ەەڭ جاڭا مازمۇندار
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرايىق
«ەكىدەن تارىقتىرماۋ، ۇشتە قامتاماسىز ەتۋ»دى تىعىز ارقاۋ ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن، باتىلدىقپەن قول جەتكىزەيىك
بالا كۇنىنەن اتويشىلداردان ۇيرەنىپ، ەسەيگەندە اتويشىل بولىپ، ۇلتتىڭ گۇلدەنۋى ۇلى مىندەتىن ارقالاي الاتىن ءداۋىردىڭ جاڭا ادامى بولىپ ەسەيىپ-ەرجەتۋگە قۇلشىنايىق
قىزمەت اترەتى ۇيرەنۋدى مال شارۋاشىلىق رايونىنداعى ساقا پارتيا مۇشەلەرىنىڭ وتباسىنا جەتكىزدى
اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ ناقتى ناتيجەلەرىن ايگىلەپ، ايماقتىڭ ورنىقتىلىق، دامۋ قىزمەتتەرىنىڭ تاعى دا تىڭ ساتىعا كوتەرىلۋىن جەبەيىك
جوعارى مەكتەپ ەمتيحانى قاقپاسىن قايتا اشۋ
عىلىمنىڭ كوكتەمى
ۇلى بۇرىلىس
ەكونوميكالىق ەرەكشە رايون قۇرۋ
شيحۋ قالاسى: شارۋالاردىڭ كۇزگى جيىن-تەرىن جۇمىسىنا كومەكتەستى
شاعانتوعاي اۋدانى: «حالىقارالىق اپاتتى ازايتۋ كۇنى» ۇگىت قيمىلىن ورىستەتتى
ءبىر ساعاتتا 903 سۇراقتى دۇرىس ورىنداپ شىقتى
«ۇعىسۋ، تيىمدىلىك جاساۋ، توعىستىرۋ» قىزمەتى تارباعاتاي ارناۋلى ايدارى قىستاقتا تۇراتىن كادرلاردى جىگەرلەندىردى
ايماعىمىز بويىنشا 1-ورىندى يەلەدى
9-جىلى 10-ايدىڭ 15-كۇنى 238-سان
شيحۋ قالاسى نانيۋان ءمالى باسقارماسى حۋاڭحى جولى الەۋمەتتىك اۋماعى مەن قىزمەت اترەتى
شاۋەشەك قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى بۇقارانىڭ اماندىعىن باستى ورىنعا قويدى
جاڭا جۇڭگونى جىرلاپ، جۇڭگو ارمانىن اسقاقتاتتى
نەگىزگى تاقىرىپتىق تاربيەنىڭ ءاربىر باسقىشىن مۇقيات يگەرىپ، ناقتى ونىمدىلىككە قول جەتكىزۋگە كەپىلدىك ەتىپ، ءار ۇلت بۇقاراسىنا جاڭا وزگەرىستەردى، جاڭا بەينەنى شىنايى سەزىندىرۋ كەرەك
ءدوربىلجىن اۋدانىنىڭ ساياحات كورىنىس تۇيىندەرى (3)
دەنە تاربيە باقشاسى قالا تۇرعىندارىن وزىنە باۋرادى
ۆەلوسيپەدپەن ساياحاتتادى
شاۋەشەك: جىلۋمەن قامداۋ سەرىكتەستىگى پار قازاندى قىزدىرىپ، جىلۋمەن قامداۋعا دايىندىق جاسادى
قىزمەت وتەۋدى اتىز باسىنا دەيىن جەتكىزدى
ءدوربىلجىن اۋدانى 180 نەن ارتىق دانەكەرمەن نەگىزگى تاقىرىپتىق تاربيەدە تەرەڭدەي ۇيرەنىپ، ناقتى ىستەۋگە كەپىلدىك ەتتى
مەيىر جەتكىزگەندەرگە قارىمجى قايتاردى
ادەبيەت-كوركەمونەر كونسەرتى جىبەك جولى مادەنيەت تاۋارلار قالاشىعىن دۋمانعا بولەدى
ساياحاتشىلار كوڭىلدى، ساۋدا كۇسەت بولدى
مەملەكەت مەرەكەسى كەزىندە شاۋەشەك پويەز بەكەتىندە جولاۋشىلار سانى قاۋىرت ارتتى
اق حالاتتى پەرىشتەلەر قىزمەت ورنىندا تاپجىلماي ىستەپ، مەملەكەت مەرەكەسىن ءماندى وتكىزدى

17 جىل قاشقان قاندىقول زاڭ تورىنا ءتۇستى

جولدانعان ۋاقىتى : 2016/5/3 13:24:55

ەرىكتى ءتىلشى   يان دۇڭجۇن

        بۇل قاندىقولدىڭ ناقتىلى اتى-  ءجونى، تۇراقتى ءادىرىسى، ءتىپتى سۋرەتى دە جوق،بەينە بۇل دۇنيەدەن عايىپ بولعان سياقتى. الايدا، قانشالىقتى الاياق بولسا دا كۇندەردىڭ بىرىندە زاڭ تورىنا تۇسەتىنى داۋ جۇرمەيتىن شىندىق. بيىل ناۋرىزدا ءدوربىلجىن اۋداندىق قوعام حاۋىپسىزدىگى مەكەمەسى مەن ايماقتىق قوعام حاۋىپسىزدىگى مەكەمەسىنىڭ سەلبەسۋىندە 17 جىل قاشقان قاندىقولدى  12 كۇندە زاڭ تورىنا ءتۇسىردى. 
17 جىلدىڭ الدىندا بەيجيڭ قالاسىندا تۋىلعان كىسى ءولتىرۋ دەلوسى 

    بۇل اڭگىمەنى 17 جىلدىڭ الدىنداعى ءبىر كۇنى كەشتەن باستاپ ايتۋعا تۋرا كەلەدى. 1999-جىلى  مامىردا 24 جاستاعى انحۇيلىق ازامات ما شياڭدۇڭ بەيجيڭ قالاسىنا جۇمىس ىزدەپ بارادى. ءوزى جاس، مىنەزى تارپاڭ ول بولماشى ىسكە بولا ءبىر اۋلادا  تۇراتىن وزىمەن ءبىر جەردە ىستەيتىن بىرەۋمەن ەرەگەسىپ قالادى ءارى باسقا بىرەۋمەن بىرلەسىپ ونىڭ سازايىن بەرەمىن دەپ بايقاماي لي xx تى ءولتىرىپ الادى. 

    ما شياڭدۇڭنىڭ نەكەدەن اجىراسقانىنا كوپ بولماعان ەدى، ونىڭ ۇستىنە، بەيجيڭدە كىسى ءولتىرۋ دەلوسىن تۋدىرىپ العاندىقتان،ىشتەي مازاسىزدانىپ قورقا باستادى،سونىمەن ول بەيجيڭنەن 3 مىڭ كيلومەتر شالعايداعى شينجياڭعا كەلىپ جان ساۋعالايدى  ءارى اتىن ما ۋي دەپ وزگەرتىپ الادى. 

    17 جىلدان كەيىن ماڭىزدى ءجىپ ۇشىنىڭ بايقالۋى 

    بيىل 18-ناۋرىزدا ءدوربىلجىن اۋداندىق قوعام حاۋىپسىزدىگى مەكەمەسى قىلمىستىق ىستەر ۇلكەن اترەتى ايماقتىق قوعام حاۋىپسىزدىگى مەكەمەسىنىڭ  قاشىپ جۇرگەنىنە  17 جىل بولعان قاندىقولدىڭ بالاسىنىڭ ءدوربىلجىن  اۋدانىندا بايقالعاندىعى جونىندەگى ءجىپ ۇشىن تاپسىرىپ الادى. ءدوربىلجىن اۋداندىق قوعام حاۋىپسىزدىگى مەكەمەسى بۇل ءجىپ ۇشىنا توتەنشە ءمان بەرىپ، دەرەۋ قاتىستى تەكسەرۋ قىزمەتىنە كىرىسەدى. 

    17 جىلدىڭ الدىندا توراپ بۇگىنگىدەي قولايلى، تۇرعىنداردىڭ ينفورماتسياسى دا قازىرگىدەي تولىق ەمەس، قوعام حاۋىپسىزدىگىنىڭ قۋعىن سالۋ جۇيەسى دە باستاپقى ساتى دا ەدى. 

    حالىق ساقشىلارى كىسى ءولتىرۋ دەلوسىنا قاتىستى قاشقىننىڭ ينفورماتسياسىن اقتارىپ كورىپ، قاشقىننىڭ سۋرەتى،ءتىپتى دەنە تۇرقى جونىندەگى تۇسىندىرمەنىڭ دە جوقتىعىن، قىلاياعى قاشقان بەتالىسى جانە  باسقا ءجىپ   ۇشىنىڭ دا جوق ەكەندىگىن بايقايدى. سونىمەن قاشقىننىڭ ۇلى ما xx بىردەن-ءبىر ءجىپ ۇشىنا اينالادى. 

ىشكەرىلەي تەكسەرۋ جۇرگىزۋ ارقىلى قىلمىستىق ىستەر ۇلكەن اترەتى ما xx تىڭ قيمىل اۋماعىن انىقتايدى. 20 جاسقا تولماعان ول ۇنەمى ءدوربىلجىن اۋدانىنداعى ءبىر توراپحانا مەن قالا شەتىندەگى ءبىر باقشانىڭ ماڭىنداعى تام ءۇيدىڭ اراسىندا كەلىپ-كەتىپ جۇرەدى ەكەن. 

حالىق ساقشىلارى بۇقاراشا كيىنىپ، قىلمىس كۇماندىسىن قولعا ءتۇسىردى

    ناۋرىزدىڭ ورتا شەنى. قىستىڭ قارى كەتىپ، جەر بەتى كوگەرىپ، كوكتەمنىڭ لەبى ەسكەن تاماشا كۇندەردە شاعىن باقشادا ءبىر جۇپ ەر-ايەل  قاۋىرسىن دوپ ويناۋدا. قاراماققا ولار وتە كوڭىلدى، جايبىراقات كورىنگەنىمەن، ءىس جۇزىندە بار نازارىن شاعىن باقشانىڭ ماڭىنداعى قىزىل قاقپاعا اۋدارۋدا. شىنىن قۋعاندا،ولار جاي بۇقاراشا جاسانىپ العان قىلمىستىق ىستەر ۇلكەن اترەتىنىڭ حالىق ساقشىلارى ەدى. 

    كۇندىز ولار باقشادا سەرۋەندەپ جۇرگەن جۇبايلاردىڭ رولىن سومداسا، ءتۇن بويى  اۆتوموبيلدە وتىرىپ قىزىل قاقپانىڭ ىشىنەن شىققانداردىڭ ءىس-ارەكەتىن قالت جىبەرمەي كۇزەتەدى. مىنە،وسىلايشا ون نەشە كۇنگە جالعاسقان جاپالى باقىلاۋ جۇرگىزۋدىڭ ناتيجەسىندە،ساقشىلار الگى قورا-جايدا 5 ادام تۇراتىندىعىن، 20 جاس شاماسىندا ەكى بالا، 70 جاس شاماسىندا ەكى قاريا جانە 50 جاس شاماسىنداعى ءبىر ەر ادامنىڭ تۇراتىندىعىن،ال وسى ەر ادامنىڭ قاشىپ جۇرگەنىنە 17 جىل بولعان قاندىقولدىڭ بويىنىڭ بيىكتىگى جاس شاماسىمەن قارايلاس كەلەتىندىگىن بايقايدى. سونىمەن دەرەۋ تۇتقىنداۋ قيمىلىنا كىرىسەدى. 

    30-ناۋرىز تۇستەن كەيىن حالىق ساقشىلارى جاراقسىز زات ساتىپ الۋشى بولىپ جاسانىپ، الگى تام ءۇيدىڭ قاقپاسىن قاعادى. قاقپانى اشقان ادام ساقشىلاردىڭ كۇزەتكەنىنە ۇزاق ۋاقىت بولعان ورتا جاستاعى ەردىڭ ءدال ءوزى ەكەن، تۇتقىنداۋ بارىسىندا ءوزىن ما ۋي اتاپ العان قىلمىس كۇماندىسى  بارىنشا قارسىلاسىپ،ساقشىلاردى ۇرىپ-تەپكىلەگەن ءارى بار داۋىسىمەن ۇيدەگى قاريالاردى شاقىرعان،قولعا تۇسكەننەن كەيىن دە ساقشىلارعا «مەن ەشتەڭە ىستەمەسەم،مەنى نەگە ۇستايسىڭدار؟» دەپ قارسىلاسقان. 

    اناسىنىڭ ءبىر اۋىز ءسوزى بارلىق قۇپيالىقتى ايپاراداي اشتى 

    تەرگەۋ بولمەسىندە قىلمىس كۇماندىسى قايتا-قايتا تالما اۋرۋى ۇستاپ قالعانداي كوزبوياۋشىلىق ىستەپ،ءوزىن جازىقسىزبىن دەپ زارلايدى. حالىق ساقشىلارى ونىڭ ۇيىنەن ازاماتتىق كۋالىگىن،نوپوس داپتەرىن دە تابا المايدى، 5 ساعات تەرگەۋ جۇرگىزسە دە ەشقانداي ناتيجەگە قول جەتكىزە المايدى. الايدا، اناسىنىڭ ءبىر اۋىز ءسوزى بارلىق قۇپيالىقتى شەشىپ بەرەدى. 

    حالىق ساقشىلارى قىلمىس كۇماندىسىنىڭ 72 جاستاعى اناسىنان « ۇلىڭىزدىڭ اتى كىم؟» دەپ سۇراعاندا،شەشەشى: « ۇلىمنىڭ اتى شياڭدۇڭ،  تولىق اتى ما شياڭدۇڭ » دەپ جاۋاپ قايتارادى. 

    17 جىلدان بەرى ما شياڭدۇڭ اتىن ما ۋيعا وزگەرتىپ، بەيجيڭنەن شاۋەشەك قالاسى مەن ءدوربىلجىن اۋدانىنا كەلىپ، جاراقسىز زات ساتىپ الۋ جانە ءۇي توبەسىن جوندەۋ سياقتى جۇمىستارمەن اينالىسىپ جان باعىپ كەلگەن.

    ءوزىنىڭ ناقتىلى اتى-ءجونىن بايقاپ قالۋىنان الاڭداپ، ازاماتتىق كۋالىك بىتىرۋگە باتىلى بارماي،جاسىرىنىپ، ۇرەي ىشىندە كۇن وتكىزگەن. بىرنەشە جىلدىڭ الدىندا ما شياڭدۇڭ بۇل دەلو ەندىگارى تەكسەرىلۋدەن قالعان بولۋى مۇمكىن دەگەن ويمەن ەكى ۇلى مەن اكە-شەشەسىن ءدوربىلجىن اۋدانىنا   اكەلىپ،الاڭسىز تۇرمىس كەشىرمەكشى بولعان، الايدا، زاڭ تورىنا بىلايشا  ءتۇسىپ قالارىن استە ويلاماعان ەدى. 

   سونىمەن 17 جىل قاشقان قاندىقول زاڭ بويىنشا قولعا الىنىپ،كەزەكتە بەيجيڭ قالاسىنىڭ حايدىڭ رايوندىق ساقشى مەكەمەسىنە تاپسىرىلىپ بەرىلدى. 




رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn