ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

ءۇمىتشىل ۇل-قىزدىڭ ۇزىلمەس ولەڭى

جولدانعان ۋاقىتى : 2016/5/4 13:40:03

ماقسات قيزات ۇلى

«اياۋلى انا ساعىندىم عوي ءوزىڭدى، 
كۇن شۋاقتاي  جىلۋى بار كوزىڭدى. 
       ...    ...   ...    ...»
زال تولى بالادان  ءان ايتۋدى  ءوتىنىپ  ەدىم،سيعا تارتقان ءانى وسى بولدى. ءبىر تاڭعالعانىم،ۋادەلەسىپ قويعانداي ادەمى ءاننىڭ سوڭعى ەكى تارماعىن ەشكىمى دە جالعاي العان جوق. سوعان كەلگەندە، داۋىستارى تارعىلدانىپ،جانارلارى جاۋتاڭداي بەرەدى،سوڭعى تارماق ولاردىڭ سوڭعى ءۇمىتى سياقتى.

    بۇل بالالاردىڭ ءوزى دە، لاشىقتارى دا قالادان وقشاۋ جەردە ەكەن، اينالا قۇلاققا ۇرعان تاناداي.

   «بۇل جەرگە ارنايى جۇمىسى بولماسا،تانىس اعايىن تۇگىل بالالاردىڭ اتا-اناسى دا كەلە بەرمەيدى. مىنا قىز بالانى شەشەسى  بىلتىر  اكەلىپ تاستاعان، جىل بولىپ قالدى، قاراسىن دا كورسەتكەن جوق، تەلەفون بەرسەك تەلەفون ءنومىرىن وزگەرتىپ جىبەرىپتى،بىزگە بەرەتىن اي سايىنعى 200 يۋاندى اۋىرسىندى ما، جوق، ەسى بىردە بار، بىردە جوق مىنا بەيشارادان قۇتىلعانىن قۋانىش سانادى ما، بىلمەدىك، كوجەگىن قاراعاننىڭ تۇبىنە تاستاپ كەتكەن قويانشا ءىزىم قايىم جوعالدى، بالانى دالاعا تاستايتىن ەمەس، بار مەيىرىمىمىزدى توگىپ، باعىپ كەلەمىز. باستابىندا بۇل بەيباق بەتىن دە تۇزەپ جۋا المايتىن، تاربيەنىڭ اتى تاربيە ەمەس پە، قازىر ءوز كيىمىن ءوزى جۋاتىن حالگە جەتتى» دەپ توگىلە  سويلەگەن        ياڭ شياۋپيڭ تاربيەشىنىڭ سوزىنەن-اق تارباعاتاي ايماقتىق «زەيىنى تومەن بالالاردى ساۋىقتىرۋ ورتالىعىنداعى» وقىتۋشىلاردىڭ موينىنداعى جۇكتىڭ جەڭىل ەمەس ەكەنىن سەزدىك. 

     نەگە سەزبەيىك،ارامىزدا اياق -قولى  بالعاداي بالاسىنىڭ ءوزىن ازەر باعىپ جۇرگەن اتا-انالار قانشاما. ونىڭ جانىندا جات بىرەۋدىڭ اقىلى بىردە بار، بىردە جوق، ويىنعا دا، وقۋعا دا مۇمكىندىگى شەكتەۋلى  ورەنىن تۇمسىقتىعا شوقتىرماي، قاناتتىعا قاقتىرماي باعىپ-قاعۋ ادام بالاسىنىڭ ەڭ ارداقتىلارىنىڭ قولىنان كەلەر ىزگىلىك ءھام ىسكەرلىك دەيمىز. 

    بۇلار بىزگە ءومىردىڭ قادىرى مەن دەنساۋلىقتىڭ قاسيەتىن سەزۋدى ۇيرەتۋگە كەلگەن پەرىشتەلەر سياقتى، سىرت كوزگە بەت-الپەتى سيىقسىز، ءسوز-ارەكەتى سولەكەت بولعانىمەن، كىرە سالعان بويدا قۇشاعىن اشىپ، قولىڭنان تارتىپ، اياعىڭا ورالادى. كەلگەن كىسىدەن مەيىر سۇرايدى، كەلگەن كىسىنى كۇلىمسىرەپ شىعارىپ سالادى. كوڭىلدەرىندە قىلاۋداي كىر جوق. ءبىراق جۇرەكتەرىندە ينەنىڭ جاسۋىنداي بولسادا ءبىر مۇڭ بار ەكەنىن بىزدەن بۇرىن تاربيەشىلەرى سەزەدى ەكەن. 

    «ءسىز ءبىر ءتۇرلى بولىپ قالدىڭىز-اۋ، بالكىم، جيىركەنىپ تە تۇرعان بولارسىز»  دەگەن تاربيەشى قاراتورى قازاق قىزىنىڭ   ءسوزى سەلت ەتكىزدى. ويىمداعىنى وزىمدەي ءبىلىپ تۇرعانىن قاراشى، نە دەرىمدى بىلمەي ابدىراپ قالدىم. «تۇسىنۋگە بولادى، ءسىز بۇل ورتانى تۇڭعىش كورىپ تۇرعان شىعارسىز، بالكىم. كورمەگەن ادام قانشاما، كورگەن بەتتە اۋزىڭىزعا شۇكىر دەيتىن قاستەرلى ءسوز تۇسكەنىن دە ءبىلىپ تۇرمىن، ءتاڭىر ءار وتباسىنا دەنى-ساۋ بالا بەرسىن دەپ تىلەيمىز، بالانىڭ ساۋلىعى ءبىر وتباسىنىڭ باقىتى ەكەنىن ادام بالاسى كەيدە سەزبەي قالادى-اۋ.

    جان ساۋلىق پەن ءتان ساۋلىقتىڭ قادىرىن وسى جەرگە كەلگەندە سەزەسىز، بۇل جەردە 2 جاستان 15 جاس ارالىعىنداعى زەيىنى تومەن بالالار تاربيە الادى، كوبىسى ميى سالدانىپ، ەس-اقىلدان كەندە بولعان بالالار. جابىعۋ اۋرۋىنا كىرىپتار بولعان ورەندەر دە بار. مىنا 15 جاستاعى ءسىڭلىمدى قاراپ جاتقانىما جارىم جىل بولىپ قالدى. العاش كەلگەندە تۇزگە دە دۇرىستاپ وتىرا المايتىن. تاربيەشىلەردىڭ جانىن سالىپ قاراۋىنىڭ  ارقاسىندا  وڭالىپ قالدى.

    وسىنداعى وقىتۋشىلاردى دۇنيەدەگى ەڭ مەيىرىمدى،ەڭ قاجىرلى جاندار دەپ بىلەمىن. بۇل جەردەگى بالالارعا ءبىر كۇن قاراماق تۇگىل ەسىكتەن كىرسە بولدى،‹قۇداي، مىناداي جەردە جىندى بولماي قايتىپ ءومىر ءسۇرىپ جاتىرسىڭدار› دەپ ەسىكتى تارس  جاۋىپ شىعىپ كەتكەن ادامداردى دا كەزىكتىردىك. راسىن ايتقاندا، سىزگە دە مىنا بالانى ءبىر كۇن قاراپ  بەرىڭىزشى دەسە قاراپ بەرە الاسىز با؟» دەپ ول مەنىڭ  وزىمە قارسى  سۇراق قويعاندا باسىمدى شايقاعاننان باسقا ءلام دەپ ءتىل قاتا المادىم. 

    راس -اۋ، شىندىقتىڭ  الدىندا نە دەپ اقتالۋعا بولادى؟! سىزدەن دە سۇرايىنشى   وقىرمانىم، اۋزىنان سىلەكەيى اعىپ، استىنا جىبەرىپ قويعان بالانىڭ اۋزىنا تاماق شايناپ بەر دەسە، تۇشىركەنىپ بەرە الار ما ەدىڭىز؟!

    ونداي باتىلدىق،ونداي كوپشىلدىك،ونداي جۇمساقتىق ءسىز بەن ءبىزدىڭ قولىمىزدان كەلە مە،تۇشىركەنبەك تۇگىلى تىتىركەنىپ كەتەرسىز.

   اشىعىن ايتقاندا، ولار جازمىشتىڭ جازۋىمەن كوزى ءىرىڭ، شاشى ۇيپا، ەسى بۇرىس، دەنى مۇكىس جارالعان بەيباقتارمەن بىرگە كۇلىپ، بىرگە ويناپ، بىرگە تۇرىپ، بىرگە جاتىپ ءجۇر...

ءيا، ولار، ءسىز ونى، بالكىم، تانيسىز، بالكىم، تانىمايسىز، تانىماساڭىز ايتايىن، ولار «تارباعاتاي ايماقتىق زەيىنى تومەن بالالاردى ساۋىقتىرۋ ورتالىعىنداعى» 6 قازاق، 5 حانزۋ، 2 ۇيعۇر وقىتۋشىدان قۇرالعان مەيىرلى جاندار توبى. ولار ءبىر ءۇيدىڭ بالاسىنداي بەرەكەنىڭ قازانىن ورتاق اسىپ، ماڭدايى تايقى جاۋتاڭكوزدەرگە ءيىلىپ توسەك، جايىلىپ جاستىق بولىپ، مىگىر تاپپاي جۇمىس ىستەپ ءجۇر.  

    بۇل ورتالىقتى 2011-جىلى حى پيڭ    ەسىمدى اپايىمىز قۇرىپ شىعىپتى. ايماقتىق مۇگەدەكتەر بىرلەستىگىنىڭ ماقۇلداۋىمەن   قۇرىلعان ورتالىق قازىرگى كۇنى مىڭداعان زەيىنى تومەن بالالاردىڭ جىلى ۇياسىنا اينالىپتى. 

    «ءسىز مىنا بالالارعا قاراپ، بۇلار وسى بەتى وڭالماي كەتەتىن شىعار دەپ ۇمىتسىزدەنەتىن شىعارسىز، ال، كەرىسىنشە، ءبىزدىڭ باستى جاۋىمىز _ ۇمىتسىزدىك.  بۇل جەردە ىستەيتىن تاربيەشىلەرگە قويىلاتىن باستى تالاپ مەيىرىمدىلىك پەن ۇمىتكەرلىك. ورتالىعىمىزعا ميى سالدانعان تالاي بالا كەلدى. ولار كەلە سالعاندا ءوز اتىن دا ايتا المايتىن. تاربيە مەن باعىپ-قاعۋدىڭ ارقاسىندا سول بالالاردىڭ الدى باستاۋىش مەكتەپكە ءتۇستى.

   كادىمگىدەي دۇرىس سويلەپ، دۇرىس ءجۇرىپ-تۇرا الاتىن بولدى. ءبىز دە باستابىندا بۇل بالالاردىڭ ەس-اقىلى تومەن، كوپ نارسەنى پارىقتامايدى دەپ ويلايتىنبىز، ءبىراق جىل وتە كەلە ويىمىزدىڭ ولقى ەكەنى تۇسىندىك. 
بالالاردىڭ تاماعى توق، كيىمى ءبۇتىن، جاتار ورنى تازا، وينايتىن ويىنشىعى دايىن، تەك ءبىر نارسە جەتپەيدى.  ءبىز قانشا جۇرەگىمىزدى بەرگەنىمىزبەن، ولار بىزگە جۇرەگىن بەرە قويمايدى. قاشان كورسەڭ ولاردىڭ اۋىزىنان ‹اكەم قايدا، انام قايدا› دەگەن سوزدەر شىعادى. كەلگەن كىسىلەردەن ‹سەن مەنىڭ   انامسىڭ با، اكەمسىڭ بە› دەپ سۇرايدى. سول كەزدە نە دەپ جاۋاپ بەرەرىڭدى بىلمەي  قالاسىڭ. ‹اۋرۋىڭدى جاسىرعانمەن،ءولىمىڭ اشكەرە ەتەدى› دەگەن. بالالاردىڭ كوبىسىنىڭ اكە-شەشەسى اجىراسىپ، ەكونوميكالىق قۋاتى تۇرالاپ كەتكەندەر. ولار بالالارىنا تىم سيرەك كەلەدى. ورتالىعىمىز 7 جاستان تومەن بالالاردان باعۋ اقىسىن المايدى. قازىر ورتالىعىمىزدا 50 دەن استام  وقۋشى  بار. ولار حانزۋ، ۇيعۇر، قازاق، موڭعۇل، حۇيزۋ ۇلتىنىڭ بالالارى. ولاردى ءوز بالامىزدان ارتىق قارايمىز. ويتكەنى ولار ايالى الاقانىمىزدىڭ جىلۋىنا ءزارۋ عوي» دەدى ورتالىقتىڭ قۇرۋشىسى حى پيڭ ءارقايسى سۇراعىمىزعا باپپەن جاۋاپ بەرىپ. 

    سول اراداعى وقىتۋشىلارمەن قوشتاسىپ كەتىپ بارا  جاتقانىمىزدا  قارسى  بولمەدەن بالالاردىڭ  ءالسىز  داۋىسى  ەستىلدى. ول _ «توبەم كوككە جەتسە داعى، ارداقتايمىن مەن سەنى» دەپ كەلەتىن ەڭ كەرەمەت  داۋىس ەدى، ول _ ساۋىقتىرۋ ورتالىعىنداعى ورەندەردىڭ وسىنداعى ارداقتى  انالارىنا ارناپ  ايتىلعان اسىل ءانى ەدى، ول _ ءۇمىتتى ۇل-قىزدىڭ ۇزىلمەس ولەڭى ەدى.

سۋرەتتە: انا مەيىرىنە بولەنگەن ساۋىقتىرۋ ورتالىعىنداعى ورەن.




رەداكتورى: ارداق  كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn