ەرىكتى ءتىلشى يان دۇڭجۇن
تەلەگراف الدامكوستىگى جۋىق جىلدان بەرى ءجيى تۋىلىپ وتىرعان مال-مۇلىككە سۇعاناقتىق جاساۋ دەلوسى سانالادى. الدامشىلاردىڭ زات ساتۋ توراپ بەكەتىنىڭ قىزمەت وتەۋشىسى بولىپ، زياندالۋشىنىڭ ينفورماتسياسىنان زاڭسىز پايدالانىپ، اقشاسىن شىعارىپ الۋ ءجايتىن ۇنەمى ەستيمىز، ءبىراق الداپ العان اقشاعا قور ساتىپ العاندى ەستىگەنبە ەدىڭىز؟
جۋىقتا ءدوربىلجىن اۋداندىق قوعام حاۋىپسىزدىگى مەكەمەسى وسىنداي جاڭا تۇردەگى تەلەگراف الدامكوستىگى دەلوسىن انىقتاپ شىقتى. ءدوربىلجىن اۋداندىق قوعام حاۋىپسىزدىگى مەكەمەسى دەلو قابىلداعاننان كەيىن 24 ساعات ىشىندە زياندالۋشىنىڭ الداپ اكەتكەن 20 مىڭ يۋان اقشاسىن قايتارىپ اكەلدى.
14-ءساۋىر تۇستە ءدوربىلجىن اۋدانىنىڭ تۇرعىنى لي xx توراپتان زات ساتىپ العاننان كەيىن ءمالىم ءبىر ەلەكتروندىق ساۋدا توراپ بەكەتىنىڭ قىزمەت وتەۋ تەلەفونىن قابىلدايدى. تەلەفوندا قارسى جاق زات ساتىپ العان كەزدە ساۋدانىڭ ءساتسىز بولعاندىعى سەبەبىنەن اقشانى قايتارىپ،زاتتى قايتالاي ساتىپ الۋ كەرەكتىگىن ايتادى ءارى وعان ءبىر انىقتاۋ ءنومىرىن جولداپ جىبەرەدى. لي xx شىن ەكەن دەپ جىبەرىلگەن كەلتە حاتتاعى انىقتاۋ ءنومىرىن « قىزمەت وتەۋشىگە» ايتادى. تەلەفون قويىلىپ 5 مينۋتتان كەيىن لي xx بانكەنىڭ جەكەلىك ەسەپ نومىرىنەن 20 مىڭ يۋان شىعارىلعاندىعى جونىندەگى ەسكەرتۋ كەلتە حاتىن تاپسىرىپ الادى.
لي xx كارتۋچكاسىنان اقشا شىعارىلعاندىعى جونىندەگى كەلتە حاتتى كورگەننەن كەيىن ساسىپ قالادى دا جاڭا عانا كەلگەن « قاريدارلارعا قىزمەت وتەۋ تەلەفونىنا» تەلەفون سوعادى، ءبىراق جالعانبايدى. سونىمەن ول دەرەۋ بۇل جاعدايدى ءدوربىلجىن اۋداندىق قوعام حاۋىپسىزدىگى مەكەمەسىنىڭ قىلمىستىق ىستەر بارلاۋ ۇلكەن اترەتىنە مالىمدەيدى.
قىلمىستىق ىستەر بارلاۋ ۇلكەن اترەتىنىڭ ساقشىلارى بانكەگە بارىپ لي xx تىڭ بانكە كارتۋچكاسىنداعى كىرىس-شىعىس ەسەپ قاعازىن شىعارىپ العاننان كەيىن اقشانىڭ ءمالىم ءبىر جەكەنىڭ ەسەپ-قيساپ نومىرىنە اۋدارىلماي، ءبىر قور سەرىكتىگىنە اۋدارىلعاندىعىن بايقايدى. حالىق ساقشىلارى دەرۋ وسى قور سەرىكتىگىمەن بايلانىس جاساپ، اۋدارىلعان قاراجاتتى مۇزداتىپ، الدامشىنىڭ قوردى شىعارىپ الۋىنان ساقتانادى.
حالىق ساقشىلارى تەكسەرۋ ارقىلى بۇل الدامشىنىڭ تەلەفوننان پايدالانىپ، لي xx تىڭ جەكەلىك ينفورماتسياسىنان زاڭسىز پايدالانۋ ءتاسىلى ارقىلى لي xx كە قور توراپ بەكەتىنەن قور ەسەپ-قيساپ ءنومىرىن اشتىرىپ، انىقتاما ءنومىرىن العاننان كەيىن ونىڭ بانكە كارتۋچكاسىنداعى 20 مىڭ يۋانىن قورعا اۋدارعاندىعىن انىقتايدى.
15-ءساۋىر تاڭەرتەڭ ءدوربىلجىن اۋداندىق قوعام حاۋىپسىزدىگى مەكەمەسىنىڭ قىلمىستىق ىستەر بارلاۋ ۇلكەن اترەتىندەگى ساقشىلار قور سەرىكتىگىمەن تاعى بايلانىس جاساپ،لي xx تىڭ ازاماتتىق كۋالىگى ارقىلى قور سەرىكتىگىنەن لي xx تىڭ 20 مىڭ يۋان ناق اقشاسىن قايتارىپ الىپ، وعان تابىس ەتەدى.
ەسكەرتۋ: توراپ الدامكوستىگى ءار ءتۇرلى بولسا، الدامشىلاردىڭ ءتاسىلى دە كۇن سايىن جاڭالانۋدا. سوندىقتان جەكەلىك ينفورماتسيانى قورعاۋ تانىمىن كۇشەيتىپ، ازاماتتىق كۋالىك ينفورماتسياسىن، سونداي-اق كەلتە حات انىقتاما ءنومىرىن باسقالارعا ءبىلدىرىپ الۋدان ساقتانۋ كەرەك. ءمۇبادا كۇماندى جاعداي بايقالسا، دەرەۋ قوعام حاۋىپسىزدىگى ورگانىنا مالىمدەۋ كەرەك.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.