلدا دەگەن تويىمسىزدىق بولاتىن بولسا كۇنى ەرتەڭگى ۇلتىمىزدىڭ بازاردان ەنشى الار ورىسىنە، بەدەلىنە، سەنىمىنە كۇل شاشاسىڭ. ءوز ۇلتىڭنىڭ سەنىمىن ءوز قولىڭمەن جەر ەتەسىڭ. سوندىقتان دا، بازاردىڭ باعى ساۋدا. ساۋدانىڭ جانى _ سەنىمدىلىك. سەنىمدىلىك _ ساۋداعا سالار زاتتىڭ قۇنىن شامالاي ءبىلۋ. زاتتىڭ قۇنىن شامالاي الماساڭ بۇگىن بولماسا دا ەرتەڭ بازاردىڭ قايىرشىسى بولاسىڭ. بۇل اشتى شىندىقتى ءارقانداي ساۋدامەن اينالىسقان ونەرلى ۇل-قىزدارىمىز بويتۇمار ەتۋى كەرەك. بويتۇمار كىرلەمەسىن، ەلدىڭ كوزى تەك ءبىر عانا الدانادى، ماڭگىلىك الدانۋ جوق. مىنە، بۇل ساۋدانىڭ ءاربىر ادام بويلاي بەرمەيتىن قولداعى سەگىز قىرلى التىن اينەك ەكەنىن ايعاقتايدى. ول قولدان سىرعىسا بولعانى، قولىڭ سىمەر، باسىڭ التىن بولسادا قايتا قۇراستىرا المايسىڭ. دەمەك، ءبىر ۇلتتىڭ ساۋدا مادەنيەتى دە بۇگىنگى باسەكەلى قوعامدا ءوز قۇنىمەن قادىرلەنىپ، قولدان سىرعىماۋىمەن ۇلى، ورايدان ايرىلساڭ ساۋدا مايدانىنا قايتادان كەلۋىڭە، ءوز ونەرىڭدى ايگىلەۋىڭە بولادى. ال،ساۋدا مادەنيەتىنەن ايرىلساڭ باسەكە ساحناسىنان ماڭگىلىك كەتكەنىڭ كەتكەن. مىنە، بۇل ساۋدا مادەنيەتىنىڭ قۇندىلىعى. سوندىقتان دا ساۋدا اقشا تابۋدىڭ عانا جەتەر بيىگى ەمەس، قايتا ءبىر ۇلتتىڭ بازار باسەكەسىنەن ساۋدا مادەنيەتى ارقىلى ءوز نەسىبەسىن الۋ. اقشا تابۋدى باستى نىسانا   ەتەتىن بولساق، ساۋدا مادەنيەتىنىڭ سان عاسىرلىق ۇلى تىزبەگىنەن شەت قالامىز، ءبىر جەكە باسىڭ ەمەس،ءبىر ۇلتتىڭ سەنىمىنە بالتا شاباسىڭ. سوندىقتان از عانا دۇنيەگە بولا سەنىمنەن ايرىلمايىق.

بۇل كۇندە ەكونوميكانىڭ وركەندەۋىنە ساي، بازاردان ءوز نەسىبەسىن الۋعا ۇمتىلىپ، ساۋداعا ويىسقان ۇلتىمىز ازاماتتارىنىڭ قاراسى وتە مول. ساپارىنا ءسات تىلەيسىڭ. تەك ءبىر جولدا جەپ ءولۋدى كوكەيىنە مۇرات ەتكەندەر كەلەشەك بازاردان ۇلتىمىز ساۋداگەرلەرىنە ويماقتاي ورىن قالدىرماي ما دەپ قورقاسىڭ. ويتكەنى بازاردى الارمان بىلەدى. دانا حالقىمىز ونى: «الۋشىعا مىڭ كوز كەرەك، ساتۋشىعا ءبىر كوز كەرەك» دەپ باياعى دا ساۋدانىڭ جايىن ۇرپاعىنا ۇلاعاتتاپتى.

قىسقاسى، ساۋدانىڭ كەمەلدەنۋى _ ۇلتىمىزدىڭ بازار باسەكەسىنەن ءوزىنىڭ ونەگەلى ءومىرىن ايگىلەۋگە اشىلعان ساحنا مادەنيەتى. ونى قادىرلەۋىمىز ۇلتتىق سەنىم، ۇلتتىق  تانىم، ۇلتتىق ازىق-تۇلىگىمىزدىڭ باعى. باعا ءۇشىن باعىن كەتىرمەۋ بازاردان باسىرەمدى الامىن دەگەن ازاماتتاردىڭ اتان جىلىك قاناعاتشىلدىعىنىڭ قانجارى. ول قولدان تايسا نە ءوزىڭدى، نە وزگەنى جاركەمدەيدى. ال، بازاردىڭ ءبىر ۇلتقا بەرەر ورايى ءدال وسى،اعايىن!




رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn