ەەڭ جاڭا مازمۇندار
2022-جىلى 7-ايدىڭ 6 -كۇنى 150 ـ سان
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان
2022-جىلى 7-ايدىڭ 2 -كۇنى 147 ـ سان
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى

ۇلتتىق ونىمدەر كاسىبىنە ۇڭىلگەندە

جولدانعان ۋاقىتى : 2016/4/11 13:00:34

ءاديا ءابۋتالىپ قىزى

    قازىر ۇلكەن-كىشى ساۋدا سارايلارىنان، بازارلاردان ورىن العان ۇلتتىق ازىق-تۇلىك،قولونەر بۇيىمدارى،كيىم-كەشەك سياقتى ۇلتتىق ونىمدەر، كوركەم قويىلعان ۇلتتىق بوياۋى قانىق ماركالارىمەن، قوراپتارىمەن جارقىراعان جۇلدىزداي كوزگە ۇرىلىپ،جۇرەككە جىلۋ سيلايتىنى شىندىق. دارا كوركەمدىگىمەن،جانعا قۋات بەرەر اۋەلگى قاسيەتىمەن ەرەكشەلەنگەن بۇل ونىمدەر ءار شاڭىراقتىڭ تورىنەن،داستارقانىنان مەنمۇندالاپ، سالت-ءداستۇرىمىزدى ارلەپ،سانىمىزگە ءسان  قوسىپ،مەرەيدى     تاسىتقانداي. دەسەدە،وسىنداعى اتىن اتاپ، ءتۇسىن  تۇستەگەن  ۇلتتىق     «انىقتاما» ەندىگى جەردە وسى ونىمدەردىڭ بازارىنا تۇساۋ بولعانىن سەزگەندەيمىز.

    ءيا،وسى ءبىر اسىل دۇنيەلەر  ادامزاتپەن بىرگە تاريحتىڭ تالاي-تالاي بوران-شاشىندى كەزەڭدەرىن،    شۋاقتى جايلى كۇندەرىن باستان كەشىرىپ ءبىرى وشكىندەپ،ءبىرى    ارىپ-توزىپ،ءبىرى ەجەلگى قالپىندا بۇگىنگە جەتكەنىن دە بىلەمىز. ال، بۇگىنگى كۇنى دانا پارتيانىڭ دۇرىس باسشىلىعىندا ۇلتتىق ونىمدەر قۇلاشىن كەڭ جايىپ وركەندەپ كوركەيۋگە بەت تۇزەدى.  

    جۇڭگو كوممۋنيستىك پارتياسى 17-كەزەكتى ورتالىق كوميتەتىنىڭ التىنشى جالپى ماجىلىسىندە  ورتالىق كوميتەت «مادەنيەت ءتۇزىلىسى رەفورماسىن تەرەڭدەتۋ،سوتسياليستىك مادەنيەتتىڭ دامۋىن، گۇلدەنۋىن  جەبەۋدەگى كەلەلى ماسەلەلەر جونىندەگى» قاراردى  ماقۇلدادى، سونداي-اق جۇڭگوشا سوتسياليزم ىستەرىنىڭ   تۇلعالىق ورنالاستىرىلۋى تۇرعىسىنان مادەنيەت ءتۇزىلىسى رەفورماسىن تەرەڭدەتۋ، سوتسياليستىك مادەنيەتتىڭ قاۋىرت دامۋىن،قاباعات گۇلدەنۋىن ىلگەرىلەتۋ جونىنەن ورنالاستىرۋ جاساپ، جۇڭگوشا سوتسياليستىك مادەنيەتتى دامىتۋ جولىنان جازباي،سوتسياليستىك مادەنيەتتەگى قۋاتتى ەل بولۋعا قۇلشىنۋدى باسا دارىپتەدى.   وسىعان وراي بەلگىلەنگەن ءتيىمدى ساياساتتىڭ جەبەۋىندە جەر-جەردە،اسىرەسە، از ۇلتتار قونىستانعان رايونداردا ۇلتتىق ونىمدەر كاسىبىندە تىڭ تەبىن كورسەتىلىپ،دامۋ قادامى ارشىنداپ، ۇلتتىق ونىمدەردىڭ ماڭدايى جارقىراي باستادى،بۇعان نەگە قۋانباسقا!

    سونىمەن بىرگە، سوتسياليستىك مادەنيەتتىڭ قاۋىرت دامۋى مەن قاباعات گۇلدەنۋىن ىلگەرىلەتۋدە قوسىن-نەگىز،دارىندى تەتىك. قابىلەتتى، جاڭالىق جاساۋعا باتىل،قۇرىلىمى ۇيلەسىمدى، كولەمى كەڭ مادەنيەت دارىندىلارى قوسىنىن جەدەل جەتىلدىرۋ كەرەكتىگى العا قويىلدى. سونىمەن، بۇل جۇمىسقا بەيىمى كۇشتى،بەلگىلى ءبىلىمى، ەرەكشەلىگى بار ۇلت ونەرىن ۇلاعاتتاۋعا بەل شەشە كىرىسكەن ازاماتتار مەن ازاماتشالار زەيىن-زەردەسىن،كوز مايىن تاۋىسىپ، بىلگەنىن، ۇيرەنگەنىن كادەگە جاراتىپ،ونەرىن كوپ ورتاسىنا سالىپ اتويلاپ العا شىقتى. العاشىندا ولار ءبىر اۋىزدى اياداي ۇيدە وتىرىپ،بۇلاق كوزىن اشسا، بۇگىنگى كۇندەرى زاۆود،كولەمدى ساۋدا بازارلارىن قۇرىپ،ءارقايسى جەرلەردەن دۇكەن اشىپ، قوس قولىمەن كاسىپ جاراتىپ،ادال ەڭبەك، ماڭداي تەرىنىڭ قارىمجىسىنا يە بولىپ، وزگەگە دە سارا جول نۇسقاپ، ونەگە كورسەتتى. ءسويتىپ، ازىق-تۇلىك، قولونەر بۇيىمدارى قاتارلى ۇلتتىق   ونىمدەر جوقتان بار بولىپ، شاعىننان ۇلكەيىپ،كوپ-كورىم بازار قالىپتاستىرىپ، ءتۇرى كۇن ساناپ مولايىپ،ساننان ساپاعا ءوتىپ،حالىقتىڭ قاجەتىن قاناعاتتاندىرىپ،ەكونوميكالىق قۇن جاراتىپ، قوعامعا تيەسىلى ۇلەس قوستى. وسى جەتىستىكتەردىڭ استارىندا نە باتپان قيىنشىلىق،بۇراڭ جول،كۇردەلى اسۋلاردىڭ بولعانى بەلگىلى. اۋەل باستا «قىسقا ءجىپ كۇرمەۋگە كەلمەي» قارجى، جوبالاۋ-جاساۋ، ماتەريال سياقتى نەگىزگى قاجەتتىلىكتەردىڭ تاپشىلىعى كەدەرگى بولدى. سولاي بولا تۇرسادا ۇلت جاندى ازاماتتاردىڭ جالىقپاي ىزدەنۋ،قايتپاس تاباندىلىق،سابىرلى توزىمدىلىكتەرىنەن جۇمىستار ساتىنە باسىپ،قۇندى تاجىريبەلەر توپتالىپ، ونىمدىلىك كورىنە باستادى. 

    مادەنيەت ءتۇزىلىسى رەفورماسىن تەرەڭدەتۋ پارتيا ورتالىق كوميتەتى العا قويعان ەلىمىزدىڭ ەكونوميكالىق، قوعامدىق دامۋىنىڭ جالپى جاعدايىنا ساياتىن كەلەلى شەشىم. مەيلى قالا مەن اۋىلدى قامتىعان الەۋمەتتىك مادەنيەت جاعىنداعى قىزمەت وتەۋ جۇيەسىنىڭ العاشقى ادىمداعى قالىپتاسۋىندا بولسىن، الدە مادەنيەت كاسىبى قۇرىلىمىنىڭ رەتتەلۋى مەن بايلىقتىڭ رەتتەلۋ،بىرىكتىرىلۋ تەبىنىنىڭ ۇزدىكسىز كۇشەيتىلۋىندە بولسىن،مەيلى مەملەكەت مەنشىگىندەگى ساۋدا سيپاتتى مادەنيەت ورىندارىنىڭ كاسىپورىن تۇزىمىنە     ويىسۋىندا بولسىن،الدە مادەنيەت ارقىلى حالىققا تيىمدىلىك جاساۋدىڭ    ءتۇيىندى ينجەنەريا قۇرىلىسىندا بولسىن، مادەنيەت ءتۇزىلىسى رەفورماسى مادەنيەتتىڭ دامۋ ومىرشەڭدىگىن بارىنشا ساۋلەلەندىرىپ،تۇتاس ۇلتتىڭ يدەيا-ءمورال ساپاسى مەن عىلىم-مادەنيەت ساپاسىن كورنەكتى تۇردە جوعارىلاتىپ، مەملەكەتتىڭ مادەنيەت قۋاتىن ونان ارى نىعايتۋعا رۋحاني كۇش بەرەدى. وسىدان كەيىن ۇلتتىق ونىمدەردىڭ جان كۇيەرلەرى،دارىندىلار ارت-ارتىنان جارىققا شىعىپ، بىرتىندەپ كوپ-كورىم قوسىن قالىپتاستىرىپ،ءونىم ءتۇرى مولايىپ، جەلىلەس ونىمدەر بازارعا شىعارىلىپ، ساپاسى جاڭالانىپ،جاڭعىرىپ، جەر-جەردەن ۇلتتىق ونىمدەر ساتىلاتىن دۇكەندەر اشىلدى. بۇلار حالىق بۇقاراسىنا ءتىپتى دە جاقسى،ءتىپتى دە كوپ رۋحاني  ازىق بەرىپ،حالىقتىڭ نەگىزگى مادەنيەت ۇقىق-مۇددەسىن قامتاماسىز ەتىپ،مادەنيەت كاسىبىنىڭ حالىق شارۋاشىلىعىنداعى تىرەكتى كاسىپكە اينالۋىنا دەم بەرىپ، مادەنيەت دارىندىلارىنىڭ مىعىم قوسىنىن قۇرىپ، سوتسياليستىك مادەنيەتتىڭ قاۋىرت دامۋىنا،گۇلدەنۋىنە دارىندىلار جاعىنان پارمەندى قولداۋ كورسەتتى. تاريحتىڭ،ءداۋىردىڭ،حالىقتىڭ قاجەتىن قاناعاتتاندىراتىن تاڭداۋلى تۋىندىلاردى جاراتۋ،ءوندىرۋ _ مادەنيەتتىڭ گۇلدەنۋى مەن دامۋىنىڭ ماڭىزدى بەلگىسى، مادەنيەت ونىمدەرىنىڭ ساپاسىن جوعارىلاتۋ،مادەنيەتتىڭ قوعامدىق سالتقا جەتەكشىلىك ەتۋ، حالىقتى تاربيەلەۋ، قوعامعا قىزمەت وتەۋ،دامۋدى جەبەۋ رولىن ساۋلەلەندىردى. بۇدان مىعىم مادەنيەت قوسىنى مەن دارىندىلار رولىنىڭ باستى ورىندا ەكەندىگىن بىلەمىز. وسى سالاعا ويىسقان كاسىپكەرلەر مادەنيەت كاسىبىن دامىتۋ سوتسياليستىك بازار شارۋاشىلىعى شارت-جاعدايىندا حالىقتىڭ ءار الۋان رۋحاني مادەنيەت قاجەتىن قاناعاتتاندىرۋدىڭ ماڭىزدى جولى ەكەنىن جىعا تانىپ،قوعامدىق ونىمدىلىكتى ماڭداي الدى ورىنعا قويىپ، قوعامدىق ونىمدىلىك پەن ەكونوميكالىق ونىمدىلىكتى ۇشتاستىرا ءبىلىپ،دامىعان مادەنيەت كاسىبي ارنا قالىپتاستىرىپ، ءداۋىر سالتىنا ۇندەسەتىن جاڭالىق جاراتۋعا قۇلشىنىپ، زامان تالابىنان شىعاتىن دۇرىس بەتالىستى يگەرىپ،مادەنيەتتى  تاراتۋ  ۇلگىسىندە جاڭالىق جاراتۋدى،مادەنيەتتىڭ كوركەيۋى مەن دامۋىن  جەدەلدەتۋدى وزەكتى ءتۇيىن ەتۋ كەرەك. بۇل وسى سالاداعى دارىندىلار مەن كاسىپ جاراتۋشىلار عانا ەسكەرەتىن مازمۇن بولىپ قالماستان،ساتۋشىلار دا نازار اۋداراتىن بۋىن. 

    «سىن تۇزەلمەي،ءمىن  تۇزەلمەيدى» دەگەن بار،تابىسىمىزبەن قوسا جەتەرسىزدىگىمىزدى ايتۋ ارتىق بولماس. ءبارى سولاي دەگەندىك ەمەس، راسىندا،كوڭىل تولماس جەرلەر دە بار. كىشكەنە ءبىر مىسال ەرلەردىڭ باس كيىمدەرىنىڭ ءبىر ءتۇرى تاقيانى الىپ ايتساق،سانى كوپ، ساپاسى از.  ءوڭى دە، كەستەسى دە كەلىسپەگەن،ءبىر جەرى الاسا،ءبىر جەرى بيىك،تىگىستەرى قىڭىر-قيسىق،جىپتەرى تارقاتىلىپ،وزىنەن-ءوزى كەتەۋى كەتكەن تاقيالاردى كورەمىز،كوبىنەسە اۋىل-قىستاقتا قاريالار بار وتباسىلارىندا   مىجىرايىپ-مىجىرايىپ ءبىر-بىرىنە قاپتالىپ بۇرىشتا جيناۋلى تۇرادى، توي-تومالاقتا  سي-قۇرمەتكە  بەرىلگەن تاقيالار كيۋگە دە،بىرەۋگە بەرۋگەدە جارامايدى، وعان جۇمسالعان قايران ماتەريال، كوز ماي،ەڭبەك، ۋاقىت، قارجى… تىگىنشىگە دە، ساتىپ الۋشىعا كەيىستىك بىلدىرەسىز.  بىرەۋ بولسا دا ماتەريالى ساپالى،ويۋ-ورنەگى لايىقتى دا ايشىقتى، كەرەككە جارايتىن، حالىقتىڭ قاجەتىنەن شىعاتىن ەتىپ ءوندىرۋ،تىگۋ باستى ورىنعا قويىلسا، الارمانداردىڭ سەنىمىنە يە بولىپ، كاسىپتىڭ كوزى اشىلىپ ءىس ىلگەرى باساتىن ەدى. ساپا بولماعان جەردە سەنىم قالاي ورناماق؟ ۇلتتىق ءتۇر-ءتۇسى باسىم ىدىس-اياق ءتۇر تۇرىمەن بازارعا شىعىپ، كەيبىرەۋىنىڭ   اسىعى الشىسىنان ءتۇسىپ،الارماندار تالاسا-تارماسا الىپ، ساۋدا قىزعىن ورلەۋگە كوتەرىلدى. دەي تۇرعانمەن، ءىشىنارالارىنىڭ ۇلتتىق بوياۋى اسىرا سىلتەنگەن،كەيبىر ىدىستاردىڭ تۇبىنە، بۇيىرىنە،ەرنەۋىنە دە ويۋ-ورنەك سىزىلعان،كەيبىر تالەنكەلەرگە تۇسىرلگەن ويۋ-ورنەكتىڭ اراسىندا دەرلىك ينە شانشار ورىن جوق، سونىمەن قازاقى ويۋ-ورنەك كوپتىگىمەن وزىندىك ەرەكشەلىگىن جوعالتىپ، كەرىسىنشە ونىمدەردىڭ كوركەمدىگىنە نۇقسان جەتكىزىلگەن. باتتاسا تۇسىرىلگەن ويۋ-ورنەك مولدىعىمەن ەمەس،از دا نۇسقالىعىمەن،ءوزارا كىرىسىپ ءبىر-بىرىنە ۇقساستاۋ رەڭدەرىمەن سول زاتتىڭ ءوڭىن اشىپ، قۇنىن بيىكتەتەدى؛تۇس كيىز، كورپە-جاستىق قاپ،ساپا جاپقىش، داستارقان تاعى باسقا تۇرمىستا كوپ پايدالانىلاتىن كەستەلى بۇيىمداردىڭ ويۋ-ورنەك، گۇلدەرى تىم كەسەك، ءجىپ رەڭدەرى ءبىرىڭعاي اشىق، ماتەريالدارىنىڭ ساپاسى شىركىن-اي ەمەس، تىگىسى سۇلە-ساپا، كورگەن جەردەن كوزگە جايلى كورىنبەيدى؛ كەيبىر داستارقان، اسجاۋلىق،ۇلكەن-كىشى قوراپ قاتارلى تۇرمىستا ۇنەمى پايدالانىلاتىن تۇرمىستىق بۇيىمدارعا، شىراق،ەسىك سياقتىلارعا دا قازاقى ويۋ-ورنەك،جازۋ تۇسىرىلگەن نەمەسە قوراپتالۋى تىم ۇلتتىق ءتۇس العاندىقتان، تەك ءبىر ۇلتتىڭ عانا تيەسىلى پايدالانۋىنا وندىرىلگەندەي ۇعىم بەرىپ، ساتىلۋى شەكتەمەگە ۇشىراپ، باسقا ۇلت الارماندارىن «ۇركىتىپ جىبەرگەن». ۇلتتىق ونىمدەردى جوبالاۋدا،جاساۋدا،وندىرۋدە، قوراپتاۋدا تەك قازاق ۇلتىن نەگىزگى تۇلعا ەتىپ ءوندىرۋدى ماقسات ەتەتىن تار جول،شەكتى بازار اۋقىمىن قالىپتاستىرۋدان اۋلاق بولىپ، باسقا ۇلت حالىقتارى،ءتىپتى، بۇكىل ادامزات ورتاق پايدالاناتىن ەتىپ ءوندىرۋ كوزدە ۇستالسا،نۇر ۇستىنە نۇر بولار ەدى. وسىلاي بولعاندا،«انانىكى-مىنانىكى» دەپ بولىنبەستەن تۇتىنۋشىلاردىڭ قارسى الۋىنا يە بولىپ،دۇكەندەرىمىزدەن الارماندار كوبەيىپ، ساۋدامىز كۇسەتتەنە تۇسەر ەدى.     

    جوبالاۋشىلار،وندىرۋشىلەر مۇراگەرلىك ەتۋ مەن جاڭالىق اشۋدىڭ بىرلىگىن ساقتاپ،ءداستۇرلى مادەنيەتتىڭ جاۋھارىن جاڭعىرتۋ مەن جالعاستىرۋدى ۇشتاستىرىپ، وزگەلەردىڭ  تاڭداۋلى مادەنيەت جەتىستىكتەرىن جاسامپازدىقپەن قابىلداپ جانە ودان ۇلگى الىپ،ۇلتتىق ونىمدەردىڭ قاي-قايسىسىن بولسا دا سان جاعىنان بولسىن،ساپا جاعىنان بولسىن،بۇگىنگى قوعامعا ۇزدىكسىز ۇيلەسەتىن، وسى زامانعى وركەنيەتپەن ۇندەسەتىن ەتىپ، ءداۋىردىڭ دامۋ تالابىمەن جاندى ۇشتاستىرىپ،ۇلتتىق مادەنيەت پەن وسى زامانعى وركەنيەتتىڭ ءوزارا توعىسىپ ايشىقتالا ءتۇسۋىن جۇزەگە اسىرۋدى جەتەر مارەسى ەتىپ، ونى كاسىپ   ەرەجەسىنە،قوعامعا ۇلەس قوسۋ جاۋاپكەرلىگىنە اينالدىرىپ، ۇلتتىق    ونىمدەردىڭ بازارىن ونان ارى كەڭەيتۋگە كۇش سالۋ كەرەك دەگىمىز كەلەدى.



رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn